الأخبار
أخبار إقليمية
البشير يلتقي كتلة حزبه بالجمعة لحسم تجاوزات بدرية
البشير يلتقي كتلة حزبه بالجمعة لحسم تجاوزات بدرية
البشير يلتقي كتلة حزبه بالجمعة لحسم تجاوزات بدرية


من أجل إجبارهم على القبول بدون ضجة
12-30-2014 11:41 PM
البرلمان : سارة تاج السر
أعلنت مصادر مقربة من المؤتمرالوطني ، التئام اجتماع يوم الجمعة المقبلة بين الرئيس عمر البشير وأعضاء كتلة المؤتمرالوطني بالبرلمان لحسم الجدل بشان الخلافات العاصفة التي دبت في لجنة تعديل الدستور والتي أفضت إلى استقالة إثنين من أعضائها، استباقا لإجازة التعديلات الدستورية الإسبوع المقبل.
وقالت المصادر : إن عدد كبير من اعضاء اللجنة اتهموا بدرية سليمان رئيس اللجنة الطارئة لتعديل الدستور ،بتجاوز التفويض الممنوح لها باضافة 18 تعديلا بخلاف التي دفع بها رئيس الجمهورية، وأضافت المصادر أن الأعضاء أجمعوا على تعديلات الرئاسة ولكنهم هددوا باسقاط تعديلات رئيسة اللجنة،في الجلسة المقررة الاسبوع المقبل ، لافتاً الى أن اجتماع الرئيس بكتلة الحزب الحاكم يهدف إلى لملمة خلافات الكتلة قبيل إيداع التعديلات في عرضها الاخير

الجريدة


تعليقات 14 | إهداء 0 | زيارات 7365

التعليقات
#1284248 [نهى مدثر]
0.00/5 (0 صوت)

06-13-2015 11:58 AM
بدرية دي بتحب الكبرتة والحكحكة وشغل العنقريب زي عيونها

[نهى مدثر]

#1179693 [وحيد]
5.00/5 (4 صوت)

12-31-2014 10:44 PM
مع كل الحنة و الدخان و الكبريت اطن ان العجوز المتصابية بدرية عساكر تشابهت عليها الدساتير و فاكره المسالة ظار ...

[وحيد]

#1179681 [الفنجري]
5.00/5 (3 صوت)

12-31-2014 10:29 PM
قاتلكم الله يا كيزان.

[الفنجري]

#1179652 [أبوقرجة]
5.00/5 (3 صوت)

12-31-2014 09:22 PM
هذا زمانك يا بدريه فأمرحي ...... هم كتبوا الدستور وهم عدلوه ... هههههههههههه

[أبوقرجة]

#1179437 [nagatabuzaid]
4.00/5 (3 صوت)

12-31-2014 05:10 AM
هو عليكم الله فى دستور تتشاكلوا فيه تغيروا طمنتاشر ماده ولا كلواشنوا يعنى
يا بدرية كان رجعتى الى قواعدك سالمة يكون افضل مالك ومال والمخلوقات
الكيزانية ديل الزول كان ما كان معاهم من البداية بتفقوا عليه وبفكوه عكس
الهواء خذى درس من ناسهم المعاهم من زماااان فكوهم من قولة بغم هسع كدة لا
لا بتلمى فى قاعدتك الحمراء ولا فى شواطينك الابالسة ديل خاصة ريسوك عليهم وقصدوك وما بخلوك

[nagatabuzaid]

ردود على nagatabuzaid
Sudan [nagatabuzaid] 01-01-2015 09:37 AM
ان شاء الله لعنة الله الوجهتها لى ترجع لك فى روحك بس ارجو ان لا تصيب اولادك ان عندك اولاد زما تصيب امك ان عندك ام كفاهم مصايب انك ابوهم ويكفى امك مصية انك ابنها لانك ما بتفهم اقراء كويس او ركب لك فهامة او اخرس

Sudan [بدري] 12-31-2014 10:19 AM
يعني انت قلبك معاها وخايفة عليها؟!!! شئ عجيب !!!
بدرية امرأة معروفة بالخسة واللؤم لعنة الله تغشاها وتغشى هذه المتعاطفة معها..


#1179395 [NOOOR OSMAN]
5.00/5 (4 صوت)

12-31-2014 03:40 AM
وااااااااااااااااا اسفاه علي دستور السودان البقت تكتبو بدرية البرلمانية

[NOOOR OSMAN]

ردود على NOOOR OSMAN
Sudan [nagatabuzaid] 12-31-2014 07:25 AM
بدرية سليمان قانونية ضليعة ومكتبها كان فى شارع الجمهورية وبكل اسف انتمت لهؤلاء فلوثت نفسها وجلبطتها وكانت نشظة سياسيا ولكن ليس مع هولاء كانت شيوعية هى وسبدرات البشتن روحوا وتاريخو كان ممكن يتركوا الانتماء للحزب الشيوعى دون الانتماء للكيزان ولكنها خيارتهم


#1179373 [التلب]
5.00/5 (3 صوت)

12-31-2014 02:45 AM
وشنو يعنى دستور ؟؟ ما سوهو كمين مره وحلفو على صيانته وكسروهو براهم مية مره وهو اسع مجلسهم ده فيهو راجل يقدر يقول كﻻم مخالف حتى ان شاءالله لى بدريه بتاعة العساكر دى ...!!
كان عندكم مأكلة امشو اكلوها ... !! هو انتو زاتكم وجودكم شرعى ولﻻ وجود بشيركم زاتو شرعى ..!! ﻻمن كمان دايرين تتكلموا عن الدستور..؟؟

[التلب]

ردود على التلب
Saudi Arabia [الصوت] 12-31-2014 07:18 AM
يا اخوي التلب الجماعة صادقين فيما يخص (( صيانة )) الدستور .... الآن هم في مرحلة توقيع البلوفة قبل التقفيل ، ثم التشغيل ... والا صيانة أخرى حسب الاستهلاك والضغط الواقع على الدستور ...وطالما المكانيكية امثال بدرية هذه متواجدين ، مافي عوجة تب خاصة في ظل توافر قطع الغيار البرلمانية والتي تمرر كل دستور الى الصيانة العاجلة ... حسب الطلب .


#1179341 [سفر الليل]
5.00/5 (2 صوت)

12-31-2014 01:52 AM
بدور القلعه وجوهرها ...انتو ياجماعه بدور دي اصلوا مابتكبر ولا بظهر فيهو الكبر.

[سفر الليل]

#1179321 [زول وطني غيور]
5.00/5 (2 صوت)

12-31-2014 01:23 AM
السيدة/ بدرية وراء كل تعديل للقوانين أو الدساتير ولله الحمد..

[زول وطني غيور]

#1179299 [Atef]
5.00/5 (5 صوت)

12-31-2014 12:54 AM
بدرية سليمان..!! برلمان...ودستور!!!
قالوا ليك 3 مواد يعني 3 مواد... ما 18 مادة !!! قلتي إنت قريتي شنو??? وخريجة وين...??? دة دستور دولة يأميرة ما كتاب طبيخ...وألحكاية ماسمسرة ووقت فاضي..!!! لو فاضية وما عندك شغلة...أطلعي قوشي شارع بيتك...، فهم ألسؤال نصف ألإجابة...كنت متخيل أنو فيك حبة ذكاء لاكين طلعتي....، تفوووو

[Atef]

#1179288 [Abdo]
5.00/5 (4 صوت)

12-31-2014 12:42 AM
دي ترزية عسكر كمان يا مشلهت ،،، ما عارف نميري نكتها من وين ، الغربية زميلها عوض الجيد بتاع قوانين سبتمبر إختفى ، لعله إرعوى ، أما أبو ضفاير دا حكايتو بقت حكاية ، لكن هي مازالت تعشق التفصيل العسكري ،،

[Abdo]

ردود على Abdo
Sudan [nagatabuzaid] 01-01-2015 09:50 AM
تكرم يا ابو الخنساء وارحب بتصحيح اى معلومة طالما انها صحيحة واثق فيما تقوله واتمنى ان اقراء الكتاب فهذا تاريخ والتاريخ امانة ياخى على من يعرفه ان يكتبه ويملكه للاخرين وعلى من لا يعرفه ان يطلع عليه
مع تحياتى

Qatar [ابو خنساء] 01-01-2015 01:42 AM
عوض الجيد في قطر يا هيشو وليس الامارات للتصحيح فقط , وهو الذي كتب القوانين لجعفر نميري وبدرية دي متشعلقة ساكت يا اختنا نجاة ابوزيد وفي المستقبل القريب سيصدر كتاب يميط اللثام عن كل الاحداث التي سبقت واعقبت قوانين سبتمبر على ايدي صانعي الاحداث وشهودها ... لوكوا الصبر

Sudan [Hisho] 12-31-2014 09:42 AM
مولانا عوض الجيد رجل جم الادب ومحترم , هو لم يجرى وراء الانقاذ ولم يتنكر لولاه القديم , الرجل مايوى وظل مايوى , وعندما ذهبت مايو ذهب هو وشانه بعيدأ فى احترام تام لنفسه وللشعب السودانى .. هو لم يفعل ما يفعله اسماعيل الحاج موسى ولم يفعل العيب الذى يفعله سبدرات وبدرية سليمان ... الرجل يعمل فى دولة الامارات العربية المتحدة فى وظيفة قانونية عادية منذ زمن طويل ...


#1179259 [المشروع]
5.00/5 (4 صوت)

12-30-2014 11:57 PM
18 تعديل طيب الفضل شنو؟ ما تعدلوا الدستور كلو وبالمناسبة ده مطلب المعارضة ومطلب كل الناس لأن الدستور هو دستور اتفاقية نيفاشا وقد خرجت الحركة الشعبية والجنوب من نصوص الدستوروبالتالي يستلزم تعديل الدستور بإكمله وليس تفصيل التعديلات على حسب رأي المؤتمر الوطني

[المشروع]

#1179255 [المشلهت]
4.50/5 (8 صوت)

12-30-2014 11:52 PM
بدرية الترزية عدلت الدستور في عصرية

[المشلهت]

ردود على المشلهت
Saudi Arabia [shah] 12-31-2014 03:06 AM
المرة الترزية دى البتصلح الطهارة.

Saudi Arabia [باب المندب] 12-31-2014 01:59 AM
والله جنس شلهته عليك



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة