الأخبار
أخبار إقليمية
من طرف التقرير



12-18-2014 08:28 AM
كمال كرار

من طرف تقرير المراجع العام،وليس من (بيت الكلاوي)جات أغرب حكاوي،عن فساد وبلاوي،فانظر عزيزي القارئ إلي الأموال العامة أين تذهب ؟؟!! ولا تتعجب
628 مليون دولار راحت بين الشركاء ومؤسسة النفط،ظهرت كزيادة في المصروفات التشغيلية والرأسمالية دون وجه حق للفترة من 1996 وحتي 2012 (17 سنة يا سدنة !!).
يصرف من عائدات الخام من المنبع-دون المرور بوزارة المالية- لعدة جهات دون إثباته كإلتزامات بالحسابات .
16.5 مليون جنيه هي عائدات التصرف في مرافق القطاع العام لم تذهب لخزنة وزارة المالية بل سجلت في الدفاتر كأمانات باسم اللجنة العليا للتصرف في مخالفة صريحة للقانون .
676 مليون جنيه عبارة عن مساهمة الحكومة في رؤوس أموال بعض الجهات،لم تظهر في بعض الوحدات زي مصفاة الخرطوم وسكر النيل الأبيض والبنك الزراعي .
636 مليون جنيه في عام واحد هو عام 2013 ظهرت في شكل عمولات لإصدار شهادات شهامة ،بينما جملة الاكتتاب يساوي 2.9 مليار جنيه ومعناها أن العمولة تبلغ 22% (عمولة ولا صامولة ؟؟).
فوائض من مؤسسات عامة قدرها 772 مليون جنيه لم يتم تحصيلها لسنوات خلت من الطيران المدني والخطوط البحرية والامدادات الطبية وغيرها (واسألوا ناس علوية الدلالية ).
97 مليون جنيه أموال مجنبة في عام 2013 علي مستوي الحكم القومي زائداً 30 ألف دولار وعلي المستوي الولائي 23.6 مليون جنيه .
أما عن إدارة الحج والعمرة ،فقد قال التقرير أنه يتم فرض رسوم إدارية تخالف القانون وأن إستثمارات الإدارة لا يتم الافصاح عنها،وهذه الاستثمارات هي وكالة البركة ومركز القبلتين(قالوا الحجيج قطع،قالوا الحجيج مستثمر).
90 في المية من رسوم خدمات القنصلية بدبي تحول لصالح بناء السفارة ومنزل السفير بأبوظبي دون تصديق من وزارة المالية .
بلغت نسبة تكلفة إيجار سفارة السودان بالكويت ومنزل السفير 70% من قيمة المصروفات البالغة 301.4 ألف دولار مع العلم أن السفارة تمتلك قطعة أرض مساحتها 4000 متر منذ عام 1975 !!
المال المنهوب غير المسترد بالمركز يساوي 3.6 مليون جنيه،ومتأخرات الضرائب والشيكات المرتدة 3.3 مليار جنيه .
9.3 مليون جنيه،تكاليف إضافية لمعالجة مشكلات التقاوي الفاسدة
معظم الصرف المالي في المؤتمر العربي لدعم دارفور ذهب في غير ما خصص له .
عضو بمجلس إدارة شركة الصمغ العربي يمارس نفس النشاط التجاري للشركة مما أدي إلي تضارب المصالح والإضرار بالشركة ،وتم التصرف في كثير من أصول الشركة بالبيع بواسطة مجلس الإدارة الحالي دون وجود سند قانوني .
هذه فقط مناظر الفيلم وليس الفيلم (ذات نفسو)طالما أن 140 فقط من 255 وحدة حكومية هي التي روجعت لسنة 2013 .
وحتي تقرير السنة القادمة سيغني السدنة(أنهبني وتحلل.. وقلبك ليه تبدّل ،وللكوز ما نسينا وللكوز ليس نجهل)

[email protected]




تعليقات 7 | إهداء 0 | زيارات 2592

التعليقات
#1172430 [ملتوف يزيل الكيزان]
0.00/5 (0 صوت)

12-19-2014 08:34 AM
عندما اناشد الحركات المسلحة لتسريب بعض عناصرها للعاصمة ، اعتقد جازما بان التنسيق بين العناصر و خلايا المقاومة سينتج مزيجا من عناصر القوة لن يستطع اي نظام امني مهما بلغ من الاستعداد الوقوف امام الشباب . لان الشباب يقاتلون بين احضان اهلهم عن شرفهم و مستقبلهم. والعدو مستأجر و لن يحارب المحرش و المرتزق اول من يهرب من جحيم المعركة. انتصار الشباب حتمي و البداية حرق بيوت الكيزان و كبلاب الامن. عندما يزيل كل ناس حي الكيزان وكلاب الامن بحيهم نكون قد حررنا العاصمة.قاطعوهم اجتماعيا و احرموهم من اقامة الحفلات و الاحتفالات.

[ملتوف يزيل الكيزان]

#1172297 [نوافذ شندي]
0.00/5 (0 صوت)

12-19-2014 01:27 AM
راجعوا مكتب والي الخرطوم وشوفوا مصاريف عبد الرحمن الخضر طلعت كم - مصاريف البيت والسيرات والتعليم والتحويلات الخارجية وحساب الكوفير والحنانة

[نوافذ شندي]

#1172287 [نص صديري]
0.00/5 (0 صوت)

12-19-2014 01:09 AM
شهادات شهامة عمولة تبلغ 22%!!--- الربا ده الا يدقوا ليه يافطة؟؟
اما قصة إيجار سفارة السودان بالكويت ومنزل السفير دي فعلا تحير --- كويس الناس ديل ادو الكويتيين مليون فدان بلاش مقابل شنو؟؟؟ وكمان ياكمال نسيت انو ملف كنانة ما فتحوه لسع
فعلا دي مناظر الفيلم وليس الفيلم

[نص صديري]

#1172168 [زول وطني غيور]
5.00/5 (1 صوت)

12-18-2014 10:32 PM
نعم هذا هو الفساد الموثق بالمستندات والأدلة ولا مجال للحديث عن عدم وجود فساد بالسودان وبلدنا منهوبة تماما لأن الذين يديرون شؤون البلاد هم مسيسون تماما ولذلك لا يخضون للمحاسبة القانونية . الفساد الفساد الفساد قاتل الله المفسدين في كل شبر من أرض السودان ..

[زول وطني غيور]

#1171954 [Tash Ma Tash]
5.00/5 (1 صوت)

12-18-2014 06:52 PM
يا كمال كرار برضو في حاجة فائته عليك وعلي المراجع!!
وهي أن مبني سفارتنا في جدة ملك للسودان قاموا بهجر المبني وراحوا أجروا مبني اخر.!!
إيه رايك في هذا الامر الخفي الذي لايعلمه المراجع؟؟؟

[Tash Ma Tash]

#1171875 [البدرنجي]
5.00/5 (1 صوت)

12-18-2014 06:05 PM
فعلا يا ود الخرطوم..مسطول دا ما مسطول المساطيل نحن الساكتين على الحكومه دى..شكرا ود الخرطوم دى بكرت..غربت اكتب بكرى..حلوة دى..

[البدرنجي]

#1171740 [ود الخرطوم]
5.00/5 (4 صوت)

12-18-2014 02:26 PM
مسطول لقا ناس بتناقشو قربوا يضاروا قاليهم شنو يا جماعه؟؟إستهدوا بالله..واحد فيهم قال ليهو أنا مواطن عربيتي واقفة جات العربيه اللوحاتها صفرا دي راجعه بالخلف فجخت عربيتي... الغلطان منو؟ المسطول قال ليهو طبعاً إنت..!!! المواطن قال كيف غلطان أنا؟ المسطول قال ليهو إنت عااارف الحكومه دي راجعه لورا الوقفك وراها شنو؟؟؟

[ود الخرطوم]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الفيديو |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة