الأخبار
أخبار إقليمية
عائلة سودانية تحتفل بانضمام ابنها إلى منتخب الدنمارك بطريقة مجنونة! (فيديو)
عائلة سودانية تحتفل بانضمام ابنها إلى منتخب الدنمارك بطريقة مجنونة! (فيديو)
عائلة سودانية تحتفل بانضمام ابنها إلى منتخب الدنمارك بطريقة مجنونة! (فيديو)


12-18-2014 08:59 AM
(وكالات)

أصيبت عائلة من جنوب السودان مقيمة بالدنمارك بما يشبه "لوثة جنونية مؤقتة"، بعد علمها بانضمام ابنها إلى منتخب الدنمارك للشباب.

ففي لقطة طريفة جدًّا وغريبة وفريدة من نوعها، احتفلت عائلة سودانية بانضمام ابنها الشاب بيوني سيستو، إلى صفوف منتخب الدنمارك للشباب تحت 21 عامًا، عندما قاطع الأب والأم فجأةً المؤتمر الصحفي الذي أقيم لتقديم سيستو لرجال الإعلام الدنماركي، وقدما فقرة احتفالية هي رقصة فلكلورية إفريقية.

من جانبه، التزم الابن الصمت مكتفيًا بمشاهدة رقصة والديه وهو جالس على طاولة المؤتمر الصحفي أمام كاميرات المصورين. وكان جميع الصحفيين الدنماركيين في حالة اندهاش، لكن بعد فترة من بدء رقصة الوالدين السودانيين، قام اللاعب الشاب وشارك عائلته الفرحة.

يذكر أن سيستو يبلغ من العمر19 عامًا، وهو من مواليد أوغندا من والدين سودانيين، وانتقل إلى الدنمارك عندما كان في عمر شهرين؛ حيث تربى هناك ونال الجنسية أيضًا، وفضَّل اللعب للبلد الأوروبي.



.


تعليقات 27 | إهداء 0 | زيارات 22682

التعليقات
#1172428 [ملتوف يزيل الكيزان]
5.00/5 (3 صوت)

12-19-2014 08:33 AM
اعتقادنا بالسفر عبر الزمن راسخ و تؤكده هذه الواقعة. ان هذه الاسرة قد سافرت في رحلة تبلغ على اقل تقدير 3000 سنة من واقع قديم الى واقع جديد. عشان كدة بنقول الزمن زي الجقرافية التي يمكنك التنقل فيها من مكان ، ففي الزمن ممكن تنتقل من زمان لزمان تقدما او نأخرا.
و قد نجحت الانقاذ ان تسافر بنا الى ما قبل البعثة المحمدية. وهذه شهادة من حي يرزق.

[ملتوف يزيل الكيزان]

#1172377 [ود امدر]
5.00/5 (1 صوت)

12-19-2014 05:55 AM
والله الوجدان لا يمكن ان يلغي بجرة قلم ولا بحدود ممكن تزول ! هذا ارث سوداني حقيقي ونفتخر به وكلي فرحة بفرحة ابويه ولو كان ابني سارقص ايضا لنجاحة كما رقص والدا هذا اللاعب،،،كنت اتمني ان يكون الظرف عاديا وان ننعم بتلك الصورة في بلد مستقر وان يكون العقد احترافيا وليس كمواطن ولكن حكومة الاخوان المسلمين ومن شايعهم جعلونا في ظرف استثنائي فكل بقي مهاجر او لاجئ او اي شئ،،
واليوم يريدوننا ان نمحي ذاكرتنا كان لم يكن هنالك شئ اسمه (جنوبي) في حياتنا!!
والله يا اعزائنا في الجنوب اشتقنا لكم،،،سيمضي هذا التاريخ الملعون الي مزبلة التاريخ وستبقي العلائق بيننا كما كانت او اكثر عمقا!!
له التوفيق .... وهنيئا لابويه به...

[ود امدر]

#1172335 [memo]
5.00/5 (1 صوت)

12-19-2014 03:13 AM
هانى مختار من ام المانية واب من السودان الشمالى
صاحب هدف الفوز لمنتخب المايا في نهائي امم اوروبا تحت 19 عام ولاعب الفريق هرتا برلين ... ايضا يفتخر بأصوله السودانية وله صفحة في الفيس يضع بها صورة تبدو لإحدى حبوباته السودانيات

.

[memo]

ردود على memo
[moiez] 12-19-2014 11:06 AM
اول م قريت الخبر كنت عاوز اكتب عن هاني محتار لقيتك كاتب وخاتي فيديو انا متابع هاني في الدوري الماني ومعلومة اضافية هاني كان كابتن المنتخب الالماني في كاس العالم تحت 19 سنة وقائد الفريق الرديف لي هيرتابرلين وشال كاس المانيا


#1172275 [الحقيقة مرة]
0.00/5 (0 صوت)

12-19-2014 12:58 AM
شايفين تعليقات الجداد ترباية قوش ونافع ؟ عشان تعرفو البنشر العنصرية والكراهية في البلد منو والجنوب انفصل لشنو الكيزان اوسخ واحط نوع من البشر

[الحقيقة مرة]

#1172190 [نوم العافية]
4.50/5 (8 صوت)

12-18-2014 10:54 PM
الأوفياء يقرّرون الرّحيل حينما يدركون أنّ عطاءهم مهدر وضائع ..
يرحلون تاركين قلوبهم خلفهم... متأكّدين أنّهم سيتركون حسرة في قلوب من تركوهم...
وسيصبحون حلما محرّما لا يتكرر... ولا يمكن تحقيقه أو حتى العودة إليه ؟
ستبقى بصماتهم مشرقة لايمحوها الزّمن ...
لأنّ صفحاتهم كانت بيضاء وعالمهم بلا أحقاد ..
وقد كان ..كان حبّهم مخلصا..

[نوم العافية]

ردود على نوم العافية
Saudi Arabia [فنجال السم] 12-19-2014 01:29 AM
لله عد

درك نوم العوا في قد انصفت هؤلاء الاوفياء بالفعل هؤلاء كانوا يحلمون بوطن يتنفسون فيه الحرية كالهواء ويتقاسمون فيه السعادة والشقاء بعدل تتوزع بينهم فرص النجاح كل علي حسب عصفه وعرقه ينامون تحفهم الطمانينه ويغشاهم الامن ولكن ولكن ولكن لم يجدوه الي في اجنحة عصافير السفر للبلاد البعيده للبلاد التي تموت من البرد حيتانها فوجدوا ما فقدوه في بلادهم الام التي تحول فيها الساسه من خدام للشعب الي جبابرة متسلطين تارة باسم الحق الالهي وتارة استجابة لطلبات الكجور التي مهرها اراقة الدماء طوبي لهؤلاء الذين فروا من جحيم ظلم الانسان الي اخيه الانسان الي عالم اخر تتوفر فيه كل معاني الوفاء الانساني.


#1172181 [النذير]
5.00/5 (1 صوت)

12-18-2014 10:46 PM
لا لعنصريه نعم للهوية والإرث كلا يحتفل بالطريقة التي يحث فيها بالانتماء الأصيل لجزوره أخونا الجعليه عند الاحتفال يخلعوه الملابس والسوط في الظهر لمن الدم يسيل هل هذا تخلف أم حضاره

[النذير]

#1172096 [ودعمر]
5.00/5 (7 صوت)

12-18-2014 09:38 PM
اعتزار بالهوية والجذور عظيم. ربنا يديهم العافية لقد اطربوني وذكوروني تراث انسان جنوب السودان الحبيب الي قلبي.

[ودعمر]

#1172093 [داجن الداجن]
5.00/5 (6 صوت)

12-18-2014 09:33 PM
حاجه جميله بس
نتمنى ليو التوفيق

[داجن الداجن]

#1172037 [الشماليه]
3.99/5 (14 صوت)

12-18-2014 08:30 PM
9999999999999 مجنون انت ياكاتب المقال يامتخلف يامعقد 9999999999999999



هذه قمة الاعتزاز بالهويه الوطنية والارث الثقافي والحضاري


هذه عائلة فخوره باصلها وجذورها


هذه عائلة تستحق الاشاده وهي قدوة حسنة لمن يحب ويعتز بجذوره

هذه عائلة لم ينسيها ترف ورغد العيش اصلها

هذه عائلة لم تنسيها الاموال الطائلة التي سوف يجنيها ابنها اجدادها وحضارتها


هذه العائلة لم تتملغ وتداهن اهل البلد ( الدنمارك ) كما يفعل البعض


هذه العائله لها مني عاطر التحية وكل من فيه ذرة شرف ووطنيه يشيد بها لانهم اهل للشرف والوطنيه حقا هم اصحاب حضاره وارث ثقافي عظيم .

[الشماليه]

ردود على الشماليه
[abushihab] 12-19-2014 05:57 AM
بارك الله فيك يا سليل بعانخي.....مش زى البدعوا انه جدهم من جزيرة العرب. والعرب يضحكون عليهم وكذلك نحن. هذه هي الاصالة وللا بلاش.


#1171971 [الفيلسوف السوداني]
3.00/5 (8 صوت)

12-18-2014 07:08 PM
مافي لوثة جنونية ولاحاجة ....الوالد والوالده عارفين الولد اختير للمنتخب عشان كده جايين جاهزين من بره ...لوحة سودانية اصيلة ، مرسومة بعرق الكفاح .. قامو بعرضها على الدنيا ... وكل الدنيا شافت اصالتنا ...........

[الفيلسوف السوداني]

ردود على الفيلسوف السوداني
Sudan [فاعل خير] 12-18-2014 08:27 PM
يازول ده جنور مجانين ساي انساك منهم

على قول الاخ ادناه بقو اجانب بالنسبة لينا


#1171969 [ali]
5.00/5 (5 صوت)

12-18-2014 07:07 PM
عائله من دوله جنوب السودان وليس السودان . هذا واقع هم اصبحوا من الماضي .

[ali]

ردود على ali
Sudan [nagatabuzaid] 12-19-2014 06:27 AM
بل هم الحاضر والمستقبل انهم ابناء السودان وسيعود ويلتئم


#1171965 [انا السودان]
5.00/5 (5 صوت)

12-18-2014 07:00 PM
لهم الحق يفرحوا فقد بدلهم الله قوما افضل من قومهم وبلدا افضل من بلدهم السودان القديم الذي لم ينظر اليهم على انهم بشر مثله على الاطلاق .

[انا السودان]

ردود على انا السودان
Sudan [abudigin] 12-18-2014 10:06 PM
العنصرية ما في داعي ليها . . والنقد الما مؤسس . . والنقد لمجرد النقد ما محبذ
عندك اللاعب الكبير المحترم والرقم في فريق الهلال (جمعة جينارو) ورئتشارد وغيرهم خير دليل على عدم مصداقيتك وغيرهم كتير واظن ان صقر السودان سبت دودو كان برضو من الجنوب .


#1171943 [المهاجر ابدا]
0.00/5 (0 صوت)

12-18-2014 06:41 PM
stupid tradition

[المهاجر ابدا]

ردود على المهاجر ابدا
United Arab Emirates [حامد عوض] 12-20-2014 02:55 AM
Stupid comment

Netherlands [husseinmusa] 12-18-2014 11:56 PM
كلامك هذا قد يكون صحيح عندما كانالسودان جميل باهله ..اما الان فقد
اصبحنا شعبا تجمعنا العنصرية والجهوية والقبلية والبغضاء والحقد والحسد
وكل ماهو سئ علي وجه الدنيا..

Kenya [kommba] 12-18-2014 09:09 PM
IF YOU DON'T KNOW YOUR HISTORY YOU DON'T KNOW WHERE YOU ARE COMING FROM !!!!


YOU DON'T KNOW WHERE ARE YOU FROM BECAUSE YOU ARE FOOLED BY ARAB CULTURE AND PRETEND TO BE ARAB WHILE YOUR SKIN IS BLACK ...

YOU DON'T KNOW THE VALUE OF CULTURE CAUSE YOU HAVE NO CULTURE ..

YOU DON'T HAVE CULTURE CUASE YOUR BRAIN IS BEING TOTALLY FORMATED AND NEW BRIAN IS BEING INSTALLED FOR YOU ( ARABISM )




TO THE HELL EVERYONE THAT HAS NO CULTURE ..

FOR US WE ARE PROUD OF BEING SUDANESE WITH DIFFERENT CULTURES DIFFERENT RITES AND THIS REMAIN INSIDE US EVER AND FOREVER ...

United Kingdom [Lino TLD] 12-18-2014 08:06 PM
correction bro nothing call stuipt traditional , it's there culture you must lean this give respect get respect and all and we are a human we have to respect one another , thanks


#1171910 [سامي]
5.00/5 (2 صوت)

12-18-2014 06:22 PM
تمام ضاقت به الدنيا فهاجر . هاجرواالي ارض الله الواسعة قبل الا تهاجروا .

[سامي]

#1171896 [البدرنجي]
4.88/5 (6 صوت)

12-18-2014 06:13 PM
يابنى كوز لو ما فصلتو السودان..كنا كلنا احتفالا بهذا الشاب السودانى..ولاننى لا اعتمد في قاموسى الانفصال اعتبر هذا السودانى نصر للسودان ولا شنو يا مازدا..

[البدرنجي]

#1171892 [محجوب عبد المنعم حسن معني]
5.00/5 (2 صوت)

12-18-2014 06:12 PM
نحنا ولاد بلد نقعد نقوم على كيفنا

ياهو ده السوداني محل ما يمشي عزة وفخر واباء


اهدي هذا المقطع لابو العنصرية في السودان وهو معروف

اول حرف من اسمه الطيب مصطفى

[محجوب عبد المنعم حسن معني]

ردود على محجوب عبد المنعم حسن معني
Sudan [nagatabuzaid] 12-19-2014 06:36 AM
رد على فاعل خير :

اكتب التاريخ ده فى جبهتك بالوشم الجنوب لم ينفصل والسودان سليم معافى وسيعود اقوى مما كان

يا ود معنى طالما انكم و ود مدثر رجب اخوة معناها انك من بيت ناس معنى الجنب عيادة عابدين شرف وبيت مدثر رجب بينكم وبينه الشارع ولا ما ياهو ؟؟؟


























ك

United Arab Emirates [محجوب عبد المنعم حسن معني] 12-18-2014 10:20 PM
الاخ الكريم فاعل خير
تحياتي
سوف يظلو سودانيين
مع مودتي

Sudan [فاعل خير] 12-18-2014 08:28 PM
ياخوانا انتو يوم 11 سبمتمر 2009 كنتو وين؟

اليوم داك تم استقلال دولة جنوب السودان وصارت دولة قايمة بي ذاتها بكرهو الشمال و لشماليين وبكرهو بعض زاتو

buttom line : الجماعه ديل اجااااااااانب

United Arab Emirates [محجوب عبد المنعم حسن معني] 12-18-2014 08:21 PM
بهاء وينك يا راجل والله مشتاقين ياااه زمن طويل
كم مرة علقته عليك في الراكوبة
يا حليل ايام زمان
مع مودتي

United Arab Emirates [بهاء الدين مدثر رجب] 12-18-2014 07:03 PM
ما الحق الا ما قلت اخي محجوب .....


#1171889 [Abo Obayda]
5.00/5 (2 صوت)

12-18-2014 06:12 PM
و عندنا في سوداننا يتم سحب الجنسية من ابناء عبد الفضيل الماظ ، شهيد الوطن الذي دفع دمه مهرا لحريته واستقلاله و البشير يرقص على اشلائه !!
ترى اي رقصة يرقص ابناء عبد الفضيل؟

[Abo Obayda]

#1171872 [أبوقرجة]
5.00/5 (2 صوت)

12-18-2014 06:02 PM
الف مبروك

[أبوقرجة]

#1171831 [shah]
4.50/5 (4 صوت)

12-18-2014 05:34 PM
لمن لا يفهم ما يفعلونه ... هذه تقاليد فى قمة الإنسانية و الأصالة ... وكأنهم يقولون عن إبنهم كما نقول: متين ياعلى تكبر تشيل حملى.
ومبروك وألف مبروك

[shah]

#1171805 [Lino TLD]
1.00/5 (1 صوت)

12-18-2014 05:10 PM
wooow imazing , we all proud about u homie keep it up with success in your life , may god bless all of u over there
SOUTH SUDAN OYAAAAAAAAAAAAAAA

[Lino TLD]

#1171776 [Documentary]
4.00/5 (3 صوت)

12-18-2014 04:30 PM
Just for correction, this is one of Eastern Equtorian tribe dance (Lotuko and their negibours), not Dinka.

[Documentary]

ردود على Documentary
Saudi Arabia [المغبون] 12-18-2014 08:52 PM
thanks for clarification


#1171762 [Haj Ahmed]
4.71/5 (8 صوت)

12-18-2014 04:12 PM
دي ما "لوثة جنونية مؤقتة" ياعالم ديل اب وام بعبروا عن فرحتهم بابنهم برقصة من تراث اجداده وهي في نفس الوقت تذكرة للابن بتراثه.
الف مبروك للابن سيستو وبالتوفيق انشاء الله

[Haj Ahmed]

#1171755 [بيكانتو]
3.50/5 (2 صوت)

12-18-2014 03:30 PM
طريقة جنونية

دى رقصة النصر عند الدينكا بس الفرق متمسحين بدقيق ( قمح رقم واحد - إسترالى )

و فى السودان يتمسحوا بدقيق الذرة ( فتريتا )

ومبروك للسودان جنوبا
وزمان كان مانوت فى كرة السله
وعقبال كاكى

[بيكانتو]

ردود على بيكانتو
Sweden [Kenneth] 12-18-2014 04:14 PM
يا اخي العزيز انت ما بتعرف الجنوب و الا قبائل الجنوب الرقصة دا ما رقصة دينكا يا زكي و شكرا


#1171747 [محسى]
2.63/5 (5 صوت)

12-18-2014 02:59 PM
ما اجمل ان تفتخر باصلك الافريقى فى عقر دار العنصرية تحية خاصة لتلك الاسرة العظيمة

[محسى]

ردود على محسى
Saudi Arabia [ود البلد] 12-18-2014 05:19 PM
يسالك الله دار العنصرية وين ؟
البلد الاختارت الولد للمنتخب وادتو الجنسية او البلد الشالت منهم الجنسية وحتى على نفس الصعيد تعتبر اثير توماس وجينارو وخميس مارتن وريتشارد جاستين اجانب
البلد البتعامل الجنوبين مواطنين من الدرجه الاخيره ليس لهم الا الخرابانات والمباني الجديده سكن وبيوت الناس عمل لنسائهم ويوميات البناء عمل لرجالهم البلد التي نحرت الذبائح فرحة بذهابهم البلد التي اول امس صرح رئيس جهاز امنها انهم لن يسكتو على الجنوب لانه ياؤي الحركات المسلحه اسد عليهم ونعامة ودجاجة امام حلايب وشلاتين والفشقه
البلد التي لم تتحرك فيها الجماهير بمظاهره واحدة احتجاجا على فصل الجنوب وتخرج المسيرات من اجل هيثم مصطفى ولافريقيا الوسطى وفلسطين وماعارف شنو
العنصرية وين ؟ يامحسي

Sweden [Kenneth] 12-18-2014 04:21 PM
اذا كان في عنصرية ما كان لعب في منتخب الدنمارك يا اخي العنصرية كان في السودان يا محترم


#1171736 [عادل الامين]
4.63/5 (5 صوت)

12-18-2014 02:03 PM
going back to my roots

[عادل الامين]

#1171724 [يس كباشي]
4.94/5 (7 صوت)

12-18-2014 12:42 PM
ياسلام، منظر اثرني جدا، فرحة الوالدين بنجاح ابنهم، الاعتزاز بالاصل و التراث، صراحة شي جميل

[يس كباشي]

#1171723 [ابو عرب]
4.96/5 (7 صوت)

12-18-2014 12:41 PM
نتمنئ له النجاح والتاهل للعب مع الفريق الكبير كلنا يذكر ماجد عبدالله اللاعب السوداني الاسطورة بالنصر السعودي والمنتخب السعودي اوروبا خير له فهناك يمكن ان يتطور للافضل

[ابو عرب]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة