الأخبار
أخبار إقليمية
رسوم عبور النفط هل تثير أزمة بين الخرطوم وجوبا؟
رسوم عبور النفط هل تثير أزمة بين الخرطوم وجوبا؟
رسوم عبور النفط هل  تثير أزمة بين الخرطوم وجوبا؟


بعد إنخفاض سعر برميل النفط الى قرابة 50 %
12-24-2014 02:29 AM
تعتزم حكومة جنوب السودان تقديم طلب لحكومة الخرطوم لتعديل قيمة رسوم عبور النفط بالأراضي السودانية بعد انخفاض أسعاره عالميا.
وقال مصدر حكومي سوداني-لصحيفة "الخرطوم" الصادرة اليوم الثلاثاء-أن هناك مشكلة في رسوم العبور ولكنها غير معلنة حتى الآن، موضحا أن رسوم العبور مبنية على حساب دولار للبرميل وليست كنسبة وبذلك فالرسوم مجتمعة تعادل 24% من سعر البرميل تقريبا، وبالتالي فإن سعر البترول انخفض إلا أن حكومة الجنوب تدفع قيمة الرسوم كاملة فعندما كان سعر البرميل 100 دولار كانت تدفع 5ر12 % من القيمة الكلية، وعندما انخفض للمستويات الحالية تدفع نفس القيمة.
ونبه المسئول السوداني، إلى ضرورة ألا تتسرع حكومة الجنوب في طلب التعديل للرسوم، وانتظار مزيد من الوقت حتى تضمن استمرار انخفاض أسعار النفط عالميا لضمان القياس وألا يكون الأمر كردة فعل فقط.
ومن جانبه، نفى نائب رئيس اللجنة الاقتصادية بالمجلس الوطني السوداني بابكر محمد توم،-للصحيفة السودانية-وجود أي حديث عن طلب لتعديل رسوم العبور، وأكد أن الأمر يحدده العقد الموقع بين الحكومتين، وزاد" العقد شريعة المتعاقدين فإن كانت هناك فقرة تشير إلى مراجعة قيمة الرسوم حال انخفضت أسعار النفط أو ارتفعت، فبالتالي لابد من مراجعته"، وقال "أن الأمر إن تم سيؤدي إلى انخفاض حصيلة السودان من الرسوم".
تجدر الإشارة، إلى أن حكومة السودان ترصد رسوم العبور ضمن إيرادات موازنتها، بالإضافة إلى أن سعر برميل النفط انخفض إلى ما دون 60 دولارا للبرميل.

وكالات


تعليقات 8 | إهداء 0 | زيارات 7216

التعليقات
#1175751 [ALMAHROWG]
5.00/5 (1 صوت)

12-24-2014 10:48 PM
البترول نزل والحال ماشى من سئ الى اسوا السوق ولع نار قالو الدولار ارتفع الدولار نزل والسوق مانزل يا ربى نكون عبايط وساذجين للدرجه دى ولا الحكومة قاصدة تعمل فينا شنو؟ الشباب هاجر للدول التانية وحتى القاعدين بقو مغتربين وهم فى السودان بعد ده يقولو دولار وجنوب وكلام فارغ ياخ ربنا يقوم القيامة عشان نرتاح

[ALMAHROWG]

#1175528 [كمال حامد]
5.00/5 (1 صوت)

12-24-2014 06:21 PM
انتهى العصر الذهبي لصناعة البترول التقليدية بعد عصر البترول والغاز الصخري الذي سيحول الولايات المتحدة من أكبر دولة مستهلكة إلى دولة مصدرة وستتغير خارطة استكشاف واستخراج البترول والغاز رأسا على عقب
الدول الجبلية ستكون من أكبر الدول المنتجة بعد أن كان الاستكشاف والاستخراج يركز على السهول والصحاري والمنخفضات
كمان ما ننسى بحوث واختراعات الطاقة البديلة والطاقة النظيفة ودي كل يوم ماشة في ازدياد وتطور
بصراحة الجنوب اتمقلب وشرب الزيت
وحتى دول الخليج الغريق راجيها قدام
يا مغتربي السودان استعدوا للعودة

[كمال حامد]

#1175327 [محمد أحمد]
5.00/5 (1 صوت)

12-24-2014 08:13 AM
زمان شابكننا أسعار البترول ارتفعت عالميا و رفع الدعم علي المحروقات والاعزار الواهية دي لزيادة أسعار البنزين والجازولين. الآن البترول نزل أكتر من 50 في الميه وانتم عاملين نايمين, مفروض تخفضوا أسعار المحروقات خصوصاً الجازولين لأنو ح يخفض أسعار النقل و بالتالي حا يخفض أسعار السلع لكن منو البفكر والبخطط في الحكومه دي, طبعاً كل تفكيرهم كيف يجنوا الملايين من فرق السعر ده, وبعد ده يقولوا للشعب ما ح نرفع الدعم السنه دي في الميزانية لأنو مع انخفاض الأسعار دي مافي أي دعم بالعكس في أرباح طايله للحكومة و شركات الكيزان.

[محمد أحمد]

#1175322 [كمندان]
0.00/5 (0 صوت)

12-24-2014 07:59 AM
نصيحتي لحكومة الجنوب أن تعطي ناس الإنقاذ الفرق مريسة لأن السمبريا تأكل العيش بدس ..ههههه

[كمندان]

#1175305 [نور سلطان نزار]
5.00/5 (3 صوت)

12-24-2014 07:00 AM
طيب نفترض ان سعر البرميل ارتفع واصبح 200 دولار هل حيزيد الجنوب الرسوم ؟؟؟بالتاكيد لا

[نور سلطان نزار]

#1175270 [صالح الجاك]
5.00/5 (1 صوت)

12-24-2014 05:09 AM
عمك تنقو الحال ميئوس
قال للعازة قطعت فلوس
*****
آه يا العازة الفقر اعياني
بيتنا مشلع فاضي يعاني
*****
انا فكرته اتخارج برة
قالو الفرة فيها الدرة
*****
اصلح حالنا واعود ليك راجع
تنسي الهم الفينا مواجع
*****
هدبة جميلة لاحلي حبيبة
تسعدي تنعمي بالترطيبه
*****
إلا العازة هزت راسة
رافضة الفكرة من اساسة
*****
الموضوع ما سفرك انت
كيف الفرقة وانا ادمنت
*****
خلاص يا العازة فكرى كويس
انا شاورتك قلت اتريس
*****
صنت......قامت رفعت راسة
بعد تفكير حوار ودراسة
*****
تنقو تنقو الدهب الغالي
تمشي انقب وترضي آمالي
*****
عمنا جهز عفشو الكامل
مشي التنقيب واصبح عامل
*****
بعد شهرين الحال اتصلح
جاها يونس يسرد ويشرح
*****
قال للعازة نسوي جهاز
عشان الفكرة تزيد انجاز
*****
عمنا تنقو الراجل الطيب
يحب الخير لي كل حبيب
*****
ساقلو جماعة ورجع النقعة
زي شهرين ما رجع البقعة
*****
يوم والدنيا غبار وتراب
سمعت عازة صوت الباب
*****
كان الواقف برة العم
بكل رشاقة وخفة دم
حبابك جيت يا احلي عشم
خير والخير انشاء الله يعم
*****
خىر يا العازة الدهب اطنان
وقلته اشتري بنك السودان
وانت تكوني المرأة القائد
واجيب عليك ثلاث نسوان

[صالح الجاك]

ردود على صالح الجاك
Saudi Arabia [nagid] 12-25-2014 06:23 PM
حلوة يا ابو الجاك


#1175267 [ALSIDDIG]
4.25/5 (3 صوت)

12-24-2014 05:02 AM
إين انخفاض الاسعار الداخليه من حالة الغنخفاض العالمى ؟
أم أننا ليست ممن يقطنون العالم ؟
الآن سعر اللتر يوازى 1 دولار عندنا فى السودان ؟
هل نحن لا تشملنا ساسة الانخفاض العالمى وبالتالى نكون ممن يتمتعون بالإنخفاضات العالميه فى الموارد والسلع .
كفى والله كفى .............

[ALSIDDIG]

ردود على ALSIDDIG
Sudan [ALMAHROWG] 12-24-2014 10:49 PM
والله لو البترول بقى مجان ناس الانقاذ يزيدو سعرو


#1175244 [A. Rahman]
5.00/5 (1 صوت)

12-24-2014 04:20 AM
ديل مساكين اللي بيطلبوا التعديل، الخوان المسلمين ديل كل شيء عندهم و لا القروش دي فهي معبوداتهم التي لا يعبدون غيرها أبدا أبدا.

[A. Rahman]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة