الأخبار
أخبار إقليمية
"ابراهيم خان" .. الفنان السوداني الذي غاب عن أدوار البطولة
"ابراهيم خان" .. الفنان السوداني الذي غاب عن أدوار البطولة



01-09-2015 10:55 PM

ايناس محمد

بدأ الفنان ابراهيم خان والذي تعود أصوله لأب سوداني وام مصرية حياته مذيعا بإذاعة ركن السودان التي تحولت بعد ذلك إلى اسم اذاعة وادي النيل إلى أن قابل أحد المنتجين بالصدفة، والذي أقنعه بإمكانية عمله ممثلاُ وأكد له أنه يصلح للتمثيل.
ولد 12 اغسطس عام 1936 وتوفى 9 يناير 2007 بعد تليف حاد بالكبد والرئتين استدعى علاجهم كيميائيا . ويمثل اليوم الذكرى الثامنة لوفاته عن عمر يناهز 70 عام
توفى "ابراهيم" بعد مشوار فني امتد ل 40 عام وعاش معظم حياته بمصر ومثل الكثير من الأفلام تصل إلى حوالي 50 فيلماً وكذلك عشرات المسلسلات التليفزيونية إلا أنه لم يمثل دور البطولة.
فمن اهم اعماله السينمائية دائرة الانتقام .. غروب وشروق.. الصعود الى الهاوية.. الشجعان الثلاثة.. شياطين الشرطة.. العسل المر.. ايدك عن مراتي.
ومن اهم اعماله الدرامية ابرياء في قفص الاتهام.. جواري بلا قيود .. لؤلؤ واصداف ..نار ودخان.

الوادي


تعليقات 15 | إهداء 0 | زيارات 3769

التعليقات
#1185264 [عماد الدين]
0.00/5 (0 صوت)

01-11-2015 01:48 AM
الاسم له مدلول والشكل ايضا مثلا تاج السر سرالختم محمدالحسن شوايقه


محمدصالح خليل حلفا او محس
كوكو بريمه جنوب كردفان

ابكر ادم. اسحاق دارفور

ابكراي ابوعلي شرق السودان

[عماد الدين]

#1185104 [ام بادر]
0.00/5 (0 صوت)

01-10-2015 04:10 PM
ياناس لا اله الا الله محمد رسول .افلستوا للدرجه دي؟ مااااااات الراجل الله يرحمه .كدي فكروا في البرد دا والناس الما عندها غطا وهبوا لجمع ملابس شتا لمساعده الناس .دقوا ابواب الناس العندو فنيله لطفل بس بتدفي واحد محتاج.

[ام بادر]

ردود على ام بادر
European Union [احمد ابو القاسم] 01-10-2015 10:43 PM
ياسلام ياسلام علي ماتتمتعين به من انسانيه ورحمه ياامبادر
أؤيدك بشده وأناشد كل اصحاب القلوب الرحيمهمن ابناءوبنات وطني العظيم وهم كثر بالملايين
فنحن شعب عرف بالرحمه والطيبه فلنهب جميعا لعمل شىء لاهلنا المحرومين من الدفء لقلة ذات
اليد وانتهز الفرصه لألعن الترابي وعمر البشير وكل كوز معفن في السودان وخارج السودان كان سببا
في معاناة أى سوداني أو سودانيه .


#1185025 [Ema]
0.00/5 (0 صوت)

01-10-2015 01:48 PM
شقيقو المهندس المعروف كاك خان وابن اخته طبيب الأسنان المعروف ماهر سعد مهنا
وأول ظهور ليهو كان مع عثمان حميدة تور الجر فى تمثيلية تور الجر فى العيادة قام بدور الطبيب

[Ema]

ردود على Ema
United States [محجوب عبد المنعم حسن معني] 01-10-2015 10:50 PM
تحياتي اخت ايما
ايضاً هو قريب رجائي عليه رحمة الله كان منتدب من الجيش في السودان للامارات والفنان الفاتح قميحة، اعتقد انهم ابناء خالات.
عمل مع احد اعمامي في اذاعة ركن السودان في زمن مضى قبل ان ارى هذه الدنيا، كان عمي يقدم برنامج باللغة الفرنسية واخر بالسواحيلية.
مع مودتي


#1184987 [توتو بن حميده آل حميده]
0.00/5 (0 صوت)

01-10-2015 12:46 PM
الفنان دا سوداني وهو بعضمة لسانو قال انو سوداني ويمتلك جواز سوداني عرضه على الناس وعيلته مشهورين بود مدني يعني هو سوداني - بس جذورهم تعود لأصول غالبا ارمينيه او يهوديه او هنديه ودا شيء اكثر من طبيعي - فغندور مساعد عمر بشير اصلا مصري وللان يذهب سنويا لمصر لزيارة اقاربه بالصعيد والاطمئنان على ممتلكاته...

[توتو بن حميده آل حميده]

ردود على توتو بن حميده آل حميده
United States [رانيا] 01-10-2015 06:08 PM
بالغت يا توتو أرمينية أو يهودية !! هندية دي زبطت معاك كيف ماعارفة .


#1184985 [omar]
2.00/5 (1 صوت)

01-10-2015 12:44 PM
خلاص يعني سودانية اي زول بتتحدد بلونو دة كلام غريب ونجي نزعل لمن العرب يقولوها لينا طالما انو هذه الفكرة مترسخة في دواخلنا معناها الناس كلها حتكون مقتنعة بيها. يجب علينا يااخون ان نتحرر من هذة النظرة العنصرية الدمرتنا تدمير شديد يجب علينا يا اخون ان ترى انفسنا بنفس العين التي نريد ان يرانا بها الاخرون. يعني المجتمعات المتقدمة تجاوزت هذة القضايا التي لا تفعل شي سوى انها تزيدنا تفكك.

[omar]

#1184954 [باهي]
4.00/5 (3 صوت)

01-10-2015 11:51 AM
ابراهيم خان من حي ودأزرق وهو الحي الذي احتضن الفنان الكبير أبواللمين.. وفعلا في لقاء التلفزيون معه وهو على فراش المرض ذكر أنه لا يزال سودانياً يجدد جوازه سنوياً بل وأخرج الجواز وعرضه على المشاهدين على ما أذكر .. في ناس هنا عنصريين جداً يعني أي واحد لونه أبيض يقولو ليك ده سوداني كيف؟ .. ياخي أي واحد عنده جواز سوداني لا يجب أن ينظر الناس للونه أو أصله بل يكفي أنه حامل للجواز السوداني وإلا لاعتبر أغلب الأمريكان ليسوا بأمريكان لو تم الرجوع للأصول. نحن زي أمريكا بالضبط في الناحية دي .. أمة مشكلة من ألوان وأعراق وسحنات مختلفة يجمع بينها وطن يسمى السودان.

[باهي]

ردود على باهي
[آمال] 01-10-2015 12:45 PM
و ياريتنا نستفيد من التنوع في بلادنا بدل التناحر فيما بيننا لان اي زول مننا معتز بأصلو و بتفاخر و بتعالى على التاني خصوصا من عديمي اﻻنتماء للسودان


#1184951 [murmoly]
0.00/5 (0 صوت)

01-10-2015 11:48 AM
اسمه الحقيقي على ما أعتقد ابراهيم جاكسخانص و تم إختصاره إلى إبراهيم خان لزوم التسهيل و العمل بالتمثيل وكدا، و هم من أسرة عريقة بحي ود أرق أشهر أحياء و دمدني ، هناك من يقول أنهم في الأصل أرمن و هناك من يقول أنهم كانوا يهود و كلام من هذا القبيل ، لكن من المؤكد أنهم مسلمون و سودانيون خلصاء وله أخوات مشلخات عارض كما يقولون و قد رايناهم !
له الرحمة و التحية لكل ناس مدني

[murmoly]

#1184942 [مواطن]
0.00/5 (0 صوت)

01-10-2015 11:28 AM
رحم الله ابراهيم خان واسكنه فسيح جناته ٠٠

[مواطن]

#1184905 [كردفاني]
0.00/5 (0 صوت)

01-10-2015 10:46 AM
هو سوداني من اصول هندية مصرية سودانية لذلك نجح في التمثيل مع المصرين نسأل الله له الرحمة والمغفرة

[كردفاني]

ردود على كردفاني
United States [رانيا] 01-10-2015 06:10 PM
تسلمي يا أمال والأستاذة المبدعة نادية بابكر أكبر مثال على ذلك .

[آمال] 01-10-2015 12:42 PM
هو نجح في التمثيل مع المصريين عشان أداءه و موهبته في التمثيل ما عشان أصوله


#1184857 [jafar]
5.00/5 (1 صوت)

01-10-2015 09:17 AM
والله كتر ألف خيرك يا بت محمد الاتذكرتى ابراهيم خان وسط الظيطة والظمبليطة الاحنا فيها دى دا انتى مخك مخ من مخ الفراعنة

[jafar]

#1184838 [awad tayeb]
0.00/5 (0 صوت)

01-10-2015 09:00 AM
هههههههههههههههههههههههههههههههههههههههههههههههههههههههههههههههههههه

[awad tayeb]

#1184810 [ابو عبير]
5.00/5 (1 صوت)

01-10-2015 08:18 AM
احمد نور على قول اهل الحجاز انت ماعندك سالفة الرجال سودانى وقد يكون اكثر منك سودانية وهو فى فراش المرض زاره تلفزيون السودان برنامج مراسى الشوق وقال انه بفتخر بسودانيته وانه يجدد جوازه كل سنة فى السفارة السودانية بالقاهرة اضافة الى انه كانت بداياته فى التمثيل بالسودان مع تور الجر. بدلا من ان ترمى بكلام لاتفهمه ارجع الى تاريخ الرجل والى اسرته فى حى دردق بمدنى

[ابو عبير]

#1184714 [احمد نور]
3.00/5 (2 صوت)

01-10-2015 01:47 AM
ياخ هو اسمو ابراهيم خان يكون سودانى كيف يعنى ..خلو الشعلقة حقتكم دى ..

[احمد نور]

ردود على احمد نور
[عنكبة] 01-10-2015 10:46 PM
الاسماء تحدد الهوية وكمان اللون والشعر والانف والطول ونوع الطعام ورائحة العرق رايك شنو يا احمد

United States [رانيا] 01-10-2015 06:13 PM
كلمه بالله يا باراكودا لأنه إحنا ما عارفين السوداني لازم يكون ماركة مسجلة ولا ذي الصينيين شبه بعض وللا إيه القصة .

United States [علبة صلصة مخفجه فوق زير] 01-10-2015 11:49 AM
ابراهيم خان سودانى اصيل (خان) هو اسم الشهرة زى فاتن حمامه ابوها اسمه حمامة؟؟؟ ابراهيم خان من مواليد ودمدنى وتربى ودرس بها وهو من عائلة معروفة بودمدنى وهى عائلة (الخانجى)

[barracuda] 01-10-2015 08:19 AM
هو سوداني وعليك التأكد قد ان تبدي رأيك. يعني سوداني لازم يكون اسود ومشلخ وشعره كركد



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة