الأخبار
منوعات سودانية
صديق يقتل صديقه بسبب (حلة ملاح)
صديق يقتل صديقه بسبب (حلة ملاح)



01-06-2015 07:57 PM
الخرطوم: إنعام محمد آدم
أقدم شاب على قتل صديقه صباح أمس بضاحية الحلة الجديدة بمدينة الحصاحيصا بعد نشوب مشاجرة بينهما حول قيمة محتويات (حلة ملاح). وقالت مصادر إن الصديقين كانا قد اتفقا على إعداد (حلة ملاح) على أن يقتسما ثمن محتوياتها فيما بينهما وعندما أخل أحدهما بالاتفاق نشب شجار بينهما وقام المتهم بنزع سكين من طيات ملابسه وأنهال طعنا في مواجهة صديقه مما تسبب في وفاته، وفور اكتشاف الحادث تم إبلاغ الشرطة وتوقيف المتهم قيد التحقيق وتدوين بلاغ بالقتل العمد.

التيار


تعليقات 9 | إهداء 0 | زيارات 2362

التعليقات
#1183630 [ود الركابي]
0.00/5 (0 صوت)

01-08-2015 12:18 AM
لعنة الله علي عدم الوعي والجهل والغباء . ضيع الراجل وضيع نفسه بدون اي سبب منطقي .. الله يرحمه ..

[ود الركابي]

#1183606 [كاره المنافقين]
0.00/5 (0 صوت)

01-07-2015 10:58 PM
حلة ملاح؟ طيب لو لو مليون جنيه كان فرمه؟

[كاره المنافقين]

#1183412 [awad tayeb]
0.00/5 (0 صوت)

01-07-2015 02:07 PM
والجاي كتير وغريب الوضع اصبح غريب اللهم استر

[awad tayeb]

#1183278 [ودامبعلو]
5.00/5 (1 صوت)

01-07-2015 10:45 AM
صراحة حلة الملاح بقت الشغل الشاغل للمواطن الله يرحم المتوفي ويرحمنا جميعا

[ودامبعلو]

#1183232 [أبوقرجة]
5.00/5 (1 صوت)

01-07-2015 09:49 AM
والله العظيم بقت في حاجات تحصل في السودان أكثر من غريبه ... يعني سبب زي دا ما بخلي الواحد يزعل مش يقتل .... لكن نقول شنو دي ثورة الانقاذ أدخلت كل شيء سيء على السودان والسودانيين ............

الحمد لله عايش عزابي لكن براي ما معاي زول ... وما مفكر يكون معاي أي زول كمان جابت ليها قتل على حلة ملاح .......... رغم أن الايجار غالي لكن الواحد براه أحسن من السكاكين دي..

[أبوقرجة]

#1183231 [أبوقرجة]
0.00/5 (0 صوت)

01-07-2015 09:48 AM
والله العظيم بقت في حاجات تحصل في السودان أكثر من غريبه ... يعني سبب زي دا ما بخلي الواحد يزعل مش يقتل .... لكن نقول شنو دي ثورة الانقاذ أدخلت كل شيء سيء على السودان والسودانيين ............

الحمد لله عايش عزابي لكن براي ما معاي زول ... وما مفكر يكون معاي أي زول كمان جابت ليها قتل على حلة ملاح .......... رغم أن الايجار غالي لكن الواحد براه أحسن من السكاكين دي..

[أبوقرجة]

ردود على أبوقرجة
[المغبون] 01-07-2015 05:10 PM
وما تنسى الكتل صاحبو فى (سفة تمباك) يعنى بالعربى الكتل بقى مادائلو سبب فى السودان بس الواحد يعمل حسابو ما يدخل فى نقاش مع اى شخص لانو الناس بقت روحه فى مخرته عزرائيل مرتاح كل واحد دارع سكينو اوحائم الله يستر من القادم .


#1183104 [محمد]
5.00/5 (1 صوت)

01-07-2015 07:26 AM
السبب الحقاااااااااااااارة مش حلة الملاح

[محمد]

#1183019 [سكسك]
0.00/5 (0 صوت)

01-06-2015 10:16 PM
العزابة الله يسترنا مع بعض ثاني الدفع قبل الطبخ

[سكسك]

#1183005 [بت البلد]
5.00/5 (1 صوت)

01-06-2015 09:19 PM
لا حول ولا قوة الا بالله ... القتل في بلادنا أصبح مباح حتى لو كان في حلة ملاح ؟؟؟!!! والقائمون على أمرنا همهم كرسي الحكم والارتياح ...والشعب ان شاء الله لا أكل ولا ارتاح ...ونحن بس أصحاب العز والمجد والانفتاح ... والما عاجبو يقع البحر وما هامينا أي واحد يقول اننا ما صاح... ما دام عجلة حكمنا دايرة ونحن سادرين في عملنا وآخر انبطاح ... مادام الشعب نايم بالرغم من انو ما قادر يوفر حق الملاح ... تقولي ثورة واطلاق سراح ؟؟؟!!!! دا نحن فتنا ابليس في عمايلو وخليناهو يلعن ويسب فينا وفتر من النباح... وبقى كل همو يسكت صغارو من النواح ...ونحن عايشين في أمن وارتياح ... يلا كل واحد يشوفلو صرفة سفينة الانقاذ سارت لن توقفها الرياح...

اللهم عليك بهم شتت شملهم وبدد أمنهم وسلط عليهم من لا يرحمهم ... انهم لا يعجزونك أنت القادر على كل شئ ... اللهم أرحم أهلنا في السودان جميعهم... واجعل هذا العام عام الخلاص الأبدي من حكم الطغاة البغاة, الذين أخذتهم العزة بالنفس ,ونسوك ونسوا شعب السودان الضائع الذي لا حول ولا قوة له الا بك ... اللهم أنصره وأمنه بحولك وقوتك يا أرحم الراحمين, يا مجير الخائفين وناصر المظلومين ,أنصرنا على عمر البشير وزمرته الظالمين, انك لا تحب الظلم فعليك بالظالمين ... عليك بالظالمين ... عليك بالظالمين يا أرحم الراحمين اللهم آمييييييييييييييييييين

[بت البلد]

ردود على بت البلد
European Union [كردفاني] 01-07-2015 02:13 PM
لقد اوصفتي واوجزتي القول لحالنا ويصعب ان ينصلح الحال مادام الروح تروح من اجل حلة ملاح وقريباً سوف تكون من اجل كباية عصير



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة