الأخبار
أخبار إقليمية
اتحاد أساتذة الجامعات يطلب دعم الدولة والبرلمان في وقف الهجرة
اتحاد أساتذة الجامعات يطلب دعم الدولة والبرلمان في وقف الهجرة


01-01-2015 04:47 PM
الخرطوم- دق أعضاء المكتب التنفيذي للاتحاد المهني لأساتذة الجامعات ناقوس الخطر عن مستقبل مؤسسات التعليم العالي في السودان، وذلك خلال لقاء وفد الاتحاد الفاتح عز الدين رئيس المجلس الوطني، أمس وأكد الدكتور عمر محمد التوم رئيس الاتحاد، الخطر الذي تمثله هجرة أساتذة الجامعات السودانية مما أدى لتجفيف بعض التخصصات المهمة، وقال: "دول الجوار عرفت كيف تستفيد من علماء السودان، والأساتذة هاجروا بحثاً عن سبل العيش الكريم". وناشد عمر، رئيس البرلمان دعم مشروعات الاتحاد التي تمهد طرق استقرار الأساتذة الجامعيين وتساعدهم في امتلاك السيارة والسكن إضافة إلى مشروع (رحماء للتكافل المعاشي) الذي يساعد في استقرار الأساتذة وأسرهم في فترة ما بعد التقاعد، وناشد الدولة تقديم تسهيلات ممثلة في الإعفاءات الجمركية والضرائب لعلماء البلاد باعتبارهم الفئة المستنيرة التي تساهم في إعمار الوطن.

ومن جانبه أكد رئيس المجلس الوطني اهتمام الدولة بالأساتذة الجامعيين وبقضاياهم، مؤكداً اهتمام المجلس الوطني بمقترحات الاتحاد المهني وبحث سبل تنفيذها مع الجهات ذات الاختصاص

اليوم التالي


تعليقات 7 | إهداء 0 | زيارات 2148

التعليقات
#1180183 [A.Bishara]
0.00/5 (0 صوت)

01-02-2015 03:50 AM
هاجروا رافقكم السلامة وبالتوفيق ، فبلد هذا الفرعون لا يسع الا الدجالين والمنافقين

[A.Bishara]

#1180134 [أسمر جميل فتان]
0.00/5 (0 صوت)

01-02-2015 02:50 AM
كلام في كلام
من انت الذي يبحث ومع مين بتبحث .... عزالدين ده ما حاتطلع منو بشئ
الاساتذة الهاجروا الطلعوا هما المعاوزين ينجرفوا وراء تيار الكيزان
لو عاوز تترقي اكاديميا الا تدخل معاهم لو عاوزينك تكون رئيس قسم او وكيل او عميد لازم جهاز الامن يوافق علك
بالله عليك سياسة التمكين دي خلت منو في حالو!!!!!



وبعدين كلام احفظ التاريخ ده عندك وقابلني السنة الجاية ما حاتلاقي اي شئ....!!!!!
ودمتم

[أسمر جميل فتان]

#1180110 [استاذ مهاجر]
0.00/5 (0 صوت)

01-02-2015 02:22 AM
اكد على
والتاكيد على
ياخى نحن ما محتاجين تاكيدات
محتاجين تنفيذ قررات

[استاذ مهاجر]

#1180078 [مهاجر]
4.00/5 (2 صوت)

01-02-2015 01:19 AM
ملازم في جهاز الامن عايش افضل من بروفيسور
والرقيب افضل من المحاضر
والجندي افضل من مساعد التدريس
طبعا ديل علماء خطيرين في تخصصات التعذيب واطلاق النار والعنف وانعدام الانسانية ضد الشعب ، واولاد الذين التانيين ديل بعلمو الشعب حاجات ما كويسة وبفتحو عقلو ضد الحكومة وبخلوه يعرف يفكر!
والغريب أنو عدد الجنودمن النوع دا مئات الالاف يعني مئات الكتائب والسرايا ،الدولة بتوفر ليهم احتياجاتهم على وجه السرعة

في حين انو ما قادرة توفر احتياجات (كتيبة واااااحدة من تعساء اتعلمو وفهمو وبميزوا اسمها (كتيبة) اساتذة الجامعات
يا شعب لو منتظر ديل يطوروك ويقدموا ليك خير (الحس كوعك)

[مهاجر]

#1180019 [ود الركابي]
5.00/5 (2 صوت)

01-01-2015 08:38 PM
كيزان ماعندهم اي ذكاء . ملحق اعلامي في السفارات راتبه 10 الف دولار غير المخصصات والهبر . ولعلمكم مامنه اي فائده بس علشان هو كوز . واستاذ الجامعة تعبان .. خذوا العبرة من ماليزيا .. جاكم بلاء ياكيزان السجم والرماد ..

[ود الركابي]

#1179990 [السودانى]
5.00/5 (3 صوت)

01-01-2015 07:32 PM
السودان تحكمه الاهواء وليس اقانون ولا الشريعة

عبارة عن غابة
ياخى ادعو لزملاءك الهاجروا بالتوفيق وانت لو لقيت طريقة الحق بيهم

برة السودان بتجد الاحترام من الغير مسلم قبل المسلم وتتجد المعاملة الكريمة من كل القطاعات حكومبة او شعبية

اقعدوا فيه انت والعصابة بخييت عليكم
لكن والله ماحتتهنوا بيه

[السودانى]

#1179976 [ABUBAKER]
5.00/5 (3 صوت)

01-01-2015 06:47 PM
ياناس ==
اولا= من هو عمر محمد التوم = مش ياهو الكوز الانقاذي المعروف
ثانيا = مين القال ليكم السودان محتاج لعلماء في الوقت الحالي بالذات - السودان محتاج لمدمرين بدرجة امتياز = ناس درسوا معانا كانوا ابلد الطلاب في المدرسة هم اليوم قادة السودان
ثالثا = من هو الفاتح عزالدين وما هو تاريخه العلمي حتى تذهبوا اليه
رابعا = مثل هذه القضيايا لاتناقش مع مسئول واحد (ياريت يكون مسئول)
خامسا = نتمنى العودة للسودان والحنين الى الوطن ولكن مع نار الفلس تصعب العودة

[ABUBAKER]

ردود على ABUBAKER
Iraq [السودانى] 01-01-2015 08:15 PM
الاخ ابوبكر
صدقت فى كل ما قلت
هى حكومة الدمار وليس الانقاذ وقس على ذلك فى كل المجالات
السودان صار ارخص شى فيه الانسان تقتل عديييييييل وتدفع 40 الف وتتخااارج ولو كنت من ذوى النفوذ ماحتدفع ولا مليم (حاليا المليم يساوى مليون) ما تضحك !!!!!
الله يهنيك ويهنى كل القراء ويارب عام سعيد علينا جميعا بالخير والرفاء والمال والبنين وقبل كل شى حسن الخلق .وان يحفظ السودان من كيد ابنائه اولا.



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |الصوتيات |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة