الأخبار
أخبار إقليمية
عناصر من "الجيش" يغلقون طريق (الخرطوم – شندي) عند "مرور حطاّب".. واصابات بين المواطنين
عناصر من "الجيش" يغلقون طريق (الخرطوم – شندي) عند "مرور حطاّب".. واصابات بين المواطنين
عناصر من


رشقوا "البصات" والشاحنات بالحجارة واعتدوا على المواطنين
12-27-2014 01:50 AM
الراكوبة – خاص اغلق عساكر يتلّقون تدريبات عسكرية في معسكر (السليت) – يُشاع ان بعضهم يتبعون لمليشيا الدعم السريع - طريق الخرطوم شندي عند محطة مرور (حطاّب) اليوم (الجمعة)، ورشقوا الشاحنات والبصات السفرية بالحجارة، وقاموا بالاعتداء على مواطني المنطقة بصورة وحشية، الامر الذي تسبب في قفل الطريق نهائياً امام حركة المرور.

وقال شهودٌ عِيان لـ (الراكوبة) إن المجموعة التي ترتدي زياً عسكريا والتي تُقدّر بالمئات، خرجت الى الطريق الدائري وتحديدا محطة (حطاّب)، بالقرب من منطقة الجيلي شمالي الخرطوم، وقامت باغلاقه بالكامل امام السيارات والمارة، مما عطّل حركة المرور، وتسبب في الانتقال الى الطريق الداخلي الذي يمر بداخل مدينة الجيلي.

وافاد شهودٌ عِيان، أن العساكر خرجوا للشارع تعبيرا عن استيائهم من الاوضاع داخل المعسكرات، وقاموا بنهب بعض المتاجر بمنطقة "السمرة" الامر الذي تحول الى مواجهة عنيفة بين المواطنين من اهل المتاجر المنهوبة، وبين المجندين صباح (الجمعة)، مما ادى لوقوع اصابات بالغة، بينما رشحت معلومات – لم يتسن للراكوبة التأكد منها – عن وقوع قتلى من الجانبين.

وروى سائق شاحنة، قال إنه نجا من الموت باعجوبة، لـ (الراكوبة) تفاصيل القصة قائلا: "تحركت من الخرطوم في طريقي الى شندي ومنها الى عطبرة، وبعد ان وصلت محطة مرور حطاب، قمت باجراء اللازم في ما يلي عملية المرور واجراءات العبور، لكنني فوجئت بعد ان تخطيت نقطة مرور حطاب بنحو خمس دقائق بوجود مجموعة ترتدي زياً عسكريا يغلقون شارع الاسفلت، امام حركة المرور، وقاموا برشقي بالحجارة بصورة كثيفة، فما كان مني الا ان قمت بالعودة ادارجي الى محطة مرور حطاب بسرعة فائقة، بعد ان افلتُ من الحجار الكثيفة التي اصابتني بجروح خطيرة، وهشمت زجاج الشاحنة بالكامل، وعندما وصلت الى مرور حطاب، رويت القصة لافراد شرطة المرور، فقالوا لي ان هذه الاحداث بدأت مساء السبت".

واشار سائق الشاحنة الى ان نفس المشهد تكرر مع بص يبتع لشركة "حدباي" تم رشقه بالحجارة بصورة كبيرة ادت الى تهشم زجاج بعض نوافذ البص.

وقالت مصادر بالمنطقة لـ (الراكوبة) ان رتلاً عسكرية تحرك في اتجاه الشارع الدائري للتدخل من اجل حسم المشكلة. لكن تلك المصادر تخوفت من انحياز القوة العسكرية، التي تقلها (بضع) سيارات كبيرة، الى المجندين، بدلا من اتخاذ موقف محايد. وهو ما يُرجِّح حدوث احتكاكات دموية بين مواطني منطقة "السمرة" وبين القوة العسكرية، مما يُفاقم الاوضاع ويزيدها تأزيما، بدلا من حلها وانهاء المشكلة.

(التحديث مستمر – يُتبع)


image

image

image

image

image


تعليقات 33 | إهداء 0 | زيارات 30927

التعليقات
#1178890 [سودانى]
4.07/5 (5 صوت)

12-30-2014 03:47 AM
افضل حكومة وارجل حكومة تحكم السودان كفاية الانجازت الشاهدة نحن لما مسكناالبلد دى مافيها قرش احمر -----حروب مجاعة شحده الان بترول ذهب زراعة الخير كتير اى زول ماعاجابه البلد دى يهاجر مافى زول ماسك يدك خلوها لرجال الانقاذ ديل والبلد دى مابنفيكها والماعجبو الكلام ده يقع البحر ----شعب عجيب كل ماتجى حكومة يقولوا ليك حرامية ---الازهرى حرامى ---عبود حرامى ---نميرى حرامى ---البشير حرامى ----واقول بصوت عالى الحرامية بيت المهدى وبيت المرغنى خلفوا اهنا خلوهم دراويش وخدم وشالوا قروش الشعب والانقاذ كرمت الشعب ---اما الشيوعيون الحاقدين يصطادون فى الماء العر واجبن ناس ----


والماعاجبوا الكلام ده يموت --تحيا ثوره الانقاذ ثوره التعليم ثوره البترول ثوره الذهب ثورة الصناعية جياد وغيرها --ثوره السدود --ثوره السودانيون اذهبوا ونحن من خلفكم وربنا يوفقكم الى مافيه الخير والله اكبر

[سودانى]

ردود على سودانى
United States [بلدى] 01-05-2015 01:00 PM
ايوه صح ارجل حكومة على وجه الارض بس الشعب كسول البشتغل بلقى والبنوم يفوتوا القطار ---الى الامام يكيزان كل سياساتكم صح 100% بس مشكلتكم واحدة ماعملتوا دستور واضح خليتوا البلد عائمه


#1177744 [xnana]
4.00/5 (4 صوت)

12-28-2014 10:35 AM
هي اصلا عايره والنظام اختار طريق نظيره السيسي موت للركب عسكره للحلق فساد للراس دوله ماف مواطن مشوه خايف ده حال البلد ب اختصار الدكتاتور صنع والان فى قمة ضراوته الدود يكبر والباطل يتمدد والموت فى كل مكان
ياناس الحكومه اختو الشرق العبو بعيد من الشرق ديل ناس قلوبم حاره ونارم بره لابخافو موت ولابهابو نار من ماتصل البيوت عاليها بقلب واطيها ناسكم دربوهم غادي يكتلو يغتصبو ينهبو يسرقو زي مادايرين تبرمجوهم برمجوهم بس غادي من الشرق اهلنا ديل كافيين خيرم شرهم ماساعلنكم ولادايرين معاكم كسره بمويه والباقي بتمو هوه ماعندهم مشكله لكن تصلوهم فى بيوتم والله الموت حبابو الف احلا منو مافي موته تعجب ربنا ورسوله فى احلا من الموت شان العرض والمال والارض شهاده كايسه شهاده شرفا عالي فوق السما نورو يضوي يبقبق

[xnana]

#1177735 [عليه العوض]
4.07/5 (5 صوت)

12-28-2014 10:24 AM
أرأيتم مثل هذا (الفعل) في اي دولة في اركان الدنيا الاربع
أسمعتم إن قواتاً نظامية (ده لو اتعبرناها نظامية مجازاً) قد فعلت مثل هذا عياناً بياناًَ وقيادتها (صامته)
ورئيسها يخرج في تلفزيون البلد متحدثاً في امور انصرافية اخرى ثم يعقب ذلك بفاصل (رقيص) !!!!
أقرأتم في تاريخ هذا البلد المنكوب القريب والبعيد مثل هذا الذي حدث ويحدث ؟؟؟؟

ده وين بحصل ؟؟



مسكين يا سودان !!

[عليه العوض]

#1177730 [ديمنوز]
4.00/5 (3 صوت)

12-28-2014 10:14 AM
هاهي البلد و قد تحولّت لصومال اخرى
الباقي شنو ؟؟؟

ويقولوا ليك النظام لو مشى البلد بتتحّول لفوضى !!!!!!!!!!

[ديمنوز]

#1177705 [ود الشمال]
2.25/5 (3 صوت)

12-28-2014 09:09 AM
الجميع يعترف بوقوع احداث من المجندين للدفاع الشعبي او من قوات الدعم السريع ، كلاهما قوات او مجندين خارج منظومة المؤسسة العسكرية (( الجيش )) والخطاء هو في تكوين مليشيات خارج منظومة الجيش ، ويكون لهم يد عليا علي المواطنين ، واذا كان القصد من هؤلاء المجندين او قوات الدعم السريع محاربة الخونة كما يقولون ساسة النظام ، لماذا كلناً يحمل تسمية ولماذا لا يكون موحدين مع المؤسسة العسكرية وتحت (( الجيش )) ولكن اراد ساسة النظام من تكوين هذه المليشيات حماية نظام حكمهم ، ويكون رادع للجيش ، وهيهات لهم ان ذلك ، من سبقوهم من دول التي سقطة فيها الانظمة الدكتاتورية ، كانت لهم مليشيات اقوى من جيوش هذه الدول ، ورغم ذلك سقطة هذه الانظمة وولى مليشياتهم الادبار مع بداية ثورات شعوبها ، وليتعظ النظام الحاكم في السودان بالدكتاتوريات الذين سبقوهم في الدول الاخرة وخير لهم اصلاح حالهم مع الشعب بدل تكوين مليشيات لحمايتهم ، وهذه المليشيات لن تحميهم غير زيادة غضب الشعب السوداني عليهم ، بمثل هذا الاعمال الهمجية الغير مسؤلة من هؤلاء الذين ينتمون لهذه المليشيات الغير منبطة بنظم عسكرية .

[ود الشمال]

#1177683 [شمهروش]
4.07/5 (5 صوت)

12-28-2014 08:22 AM
هؤلاء هم الجنجويد الذين أوجدهم حسبو اي مليشيا قبلية وفق تحالف بين الرزيقات والمؤتمر الوطني بأوهام المشروع العربي الاسلامي ولكن نتضامن مع أهلنا في المناطق المتضررة

[شمهروش]

#1177669 [ابو علي]
3.25/5 (3 صوت)

12-28-2014 07:48 AM
الدجاج الالكتروني كتروا اليومين ديل ليه

[ابو علي]

ردود على ابو علي
Saudi Arabia [ديك دجاج] 12-28-2014 10:10 AM
يدركون (زنقة) نظامهم .
ومتى ما نشط هؤلاء (المرتزقة) استبشروا خيراً بانهم مصابون بـ (زعر) شديد
وكما ترون الحبل التّف حول عنق جماعتهم اكثر واكثر وباتوا يترنّحون


#1177604 [منصور محمد صالح العباسي ال بني عباس]
3.13/5 (4 صوت)

12-28-2014 04:43 AM
الشعب السوداني من اعجب شعوب الارض !!!!!لايعجبه العجب ولا الصيام في رجب،،،اذا كان الصادق مع الحكومة لايعجب ه الشعب وإذا كان ضد الحكومة لايعجب الشعب ،،، الصادق كان ريسا شرعيا خرجو ضده ،،،الصادق في السجن قالو تمثيلية،،، والله حقيقة الشعب السوداني لايريد الا حكومة تنصب المشانق وتدخل الناس الي السجون وتضرب الناس في الاسواق ،،،الشعب السوداني يريد حكومة تؤدبه وتهذبه اولا،،،،نحن ابعد شعوب العالم فهمًا وممارسة للديمقراطية و اخر فترة ديمقراطية خير مثال...ندعي دوما اننا نريد التغيير ونسقط في اول امتحان خروج الي الشارع،،،يجب ان نعرف قدرنا اولا وان نتعلم من شعوب الارض الشجاعة ،،،،

[منصور محمد صالح العباسي ال بني عباس]

ردود على منصور محمد صالح العباسي ال بني عباس
Sudan [الفهد المروض] 12-28-2014 11:10 AM
وما علاقة الصادق بهذا الموضوع؟


#1177515 [Atef]
4.16/5 (6 صوت)

12-28-2014 02:16 AM
احمد عباس...
هل ممكن تصدق أو تقتنع بالكلام ألكاتبو إنت دا !!!
المجندون احرقوا المتجر!!!.... وحاولوا السيطره علي الاهالي الثائرين!!.... وسرعان ما هدأت الاوضاع...! وعادت الامور الي نصابها??... دون ادني أذى???...ويبدو ان الكاتب بارع ف فن الفوتوشوب!!!...فرعون وابولهب أقتنعوا من شافوا ألآيات ، إتق ألله يارجل...,حاولت جاهدا أن أجد لك عزرا ...دون ادني أذى...والله مالقيت ليك...ربنا يهدي ألجميع...إحترامي

[Atef]

#1177402 [هيثم]
3.38/5 (7 صوت)

12-27-2014 10:41 PM
اليوم هناك وغدا هنا والدنيا دواره

[هيثم]

#1177370 [ابو زيد صلاح]
4.19/5 (7 صوت)

12-27-2014 09:53 PM
كويس المابقت تابت اخرى

[ابو زيد صلاح]

#1177355 [محمد احمد عبدالله جنين]
2.50/5 (3 صوت)

12-27-2014 09:36 PM
بسمك اللهم
حركة المستقلين الوطنينً يدين الاعتداء على المواطنين في كل ناحية من الوطن مع الاستنكار التام من الأعمال الفردية

ع/حركه المستقلين الوطنين

[محمد احمد عبدالله جنين]

#1177309 [جركان فاضى]
4.08/5 (17 صوت)

12-27-2014 08:39 PM
هل الكوز المكلف باعاشتهم اكل قروش الاعاشة وفكاهم جيعانيين يقلعوا فى حق الناس؟ ...بعملها اكيد بعملها...وقول واحد يا ديوان المراجع العام

[جركان فاضى]

ردود على جركان فاضى
Saudi Arabia [حمد] 12-28-2014 08:57 AM
وبعد دا كلو البشكير جاى شرق النيل والجماعة يدعو الناس لمقابلة البشير
وطبعا حنشوف شى جمال وبغال وبصات وغيرها فى استقبال البشكير ورقصات ودلوكة

United Arab Emirates [اللحوي] 12-28-2014 12:51 AM
أحسب من الآخر .... ما تقول واحد ....


#1177304 [زول وطني غيور]
4.22/5 (8 صوت)

12-27-2014 08:27 PM
معظم النار من مصتصغر الشرر .

[زول وطني غيور]

#1177230 [ابو عرب]
4.17/5 (11 صوت)

12-27-2014 02:25 PM
كما ذكرت من قبل احداث جسام قادمة ربنا يستر علئ شعبنا وينصره يا رب :)

[ابو عرب]

#1177198 [خالد حسن]
4.19/5 (19 صوت)

12-27-2014 11:31 AM
اذا كان الكيزان والانقاذيين بفتكروا انه مخرجهم في صوملة السودان فهم مخطئون
فالنار عندما تشتعل لن تمييز وستحرق حتي من اشعلها ...
وليعلموا ان الشعب في صف والكيزان وملشياتهم في الاتجاه الاخر .. ولم يذكر التاريخ ان هناك قوة مهما بلغ جبروتها انتصرت علي شعب مهما بلغ ضعفه وتسليحه
لان ارادة الشعوب هي الغالبه باذن الله ...
فليعلم الكيزان والانقاذيين ان صلة الرحم لن تشفع لهم وان كانو ذوي قربي لن نرحمهم .. فالمعيار هو انت انقاذي كوز .. او سوداني شريف فقد تمايزت الصفوف ..
وليعلموا ان افعالهم تزيدنا غضبا علي غضبنا وان انتقامنا سيكون عبرة وعظة لكل الانسانيه .. وسيسمع العالم بقصص من الانتقام لم يسمع او يراها حتي في ابشع افلام الرعب .. فلم نعد نبالي بمايحدث للسودان بقدر سعينا لان يكون انتقامنا بقدر مايعتمر في صدورنا من كره وغضب علي من تسبب في هذا الحريق
فليحترق السودان لانبالي بقدر ان نحرقكم انتم ونسائكم واطفالكم وجنودكم

[خالد حسن]

ردود على خالد حسن
Sudan [nagatabuzaid] 12-27-2014 11:32 PM
الكريم خالد حسن متعك الله بالصحة والعافية وامثالك وكل حر ابن حر من رحم حرة

نعم ان صلة الرحم لن تشفع لهم والله اكبر على التتار والهولاكيون ارجو تسميتهم

بالانتكاسيين والهولاكيين بدلا من الانقاذيين انهم لم ينقذونا بل انتكسوا بنا

والوطن ودمروه دمرهم الله ومن يواليهم
تحياتى لك ولكلماتك الصادقة


#1177196 [احمد عباس]
4.13/5 (7 صوت)

12-27-2014 11:26 AM
بسم الله
اولا معسكر السليت لا علاقة له البته بما حدث وليس به نشاط تماما ومنذ ايقاف الخدمه الالزاميه لم يستقبل معسكر السليت الا مجندي عزة السودان بمحلية بحري والخوالف من العزات السابقه
وثانيا لم تتوقف حركة المرور بالشارع الدائري اطلاقا وان هذا الشارع بعيد بمئات الكيلو مترات عن منطقة الجيلي مما يكشف بجلاء جهل الكاتب بالمنطقه
ثالثا الحكايه وما فيها ان هؤلاء المجندين كانوا يستدينون من صاحب متجر ع الطريق الدائري بعض مستلزماتهم ولتاخير السداد رفض صاحب المتجر ان يعطيهم اي شئ فقامو بمحاولة اخذ اشيائهم بالقوه مما ادي الي اشتباك بالايدي بينهم وصاحب المتجر وسرعان م تجمهر اهل المنطقه (السمره)واخذ المواطنون يستخدمون السلاح الابيض فتزايدت اعداد المجندين واحرقو المتجر وحاولو السيطره ع الاهالي الثائرين وسرعان م هدأت الاوضاع وعادت الامور الي نصابها دون ادني اذي
بقيه:
يبدو ان الكاتب بارع ف فن الفوتوشوب وتصوير الاحداث باشياء لم تكن ع ارض الواقع كما حدث من الاعلام الغربي اثناء مشكلة دارفور
ثم لماذا العمل الدؤوب علي تشويه صورة قوات الدعم (الردم)السريع والصاق اي حدث بعض اضفاء الشتول الهائله عليه بالدعم السريع ؟ يبدو ان الردم قد افقدكم السيطره ع قلوبكمفاصبحتم تكتبون ما يصوره خيالكم بالتقدم السريع علي مسرح الاحداث

[احمد عباس]

ردود على احمد عباس
Sudan [Haroun Hamid] 12-28-2014 10:51 PM
المشكلة بين نافع و البطاحين انتهت و لا لسه العساكر بتاعين المعسكر جريمتهم فعلا كبيرة كان من المفترض يعذبوا التاجر و يسلخوا جلده مش يحرقوا دكانه و البطاحين فالحين في المستجدين لانهم عارفين انو ما عندهم سلاح وعزل ولو هم رجال صحيح خليهم يقربوا من بيت نافع علشان يحرقوهم و يغتصبوهم هم وبناتهم.برضوا تقول رجال كان الاولى يمشوا للزول الاخوانه مثلوا بزولهم بشر قتله.ولا ما كده يا ناس و متصفحى الراكوبه. اسد على و في الحروب نعامة؟؟؟؟؟؟::::

[almor] 12-28-2014 10:10 AM
يا دجاجه تقول معسكر السليت مقفول وطيب مئاة المجندين البياكلو بالدين ديل جو من وين يكون ياربي بجي كل يوم من المرخيات ياكلو بالدين و يرجعو؟ !!!!!!!!!

Ireland [Amin] 12-28-2014 02:17 AM
يا أخ أحمد ناهيك عن تصرفاتهم وتفلتاتهم - والتي إعترف بها الولاة وشكوا منها قبل المواطنين - نحن أصلاً ضد فكرة مليشيات حكومية أو أخوانية .
القوات المسلحة السودانية هي المسؤول عن حماية البلاد

Saudi Arabia [سامي] 12-28-2014 01:23 AM
شكرا لك

Sudan [nagatabuzaid] 12-27-2014 11:38 PM
ولماذا يستدينون واين ميزانية تموينهم ولماذا لم تحدث من الجندين ممن سبقوهم هؤلاء جنجويد ومرتزقة خزنتوهم فى السليت وانت يجب ان تخشى الله ولا تكن شيطان اخرس وكلكم شياطين خرس من اجل مصالحكم ونحن قلبنا ثابت لكن انتم قلوبكم زى ود ابرق بدليل جلبكم لهؤلاء

Saudi Arabia [الكاهلية] 12-27-2014 11:20 PM
البطاحين هم الصادقين

ولو عاملين فيها مجانين بعقلوكم

الناس كلهم قالوا الحقيقة وانت بتكذب

Saudi Arabia [عصام] 12-27-2014 10:03 PM
من أين أتى هولاء المجندين ....وما هو دور الحكومة في إعاشة مجنديها ...إنما لهم المال ولهولاء الفتات ..سياسة جوع كلبك يتبعك قد ولت بعد أن ظهر الفساد في البر والبحر ...هؤلاء الطغمة لا بد من كنسهم ...ماهو ذنب المواطن البسيط الذي لا حيلة له بهولاء حتي تعتدو علي ممتلكاته وتعبه وشقاه ومصدر رزقه وأهله ...حسبي الله ونعم الوكيل ...وحسبي الله ونعم الوكيل علي كل أفاك اثيم يحاول تحريف أو التستر علي الحقائق أو صبغها بلون وردي ...

Qatar [الشمالية] 12-27-2014 08:39 PM
.

European Union [SomeOne] 12-27-2014 07:30 PM
You said and Ibquote" the ring road is far away from Gaili area by hundreds of kilometers" .... You do not know what you are talking about.... You want us to believe that this ring road referred to here passes near Kassala and not in the proximity of Gaili? I bet you are Sawarmi ya Ahmed Abbas.

Saudi Arabia [abumajid] 12-27-2014 06:42 PM
طالما قلت انهم مجندين كان المفترض ان يكونوا اكثر نظاما وعدلا المواطن التاجر كما ذكرت طالب بحقه ليس اكثر ومن حقه ايضا ان يرفض الاستدانه للمجندين .وانت بدورك بارع فى تعتيم الحقائق والانحياز الى هؤلاء اللصوص المعتدين سواء كانوا مجندين او غيرهم لان التصرف لايليق بمجند البتة.

Saudi Arabia [abubaker] 12-27-2014 06:34 PM
اولا اخي الكريم - لانريد تضخيم المواضيع الا ان حدوث مثل هذه الامور في ولاية الخرطوم من الامور التي يعيد البلد الى الوراء - وكيف لعساكر يجب ان يحفظوا امن البلد ان يعتدوا على مواطن مسكين - وكيف ان ياكلوا بدون ما يدفعوا اما هذا الظلم بعينه - اخي اسال الله ان يعوض الشعب السوداني بحاكم رشيد يخاف الله اولا قبل التفكير في الحكم = اما مثل هذه الامور كانت تحدث عندنا في دارفور الان انتقلت رويدا رويدا الى الخرطوم ليرى الساسة بانفسهم مدى جهل هؤلاء؟؟؟؟؟؟؟

United States [عمدة] 12-27-2014 05:29 PM
واضح انك جدادة من (أخوات نسيبة) بتفتش لى ديك


#1177188 [nagatabuzaid]
3.75/5 (5 صوت)

12-27-2014 10:58 AM
الله لا تريحكم يا حكومة السجم والرماد طيب نحن ليه خايفين من اجتياح الحركات المسلحة للعاصمة و شخصيا كنت اكثر الخائفين على المواطن فى العاصمة وازدت خوفا عندما شاهدت فيديو او تصوير مباشر فى ال bbc و رصدته الكاميرا عن زيارة الشابة الصومالية سميرة للصومال شاهدت مقديشو الجميلة خرابات ينعق فيها البوم فازداد انقباضى ولكن هاهى الحكومة بمليشياتها ومرتزقتها يهددون ويعتدون على المواطنين سلبا ونهبا وتقتيلا وتخريبا بلا ذنب سوى ان الحكومة التى جلبتهم وجوعتهم ولم تفى بمتطلباتهم وقد توقعت ذلك ومعى العديد من المعلقين ان الحكومة لن تفى بالتزامها للجنجويد والمليشبا المستوردةوسينقلبون عليها و هاهم ينقلبوا ولكن ليس على الحكومة بل على مواطنين هم انفسهم مظلومين من الحكومة المجرمة الخايبة ان كانت هذه المليشيات فعلا جوعانة فلتتجه نحو مقر قيادة الحكومة ووزير الدفاع وكل المجموعة المجرمة وان كانوا من هاجمتوهم من الاهالى يعرفون انكم جياع لتقاسموا معكم اللقمة ليس خوفا منكم ولا من حكومة نتنة جلبتكم ولكنهم مسلمين لا يتركون كلبا جائعا او عطشان حسب ما تعلمنا رحمة الكبد الرطب والكلب وان كان جربان وتركه صاحبه الذى جلبه اذا سعر بسبب الجوع ضربة واحدة بعكاز او بندقية برصاصة رحمه تريحه وتريحهم اما ان ذهب اليهم وهو يلهس يطعمونه اعمالكم الغوغائية هذه مارسوها مع الغوغاء الذين جلبوكم اما القوات التى ارسلوها لايقاف الفوضى فقد خافت على نفسها من سعركم وقد يكونوا منكم وفيكم اما وزير الدفاع الذى يلهث وريالته سايلة لن يجروء على الحضور اليكم مفروض هو والرئيس والعصابة ياتون لتهدئنكم ومعهم ما يسد رمقكم ما ياهو ده الميدان لكنهم جبناء اسال الله ان يصبح الصبح او قبل الصبح تصلنا اخباركم مجندلين ومعكم اعضاء حكومة الهوان فوضى عجيبة ولصوصية اكيد المسؤول عن التموين خم الميزانية وزاغ يللا يا حركات مسلحة خرطوم جوة كافورى راس مافيش حد احسن من حد اصلا المليشيات المستوردة جايبنها لمواجهتكم كدى فكروا مسعورين شارع شندى الخرطوم ديل تصرفاتهم تصرفات سودانيين ؟؟ حاشا والله وتاكد ياريس روحك ووزير جيش الجنجويد حتلقوا الجماعة ديل بيوتكم جوووووووووووووووة وغرفكم جوووووووة وما اظن تقدروا تتشهدوا وكان اتشهدتوا ما بتقدروا تتموها داهية تاخدكم وبلا يخمكم

[nagatabuzaid]

#1177155 [المحارب]
4.19/5 (6 صوت)

12-27-2014 08:31 AM
ضحكتني يا ديك العدة هههههههههها

[المحارب]

#1177149 [shamy]
4.02/5 (7 صوت)

12-27-2014 08:04 AM
the future of sudan is dark, bloodshed is lurking in the horizon .piece of advice protect yourself and your family by getting AK47 .if you are too soft and shaky hands get a pistole .the mad dogs or omer Albashir are unleashed .ready to bite.
the worst scenario is coming ,and you have a key role to play.do not be a victim.

[shamy]

ردود على shamy
[Hazmi] 12-27-2014 11:21 AM
mean while it is important to get the most important self defense advice rule shoot to kill and never hesitate otherwise you could be the victim , any one who has any kind of gun even hunting rifle should be ready to use it in the coming uprising.


#1177121 [المهندس سلمان إسماعيل بخيت على]
4.19/5 (7 صوت)

12-27-2014 07:09 AM
لى قرابة مايزيد عن الشهر متوقف عن الكتابة ومنتظر أخبار السماء لأن فى الأرض لايوجد شىء يبشر بخير
يا جماعة البلد دى خلاص ابقتها إتماصت تب ومزارعها فقد السيطرة على سقاية الحيضان بعداله امشو شوفوا ليكم عروق عميوقه تساعدكم فى قفلها
لكن كل يوم انا شايف اللبقة بتزداد مصيان
دى لغة فلاح نوبى من شمال السودان
بس أرفعوا أياديكم للسماء للتخفيف لأن الجايي مخيف
يارب أحفظ السودان من كل شر ونسألك التخفيف

[المهندس سلمان إسماعيل بخيت على]

ردود على المهندس سلمان إسماعيل بخيت على
Sudan [الفهد المروض] 12-28-2014 11:14 AM
هة التخويف ده المغطس حجرنا فى شئ تانى نخاف عليه لا مستقبل لا صحة لا امل لنهوض البلد ف بعد الدمار الشامل الذى احدثة اخوان الترابى
لو ما عندك حاجة تقولها نرجو ان تصمت

Qatar [sasa] 12-27-2014 11:49 PM
السلام السيد الباشمهندس سلمان ابن جزيرتى و((((((قبيلتى؟؟؟؟؟؟ !!!!))))

صدقت لقد (طمت البطن ) من التعليق ومتابعة اخبار السودان الذى ضاع وطنا وارضا وشعبا وخلقا
بلى (قرفنا) وزهجنا لأننا بننفخ في قربة مقدودة !!!

اللهم اللهم نسالك ان تحاسب حسابك العسير الذى لايغفل صغيرة ولاكبيرة لكل من شارك وخطط وساند وعمل مع عصابة الالغاززز بدأ من عبدك بن عبدك ابن امتك حسن عبدااله الترابى ومن والاه وعمر البشير ومن والاه اللهم نسالك ان تخسف بهم الأرض اليوم وغدا ويوم العرض يااااااااااااااااااااارب ياااااااااارب


#1177118 [عصمتووف]
2.75/5 (11 صوت)

12-27-2014 07:07 AM
اللهم زد وبارك ف الفتن والحروب لكشف حقيقة وجة هذا النظام الكالح ومليشياتة ال رسمية والمتعاونة لا فائده مرجوه من مربط حمير ملوث بكل شئ روث وصوف وبول وبقايا جثث علي الاقل نعرف راسنا من ساسنا والمكتوب له عمر وحياة جديده يعيشها لا مفر من قدر الله ما دمنا كلنا وضعنا ايادينا علي جضومنا مندهشين ندد ونستكر والمربط نشاهده كل يوم يتدحرج للهاوية مصيرنا لا جئين ك الاحباش الذين نتهكم ونسخرمنهم ونحتقرهم والسورين الذين باعوا فتياتهم من اجل ماوي يلمهم مربط الحمير يحتاج لهزه عنيفة ونظافة وتعقيم تام مواد كيماوية وحرائق حتي لو فضل شخص واحد مافيش فائده
متاسفين ي وطن ضيعناك واصبحنا نبكي كالنساء

[عصمتووف]

ردود على عصمتووف
[عصمتووف] 12-28-2014 04:59 AM
شكرا ي ادارة الراكوبة لتحملكم لهم ولنا


[سافر] 12-27-2014 12:48 AM
ياحاقد اول مرة اشوف واحد يقول اللهم زد وبارك في الفتن انت كوز معفن حقير مندس واايه زنب المواطنين في سمرة انت مثل البومة البعجبا الخراب
والله انت البومة والخفافيش عشان عينتك دي نتمني ان يحترق بما فية لاننا جبناء وانا لا اقصد ناس سمرا ولا بيضاء ولا سوده الفوضي وكل واحد عامل البلد حقت ابوه فهمت ي غبي انا من الذين يدعون بدولة المؤسسات بتعرف دولة المؤسسات شنو انت بتفهم بالمقلوب ف النهاية لو عجزنا بوقف سفك الدماء والسرقة والنهب واكل الحرام والوقوف مع الباطل هنا ياتي العقاب الرباني كقوم عاد وثمود ولوط وشعيب وغيرهم كثر الظلم والدم افهم وبعدين رد
معليش ي رفاقنا ف الراكوبة يظهر الايام دي انا شقي اقع ف المتخلفين والاغبياء والشواذ من المثليين الجهاديين وغيرهم شكرا ي ادارة الراكوبة لتحملكم لهم ولنا بعدي كده كل مداخلة نشرح فيها ونوزع نوتتها ونلحنها

Sudan [الحقاني] 12-28-2014 12:40 AM
اللهم الطف بنا ولاتواخذتا بمافعل السفهاء متا واهديتا حميعا لمافيه الخير والثواب وابعد عنا ناس النهب المسلح والمصلح وحقد العنصريين

[سافر] 12-27-2014 12:48 PM
ياحاقد اول مرة اشوف واحد يقول اللهم زد وبارك في الفتن انت كوز معفن حقير مندس واايه زنب المواطنين في سمرة انت مثل البومة البعجبا الخراب


#1177117 [salah]
4.13/5 (11 صوت)

12-27-2014 07:03 AM
الثورة التى بدأت نيرانها تشتعل آتية من الريف قرأة صائبة من سكرتير الحزب الشيوعى لاستاذ الخطيب والدلائل واضحة للعيان العصيان المدنى فى لقاوة والقضارف والوقفة الشجاعة لمزارعى الجزيرة ضد تصريحات السفاح وتصدى أهالى السمرة والسلعاب لعصابات البشير بعد نهبهم وحرقهم لعدد من المحلات التجارية بالمنطقه و التصدى اليومى الأهالى دارفور والنيل الازرق وكردفان الغرة للقهر و التنكيل من كلاب النظام الذين تربوا على أيادى نافع والترابى الذين نسوا بأن الشعوب لا تهزم والشعب السودانى أرى نصره غدا وإن غدا لناظره لقريب والتحية للشرفإ فى سوداننا

[salah]

ردود على salah
Norway [Atef] 12-28-2014 12:35 AM
آآآمييييين...إحترامي


#1177095 [حسن الدلالي]
4.38/5 (4 صوت)

12-27-2014 06:22 AM
ديل مجانين ومرضي نفسانيين

[حسن الدلالي]

#1177075 [صقرالنوبة]
3.35/5 (6 صوت)

12-27-2014 05:30 AM
أكازيب حكومة الانقاذ ندعوها بالسوداء لفداحتها و النتائج الكارثية التى تنتج من هذا الكزب واهمين المجندين فى صفوف ملشياتهم بالرفاهية وايجاد تلك الكماليات فى تلك المعسكرات وايضا وعدهم لهم يتكميل الكورسات خارج السودان فى روسيا والصين وفجاة يلقى انفسهم داخل المعارك الدائرة فى جنوب كردفان والنيل الازرق ودارفور قبل ان يتم عدتهم 45 يوما فى المعسكرات ليعرف ابجديات الحرب ولازا يلزمهم الفرار من الميادين وقد تختلف الاسباب لكزب الكيزان لكن يبقى الكذب واحد ؟ كذب ثم كذب ثم كذب ليتفاجاء جيشه ...

[صقرالنوبة]

#1177067 [غسان بابكر]
4.13/5 (5 صوت)

12-27-2014 05:20 AM
الله يسلمك يا بﻻدي. .
الله يسلمكم أهلي الفقارى..
الله أكبر عليك يا منطمر يا وثني...
يا ربي عجائب قدرتك علي الظالمين واﻷرجاس اﻷنجاس..

[غسان بابكر]

#1177061 [مالك الحزين]
4.19/5 (9 صوت)

12-27-2014 05:05 AM
هذه بدايه عهد الفوضى للمليشيات التى تصنعها الدوله ,, الله يستر أن يحصل كما يحصل في ليبيا من المليشيات المسلحه

[مالك الحزين]

#1177060 [حموري]
2.50/5 (8 صوت)

12-27-2014 05:03 AM
الجنجويد جاعوا ---- و الافضل ان تنضموا الي صف الشعب السوداني لكنس حكومة الجوع و القهر -- بدل استهداف ممتلكات المواطنيين .

[حموري]

#1177042 [nothing]
4.16/5 (9 صوت)

12-27-2014 04:22 AM
.

[nothing]

ردود على nothing
United Kingdom [الجقود ود بري] 12-27-2014 07:01 AM
باين انك رجل عنصري. وإذا عقلك الصغير الفارغ بوحي ليك بأننا نحن في الخرطوم ما حاصل علينا ظلم الإنقاذ فتفكيرك غلط. ومين قال ليك نحن ما بنتالم لألم السودانين في اي قريه كانوا؟
نحن اول من دخل السجون وبيوت الأشباح وهدمت بيوتنا وما زلنا في نفس الحال منذ 25 سنه. وما مر به الشعب السوداني من الظلم ومازال يؤلمنا في اي منطقة كانت دارفور كردفان الشرق أو أي شبر من البلاد. أما أن تتمني الشر لبقية العباد فهذا والله شيء عجيب يدل على جهلك وحسدك

United Arab Emirates [حامد عوض] 12-27-2014 06:52 AM
You are nothing
حركاتكم بقت مكشوفه أيها الدجاج الإلكتروني المهيم

United States [اعطني الناي وغني] 12-27-2014 06:50 AM
انت فعلا nothing وكمان حثالة ال nothing


#1177041 [حميدتي كلب البشير]
4.19/5 (9 صوت)

12-27-2014 04:22 AM
العميد حميدت البشير جاكم يا أولاد #٪#{}* وين بنات أحفاد العباس؟

[حميدتي كلب البشير]

ردود على حميدتي كلب البشير
Sudan [العباسي الجعلي] 12-27-2014 01:40 PM
بنات احفاد العباس والدات فرسان يوم يجوك والله الجري ما يحلك احزر ي هذا امت وامثالك اشباه الرجال


#1177035 [القال الروب]
4.50/5 (9 صوت)

12-27-2014 04:04 AM
نحن فى شوق ولهفة لبيان حبيب الشعب الناكر الرسمى الصوارمى عايزين نضحك يااخوانا وشر البلية مايضحك

[القال الروب]

#1177028 [محمد حسن]
3.60/5 (7 صوت)

12-27-2014 03:50 AM
الكيزان الروح محرقاهم النهاية شكلها قربت

[محمد حسن]

#1176984 [ديك العدة]
4.19/5 (21 صوت)

12-27-2014 01:59 AM
هسه يجيك الجداد الالكتروني ويقول ليك

ديل ما مجندين
ديل شفع العرب الفقاري
البيرمو الشايلة ايدم ويجرو ساكين القطارا

[ديك العدة]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية

الاكثر تفاعلاً/ق/ش

الاكثر مشاهدةً/ق/ش

الاكثر تفاعلاً/ش

الاكثر مشاهدةً/ش







الرئيسة |المقالات |الأخبار |الفيديو |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة