الأخبار
أخبار إقليمية
برلمانيون يطالبون بوقف الاستيراد والاعتماد على الذرة والويكة
برلمانيون يطالبون بوقف الاستيراد والاعتماد على الذرة والويكة
برلمانيون يطالبون بوقف الاستيراد والاعتماد على الذرة والويكة


12-17-2014 08:54 PM
البرلمان:

انتقد برلمانيون استيراد السلع الخدمية وطالبوا بإيقافها والعمل على تحقيق الاكتفاء الذاتي، كما طالبوا بوقف التصدير قبل الاكتفاء الذاتي، ودمغ النواب البترول بأنه فاشل لجهة أنه أدخل البلاد في مشاكل كثيرة وطالبوا القيام بدراسة لتحدد المجال الاقتصادي الأكثر جدوى للبلاد ليتم توجيه إمكانات البلاد عليه إن كان المجال الزراعي أو الحيواني أو البترولي، وكشفوا عن تهريب كميات كبيرة من الذهب وطالبوا وزارة المالية بالعمل على سد الفاقد، وانتقد النواب سوء الطرق القومية وما تسببه من حوادث ولفتوا الى وفاة 225 شخص في حوادث مرور بطريق كوستي – الخرطوم خلال أسابيع ودعوا الى عدم التعامل معه بأنه قدر فقط. وقال البرلماني صالح صلوحة إن البترول فاشل وجاب بلاوي للبلاد" ودعا الحكومة إلى عدم الخوض في تجارب فاشلة وقترح إجراء دراسة لتحديد المجال الاقتصادي الأكثر جدوى للبلاد ليتم توجيه إمكانات البلاد عليه إن كان المجال الزراعي أو الحيواني أو البترولي، وطالب الشعب بالاعتماد على الذرة والويكة بدلاً عن السلع المستوردة التي لفت إلى أنها هايفة تسبب السلطان، وطالب الحكومة بوقف الاستيراد في هذا المجال. إلى ذلك كشف البرلماني صديق دروس عن تهريب كميات كبيرة من الذهب إلى الخارج وطالب المالية بالعمل على سد الفاقد، وطالب الدولة بشراء النقد الأجنبي للمغتربين بالسعر العالمي حتى لا يذهبوا به إلى السوق الأسود، ودعا إلى بناء علاقات استراتيجية مع دول الخليج وليبيا لفك الحصار الأمريكي كما دعا للمناورة مع أمريكا لاتقاء شرها.

الجريدة


تعليقات 26 | إهداء 0 | زيارات 3016

التعليقات
#1172386 [على]
5.00/5 (1 صوت)

12-19-2014 06:21 AM
ديل عاسوا عواسة فى اموال الشعب اكثر بكثير من الذرة المنتج وحدوووووه

[على]

#1171988 [Freemantalker]
0.00/5 (0 صوت)

12-18-2014 07:27 PM
هههههههههه بالطبع نحن نأكل البامية الجافة
تعتقد أن الناس يأكلون الدجاج ماكدونالدز مثلك
هلوسة وجنون

[Freemantalker]

#1171939 [زهجان جدا]
0.00/5 (0 صوت)

12-18-2014 06:39 PM
ومن اين للمواطن بالويكة وهل يعرف هذا النائب كم ثمنها بالسوق.

[زهجان جدا]

#1171781 [7+7]
0.00/5 (0 صوت)

12-18-2014 04:38 PM
يا اخ انتو عباقره ...

[7+7]

#1171751 [ود العيكوره]
0.00/5 (0 صوت)

12-18-2014 03:10 PM
عشان نصدقكم وتكونوا صادقين اضيفوا (ايقاف استيراد العربات والاستعاضه بالحصين والحمير)

[ود العيكوره]

#1171745 [كنان]
0.00/5 (0 صوت)

12-18-2014 02:51 PM
معقول يا اخوانا ...
(البترول بانه فاشل)
معقول
ومن نواب برلمانين
معقول
معقول




لكن لا عجب

[كنان]

#1171743 [خرطومي]
0.00/5 (0 صوت)

12-18-2014 02:45 PM
درر البرلمانين دي محوله للاستاد الفاتح جيرا
شوف شغلك استاد الفاتح ةجبرا مع العبقريات دي

[خرطومي]

#1171726 [ابو عرب]
0.00/5 (0 صوت)

12-18-2014 12:54 PM
الاستثمار الافضل هو في التعليم التعليم التعليم الشعب السوداني ذكي وخرج عباقرة وسيخرج المزيد منهم ان شاءالله يجب تسهيل كل الصعاب للمتعلمين الطلاب اذا حتئ هاجروا وبيرجعوا يدخلوا عملة صعبة ويبنوا بيوت ويعملوا مصانع تنفع اهلهم والبلد لذلك الاستثمار الامثل والحقيقي في التعليم وفقط اوروبا بالمناسبة واليابان وغيرها اعدادهم بتتناقصومحتاجين كادر بشري بقوة وبشدة وكما ذكرت البلد ممكن تستفيد من المغتربين بدرجة كبيرة جدا اذا تحقق العدل داخل البلد والسودان ان شاء الله بخير لانه بلد ذو اطياف متعددة معطاءة ربنا يقدم الفيه الخير ان شاء الله

[ابو عرب]

#1171637 [فكري]
5.00/5 (1 صوت)

12-18-2014 07:41 AM
ياسلام عايزين يرجعونا للويكه والكسرة والله لو قدرتوا تعملوا كدا يانواب البرلمان عافي ليكم دنيا وآخره "
ياخ الفول الساده هرد مصارينا هرد ..

[فكري]

#1171619 [AburishA]
0.00/5 (0 صوت)

12-18-2014 06:56 AM
خلاص يا نواب البرلمان بعد ما شمسك غابت..ووطاتكم أصبحت بقيتوا تقولوا الحقائق بالقطارة؟!!...قال ويكة...ياخي شوال الويكة "ام بق بق الناشفة كر" باكتر من تلاتة مليون جنيه سوداني فقط لا غير...في بلد اصبح اللحم يباع ب "المس كول" (المس كول هو "نص ربع" الكيلو)..

** خلونا في البيتزا والهوت دوق بتاعنا..ومعاهو ماكدونالد"تحلية"..

[AburishA]

#1171614 [Mohammed]
0.00/5 (0 صوت)

12-18-2014 06:48 AM
الكارب
فريقو وصيفو

###########

إتنو الويكة بتجهلوها ؟؟؟ فطموكم عليها لكن مما حل علينا بوم عهدكم الكريه ولي هسي مشكلتنا خلَت الويكة وحقنة الملاريا وفصول الدراسة وأشياء أُخرى لاتُحصى ولا تُعد !!
لقيتونا جعانين ولآ عطشانين ولآ عيانين ؟؟؟؟؟؟؟ ولآ مُستعبدين ولآ ناقصين ؟؟؟؟؟؟ يا حُثالة البشر يا ي ديدان سامة .
الإعصار في الطريق .

[Mohammed]

#1171575 [سودانى جد]
0.00/5 (0 صوت)

12-18-2014 05:26 AM
هههههههههههههههههههههههه عجبتنى جدا للمناورة مع امريكا لاتقاء شرها دى

[سودانى جد]

#1171495 [التكي تاكا]
5.00/5 (1 صوت)

12-18-2014 02:34 AM
ومين بياكل الهوت دق الويكة جيل اليوم مابغرفها واليرلمان عايش في العصور الوسطي اليوم الجيل الرابع يعرف الكتشب والعوت دق والبرست مابتقدرو توفروه استقيلوا

[التكي تاكا]

#1171485 [حاج علي]
3.50/5 (2 صوت)

12-18-2014 02:12 AM
النائب صالح صلوحة عايز يصلح الانقاذ
صديق دروس عايز يدينا درس
فعلا محن سودانية يا شوقي بدري

[حاج علي]

#1171482 [الراوي]
0.00/5 (0 صوت)

12-18-2014 02:05 AM
احسن من الويكه زاتو ماف ياريت تعمر مشروع الجزيرة ونرجع قصائدنا الزمان ناكل مما
نزرع ونلبس مما نزرع هو نحنا لاقين كسرة بدل السرطانات الاتفشت فينا من المعلبات
اي مواد غذائية داخله السودان مدتها منتهيه غير المرض جابت لينا شنو الله يعين البلد

[الراوي]

#1171462 [عارف البحر]
5.00/5 (1 صوت)

12-18-2014 01:39 AM
الاعتماد علي الذات قيمة انسانية واقتصادية وتشكل محور استراتيجي دائم الحضور في التخطيط #تطوير الصناعة للذرة والبامية(الويكة) ستشكل قيمة مضافة للغذاء المحلي والاقليمي علي الاقل

[عارف البحر]

#1171443 [حسن دلدوم]
5.00/5 (2 صوت)

12-18-2014 01:21 AM
طالما يفكر نواب المجلس بهذه الطريقة البائسة ، يبقي على الوزراء فرضا شراء ما لذ وارتفع سعره . وهذا الكم من الدمي الآدمية هو الذي حفز وزير المالية الاسبق علي محمود بشراء منزل بـ 2 مليون دولار. ونفس الشيء جعل عمر البشير يحوز على 52 قطعة أرض مجانا للأسرة المالكة ، ونفس الشيء وبالنظر لهؤلاء النواب يمكن وزير المالية الحالي بصدد شراء 10 منازل الواحد بعشرة مليون.
مثل هؤلاء النواب أعلنوا براءتهم من العلم . والخوف كل الخوف أن يكون النائب قد ظن ، بأكل الويكة يمكن أن ينتعش الاقتصاد السوداني. وطبق الويكة يفوق سعره الدجاج ، فهو يحتاج للحم سمين وبهارات وكسرة ووقود لصاج الكسرة.
مثل هذا النائب هو عار على أهله وعشيرته الذين يكابدون شظف العيش وضيق اليد . وفي نفس الوقت يسمعون إختلاس 48 مليار بمكتب الوالي و 18 مليار بالسوداني منزل وزير المالية السابق ، ووالي الجزيرة السابق يصوم الاثنين والخميس ومائدة صيامه تكلف 7 مليون جنيه. هذا بجانب المخصصات والسيارات والسهرات.
ربما قام هذا النائب بعمل دراسة جدوى ، فوجد صلاح السودان في اكل الويكة.

[حسن دلدوم]

#1171432 [كديس فى السروال]
5.00/5 (2 صوت)

12-18-2014 01:05 AM
يا جماعة اخبار الهوت دوق شنو ؟؟؟؟؟؟؟ بقى ما في عشان نرجع تانى الويكة و الذرة

[كديس فى السروال]

ردود على كديس فى السروال
[جنوبي] 12-18-2014 04:02 AM
ياخ ماااا قالوا ليك بعمل سرطان ياخ !!
هسي ما شايف هناي داك جاهوا سرطان في حلقوا وهناي التاني سرطان في دمه !!؟
ماااااا من الهوت دوق ....


#1171415 [الــســيــف الــبــتــار]
5.00/5 (1 صوت)

12-18-2014 12:27 AM
برلمان السجم بقى ذى شلة صعاليق اتلموا فى بيت فرح او عذاء و اشرشحوا و انظروا و يطرحوا مواضيع كبيره فوق طاقتهم و لا تستطيع عقولهمم الخاوية من فهمها اولا وايجاد الحلول الجزرية و تجدهم يتناقشون فى الفارغ و المقدودة فى أمور تهم المواطن و الوطن فى المقام الاول و لها ارتباط وثيق بحياة الناس ومعايشهم و علاجهم و شرابهم و دوائهم و مشاكلهم الحياتيه من استقرار و أمن و خدمات ؟
هل الختان من الامور الهامه التى تطرح فى قبة البرلمان ؟
التوعيه و تثقيف المجتمع من اختصاص جهات بعينها ولا داعى لمضيعة الزمن و حسبو نسوان يحلف و القشير يعرض و يجزم و يتوعد ؟
الصادر و الوارد من أختصاص وزارة التجارية والزراعه و الماليه و وفرة المنتج الذى يغطى حاجة المواطن و تصدير الفائض اذا كان هناك انتاج يكفى المواطن ؟
لكن اليومين ديل أمرك بقى عجيب و لا هى حشرجة الموت لقرب انتهاء فترتكم البرلمانيه و عايزين تظهروا للمواطن بأنكم شغالين صح ؟
وخلى داك حق منح الرئيس جائزة الاباده النزيفيه والهجرة القسريه ؟
الله ادينا خيركم و يكفينا شركم ويحفظنا من سؤ اعمالكم .

[الــســيــف الــبــتــار]

ردود على الــســيــف الــبــتــار
United States [ادروب] 12-18-2014 10:03 AM
ا تقول قاعدين فى مجلس اللودات البريطانى انتو مصدقين نفسكم نواب يا براميط ما جايبينكم تبصمو .


#1171411 [الدرت]
5.00/5 (1 صوت)

12-18-2014 12:05 AM
سال الاستاذ الطالب عبدالاله وهو مسكين شويه من حلتنا قال ليهو يا عبدالاله 2+3 كم فسكت عبدالاله وما قدر يرد فالاستاذ داير يقرب ليهو الحل قال كان امك ادتك 3 لقيميات وجاء ابوك اداك لقيميتين ببقوا كم لقيميه فرد عليه عبدالاله هن وينن دحين هسه هى الويكة والكسره زاتن وينن

[الدرت]

#1171394 [زول]
5.00/5 (1 صوت)

12-17-2014 11:35 PM
عواسه جد

[زول]

#1171384 [البدرنجي]
5.00/5 (1 صوت)

12-17-2014 11:06 PM
اولا لمن تقول الحاجة دى فاشلة لابد من توضيح سبب فشلها..البترول ما فاشل..فاشلين النهبوهو..لانو هناك الالف العمارات..قامت ونافع..وعلى..والجاز..والطفل المجزة ..اوك..كان قلت احسب..لغاية السنة البعد الجاية ما بخلص..جوعتوا الناس ومرضتوا الخلق..وافقرتوا العباد..عاوزين تعرفوا الجوطه هسع..الزمن فات والزمن لايرحم..القذافى..بن على..مبارك..بتاع اليمن دااسمو.. على عبداللة صالح..وفى السكة ولد الاسد..للذكرى ليس الا..بختم البترول ما فاشل فاشلين انتوا با قبحاء..

[البدرنجي]

#1171372 [أبوالكجص]
5.00/5 (3 صوت)

12-17-2014 10:55 PM
هو نحن الويكة لاقينها فنحن الغالبية الجعانة غير معنيين بي كلامك دا لكن ياريت تنفذوه ما المستورد كلو كابنو في كروشكم ... خلاص ياداب صحيتو ماهو كلام بتقولوه وخلاص.

[أبوالكجص]

#1171342 [شهنور]
5.00/5 (3 صوت)

12-17-2014 09:54 PM
(وطالبوا القيام بدراسة لتحدد المجال الاقتصادي الأكثر جدوى للبلاد) يا الله ..انتو لسه حتدرسو بعد خمسة وعشرين سنه؟؟ وفرضنا وين العقول الحتدرس من الكيزان؟؟

[شهنور]

#1171329 [جنوبي]
5.00/5 (3 صوت)

12-17-2014 09:23 PM
هو يعني نحنا قعد ناكل غير الكسرة والويكة !!؟

[جنوبي]

ردود على جنوبي
United Arab Emirates [لحظة لو سمحت] 12-17-2014 11:25 PM
عليك ربك ليك كم سنة من ويكة باللحم تصدق بقينا نسويها بالدكوة حتى الماجى غلبنا نشتريه و نشكو ليك يا ربنا من رئسا خايس ولغ من دمنا


#1171313 [Hamid]
5.00/5 (6 صوت)

12-17-2014 09:04 PM
عالم زبالة ..
مالكم عايزين ترجعوا الناس لا ورا..
واحد عايزنا نرجع للعواسة وبعد شهرين يشتري بيت ب 2 مليون دولار وهذا الحمار أكيد عندو بلاوي وأربعة نسوان وياكل ضلع ومحمر ومشمر وعايز الشعب ياكل ويكة.!

[Hamid]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة