الأخبار
أخبار إقليمية
عواطف الجعلي تتهم قيادات بالوطني بإقصائها من قوائم مرشحيه
عواطف الجعلي تتهم قيادات بالوطني بإقصائها من قوائم مرشحيه
عواطف الجعلي تتهم قيادات بالوطني بإقصائها من قوائم مرشحيه
عواطف الجعلي


01-09-2015 12:45 PM
البرلمان: سارة تاج السر
اتهمت النائبة البرلمانية عواطف الجعلي قيادات في المؤتمر الوطني بالمركز، بإقصائها عن قوائم مرشحيه لمقاعد البرلمان، رغم اختيارها من قبل قواعد الولاية، وأبدت التزامها التام بالقرار طالما استند على لوائح ومعايير محددة للاختيار.
وتمسكت عواطف، في تصريحات صحفية أمس، بالدفاع عن قناعاتها في منابر أخرى بخلاف البرلمان وقالت إنه لا يمثل المنبر الوحيد لطرح وجهات النظر وأضافت: "عندنا أماكن كثيرة ممكن ندور فيها" وأكدت عدم علمها بالأسباب الحقيقية لإبعادها وما إذا كانت مواقفها تقف وراء ذلك، كما نفت علمها بأي معايير أو لوائح لاختيار الوطني قائمة مرشحيه في الانتخابات التشريعية.
واستبعدت عواطف ان يتم تكليفها في اي موقع سياسي آخر، ولفتت الى أنها ستتفرغ إلى المحاماة في مكتبها المغلق منذ تعيينها كوزيرة.

الجريدة


تعليقات 19 | إهداء 0 | زيارات 2821

التعليقات
#1184996 [البدرنجي]
0.00/5 (0 صوت)

01-10-2015 12:57 PM
عجبنى ليك يا بت الجعلى وان شاء اللة عقبال الباقيات القاعدات تمامت نصاب بلا يخمكم انتو والاعضاء المعاكم وبالخص نافع وامين وود عبدالعاطى

[البدرنجي]

#1184730 [abdallah]
0.00/5 (0 صوت)

01-10-2015 02:39 AM
اين هو هذا الدستور المفتري عليه؟!


الدستور بكرى لف بيهوا سيجارة البنقو .

هو كان أصلا المواد دى موجودة بس بكرى مرات

معاهو المعتوه وأبو ريالة لمن القعدة تجر لا نصاص

الليالي وورق اللف ينتهى بقوم يقطع منو ويلف , لحدي

ما قطع الصفحات الفيها صلاحيات البشير , وبدرية ما قصرت

رجعت الصفحات ديك , وتم توبيخ بكرى وتحذيره .

[abdallah]

#1184664 [ابو الزفت]
5.00/5 (1 صوت)

01-09-2015 10:31 PM
انت يا المفعوصة وكت ما قادرة على الخروج من الزريبة دى مالك داقة السكلى و هو متين فى دستور لحدى ما يحترموة . ان شاء اللة اخرتة طلعت ليك بى حاجة تكفيك شر الذلة

[ابو الزفت]

#1184646 [الفهد المروض]
0.00/5 (0 صوت)

01-09-2015 09:17 PM
ياتو ولاية دى القواعدها امنوا عليك يا بت الجعلى وهل كل الولاية المعنية مؤتمر وطنى يا اخوانا دى قانونية وما عارقه طريقة اختيار الاحزاب لنوابهم واذا صح كلامها بتاييد القواعد لها معناها انو الذين اختاروها سيسقطوا مرشح المؤتمر الوطنى فى دائرة بت الجعلى المثلث حتى اجازة الدستور

[الفهد المروض]

#1184630 [nagatabuzaid]
5.00/5 (1 صوت)

01-09-2015 08:18 PM
انت وكت عندك مكتب بتكسبى منه بالحلال تقفليه وتمشى لاموال الحرام ؟؟؟؟؟ ولا انت من نوع المحامين اياهم ؟؟؟؟؟؟؟؟؟؟؟؟!!!!!!!!!!!
انسان غيرك يعمل كرامة 7 خراف بيضاء و7 نياق حمر و7 بقرات صفر حمدا لربنا حلاه ويغسل نفسه بكل انواع الصابون والمعقمات والفلاشات والسبرتو والكلونيا ويظل الليل واقفا استغفارا حتى تتورم قدماه شوتيهم الشاتك شوتوا وصراحة هى حااااااااااارة لكن تسوى شنوا ما تبكى بكرة بترجعى رجعة صلاح كرار سالمة غانمة يستقبلونك بالاحضان انتم اصلكم كدة لا عندكم مبادىء لا مواقف

[nagatabuzaid]

#1184586 [alsudany]
5.00/5 (1 صوت)

01-09-2015 06:10 PM
بصراحة حيرتونا كل ما واحد منكم اقصوه
يجوعر فينا
امال ناس الصالح العام يعملوا شنو ؟؟؟
بدرية قالت للرئيس (( اسمع يا عمر يا انا يا عواطف ))
و لفحت شنططه و وقفت وقربت تمشى كدارى من الزعل
اكان ما ناس الامن قالوا ليها ((تمشى كدارى على مسؤليتك وانتى عارفه غباينك من مايو قاعده ليك ))) حتان ركبت

[alsudany]

#1184566 [فرح ود تكتوك]
5.00/5 (1 صوت)

01-09-2015 05:29 PM
الأخت عواطف إن شاء الله صلحتا ليك بس إنت إندمجت أكثر من اللازم في موضوع معارضة التعديلات مع إنو الدستور ده دستور خصوصي مفصل علي المقاس وكان ضاق في حتة طبيعي يتوسع معليش حضري نفسك للإنتخابات الجاية كلها أربع سنوات وأسمعي وردي يغني براي سويتا في نفسي........وماكان للحصل داعي.

[فرح ود تكتوك]

#1184562 [Almisahirafi izallail]
0.00/5 (0 صوت)

01-09-2015 05:10 PM
*الله عالم وشاهد اتلومو معاك. بس اركزى واثبتى ليهم انك بت رجال بثباتك على موقفك واستعدادك للدفاع عن قناعاتك "بالنظراو بغيرو(يدّيك العافيه)وفى اى موقع اواى مكان داخل او خارج السودان.
*( بس ما يكون دفاعك فى الصينيه (الدوار عند ألأعراب (بالفتحة على الهمزة التانيه)
*وطالما انت افوكاتو وعندك محل وعندك قدره (يدّيك العافيه) ورغبه فى المدافعه والمناهضه والمقانعه والمكاشفه يبقى خلاص الحكايه خلصت. لاكين بس هم الفيهم اتعرفت ...فلا تحزنى على ما فات وافرحى وتفاءلى بما هو آت!! الخير دنا!! فالجايات اكتر واحسن من الرايحات .. بس بدون ما تفتحى خشم البقره بحثا عن "هادى" الرائحات! اصمدى لا بد من صنعا وان طال السفر وألآ بعدين تندمى ونحن حالك بنشوفو وحنعرف وصوفو!! او كما قال !! آه.

[Almisahirafi izallail]

#1184551 [ابو هنيدة]
0.00/5 (0 صوت)

01-09-2015 04:39 PM
هذا موسم الفطامة من الرضاعة

ولا شك الفطامة قاسية

[ابو هنيدة]

#1184527 [ألمنفصل]
0.00/5 (0 صوت)

01-09-2015 03:29 PM
واك واك ما ديرين

[ألمنفصل]

#1184525 [ام احمد]
0.00/5 (0 صوت)

01-09-2015 03:22 PM
هى جزء اصيل فى التدمير الحصل تمرقى بعد سته وعشرين سنة وتعملى فيها شريفة فاضل انتى والموتمر الوطنى فى مرتبة واحدة ويوم الحساب قرب

[ام احمد]

#1184524 [adil a omer]
0.00/5 (0 صوت)

01-09-2015 03:15 PM
معليش البوخه الجايه ما تخافى الشاف والطلح راقد هبطرش والحفره مولعه

[adil a omer]

#1184507 [مهدي إسماعيل مهدي]
0.00/5 (0 صوت)

01-09-2015 02:50 PM
ليست لديها مؤهلات للهجرة خارج الوطن.

[مهدي إسماعيل مهدي]

#1184502 [هلمجرا]
5.00/5 (1 صوت)

01-09-2015 02:42 PM
مكانك الإصلاح الآن بديلاً لصلاح الدين كرار الذى عاد للحظيرة إثر قبض المعلوم ودائماً الكاش يقلل النقاش.

[هلمجرا]

ردود على هلمجرا
European Union [الوالي صلاح دولار] 01-09-2015 09:01 PM
صلاح دولار جاي والي هي تمشي ناس غازي تسوي شنو؟
السمنة بي هنا


#1184501 [radona]
5.00/5 (2 صوت)

01-09-2015 02:41 PM
من حسن حظك
فقد نجوت من القوم الظالمين
فقد قلت كلمة الحق والخيل تتجه الى المنعطف الاخير
اراد الله بك خيرا كثيرا
دعيهم غدا سوف لا يجدون طريقا للهروب والفرار
فقد علو علوا كبيرا
ولم يتبق غير الهبوط المروع

[radona]

#1184493 [المشروع]
0.00/5 (0 صوت)

01-09-2015 02:34 PM
ما في زول جاييك في مكتبك وانتي في حزب ما على الفرد الا الالتزام بقرار الحكومة السرية الماسكة بتلاببيب الحزب وتلابيب السودان ..ولمصلحة من يعمل هؤلاء المتخفين لا احد يدري ولكنهم بالطبع لا يعملون على مصلحة السودان او ناس السودان وهو الظاهر للعيان..
بالطبع الحكومة الخفية لا تقصدك انت ولكن إن قصدها كل منتسبي الحزب وكل من يزغ عن امر حكومة الحزب الخفية سيكون مصيره مصيرك.. وهنالك الاف الارزقية الجاهزين للإنضمام لقائمة الحزب طالما انه يوفر لهم الاعلام والسلطة والماء والعيش الرغيد .. وسبق ان قلت في احدى التعليقات ان ابن اخي شاب قوة وفتوة ما شاء الله تبارك الله ..وتخرج قبل سنة وهو من منسوبي المؤتمر الوطني المتشددين قال يا عمي نحن مالنا لازال الواحد يلعب لصالح ورقه ..انا امشى وين لأزم نعيش هجرة ليست ساهلة لازم ننضم للوطنى عشان نضمن مستقبل وشغل وكرسي ومنصب..

[المشروع]

#1184472 [حمزة]
4.00/5 (1 صوت)

01-09-2015 01:40 PM
هو إنتى وِكِت محامية و دارسة قانون ليه بتشاركى فى نحر الدستور ؟؟
و ليه وافقتى على تغيير الدستور من دون نصاب قانونى فى زريبتكم المسمنها برلمان ؟؟
تذكرى ان الله سبحانه و تعالى يُمهل و لا يُهمل , و غداً تشرق شمس الحرية لتحرير البلاد المخطوفة و تحرير مواطنيها من رجسكم و من إستبدادكم و سيأتى بعده القصاص و المسائلة لكم جميعاً رجال و نساء , و ان غداً لناظره قريب ..

[حمزة]

ردود على حمزة
United States [nagatabuzaid] 01-09-2015 08:03 PM
تسلم يا حمزة سؤالك تمام وتعبيرك تمام التمام ( بتشاركى فى نحر الدستور ليه ) فعلا تحروا الدستور بل خنقوه وفطسوه


#1184462 [الأزهري]
3.00/5 (2 صوت)

01-09-2015 01:06 PM
تلتزمي بالقرار؟ شبهك قلتي الروب - اثبتي على موقفك وتحملي النتائج فأنتي عضو في الوثني صاحب الحكومة والسلطة والوظائف ومكاتب المحاماة ونقابة المحاماة كلها في يد الوثني فأين تذهبين؟ هل تعودين؟ البديل الوحيد المنجي من براثن الوطني هو الهجرة للخارج وألا تعودين ما دام فيها هؤلاء القوم الجبارين.

[الأزهري]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية



الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة