الأخبار
أخبار إقليمية
وزير العدل يفرج عن اشقاء "نافع" المتهمين بتعذيب وقتل الراعي "عطا المنان"
وزير العدل يفرج عن اشقاء "نافع" المتهمين بتعذيب وقتل الراعي "عطا المنان"
وزير العدل يفرج عن اشقاء


داس على القانون واطلق سراحهما دون موافقة اولياء الدم
12-16-2014 11:13 AM
الراكوبة – الخرطوم داس وزير العدل محمد بشارة دوسة على القانون، واصدر قراراً بشطب الاتهام في مواجهة (أحمد علي نافع) المعروف باسم (البلال)، وافرج عن (عبد الرحمن علي نافع) المتهمان بالتحريض على تعذيب وقتل المواطن (عطا المنان حسن عبد الله) الذي يعمل راعياً، تحت مزاعم تورطه في سرقة مواشٍ بمدينة شندي، مملوكة لأسرة المتهمين.

وقرر الوزير شطب الدعوى في مواجهة (البلال) على الرغم من أن وكيل النيابة الاعلى قد وجّه له التهمة فعلياً، وايضا أمر باطلاق سراح (عبد الرحمن علي نافع)، على الرغم من أن الوزير نفسه أقر بتوفر البينة الأولية على التحريض بحق المتهم (عبد الرحمن علي نافع) وبقية المتهمين، واعتبر أن ذلك يبرر استمرار اتهامهم في الدعوى الجنائية رقم 380/2014 قسم شندي، لمزيد من التحريات".

وجاء قرار الافراج عن (أحمد علي نافع) المعروف باسم (البلال)، وشقيقه (عبد الرحمن علي نافع) دون موافقة اولياء الدم، بحسب ما قاله (محمد حسن عبد الله رحمة) شقيق "الراعي القتيل" لصحيفة (الصيحة) المملوكة للخال الرئاسي الطيب مصطفى.

واكد خبراء قانونيون لـ (الراكوبة) ان الوزير خالف المادة 6 - (2) من لائحة تنظيم عمل النيابة الجنائية لسنة 1998م "تعديل لسنة 2008م"، والتي تحظر إلغاء التهمة الموجة من وكيل النيابة الاعلى لأي متهم. وايضا خالف المادة 106 - (2) من قانون الاجراءات الجنائية لسنة 1991م، والتي تمنع الافراج عن عن المتهمين في جرائم القتل دون مواقفة اولياء الدم. وهو ما لم يحدث في قرار اطلاق شقيقي نافع علي نافع.

وذكرت صحيفة (الصيحة) الصادرة في الخرطوم، ان هيئة الاتهام في قضية مقتل الراعي "عطا المنان حسن عبد الله رحمة"، تقدمت بطلب للمحكمة الأمنية التي شكلها جهاز الامن لمحاكمة منسوبيه المتهمين بتعذيب ومقتل الراعي، تقدمت اليها بطلب لرفع الحصانة عن منسوبي جهاز الأمن والمخابرات، استناداً على قرار وزير العدل الذي قضى بـ"مخاطبة مدير جهاز الأمن والمخابرات لرفع الحصانة عن منسوبي وحدة الأمن بمحلية شندي، لتقديمهم للمحاكمة".

وطالبت هيئة الاتهام في قضية مقتل الراعي، المحكمة الامنية الخاصة بضرورة توحيد المحاكمة وعدم تجزئتها، بحيث تنعقد المحكمة في دائرة الاختصاص، بمحكمة شندي، بدلاً من أن تكون هناك واحدة في الخرطوم وأخرى في دائرة الاختصاص بشندي.

وكانت المحكمة الخاصة التي انعقدت لمحاكمة منسوبي جهاز الأمن والمخابرات، قد طلبت سماع أقوال المتحري في القضية وكيل أعلى نيابة شندي، لكنه أبلغ المحكمة بأنه لم يقم بالتحري مع المتهمين لجهة أنه لم يتم رفع الحصانة عنهم. وبالتالي لن يكون اهلاً للافادة.

وانتقد خبراء قانونيون تحدثوا لـ (الراكوبة) محاكمة منسوبي جهاز الامن المتهمين في قضية تعذيب ومقتل "عطا المنان"، من خلال محكمة امنية خاصة. واشار الخبراء الى ان تلك المحكمة ستكون محكومة بقانون جهاز الأمن، وهو ما يجعل نزاهتها على المحك، فضلا عن ان قانون الامن والمخابرات لا يعاقب منسوبي الجهاز بعقوبة الاعدام، وانه يكتفي بعقوبة تأديبية مثل السجن، الطرد والابعاد عن الخدمة.

واكد الخبراء القانونيون ان انشاء المحكمة الامنية الخاصة لمحاكمة منسوبي جهاز الامن المتهمين بتعذيب ومقتل الراعي "عطا المنان"، يعتبر مخالفاً للقانون من واقع ان المحكمة الدستورية اكدت - من خلال حكمها ببراءة النقيب ابو زيد - انه ليس من حق الشرطة او جهاز الامن انشاء محاكم خاصة لمحاكمة منسوبيهم في تهم ذات ارتباط مدني، وان ذلك من حق القوات المسلحة فقط.

ولفت الخبراء الى ان مجرد تشكيل محكمة امنية خاصة لمحاكمة منسوبي جهاز الامن المتهمين بتعذيب ومقتل الراعي "عطا المنان"، يؤكد ان افراد الجهاز قاموا بفعل خارج اختصاصهم، وذلك بالمشاركة في القبض على وتعذيب الراعي (وفقا لصحيفة الاتهام)، وهذا بدوره يعني ان اشقاء الدكتور نافع علي نافع قد استغلوا نفوذ وسلطات شقيقهم، لان الجرائم الجنائية من اختصاص الشرطة وليس جهاز الامن.

وتوقع الخبراء ان يتم فتح الملف على مصراعيه في مقبل الايام بحيث تتم محاكمة الضباط الذين اصدروا الاوامر لافراد الامن بوحدة شندي، للمشاركة في القبض على "الراعي"، وهو ما يعد تسخيرا لامكانيات الجهاز لخدمة اشقاء نافع علي نافع، لجهة انه لم يسبق لجهاز الامن ان شارك في عملية القبض على متهمين بالسرقة.

في وقت انتقد أولياء دم القتيل قرار وزير العدل الذي قضى بإطلاق سراح (أحمد وعبد الرحمن علي نافع)، المتهمان في مقتل وتعذيب الراعي "عطا المنان"، لكونه حدث دون موافقتهم، واعتبروا أن ذلك يتنافى مع لائحة عمل النيابات لسنة (2008) التي تشترط موافقة أولياء الدم.

وتبرأ "محمد حسن عبد الله رحمة" شقيق القتيل من الصلح الذي تم في القضية، لأنه خلا من ممثل أولياء الدم. وقال لـ"الصيحة" إنهم لم يفوّضوا أي شخص سواء كان قيادياً حزبياً أو قبلياً لينوب عنهم في الصلح، لكن شقيق القتيل عاد وأفسح الباب أمام الصلح، لكنه اشترط أن يكون ذلك عقب صدور حكم المحكمة، مؤكداً أن القتيل لم يتم اتهامه أو تقديمه للمحاكمة طوال حياته، ولم يعرف عنه ما يشين السمعة أو يضر بالأخلاق العامة".

وكان وزير العدل محمد بشارة دوسة قد شطب الاتهام في مواجهة أحمد علي نافع (المعروف باسم البلال)، المتهم بالتحريض على تعذيب وقتل المواطن (عطا المنان حسن عبد الله) الذي يعمل راعياً، تحت مزاعم تورطه في سرقة مواشٍ بمدينة شندي، مملوكة لأسرة المتهم.

وجاء قرار وزير العدل بعد الطلب الذي تقدم به عادل عبد الغني محامي الدفاع عن المتهم أحمد علي نافع وآخرين، طالبا فيه شطب الاتهام في مواجهته، تأسيساً على عدم توفر عناصر جريمة التحريض في مواجهته. واحتياطياً الإفراج عنه بالضمان العادي أو بأي شرط.

واستند الوزير على المادة (57) من قانون الإجراءات الجنائية لسنة 1991م. وبرر قراره بأن "البينة الأولية لتأسيس الاتهام لا تكفي بالقول إن أحمد علي نافع (البلال) ارتكب جريمة التحريض الواردة في المادة (25) من القانون الجنائي".

لكن الوزير أكد توفر البينة الأولية على التحريض بحق المتهم عبد الرحمن علي نافع وبقية المتهمين، واعتبر أن ذلك يبرر استمرار اتهامهم في الدعوى الجنائية رقم 380/2014 قسم شندي، لمزيد من التحريات".

وقرر وزير العدل مخاطبة المدير العام لجهاز الأمن والمخابرات لرفع الحصانة عن المتهمين من منسوبي وحدة الأمن بمحلية شندي، ووجه باستكمال التحريات وتقييم البينات بواسطة النيابة المختصة.

وجاء قرار وزير العدل بناء على الطلب المقدم من خالد المبارك وآخرين نيابة عن ذوي المرحوم عطا المنان حسن عبد الله، للقبض على المتهمين من أفراد جهاز الأمن والمخابرات، واحتياطياً اتخاذ ما يلزم لرفع الحصانة عنهم.

ولقى "عطا المنان" الذي يعمل راعيا للمواشي، مصرعه في مارس 2014م، اثناء احتجازه بقسم شرطة شندي الذي جاءه مخفوراً من قسم شرطة "تميد النافعاب"، بعد ان تم إلقاء القبض عليه بتهمة سرقة مواشي مملوكة لاشقاء القيادي في المؤتمر الوطني نافع علي نافع، بواسطة قوة ترتدي زياً مدنياً، بينهم شقيق نافع نفسه.

وكشف تقرير الطب الشرعى تعرض المواطن "عطا المنان حسن رحمة – 55 عاما، من منطقة ابودليق واب لخمسة ابناء" لعمليات تعذيب واسعة، واكد التقرير ان اظافره قد نُزعت، واشار الى وجود اصابة في رأس القتيل ونزيف داخلي بالمخ، ونزيف في البطن، ما تسبب في حدوث نزف يقدر بحوالى 4 لتر من الدم، فضلا عن وجود نزيف في الخصية يقدر بحوالي 300 ملم من الدم).

ويقول "علي بلال" ابن خال الراحل "عطا المنان": إن المرحوم رجل ذو خلق ودين وهو يعمل راعياً للاغنام بمنطقة خلوية بالقرب من منطقة ابودليق، وانه في يوم الحادثة وعند الساعة الواحدة صباحا تم إلقاء القبض عليه من منزله ضمن ثمانية آخرين بتهمة سرقة مواشي. وتم اقتياده الي قسم "تميد النافعاب" ومعه بقية المتهمين. واضاف (قبل القاء القبض عليه حضر اليه بعض المتهمين في منزله وكعادة اهل القري قام باكرامهم ومن ثم راحوا الي سبيلهم الامر الذي جعل الشرطة تضعه في دائرة الاتهام) . وقال انه وبعد اعتقاله (لم نشاهده الا جثة هامدة عليه اثار ضرب في كل اجزاء جسده).

وكشف الدكتور بخيت النقر البطحاني عن قسوة التعذيب الذى تعرض له القتيل "عطا المنان" ورفاقه بقسم شرطة "تميد النافعاب" تحت اشراف شقيق نافع على نافع، بناء على شهادات الشهود من المعتقلين، وقال الدكتور بخيت فى مقال نُشر بصحيفة (الراكوبة) الالكترونية : (ان عطا المنان ورفاقه نُزعت أظافرهم بالكماشة، وضربوا في مواضع حساسة، وخصي بعضهم وعذبوا ونُكِّل بهم شر تنكيل، واستخدمت معهم ألفاظ مشينة وجارحة وخادشة للحياة نعف أن نكتبها).


تعليقات 64 | إهداء 0 | زيارات 21349

التعليقات
#1171675 [بطانة علي وحسان]
0.00/5 (0 صوت)

12-18-2014 09:03 AM
كتب مايسمي[عبادي] 12-16-2014 09:23 AM
سويتو شهيد حته واحدة
كلهم حرامية يا سيد
اخوان نافع والميت


(كيف عرفت المرحوم إنو حرامي الراجل في ذمة الله و أتق الله فيما تقول.)

[بطانة علي وحسان]

#1171381 [زول وطني غيور]
2.00/5 (1 صوت)

12-17-2014 11:02 PM
على أولياء الدم رفع قضية إلى المحكمة العليا مباشرة إذا لم تستجب المحكمة العليا لقضيتهم عليهماالتوجه إلى مكتب الأمم المتحدة بالخرطوم وتسليم مذكرة للسيد/ ممثل الأمين العام للامم المتحدة بها كل حيثيات القضية وممكن الإستعانة بمحاميين .. إذا كانت السيد/ نافع وإخوته جعلوا من السودان فوضى العالم الخارجي ليست فوضى.

[زول وطني غيور]

#1171309 [واحد]
5.00/5 (1 صوت)

12-17-2014 08:59 PM
إنما أهلك الذين قبلكم أنهم كانوا إذا سرق فيهم الشريف تركوه وإذا سرق فيهم الضعيف أقاموا عليه الحد وايم الله لو أن فاطمة بنت محمد سرقت لقطعت يدها وفي حديث ابن رمح إنما هلك الذين من قبلكم.

فيا دوسة ان شاء الله يدوسك قطر

[واحد]

#1171231 [مبارك]
5.00/5 (1 صوت)

12-17-2014 06:57 PM
من خلال ألفاظه النابية وتصديه ﻷى قضية تخصه أو ﻻ تخصه يكون السيد نافع قد جنى على إخوته واوحى لهم بان افعلوا ما بدا لكم ، اذا كنت انا اشتم واسب كل ااشعب السودانى على الملأ فمن باب أولى ان تقتلوه انتم ... حسبنا الله ونعم الوكيل

[مبارك]

#1171045 [باحث]
5.00/5 (2 صوت)

12-17-2014 08:55 AM
إن صح التقرير الطبي الخاص بتعرض المتوفي للتعذيب قبل وفاته فيصبح علي علماء الدين وعلينا جميعا أن نتسائل هل يجوز لأي سلطات مهما كانت أن تقوم بتعذيب المتهم للحصول علي دليل الإدانة وهل هذا موجود في شريعة الإسلام؟؟؟؟؟؟

[باحث]

ردود على باحث
Saudi Arabia [القلم الحر] 12-17-2014 09:11 PM
من غير تقرير طبى الجماعه لموا فيه ومسكوه بجيبوا خبره طوالى بدون كلام سيبك من تقرير وكلام فاضى وانا بعرفهم كويس من حمد على نافع ناس مشاكل ساكت وعندهم البقرب منهم حقوا راح عديل كدى وبالنهار


#1171033 [nagatabuzaid]
5.00/5 (2 صوت)

12-17-2014 08:12 AM
للبطاحين مكانة ومعزة فى نفسى اعرف مجموعة منهم من عرفتهم يتميزون بالفهم والوعى والشهامة والحكمة منهم اذكر مجذوب طلحة ابن شيخ البطاحين جمعنا نظام عمل و كان فى الحكم المحلى وايضا قبل سنوات قليلة كنت فى رحلة عمل بالاردن بعد الانتهاء كان ضمن البرناج جولة سياحية شملت معظم المناطق الاثرية والسياحية بالاردن من بيتها العقبة قابلت شاب شهم ممتاز من البطاحين قدم لى خدمات لن انساها بين دهشة المرافقين فى الرحلة وكانوا من جنسيات مختلفة فاوضحت لهم ان السودانى هكذا اينما حل . البطاحين غنيين عن التعريف ولن يتركوا حقهم وحسب ما يشاع ان لحم اكتاف نافع من خير البطاحين وله علاقة بحوش نظارة البطاحين ربته عمه او خالة له متزوجة منهم فنشاء وسط البطاحين والله اعلم ولكن لم يتاثر بهم وقد يكون لاسباب جينية وراثية فالاجرام احيانا يكون وراثى
الملاحظ ان نافع واسرته ولا اقصد النافعاب اقصد اخوته شخصيات غير سوية مريضة وقد يكون نوع حياتهم وخلفياتهم الغير معروفة جعلتهم يعانون من هذا المرض وهو التلذذ بتعذيب الادميين حمانا الله واياكم اهل السودان

[nagatabuzaid]

ردود على nagatabuzaid
United Arab Emirates [بطانة علي وحسان] 12-18-2014 07:34 AM
شكرا نجاة وإنت بت قبائل وتستاهلي فيما قام به ود عمك البطحاني ودا واجبه..وبعدين يا سيد سوداني منو القال ليك النافعاب أولاد عم للبطاحين؟لا رحم ولا دم يجمع بينهم وكل ينتمي لمجموعة عرقية ..أهلنا يفدوا الروح ويحقنوا الدم مش يستعلوا بما أمدهم الله به من سلطات ورغم ذلك لنا كبرياءنا.

Sudan [WADALBASHA] 12-18-2014 06:51 AM
Text intervention bridges courageous Njad Abouzaitt
For Btahin status and goat myself I know a group of them knew characterized by understanding, awareness and magnanimity and wisdom, whom I remember Majzoub Talha Ibn Sheikh Batahin collected the work system and was in local government, as well as a few years ago I was on a business trip to Jordan after the completion was part of CERP tour included most of the archaeological areas Tourism and Aqaba in Jordan, from her house I met a young gentleman of excellent services Batahin gave me I will never forget the surprise accompanying the trip and they were of different nationalities explained to them that the Sudanese So wherever solution. Batahin enlightening definition will not leave their right, according to the rumors that the meat shoulders wholesome of good Batahin has a relationship Bhouc glasses Batahin was raised by his uncle or aunt has married them Venca center Batahin and God knows, but not influenced by them may be genetic reasons genetic Criminality sometimes be hereditary
Remarkably, wholesome and his family nor his brothers, I mean I mean Nafab figures abnormal patient may have their lives and backgrounds type unknown made them suffer from this disease, a pleasure torturing humans Hamana God and you are the people of Sudan

Sudan [nagatabuzaid] 12-18-2014 03:37 AM
السلام عليك يا سودانى هل قرات تعليقى جيدا ؟؟ هل قهمته جيدا ؟؟؟؟؟؟؟ ان تعليقى معناه لا يختلف عما كتبته انت كدى اقعد وقل بسم الله وستجدنى لم اسىء للنافعاب رغم انى لا اعرفهم ولكنى مقتنعه انه لا دخل لهم ولا ذنب لهم فيما يقوم به ابنهم الذى لا يشبه سلوك السودانيين كما انى لم امس البطاحين بل بينت معرفتى بعض افرادهم ومواقفهم وسلوكهم الكريم الاصيل ولمعرفتى لخصالهم متاكدة انهم لن يتركوا دوسة يدوس على قضيتهم ان كانوا ابناء عمومتهم ام ابناء حبوبتهم ولا شنو يا سودانى ؟

Saudi Arabia [سودانى] 12-17-2014 09:03 PM
هذا سلوك شخصى لافراد لا تتحمل تبعاته قبائل اتقوا الله هؤلاء الناس تصرفوا حسب مفهمومهم هم لا دخل للقبائل بتصرفاتهم فالقبائل لم ترشحهم ليمثلونها رسميا ولو ان القبائل كانت تختار ممثليها لما وجدو هؤلاء فى الحكم كلنا اصبح علينا الصبح فوجدنا هذه الوجوه وجاءت باسم تنظيم وليست باسم قبيلة وانهار التنظيم وبقى كل واحد لافى على مزاجو فالتنظيم وحده هو الذى يتحمل التبعات ابعدو عن القبلية فلا البطاحين لهم دخل بهذا الموضوع ولا النافعاب ديل كلهم ابناء عمومة والبينهم عامرة وكلهم رجال تجد منهم اكثر مما وجدته يا Nagatab0000


#1171030 [الدرب الطويل]
5.00/5 (1 صوت)

12-17-2014 08:07 AM
دم المغدور به ما بيضيع يا ضار يا وضيع..

اذا كان دا حالنا مع النظام الإبليسي الحاكمنا عليكم الله حرس الحدود المصري ما ليهو حق يعتقل ويعذب ويقتل السودانيين داخل الاراضى السودانية؟؟.. او الشفتة الاثيوبية يفتحوا نار على الرعاة السودانيين داخل ولاية القضارف؟؟..

هي لله هي لله.. بتاعة الكيزان(طبعاً)

[الدرب الطويل]

#1170983 [omer]
5.00/5 (3 صوت)

12-17-2014 05:04 AM
ادعو اهلنا البطاحين بالهجوم علي قرية تميد النافعاب و قتل كل من فيها لان هذا هو القانون السائد قانون الغابة

[omer]

ردود على omer
[YASEEN] 12-17-2014 07:02 PM
أخى الفاضل لتعلم أنك تدعو الى الفتنه....تدعو الى مهاجمة الآمنين وقتل النفس المعصومه بفير حق...ولتعلم إذا ثأثر اى احد بماكتبته..فإنك ستبوء بذنبه الى يوم القيامه لانك حرضته ودفعته وشجعته على فعل الشر لافعل الخير ...واخيرا لتعلم
ان المكر السى لايحيق إلا بإهله
ان المكر السى لايحيق إلا بإهله
ان المكر السى لايحيق إلا بإهله

قل خيرا اوأصمت ودع العدالة تجرى مجراهاياأخى وصدقنى لن يضيع حق ورائه مطالب


#1170981 [زهجان جدا]
5.00/5 (4 صوت)

12-17-2014 05:01 AM
هذه هى العدالة وقد اخذت مجراها.ها ها ها ها ها ها.غلطان المرحوم الله يرحمه.

[زهجان جدا]

ردود على زهجان جدا
United Arab Emirates [بطانة علي وحسان] 12-31-2014 10:39 AM
قوم لف يلفك قطر الخبرك بالعدالة شنو.


#1170944 [ملتوف يزيل الكيزان]
4.00/5 (4 صوت)

12-17-2014 03:52 AM
الانقاذ عصابة و لا يصلح معها الا اسلوب العصابات.
على الشباب والشابات تكوين خلايا المقاومة المسلحة بالاحياء و الحلال و المدن كبيرها و صغيرها لشن حرب عصابات المدن. الكيزان لن يتركونا لحالنا ، و لن يذهبوا الا اذا ضاقوا طعم الموت داخل منازلهم. اذا ضاقوا الموت و الخوف و عدم الامان لهم و لاسرهم و لاصدقائهم عندها سيفكروا في الذهاب للابد.

[ملتوف يزيل الكيزان]

#1170935 [همت]
5.00/5 (4 صوت)

12-17-2014 03:26 AM
لو كنت مكان أهل الراعي لأخذت حقي بيدي وهذا ما يسعى إليه نظام البشير ... تحويل البلد إلى غابة يأكل فيها القوي الضعيف ... ولو أن الكيزان لا يدركون أنه ليس في الدنيا أضعف من مسئول فاسد يأكل الحرام ويظلم الناس

[همت]

#1170905 [العبيدى]
5.00/5 (7 صوت)

12-17-2014 01:45 AM
والله لا خير فى دوسة ولا نافع ولايوجد قانون ولا عدالة فى السودان، الحكاية معروفة...
عليكم بالقصاص فقط وكل واحد يقلع حقو بيده، "من مات دون ماله وعرضه فهو شهيد"
ترصدوهم واحداً واحداً وخذوا بثأركم عديل وبأى وسيلة سلاح، عكاز، منجل، سكين ضراع ...
وسيبكم من الكلام الميت بتاع "خليناهم لله" و"قاتل الروح وين بروح" و"خلى العدالة تأخد مجراها". وإحتكموا لقول الله تعالى: " العين بالعين والسن بالسن والجروح قصاص".
"ولكم فى القصاص حياة يا أولى الألباب" صدق الله العظيم.
أقيموا عليهم الحد باييدكم وبلاش قانون بلاش نيابة ومحاكم وضياع زمن.
والدواس حلاتو فى غبينة

[العبيدى]

#1170887 [تينا]
5.00/5 (3 صوت)

12-17-2014 01:11 AM
الله يرحمه ويغفر له ضحية لعصابة لا تخاف الله ولا حول ولاقوة الا بالله العلى العظيم ... وانت يا دوسة سموك وزير للعدل تقوم (((ماتعدل))؟ دى يحلوها كيف ؟!

[تينا]

ردود على تينا
Sudan [nagatabuzaid] 12-17-2014 07:20 AM
دوسة داس اهله فى دارفور لاجل المنصب وهاهو يدوس البطاحين من اجل عيون نافع ولكن تاكدى البطاحين حيدوسوه بمراكيبهم هو وحكومته


#1170860 [ali mrtey]
5.00/5 (3 صوت)

12-17-2014 12:29 AM
البدأ بمرحلة جديدة باغتيال عصابة العشرة ابتداء بالسفاح البشير المرحلة الان تتطلب ذلك يجب ان يشعروا بالموت داخل منازلهم لو كان هؤلاء المجرمين فى العراق او سوريا او ليبيا ما حكموا 25 عاما .

[ali mrtey]

#1170842 [أبوقنبور]
4.50/5 (4 صوت)

12-16-2014 11:53 PM
يا عادل عبد الغني عندما كنت في الحصاحيصا الثانوية كنت من أفذاذ الطلاب وعندما دخلت كلية القانون بجامعة الخرطوم قلت أنك تريد أن تدافع عن المظلومين. فما بالك تدافع عن الظالم المعتد صاحب الجهاه والثروة وتترك الضعيف المظلوم؟ أم أنك فقط تدافع عن من يدفع أكثر؟
لو كان أبوك عمنا الحاج عبد الغني حياً لما رضي أن يكون ابنه نصيراً للظالمين، لعله يتقلب الآن في تربته من هول ما تفعل يا عادل.

[أبوقنبور]

ردود على أبوقنبور
Sudan [غلبااان] 12-17-2014 02:11 AM
عبدة الدرهم أمثال سبدرات كتار .. و العياذ بالله .


#1170839 [rpap]
0.00/5 (0 صوت)

12-16-2014 11:51 PM
نحن شعب جاحد حقيقه عشان الانقاز دي معيشاكم في نعيم تتكبرو علي اسيادكم واشرافكم شنو راعي مات امشو شوفو الاسد بكتل في الناس كيف حستي مبارك طلع برائه لانو راجل سيد قومه نافع سيد قومه وشريف قومه واخوانه شوفو شغلتكم

[rpap]

ردود على rpap
[فدوي] 03-17-2017 05:11 PM
سيدنا الله غيرو ماعندنا سيد

United Arab Emirates [بطانة علي وحسان] 12-18-2014 08:44 AM
نعم ..نعم يا جربانة إنت وقسما إنت مستجدة نعمة و جريوة يرمي لها بالفتات وما تخلينا نسئ لناس تانيين وعزنا نحنا البطاحين بتعرفيهو من كبارك وخليهم يوروك منو هم أخوان الزينة وبالمناسبة لم ننكسر حتي علي أيام الخليفة التعايشي الذي أرسل جرداته لكسر شوكتنا ولكن لم يخنع أجدادنا و أبادوا الجردة عن آخرها وفي نهاية الأمر قبض علي الرجال الشجعان والنساء والأطفال عن طريق حملة أقوي و أرسلوا أم درمان إلي التعايشي الذي أعدم منهم العشرات علي أعواد المشانق وسط زغاريد حرائر وماجدات البطاحين وهذا ما وثقه سلاطين باشا وما نقله لنا كبارنا عن مواجهة البطاحين للموت بكل شجاعة يا جاهلة والله إنتي ماك عارفة وخلي كبارك يحدثوك عن أسيادك الجد جد ونحن معشر الشباب من البطاحين نكره التعالي والعودة للقبلية والجهوية ولكن أجبرتيني والكثيرين لكي نحدثك عن أسلافنا الشم والله يا جاهلة لنا تأريخ تشهد له البطانة وصولات وجولات حافلة بالعزة والكرامة من أباء وأجداد ورثوا العزة والإباء وكانوا رعاة إبل وشاة ولكنهم أصيلين وكرماء..وارجعي و أقريئ التاريخ وما كتبه سلاطين باشا عنهم(The unfortunate Batahin had been divided into three parties, one of which had been hanged, a second had been decapitated, and a third had lost their right hands and left feet. The Khalifa himself stopped in front of the three scaffolds, which were almost broken by the weights of the bodies, whilst close at hand lay a heap of mutilated people, their hands and feet lying scattered on the ground; it was a shocking spectacle. They did not utter a sound, but gazed in front of them, and tried to hide from the eyes of the crowd the terrible sufferings they were enduring. The Khalifa now summoned Osman Wad Ahmed, one of the Kadis, who was an intimate friend of Khalifa Ali, and a member of the Batahin tribe)c
أقريئ يا جاهولي ولا ما فاضيه لي يا أم دقنوس.

Sudan [nagatabuzaid] 12-17-2014 07:26 AM
امانة البطاحين ما يبكوكم دم يا رباب ولا ربابة ( الربابة الة عزف ) البطاحين اتربى نافع من خيرهم ومتين ناس نافع بقوا عندهم بهايم ما ياها بهايم السرقة ؟؟؟
بكفيكم فخرا ان نافع سرق لبن كلية الزراعة

Saudi Arabia [ســـــــــــــــارى الــلـــيــــــل] 12-17-2014 04:45 AM
يا للاسف امثالك ديل هم السبب فى ضياع وطن و مواطن و تمكين اسيادك يا ناقص ؟
لم أسمع بنافع و لا كل حسالة الوثنى فى أة مجتمع فى العاصمه قبل أن نهاجر فى قسرا و مكرهين تاركين البلد لاخوان الشواطين ؟
لكن للبطاحين أسم على مسمى قبيله لها وزنها ثقلها الاجتماعى و فيها فرسان و رجال يحجبوا ضؤ الشمس كان ما عارف ارجع للتاريخ و أقرأ يا جاهل ؟
خليك فى مياعتك نياصتك وتابع اسيادك و دافع عنهم .

[سعدالدين] 12-17-2014 01:07 AM
اسيادك انتا يا وهم .... نحنا من الله خلقنا احرار وما عندنا اسياد وبعدين الزبالة البتتكلم عنهم ديل بتين بقو اسياد واشراف ، والنعيم وينو لو انتا بمسحك للجزم لاقي نعيم ما معناها الناس كلها عايشة في نعيم


#1170830 [الوسخان من عدم الصابون]
4.00/5 (4 صوت)

12-16-2014 11:34 PM
الراجل اسمه دوسه (سميته يحى ليحيى) فعلا له من اسمه نصيب الاسد

[الوسخان من عدم الصابون]

#1170829 [الفاروق]
0.00/5 (0 صوت)

12-16-2014 11:27 PM
الفى يده القلم بيكتب نفسه شقى ؟. هذه حال السودان مما جاءت الانقاذ نحن قضيتنا لها عشرون سنة واكثر . فى كل ثلاثون قاضى نجد واحد عادل ونظيف من الرشوة يرجع الامور الى مكانها كأن الله يريد مننا البيان ويريد ان يهلك ناس اهل ظلم ومحسوبية او مكاسين . ففى عهد الانقاذ القوى يأكل الضعيف عينك ياتاجر مثل ماقالت فرقة تيراب ولو ماعندك ضهر الرماد كالك . ونحن اليوم نتمنى ان تنتهى قضيتنا حتى لو تم ظلمنا لكن الله اعطانا ماندفع به الظلم وبمااننا على مقدرة بمواصلة المشوار ودفع الظلم فاننا لا نترك حقنا بالساهل لعبدت الطاغوت والزمن كفيل بمايريد الله والصبر على الاذى والظلم جذاءه الجنة باذن الله ولله الحمد . قال الشيطان لدانيال ما الذى سلطنى على قومك ؟ قال دانيال : ظلم قومى انفسهم وعظم خطيئتك . قال تعالى (منهم من امن ومنهم من كفر)ناس تكفر ذنوبهم وناس مستدرجين الى نار جهنم وممدود لهم مدا فالناس بين ظالم ومظلوم .

[الفاروق]

#1170828 [Alshagin]
0.00/5 (0 صوت)

12-16-2014 11:25 PM
ياعالم بدل كل يوم مانكتب ونشجب وندين وندعو لماذا لا نكون عمليين الخطوات العمليه هي التي ستصيب اهل الانقاذ بالرعب لذلك ادعو الشباب في الداخل بتكوين لجان مقاومه واعداد لمواجهة هؤلاء اللصوص القتله في الاحياء وفي كل الدول لا نريد احاديث فقط وليد الواحده لا تصفق كما نريد ان يتبرع سودانيي الخارج لانشاء قناة فضائيه تخاطب السودانيين في الداخل والخارج التعليقات في الصحف ليست كافيه ولاتسقط هذا النظام بالرغم من ضعفه والظروف الاقليميه والدوليه كلها مواتيه لاسقاط حثالات البشر هؤلاء.

[Alshagin]

#1170806 [الكلس ود البلد]
5.00/5 (1 صوت)

12-16-2014 10:54 PM
لو فرضنا انه سرق وحرامى دخل الامن الوطنى شنو ؟؟!!! الشرطة قعدة تعمل شنو ؟ طيب المرحوم حرامى لييه يعذبوه ويتسببو فى قتله !!
جريمة القتل مافى زول عندو الحق فى التنازل الا اولياء الدم !!! وحتى لو ما قتلوهو اولاد الهرمة ديل وينو القاتل !!؟؟

[الكلس ود البلد]

#1170783 [عزالدين امين شريف]
5.00/5 (1 صوت)

12-16-2014 10:31 PM
دوسة يريد للشعب ان يهب ولكن لا حياة لمن تنادي لقد ركن الشعب الي الحياة الدنيا واصبح كل واحد يريد غيره ان يحتج عنه.....عجايب

[عزالدين امين شريف]

ردود على عزالدين امين شريف
Saudi Arabia [المنصوري] 12-16-2014 11:45 PM
الاحتجاجات والمظاهرات دي بتاعة الشيوعيين ما بتاعة اولاد الناس


#1170780 [الحقيقة]
5.00/5 (1 صوت)

12-16-2014 10:30 PM
بكرة حتلقوهم حايمين فى شوراع شندى والخرطوم يمدون ألسنتهم لكم مثل الشافع غسان بتاع مكتب والى الخرطوم،، أما الوزير دوسة فقذ أثبت أن الرخيص رخيص ولو كان إبن سلطان،، الظلم والفساد يمشيان بين الناس وما فى حد بيقدر يقول بغم لأن حميدتى والجنجويد قالوا البلف عندهم،، الله غالب.

[الحقيقة]

#1170760 [محمد السوداني]
5.00/5 (1 صوت)

12-16-2014 09:57 PM
الله ينتقم منكم يا ظلمه
يعني يتعذب كدا عشان هم اخوان نافع
حسبي الله ونعم الوكيل فيكم

[محمد السوداني]

#1170752 [الحزام الناسف]
5.00/5 (1 صوت)

12-16-2014 09:46 PM
ياربي بهم وباسرهم بدمارهم قريبا

[الحزام الناسف]

#1170750 [0122029856]
0.00/5 (0 صوت)

12-16-2014 09:44 PM
ليهم يوم

[0122029856]

#1170738 [ابومحمد]
3.00/5 (3 صوت)

12-16-2014 09:31 PM
نحن نؤمن بان البطاحين رجال واولاد رجال واذا كانوا عند حسن الظن فاليثبتوا ذلك بالانتقام لشرفهم وعزوتهم وكرامة قبيلة البطاحين التي مرقت سمعتها بروث البهائهم بوقوفهم منهزمين امام هذا الجبروت الظالم فالبداو بوزير العدل ونافع واخوانة وكلاب الامن حتي يثبتوا بان فيهم رجال وان مقولة الرجال ماتوا في كرري غير صحيحة

[ابومحمد]

#1170732 [بت أمدرمان]
5.00/5 (1 صوت)

12-16-2014 09:25 PM
لا حول ولا قوة إلا بالله . البعذبوا الناس كدة ديل، ديل ناس عاديين زينا كدة ؟ولا نحن الما عاديين و لا الحاصل شنو يا اخوانا؟

[بت أمدرمان]

ردود على بت أمدرمان
Sudan [nagatabuzaid] 12-17-2014 07:31 AM
منو القال لك انهم ناس ؟؟ دى مخلوقات ما معروفة اتحدفت علينا من وين ديل مصاصى دماء وتاملى نوع التعذيب نفس طريقة تعذيب نافع لضحاياه فى بيوت الاحباش سادية وراثية نسال الله السلامة ونحمده ونشكره الذى عافانا مما ابتلاهم به


#1170725 [سعادة العقيد]
5.00/5 (1 صوت)

12-16-2014 09:20 PM
فسيكفيكهم الله

[سعادة العقيد]

#1170707 [ابوعمار]
5.00/5 (1 صوت)

12-16-2014 08:58 PM
العدالة مطلوب ولكن البحصل في ابو دليق نهب مسلح وقلة ادب ياخدو حقك عدبل رجالة شوفو عربات النهب يومي لازم تكون مسلح شريعة الغاب جابوها البطاحين

[ابوعمار]

ردود على ابوعمار
Saudi Arabia [متسكع] 12-17-2014 07:55 AM
طيب البشير واخوانه
ونافع واخوانة
ووزير المالية السابق وقصره
وعلي طه واتباعه
وابو رياله وزير الدفاع بنظر وبناته
والخبير الاعلامي عبد العاطي ولسانه
ووالي الخرطوم واولاده (ناس غسان)
ومتعافي وكذبه
وجمال الوالي و دولارات
و..........
و.........
و..........

ديل ما همباته ما نهبوا ايديهم نظيف
وما عندهم ورثوه ثن اباهم الاغنياء


#1170691 [صديق ضرار]
5.00/5 (3 صوت)

12-16-2014 08:42 PM
ويجونى فى الليل البهيم
وانا فى بيتى متغتت ، أمين
أشباح الفريق متلتّمين
متلتّمين متل العذارى
وبس عذارى مدشّنين
بالغالى من أحدث سلاح متحزمين
. . أخدونى فى الليل البهيم
وبدت فصول المهزلة
سألونى : كيف الحالة سايرة ؟
وفى أمة محمد ـ من عموم المسلمين
أيّكا تتبع أياتّا دايرة ،
وأياّتو دين ؟
ومالك مرقت من القطيع ؟
وكنا بنقول أيّاكا زولنا
وزول مطيع .
أخدونى فى الليل البهيم
بين سين وجيم
والآمة نايمة
. . وفى وداعة رب رحيم
أخدونى فى الليل البهيم
والكون موشح بالسكوت
لا جار يحس . .
لا عابر بالدرب ساكت يفوت
والريح تحت صفق الشدر
الريح تصرصر فى البيوت
والكون موشح بالسكوت
ومافى شيتن غير طراطيف المطر
واصوات صرير الأسلحة
بيناغى فى صوت المطر
ويزيد إحساسى بى حجم الخطر
كب . . كرب
كرب كب كع
والكون موشح بالسكوت
ـ يا رب تغتّى السامعين ـ
بالدبشق القذر اللعين
دقّونى فى الضلع ، انكسر
ووقعت فى طين الحفر
ورفعت راسى وتكيته على حجر
وانا من رجال ياكلوا الجمر
كسروا الضراع مع الترّقوّة
. . فى الجنب اليمين
ـ الله يغتّى السامعين ـ
ولووا الكراع
شدّونى وانزرد الحلق
بكلبش فى الاتنين أيادى
لزق لزق
سألونى عنّك . قلت : أيوا
سألونى تانى . وقلت : حلوة
سألونى تالت . قلت :
أيوا أيوا أيوا
أيوا أيوا أحب سماها
واحب هواها
واحب نخيلا
ودمّى نابع فيه نيلا
تكوينى من قبل الزمان
تشكيلو فى التربة النبيلة
ولونى من شمس استواها
مزاجى من تلوين فصولا
وعرقى فى واطاتا سوّخ
ونبضى من تنطيط وعولا
وبيتى من أكواخ قراها
أرضعتنى لبان هواها
ودثرتنى دفا حماها
ومنّى كانت
وفينى جوّا
منتهاها ومبتداها
ولمّا اسافر كان هواى بفضل معاها
ولامن أرجع كانت أول من أراها
واحنى هامتى
تحية للبطن الأنجبتنى
واقبّل القدم الجليلة
وكت بنادى عليها : يمّة
وكان تقوللّى : جناى ضنايا
ويحلو قولا
وتحكى لى حكوات طويلة
عن رجال فاقوا الرجولة
وعن شباب ـ وكت الحرابة
دقّوا فى الساحات طبولا
وعن صبّياتا الحراير
ولسه فى ميع الطفولة
كان بهسهسوا فى حجولا
وعن مواليد فى المراضع
هتفوا بيها وغنّوا فيها
. . وجرّوا نمّة
كان بتحكى ، ومافى وقفة
ومافى جمّة
عن سجل شرف البطولة
وكت بجاوب ودمعى شارّى وباللّى سدرى
وقالوا : أيوا خلاص خلاص
خلاص تمام ـ الجرم تمّ
كنت وحدى وكانوا لمّة
كنت وحدى وكانوا " إمّة "
• *
وانا فى العذاب
مابين منام يغشانى ساعة وبين صحا
شفت الشمس جات بالشرق ساعة الضحى
شفت القبيلة قيامة قايمة مجلجلة
شفت الجموع شاقّة الدرب مستعجلة
شفت النعال دايسة اللّحى
شفت السجون أبوابا واقعة ، مبطّحة
شفت الصبايا يزغردن
وشبابنا فوق ضهر الضوامر المنزلة
هازّين سيوفم فوق سما الخرطوم
صقيلة ملوّحة
والسمحة زى بدر البدور
فوق . . فوق فى العلالى مجنّحة
فوق للخلق تبرق عيونا ، والمحها
وهتفت بيها ، وقلت أيوا وقلت لا
أيوا للمليون مربع ميل خلا
أيوا للنيل البشق جوّاى دموع متواصلة
قلت أيوا وأيوا أيوا
أيوا أيوا جوابى كان للأسئلة
وراسى كان خاتّينو تحت المقصلة
أيوا أيوا الأرض دايرة
أيوا أيوا الصولجان دولابو داير
وبانتظام
تنزل دناصر من عل . . تركب هوام
وصوتى لو يقع البحر
ما بدّية تب لى واحدى عايرة
أيوا أيوا جوابى كان للأسئلة
أيوا أيوا الأرض دايرة
" وحسّى دايرة " ( 2 )
أيوا أيوا وما بحيد عن أيوا قيد الأنملة
وابوى زمان وصّانى قال :
أفتح أضانك يا ولد
أوعك تقول غير الحقيقة
ولو بالحقية بقيت قصد كل البلد
ما تقولا أيوا مجاملة
الدنيا فركة كعب زايلة
والمجد للعشق البلد
الشّال معاه الكلمة لى ود اللّحد
والمات وفى خشمه الحقيقة
يادابو يا ولدى اتولد
يادابو يا ولدى اتولد
ومن ديكا بقدل فى البلد
من ديكا بقدل فى البلد . .
وعيونى بى دمع الأسايا موحلّة
وأشب قبل ، واتخطى بيكى المرحلة
دمّى أشواق للصحارى القاحلة
وأجزّ ناصية السنين الماحلة
ما الموجة تعرف ساحلا
دى الموجة تعرف ساحلا
الموجة تعرف ساحلا
1-4 يناير 1995 م
1 – قول مشهور لأمرىءِ القيس حينما نوى الأخذ بثأر أبيه
2 - جاليلو عندما رمى بالكفر

[صديق ضرار]

#1170681 [Salah AL Deen P]
5.00/5 (2 صوت)

12-16-2014 08:36 PM
نافع دا لسع عندو نفوذ.... اكيد دا بسبب ضعف الرقاص البشير

[Salah AL Deen P]

#1170655 [بنغالي جوازو رايح]
5.00/5 (3 صوت)

12-16-2014 08:08 PM
وزير العدل يتدخل في بلاغ فتاة تعرضت للضرب
http://www.alrakoba.net/news-action-show-id-146055.htm

وزير العدل يصدر قراراً بإطلاق سراح إبراهيم الشيخ وحفظ الإجراءات في مواجهته
http://www.alrakoba.net/news-action-show-id-163751.htm

وزير العدل يفرج عن اشقاء "نافع" المتهمين بتعذيب وقتل الراعي "عطا المنان"
http://www.alrakoba.net/news-action-show-id-175466.htm

فعلا حاجه تقرف، وزير عدل ده ولا وكيل نيابه، كل مره ناطي ليهو في قضيه و عامل ليها انترربشن. بلد سايبه ساكت زول في مقامو ده مفروض الناس ما تسمع عنو اي خبر الا علي مستويات عاليه، ياخي دي اسمها وزارة العدل.
الـ micro management الشغال بيها دي ممكن تكون مؤشر للفساد ياخي تحتك في ناس مفروض يكونو مؤهلين لتسيير القضايا من هذا النوع، عندك قضاة و وكلاء نيابه و مدعي عام وووو. شنو اي حته قضيه ناطي لينا فيها و الله اسمك اتمسخ زاتو من كترة الطله.

[بنغالي جوازو رايح]

#1170653 [شهاب ساطع]
4.50/5 (4 صوت)

12-16-2014 08:01 PM
( واذا أردنا أن نهلك قرية أمرنا مترفيها ففسقوا فيها )

( تلك القري أهلكناهم لما ظلموا و جعلنا لمهلكهم موعدآ ) .. صدق الله العظيم .

اللهم لا تؤاخذنا بما فعل السفهاء منا .

و هذا قدرنا مع هذه الفئة الضالة .. فذاك دوسة و قد أدمن الدواس عليه و المشاركة في جرمهم كما داسوا عليه بتحليل الأقطان .. و لا حول و لا قوة الا بالله و حسبنا الله و نعم الوكيل .

[شهاب ساطع]

#1170645 [التكي تاكا]
5.00/5 (3 صوت)

12-16-2014 07:48 PM
{ واتقوا فتنة لا تصيبن الذين ظلموا منكم خاصة} ،وَلَا تَرْكَنُوا إِلَى الَّذِينَ ظَلَمُوا فَتَمَسَّكُمُ النَّارُ وَمَا لَكُم مِّن دُونِ اللَّهِ مِنْ أَوْلِيَاءَ ثُمَّ لَا تُنصَرُونَ (113) القول في تأويل قوله :وَلا تَرْكَنُوا إِلَى الَّذِينَ ظَلَمُوا.

[التكي تاكا]

#1170617 [الجعلي ود المتمة]
4.25/5 (11 صوت)

12-16-2014 07:12 PM
(كشف تقرير الطب الشرعى تعرض المواطن "عطا المنان حسن رحمة – 55 عاما، من منطقة ابودليق واب لخمسة ابناء" لعمليات تعذيب واسعة، واكد التقرير ان اظافره قد نُزعت، واشار الى وجود اصابة في رأس القتيل ونزيف داخلي بالمخ، ونزيف في البطن، ما تسبب في حدوث نزف يقدر بحوالى 4 لتر من الدم، فضلا عن وجود نزيف في الخصية يقدر بحوالي 300 ملم من الدم).

دا بس براهو لو في عدالة او شريعة او حقوق انسان او احترام للاتسانية كافية تودي كلاب الامن كلهم من القذر عطا لمؤسس التعذيب نافع والهمبول الكبير رقيص الجمهورية في ستين الف داهية ..

بس فلاحتهم في الانكار والكضب عينك عينك ..

لعنة الله والملائكة والناس اجمعين عليكم يا اخبث واقذر بشر على مر التاريخ

[الجعلي ود المتمة]

ردود على الجعلي ود المتمة
[رانيا] 12-16-2014 08:41 PM
الله يقطعم إن شاءالله .


#1170606 [AburishA]
5.00/5 (16 صوت)

12-16-2014 06:53 PM
فليشطب دوسة البلاغ عند أحكم الحاكمين...

[AburishA]

ردود على AburishA
Sudan [nagatabuzaid] 12-17-2014 07:35 AM
سبحان الله يا رانيا كنت سارد نفس ردك

[رانيا] 12-16-2014 08:40 PM
ده بقى المابيقدر عليه ..


#1170589 [مبارك]
5.00/5 (1 صوت)

12-16-2014 06:31 PM
القانون فوق الجميع وردت في حديث صحيح في كتاب الترغيب والترهيب رواه الإمام البخاري ومسلم معاً وإذا اجتمع البخاري ومسلم فصحة الحديث تأتي في القمة: امرأة من بني مخزوم وبنو مخزوم قوم لهم مكانة كبيرة في المجتمع القرشي امرأة منهم سرقت فقريش أهمها شأن المخزومية، عَنْ عَائِشَةَ رَضِيَ اللَّهُ عَنْهَا أَنَّ قُرَيْشًا أَهَمَّهُمْ شَأْنُ الْمَرْأَةِ الْمَخْزُومِيَّةِ الَّتِي سَرَقَتْ فَقَالُوا وَمَنْ يُكَلِّمُ فِيهَا رَسُولَ اللَّهِ صَلَّى اللَّهُ عَلَيْهِ وَسَلَّمَ ، فَقَالُوا وَمَنْ يَجْتَرِئُ عَلَيْهِ إِلَّا أُسَامَةُ بْنُ زَيْدٍ حِبُّ رَسُولِ اللَّهِ صَلَّى اللَّهُ عَلَيْهِ وَسَلَّمَ. كان يحبه حباً جماً. فَكَلَّمَهُ أُسَامَةُ فَقَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ: (( أَتَشْفَعُ فِي حَدٍّ مِنْ حُدُودِ اللَّهِ ثُمَّ قَامَ فَاخْتَطَبَ ثُمَّ قَالَ إِنَّمَا أَهْلَكَ الَّذِينَ قَبْلَكُمْ أَنَّهُمْ كَانُوا إِذَا سَرَقَ فِيهِمْ الشَّرِيفُ تَرَكُوهُ وَإِذَا سَرَقَ فِيهِمْ الضَّعِيفُ أَقَامُوا عَلَيْهِ الْحَدَّ وَايْمُ اللَّهِ لَوْ أَنَّ فَاطِمَةَ بِنْتَ مُحَمَّدٍ سَرَقَتْ لَقَطَعْتُ يَدَهَا))
هل من كلام أبلغ من هذا الكلام ؟ لو أن فاطمة ابنته، وكل أب يعلم كم هي البنت غالية عليه
معنى ذلك أنه إذا أقيم الحد على الضعفاء ولم يقم على الأقوياء تعد هذه التفرقة سبباً لهلاك الأمة. وهذا ما يحدث في عهد الانقاذ الفاسد ، فالملازم اول (حامد فرحنا ) قاتل المرحومة عوضية عجبنا تم الحكم عليه بالاعدام بينما الملازم غسان الذين اختلس اكثر من ملياري جنيه حرا طليقا وذلك لتغطيته على جريمة ابن الوالي ونسيبه وشقيق البشير بسرقة اكثر من سبعة مليار دولار . . فأين العدالة التي نتبغيها من حرامية مصاصي دماء . كان سيدنا عمر رضي الله عنه لعدله ينام تحت شجرة فهل يستطيع عمر البشير ان ينام تحت شجرة دون حراسة من كل الاتجاهات ؟؟؟.
ان من قتل نفسا بغير حق فكانما قتل الناس جميعا ، يقول تعالى في سورة المائدة (أَنَّهُ مَن قَتَلَ نَفْساً بِغَيْرِ نَفْسٍ أَوْ فَسَادٍ فِي الأَرْضِ فَكَأَنَّمَا قَتَلَ النَّاسَ جَمِيعاًوَمَنْ أَحْيَاهَا فَكَأَنَّمَا أَحْيَا النَّاسَ جَمِيعاً ... "(المائدة (32) .
في عهد الانقاذ انتشر القتل بشكل مخيف فكم من عائلة فقدت احد افرادها ولم تحصل له على اثر منذ سنوات وكم من نظامي تم قتله ثم جاء قاتلوه وساروا في جنازته وهذا ليس بمستغرب وذلك لان حاميها مطلوب لدى المحكمة الجنائية الدولية بتهمة الابادة الجماعية لشعبه .
الله يرحم المرحوم عطا المنان رحمة واسعة ويلهم اله وذويه الصبر وحسن العزاء ، ونقول لذوي المرحوم تمسكوا بحقكم لاخر رمق وتأكدوا بان حكومة الانقاذ زائلة ان عاجلا او اجلا والى ذلك الوقت اذا لم تنالوا القصاص من القتلة فسيقتص لكم الشعب السوداني بمشيئة الله .

[مبارك]

#1170584 [alomda]
5.00/5 (8 صوت)

12-16-2014 06:21 PM
وأنتوا زعلانين في شنو مادام البلد ملها في قبضة عصابة أو مافيا من الأخوان الغير مسلمين متوقعين شنو منهم ....

هو الرئيس بنفسوا أعلن العفو الرئاسي عن الشيخ المتهم بالإغتصاب بعد أن ادانته المحكمة بالسجن 10 سنوات ... يعني بقت على وزير العدل مابرضوا هو أنسان ويخضع للضغوط ... بعدين ماتنسوا ديل أخوان نافع علي نافع يعني الرجل الثالث في السودان متخيلين يعني يحاكموهم على قتل واحد عريبي هامل ... ياخي ديل قتلوا ملايين الناس ومافي زول سأل عنهم

طالما السودان مافيه رجال ياهو دال حالهم معاكم

[alomda]

ردود على alomda
Saudi Arabia [doma] 12-17-2014 03:48 AM
لعنة الله عليك alomda

[رانيا] 12-16-2014 08:37 PM
معاك حق .


#1170572 [ربوع السودان]
5.00/5 (4 صوت)

12-16-2014 06:11 PM
لا حول ولا قوة الا بالله قاتل الروح وين بروح سوف يقتل ولو بعد حين وانتظروا محاكتمكم في الدنيا وحسابكم في الآخرة وحسبنا الله ونعم الوكيل

[ربوع السودان]

ردود على ربوع السودان
[رانيا] 12-16-2014 08:36 PM
وده المطمننا


#1170565 [Awad]
5.00/5 (3 صوت)

12-16-2014 06:06 PM
ذكرلى أحد الأخوة العارفين ببذىء اللسان وقليل الأحسان(نافع على نافع) وأكيد هو(ضار وليس نافعا)بأن نافع وأسرته من الأسر الأقل من العادية فى المنطقة بل لا يملكون ألا الرزق اليومى مثلهم مثل الآخرين ولكن تبدل الحال بعد أنقلاب الأنقاذ(التدمير) وصارت هذه الأسرة من أثرى أثرياء المنطقة كلها وماحواليها بل أن (نافع)يمتلك مثات الألاف من الأبل غير الضأن والغنم ومحروسة بجهاز كامل من الأمن ويوميا تحمل الترلات الحشائش لها.من أين لهذا الدعى وأسرته هذه الأموال وطبعا قبل ذلك قالها نافع بأنه رزق ساقه الله لهم بكل صلافة.فى ظل دولة على بابا والربعين حرامى لن ينصر القانون الضعفاء بل يداس على القانون ولكنهم نسوا أن عدل الله موجود وسيقتص منهم طال الزمان أم قصر.

[Awad]

ردود على Awad
Saudi Arabia [ود الركابي] 12-16-2014 07:27 PM
هية بقت علي نافع واسرته لوحدهم . ماكلهم غير الفقر ماكان عندهم شيء لو لا انقلابهم المشئوم ده .. دنيا .


#1170560 [jafar]
0.00/5 (0 صوت)

12-16-2014 06:03 PM
القاضى من البشر لا يحكم الا من خلال البينات التى أمامه والمتهمين من جهاز أمن الدولة ولهذا يستحيل جلب أي بينة تؤدى الى محاكمة واثبات تورطتهم فى القضية.. لذا نرجو أن لا تظلموا القاضى لأن القضاة فى السودان ما زالوا شرفاء ويخافون الله .. أما المتهمين فى القضية فحسابهم عند الله تعالى ان كانوا قد شاركوا فى ارتكاب الجريمة

[jafar]

#1170556 [من الاقاليم]
4.50/5 (3 صوت)

12-16-2014 06:01 PM
رحم الله الشهيد عطاالمنان واسكنه فسيج جناته
والهم اهله الصبر والسلوان. اما ان الاوان
لهذا الشعب الابى ان يفك اسر هذا الوطن من
هؤلاء القتله اللصوص المنافقين تجارالدين.

[من الاقاليم]

ردود على من الاقاليم
United Arab Emirates [تأشيرة خروج] 12-16-2014 07:11 PM
وهل جزاء السرقة القتل ياجاهل ؟

Saudi Arabia [عبادي] 12-16-2014 06:23 PM
سويتو شهيد حته واحدة
كلهم حرامية يا سيد
اخوان نافع والميت


#1170555 [habbani]
5.00/5 (1 صوت)

12-16-2014 06:01 PM
إذا كان أمين عدلكم المدعو دوسة فابشروا بظلم فاق ظن المظنينا. وإذا كان نافع ذا شأن فى قوم فعلي القوم السلام . متى يا شعب تنتصر ؟ متى يا شعب تحرم دماؤكم ؟ وقد إستسلها
طائر الفر والنعام .

[habbani]

#1170553 [زول حريص]
2.50/5 (3 صوت)

12-16-2014 05:59 PM
لن يسقط الحق في هذه القضية بالتدخلات السياسية وعلي أولياء الدم عبر محاميهم الطعن في قرار الوزير لدي المحكمة الدستورية وعلي أقل تقدير ليشهد الجميع علي استفلالية القضاء أن كان مستقلا أو اسألوا رب العباد ومنزل الاحكام والحكم العدل بين الناس لإنصاف المظلومين حقهم وأي تكن النتيجة سيظل هذا الدم معلقا في رقابهم ورقاب من أطلقهم لأن عدالة السماء في كل شئ وخاصة الدماء بأنه لن يضيع دما هدرا ...

[زول حريص]

#1170545 [وحيد]
5.00/5 (1 صوت)

12-16-2014 05:49 PM
لا حول و لا قوة الا بالله .... منتهى الفساد و الظلم و التسلط ...
هذه قضية لا ينفع فيها قانون و لا محاكم .. و قد راينا ما فعله وزير العدل و ما زال كلاب الامن القتلة يتمتعون بالحصانة و لم يتم التحقيق معهم في جريمتهم حتى الان ...
في البلد دي التي يحكمها الكيزان و اصبح اجلاف الخلق مثل نافع و اخوته يتسلطون على الناس و يعذبونهم حتى الموت .. في بلد زي دي كل واحد ياخد حقو بايده ... الثار الثار الثار .. اولا تبدأ بابو العفين و اخوانه قتلا ثم يتتبعوا كلاب الامن و يقتلوهم حتى يكونوا عبرة لهلافيت المؤتمر الوطني

[وحيد]

#1170538 [الحالم]
5.00/5 (1 صوت)

12-16-2014 05:43 PM
يا قاتل الروح وين بتروح والبروح في القيزان ما بروح في الميزان

[الحالم]

#1170530 [البدرنجي]
5.00/5 (1 صوت)

12-16-2014 05:35 PM
ههكذا ظلم الانسان لاخية الانسان ...يا نافع..اين تذهب انت واخويك يوم يفر المرؤ من اخية وامة وابية..اين تذهبوا في ذلكم اليوم عند مقابلة رب العباد الذى لايرف الموتمر الوطنى ولا حزب الشيطان..ماذا تقول حين تهتف كل الاصوات التى عذبتها ويتمت اولادها ايها المجرم يارب انصر كل من ظلم..ورينا في نافع وامثالة في الدنيا قبل الاخرة انك مجيب الدعاء..وارحم كل من عذبة هؤلاء اشباة الرجال..ونررى ذلك قريب..امين..

[البدرنجي]

ردود على البدرنجي
[رانيا] 12-16-2014 08:35 PM
أمين يا رب .

Saudi Arabia [ود الركابي] 12-16-2014 07:43 PM
يازول انت جادي .. الجماعة دول من زمان اتجاوزوا الخوف من الله ويوم الحساب والحرام والحلال . مش ده برضه نافع بتاع الامن وبيوت الاشباح واغتصاب الرجال ولا غيره . عليكم بالصبر ربنا بيفرجها من عنده اكيد ..


#1170521 [محمد احمد السوداني]
5.00/5 (2 صوت)

12-16-2014 05:25 PM
حقوا نلبس طرح

[محمد احمد السوداني]

#1170513 [//ahmed//]
4.50/5 (3 صوت)

12-16-2014 05:08 PM
بناء على هذا التقرير أولا تجزئة المحاكم ليست قانونى وإلغاء الإتهام بدون قرار قاضى محكمة الإختصاص ايضا غير قانونى وكل ما فى الأمر فبركة متعمدة وصلح مدلس ولو كان هذا الحادثة لأناس عاديين لما عرفت طريقها لوزير العدل والعدالة فى بلادنا لا قيمة لها

[//ahmed//]

#1170509 [ود الشمال]
5.00/5 (4 صوت)

12-16-2014 04:53 PM
يقول جلّ ثناؤه (( وَلَا تَقْتُلُوا النَّفْسَ الَّتِي حَرَّمَ اللَّهُ إِلَّا بِالْحَقِّ ۗ وَمَن قُتِلَ مَظْلُومًا فَقَدْ جَعَلْنَا لِوَلِيِّهِ سُلْطَانًا فَلَا يُسْرِف فِّي الْقَتْلِ ۖ إِنَّهُ كَانَ مَنصُورًا )) (سورة الاسراء الاية 33) إن يحفظ المحكمة الجنائية الدولية ملف الابادة الجماعية في دارفور ، وإن يعفوا وزير العدل اخوان نافع من قتل المواطن (عطا المنان حسن عبد الله ) لا تثريبا عليكم يا الشعب السوداني هنالك محكمة عادلة لا يعفي ولا يُظلم عنده احد محكمة رب العرش العظيم ، مهما طال امد هؤلاء الطغاة لن يترك الله ظالماً وإلا يقتص للمظلوم منه ومهما طال بهم الزمن يأتي يوم يحاسب كل من اقترف جرم في الأبرياء من الشعب السوداني حساب عسير كما وعدنا رب العرش العظيم بذالك ، يقول تعالي ، ((قُلْ مَن كَانَ فِي الضَّلَالَةِ فَلْيَمْدُدْ لَهُ الرَّحْمَٰنُ مَدًّا ۚ حَتَّىٰ إِذَا رَأَوْا مَا يُوعَدُونَ إِمَّا الْعَذَابَ وَإِمَّا السَّاعَةَ فَسَيَعْلَمُونَ مَنْ هُوَ شَرٌّ مَّكَانًا وَأَضْعَفُ جُندًا )) ( سورة مريم الاية 75) طول بقاء هؤلاء الظلمة في الحكم في السودان لا يعني ضياع حق المظلومين من الشعب السوداني ولكن يتركهم الله ليزيدوا في ضلالتهم ليأخذهم خذ عزيز مقتدر ، وذكر ذلك رب العرش العظيم في سورة القمر ، وبعد ذكر فجار الارض من قوم نوح وقوم عاد وقوم ثمود وقوم لوط و فرعون وأفعال هؤلاء الطغاة ، ثم قال جل ثناؤه ((أَكُفَّارُكُمْ خَيْرٌ مِنْ أُولَٰئِكُمْ أَمْ لَكُمْ بَرَاءَةٌ فِي الزُّبُرِ(43) أَمْ يَقُولُونَ نَحْنُ جَمِيعٌ مُنْتَصِرٌ (44) سَيُهْزَمُ الْجَمْعُ وَيُوَلُّونَ الدُّبُرَ (45) بَلِ السَّاعَةُ مَوْعِدُهُمْ وَالسَّاعَةُ أَدْهَىٰ وَأَمَرّ (46)( سورة القمر ) وهل يعتقد هؤلاء الساسة في النظام الحاكم في السودان هم اقوى واكثر جمعاً من هؤلاء الكفرة والفاجرين ؟؟

[ود الشمال]

ردود على ود الشمال
France [nasir] 12-17-2014 05:29 AM
و الله ياخئ ماقلت الا الحق. قوله اما -العذاب - مايلقونه من عذاب بايدي الشعب واما-الساعه-حلول يوم البعث بغته او المنيه وهم في غيهم ولم يجدوا فرصه للتوبة
لك تقديرئ


#1170500 [الجقرم]
5.00/5 (3 صوت)

12-16-2014 04:41 PM
وزير العدل!!!!
دى قضية جنائية محلها قاعات المحاكم
علاقتو شنو بيها ومن متين قاعد يتدخل فى شغل المحاكم
شغلو فى الوزارة هناك

بس ليكم يوم يااااا ظلمة
ان شاء الله ستذوقون وبال امركم طال الزمن او قصر

[الجقرم]

ردود على الجقرم
[رانيا] 12-16-2014 08:34 PM
يا رب .


#1170495 [الدال على الخير]
4.88/5 (5 صوت)

12-16-2014 04:29 PM
محتاجين موقع اون لاين في الفيس بوك نحصر فيهو كل اموال واملاك الافراد التابعين للنظام واسرهم بدون فرز حتى يتم تقسيمها بالعدل بين المتضررين ابتداء من الضباط الذين تم اعدامهم رميهم بالرصاص... كل هذه العمارات والبيوت والاموال في الخارج هي غنيمة لاهلنا داخل وخارج السودان... نشكركم يا اهل الانقاذ على جمعها وتكديسها وستكون خير كثير لنا..

[الدال على الخير]

#1170477 [بت البلد]
5.00/5 (3 صوت)

12-16-2014 03:39 PM
لا حول ولا قوة الا بالله ,اللهم عليك بالظالمين واكتب القتيل عندك شهيدا يا رب العالمين, وخذ له حقه في الدنيا والآخرة انك سميع مجيب

[بت البلد]

ردود على بت البلد
[AburishA] 12-18-2014 09:55 AM
أفمن بنصر المظلومين ياالله!...أفمن يجيب دعاء المضطرين يا الله.. اللهم تقبل دعوة الفاضلة بت البلد...آمين..

[رانيا] 12-16-2014 08:33 PM
اللهم أمين .


#1170473 [الحاج علي]
5.00/5 (5 صوت)

12-16-2014 03:34 PM
سعاد الفاتح بت الحلبية قالت ليكم بصريح العبارة
كل زول ياخد حقو ب ايدو

[الحاج علي]

ردود على الحاج علي
[رانيا] 12-16-2014 08:33 PM
قالتا ما حبا فينا ولا خوفا علينا قالتا عشان نولع في بعض وهم مبسوطين ومرتاحين .


#1170467 [ادروب الهداب]
3.00/5 (6 صوت)

12-16-2014 03:25 PM
القصة اصبحت فوضه كل واحد بعد كده ياخد حقه بيده .... التار التار التار .. يااهل الدار ... ديل عصابه وليس بحكومه!!!!

[ادروب الهداب]

#1170448 [حسن النعجة]
2.75/5 (3 صوت)

12-16-2014 02:34 PM
الامر مرفوع الى مولانا سيف الدولة حمدنا الله عبد القادر ليدلو بدلوه حول هذه الحادثه .. مولانا له باع طويل يحكم درايته ومعرفته بالنواحى القانونيه وبالتاكيد فانه لن يكتب حرفا فى الراكوبه الا بعد ان يتحصل على الفايل كاملا ويضعه بين يديه .. أى بالتوثيق .. وسوف تكون له مقالة دسمة فترقبوها ..وسنظل : on pins and needles حتى يوافينا السيف البتار بتعليقه ..

[حسن النعجة]

ردود على حسن النعجة
Saudi Arabia [عمك] 12-16-2014 04:55 PM
نعم اخ / حسن النعجة
نحن في انتظار استاذنا الفاضل سيف الدولة حمدنا الله
رجل القانون البارع في ان يبرز لنا الاوجه القانونية حول الموضوع
نحن متعطشين لمقالاتك يا سيف الدولة .


#1170437 [مـــــــــــــــــــــــــزارع]
4.00/5 (7 صوت)

12-16-2014 01:54 PM
اللهم دمر كل من شارك فى دمار الوطن الجميل
اللهم عليك بالكيزان فانهم لا يعجزونك
اللهم آآآآآآآآآآآآآآآآآآمين ,, اللهم أجعلهم يشتهون الماء ولا يستطيعون شرابها ويتمنون الموت من شدة الالم فلا ينالونه ,, اللهم عذبهم بكل أم بكت أنصاف الليالى على فلذة كبدها أو زوجها أو أبيها ,, اللهم عذبهم وزبانيتهم بحق كل فم جاااع ,, وبطن قرقرت ومريض مات من عدم أستطاعته توفير الدواااء اللهم عذبهم بحق كل زفرات شوق وبعاد يعانيها ابناء المهاجرين والمتغربين الفارين من الوطن بسبب سياساتهم وأفسادهم ,, اللهم أجعلهم يشتهون الطعام فلا يتذوقونه بحق كل شبر من أراضى السودان التى باعوها والتى حبسوا عنها الماء فصارت بووورا تشكوهم لربها ,,, اللهم أنا غير شامتين ولكن أمرتنا بالدعاء على من ظلمنا لذا دعوناك ,, فأن كنتم أيها السودانيين تظنون أن البشير والكيزان ظلموكم فعليكم بالدعاء فأنه أمضى سلااااح ,,أدعوا عليهم بالويل والثبوور وعظائم الامور من سرطان وأمراض

الترابى .. البشير .. على عثمان .. نافع .. الجاز .. الزبيرين .. ربيع .. امين حسن .. غندور
قطبى .. مصطفى اسماعيل .. بكرى .. الخضر .. احمدهارون .. عثمان كبر .. وقوش .. والمتعافى ودوسة .. وسبدرات .. ومامون حميدة .. وحاج ماجد سوار .. وكل باقى التنابلة
وكل من اشترك فى دمار وتشريد محمد احمد دافع الضريبة

[مـــــــــــــــــــــــــزارع]

ردود على مـــــــــــــــــــــــــزارع
Netherlands [ICC] 12-17-2014 12:58 AM
Ammen

United Kingdom [AbuAhmed] 12-16-2014 11:14 PM
وبن احمد بلال و احمد البلال دول اول القائمة

[رانيا] 12-16-2014 08:31 PM
اللهم أمين .


#1170436 [Fatmon]
3.50/5 (4 صوت)

12-16-2014 01:49 PM
متي استعبدتم الناس وقد ولدتهم أمهاتهم أحرارا ؟؟؟؟؟؟؟؟؟؟؟ليكم يوم يمهل ولا يهمل ان شاء الله نشوف فيك اليوم الموعود قادر يا كريم

[Fatmon]

ردود على Fatmon
[رانيا] 12-16-2014 08:30 PM
يا رب .


#1170433 [ابو عرب]
3.00/5 (4 صوت)

12-16-2014 12:44 PM
في الغالب لم يقم هو بالجريمة رحمة الله عليه وعلئ رفاقه والبيدو القلم ما بيكتب نفسه شقي :)

[ابو عرب]

#1170429 [الحقيقة مرة]
4.47/5 (9 صوت)

12-16-2014 12:08 PM
ضار علي نافع واهلو سارقين بلد بحالا ضابحنها وماكلنها وبرضو حتى لو سرق ما عايزين اخلو من مليارات الحرام للمسيكين عتود ول سخلة ساي احلبا لعيالو ويا ريت ودوه البوليس عذبوه وكتلوه عشان خروف لانو الخروف عندهم اغلى من الانسان غايتو الله ارحمو كويس الما طلعو هو العذب نفسو وانتحر

[الحقيقة مرة]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة