الأخبار
أخبار إقليمية
توقيع اتفاقية تمويل مطار الخرطوم الجديد
توقيع اتفاقية تمويل مطار الخرطوم الجديد
توقيع اتفاقية تمويل مطار الخرطوم الجديد


بقرض " ربوي "
12-17-2014 07:24 AM
وقعت الحكومة السودانية ممثلة في وزارة المالية، والحكومة الصينية ممثلة في بنك الاستيراد والتصدير، الثلاثاء، بالعاصمة الصينية بكين، على اتفاقية تمويل مشروع مطار الخرطوم الدولي الجديد بتكلفة مالية للمشروع تبلغ 700 مليون دولار.


ويمول مشروع المطار الجديد بقرض تفضيلي مدته 20 سنة وبفترة سماح 5 سنوات وبهامش ربح 2.5 في العام.


ووقع على الاتفاقية عن حكومة السودان وزير الدولة بالمالية عبدالرحمن ضرار، وعن الجانب الصيني إدارة القروض التفضيلية بالبنك.


وقال مدير الشركة القابضة لمطارات السودان محمد عبدالعزيز، إن المشروع من أكبر المشروعات التي ستوثر إيجاباً في الاقتصاد السوداني وإنعاش حركة سوق العمل المحلية خلال فترة التنفيذ وبعدها، التي ستحظى بتخصيص نسبة 40% من أعمال المشروع لصالح الشركات الوطنية.


وأضاف أن المطار الجديد سيصنف ضمن قائمة المطارات المحورية، حيث سيقدم خدمات مختلفة للركاب والبضائع لخدمة قارة أفريقيا بأكملها، وليس السودان فحسب، وذلك لمميزات الموقع الجغرافي والعديد من العناصر المؤثرة في المشروع، حيث سيمتد على مساحة 103 ملايين متر مربع بتصميم يستوعب سبعة ملايين راكب .


وكشف عبدالعزيز أن العمل سيبدأ بعد ثلاثة أشهر، مشيراً لانطلاق أعمال التحضير منذ ستة أشهر، واكتمال جميع الدراسات الفنية والهندسية .


شبكة الشروق


تعليقات 24 | إهداء 0 | زيارات 8187

التعليقات
#1171754 [الحكيم]
0.00/5 (0 صوت)

12-18-2014 03:17 PM
اخشي ان يتم هذا العمل فالمطار بعيد والوصول اليه مشكلة بالنسبة لمعتادى السفر.في بداية المشروع قيل انه سيربط بطريق دائري يسهل الوصول اليه لكن هيهات.حتى لو تم ربطه بطريق اربع عربات في كل اتجاه مع ظروف شوارع البلد الداخلية وجهل القيادة سيكون مستغلا بكل عربية وكارو عرجاء.السفر جمرةوهنالك من يسافر لمدة ساعات 15 او اكثر فلا تضعوا علينا اعباءا على اعبائنا.اسي مطارنا القديم دة مالوا؟ماشايلنا! اتمنى الا يتم هذا العمل,

[الحكيم]

#1171685 [متسكع]
0.00/5 (0 صوت)

12-18-2014 09:17 AM
خلصو ما ترجو في كلامك ده عشن نرحل به البشير للاهاي في رحلة تاريخية

[متسكع]

#1171684 [اب سنكيتة]
0.00/5 (0 صوت)

12-18-2014 09:16 AM
المطار الجديد جنوب امدرمان يقع داخل اراضي كردفان.. يا كردفانيين اراضيكم الشرقية كل يوم يستقطعوا منها حتة وما اكتفوا بس بامدرمان بقعتكم حقتكم وباقى اراضى غرب النيل الابيض حتى كوستى.. والحال كذلك مع الحدود الشمالية فى وادى المقدم.. ويسترخصوا عليكم خدمات مدنية ولو كانت طريق مسفلت او شفخانة صحية.. المصريين يشيلوا من الشمالية وولاية الخرطوم تشيل منكم.. وكل حاجة بالربا..

[اب سنكيتة]

#1171314 [عاطل]
5.00/5 (2 صوت)

12-17-2014 09:04 PM
في عمارات كتيرة في كافوري ما تمت اهو الحمد لله فرجت بكرة الماشطب يجي بدري والتحلل شغال

[عاطل]

#1171289 [حسام تومابى]
5.00/5 (1 صوت)

12-17-2014 08:27 PM
بقرض ربوى او....
انشاللة يصدقوا و يتموه
و ما يبقى زى القروض الما اتعرفت راحت وين

مبروك للسودان المطار الجديد

[حسام تومابى]

#1171266 [طارق الباز]
5.00/5 (1 صوت)

12-17-2014 07:55 PM
انتو يا جماعه مطار الخرطوم الجديد دا بمولو كم مرة؟؟؟؟ رسوم الهبوط والاقلاع بس لمدة ثلاثة سنوات تبنى مطارين, اول دراسة قالوا بكلف اربعمية مليون دولار والمبلغ جاهز شوية شوية كل سنة طالعين بميزانية جديدة ومبلغ مختلف.

[طارق الباز]

ردود على طارق الباز
United Arab Emirates [مسطول] 12-17-2014 10:23 PM
عبدالله حسنالبشير قبل ما يبدا استلم رشوته من خمس سنين


#1171258 [HABANI]
1.00/5 (1 صوت)

12-17-2014 07:36 PM
كل شي عملوهوا الجماعة ديل بقرض .. الله يقرضكم قرض

كبري امدرمان قرض
سد مروي العملوا لينا بيهو صجه بقرض
كبري توتي قرض
كبري الدباسين قرض
السدود الجديدة الفي الشرق قرض
كبري النشية قرض
كبري الحلفايا قرض

الله يقرضكم دنيا واخره ..

[HABANI]

#1171209 [بشمية]
0.00/5 (0 صوت)

12-17-2014 06:31 PM
السد بقرض
الكهرباء بقرض
الشوارع بقروض
المستشقيات بقروش
التعليم بقروش
الهوا بقروش


وين حقوقنا
وين البترول
قرضوتنا قرض الله يقرضكم

[بشمية]

#1171206 [ود احمد]
5.00/5 (1 صوت)

12-17-2014 06:26 PM
40٪ لشركات الكيزان وهاك يا المتعافي وغير المتعافي انا كان من الاولى توجيه القروض للنهوض بالزراعة ووسائل الانتاج في بلد محظور من دخول الاجواء الاوربية وبلد لا يمتلك سوى طائرة واحدة وبلد محاصر اولا فك الحصار عن البلد وبعدين نتكلم عن المطارات الله يطيركم من خارج الكرة الارضية عشان نرتاح من الخرمجة التي بتعملوا فيها

[ود احمد]

#1171201 [jafar]
5.00/5 (2 صوت)

12-17-2014 06:18 PM
تانى يا حرمية بديتو تسرقونا من التمويلات الدولارية ويبدو ان المطار الجديد ده بقى البقرة الحلوبة حقتكم

[jafar]

#1171188 [babo]
5.00/5 (1 صوت)

12-17-2014 06:03 PM
كما احتلت اسرائيل فلسطين جغرافيا فان الصين احتلت السودان اقتصاديا وجميع الانشاءات منذ عام 1989م من قروض صينية ليس حبا في الشعب السوداني ولكن طمعا في خيرات السودان وهذه الأعباء ستظل على عاتق الأجيال القادمة .. منذ أكثر من سبعة سنوات سمعنا بقيام هذا المطار بتمويل عربي وتم الغاء التمويل بعد تحويل الحكومة الدفعة الاولى من التمويل لأغراض اخرى وتم اسكات الأقلام التي بحثت في هذا الأمر وبعد أن اغلقت جميع منافذ الهبر يعلن من جديد مشروع المطار لمزيد من الفساد والعمولات والرشاوي وبعد ده تعيش يا حمار وموت يا حمار والساقية لسه مدورة ..

[babo]

#1171182 [abubaker]
5.00/5 (1 صوت)

12-17-2014 05:58 PM
يعني سنة 2055 نرجع على المطار الجديد (بعد سبعة انتخابات رئاسية )

[abubaker]

#1171174 [مبارك]
5.00/5 (4 صوت)

12-17-2014 05:50 PM
نسال اللة العلي القدير ان يوفقنا واياهم في رفعة الوطن وتحسين الوضع الاقتصادي بالمشاريع والانجزات التي ترجع علي البلد بالخير واسال اللة ان تتصافي النفوس وان تتصافح الايادي ونكون يدا واحدة لرفعة الوطن ان يمن علينا بالاستقرار والسلام

[مبارك]

ردود على مبارك
[جاهاب] 12-17-2014 07:38 PM
رفعه بلد بقرض ربا ؟؟؟!
رفعه بلد لزول بقول مطار بلد زي السودان بستوعب سبعه ملايين راكب ؟؟!
رفعه بلد بوين ياحبيب
ربنا كريم اي لكن يدعوه بموضوع في قرض حرام بالغت فيها .

Sudan [حامد] 12-17-2014 06:34 PM
آمين... آمين...آمين...آمين...آمين...آمين...آمين...آمين...آمين...آمين...آمين يارب العالمين.


#1171173 [ودالعيكورة]
5.00/5 (1 صوت)

12-17-2014 05:49 PM
كلام انتخابات بس

[ودالعيكورة]

#1171144 [الدارفوري الاصيل]
5.00/5 (1 صوت)

12-17-2014 05:14 PM
ابشر ابشر ابشر بالتوفيق

[الدارفوري الاصيل]

#1171133 [عبادي]
5.00/5 (2 صوت)

12-17-2014 05:00 PM
عندى اقتراح
احسن تجيبو الشريف بدر يكون مسئول عنو
هههههه

[عبادي]

#1171126 [الإفريقي]
5.00/5 (3 صوت)

12-17-2014 04:50 PM
مطار يكلف 700 مليون دولار؟؟؟. من حجم المبلغ المخصص (بعد خصم المبالغ التي سوف تنهب من المتنفذين) ممكن تعرف انو حيكون مطار لا يمكن ان ينافس المطارات في دول الجوار الإفريقي ومش ممكن تطلق عليه مسمي المطار الدولي.. عمارة واحدة في دبي بتكلف اكتر من كدة. اوصي المسئولين عن المطار ما ينسوا يبنوا فيه حمامات تليق بكرامة الإنسان.

[الإفريقي]

#1171117 [خالد حسن]
4.50/5 (5 صوت)

12-17-2014 04:13 PM
مأكله جديده للصوص الانقاذ وعپئ جديد يضاف علي كاهل الاجيال القادمه
ياكيزان كان نطلعه دممن احفاد احفادكم مابنخليكم تنعموا باموالنا

[خالد حسن]

#1171094 [محافظ بنك السودان]
4.88/5 (9 صوت)

12-17-2014 02:12 PM
وين الطيارات وين المسافرين وين الناس وين الاقتصاد وين المشاريع وين حركة السياح وين الحمام ؟؟؟؟

[محافظ بنك السودان]

ردود على محافظ بنك السودان
Saudi Arabia [Andlep] 12-17-2014 05:49 PM
اذا قاصد الحمام بفتح الميم بقول ليك الحمام طاااااااااااااااااار.


#1171083 [الفريق اول سيد الكارو]
5.00/5 (3 صوت)

12-17-2014 01:16 PM
*اقتباس
و أضاف أن المطار الجديد ( سيصنف ) ضمن قائمة المطارات المحورية، حيث ( سيقدم ) خدمات مختلفة للركاب والبضائع لخدمة قارة أفريقيا بأكملها، وليس السودان فحسب، وذلك لمميزات الموقع الجغرافي والعديد من العناصر المؤثرة في المشروع، حيث ( سيمتد ) علي مساحة 103 ملايين متر مربع بتصميم يستوعب سبعة ملايين راكب .
.....
الكلمات بين الاقواس اعلاه كلها تبدأ بحرف الـ سين ،، سيصنف ،، سيمتد

آما كفانا هذه الـ سين ،، والـ حاء ( ح يكون في ،، ح نعمل ) ....الخ
انا اعتقد ان الكيزان هم قوم يأجوج ومأجوج ،، حيث أن الاثنين سيقضون علي الأخضر واليابس ..... والاثنين يعملان دون تقديم المشيئة فالكيزان يقولو ن سنفعل سنفعل وقوم يأجوج ومأجوج يقولون غداً نخرج ولايقدمان مشيئة الله حتي يأذن الله تعالي

[الفريق اول سيد الكارو]

#1171050 [العجب]
5.00/5 (6 صوت)

12-17-2014 09:24 AM
أها يا أئمة وعلماء الضلال, رأيكم شنو فى 2.5 فى المية دى, ربا مدنكل وكمان للملحدين الصينيين!

[العجب]

#1171049 [احمد اسماعيل الحعلي]
5.00/5 (5 صوت)

12-17-2014 09:20 AM
حرام يا حكومة الانقاذ مبروك لوسيط مبلغ 70مليون دولار ومبروك لي البنك الصيني52.5مليون دولار سنويا يعني4.3شهريا 145الف دولار في اليوم 60الف دولار في الثانية يعني 600مليون بي الجنيه السوداني في مطار من غير طيارات يا عمر البشير السودان ما محتاج مطارات ف مطار الخرطوم الحالى مع بعض الاصلاحات يفي بي الغرض السودان يحتاج لي مشاريع منتجة وليس لي مطار في دولة معزولة من العالم وفي منطقة غير مناسبة ونسبة المنافسة مرتفعة من مطار دبي ومطار القاهرة ومطار اديس وكينيا مبورك لي الوسيط مر اخر فهو الرابح الاكبر والبنك الصيني فحسب علمي هامش الربح مرتفع جدا 2.5% ومبروك لشركات الانقاذ

[احمد اسماعيل الحعلي]

ردود على احمد اسماعيل الحعلي
[حسام تومابى] 12-17-2014 08:33 PM
700 مليون ضرب 2.5 % يساوى 17.5 مليون سنويا
و المطار اذا استغل بصورة صحيحة يدخل اضعاف هذا المبلغ سنويا


#1171047 [كبسول]
0.00/5 (0 صوت)

12-17-2014 09:07 AM
أين موقع هذا المطار

[كبسول]

ردود على كبسول
[moha] 12-17-2014 06:04 PM
جنوب ام درمان


#1171032 [سالم]
5.00/5 (1 صوت)

12-17-2014 08:10 AM
طيب .. بس بالله ما تنسوا أهمية المداخل والمخارج المؤدية من وإلى المطار "والتصريف كمان" .. يعني ما عايزين مطار الناس ما تقدر تصل ليهو وتتعطل في الشوارع ..
يعني ما تعملوا عملية "المهلوس" بتاع نفق عفراء ..

[سالم]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة