الأخبار
أخبار إقليمية
غزو الخرطوم..! ..موسى هلال يتململ.. ماذا لو توحد مع حميدتي- منع من النشر
غزو الخرطوم..! ..موسى هلال يتململ.. ماذا لو توحد مع حميدتي- منع من النشر
غزو الخرطوم..! ..موسى هلال يتململ.. ماذا لو توحد مع حميدتي- منع من النشر


12-19-2014 11:00 PM
هويدا سر الختم -


سيناريو مخيف ربما ينتظر العاصمة الخرطوم(تحديدا)..فشل الحوار الوطني في كل الجبهات في مراحله الاولية وتوقعات الفشل الكامل..ربما يحمل المعارضة المجتمعة الان تحت مظلة(نداء السودان) الانتقال الي الخطة(C)(الهجوم المسلح) قفزا علي الخطة(B) المعرّفة ب(اسقاط النظام عبر الانتفاضة الشعبية) لجهة ان الخطة(B) ستواجهها الحكومة بالسلاح في حال الالتحام الشعبي الذى ستقوده المعارضة(علي لسان المسؤلين)..ما يجعل من الخطة(B) جزءا لا يتجزء من الخطة(C) فالاسلحة لم تعد مع الحكومة وحدها بل الحركات المسلحة ومليشيات الحكومة التي تنتشر في شمال كردفان ودارفور تمتلك ترسانة اسلحة حديثة والطريق امامها مفتوح لمزيد من الدعم الخارجي..حتي العاصمة الخرطوم نفسها تحمل اخبار الصحف كل فينة واخرى القبض علي عربات ممتلئة بالسلاح ولا احد يعلم شيئا عن الاسلحة التي لم تضبط بعد وربما تكون هناك في مكان بعيد مخازن اسلحة تنتظر ساعة الصفر..!

الوضع ينذر بالخطر..موسي هلال رئيس مجلس الصحوة الثورى قائد قوات الجنجويد والمستشار بديوان الحكم الاتحادى بدأ في التململ وافراغ الهواء الساخن..تخيلوا معي ماذا لو توحدت صفوف قوات هلال مع قوات الدعم السريع بقيادة محمد حمدتي(ابن عم موسي هلال)..بالتاكيد سوف يصبح الوضع مثل غزو العراق للكويت في العام1990 (جوز عساكر قصاد كل مواطن في الكويت)..الحكومة الان تعتمد علي المليشيات الامنية بعد ان ارسلت الجيش الي سكناته..واقوى هذه المليشات( كان) الدفاع الشعبي الذى استطاعت الحكومة ان تكسب به كل حروبها السابقة ضد التمرد..فسقطت اسطورة الدفاع الشعبي منذ خروج الاب الروحي(العميد ود ابراهيم) بعد ان قام بالانقلاب علي الحكومة..فالضربة القاضية لم تكن في الانقلاب وانما في سقوط العقيدة والمبادئ الوقود المحرك لجنود الدفاع الشعبي.. والان الحكومة تراهن علي ما هو خارج يديها..ولكم ان تقدروا حجم المكسب والخسارة..خاصة وان هذه القوات كانت تعطي ولاءها للاموال التي تستلمها من الحكومة مقابل العمليات التي تقوم بها في المقام الاول(حتي شبعت.!).

تغير كبير حدث في المفاهيم كما حدث في الجغرافيا لكثير من آليات الحكومة البشرية..وضمائر صحيت واخرى حسبتها(صاح) وبعضهم شعر بان الحكومة ليس لديها ما تعطيه بعد اليوم..المهم هذا التغيير الكبير مؤكد تنتبه اليه الحكومة ولكنها تستهين به..ولكنه مؤشر اضعاف لجسم الحزب الحاكم في مواجهة الموقف القادم..من المفيد ان تضع الحكومة كل هذه التغيرات امامها علي طاولة المفاوضات الداخلية لحزبها حتي تستطيع ان تبني خطواتها القادمة بصورة تجنب البلاد والشعب خطر الصدام الذى بات وشيكا ولن يدفع ثمنه الا ابناء هذا الشعب من القوات النظامية في المقام الاول..فالسياسات القديمة للحزب الحاكم(فرق تسد) ماباتت مجدية حتي وان نجحت مرة اخرى فلن يغلق هذا الباب بعد ان فتح مالم يحدث تغيير كامل في وجه الحكومة والدولة.
الجريدة


تعليقات 29 | إهداء 0 | زيارات 19776

التعليقات
#1173397 [kduess]
5.00/5 (1 صوت)

12-21-2014 09:45 AM
تحرق من الف الى الياى ما مشكلة حتى نصل الى وضع الاسس الصحية للادارة البلد ....وليس غريبة حصل على سبيل المثال فى اورباء احترقت بسبب الظلم الحكام ثم اسست بعد تمزيقها.

[kduess]

#1173383 [المنسي]
0.00/5 (0 صوت)

12-21-2014 08:41 AM
ب

[المنسي]

#1173347 [جرمندي]
0.00/5 (0 صوت)

12-21-2014 07:16 AM
هويدا سر الختم عفارم عليك لأنك ببساطة وصراحة قلتى الكلام الكل الناس حاسنو ومتوقعنوولكن ما قادرين يقولو ودا الهاجس الكبير والنهاية الحتميه لما يحدث الان اجتياح العاصمة من قبل المليشيات المواليه للنظام وقديما قال ابو الطيب المتنبي:
ومن يجعل الضرغام بازا لصيده
تصيده الضرغام فيمن تصيدا
واكبر خطاء الاستهانه بمقدرات تلك المليشيات والاستكانه لفكرة ان هؤلاء مجرد مرتزقه ولا تنسوا ان المعارضة اللتى دخلت الى الخرطوم كانت تتفادى الاحتكاك بتلك المليشيات وعلى ذلك قس وفى ظل تدهور اوضاع الجيش السودانى والاهمال اللذى يلاقيه يصبح السودان كله فى متناول قبضة اول مغامر يمتلك الجراءة والامكانات ناهيك عن رجال احترفو القتال ولهم خبرات وقد يتم استقطابهم بواسطة جهات داخليه او خارجيه ذات باع ...

[جرمندي]

#1173341 [الدرب الطويل]
0.00/5 (0 صوت)

12-21-2014 07:02 AM
ي

[الدرب الطويل]

#1173292 [المحمودي]
4.75/5 (4 صوت)

12-21-2014 05:30 AM
يا جماعة الخرطوم دي حقة أبو منو فيكم ، يجي هلال ولا حميدتي ولا مناوي ولا عرمان ولا عقار ولا الحلو ما ذي الجو قبلهم،،، ولا حلال على ناس وحرام على ناس ،،، وبعدين منو القال ليكم موسى هلال او حميدتي جاي يحارب المواطنين؟؟؟ احسن ليكم تبطلو عنصرة ، صحفيين ومعارضين ودجاج يكاكي بدون دحي،، احسن تلملمو باقي السودان الفضل بدل تزيدو الشقة و الأحقاد بين السودانيين ،،، لا احد يستطيع ان يقصي احد ،، زمن الأفندية والبندر ولى ،، ويمكن لاي اغبش من اقصى اقاصي السودان يحكم الخرطوم، والخرطوم ما حكر على ناس محددين وانتو فاهمين الباقي ،،،

[المحمودي]

ردود على المحمودي
United Kingdom [هاشم حسن عبد الله] 12-21-2014 05:45 AM
كلامك صاح يا المحمودي الخرطوم ما حقت زول حقت الجميع
ولحميدتي وهلال الحق يحكموا السودان زي نافع وعلي عثمان والما عاجبو يشرب من البحر الاحمر


#1173217 [ود الدلنج]
0.00/5 (0 صوت)

12-21-2014 02:00 AM
ياا ختى الكريمة دفاع شعبى بتاع شنو ما كلهم ناس موية باردة فت جبخانة كلهم سيطىرو فزع

[ود الدلنج]

#1173044 [omer]
5.00/5 (1 صوت)

12-20-2014 08:02 PM
موسي هلال قال انا بمهل الحكومة حتي التاسع من يناير للعام 2015 لاقالة والي شمال دارفور عثمان كبر و ذكر في حديث اخر ان لايؤيد ذهاب المجموعات المقاتلة بقيادة حميدتي للقتال في جبال النوبة و النيل الازرق لانهم معنيين بقضية دارفور من الكلام ده يا سادة حقو نعرف انو موسي هلال لا عنده شغله في الخرطوم و لا غيرها موسي هلال مركز علي اقليم دارفور و بالتحيد الجزء الشمالي فالمتوقع هو ان يتحالف مع حميدتي و سوف ينضم لاعلان انا السودان و سوف يتم احتلال الفاشر بكل سهولة و يسر و سوف يتم القبض علي عثمان كبر ليفتح بذلك صفحة جديدة من الصراع الدموي

[omer]

#1173037 [هيثم]
0.00/5 (0 صوت)

12-20-2014 07:50 PM
يا هويدا بت العتباني الناس ديل لو جوا الخرطوم انتي سوقي راجلك واولادك واهلك وغازي وحرمه بت هباني وارجعي لبلدكم مصر ام الدنيا وخلي الناس تحل مشاكلها لما تروق ارجعوا تاني

[هيثم]

ردود على هيثم
United Kingdom [هاشم السر ابراهيم] 12-21-2014 02:05 AM
يا هيثم الكاتبة الاستاذة هويدا سر الختم وليس هويدا العتباني شقيقة غازي صلاح الدين العتباني.
غازي صلاح الدين العتباني ليس مصريا.. بل هو سوداني مثل غيره فلا داعي للعنصرية الغير مفيدة في وطن يتمزق من اطرافه والخير قادم على قلبه
أما هويدا سر الختم فهي سودانية 110% أبا عن جد من قبيلة المناصير المشهورة وهي كاتبة شجاعة ولها مواقف كثيرة تثبت قولي ليس هذا مكانها
فتأكد يا هيثم قبل أن تكتب


#1173028 [مبارك]
4.00/5 (1 صوت)

12-20-2014 07:34 PM
لا احد عاقل يريد عدم الاستقرار ، كل شيء وارد في عهد حكومة الانقاذ ، قوات العدل والمساواة قبل كدة دخلت الخرطوم ولا احد علم بها حتى الاسخبارات العسكرية وقوات الامن لم تعلم بها ، ودارت المعركة في قلب العاصمة المثلثة فقتل مئات المدنيين وادخل الرعب في الاف الاطفال والنساء وكبار السن .
يمكن دخول الخرطوم مرة ثانية وثالثة ورابعة في عهد الانقاذ الذي يعتمد سياسة فرق تسد . هذا النظام بيخلق مزيد من الاعداء يوميا .
من المعروف انك لتكسب حرب ما يجب ان تعمل في كل الجبهات ومنها ان تدرس سبب الحرب وكيفية معالجته حتى لا تتكرر الحرب ثانية ، فلا يمكن حسم التمرد عسكريا بل يجب رد الحقوق الى اهلها ورفع المظالم ومعالجة اثارها ونشر العدل بين الرعية ، فالبشير الذي يشتم سكان ولاية كاملة ويصفهم بالحرامية لا يستحق ان يكون رئيسا للسودان . فالرئيس يجب ان يزن كلامه بميزان الذهب ولا يطلقه خبط عشواء والا يكون غير مسئولا ، لذلك ارى وللخلاص من هذه الاوضاع المأساوية التي وضعت كل الشعب السودان في كف عفريت ان تتحرك القوات المسلحة وتعزل الرئيس وتنحاز الى الشعب وتسلمه السلطة . فابناء القوات المسلحة هم ابناء الشعب السوداني ومكتوين بنار الانقاذ مثلهم مثل الشعب السوداني ومعلوم ان البشير يستمد قوته وبقائه في السلطة من القوات المسلحة لذلك عليها ان تنهي هذه الفوضى العارمة التي عمت البلاد فاصبح السفهاء في اعلى المناصب بينما العلماء اصحاب الكفاءات مشردون في الارض .

[مبارك]

ردود على مبارك
Ireland [Amin] 12-21-2014 02:13 AM
( فقتل مئات المدنيين )


لم يحالفك الصدق في هذه ,,, ونحن من الشاهدين

Saudi Arabia [وحيد] 12-21-2014 12:23 AM
للأسف القوات المسلحة راحت شمار في مرقة مثلها مثل سودانير و مشروع الجزيرة و غيرها من مقدرات السودان التي دمرتها الإنقاذ .... أولا بدات الإنقاذ بالتمكين و شلعت القوات المسلحة من الوطنيين و المحترفين و ابدلتهم بالموالين و جعلت الكلية الحربية حصرا لمنسوبي التنظيم ... و لخوف السلطة من القوات المسلحة فانها م تكتفي بتشليعها و احتكارها للتنظيم فحسب، بل عمدت لشغل القوات المسلحة في الحروب المتعددة التي تشعلها السلطة في كل انحاء السودان و عليه فقد قامت بتوزيع القوات المسلحة في اصقاع السودان و شغلتها بالحروب. اقامت اللطة مليشيات موازية للقوات المسلحة من اهل الولاء بدأت بالدفاع الشعبي و لما غرق جماعة السلطة في نهب و لغف المال العام و انهار الدفاع الشعبي اخذت الحكومة في الاستعانة بالمرتزقةمن الجنجويد و الدعم السريع، و لخوفها من الجيش فقد قامت بتغيير اهداف و استراتيجيات جهاز اامن ليصبح الجهاز قوة ضاربة و قوات مسلحة قوامها شباب شمال السودان غالبا و بعض الانحاء من المغرر بهم و بمعايير قبلية ..ز تسليح جهاز الامن و إمكاناته يفوق كثيرا تسليح الجيش.
القوات المسلحة في الخرطوم مجردة من السلاح تماما خوفا من قيامها بانقلاب و بدا ذلك واضحا أيام دخول قوات خليل إبراهيم الى العاصمة حيث لم يستطع الجيش حتى تحريك دبابة، و ادار المعركة جهاز الامن بعد ان اخذ الخوف بالبا القوم و اختفت قيادات التنظيم و السلطة!


#1172923 [خضر عمر ابراهيم]
2.50/5 (2 صوت)

12-20-2014 04:11 PM
يا استاذة هويدا تحليلك ليس في محله لماذا؟
اقول لكي 'و. من هو موسي هلال. ليدخل الخرطوم ويحتلها ؟
باي ايدلوجية وعقليه ؟.
ماذا سيعمل؟؟
ومن هو حميدتي ليتحالف معه موسي هلال ولماذا ومن اجل ماذا وليصلوا لماذا؟؟
ومنعهم في الأصل ؟ وهل كل واحد شايل ليهو كلاش وراكب تاتشر خلاس راكب الهمفي الامريكي حق المرينز ولا المركافا ياهو البوكس المربوط فيهو رشاش خمسماية؟؟
ما هذا الخبل والهبل الصحفي الذي تتضخم به أقلامكم يا صحفي اللحظة؟
علي اي أساس انبتي تحليلك؟ ما هو الوضع السياسي الذي يحتم علي موسي هلال وحميدان ان يتحالفا؟
وهل الخرطوم هي الشارع الذي تتواجد فيه قوات حميدتي؟ وكيف ومن اين وباي وسيلة سيدخل موسي هلال؟
يعني الا يكون حفتر وبي طياراتهم يدك الكباري والطرق ليتحرك حميدتي بقواته مداري وعوم
يعني ارجعتينا لسيناريو عبدالله التعايشي والانجليز والطابية والجيش الانجليزي مراكبه في النيل ومدافعه علي الكباري وضفاف النيل والدراويش بي حرابهم وفراريرهم والخيالة قصاد الجيب واللاندروفر الانجليزي
يا ناس فقعتوا مرارتنا بتحليلات وافكار وسيناريوهات مشاطات وكلها خميرة. وكان احدكم خريج كلية ساندهيرست ولا أكاديمية العلوم العسكرية في نيويورك وكل واحد حافظ لي كلمتين في الصحافة والسياسة يفلقنا بيهن
والله لا الف حميدتي ولا مليون موسي هلال يقطر يعمل حاجة الشعب السوداني ما عايزها لو يفنوا عن بكرة ابيهم وماذا سيقدم موسي هلال او حميدتي للشعب وللسودان وباي فهم وما هو موقعهم في الاعراب السياسي والعسكري ،،؟.
يا عالم ما تستهينوا بي الوطن السودان الشامخ بهذه البساطة وليس بهذه الضحالة من الفكر والتوجه وبناء دوله اسهل من هدمها ولا احد يستطيع كسر إرادة أمة مهما كان يملك من وسائل قتل وقمع وترهيب
يعني حضرتك استاذة هويدا بس يعني اتي ممكن تنتظري موسي هلال لما يتحرك من أقصي الغرب ويقطع الفيافي وعجاجتو ألوية في السما والتاتشرات مرصرصات وفللي علي الخرطوم ؟
طيب ما تجهزي دلوكتك وتطرقي حسك لي الزغاريت وأستنيهو في المرخيات ولا رشي طريق الإنقاذ بي الموية وولعي البخور في تصوا

من منكم يثبت لي في تاريخ العلوم العسكرية ان مسلحين إحتلو عاصمة مدخلهم لها الوحيد شارع الإنقاذ الغربي وهي محاطة بشبكة عنكبوتية من الأزقة والحارات والشوارع موسي هلال او حميدتي ما عارف خمسة في المية منهم
يعني عايزين تتكرر نفس ماساة غزوة المرتزقة للخرطوم زمان لما دخلو عن طريق وادي سيدنا ووصلو الثورة الحارة العاشرة قايلنها نمرة 2. والجماعة الدخلو بي شارع الأربعين قايلين البلدية القصر الجمهوري وكمان بي كل بجاحة يسألوا الناس المطار بي وين؟؟
الجميع ينفخ في حميدتي ويكبر في راس موسي هلال كان حميدتي نورمان وشوارزكوف وموسي هلال الجنرال كولن بأول وحرب الخليج يادوب قواتها في الخبر والربع الخالي تتجمع لاستعادة الكويت من صدام
والله السودان بقي هملة وما عندو سيد لا حكومة لا معارضة لا حركات مسلحة ما عندهم وزن عند الاستاذة هويدا وفقط ما طلع معاها في علم الصحافة والتحاليل العسكرية الا تحالف حميدتي مع موسي هلال
اقوليك يا هويدا ؟؟
ايه رأيك رسلي تحليلك دة لي العميد منتصر الزيات الخبير والمحلل العسكري في الجزيرة. ولا اللواء عادل في مصر الخبير العسكري والامني الاستراتيجي يورونا رأيهم شنو
امكن السيناريو بتاعك دة هو البظبط عشان نتواصل مع موسي هلال وحميدتي امكن نطلع لينا بي وزارة ولا سفير ولا انشالله مستشار علي الأقل ما عندهم خبرة في الادارة والشوؤن السياسية والمالية وعيييك لأنهم جنجويد ساكت ودة اسمهم والشعب السوداني عارف دة وما حيقتنع بي اكتر من جنجويد. وتمي الباقي من عندك
دة هوس شنو ياناس وكمان اخواننا المعلقين نازلين تحليلات وفلسفة وقايلين البلد بس هاملة لي حميدتي وموسي هلال ًً والله السودان فيهم ناس ياكلو النار كدي خلي واحد زي حميدتي وموسي هلال احاول يهبش عرض زول ولا يدفر بس باب واحد !! والله كرعينهو ما يمرقنو وفي نسوان والله بي البرطوش يحمن نفسهن لان الموضوع حيتخول لي كرامة وعزة النفس مش البلد بس والراجل يجرب
بلا جنجويد بلا حصين حايمة
الكلام دة هناك في الحتات الما فيها حيطة لا ساتر وفي الخرطوم او اي مدينة يختلف الوضع ومافي شدر الناس تقييل تحتو وتوقف التاتشرات عشان تاكل موز وبتبلع الكريستالات وتاخد سندة ويندفرو علي مكان الدواس الماعرفين حيدخلو لي من وين؟
الجيلي ولا الحاج يوسف ولا جبل أوليا ولا شرق النيل من البطانة ولا من جهة سوبا شارع مدني ؟
ياهو مافي غير طريق واحد والعنوان والبوصلة موجهة سوق ليبيا وود البشير وحمدالنيل إستاد المريخ ودغري اول لفة شمال بوابة عبدالقيوم وهديك الإذاعة وديلك الكباري لكين ياتو فيهن الطريقو سالك دي حتي حميدتي ما عارفها
قالت حميدتي وموسي هلال حيدخلو الخرطوم
في المشمش يا استاذة ساعتها ما عايزين لا البشير ولا المهدي يدافع عن عروضنا وارواح الشعب الشارع حيوريهم مقبلين علي علي وين؟؟
كدي اللمرقوا بي حجباتهم اللابسنها دي والله الشعب السوداني يبلغهم ليها ناشف

[خضر عمر ابراهيم]

ردود على خضر عمر ابراهيم
United Kingdom [خضر عمر ابراهيم] 12-21-2014 11:13 AM
الغريب يا ال ashafokhalp. هو تعليقك انت. لأنك ما قريت اي واحد من ردودي او تعليقاتي لأني ذكرت غزوة المرتزقة وساعتها كنت حاضرا للسيناريو وتم توقيفي ضمن الناس الفتشوهم المرتزقة في سارع الوادي خور عمر قبل الوصول للحارة العاشرة وكنت جاي من جهة كرري قرية الشيخ الطيب في البص من عيزومة عرس زميل وساعتها كنت طالبا في الجامعة واعمل في الإجازة في دار الهاتف ضمن بند الطلبة في قسم الإرسال الاذاعي رايو كايرو- نيروبي جهاز ماركوني ضمن لاسلكي العرضة والفتيحاب تلميذ هندسة مع الفنيين البشغلو الإرسال ومراقَب جهاز الموجة 49 الإذاعية الماركوني واحمل بطاقة تلميذ هندسة إرسال لاسلكي وإذاعي. وكان المرتزقة يفتشوا في اي زول بعرف يشغل الإذاعة واضطربت اكل بطاقتي وما كان عندهم اي فنيين برغم انهم قطعو الفيافي من ليبيا لي الخرطوم لأنهم اغبياء عدم وجود فنيين افشل غزوتهم ... فيا استاذ انا ما بقرا الحدث زييك انا حاضرو وكتبتوا ما تقول لي ما قريت
وايضاً الذراع الطويل اعرف قائدها أكثر منك وعن قرب وكذلك من خلفه واعرف ايضا أسباب بعض الإخفاقات التي حدثت خلالها واعرف ايضا ان تحركات الحركة كانت مرصودة واستدراجها الي داخل الخرطوم ايضا كان مقصودا ولهدف تحقق للحكومة في ذلك الاوان والاهم من ذلك اعرف لماذا فقدت أذرع الحركة الاتصال ببعض مما إدي الي دربكة الوضع ولم تحقق الذراع الهدف
فانا أخي البقول ليك الغريب في الذي ذكرته انا في جميع ردودي شنو؟ وألما عجبك فيهو شنو ؟ وكل الكررتو في تعليقك انا ذكرتو فمالي داعي للهرطقة لأنك لم تضف شيئا والآن لو تحرك مش موسي هلال لو اي شيء متحرك توحد وسائل استطلاع لمتابعة العجاجة. وانا عندما ذكرت لما موسي هلال يتحرك ويقطع الفيافي وعجاجة تاتشراتو تقوم بكون السماء الذي فوقه مكسوف وليس لديه تغطية جوية يعني يمكن استدراجه للمنطقة التي لا يمكن الرجوع منها وتسقط ظرية التحالف الذي اشارت اليه الكاتبة الصحفية هويدا هذا ما قصدته بالاشارة فيما استهجنته انت
فالوضع اليوم ليس كما كان عليه 2008 فيجب ان نكون عقلانيين وأي تحركومثل الذي تشير اليه الكاتبة ليكون في صالح الحكومةة وليس ضررها وربما تستتر اليه في بعض الحجج
فلك التحية اخي فهما كان تعليقك او ردي فهنا نناقش رأي وسيناريو افتراضي

[ashafokhalp] 12-21-2014 07:24 AM
اقتباس من خضر:
(( موسي هلال لما يتحرك من أقصي الغرب ويقطع الفيافي وعجاجتو ألوية في السما والتاتشرات مرصرصات وفللي علي الخرطوم ؟))

شنوا الغريب في السيناريو دا

- انت ما قريت غزوه الجبهه الوطنيه السموها المرتزقه - جات من ليبيا للخرطوم بدون مشكله
- والله نسيت الزراع الطويله بتاعت الشهيد خليل ابراهيم

- والله ديل كانو طير ابابيل

United Kingdom [خضر عمر ابراهيم] 12-20-2014 07:57 PM
والله يا عطوي اخوي باين مافي زوول قلبو مقطوع غيرك
مالي المقطع قلبي شنو ؟
عارف عني شنو ؟ سرقت؟ ولا عندي فلل واراضي خايف عليها؟
انا واتي مافي السودان أطمن ما تنظر ساي وخت في بطنك بطيخة كبييييرة صيفي
انا قلبي علي السودان والناس الفيهو والله يكون في عيونهم ويحميهم وطبعا هو الحامي وصاحب الامر أوله وآخره
نحن بنتمنى ويا ريت تمنينا يكون بردا وسلاما علي السودان واهلنا الصابرين. الغبش

United Kingdom [خضر عمر ابراهيم] 12-20-2014 07:27 PM
لا عطوي اخوي
انا ما بتكلم عن الضباط ولا اي عسكري انا بتكلم عنك وعن الشباب والسبب وأهل السودان والشعب الصابر الصامت وما جبت سيرة ضباط ولا كيزان ولا حراطل اتا قصدي السودان بي خيرو وحوة ووالدة وماىافتكر نميري قايلة الناس في ناس بجو وبشيلوهو وفي النهاية ما لقي بلد تأويهم ولف الزمن وجا راجع لي البلد الكان كاتم علي نفسها ونفس ناسها وما باتوا ولا ناسها اكتشفوا فيهو بل بالعكس رحبو بي ولما مات مشوا في جنازته ودفنوا
ديل الناس البقصدن انا لا ا بقدر لا حميدتي لا موسي هلال ولا اي مخلوق يمسحهم من علي ارض السودان

United Kingdom [خضر عمر ابراهيم] 12-20-2014 07:19 PM
يا ود احمد علي فكرة اي زول يقول الشرق الململة دة وبي اصرار دون معرفة الحاصل شنو
الشرق البتقول علي بتململ دة انا كنت ولا ازال عضو لجنة مركزية في جبهة الشرق حقتو البقع اسم فقط بعد ما الناس دخلت المكاتب والقصور وضربت الهمبرغر وضاقت الراحة ونست الشرق بي الفيهو
فما تفتكروا رعاع ساي وتبخر الكلام البتكتب فيهو لانو بنكابر عن رؤية وتجربة وخبرة ومراقبة 24 ساعة ومتابعة لي الوضع والحالة السودانية سواء في المحافل الطولية او برة او جوة ومن خلال ما يطور في المنابر وما سيدور وما ينتج وماهو متوقع
والحصان العليهو الرهان هو انت وناس جيلك والجيل القادم والشعب الصامت الصابر وليس حلقات الولائم التي دارت وتدور وستدور من اجل مكاسب وارضاءات فقط والكلام دة عن تجربة وما درنا ولا عايزنو ولا مشينا وراهو ولا رضينا بي لان الشعب السوداني اعظم من يكون ثمنه منصب او صورة تذكارية ولا السودان ثمنه منبر كرافتات ومؤتمر صحفي من اجل تخدير الشعب والعيش علي حسابه بحجة التهميش والمطالب والتي تطلع في النهاية بيت وعربية اخر موديل وشوال قروش والتفرج عليهو مناورات زجاج مظلل ونظارة شمسية سوداء

United Kingdom [خضر عمر ابراهيم] 12-20-2014 07:08 PM
يا ود حمد اتا لا بشتم في زول ولا بقول في كلام فارغ.
كدي اقرا كلامي دة كويس وخلّينا من العاطفة الجياشة السودان مليان رجال وانت وانا واكتر مننا وطنية في. وطيب ليه بس موسي هلال وحميدتي. وانا قلت وين المعارضة والحركات المسلحة هل لا يوجد لها وزن؟. وهذا السؤال المطروح ومن ثم الشعب السوداني موجود وهو صاحب الكلمة ولا عندك كلام في الشعب. ومن ثم حكاية السودان وينو دي فكنا منها وحينفصل دة او داك الجنوب موضوعو مختلف وانت عارف انفصل ليه والوراهو منو ودي إرادة شعب أراد الحياة وإذا شعبا أراد الحياة لابد للقيد ان ينكسر وتاجروا كسر قيود لانه أراد الحياة التي ينشدها
واسطوانة دارفور تنفصل والنيل الازرق دي ما حتحصل أبدا والجنوب لما يتغير الحال حيجري بي اختيارو وليس بالتباكي عليهو وعملو مثل لي الحال الحاصلة في السودان وإذا بلد بتقيمو صحفية بي موسي هلال وحميدتي ابقي عليهو السلام وافتكر لا انت لا الاستاذة هويدا فاهمة في السياسة بي الطريقة والرؤية التي تناولتها انا ولا بسمح ليك تبرم ساي بي كلام خارج بارم ما عارف الجاهز علي وين ؟
انا بتكتب مش من فراغ. من خبرة ومتابعة وما تفتكر قاعدين ساي وبس نلقي موضوع نعلق فيهو من اجل التعليق والكلام عن السودان ومآلات القادم ما بنطرح بي أسلوبك الإقصائي دي وتقليل النفس والفتوة في رأي الآخرين بدون سند وبي كلام إنشائي وعاطفي السودان لسة بي خيرو ورجالوا. اذا انت ما شايفهم او ما عامل اعتبار ليهم تبقي ماسح الشعب السوداني ومختصر السودان في الحاكمين والحايمين ديل بس
والله في كوادر وشخصيات تدير البلد وهي مغمضة بس تتوفر الظروف والبيئة السياسية والعقد الاجتماعي المفروض والسودان حتشوفوا سودان ما كنت تتخيلو ولا يجب ان نقلل من بلدنا وما يزخر به ناهيك عن الكيانات والتجمعات والحراك الدائر حاليا من مختلف الاطياف وانا فقط اعتب علي الكاتبة اختصار الحال بفزاعة الجنجويد وموسي هلال ولي بكرة وبعدو بكرر وبقول مين هو حميدتي ومين البعبع موسي هلال وماهي خلفياتهم البتاهلهن يخلوك تعمل ليهن راسل ومال وقعر وتتهجم علي ما كتبته ما طرف

وريني الرأي الطلعت بيهو في تعليقك دة غير بس استهجنت التعليق بتاعي مناجل التعليق ً. ولا بس فاكر البلد دي اسيادها الصحفيين والمعلقين زييك اذا عندك شجاعة وفيك مروة ورينا المخرج شنو وحتعمل شنو
وبتقول بتراجل خليك من الكلام البتقول فيهو دة والطريق واضح ؟؟ طيب يلا ورينا الطريق الواضح دة وينو وقوم قدامنا ورينا شطارتك ولملم البتقول علي دة
ياخي باين عليك غاوي أتشاء وما فاهم الكلام البكتب فيهو دة ليس الا ومصر تقول السودان الناس الفيهو وينهم ؟ طيب انت ما محسوب فيهن ولا متفرج معلق رياضي بس؟؟

United Arab Emirates [عطوى32] 12-20-2014 07:05 PM
قال خضر (دة هوس شنو ياناس وكمان اخواننا المعلقين نازلين تحليلات وفلسفة وقايلين البلد بس هاملة لي حميدتي وموسي هلال ًً والله السودان فيهم ناس ياكلو النار كدي خلي واحد زي حميدتي وموسي هلال احاول يهبش عرض زول ولا يدفر بس باب واحد !! ) انتهى


قصدك ضباطك الببكو زى البنات لمن تكتم ايامات حرب الجنوب هههههههههاى


قال بياكلو النار عجبى قصدك بياكلو الايسكريم ورقاصيين بلحيل وبعرفو يتمازححو على طريقة ضرب الارداف .. اركز يا يا زول الناس ديل بجووك بجووك بس عايزنك تبقى كووز مالى مركزك وما تشتت .. لانو جوووقة الترمد دى اكيد فى واااحد بول وبولع النار دى كان موسى هلال كان غيروو المهم حتكتم حتكتم طالما نوعيتك دى موجوده .. الناس كرهت اى حاجة .. انشالة يجينا ابليس بس عايزنها تولع لانو مافى حل غير ده ناس الحركات ديل استنووكم اكتر من 10 سنوات عشان تحركو الشارع وتطيحو بالكيزان بالعمل المدنى الذى طالما صدعتنا بة معارضة الصادق المهدى الخايب المرتشى ...

United Arab Emirates [عطوى32] 12-20-2014 06:52 PM
هههههههه والله تحليلك ده بتاااع ززل قلبوو مقطووع من الخووف جنس هطرقة ههههههههاى

ارى مجرد احتمالات تحالف حميدتى من بن عمة موسى هلال مجرد احتمال بس طير النوم فى عيونك ..

تزكر بان خليل ابراهيم كان كووز فى نظر جميع المعرضيين تلت ارباع الشعب السودانى حتى الفور نفسهم اليساريين لم يكن فرحيين بحركتة ولكنة دخل خرطوومك دى ولو كان مثل بقية الفارقة لكان حتى اليوم الدم جاارى بس العظة وهى بان فصيل محدود جدا دخل عاصمتك دى ...

ويا اخوى ما تقنع نفسك هى الجهتيين جيش الحكومة دفاع شعبى وجيش وشرطة كلهم هامش والمتوقع دخلوهم الخرطوم برضهم هامش .. يعنى يا اخوى فى شعره صغيررة بس ما تنقطع بس وادعو الله الا يحصل ذلك ..

واحساى بقول كده سكان لخرطووم لديهم عدم مبالاه غريبة بس رقيص وحفلات ورحلات وكووره ؟؟ كان ما يجرى لايعنيهم ربما باحساسهم بان لديهم من يقاتل نيابة عنهم حتى المووت وهم جيش الحكومة وشرطة اللصوص .. وايضا لديهم من يقاتل ويحارب نيابة عنهم فى اخذ حققوقهم لقيام الحفلات حتى الصبااح وهم حركات التمرد التى تقاتل ؟؟

ربما هكذا يفكرون والله اعلم بس خوووفى يووم نشوووف اكياس البطاطيين يتم القائها من اعلى الجوو بسبب انعدام الامن .. وربك يستكر طالما هذة السلبية والانانية وعدم الالمبالاه التى تنخر فى ضمير هذا الشعب ..
وترونة بعيد ومستحيل يا استاذ خضر ... اصحى كلوو وارد

South Africa [ود احمد] 12-20-2014 06:17 PM
السيد / خضر صباح الخير
طيب تحليلك انت صاح والناس غلط وينو السودان البتقول عليهو وين الجنوب وين الغرب الداير ينفصل والشرق المململ وانت لسع بتقول سودان ياراجل خليك من الكلام دا الطريق اصبح واضح وخطر يجب لملمه باقي السودان قبل فوات الاوان ومافي داعي للكلام البتكتب فيهو دي وتشتم الاخرين اختلاف الراي لايفسد للود قضيه


#1172917 [الفاروق]
0.00/5 (0 صوت)

12-20-2014 03:49 PM
القوات المسلحة السودانية (الجيش السودانى) لم يذكر فى المقال . جانجويد وقوات دعم سريع وامن الكيزان وحركات مسلحة وشرطة حرامية وشرطة مرور شغالة جبايات . هل نجح اليهود واستدرجونا استدراجا .قال علماء الشريعة لا تسبوا الدهر ولا تقولوا كما قال جدى ياليت اللمبة بقت ياسيادة رئيسنا البشير فى اليوم داك الامك رفعت رجولها وابوك حرث حرثه . النفخ والمديح الكاذب واحلام اليقظة ضيعتنا ضياعا اكيد سوف نصل الى مرحاة الصومال والعراق واسوأ.

[الفاروق]

#1172904 [ود بحر]
5.00/5 (1 صوت)

12-20-2014 02:44 PM
يا حليل زمن الناس الكانو بناطحو الكبار وكانوا يبعثون الروح فيناويوحدون الشعب من حيث لايدري....(خدعوك ضللوك ودروك انت ما بتعرف صايحك من عدوك.)زمن لم يكن احد يقول وا قبيلتي .هذا دارفوري وذاك شمالي ولا ادري من الذي امتلك الخرطوم ؟هل اصبح الخرطوم ملكا لفئه من خارج السودان ؟ام انها العاصمه القوميه للسودان الذي نعرفه؟بتنا نسمع العجب الاغراب في العاصمه...من هم الاغراب؟سكان الولايات ؟
رجاء دعونا نقول نحن سودانيون . فلتكن هذاالوطن عاليا شامخابابنائها الموحدين.

[ود بحر]

#1172890 [الحقيقة مرة]
5.00/5 (2 صوت)

12-20-2014 12:49 PM
س: لماذا لم تحمل المعارضة بالمركز والشمال السلاح ضد النظام ؟

ج1: لانها جربت السلاح وفشلت
ج2: لان التغيير السلمي افضل للمدنيين ولو تاخر مائة عام
ج3: اهل المركز والشمال لا زالوا الاقل تضررا من سياسيات النظام (لا حرب في الشمال)
ج4: لانها (المعارضة) مخترقة ومضعفة ومجزأة على خطوط فكرية
ج5: يقودها كبار السن ممن فقدوا شهية الصدام
ج6: لا يوجد تمويل
ج7: لكل ما سبق

[الحقيقة مرة]

ردود على الحقيقة مرة
[AL KIRAN] 12-21-2014 01:26 AM
I think... to eat any kind of meats at least two times a week is better for us


#1172877 [سوداني انا]
0.00/5 (0 صوت)

12-20-2014 10:46 AM
سيناريو غير متوقع اطلاقا بدليل ان الذي يحصل الان في هذه الحكومة لم يذق السودان اسوأ من قبل قتل واغتصاب وتهديد وسب للمواطن واحتقاره وفي كل الاقاليم والجهات
اما تخوفك في حال اتحاد حميدتي وموسي هلال . المذكورين ليسوا من النوعية الحاقدة علي الشعب السوداني بدليل لم يكن لموسي هلال وحميدتي ظهور سايقا اي قبل الانقاذ .والذي ساعد في ظهورهم هي افكار الحركات وعدم الاعتراف بوجودهم في اماكنهم كسودانيين ولهم حق في الرعي بابلهم ومواشيهم. جعل موسي هلال وحميدتي بالتحرك لحماية اصولهم ووجودهم .
المؤسف انتم في الشمال تصنفون كل ناس دارفور بصبعة واحدة وامةواحدة (عبيد ) في نظركم وناس دارفور في انفسهم يصنفون انفسهم (عرب وزرقة) والعرب في غرب السودان اكثر انتماءا للعروبة من اهل الشمال كلهم (شوايقة حعليين بطاحيين ,,,و) فما هو
تصنيفكم للعرب في غرب السودان ؟ فاذا كان تصنيفكم بانهم برضوا عبيد, عندها ممكن السيناريو الذي ذكرتيه سوف يحصل ولكن من اجل تطهير العاصمة من الافكار العنصرية الموجودة في داخلكم وليس حقدا منكم لان الشمال كلهم في نظر الغرباويين جميعا من غير تصنيف انما هو شخص انتهازي ووصولي ومستلب ويجب علي موسي هلال وحميدتي الاتحاد والتحرك لاستلام البلد (السودان ) من الذين باعوا السودان للمصريين والاتراك في العصور القديمة المستحدثة .

[سوداني انا]

ردود على سوداني انا
United Kingdom [هاشم السر ابراهيم] 12-21-2014 02:40 AM
دا الكلام يا سوداني انا
الخوف قطع قلبهم لمن سمعوا موسى هلال وحميدتي حيتفقوا ويدخلوا الخرطوم
دخلة خليل لسع ما مرقت من راسهم
لا نتحدث عن الإثنيات فالكل سوداني ومافي حد فايت حد
ولكن عندما يدخل حميدتي وهلال العاصمة بعدين اليعرفوا يتخارجوا


#1172840 [nasa]
5.00/5 (1 صوت)

12-20-2014 08:14 AM
يعني نفهم من كلامك ده الخرطوم هسي زي الزول اللابس كرفته وتحت ملط ؟ يعني لو ربنا قدرنا ومرقنا المات مات والحيا حيه يجو ديل يلقوها مقشره ؟ يعني يانار الكيزان يانار حمدتا والليل والهلال ؟ ببساطه كده انا انتي محسساني كمواطن انو انا قاعد في صحن سلطه ؟ وعمو بشه وجماعته ديل بس قاعدين زي عصاية سيدنا سليمان تاكل فيها الارضه ؟ طيب لو كلامك ده دخلناهو اله حاسبه الراجينها شنو نحنا اي زول يختليه كفن علي جمبه والمستطيع يشوفليه تزكره يمرق انشالله جزر القمر سيناريو محبط ةشين لكن منطقي يابت عمي منطقي خالص خالص

[nasa]

#1172811 [فوراوي]
5.00/5 (3 صوت)

12-20-2014 07:09 AM
تحليل عنصري مريض ( تحالف هلال وحميدتي) لغزو الخرطوم

لماذا لم يتم تحليل : ( تحالف ودابراهيم وقوش ) لاستلام السلطة في الخرطوم
لماذا لم يتم تحليل : ( تحالف جيش الامة والميرغني ) لاستلام السلطة في الخرطوم

كل شئي اصبح نتن وبغيض

[فوراوي]

ردود على فوراوي
[سوداني] 12-20-2014 04:18 PM
سبحان الله، كل شئ منطقي عندما يتصل بدارفور عندكم هو عنصري
يا بني آدم تحليل منطقي
لأن ود ابراهيم وقوش لا يملكون سلاح تحت الرقابة من الحكومة
والأمة والميرغني لا يملكون سلاح وهم معارضة فطبيعي انهم هدف للحكومة
لكن موسى هلال وحميدتي يملكون السلاح بتمويل من الحكومة وهي التي صنعتهم وترعاهم
لذلك خطرهم سوف يصبح مثل خطر من ربى ذئباً سوف ينقلب عليه ويأكله عندما يكبر ويقوى
فأين العنصرية هنا يا عنصري
فلو هبت الرياح من جهى الشمال فهي عنصرية (هذا منطقكم) فكل موضوع يتصل بدارفور
أو بأحد من دارفور فهو عنصري عندما يتم تناوله من قبل شمالي بغض النظر عن منطقية الموضوع
اصحو يا عالم وقيسوا انفسكم بمقياس رب العالمين "إن أكرمكم عند الله اتقاكم"
مش كل واحد واقف للثاني في حلقه هذا الموضوع عنصري وهذا التصرف عنصري وهذا الشخص عنصري
ودعوها (العنصرية) فإنها منتنه كما قال رسول الله صلى الله عليه وسلم

Saudi Arabia [ABUBAKER] 12-20-2014 03:31 PM
انت لا فوراوي ولا غيرو لكن واقع الحال يقول غير ذلك لان موسى وحميدتي الحكومة ادتهم سلاح عشان يقتلوا الشعب السوداني اليوم قبلوا عليهم - دي مش حلوة


#1172793 [radona]
5.00/5 (1 صوت)

12-20-2014 06:18 AM
رغما ان الامور تتعقد يوما بعد يوم
لغة السلاح اصبحت هي لغة التفاهم المتاحة
حتى المجتمع الدولي باممه المتحده ومجلس امنه اصابه الملل والسأم من استعداد السودانيين للتناحر والاختلاف وقتال بعضهم البعض
كل يتربص بالاخر الانقاذ تتشبث بكراسى الحكم خوفا من محاكمتها على الفساد وجرائم عديدة ومعارضة تتربص بها من كل ناحية
يبدو ان الايام القادمة هي الاسوا على ايتها حال

[radona]

ردود على radona
[AL KIRAN] 12-20-2014 03:10 PM
You right... I have my feeling. me too > nothing is seem good in the horizon


#1172753 [ام كرتبو]
5.00/5 (7 صوت)

12-20-2014 05:09 AM
يعني انا مستغرب في تسمية هذه العصابة حكومة !!! يا اخي دي مافيا وعصابة وسخة وقذرة جدا جدا يديرها ابو العفين وجهاز الامن والبشير وبقية سجم الرماد , هذه المافيا شغالة في كل شئ تجارة اسلحة مخدرات سرقات اغتيالات ,زرع الفتن اشعال الحروب ..وهذه هي افعال المااسونية ......هؤلاء الناس ماسونيين والدليل افعالهم ...قاتلهم الله اني يؤفكون وبعدين يا اختي العزيزة الغزو بيتم بواسطة جيوش من خارج الدولة ...ولا انتو عندكم دولة داخل دولة ؟!!!! وده الحاصل وانت من غير ما تقصدي تبرعتي لنا بالسر المدفون ونحن نعلمه من زمان اطمني.

[ام كرتبو]

#1172742 [احمد اسماعيل الحعلي]
1.50/5 (4 صوت)

12-20-2014 04:47 AM
يعني تاني الشعب السوداني يرجع لخط الصفر تاني نظام ثوري تاني بيوت اشباح جديدة تانيرابراهيم شمس الدين جديد تاني طيب سيخة جديد .يا ناس الخرطوم هي الارض الحرام كل الذي سيدخل الخرطوم لن يحرب الانقاذ بل سيحرب اهل الخرطوم كما حدث لخليل في الخرطوم الشعب السوداني وقف مع الحكومة الناس داير شغل وتعليم وعلاج عشان كدى كل اهل دارفور وجبال النوبة نزحو لي الخرطوم

[احمد اسماعيل الحعلي]

#1172711 [سوداني-دارفوري]
0.00/5 (0 صوت)

12-20-2014 03:44 AM
يا اخوانا لو تحالف حميدتي وهلال وكل معارضة السودان ودخلو الخرطوم ماذا يحصل؟
-ماذا سيكون اذا احتل هلال وحميدتي وجلسا على الكراسي؟ هل تعتقدو ان تمرد هلال من اجل مصلحة الوطن حقيقة ام انه مجلرد اكاذيب ؟
-ماذ يكون الحال بعد تراسهم للجنجويد الى رئاسة البلاد؟
-والله انا استغرب في عقول بعض الصحففين -لا يعرفون كيفية التعارض ؛ اانتم تعارضون الدمار ام من اجل دمار السودان ؟!
-يا هويدا هل تعتقدي ان هلال وحمبدتي سيكونوا افضلين من هم الان ؟
- اذا احتل هلال وحميدتي للعاصمة الم تكن كليبيا وسوريا والجنوب وغيرهم؟
-يا اهل مالكم للوطن والمواطن ،انظرو اليهم ولا تنظرو الى قلوبكم ونياتكم واهوائكم ومصالحكم.
-الواحد اذا فصلوه من عمله لسوء اخلاقه يقوم يمني للسودان الدمار والخراب...

[سوداني-دارفوري]

ردود على سوداني-دارفوري
Sudan [ود يوسف] 12-20-2014 05:25 AM
هي لم تقل أن موسى هلال أو حميدتي ولكنها اعتبرت أنه سيناريو متوقع وكتبت عنه ...


#1172701 [احمد احمد]
2.75/5 (4 صوت)

12-20-2014 03:26 AM
تحقق مثل هذا لسيناريو وارد ، وغزو الخرطوم وارد بسناريوهات متعددة أخرى ، واعجب للاستاذة أن تظن أن من sيدفع الثمن سيكون أفراد القوات النظامية وحدهم ! أنت وأنا وكثيرون من مواطني العاصمة مما لا يصنفون ضمن الجبهة الثورية بتعريفها العرقي الضيق سيدفعون ثمنا باهظاً . الذين يتحدثون عن " تحرير الخرطوم " فئتان واحدة ل تصدق ما يدعيه اعلام الجبهة الثورية ، والفئة الأخرى تدري حقيقة الأهداف والأجندة العرقية والقبلية الضيقة ولكنها تسعى للتضليل إما كجهد فردي أو ربما كانت ضمن تكتيكات الجبهة . إذا انفتح هذا الباب فسوف تفتح ابواب جهنم على كثيرين ممن يسمون باولاد البحر ، أو من أهل المركز . كاتب هذا التعليق ليس من انصار هذا النظام ويتمنى ذهابه اليوم قبل الغد ولكن يتمنى أن يكون ذهابا آمنا للأغلبية ، وكاتب هذه السطور ليس عنصريا لكنه تيقن مما يراه أن ابواب العنصرية قد أُشرعت على مصاريعافي السودان منذ زمن " والكيمان اتفرزت" والمرارات والضغائن والإحن بلغت ذراها ، فيا استاذتي " صح النوم" وإذا كان من سبيل للجميع لتفادي سيناريو يوم القيامة فنسال الله أن يسلكوه وأن نعمل جميعا على حل آمن للجميع ، ليست هذه دعوة لإعفاء أحد من مسئوليته عن اي ذنب أقترفه وإنما هي تنبيه إلى أن الأمر يتطلب الرفق في المعالجة ، فالبلد " قابل للكسر " فبالله Handle with care"

[احمد احمد]

ردود على احمد احمد
Saudi Arabia [كاتم الاسرار] 12-21-2014 08:07 AM
والله مع اني لست من اولاد البحر حسب تصتيفك انت للسودانييت لكني اعمل جاهدا الا يتم التغيير للتظام بهذه الطريقة طريقة الغزو او التحرير لان نتائجها كارثية وضررها اكثر من نفعها بل سوف يتضرر البرئ ويفلت اغلب المجرمين من العقاب

Sudan [ود يوسف] 12-20-2014 05:37 AM
كلامك مثالي وكلنا نتمنى ذلك ولكن ليس كل ما يتمنى يدركه ، وفي وضعنا الراهن نرى أن التغيير لن يكون جذرياً بدون تضحيات جسام . كل التغييرات السابقة كانت أمنة وهادئة ( Smooth landing ) وكانت النتيجة الاستهتار بالمواطن والوطن من كافة الحكومات العسكرية والديمقراطية منذ الاستغلال ( بالغين ) وحتى الآن . لا بد من تضحيات حتى يشعر من يجلس على الكرسي أن وراءه دماءاً قد أريقت وأن هناك مواطن يطالب بحقه ...
مع تحياتي .


#1172687 [حضرس]
4.25/5 (3 صوت)

12-20-2014 02:35 AM
في زمن غابر سلم الحكام في مصر مماليكهم(عبيدهم) الحراسة في القصور وكانت اسهل طريقة لذبح الحكام واستﻻم الحكم ..

[حضرس]

#1172686 [صالح عام]
0.00/5 (0 صوت)

12-20-2014 02:34 AM
الاستاذه هويدا هؤلاء لايريدون النصح ولا يتحملونه يعنى عايزين يعيشوا فى الوهم كانهم اقوياء الى ان تقع الفاس على الراس الله يكسر رؤسهم الفارغه ومقدوده

[صالح عام]

#1172680 [دافعوا عن انفسكم]
0.00/5 (0 صوت)

12-20-2014 02:20 AM
وارد جدأ ما قلته ... وربما الولاء المدفوع الثمن يتغير مع دافع جديد يدفع اكثر من الحكومة ... وهل هناك احتمال ان يتحرك الجيش ويزيح حزب البشير ويجنب البلاد والعباد شرا مستطيرا

[دافعوا عن انفسكم]

ردود على دافعوا عن انفسكم
[كديس فى السروال] 12-20-2014 06:11 AM
انت لسه قايل انو في جيش


#1172667 [moiez]
4.00/5 (3 صوت)

12-20-2014 01:52 AM
استنتاج رائع ي استادة دا لو نزل للقراء بعمل شغل

[moiez]

#1172649 [Dawod]
5.00/5 (8 صوت)

12-20-2014 01:20 AM
غزو الخرطوم!!!!
مفروض العنوان بدلاً عن غزو الخرطوم يكون-
تحرير الخرطوم
وهذا هو المصطلح الصحيح لأن تحرير الخرطوم من العصابات المأسونية الإرهابية يعني تحرير السودان وبداية لعهد جديد وسيتم التحرير بإلتحام الشعب وقوات الجبهة الثورية والخلايا النائمة داخل الخرطوم في إنتظار ساعة الصفر وما تبقي من الشرفاء في صفوف القوات النظامية شرطة وجيش هنالك أعداد كبيرة من هذه القوات في إنتظار ساعة الصفر لينحازوا إلى جانب الشعب والثوار ويستخدموا سلاحهم ضد عدو واحد عدو الشعب العصابات المأسونية الإرهابية ومليشياتها وخلايها النائمة من حركات إرهابية من حركة طالبان وحركة حماس وحركة بوكوحرام والحرس الثوري الملالي الإيراني ومن كل ملل العالم داخل أحياء الخرطوم والعصابات أماكنهم ومنازلهم ومكاتبهم ومزارعهم وأماكن إختباءهم وقت الشدة معروفه وهم أهداف رئيسية للثوار الخرطوم مستعمر ولا بد من تحرير وتنظيف وتطهير الخرطوم من العصابات المأسونية ومشكلة السودان في الخرطوم وتحرير الخرطوم يعني تحرير السودان وحل كل مشاكل السودان.

لكم جميعاً ودي وإحترامي...

[Dawod]

ردود على Dawod
[عصمتووف] 12-20-2014 06:51 AM
احمد اسماعيل الحعلي] 12-19-20
انت عبيط * بتكره الانقاذ **ولا تسمح *** لا اراديا سوف تجد نفسك في صفوف الانقاذ وانت بتكره الانقاذ دع التنافض وكل شئ بثمنة قال لا يسمح خلاص ي حميدتي ولا هلال وما عاوز اتطرق لبقية الموضوع
وعبارة انا ما كوز وبكره الانقاذ والبشير قديمة يحملها المغفلون والمتناقضون والجراء لكن ف النهاية نفس الماركة افضل تقول وتفصح وتدافع عن جماعتك
** خليك زينا بنجاهر بعلمانيتنا ونفتحر بها

Sudan [احمد اسماعيل الحعلي] 12-20-2014 04:46 AM
يعني تاني الشعب السوداني يرجع لخط الصفر تاني نظام ثوري تاني بيوت اشباح جديدة تانيرابراهيم شمس الدين جديد تاني طيب سيخة جديد .يا ناس الخرطوم هي الارض الحرام كل الذي سيدخل الخرطوم لن يحرب الانقاذ بل سيحرب اهل الخرطوم كما حدث لخليل في الخرطوم الشعب السوداني وقف مع الحكومة الناس داير شغل وتعليم وعلاج عشان كدى كل اهل دارفور وجبال النوبة نزحو لي الخرطوم .

انا بكره الانقاذ بس بحب اهلي وما بسمح لشخص يهدد اهلي لان ابسلاح لا يفرق بين الانقاذ والشعب السواني

خليل لم يهزم عسكريا بل خليل هزم شعبي


#1172648 [suliman]
0.00/5 (0 صوت)

12-20-2014 01:20 AM
والله الحكومه دى مافى راجل ود مراه بقدر يزحها بالقوة حتى امريكا ماقدرت الناس ديل الى يدوها ليكم زى الجنوب

[suliman]

ردود على suliman
Netherlands [suliman] 12-20-2014 07:15 PM
النتيجة انك خريج عاطل لنو التعاقد بعد الخدمة وانت لم تقدم للوطن شي هو العلمك ورباك ناس الموتمر الوطنى سته مليون يعنى عدد سكان ليبيا

Saudi Arabia [خريج متقاعد] 12-20-2014 07:29 AM
لكن هناك رجال اولاد رجال .

هذا القول (الممجوج) ما قاله القذافي وابناءه وقادة مليشياته المتحصنّه في العزيزية
والنتيجة كانت شنو ؟؟؟
هذا الحديث (الزلنطحي) ردده البعض (خاصة عندنا هنا) عندما تقّدم المارينز نحو بغداد (العصية) بقوات صدام ..
النتيجة كانت شنو ؟؟؟


#1172633 [منصور]
5.00/5 (3 صوت)

12-20-2014 12:42 AM
انها يا اخت هويدا ثورة الجياع والمهمشين وابناء الميقوما والمقهورين والعاطلين عن العمل والمغتربين المحاربين من قبل الدولة الممنوعين من الاستقرار في بلادهم انها ثورة المظلومين والمكدسين في السجون وابناء من استحدمت آباءهم واخوانهم للخدمة الوطنية والجهاد كما سموها آن ذاك واليوم هم يقال لهم ابناءكم ماتو فطيس والكلاب والكدايس افضل منهم انها ثورة نساء دارفور التى انتهكت اعراضهم امام العالم والقبائل التى اشعل فيها نار الفتن ما ظهر منها وما بطن والعنصرية والجهوية والقبلية البغيضة سرعان ما انتشرت انتشار النار في الهشيم نسال الله ان تكون هي الفكاك من الظلمة والمرتزقة والعنصريين واحفاد الجبناء والراقصين على جماجم الغلابة والمساكين

[منصور]

ردود على منصور
United Arab Emirates [مسطول] 12-20-2014 04:44 AM
طووووووووز دجاجى يلقط الحب



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة