الأخبار
أخبار إقليمية
نظام البشير : إجراءات مشددة لنزع الأسلحة الثقيلة من القبائل المتنازعة بإقليم دارفور.
نظام البشير : إجراءات مشددة لنزع الأسلحة الثقيلة من القبائل المتنازعة بإقليم دارفور.
نظام البشير : إجراءات مشددة لنزع الأسلحة الثقيلة من القبائل المتنازعة بإقليم دارفور.
جانب من قوات موسى هلال


12-21-2014 03:05 AM
أعلن مدير مكتب سلام دارفور التابع للرئاسة السودانية د.أمين حسن عمر، أن هناك إجراءات مشددة سيتم اتخاذها من قبل الدولة، تهدف لنزع الأسلحة الثقيلة في توقيت واحد من أيدي الأطراف والقبائل المتنازعة بإقليم دارفور.

وقال عمر - إن اللجنة الأممية التي تزور السودان حالياً اعترفت بوجود مناطق كثيرة في دارفور يسودها سلام كامل، وأن قوات بعثة "اليوناميد" ستنسحب من هذه المناطق باعتبار أن الخطة تستند على الانسحاب التدريجي.

وأشار إلى انخفاض مستوى التحدي الأمني في دارفور، نظرا للتغير الذي طرأ على نوع التحدي نفسه بعد أن تحول من صراع بين الحركات المسلحة والحكومة، وتعدي حركات التمرد على بعض المناطق الأهلية، إلى صراع قبلي ستقوم الدولة بمعالجته عن طريق إجراء المصالحات.

وأوضح عمر أنه سيتم عقد ندوة وطنية في القريب العاجل بالتعاون مع السلطة الإقليمية لدارفور لبحث سبل نزع السلاح، مشدداً على أن الدولة لن تستبعد أي خيار من الخيارات، بما في ذلك الخطة التي يجري تطبيقها على الأرض والخاصة بنزع السلاح الثقيل.

ولفت إلى أن ذلك يمثل أحد مطالب جميع القبائل في مؤتمر "أم جرس"، متوقعاً أن يتم الأمر بسلاسة.

الشروق


تعليقات 16 | إهداء 0 | زيارات 5555

التعليقات
#1174042 [أنا]
0.00/5 (0 صوت)

12-22-2014 08:50 AM
إنت الزول البعاتي بقول في شنو؟

[أنا]

#1173914 [خالد]
5.00/5 (1 صوت)

12-22-2014 02:42 AM
والله ياناس انتو بتحيروا خلاص امين ماذا ونافع ماذا والله اديتوهم انتم العصا السحرية عشان يحكمونا زي مادايريين مليون حركة في دارفور ومليار حزب داخل الخرطوم ماقدريين توحدوا رأيكم والعجب العجين انظرو للجيش السوداني اقصد الجيش الدافوري وجبال النوبة والنيل الازرق منو الغيركم في البوليس والا القوات المسلحة ناس النيل الازرق يقتلو جبال النوبة وجبال النوبة تقتل النيل الازرق ودارفور تقتل الاثنين وكلهم يقتلو دار فور وبراكم تتوجعو وتقعدو تجوطوا وهم نامين في الدور الثالث في العمارة ويخططو كيف يضربوكم ببعضكم اهـ اهـ اهـ منكم ومن فهمكم التالبع للابد

[خالد]

#1173849 [زول وطني غيور]
0.00/5 (0 صوت)

12-22-2014 12:39 AM
كنت سأحترم القرار لو كان القرار ينزع كل الأسلحة الخفيف والثقلية والمتوسطة ولكن أن يكون فحوى القرار هو نزع الأسلحة الثقلية فقط !! هذا ليس من أجل السلام وحقن أرواح أهل دارفور بل هو قرار لتأمين النظام الحاكم فقط !!

[زول وطني غيور]

#1173523 [nothing]
5.00/5 (1 صوت)

12-21-2014 05:52 PM
يا امين وكلمة امين لا يشبك يا خائن انت قول موسى هلال انا اسالك يا شيطان المؤتمر الوطى:
من اللذى سلح القبائل العربية فى دارفور؟
وما سبب التسلسح ولماذا لا يسلح القبائل الزنجية فى دارفور؟
حقيقة هذا يعتبر دليل فى الابادة الجماعية فى دارفور!!!!
ابدا اولا بحميدتى وموسى هلال خليهم يرجعوا للحمير والجمال والرعى ومن ثم اجرى الانتخابات

[nothing]

#1173414 [الدرب الطويل]
5.00/5 (1 صوت)

12-21-2014 11:05 AM
من قمتم بتسليحه هو من يواليكم..
ربما المقصود موسى هلال.. ما ظنيت يسلم سلاحه حتى تذبحونه بواسطة كبر..

[الدرب الطويل]

#1173384 [عقيد شوشية]
5.00/5 (2 صوت)

12-21-2014 08:45 AM
مافي زول بسلم سلاحه ويبقي ضحية في اول معركة انا شخصيا ما بسلم سلاحي

[عقيد شوشية]

#1173377 [سكران لط]
5.00/5 (1 صوت)

12-21-2014 08:06 AM
انت صحيت تاني

[سكران لط]

#1173351 [AburishA]
4.50/5 (2 صوت)

12-21-2014 07:22 AM
يا د.أمين حسن عمر يا مسئول ملف سلام دارفور احترم عقولنا...
**أولا: ان السلاح الذي بيد القبائل هو سلاح حكومي "ثقيل" صرفه لهم النظام بحجة سحق الحركات المسلحة وقد اعترف بذلك صلاح قوش رئيس جهاز الامن السابق.. حيث قال:

**(ان السودان سلح بالفعل القبائل والميليشيات لقتال المتمردين وقصفنا القرى فى دارفور، لكنه لن يرتكب الخطأ نفسه شرق البلاد]....!!!! (صلاح قوش عند حفل تكريمه بواسطة الحركة الشعبيّة بالخرطوم بمناسبة ترقيته لرتبة الفريق أول فى 21 فبراير 2009،، إعتراف نادر وجهير ربما كان السبب الأساسى فى قبول محكمة الموضوع الإتهامات الموجهة للبشير وتندرج تحت جرائم ضد الإنسانية، جرائم حرب وجرائم الإبادة الجماعية)

** أدناه وثيقة تسليح القبائل التي سبق نشرها في ذات الموقع "صورة طبق الاصل":
وزارة الدفاع الوطني/مكتب وزير الدفاع/مايكرويف 303
الرقم: ودو 48/أ/10/التاريخ 21 نوفمبر 2008م

السيد/ رئيس الاركا ن المشتركة
السلام عليكم ورحمة الله وبركاته
تسليح قبائل
1/ حسب توجيه القائد العام في الاجتماع المبرم مؤخرا بهيئة الاركان، سوف يتم تسليح عدد من القبائل بغرض حماية انفسهم تحوطا من اي استهداف أمني قد يحدث اثناء وبعد الانتخابات للقبائل العربية أو الموالية للمؤتمر الوطني.
2/سوف تصلكم كشوفه بأسماء مناديب القبائل للاستلام مع التصديق بنوعية السلاح وعدده.
3/ يتم التسليح بالمجموعات (عشرة قبيلة في كل دفعة) حفاظا على سرية المعلومات والتوزيع.

فريق أول ركن مهندس
عبدالرحيم محمد حسين/وزير الدفاع الوطني

** ثانيا: هي رسالة مبطنة لموسى هلال الذي ابدى تأييده ومساندته لنداء السودان.

**ثالثا يستحيل جمع العكاكيز والسفاريق من قبائل دارفور مالم يتم سلام حقيقي ناهيك عن جمع اسلحة ثقيلة جاتهم ميري..والا سيدخل النظام في حرب واقتتال مع اصدقاء الامس..علما بأن القبيلة في دارفور اصبحت هي الحكومة..

[AburishA]

#1173340 [jas]
0.00/5 (0 صوت)

12-21-2014 07:00 AM
كل وارد لكن الموضوع العجيب انكم تجمعو السلاح الثقيل فقط يعني الاربجي والرشاشات
دي ما خاشي من دوشكة وتحت مش كدة

[jas]

#1173330 [wad aldosh]
5.00/5 (1 صوت)

12-21-2014 06:39 AM
لايمكن ان تسلم اي قبيله سلاحها لدولة الكيزان حتي يعم العدل في المنطقه . هو الجنجويد بدقو في كبار رجال العسكر زي حادث العميد الكسروه و فلقوه برضوا تقول لي اسلمو اسلحتهم دي سخافه ولعب بي عقول الناس. لمن تكون في دوله بتحمي الناس بعد داك الناس بتسلم بدون ماتقولوا ليها انتم

[wad aldosh]

#1173318 [عصمتووف]
0.00/5 (0 صوت)

12-21-2014 06:26 AM
***الجان والشياطين فروا خوفا من الاغتصاب والنهب والقتل علي الهوية

عمري لم ولن اسمع بقبائل تتسلح بالاسلحة الثقيلة حتي ف اليمن شعبها اقصي تسليح لدي الفرد منهم الار بجي كبرت اجراء الضباع واصبحت مفترسة غير ان دارفور اصبح الشيطان والجن لا يعبرها ويمكث فيها خوفا من رصاصة طائشة او قاطع طريق يقع بين يدية او يغتصب من قبل الجنجويد العمر ليس بعزقة

[عصمتووف]

#1173296 [الحوش]
0.00/5 (0 صوت)

12-21-2014 05:37 AM
من حفرة لاخيه،وقع فيها.
باذن الواحد الاحد،تندفنوا فيها.

[الحوش]

#1173279 [سيد]
0.00/5 (0 صوت)

12-21-2014 05:00 AM
عفارم عليك يا د. امين لكن ياتو قبيلة تديكم سلاحها وتفرش فروتها كما فعل الخليفة عبد الله التعايشي عشان يجوا الجنجويد وقوات الدعم السريع يجهزوا عليها ... دي الا تكون قبيلة مغفلة.
لما تطبقوا القانون على أنفسكم وتبسطوا العدالة وتدوا الناس حقوقها القبايل دي براها تجي تسلمكم السلاح العندها

[سيد]

#1173267 [دولار]
0.00/5 (0 صوت)

12-21-2014 04:22 AM
شربكتوها وخلقتوا الفتن بين القبائل وسلحتوها ضد بعض وهسع بقيتوا في الطريقة التحلحلوها بيها ؟؟؟

التسوي كريت في القرض تلقاها في جلدها !!!

[دولار]

#1173259 [كرار]
0.00/5 (0 صوت)

12-21-2014 04:08 AM
إنتو لسع فاكرين مؤتمر أم جرس؟؟؟
وليه قعتوا الوقت دا كلو ما نزعتوهو
حكومة سجم ورماد

[كرار]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة