الأخبار
أخبار إقليمية
اصابة (13) موطن في اشتباكات مع الشرطة بالكلاكلة (شاهد الصور)
اصابة (13) موطن في اشتباكات مع الشرطة بالكلاكلة (شاهد الصور)
اصابة (13) موطن في اشتباكات مع الشرطة بالكلاكلة (شاهد الصور)


بينهم اطفال ومسنين وامراة حبلى
12-19-2014 07:45 AM
الراكوبة - اصيب (13) مواطن - ثلاثة منهم بحالة حرجة - في اشتباكات نجمت عن تنفيذ الشرطة لقرار محلي قضى بازالة (125) منزلا في حي الصفا بالكلالكة اللفة. وقال شهود عيان ان المصابين تم نقلهم الى المستشفى التركي المجاور للمنطقة، بينما نُقلت امراة حُبلى الى مستشفى "بست كير" بحي اللاماب، بعد ان عانت من نزيف حاد.

واستنكر مواطنو الحي ما وصفوها بالطريقة الاستفزازية التي تعاملت بها قوة الشرطة اثناء عملية التنفيذ. وقال متحدث باسم اللجنة الشعبية بالمنطقة إن اللجنة الشعبية دونّت بلاغات في مواجهة افراد الشرطة بعد اصابة المواطنين بجروح بالغة جراء عملية التنفيذ، وطالب المتحدث باسم اللجنة الشعبية رئيس الجمهورية بالتدخل العاجل "لنزع الظلم الواقع عليهم". واشار الى ان الارض المحددة بالساقية (250) مملوكة لهم منذ العام 1990م، بعد ان قاموا بشرائها من اشخاص معروفين، لافتا الى انه لم تظهر حولها مشكلة الا في العام 2011م، بعد ان ادعى شخص تربطه صلة قرابة ومصاهرة بوالي الخرطوم، ملكيته للارض. واشار الى ان المواطنين توصلوا الى تسوية مع المحلية، قضت بدفع مليار جنيه للمعتمد، واردف يقول: "قمنا بتسديد (800) الف جنيها، واتفقنا على ان يُدفع باقي المبلغ لاحقا، بعد ان سلمنا المحلية "شيك" بقيمة (200) الف جنيه متبقي قيمة التسوية". واتهم المتحدث باسم اللجنة الشعبية معتمد محلية جبل اولياء بموالاة طرف على حساب آخر.

وهدد مواطنو المنطقة، بتنفيذ اعتصامات متصلة، والخروج للشارع لتثبيت حقهم، وملكيتهم للارض، وشددوا على انهم لن يبارحوا الارض الا على اجسادهم. وقال المتحدث باسم اللجنة الشعبية إن عمليات التنفيذ لم تتوقف حتى في ظل تعالي صراخ الاطفال وعويل النساء.


image

image

image


تعليقات 17 | إهداء 0 | زيارات 14493

التعليقات
#1173024 [ود قلب الطرخوم]
1.00/5 (1 صوت)

12-20-2014 07:25 PM
هوووى ياناس انتو شغالين نبذ فى الحكومة وعمر البشير ,,كفاية ,, دى بيوت عشوائية تمت ازالتها ,, يعنى شعب غريب خلاص ,, عايزين تعيشو كدة فى العشوائية دى ,,, وبعدين دى اعادة تخطيط سكن المنطقة لتكون اكثر تحضرا وتخطيطا وكل زى حق ياخد حقه من الاراضى ,,,ودى كلها الاسباب ,,شعب غريب خلاص

[ود قلب الطرخوم]

ردود على ود قلب الطرخوم
United States [ود مليك] 12-21-2014 09:33 AM
بس يا فالح في أسس وطرق سهلة يمكن التعامل بيها من دون تدخل الشرطة لكن الطراطير الزيك وزى البشير الدلاهة بتاعك اتعودتو على العنف ضد المواطنين حتى في أبسط حقوقهم المشروعة وبعد ده جاي تتكلم عن الحضارة مش لما تتعلمو الأول يا عرة طزززز فيك وطززززز في البشير وفي كل كوز معفن يا امنجي يا واطي.

United Arab Emirates [كرهت البلد] 12-20-2014 09:12 PM
كلامك صحيح اخى انا من سكان الكلاكلة وهذه البيوت عشاوئية وبدون خطط او خرط واضف الى ذلك تتم فيها جميع الممارسات السالبة
نسأل الله الهدايا وان تعود العاصمة متحضرة ونظيفة كما كانت عليه فى عهد الانجليز


#1172930 [المهاجر عن الوطن]
0.00/5 (0 صوت)

12-20-2014 04:39 PM
الله اكبر علي النظام

[المهاجر عن الوطن]

#1172928 [رياض]
0.00/5 (0 صوت)

12-20-2014 04:35 PM
من الصور الواحد يفتكر الصور دي من غزة وليست الخرطوم اليهود ما عملو كدة في غزة وعجبا من حكومة تدعي الاسلام والإسلام برى منهم براءة الذئب من دم ابن يعقوب

[رياض]

#1172846 [الثورة اتية]
5.00/5 (1 صوت)

12-20-2014 08:38 AM
راجعوا كل مصائب البلد منذ اغتيال الزبير وراءها النزير الشؤم المدعو البشير الله لا صبحو

[الثورة اتية]

#1172730 [الغمام]
5.00/5 (1 صوت)

12-20-2014 04:25 AM
العلة في كمال عبد القادر مدير جهاز الحماية بمحلية جبل اولياء اكبر حرامي ومرتشي جاء من الجيش معدم الان من اصحاب المليارات حتي معاشه من الجيش احتاله منه محتال جاء الي ادارة الجهاز لايملك قوت يومه الان من اصحاب المليارات وينفذ كل اوامر الراسمالية والتجار بمحلية جبل اولياء وازال كل القري الجوار مشروع سندس بكم مليار كلها في جيبه الان وازال الاندلس والتاجر اعطاهوا قطعة باعها 400 مليون والان يبني في عمارة من 4 طوابق في الازهري يجب ابادة هذا الشيطان الغي صورة انسان .

[الغمام]

#1172639 [ابو عرب]
0.00/5 (0 صوت)

12-20-2014 12:57 AM
لا حول ولا قوة الا بالله يمهل ولا يهمل دي من علامات نهاية النظام

[ابو عرب]

#1172586 [الفاروق]
0.00/5 (0 صوت)

12-19-2014 10:23 PM
القوى ياكل الضعيف وهذا الحال من عشرون سنة والحليم يمهل ولا يهمل .

[الفاروق]

#1172562 [Haj Ahmed]
5.00/5 (2 صوت)

12-19-2014 09:09 PM
غايتو بالغتوا في موضوع مناشدة "رئيس الجمهورية" دا.

[Haj Ahmed]

#1172510 [ودالباشا]
0.00/5 (0 صوت)

12-19-2014 05:43 PM
لم يظهر صحاب الارض الا بعد اصبح قريبه واليا الميادين خلاص كملت وبدؤا يقلعوا فى البيوت وبقى واقع حقيقى وليس ضرب مثل كما كنا نقول ولسع بكرة الجايه جايه رحم الله اجيال اكتوبر وابريل التى لم تدنس سمعة بلادها

[ودالباشا]

#1172503 [مسطول]
5.00/5 (2 صوت)

12-19-2014 04:37 PM
اشار الى ان الارض المحددة بالساقية (250) مملوكة لهم منذ العام 1990م، بعد ان قاموا بشرائها من اشخاص معروفين، لافتا الى انه لم تظهر حولها مشكلة الا في العام 2011م، بعد ان ادعى شخص تربطه صلة قرابة ومصاهرة بوالي الخرطوم، ملكيته للارض

[مسطول]

#1172484 [aliali7488]
5.00/5 (2 صوت)

12-19-2014 02:19 PM
عايزين القشير يدخل ؟؟؟؟!!!!!!! **** القشير بجيب الجنجويد ****

[aliali7488]

#1172468 [Ali]
5.00/5 (1 صوت)

12-19-2014 11:10 AM
I cant believe they can take the land from them when i was live somewhere the government take my land for no reason i am Sudanese so this people they have the wright to protest against them inshallah at the end the will won....

[Ali]

#1172464 [Hisho]
5.00/5 (3 صوت)

12-19-2014 10:23 AM
انتو ناشدتم رئيس الجمهورية للتدخل وارجاع الحق اليكم , لكن هل انتم متاكدين انو رئيس الجمهورية او شقيقه عبد الله او زوج اخته واسمه نورالدائم او عبد الحليم المتعافى مستشار الرئيس لشؤؤن البزنس مافى واحد فيهم(عودو راكب) فى اراضيكم دى , اتاكدو اول وبعدين ناشدو...ولكن اشك ان تقوم جهة بتكسير البيوت بقلب قوى زى دا من فراغ .. وخصوصأ انكم قلتم دفعتم للمعتمد مليار جنيه .. يعنى المعتمد اخد حقو.. لكن من يكسر منازلكم دا جاى بى ضهر اقوى من المعتمد , شوفو الكلام دا جاى من وين ... ولكن ابشركم فى النهاية بان حقكم راح واكلتو النيم .. شوفو ليكم محل تانى امشو عليهو من بدرى .. موضوعكم انتهى .. المرة دى 13 اصابات لكن المرة الجاية رصاص حى فى الراس والصدر ..

[Hisho]

#1172446 [wad aldosh]
4.63/5 (4 صوت)

12-19-2014 09:10 AM
لكم التحية البشير الزي تطلبون تدخله لحل المشكله هو راس الافعي عليكم ان تقلعوا الفاسد الكبير من القصر والله تنحل كل مشاكل السودان غير زلك بتنفخوا قربه مخرومه. ولكم مثال في بوركينا فاسوا يومين فقد هرب الفاسد الزي حكمها اكثر من ثلاثين سنه من الظلم

[wad aldosh]

#1172422 [ما ضاع حق وراه مطالب]
5.00/5 (1 صوت)

12-19-2014 08:30 AM
والتسوية دي شنو كمان ؟؟؟
(رشوه) ام ماذا ؟؟؟؟
ماذا الذي توصلتم اليه يا ناس الصفا مع المحلية مادام الارض ارضكم

عجيب !!!

[ما ضاع حق وراه مطالب]

#1172420 [ديك دجاج]
4.25/5 (3 صوت)

12-19-2014 08:27 AM
يعني انتو جوّعتوا الناس وقتلتوهم .. عايزين تقلعوا من المواطنين العزُّل البسطاء ديل بيوتهم (المتواضعه) دي كمان ؟؟؟؟

[ديك دجاج]

#1172414 [الحقيقة مرة]
5.00/5 (7 صوت)

12-19-2014 08:11 AM
وطالب المتحدث باسم اللجنة الشعبية رئيس الجمهورية بالتدخل العاجل "لنزع الظلم الواقع عليهم"
_____

يا اهلنا ارحمو نفسكم من المناشدات العقيمة دي رئيس الجمهورية المزعوم هو زعيم مافيا الاراضي الكيزانية وعراب كل الجريمة والفساد في البلد

[الحقيقة مرة]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة