الأخبار
أخبار إقليمية
شاهد الفيديو: شاب سوداني يوجه رسالة للرئيس البشير، من السعودية
شاهد الفيديو: شاب سوداني يوجه رسالة للرئيس البشير، من السعودية
شاهد الفيديو: شاب سوداني يوجه رسالة للرئيس البشير، من السعودية


12-24-2014 05:22 PM
وجه شاب سوداني يقيم في المملكة العربية السعودية - ويبدو أنه متخصص في المجال الزراعي - رسالة واضحة للرئيس البشير ينصحه فيها بالأهتمام بالتنمية لا سيما الزراعية وترك الحروب العبثية التي أدت إلى افقار الناس وهجرها للبلاد.


.



الفيديو تم نشره بفيسبوك..


تعليقات 37 | إهداء 0 | زيارات 14668

التعليقات
#1176405 [كرازي]
5.00/5 (3 صوت)

12-26-2014 12:37 AM
مع احترامي لك يا عزيزي القاري بالامس اتينا بالخطوط السعوديه رحله رقم 451 والله العظيم المويه في مطار الخرطوم قاطعه ديل بشر ديه اي مله دي

[كرازي]

ردود على كرازي
Saudi Arabia [ممغوص] 12-26-2014 04:05 AM
طوااالي كان تركب الرحلة رقم 452 الراجعه


#1176400 [كرازي]
4.00/5 (1 صوت)

12-26-2014 12:34 AM
شاب غيور علي بلده شكرا لك

[كرازي]

#1176081 [السودانى]
0.00/5 (0 صوت)

12-25-2014 03:02 PM
ياخوانا حتى نكون منصفين: الحرب فرضت على السودان والمتمردين هم من اطلق رصاصة البداية

[السودانى]

ردود على السودانى
Qatar [الكردفاني العدييييييييييييييييييييييييييييييييييييييل] 12-25-2014 10:23 PM
اخوي .....السوداني .... ما تكون انت منصف ...... مع نفسك .... اولا ... دعك من اخفاقات الدولة الافندية ... من الاستقلال الى الان ... اولم يلغي الارجاس اتفاق عقار/ نافع الذي كان سيحقن دماءا ودماءا ..... ولكن لان العصابات .... تخاف من منافسة ظلها على السلطة .... وهي ذاهبة .... ذاهبة.....


#1176011 [ابن السودان البار]
0.00/5 (0 صوت)

12-25-2014 09:33 AM
رايك صاح مية في المية بس راي مستشار الريس الولد المبروك جوجو شنو ؟؟؟ الريس بيعمل البيعرفه فهو درس العسكرية انواع السلاح وكيفية استعمالها وخطط الهجوم والتفجير والقتل ويمكن الاغتصاب ؟؟ ومن تجلياته انه اكتشف ان مشروع الجزيرة الذي يعد اكبر مشروع في العالم لزراعة القطن طويل التيلة يروي بالري الانسيابي مشروع فاشل وليس له جدوي اقتصادية ؟؟؟ السودان تشكل كدولة علي اكتاف مشروع الجزيرة حيث كان القطن هو المحصول الاوحد الذي يصدر ويجلب العملات الصعبة التي بواسطتها تم بناء اطول خطوط سكة حديد في افريقيا بعد خطوط دولة جنوب افريقيا ومدارس ومعاهد وجامعات ومعامل الخ وعندها كان العلاج مجاني وبادوية اصلية مصنوعة في ارقي مصانع العالم سويسرا انجلترا اميركا ولم نعرف اي دواء مزيف مصنوع في الهند او مصر او الاردن ؟؟؟ فيا ريس ياخي غيرنا وخليك مع نسوانك السمان ديل ؟؟؟ كسرة جوجو فين طول ما صرح ولا زار السودان ؟؟؟ والثورة في الطريق وان طال الزمن ؟؟؟

[ابن السودان البار]

#1175927 [سكران لط]
5.00/5 (3 صوت)

12-25-2014 05:02 AM
دا الشييء الكنا منتظرين نصل ليهو بعد سالت اموال البترول في يد الحكومة واستقر الامن ووقفت الحرب سته سنوات لكن المؤتمر البطني ضيع الاموال والموارد في الصرف على الترضيات واسكات المعارضين وشراء الذمم الله يعين السودان ما عندو وجيع

[سكران لط]

#1175893 [جركان فاضى]
4.00/5 (1 صوت)

12-25-2014 04:03 AM
رئيس اكبر دولة زراعية يعلموا فيه اهمية الزراعة وما قادر يتعلم...طيب جاى تحكم كيف يا البشير يا خملة؟

[جركان فاضى]

#1175866 [اصيل]
4.50/5 (4 صوت)

12-25-2014 02:19 AM
التحية لهذا الشاب لانة عكس ثورة زراعية ناجحةفى بلد حجرى
هذة الثورة الزراعية فى السودان يمكن تقوم باقل مجهود
لان التربة عندنا عايزة البقول السلام عليكم .....(واه يانورة)

[اصيل]

#1175861 [sami]
5.00/5 (1 صوت)

12-25-2014 02:05 AM
كلامك في الصميم وينقصك ادب المخاطبة

[sami]

ردود على sami
[memo] 12-25-2014 03:19 AM
لا ينقصه البشير لازم يتكلمو معاهو كده


#1175859 [ابو الزفت]
4.38/5 (6 صوت)

12-25-2014 02:04 AM
الجداد الالكترونى بداء شغلوا ..عمايل الارهاب دى اعملوها بعيد ما فى زول خايف الكلام الزى دة قاعدين نقولوا فى البلد هنا جوة عيونكم

[ابو الزفت]

#1175850 [آمال]
4.88/5 (6 صوت)

12-25-2014 01:44 AM
و لا عمره البشير ده حيفهم لانه اهدر ميزانية البلد و ضيعها و فرط فيها و لو احسن استغلالها كان السودان بقى احسن من الخليج ﻻنه غني بموارده و ثرواته الطبيعية و السعودية اللي كانت صحراء قاحلة في السابق اتمدنت و اتعمرت لان الناس فيها احسنوا استغلال مواردهم و عمروها بدون ما يسرقوا قروشها عكس ناسنا نحن

[آمال]

ردود على آمال
Oman [آمال] 12-26-2014 09:57 AM
مع مشاغل الحياة دي بس كيف احوالكم انتو

Oman [آمال] 12-26-2014 04:43 AM
باﻷكتر يا رانيا الحمدلله تمام

Saudi Arabia [رانيا] 12-26-2014 12:09 AM
امال كيف حالك وحشتينا .


#1175789 [عبدو]
5.00/5 (3 صوت)

12-24-2014 11:47 PM
شوفو لي الزول ده اسمو منو
( محمد عطا )

[عبدو]

ردود على عبدو
Saudi Arabia [ود البلد] 12-26-2014 12:38 PM
اسمو ( بلا يخمك يا جداده)

Saudi Arabia [modessa] 12-25-2014 12:34 AM
عايز بي اسمو شنو .. يبدو انك من اصحاب المخ ابو دكوة ومخاطة...


#1175753 [المتغرب الأبدي]
5.00/5 (4 صوت)

12-24-2014 10:50 PM
قصيدة جديدة
القيامة
شعر : هاشم صديق


لا تقول
( عصر الحضارة )
وانت شايف
الدنيا غابة
البلد ملصت هدوما
عريانة
بس خلت ( شُرابها )
الرجال
عبدوا ( الفياغرا)
البنات هجروا
( البكارة )
السياسة
بقت نخاسة
شرف الكلام
أصبح نجاسة
الدراما
بقت ( عوارة )
الكضب
خَنقَ المنابر
النضال
( شباك تذاكر )
الصحف
تِفلْ المحابر
الظُلم
أصبح شطارة
والغُبن
عِدِم الشرارة .
............
لا تقول الحالة
حارة
وانت ساكت
بس تنقنق
وانت لابد
في مغارة
شاتوكا
( بالبوت ) الكبير
سووكا ( همبول )
وزول عوير
يا ( صانع الثورات )
حليلك
ما لاقي لي حالك
بصارة
( تأكل في خاطرك )
ليل نهار
ومرات تضوق
( لحم الحمير)
يازول أقيف
عِيشتك تطير
ما تخلي ( نعيك )
يوم يصير
لا ( تبيع جروحك )
لي ( مفتش )
أو ( وزير )
أشعِل
خيوط غُبنك
جسارة
ما تنوم وتَشخُر
في المغارة .
..............
لا تقول ده
عصر الحضارة
الحالة شينة
وموت غبينة
والمخازي
تلد مخازي
الكعب مقبول
وعادي
القيامة
تدور تقوم
و ( اللبّع )
دقولو طارة .
.............
كل زنقة
تباري زنقة .
الحكومة
- ومش قلنا ليكم-
( قونقوليسة
وعاملة منقة ) ؟
التهتُك
صار ( حداثة )
القِيم
جدعت ( لباسا )
البلد
( مفتوحة بيت )
بالنهار
أو بالمبيت
كلو ( لبوة )
لقت مقاسا
وكل طاهر
صار نجاسة .
............
يا صانع الثورات
حليلك
نومك تِقل
صُبحك رماد
غضبك قعاد
شاييك تِفِل
وقهوة صباحك
فنجان أسا.
يوماتي
فك ريقك
صيام
من الصباح
حتى المسا .
حيلك فتر
سخسخ حَرَن
عند الإشارة
وطنك قطار
تاه وضاع
جوه المغارة .
.............
يا صانع الثورات
صحصح وقوم
خلي القيامة
عديل تقوم
أفتح عذاب غُبنك
كتاب
قول للصعاليك
والفواتي
الليلة يوم
جرد الحساب .
موت شان تعيش
ما تعيش تموت
( موت الحياة )
أرفع رويسك
للسما
ما تَحنْى شرفك
والجباه
أشعل قيامتك
بالجسارة
( أول النيران
شرارة ) .
...........
لا تقول
دي البلد
القبيل
سمحة ونبيلة
عاين وشوف
وش المخازي
وعورة الشين
والظروف
حتي ( الحمير )
خدعتنا
بي جلد ( الخروف )
جونا
( ناس كسري )
ومعاهم
( قوم لوط )
السرقة والبنقو
ودعارة
البلد
رفعت كراعا
السقوط
بس بالإشارة
القيم
بايرة وتجوط
( الــ......)
إيمان وتقوي
ما خلوا شرفاً
لي بكارة
وبعد البنات
(...........)
النجيلة
...........
آآآه يا بلد
ديل ( مسلمين )
ونحنا يارب
ناس نصاري ؟
............
لا تقول
( مافي
في الوطن
السلامة )
أنا برضي شايف
في كل شارع
أو مصانع
أو مزارع
أو متاجر أو منابر
أو جرايد
أو محابر
أو مقابر
باينة واضحة
ظاهرة فاقعة
وساطعة أكتر
من علامة
إنو جايانا القيامة .
...............
لا تقول
الحالة صعبة
القعدة حارة
والمرقة جايزة
وحالتنا كعبة.
يا صانع الثورات
حليلك
أستخير
نار جيلي
جيلك
أبصق
علي ( فيزة )
رحيلك
مزق ( جواز )
أحلام ( مطارك )
حدد
رسم وطنك
مدارك
أنحت علي الأنقاض
نشيدك
أكتب وصيتك
ثُور وموت
القعدة حارة
والمرقة حارة
والرماد
سكن البيوت.
وطنك وقف
جوة المغارة
والخلاص
داير دبارة .
...........
يا صانع الثورات
حليلك
أكرم تصادم
لو حتي
بي أصبع
إشارة .
..........
لا تبكي
من هول البشاتن.
وطنك
طمس وشّو
الخليفة
ما خلي عَبقَاً
للأماكن
وإنت صاغر
لا بْتجَابد
لا بْتغَامر
للذلة راكن.
سووكا زول
صامت عوير
وشبعت
من ( لحم الحمير)
سرقوكا
في عز العصير
غَشّوكا
زي طفلاً صغير
شالو السرير
أدوك حصير
خنقو الهتاف
طلقوا الصفير
وقلّوكا
بي خُطب
العوارة
عصروكا
بي ( البوت )
والحقارة
لزوكا
لي ( فيزا ) السفارة
............
يا صانع الثورات
حليلك
ما قمت
من نومك عُصار
ما حن ليلك
لي نهار
ما ضِقت
من غش الشمار
ما قلت يوم
كيف الدبارة .
.............
لا تقول ده
( عصر الحضارة )
وانت شايف
الدنيا غابة
البلد ملصت هدوما
عريانة
بس خلت ( شرابها )
الرجال
عبدوا ( الفياغرا)
البنات هجروا
( البكارة )
السياسة
بقت نخاسه
شرف الكلام
أصبح نجاسه
الدراما
بقت ( عوارة )
الكضب
خنق المنابر
النضال
( شباك تذاكر )
الصُحف
تِفْل المحاابر
الظلم
أصبح شطارة
والغُبُن
عدم الشرارة .

[المتغرب الأبدي]

#1175731 [كوكو]
5.00/5 (1 صوت)

12-24-2014 10:21 PM
شكرا اخي
وابن جارتي بسيطا
ومن جوف الجوف عواافي

[كوكو]

#1175704 [abusami]
5.00/5 (3 صوت)

12-24-2014 09:47 PM
فعلا البفهم البغل منو .

[abusami]

#1175667 [الحقيقة مرة]
5.00/5 (5 صوت)

12-24-2014 08:59 PM
كانت هذه الدراجة يوما ما كلاشنكوف !

[الحقيقة مرة]

#1175653 [Brins]
5.00/5 (6 صوت)

12-24-2014 08:46 PM
أهنأك أخي الكريم صحاب مقطع الفيديوا المصور على قول كلمة الحق ولو على رقبتك وكلمة الحق واجبة على كل مواطن سوداني عزته وطنه قبل كل شئ.
لاكن موضوع الحكومه في انها تنفع البلد وتعمل التنميه لمستقبل الأجيل دي حاجه ماشفنها زي ماتفضلت وقلت هي بس بتحارب عارف ليه بتحارب ؟.
عشان منفعة حزبهم فقط ويكون البشير (الغبي) قاعد في السلطه فقط لاغير.
تحية ود واحترام لكل شاب جريئ بيقول كلمة حق ولو على رقبته المهم كلمة الحق تقال وسوف نسأل يوم السؤال يوم لاينفع لاجاه ولا مال .

[Brins]

#1175652 [الكاهلى]
5.00/5 (6 صوت)

12-24-2014 08:45 PM
اخر تقليعة للحمير بتقول (الدايرنا الاقينا فى الميدان )
هذه علقية رئيس السودان كاسوأ رئيس عرفه السودان والعالم
كسرة :
الحوار مع من حضر

[الكاهلى]

#1175631 [AHMED SALAH]
5.00/5 (3 صوت)

12-24-2014 08:19 PM
السعودية بدأت فعلاً مؤخراً الزراعه وبكميات كبيره جداً وانا مقيم هنا واشهد إنه كلام الاخ صحيح 100% , رغم أنه السعوديه يعتبر إقتصادها اكبر إقتصاد فى الشرق الاوسط وشمال افريقيا وتقريباً بتحتفظ بنسبة قدرها 25% من مايعادل الناتج المحلي الإجمالى لتلك الدول مجتمعه إذا عرفنا أن تلك الدول بينها الامارات وقطر كمثال .
كما ويعرف الجميع البترول الذى تحتل فيه المرتبه الثانيه من حيث الإحتياطى عالمياً 25% من الإحتياطى العالمى والمرتبة الاولى فى الإنتاج والتصدير..
ورغم ذلك يزرعون..!!!

[AHMED SALAH]

#1175626 [اقرسكتي]
5.00/5 (11 صوت)

12-24-2014 08:13 PM
ﻓﻲ ﺍﻻﻧﺘﺨﺎﺑﺎﺕ الرئاسية فى السودان ﻭﺍﺣﺪ ﻣﺸﻲ ينتخب "نعم" أو "لا" ﻟﻠﺮﺋﻴﺲ ﺍﻟﺒﺸﻴﺮ..قام صوت لا للبشير... وﺑﻌﺪ ﻃﻠﻊ ﺑﺮﻩ ﺻﺎﺣﺒﻮ ﻗﺎل ليه: صوته كيف؟!! ﻗﺎل: طبعاً ﻻ.. ﻗﺎل ليه: ﺍﻧﺖ ﻣﺠﻨﻮﻥ ﻛﻴﻒ ﺗﻌﻤﻞكده! ﺍﺭﺟﻊ ﺗﺎﻧﻲ ﻭصوت بنعم للبشير ..
ﺭﺟﻊ ﻟﻠﺠﻨﻪ ﻗﺎﻟﻴﻬﻢ ﺍﻧﺎ ﻛﻨﺖ ﺩﺍﻳﺮ اصوت بنعم..وللأسف عملته غلطة و صوت ﻻ للرئيس ..
ﻣﻤﻜﻦ ﺍﻋﻴﺪ ﺍﻟﺘﺼﻮﻳﺖ
ﺭﺋﻴﺲ ﺍﻟﻠﺠﻨﻪ ﻗﺎل ليه : ﺧﻼﺹ ﺻﻠﺤﻨﺎﻫﺎ ﻟﻴﻚ لكن ﺗﺎﻧﻲ ﻣﺎﺗﻌﻤﻞ ﻛﺪه....

[اقرسكتي]

#1175623 [ودعمر]
2.00/5 (3 صوت)

12-24-2014 08:10 PM
لكن زي ماقلتو البفهم لينا البغل ده شنو!!!!؟ لكن ياجماعه بقدر ماعمر البشير البليد سبب في الانحنا فيه ده الحركات المسلحة وقيادتها للحرب وتدميرها للاقتصاد تتحمل قدر كبير من هذا الوضع.

[ودعمر]

ردود على ودعمر
Malaysia [ودعمر] 12-25-2014 12:05 AM
مشكور يا واحد علي التعقيب انا لم اقل انها السبب ولكن قلت تشارك النظام مانحن فيه. نعم كل ماتفضلت بذكره عن تشبث النظام بالسلطة وانه لايهمه وطن ولايحزنون لكن بنفس القدر الحركات المسلحة تسعي نحو السلطة ولايهمها ايضاُ الوطن والمواطن وقد احالت حياة المواطنين في كل الاماكن التي اشعلت فيها الحروب الي جحيم بقدر مافعل النظام. انا رايي ان هذه الحركات تزيد من عمر النظام وتساهم بقدر كبير في تدمير اقتصاد البلد. وان التغيير السلمي ممكن رغم دموية هذا النظام! لان التغيير عن طريق السلاح لن يصلح حال البلد بل سيدخلها في حالة صوملة. انظر لما يحدث الان في ليبيا وسوريا.

Sudan [واحد من هناك] 12-24-2014 11:29 PM
اختلف معك اخى ود عمر ليس الحركات المسلحه هى سبب الحروب البلادء والقتل /اذا كيف تفوض الانقاذ لمه 25 سنه ولا تصل لنتيجه السبب ببساطه اعتقد هو عدم وجود اراده سياسيه لانهاء الصراع والحروب من البدايه الرئيس ماذا يضيره لو قرر وقف اطلاق النار فى كافه الجبهات بجره قلم؟الانقاذ لا تريد ان تفاوض بنديه تريد ترضيات ودفع رشاوى وفركشه صفوف المعارضين وتريد من الجميع ان ينفذ اجندتها هى لا تفاوض من اجل حقوق ودوله مواطنه فيها الجميع متساوون أمام القانون.هى تريد ديمومه وسيطره حزبها الشيطانى الملعون على مقاليد الدوله فقط.


#1175596 [أحمد]
5.00/5 (2 صوت)

12-24-2014 07:35 PM
تحية خالصة لك على هذه الرسالة و أعتقد أن مشكلة النخب السودانية جميعها هي عدم تقيمها لإنسانها و فهم الأمانة التي تعرف كينونتها كبشر، بس يا أخوي عليك الله خلي الحمير في شأنهم لأنهم أمم أمثالنا و لنحمد الله الذي سخر لنا نعمه.....فقط أتمني آلا تقاطع الحمير آكل البرسيم عشان النقاطة تستمر يا فردة.

وَمَا مِن دَابَّةٍ فِي الْأَرْضِ وَلَا طَائِرٍ يَطِيرُ بِجَنَاحَيْهِ إِلَّا أُمَمٌ أَمْثَالُكُم ۚ مَّا فَرَّطْنَا فِي الْكِتَابِ مِن شَيْءٍ ۚ ثُمَّ إِلَىٰ رَبِّهِمْ يُحْشَرُونَ (38)

تسلم السلالةالجابتك و لك التحية مجدداً على هذه المساهمة.

[أحمد]

#1175587 [nooor.com]
5.00/5 (3 صوت)

12-24-2014 07:22 PM
الزول دا بيقول كلام سمح بس هسع تقول داير تنزل جهاز الري المحوري دا قايتو بتدفع سعرو 3مرات في الجمارك والضرائب حسبي الله ونعم الوكيل

[nooor.com]

ردود على nooor.com
Saudi Arabia [مهندس زراعي] 12-24-2014 09:54 PM
مع احترامي لك يا مراقب بعين واحدة البتقول فيه ده كلام في كلام وهذا لا يحدث الا للكيزان والنافذين منهم فقط وأسال مجرب ولا تسأل طبيب .. ولو عندك طريقة ورينا ليها لاننا دخنا في سودان الجن ده ما تعرف تبدأ من فين وتنتهي فين .. ياخي دخنا السبع دوخات وكل ما تقول خلصت اوراقك تمشي الميناء يقولوا لك بلها واشرب مويتها.

Saudi Arabia [مراقب بعين واحدة] 12-24-2014 08:23 PM
للمعلومية جهاز الري المحوري بدون جمارك وبدون ضرائب وكذلك كافة الآليات الزراعية مثل التراكترات والحاصدات وأشباههما


#1175584 [اختلاف الراي لايفسد للؤد قضيه]
3.00/5 (2 صوت)

12-24-2014 07:17 PM
دمرته الشاب المسكن دا والله زنبه شنو حسي بس الا مايرجع السودان لكن ممكن يده خروج نهاي وجهاز الامن يستلمه من المطار

[اختلاف الراي لايفسد للؤد قضيه]

ردود على اختلاف الراي لايفسد للؤد قضيه
Saudi Arabia [العشرة بقرش] 12-26-2014 11:20 AM
أسلوبك ركيك يا جدادة ..
الله ياخدك ..

Saudi Arabia [المغبون] 12-24-2014 08:43 PM
انته طوالى اتفولته ليهو بالخروج النهائى ده المدمر بلدنا عدم قبول النصيحة والخوف من قول النصيحة شاب غيور على بلدو نسأل الله ان يحفظه ويكتب له ما فيه الخير ويكفيه شر اولاد الحرام ايا كانو وعسى انو ناس حكومتنا يستفيدوا من كلامه هذا مش يعتبروه انسان معارض هو انسان فقط حانق لما آل اليه حال البلد الذى يملك كل الامانيات .

Saudi Arabia [المتغرب الأبدي] 12-24-2014 08:06 PM
وأنت بأسلوبك هذا تزرع الخوف في نفوس الآخرين ..
بعدين حاول أكتب صح ..
الراي - للؤد - قضيه - المسكن - زنبه - حسي - الا - يده - نهاي

كااااك يا جدادة


#1175555 [mabo]
4.50/5 (3 صوت)

12-24-2014 06:47 PM
يا اخى الكريم انت بتكلم مجرم ورئيس عصابة ما بتكلم بشر سوى دا قيل عنه اذا كلمه شخص عن معاناة الناس يقوم بسبه وكراهيته ويمنع دخوله له مرة اخرى دا افضل منه الحيوان المتوحش يمكن ان يروض ويصبح اليف ومفيد

[mabo]

#1175554 [أسمر جميل فتان]
5.00/5 (2 صوت)

12-24-2014 06:47 PM
والله ما قلت الا الحق وبكلام بسيط وشجاع جدا وجرئ .... عجز عنه الراجفات العجائز القاعدين جنبو ديل الواحد فيهم ما بيقدر يقول ولا ربع كلمة خليه يقول كلام زي كلام الشاب الغيور علي بلده ... ربنا يرجعك سالم وتقدر يوما ما ان تفعل ما تريد وتنجز مشاريع زي العندك واحسن منها.
ودمتم

[أسمر جميل فتان]

#1175549 [ام رنا]
4.50/5 (3 صوت)

12-24-2014 06:42 PM
يعنى تفتكرو انو مع عارفين الحقيقة ده البقت حتى الصغير عارف بس الموضوع انهم ما شيلين هم البلد او بالاحرى المواطن الانسان اكرر على الانسان ال من حقو يعيش حياة كريمة بمعنى الكلمة كل المهم عندهم كراسى السلطة والامتيازات والباقى في ستين بدليك انهم يدافعه عن سياساتهم الخاطئة حتى الان .

والله يكون فى عونك يابلد

[ام رنا]

#1175544 [دنقر شيل]
5.00/5 (3 صوت)

12-24-2014 06:36 PM
لو الحكومة دايرة مصلحة البلد تصدر قرار بإدخال كل المعينات الزراعية مجاناً وعدم فرض اى ضرائب او رسوم على المزارع وشوف بعد كم سنة حال المزارع والبلد
لكن ديل هم البيحاربوا الزراعة عشان الجوع يخلينا نركع اكتر

[دنقر شيل]

#1175539 [رانيا]
5.00/5 (10 صوت)

12-24-2014 06:32 PM
ياسلام عليك يا أخي الفاضل ده كلام الرجال المحترمين أولاد الناس . فعلا السؤال منو البيفهم الحمار ؟! .. هذا رجل حقير وتافه ووغد جعل السودان أرض الخير بور والدمار العملوا فينا وشتتنا ما حصل لأي شعب في العالم . هذا هو الدمار الشامل والمحصلة صفر كبير لامع ذي قرعته المقيتة المقرفة الله لا بارك فيه ولا في الشبهه وإن شاءالله ما يشم ريحة الجنة .
قاعد يتفلسف لي السودان السودان فيهو وفيهو والله ما بقى فيهو شي ..أكبر محمية طبيعية بقت في الإمارات والله لو الواحد مسك حاجة حاجة يقعد يبكي بس .. يعني بجد إحنا وصلنا الحضيض وفي قلوبنا غصة حتى البعيدين ذي أخونا الكريم ده بيكون في حالة مقارنة دائمة ولا نقصد حسد معاذالله بل على العكس نتمنى الخير للمواطنين في هذه البلاد ذات القيادات الرشيدة ..نحن فقط مزهولين من إنه هذا الوغد وصلنا لأن تصبح أرض النيلين بور !!! المصيبة لسه قاعد متحكر ومازالت المعاناة مستمرة...
الله ياخدك يا وجه النحس ويريحنا من شرك .

[رانيا]

ردود على رانيا
Saudi Arabia [رانيا] 12-25-2014 11:27 PM
شكرا أحبتي ودعمر وود البقعة .. مداخلاتكم أسعدتني كثيرا .

United Arab Emirates [ابو الفا] 12-24-2014 10:08 PM
رد على ود البقعة
ماقلتنا ياود البقعة الاسم دا شنو والبقعة دى بقعة طاهرة ولا نجسة لكن فى اعتقادى انك بقعة نجسة من نطفة نجسة ولا تلومنى فانت الذى بدات ياوغد يا حلوف يااكبر لوح وغبى كمان بلا يخمك ويخم الخلفوك

[ود البقعة] 12-24-2014 08:11 PM
الى الامام الابنة رانيا ، وماعليك من امثال الوهم الاسمو (ابو الفا) فلم تصدر منك كلمة غير لائقة بالعكس كلامك كلو محترم ، ولكن امثال ابو الفا ده ناس شليقة ساي وشكلو جداد الكتروني بدليل قوله ان التشدد والانفعال لن يفعلا شي والاخ يتحدث عن سياسة ناعمة لخلع النظام !!!! طيب اصحاب النظام نفسهم قالوا اكتر من مرة (مابنحاور الا حملة السلاح ، والزارعنا غير الله اليجي يقعلنا ، وسنحكم مائة سنة ، ومابنفكها الا عند طلوع المسيح ...الخ ) ثم يتكلم جاهل مثل ابو الفا عن السياسة الناعمة !!!!!

Malaysia [ودعمر] 12-24-2014 08:06 PM
اميييييييييييييييييييين

ابو الفا ده دافعين ليهو كم!!؟. وبعدين اخير النبذ ولا حمل السلاح!!!!؟ البلد وصلت مراحل متاخرة.

Saudi Arabia [رانيا] 12-24-2014 07:39 PM
خليت ليك النعومة يا .....أبو الفا !

United Arab Emirates [ابو الفا] 12-24-2014 07:07 PM
اخت رانيا ارجو ان تنئى بنفسك عن هذه الشتائم لرئيس الجمهورية مهما كان لانك اذا كنت انثى فهذا لايليق بانثى رقيقة مثلك ان تقول هذا الكلام ولك ان تنتقدى كيفما شئت ولكن باسلوب ارقى من ذلك ولاحظى ان التشدد والانفعال لن يفعلا شئ فى هذا النظام ولكن هناك مايعرف الان بالسياسات الناعمة وهى قادرة على خلع اى نظام دون سباب اوشتائم وبدون دم وعنف


#1175536 [karkaba]
5.00/5 (4 صوت)

12-24-2014 06:28 PM
فعلا من يفهم الحمير 0اسلوب مبنكر من اساليب كشف نظام الابادة الزي لايهمة غير البقاء في السلطة

[karkaba]

#1175522 [الجاحظ]
5.00/5 (6 صوت)

12-24-2014 06:12 PM
عليك نور ...الله ينصر دينك

[الجاحظ]

#1175501 [لواي سلسلن]
5.00/5 (4 صوت)

12-24-2014 05:57 PM
نعم بالإرادة يمكن زراعة الصحراء وتعميرخا وبالتالي نزيد من حصيلة الانتاج وتشغيل الشباب ومنع الآثار السالبة للتصحر.
لكن كيف ذلك ان لم نستفيد اصلا من الزراعة المروية من النيل او الزراعة المطرية.
فكما قلت ان الموضوع هو الارادة السياسية والتخطيط السليم.
عجبتني مقولتك انه بسعر الدبابة يمكن توفير 7 من نظام الري المحوري هذا.
لن ينصلح حال السودان الا بشبابه الواعد.

[لواي سلسلن]

#1175498 [المتغرب الأبدي]
5.00/5 (6 صوت)

12-24-2014 05:55 PM
بارك الله فيك يا أخي وجزاك الله خيراً على هذا الكلام المنطقي وبالصوت والصورة ..

تم تحويل المقطع للواتساب ..

[المتغرب الأبدي]

ردود على المتغرب الأبدي
Saudi Arabia [abusami] 12-24-2014 09:55 PM
فعلا كلام صح البفهم الحمار منو .ورينا كيف حولت المقطع للواتساب ولا مشاركة فقط الرجاء التوضيح مشكور.


#1175495 [ابو ساري]
5.00/5 (8 صوت)

12-24-2014 05:53 PM
لكن الفهم الحمير شنو؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
لله درك ايها الشاب و اخوتك المشردين

[ابو ساري]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة