الأخبار
أخبار إقليمية
الخضر يتعهد بتشغيل الشباب
الخضر يتعهد بتشغيل الشباب
الخضر يتعهد بتشغيل الشباب


01-04-2015 11:17 AM
الخرطوم: سعاد الخضر
جدد والي ولاية الخرطوم تعهداته بالاستمرار في إيجاد فرص لتشغيل الشباب وقال إن الخلق عبيد الله تقرب اليهم تتقرب اليه مؤكداً أن دور الحكومة الاجتهاد في توفير فرص الاستثمار الأولوية للمشروعات لتستوعب العاملين باعتبار أن مواعينها لا تستوعب الا ما يتراوح بين أربعة إلى خمسة ألف سنوياً، وحيا في تدشين مهرجان التشغيل الرابع أمس بالساحة الخضراء وتسليم 130 تاكسي للمستفيدين، وحيا قوات الدعم السريع وقال إنها كنست التمرد في دارفور من آخر معاقله، مبيناً أن هيئة التنمية الصناعية لا تتقيد بالتمويل الأصغر لتمويل المشروعات الكبيرة لتوفير فرص عمل بدون أرباح بالشراكة مع شركة جياد الصناعية وأضاف: "نحن حكومة وليس تجاراً ترجعوا للمؤسسة قروشها وبدون أرباح على مدى ست سنوات"، وأكد الخضر سعي حكومته إلى توفير 1000 بص لحل مشكلة المواصلات وقطع بأن مشروع إنتاج الأسماك بمشروع سندس الزراعي سيوفر 5 ألف وظيفة مما يسهم في تحقيق الأمن الغذائي، وتوجيه ضربة لمحاربة المغالاة في الأسعار، مؤكداً أن نسبة سداد مشروعات التمويل بلغت 97% و(أضاف مال الحكومة الشلناهو وقع عند أهلو)، ونوه إلى أن إحدى شركات الاتصالات تستوعب 3 ألف من الخريجين والعاملين، بينما تستوعب شركة زادنا التابعة للقوات المسلحة 2 ألف.

من جهتها أكدت وزيرة التنمية الاجتماعية أمل البيلي التزام حكومتها بدعم مشروعات التشغيل الذاتي لخلق فرصة عمل لكل من يستطيع أن يكسب، وأعلنت عن تبني وزارتها لمشروعات خاصة بالتجارة الإلكترونية اتساقاً مع خطوات حكومة ولاية الخرطوم نحو الحكومة الإلكترونية والتي وصفتها بالمتسارعة على حد قولها، ونوهت إلى أنه سيتم إنشاء مراكز سنتركول لتوفير أعمال الصيانة المنزلية لتشغيل الصناعيين.

الجريدة


تعليقات 17 | إهداء 0 | زيارات 2373

التعليقات
#1182151 [دولار]
0.00/5 (0 صوت)

01-05-2015 12:15 PM
الخضر يتعهد بتشغيل الشباب
-----------------------------

والله الا جداد الكتروني !!

[دولار]

#1182105 [مؤتمر وطني قال]
0.00/5 (0 صوت)

01-05-2015 11:10 AM
تاني يا خدر ما بطلت ؟؟؟ معروفة لعبة الإنتخابات المخجوجة سلفاً.

[مؤتمر وطني قال]

#1182100 [المشروع]
5.00/5 (1 صوت)

01-05-2015 10:59 AM
رجع لينا قروشنا من مكتب الوالي وبعدين اتكلم ... وما في دولة محترمة تعد الخريجين بالعمل في التكاسي والمواصلات ودي ما تخصصاتهم؟ وكمان فقط 130 تكسي وقادي الناس بيها ؟ والناس تركب تكاسي تمشي بيها وين؟

[المشروع]

ردود على المشروع
United States [150150] 01-05-2015 11:26 AM
ويلقوا فلوس مشوار التاكسي من وين وهم عطالة .........


#1182085 [زول اللة]
0.00/5 (0 صوت)

01-05-2015 10:41 AM
مكنة لحام اخرى يفجر طاقات العطالى

[زول اللة]

#1181951 [ممغوص من الإنقاذ]
0.00/5 (0 صوت)

01-05-2015 06:10 AM
يا خي كدي إنت أول حاجة أمشي إشتغل في مجالك يعني أمشي شوف ليك بهايم عالجها وبعدين تعال عاج مشكلة البطالة يا ثور يا أرعن .....قرف يقرفك إنت والسفله أشباهك يا وهم...

[ممغوص من الإنقاذ]

#1181946 [hassan]
0.00/5 (0 صوت)

01-05-2015 05:48 AM
دي مكنة قديمة

شوف كذبة جديدة

[hassan]

#1181876 [ودكركوج]
0.00/5 (0 صوت)

01-04-2015 11:02 PM
طيب وايه هي اخبار غسان؟
صحيح عالم تموت ماتختشي.

[ودكركوج]

#1181822 [مراقب]
5.00/5 (1 صوت)

01-04-2015 08:14 PM
نجوم السماء اقرب للشباب من وعود الخضر ، هو مفروض يهاجر الى اللة ويتوب بدلا عن كل مرة يجسد مقولة اكذب اكذب حتى يصوت لك الناس في الانتخابات

[مراقب]

#1181799 [عمار]
4.00/5 (1 صوت)

01-04-2015 06:59 PM
كلام جميل لكن هل يا تري سيتم تتطبيقه عمليا علي ارض الواقع

[عمار]

#1181790 [منى]
5.00/5 (1 صوت)

01-04-2015 06:42 PM
فاقد الشئ لا يعطيه

[منى]

#1181770 [ود الدلنج]
4.00/5 (1 صوت)

01-04-2015 06:02 PM
دة الخضر بتاع الزمان داك الكب الزوقة ولا واحد تانى ياخونا انا خريج جامة النيلين محاسبة 1998 بتقدير جيد جدا عشرة سنوات ببحث عن وظيفة كلما ادخل معاينة اخرج منها وللاسف الذين المحسوبية وناس الحوش وناس فرتكان وناس وناس الغلبة منهم يحملون دبلومات هم الذين بتسمون بعد كل معاينة اما انا كنت اذهب الى النيل لعل الله يرزقنى بسمكة شبع بها جوعى الى ان حالفنى الحظ وطارت الطيارة من خارج هذا الجحيحم ..... واليوم نحمد الله ..... ولكن بالنسبة لهذا الولى الكاذب لايخاف الله فى شباب هذة الامة .... الله يكون فى العون من هذة الحكومة الفاشلة التى الاتخاف الله

[ود الدلنج]

#1181727 [ميزان مراجعة]
5.00/5 (1 صوت)

01-04-2015 04:20 PM
لا زال الحرامي يسرح ويمرح ولا أحد من الحكومة يسأل الخضر عن مال الولاية المنهوب وغسان قيت.كمان لم يرد إسمو في تقرير المراجع العام من ضمن المختلسين.إيه الحكاية .

[ميزان مراجعة]

#1181713 [السودان الوطن الواحد .]
5.00/5 (2 صوت)

01-04-2015 03:48 PM
كذاب طبعا هذه هى الإنتخابات وتوصيات مستهدفات( الكذب) للبقاء للعام جديد .. يعلمون أن نهايتهم قربت على أيدى الشباب..

[السودان الوطن الواحد .]

#1181695 [nagatabuzaid]
5.00/5 (2 صوت)

01-04-2015 03:18 PM
تاااااااااااااااااااااااااااااااااااااااااااااااااااااانى يا الكدر وتكب الزوغة يا زوغبير الكضاااااااااااااااااااااااااااااااااااب اصوات اولادنا تشموها قدحة يسمكم كنتم يا الكدر ما تكتلوا الشماشة وتسمموهم بليل لغاية ما يصوتوا قالتها الحرة ام شلاخا يضون ما شاء الله البمشى يصوت ما راجل ونحن اولادنا ما خايبين لمو ا وظائفكم وكضبكم عليكم واخجل يا والى ان علامة الشيب تدل على قرب المنون والاعمار بيد الله انتبهوا ياشباب من الكضاب والكضاب بودوا النار

[nagatabuzaid]

#1181683 [الحقيقة مرة]
0.00/5 (0 صوت)

01-04-2015 02:58 PM
الشباب كان تخلصوا من الطفيلية الزيك اقتصادنا بتصلح والحال بمشي والشباب في ظل حكومة وطنية بتخطط لمستقبلنا حيلقو فرص عمل وزواج وعيش كريم ورفاه كمان باذن الله بس نخلص من اشكالك انت هسا المفروض تكون بتفكر انت في السجن حتشتغل شنو يا لص يا رقيع

[الحقيقة مرة]

#1181661 [ابو احمد]
5.00/5 (2 صوت)

01-04-2015 02:33 PM
تاني

[ابو احمد]

#1181545 [ابوعلي]
5.00/5 (2 صوت)

01-04-2015 11:36 AM
هداكم الله بعد طلعتو زينتا وجايين توظفونا هههههههههههههههههههههههههههههههه
للاسف سمعنا هدة الخروفات قبل 25عام وانتم تكزبون علي اهل السودان واليوم عندما تقرب الانتخابات توظفون العطالة

[ابوعلي]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية



الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة