الأخبار
أخبار إقليمية
السجن "10" سنوات للتجار رافضي العمل بالماكينة الإلكترونية
السجن "10" سنوات للتجار رافضي العمل بالماكينة الإلكترونية
السجن


12-25-2014 08:24 AM
أم درمان - سلمى معروف

كشف وزير المالية في تقديرات مشروع الموازنة العامة للعام المالي 2015 عن فرض عقوبة تصل إلى السجن 10 سنوات على التجار رافضي استخدام الماكينة الإلكترونية في بيع البضائع في المحلات التجارية والخدمية والصناعية والبقالات، وأعلن في مشروع قانون ضريبة الدخل عن تعديل في المادة (2) الخاصة باستخدام الميكنة الإلكترونية وماكينة بيع البضائع التي تستعمل في المحلات التجارية والخدمية والصناعية، منوها إلى أن الماكينة تستخرج الفاتورة حاوية قيمة الضريبة المستقطعة لكونها توفر معلومات حقيقية لأغراض ربط الضريبة، وتعمل على الحد من التهرب الضريبي. وشمل مشروع قانون ضريبة الدخل المصاحب للموازنة والذي حصلت عليه عن تعديل المادة 74 المتعلقة بالعقوبات، حيث وضع عقوبة السجن عشر سنوات لرافضي استخدام الماكينة الإلكترونية وعدم توريد المبالغ المستقطعة.

اليوم التالي


تعليقات 16 | إهداء 0 | زيارات 5193

التعليقات
#1176806 [tornado-xy]
0.00/5 (0 صوت)

12-26-2014 04:17 PM
حلو! يكون عندنا سوق اسود ذي سوق الدولار

[tornado-xy]

#1176748 [ود البلد]
0.00/5 (0 صوت)

12-26-2014 11:03 AM
هذا النظام يعتمد على الباركود ومن الصعوبة بمكان توحيد الباركود لكل التجار .. ثانيا كراس الجرورة ده يعملوهو (ايباد) ول شنو ههههههههههههه

[ود البلد]

#1176656 [ود البقعة]
0.00/5 (0 صوت)

12-26-2014 07:29 AM
ابسط حاجة مفروض ناس الضرائب يكونوا عارفنها انو عشان تتعامل مع المكينة لابد ان تكون هناك اسعار ثابتة للسلع عامة ، ثم بعد كده يشوفوا موضوع الضرائب ، الحكومة الاخوانية عاملة سوف متحرر فكيف تلزم البائع بالعمل بمكينة البيع ؟!!!!!!! جهل الكيزان الاغبياء

[ود البقعة]

#1176513 [اب ياي]
0.00/5 (0 صوت)

12-26-2014 03:11 AM
الضرائب الباهظة والتعسف فى جبايتها من اسباب قيام الثورة المهدية على الترك هكذا تقول كتب التاريخ.

هل هناك تعسف اكبر من تجبر على استخدام ماكينة تحسب سكناتك وحركاتك حتى تأخذ من مالك لتمكين نظام استبدادى من المذيد من ادوات القهر والحرب .

كل الخدمات يدفع المواطن ثمنها وكل دخل الضرائب والجمارك يذهب للحرب يجب على التجار اعلان العصيان على هذا التعسف .

قال عشرة سنيين قال ...

[اب ياي]

#1176331 [عصام الجزولى]
0.00/5 (0 صوت)

12-25-2014 11:15 PM
اذا كان التاجر هو الذى يدخل بيانات كمية البضاعة التى باعها فى اليوم للماكينة فما الذى يمنعه من ادخال نصف الكمية فكيف تستطيع الجهة الرقابية معرفة ذلك ثم ان عقل الانسان هو الذى اخترع الالة فهل يعجز عن التحايل عليها؟ تقول النكتة أن الحكومة جلبت ماكينة لكشف اللصوص الاان اللصوص تمكنوا من سرقتها

[عصام الجزولى]

#1176295 [Abdo]
0.00/5 (0 صوت)

12-25-2014 10:21 PM
من امن العقوبة ساء الادب ،،، الجماعة ديل امنو تماما جانب الشعب بأنه أصبح مدمر تماما حسب ما خططو له ، و انه شعب أصبح سهل الركوب على ظهيره ، أي مطيعاً و لا يبالي ، لذلك أصبحوا كل يوم يبتدعوا أسلوب جديد لقهره و أمتصاص دمه ،،، إن لم يثور الشعب ليؤدب هؤلاء السفله فسوف يستمر الفلم إلى إبتداع أساليب ستمتد إلى عرض السودانين في سوق النخاسة بواسطة هؤلاء الغرباء عن خلق البشر اجمعين ناهيك عن خلق المسلمين ،،،

[Abdo]

#1176228 [أسد]
5.00/5 (1 صوت)

12-25-2014 06:00 PM
لماذا رفض وزير الداخلية ووزير الدفاع ووزير الأمن ورئيس القضائية الحكومة الالكترونية والدفع عبر الجنيه الالكتروني . اذا كان المضوع محافظة على الايرادات فهذه الوزارات هي الاغنى والاعلي ايرادا في السودان. على وزير المالية الزام هذه الوزارات اولا بتحصيل الايرادات ومن ثم التفكير في جمع ضرائب المبيعات وضرائب الدخل مقدما.

[أسد]

#1176213 [Abo Obayda]
0.00/5 (0 صوت)

12-25-2014 05:51 PM
السجن عشرة سنوات ؟!!
والله يا انكم حمير ، او بتعتقدوا ان الشعب السوداني حمير

عشرة سنوات سجن عشان واحد عنده بقالة او متجر و رفض ينصاع لأمر ما صادر عن السلطة !
طيب كان من الاسهل تكون العقوبة اغلاق الجهة و يمشي صاحبها يشوف ليهو رزق في مكان تاني واللا يصبح شحاد عشان يعيش عياله ، لكن ينسجن عشرة سنوات.
من يهن يسهل الهوان عليه ، ما لجرح بميت ايلام.
و ان شاء الله الكل يرفض تطبيق هذا التوجه عشان تسجنو كل التجار و تيجبوا مكناتكم دي تركبوها عشان المحلات تشتغل الكتروني و تبقوا تاخدوا ضرائبكم و التاجر يقضي عقوبة العشرة سنوات في السجن

[Abo Obayda]

#1176159 [عبد الجبار احمد]
5.00/5 (1 صوت)

12-25-2014 05:07 PM
يا جماعة ممكن واحد شرح لينا ما هي هذه الماكينة ؟؟ هل هي ماكينة البيع التي تستخرج فواتير صغيرة للمشتري بعد دفع الفلوس ام هي ماكينة الدفع عن طريق بطاقة الصراف الالي بدل الكاش ؟؟

الموضوع كله ان هناك احد المتنفذين تعاقد مع جهة صينية لتوريد هذه الماكينات ويريد وبيعها للتجار غصبا عنهم وطبعا 50% من العائد يذهب لجيب وزير المالية الحرامي

ام ان هذه الماكينات توزع مجانا على المحلات

من حق اي تاجر ان يستخدم او لا يستخدم هذه لماكينات يعني اذا هو قادر على تحصيل فلوسه بدون ماكينة لماذا تريد الوزارة ان تغصبه ليستخدمها

نقول لوزارة المالية أول حاجة افرضي سيطرتك على المال العام بمحاربة التجنيب وبعد داك تعالي قولي ماكينات وما ادراك

وصيتي للتجار اذا لم تجدوا معهم حيلة ركبوا الماكينات في محلاتكم ولا تستخدموها الا بنسبة 10% فقط من مبيعاتكم

والله حرامية حرامية حرامية
لعنة اللع عليكم

[عبد الجبار احمد]

ردود على عبد الجبار احمد
United States [Omda] 12-26-2014 07:51 PM
عارف يا عبد الجبار دي زكرتني زمان واحد من الكيزان ديل جاب لي بوهيه خضراء نامت لي في يدو قامت الحكومة قالت مافي زول يرخص دكانه الايضربو اخضر ولما خلصت بهيه الكوز وقفو القرار كلكم متزكرين الحكاية ده


#1176140 [علي]
3.00/5 (2 صوت)

12-25-2014 04:44 PM
شكله واحد من ناس الماليه جايب ماكينات للبيع

[علي]

ردود على علي
Saudi Arabia [جركان فاضى] 12-25-2014 05:51 PM
شكلوا واحد من ناس المالية!!!! الواحد دا ما بشمها شم...دا الوزير ذاتو الجاب الماكينات...وبرضو خليه يركب واحدة من الماكينات عشان يبيع بيها الباقى

Saudi Arabia [المتغرب الأبدي] 12-25-2014 05:23 PM
لا وانت الصادق ..
ديل عايزين يعرفوا حجم المبيعات عشان يستقطعوا ضريبتهم ..
الله يقطعهم حتت حتت


#1176110 [أبوجلمبو]
5.00/5 (2 صوت)

12-25-2014 04:01 PM
يا سبحان الله , يعني غسان و الحراميه بتاعين الوالي حايمين في الشوارع بي فقه التحلل و عايزين تسجنوا التجار البياكلوا بالحلال من عرق جبينهم عشره سنين ! ياخ البيغتصبو الأطفال ما بتسجنوهم عشره سنين !

[أبوجلمبو]

#1176109 [كديس فى السروال]
0.00/5 (0 صوت)

12-25-2014 04:01 PM
دى آخر ما توصل ليهو الكومة عشان التجار يقفلو دكاكينهم و يقعدو
تناى البيع كلو تحت تحت

[كديس فى السروال]

#1176061 [ابو عرب]
0.00/5 (0 صوت)

12-25-2014 01:29 PM
تاهيل اولا للعاملين لاستخدام الاتكم لانها بالعربي والفاصلة والصفر ما واضحين من بعض انا في دكان طيبة ولا شنو ما عارف استخدمتها وقال لي العامل اكتب الرقم كتبتوا غلط وحق الدكان راح وبصراحة كانت عن قصد لاني شكيت في الارقام والصفر وكان المفروض اراجع الامر مع البنك وعامل الدكان ما فاهم حاجة المبلغ 63 جنيه بالقديم

[ابو عرب]

#1176006 [Asaad2t]
5.00/5 (1 صوت)

12-25-2014 09:24 AM
انتوا بعد كده تعالوا تلبوا في البيوت في الخرطوم تقلعوا مدخرات والمقتنيات النفيسة والله حيطير لكم طيره ياناس المؤتمر الوثني

[Asaad2t]

#1176005 [fatmon]
5.00/5 (1 صوت)

12-25-2014 09:23 AM
عن أي تاجر في العاصمة بس ولا في الأقاليم
تاجر الجملة بس ولا القطاعي
تاجر السوق العربي وأم درمان وبحري بس ولا ناس سوق السجانه والسوق الشعبي
ناس الداكيين المتعلمين بس ولا الغير متعلمين
ناس الدكاكين الما تبع النظام بس ولا الأول حرفهم الكيزان الفاسدين معاهم
حصرتوا العدد عشان تجيبوا به الماكينات وتبيعوها بالإجبار والما بشتري عشرة سنين سجن تانيه وبكده السوق يفضى ليهم من غيرمعارضة أقصد منافسه ربع القرن الجاي شكله زي في واحد في المائه في السوق عاملين ليهم زحمة

[fatmon]

#1175998 [fatmon]
5.00/5 (2 صوت)

12-25-2014 09:05 AM
النظام ده يتبع في حالة وجود system , قانون متكامل في البلد, مش كل الكيزان تدخل بضاعتهم مجانا والتانين يدخل السجن عشرة سنوات عشان ما أستعمل النظام الألكتروني
وبره السجن البشيل معاه عشرة مليون دولار كاش ,والجماعة البتحللوا
لكن المسكين ده إمكن ما عنده زول بيبع ليه في الدكان وهو الوحيد وما بعرف إستعملها يقفل ويخلي الدكان لواحد من الكيزان البعرفوا يشغلوالماكينةالألكترونييييييه

تخنتوها شديد!!!!!!
دي عايزه الجماعة يتحركوا أسرع نحنا 2015 دي ما عايزين نضوقم فيها حلو أصلو
يا ما شوف عيني ليكم يوم وقريب إن شاءالكريم
يمهللللللل ولا يهمل

[fatmon]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية

الاكثر تفاعلاً/ق/ش

الاكثر مشاهدةً/ق/ش

الاكثر تفاعلاً/ش

الاكثر مشاهدةً/ش







الرئيسة |المقالات |الأخبار |الفيديو |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة