الأخبار
أخبار إقليمية
السفير عبدالجليل : اتفاقية لاستقدام العمالة السودانية للكويت
السفير عبدالجليل : اتفاقية لاستقدام العمالة السودانية للكويت
السفير عبدالجليل : اتفاقية لاستقدام العمالة السودانية للكويت


01-04-2015 11:57 PM

كشف السفير السوداني لدى البلاد يحيى عبدالجليل عن توقيع مذكرة تفاهم مع الشركة الخليجية لاستقدام العمالة السودانية للكويت، لافتا إلى أن باكورة تنفيذ الاتفاقية أسفرت عن استقدام حوالي 100 عامل للعمل في مجال البناء لدى شركة الأحمدية.



حقوق

وأوضح خلال مؤتمر صحافي عقده في مقر السفارة مساء أمس، أن هذا الاتفاق تضمن جميع ما يكفل حقوق العامل، كما جاء ليوقف المعاناة التي يتعرض لها العامل السوداني من دفع مبالغ كبيرة لسماسرة تأشيرات في بلده، وكذلك عدم التزام الشركات المستقدمة لهم بشروط العقود الممنوحة لهم.



7000 سوداني

وقدر عبدالجليل تعداد الجالية السودانية في الكويت حاليا بـ7000 نسمة، ويعملون في جميع الأعمال، متوقعا أن يصل هذا العدد إلى الـ8000 خلال العام الحالي بعد توقيعهم هذا العقد، مبديا استعداد السفارة للتفاهم مع أي شركة ملتزمة ترغب باستقدام العمالة من السودان، حتى تضمن حسن اختيار العمال الأكفاء الذين سيحافظون على سمعة بلدهم في الخارج.



علاقات

وحول تطور العلاقات الثنائية بين البلدين خلال العامين الماضيين، وصف عبدالجليل تطورها بالايجابي وأنها في تطور مستمر، مبينا أن الكويت قدمت الكثير للسودان، والصندوق الكويتي للتنمية كان أول من قدم قرضا للسودان، بالاضافة لعمل الجمعيات الانسانية الكويتية الكبير في السودان.

وحول تطورات الوضع الأمني في السودان، أكد عبدالجليل أنه يسير في خطى كبيرة تجاه الاستقرار، لافتا الى أنهم أغلقوا ملف جنوب السودان وتجمعهم علاقات حسن جوار، وملف دارفور لم يتبق سوى بعض جماعات النهب المسلحة، وعلى صعيد حوار حكومتهم مع المعارضة قال انه يسير بخطى جادة.



اللجنة الثنائية

وقال عبدالجليل ان اللجنة الثنائية المشتركة بين البلدين ستنعقد خلال الشهر الحالي في الكويت وبانتظار تحديد موعدها النهائي، وذلك اعتمادا على جدول وزيري خارجيتي البلدين.

وحول سبب وجود عدد كبير من الكويتيين في السفارة للحصول على التأشيرة، قال ان معظمهم من المستثمرين في السودان، وان البعض يذهب للسودان من أجل التمتع بهواية الصيد.

القبس


تعليقات 15 | إهداء 0 | زيارات 6532

التعليقات
#1182604 [عطوى32]
5.00/5 (1 صوت)

01-06-2015 09:11 AM
... هههههه ده ببشر فيكم وبقوول بوضوع انو حيرفعو النسبة لعشرة الف ؟؟؟؟


لا حولا ولا قوه الا بالله ... البسمع كلامك يا سقير الكيزان بيخت فى بالو السودان ده لبد مساحتها زى اسرايل ومدفوسين فيها مية مليون فلابد من تنشييط الدول الصديقة لاستيعاب التدفق السكانى ..

...... والله يا جماعة لو جينا للحق المصيبة مافى الحكومة المصيبة فينا نحنا زاتنا ...
30 مليون ماقادريين يزيحو 10اشخص فقط متحكميين فى كل شى حتى نفسكم ما فاضل ليهم الا يكتبو ليكم تاريخ وفاتكم ...

... نحنا اكسل شعب والدليل على فقا فمن يشيل + جبن لا مثيل له شعب فقط يجيد النرجسية والحديث عن نفسة والرقيص النسائى ...

[عطوى32]

#1182283 [عباس محمد علي]
5.00/5 (1 صوت)

01-05-2015 04:03 PM
الشركة الخليجية لاستقدام العمالة السودانية للكويت دي شركة حكومية و لا خاصة ما فيها سمسرة و دفع قروش و الحكاية فيها إن لأن سفر السودانيين للكويت ليست محتاجة لوسيط يمكن مباشرة يسافر للشركة التي تقبل أن توظفه !!!

[عباس محمد علي]

#1182262 [Rebel]
0.00/5 (0 صوت)

01-05-2015 03:32 PM
* هذا تجسيد واضح لما آل إليه حال الدبلوماسيه السودانيه "العريقه!" فى عهد الانقاذ اللئيم:
* فعلى إثر تردى العلاقات الخارجيه مع اقرب دول المنطقه العربيه و بقية دول العالم, و بعد تقليص و تحجيم الدور الحيوى ل"وزارة الخارجيه", اصبحت "السفارات" و "السفراء" مجرد "وكالات" و "سماسرة" تخديم, او "مكاتب للحزب!", او مستخدمين لديه!!
* لكن الغريب, ان يتباهى "تنابلة السلطان" هؤلاء, بمثل هكذا "إنجازات", لا ترقى فى الاساس, حتى لذكرها ك"خبر" مقتضب!.
* علما بأن عائد عقودات ال(100) عامل, او حتى لو كانوا(500) عامل, الذين اشار لهم هذا "التنبل", قد لا تغطى نصف مصروفات السفاره هناك!!
* لكنه الخداع, و تعظيم الحدث, و "حب الظهور", و تأكيد الموالاة "للعصابه, سمعا و طاعه!", و كلها اساليب دخيله على المجتمع السودانى, تربى عليها "الأبالسه المجرمين" مذ نشأتهم, ليسايرهم فيها الارزقيه من "تنابلة السلطان", خوفا او طمعا!
* اليس هذا عهد "المتأسلمين الأبالسة المجرمين!!": عهد الخداع و النفاق و اللصوصيه و الإرتزاق!!!. لقد افسدوا حتى الخيريين من ابناء الوطن!

[Rebel]

#1182150 [عمار]
5.00/5 (4 صوت)

01-05-2015 12:13 PM
يا جماعة ده عمي بالله عليكم بدون شتيمه وكلام فارغ كمعظم عادتكم هنا, والله العظيم عمي ده ما تابع لحزب دخل الوزارة من السنة التالتة لمن اتخرج موظف مهني بحت والله , عنده بيت في الحاجيوسف متواضع جدا وهو السنة الجاية نازل معاش , كان شغال في اليمن والهند والمغرب فترة طويلة , اصلو في الوزارة السفراء الي ما سياسيين يدوهم دول ما عندها مصلحة قوية مع السودان , واسي عشان فترة خدمته الطويلة ودهو الكويت علي الرغمن مع انها ما قدر زي ما اتنو فاكرين

[عمار]

ردود على عمار
European Union [عمار] 01-05-2015 03:18 PM
ما تقولو عليهو حرامي خافو ربكم , والله عنده عربية واحدة هوندا موديل 2006 وبعض مات لمن يجينا خصوصا في الشتاء توقم العربية بالدفرة , انا اقتنعت اليوم معظم قراء الراكوبة سخطانين وواقعين فقط شتائم في كل موظفي الدولة وشايفين اي واحد شغال في الحكومة حرامي , انتو فاكرين موظفي الدولة كلهم مؤتمر وطني ؟؟؟؟ تلقي الواحد هنا ساخط علي حياته او قرفان من حالته وواقع شتائم ونبز في اي زول يجيبو صورته , كلكم عايزين الثورة بس هل سالتو نفسكم هل عندكم حل لمشكلة البلاد انا برضو كاره بشه عمي بس ما عندي حل ومتاكد حيجو ناس غيرهم حيزيدو الطين بله , اي معارض همه الاول والاخير ازاحة السطلة والسلام بدون وضع برنامج حقيقي وفعال لانقاذ السودان

European Union [عمار] 01-05-2015 03:07 PM
شكرا ليكم يا اخوانا بس توظيف الشباب داخل البلد ليست من اختصاص السفراء , هو حابي يساعد شريحة مستضعفة من الشباب خصوصا الحرفيين لانهم ضايعين داخل بلادهم وما فيها حاجة لو الشباب اغترب 5 او 6 سنوات , وبعدين المذيع ساله من احوال الحرب من الطبيعي الدبلوماسي في الخارج ان يعكس صوة مشرفة للبلاد حتي ولو الوضع بايظ , اسي انتو لمن تكون حالتكم في البيت زفت وفي مشاكل والجيران سالوكم من احوالكم مش بتقول والله الحمدلله في زحمة من النعم !!!!!! علي فكرة الدبلوماسي له وظيفتين اساسيتين في الخارج ان يعكس صوة بلاده من الجانب الاجابي حتي لو البلد زفته وان يرعي مصالح ومشاكل الجالية السودانية انا متمني شخص يكون في الخارج ويكون قابله والله يحي عبدالجليل انسان متواضع ومسكين شديد , والله العظيم لو شفتو بيته في السودان كان ما قلتو الي قلتوه, استغرو ربكم

European Union [جنوبي] 01-05-2015 01:31 PM
يا عمار طالما هو عمك بالله عليك قول ليهو
اولا توقيع اتفاق لجلب العمالة ده ما بيعتبر انجاز والانجاز هو توفير فرص العمل داخل البلد
وثانيا تطورات الوضع الامني في السودان دي مفروض ما يتكلم فيها لأنو ما اختصاصه وكونه يصف جماعات دارفور ببعض جماعات النهب المسلح دي ما جاية الا لو البتتفاوض معاهم الحكومة ديل ما من دارفور . ولا كيف الحكومه حتتفاوض مع جماعات نهب مسلح ؟!!
ثالثا عمك فقع مرارتنا الا انت حلفتنا ...

United States [زهجان من الغربة.. ما تمشوا خلونا نرجع] 01-05-2015 12:52 PM
والنعم والله في عمك وصدقت فيما قلت.. هذا سفير متفرد ومميز في عمله الدبلوماسي والشعبي وهذا التفرد لانه ليس من الكيزاااااااان

European Union [عبوودى] 01-05-2015 12:47 PM
ياعمار عمك على العين والراس بس مش مخجل انو يقودوهو عل عماهو فاقد تربوى وتجار اقامات


#1182141 [بدر السماء]
5.00/5 (2 صوت)

01-05-2015 12:02 PM
بدل تقول العدد سينخفض في الاعوام القادمة . تتحدث عن ارتفاع النسبة يا سيادة السفير ؟

يعني ناويين تفضوا البلد ولا شنو ؟

[بدر السماء]

#1182128 [رانيا]
5.00/5 (2 صوت)

01-05-2015 11:47 AM
يرسلوا أولادنا ويستقدموا المصريين ههه للبناء والتعمييير (بقصد الإتنين تعمير مباني وتعميير الدماغ !!)

[رانيا]

#1182112 [Ahmed]
0.00/5 (0 صوت)

01-05-2015 11:20 AM
السودان تبيع العمال
اليس هذا نوعا من العبودية

(كشف السفير السوداني لدى البلاد يحيى عبدالجليل عن توقيع مذكرة تفاهم مع الشركة الخليجية لاستقدام العمالة السودانية للكويت، لافتا إلى أن باكورة تنفيذ الاتفاقية أسفرت عن استقدام حوالي 100 عامل للعمل في مجال البناء لدى شركة الأحمدية.)

[Ahmed]

#1182096 [Naji Ali]
5.00/5 (1 صوت)

01-05-2015 10:53 AM
ايها المغتربون نفسيا و عضويا......لن تذهب هذه العصابة ما لم تعودوا ادراجكم للوطن....حتي تساهموا في بترهم و ازالتهم...فكانيل المطالب بالتمني...البلد مافضل فيها راجل...الرجال طلعوا و مرقوا...اغتربوا..تعالوا كي نزيحهم هؤلاء قراصنة خلا لهم الجو بذهابكم فاصبحوا يذبوا في اهلكم......ولن تستبينوا النصح الا ضحي الغد!!@!!!حين تتذكروا السودان و لاتجدوه....

[Naji Ali]

#1182067 [المهاجر ابدا]
5.00/5 (3 صوت)

01-05-2015 10:17 AM
الكويت من الدول التى عشقت السودان وشعبه ولكنكم بسياساتكم الرعناء رميتم الحجر فى الماء الراكد.....هل سياتى يوما تعرفون ..قول الله (هل جزاء الاحسان الا الاحسان)

[المهاجر ابدا]

#1182047 [ابو ساري]
0.00/5 (0 صوت)

01-05-2015 09:46 AM
اقتباس ( وحول تطورات الوضع الأمني في السودان، أكد عبدالجليل أنه يسير في خطى كبيرة تجاه الاستقرار، لافتا الى أنهم أغلقوا ملف جنوب السودان وتجمعهم علاقات حسن جوار، وملف دارفور لم يتبق سوى بعض جماعات النهب المسلحة، وعلى صعيد حوار حكومتهم مع المعارضة قال انه يسير بخطى جادة.)
كذاب و منافق. كل ما ذكر معكوس تماما ،الا يستمع او يقرأ الاخبار

[ابو ساري]

#1182039 [Kudu]
5.00/5 (4 صوت)

01-05-2015 09:32 AM
يعني السادة السفراء صاروا مناديب مبيعات لبيع العمالة السودانية للدول الأجنبية!!!!!!!!

[Kudu]

ردود على Kudu
European Union [جنوبي] 01-05-2015 01:33 PM
والله كلامك صاح !!
لا وفرحان انو ده انجاز !!


#1182028 [عبوودى]
0.00/5 (0 صوت)

01-05-2015 09:17 AM
سؤال ولماذا الشركة الخليجية تحديدا؟
وراء تلكم الشركه
ازهرى (الاتحادى)
اسامه (التقدمى اليسارى)
كل المعلومات وتفاصيلها بطرف السفير الجديدلوقف المهازل

[عبوودى]

ردود على عبوودى
European Union [Ali Ahmed] 01-05-2015 01:49 PM
هى هى ه هههههه
الموضوع سخن بيك كده مالو ماقلتو معارضين وكدة تفتكر انك عامل جمعية خيريه وبتجيب العمال
اختشى على دمك فى زول شريف بجيب دكتور بيطرى ب 90 دينار
يابلبل هههه

European Union [كاكوم] 01-05-2015 11:54 AM
فعلا الاختشو ماتو... تقدمى ولا اتحادى المهم جلبوا عمالة سودانية وقضوا على سوق النخاسة الذى تديره انت وامثالك .. اللذين اهانو حرائرنا واذاقوا العمالة السودانية الامرين ,,,, ومرمطوا اسم السودان فى الوحل .. واكيد انت ماسودانى اجزم بذلك التحية للسفارة السودانية والتحية للرجال الذين عكفوا بصمت لمحاربة تجار البشر امثال هذا النكرة .


#1181984 [عبووودى]
5.00/5 (1 صوت)

01-05-2015 07:42 AM
سفير دلدول قايدنو عصابة الساقطين فى انتخابات الجاليه

[عبووودى]

#1181983 [A. Rahman]
5.00/5 (2 صوت)

01-05-2015 07:40 AM
مع من وقعت هذه الشركة الخليجية الاتفاقية؟ و يفهم من السياق ان الاتفاق وقع مع الحكومة، و هذه بدعة جديدة إذ ان مثل هذه الاتفاقيات يتم توقيعها بين الحكومات و ليس بين حكومة و شركة، اللهم الا اذا كانت هذه الشركة الخليجية ستعمل على جلب العمالة السودانية لتوظيفهم في شركات اخرى، يعني بالعربي كدا الشركة الخليجية تحتكر جلب العمالة السودانية كنوع جديد من الرق و الاسترقاق، و بالتالي هناك طرف سوداني مستفيد من عملية الاسترقاق هذه، و لا استبعد ان يكون لهذا السفير يد في الامر، و هو اما يكون الشخص صاحب المصلحة من الجانب السوداني او هو سمسار لذلك الطرف.

[A. Rahman]

#1181938 [يوسف]
4.91/5 (6 صوت)

01-05-2015 04:41 AM
بقينا عماله بعد ماكنا مهندسين ودكاتره وقضاة في الخليج. الله لا كسبكم دنيا ولا اخره يا إنقاذ. خربتو سمعتنا ووصلتو جامعاتنا الطيش على مستوى العالم

[يوسف]

ردود على يوسف
United States [سوبر] 01-05-2015 09:41 AM
هى ما المشكله ان يشتغلوا عمال او موظفين المشكله انو زمان كان العالم مفتوح للسودانيين فى اى مجال بدون وساطات وسمسرة.. ودعايات انتخابيه

[عزابى ومعذب] 01-05-2015 09:10 AM
كلامك صاح يا يوسف ونضيف قائلين اللهم خذ هذه العصابة اخذا وبيلا واشد من اخذك وبطشك بالقذافى وشاوشيسكو وماركوس اللهم عجل برحيلهم وارح العباد منهم وطهر البلاد منهم.



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة