الأخبار
أخبار إقليمية
بالصور إحتفائية تبرئة مدير الاوقاف بعد (3) سنوات من السجن.."الوزير" السابق ازهري التجاني يهاجم حزبه ويسخر من "دولة الرسالة"
بالصور إحتفائية تبرئة مدير الاوقاف بعد (3) سنوات من السجن.."الوزير" السابق ازهري التجاني يهاجم حزبه ويسخر من "دولة الرسالة"
بالصور إحتفائية تبرئة مدير الاوقاف بعد (3) سنوات من السجن..


01-09-2015 11:41 PM
شنّ وزير الارشاد والاوقاف السابق الدكتور ازهري التجانى هجوما لاذعا على قادة حزب البشير، وطالبهم بضبط الصحف ووسائل الاعلام التي تطير بالاخبار وتكيل الاتهامات جزافا لمن اسماهم "الشرفاء". وهاجم الدكتور ازهري ما اسماها بـ "بدولة الرسالة"، التي تتحدث عن العدل والقيم في الوقت الذي يتكالب فيه الناس علي متاع الدنيا ويتصارعون حوله.

وصبّ الدكتور ازهري التجاني جام غضبه على بعض نافذي الحكومة، فى الاحتفال الذى اقيم بضاحية اركويت شرقي الخرطوم، علي خلفية اطلاق سراح أمين اوقاف الخارج السابق "خالد سليمان" الذي امضى بالسجن ثلاث سنوات قبل ان تتم تبرئته مؤخرا، وقال ازهري إنه يتوجب علي دولة الرسالة التى تتحدث عن العدل والقيم في الوقت الذي يتكالب فيه الناس علي متاع الدنيا ويتصارعون حوله، يتوجب عليها ان تضبط وسائل الاعلام التي تطير بالاخبار وتكيل الاتهامات جزافا.

واردف التجاني قائلا: "إن من كالوا الاتهام وخاضوا فى اعراض الناس، لن يستطيعوا ان ينالوا من هؤلاء الشرفاء، وسنقاضيهم"، واضاف كنا نعتقد انا نفعل ما هو احسن للوزارة وللاوقاف، لكن هناك من كان يظن غير ذلك.

واكد التجاني ان الاتهامات غير المسنودة بالادلة، افقدت السودان اوقافاً تُقدر بنحو (200) مليون ريال سعودي، توقفت المطالبة بها بعد الاتهمات التي سيقت في حق القائمين على امر الاوقاف، موضحا ان مدير الاوقاف السابق خالد سليمان يعد من اكفأ الذين مروا على الوزارة، وقال إنه قدّم الكثير من الاعمال من عقارات وغيرها وكلها توقفت بفعل الذين حركوا هذا البلاغ.

ودعا التجاني المشير البشير لان يولي الاوقاف اهتماما خاصا وبصحح الاوضاع ويضع الامر فى نصابه/ مشيدا بلجنة الدفاع وفي مقدمتهم عبد الباسط سبدرات، الذين تصدوا للمرافعة عن المتهمين في قضية الاوقاف من غير جنيه واحد. داعيا الله يقيل عثرة الاوقاف.

من جانبه قال مدير اوقاف الخارج السابق خالد سليمان الذى تم تبرئته بعد ان امضى ثلاث سنوات فى ، انه يشكر من وقفه معه فى قضيته، مشيرا إلى ان المؤمن مبتلي، لكن الله وفّقه بالصبر بفضل دعوات الناس، معلنا عن مسامحته لكل من ظلمه وتسبب فى سجنه.

وكانت دائرة المراجعة بالمحكمة العليا قد برأت (الثلاثاء) الماضي أمين أوقاف الخارج السابق، خالد سليمان، المتهم في قضية الأوقاف، من التهم المنسوبة إليه، وأمرت بإطلاق سراحه فوراً.

وكان المتهم خالد سليمان قد حُوكم بالسجن لمدة عشر سنوات، وتم تأييد الحكم بواسطة محكمة الاستئناف، والمحكمة القومية العليا التي أصدرت قراراً بإحالة القضية إلى دائرة المراجعة، التي أصدرت قراراً بطلب المراجعة وإلغاء الحكم المطلوب مراجعته، وإلغاء العقوبات المترتبة عليه بما فيها عقوبة السجن. وطالبت دائرة المراجعة الشاكي بسلوك طريق المحاسبة الإدارية أو التقاضي مدنياً.

وسبق ان تم اتهام وزير الارشاد السابق الدكتور ازهري التجاني في ذات القضية، قبل ان تقوم محكمة المال العام بمجمع جنايات الخرطوم شمال، برئاسة القاضي "عادل موسى" بتبرئته، بمعية أمين عام الأوقاف السابق الدكتور "الطيب مختار" من التهم المنسوبة إليهما بالثراء الحرام وتبديد المال العام.

وأمرت المحكمة – حينها - بإطلاق سراحهما، وشطب الاتهام في مواجتهما، بعد قبول طلب هيئة الدفاع برئاسة وزير العدل السابق "عبد الباسط سبدرات" بشطب الاتهامات في مواجهة موكليهم وما قدم في مواجهتهم من اتهامات بالثراء الحرام، وتبديد المال العام، وخيانة الأمانة. وقال المحكمة انها عقب سماع قضية الاتهام واستجوابها للمتهمين توصلت لعدم وجود أي بينة مبدئية يمكن أن توجه بموجبها التهم لازهري التجاني والطيب مختار.

واعتبر وزير الارشاد السابق ازهري التجاني، ان الزج به في القضية ينطلق من منطلقات عنصرية داخل المؤتمر الوطني، وقال في تصريحات لصحيفة (الاهرام اليوم) عقب تبرئته في العام 2013م انه ما كان سيتم توجيه الاتهام الى وزير الارشاد في قضية فساد الاوقاف لو كان من غير ابناء كردفان، في اشارة الى موطنه ومسقط رأسه.

ويعتبر ازهري التجاني احد افراد الدائرة المغلقة التي يعتمد عليهم حسن الترابي في صياغة افكاره، فضلا عن ان التجاني يعد احد القلائل الذين كانت تؤكل اليهم مهمة كتابة محاضر اجتماعات الحركة الاسلامية، وهذا جعله مضطلا على الكثير من الاسرار.

وسبق لازهري التجاني ان قام بتأليف بعد الكتب التي كانت تعتمد عليها الحركة في استقطاب الشباب من خلال متاجرتها بالدين، وفي هذا فقد قام التجاني بكتابة وتأليف بعض كتب سلسلة البعث الحضاري التي استخدمتها الحركة الاسلامية لاستدرار عطف الشعب السوداني.

image

image

image

image

image


تعليقات 51 | إهداء 1 | زيارات 13422

التعليقات
#1185681 [محمد]
0.00/5 (0 صوت)

01-11-2015 03:19 PM
اتقو الله قبل ان تخوضو فى اعراض الناس فالدكتور خالد سليمان من اشرف واطهر الناس وهو من اسرة عرفت بالعفة والامانة ولم يكن يحتاج الى اى اموال فالاسرة لديها من الاملاك مايكفى وهو صاحب رسالة عمل بمنظمة الدعوة لفترة طويلة بالخارج وبالبيت الذى يسكنه الان هى شقة مستاجرة وليست ملكه

[محمد]

#1185648 [aboush]
0.00/5 (0 صوت)

01-11-2015 02:29 PM
الغاباتن الاسمنتيه الفي الخلفيه دي جابوها من وين

[aboush]

#1185623 [Abo Obayda]
0.00/5 (0 صوت)

01-11-2015 01:57 PM
في كل قضية سرقة مال عام و فساد مالي نفست و ضاعت ابحثواعن الكلب سبدرات ..
ارجعوا الى قضية الكاردينال و من الوزير الذي امر ضابط الشرطة بعدم القبض عليه رغم ان الامر صادر من القاضي.

[Abo Obayda]

#1185557 [سيف الله عمر فرح]
0.00/5 (0 صوت)

01-11-2015 12:15 PM
سبحان الله ، فرحانين ، وبيحتفلوا كمان .
لم نرى ، الفكى نور الهادى عباس النور الذى إغتصب أحدى الطالبات بعد تخديرها ، وأطلق سراحه بقرار جمهورى ، يحتفل كما تحتفلون أنتم .
ولم يحتفل الشيخ المحصن ، والمسئول بدرجة ( معتمد ) ،. ولم يحتفل البلدوزر نائب الوالى ببورتسودان ، لم يحتفلوا ببراءتهم من الإغتصاب .
والشاب غسان وشريكه عبدالجبار بمكتب الوالى دكتور عبدالرحمن الخضر ، لم يحتفلوا بعد تحللهم من الفساد . وووووووووووو لم يحتفلوا .
إشمعنا بعض الفاسدين يحتفلون ؟ .

[سيف الله عمر فرح]

#1185548 [سراجا الدين الفكى]
5.00/5 (2 صوت)

01-11-2015 11:58 AM
ياجماعة كلو خلو, دة شنو البيحصل, العواسة شنو"طيب اخذ ثلاثة سنوات بالسجن, مامعنى التبرئة" البشير يعوس والقضاء يعوس, والتانى الاسمو ازهرى التجانى يعوس يا ازهرى ارجع الجامع بتاع الشجرة خليك من وزير وغفير.

[سراجا الدين الفكى]

ردود على سراجا الدين الفكى
European Union [عمار] 01-11-2015 03:08 PM
العواسة دي اجمل حاجة ودي هي الماشة في السوق اليومين ديل


#1185543 [أسمر جميل فتان]
0.00/5 (0 صوت)

01-11-2015 11:50 AM
والله حكاية غريبة واغرب شعب !!!!!

واحد حرامي سرق الناس تقابلوا بعد 3 سنوات وتقول ليوه مبرووووك البراءة!!!

هل في دخان بدون نار !!!

اما كردفان دي جديدة علينا!!!!

بكرة حايجي علينا يوم حتكون "الادعاء" على مستوي المدن يعني واحد حايقول للجماعة

والله ما بسيبكم يعني انا عشان من بحري وكده!!!

وبعد شوية حاتكون على مستوي الاحياء !!! واحد يقول للجماعة اها عشان انا من بيت المال عشان كده عملتوا فيني كده وهكذا دواليك !!!!

قال كردفان يا ااخ ارجل شوية القبيلة والمنطقة ما بتذكروها وانتو في البحبوحة تذكروها بس اول ما يدوك "شوتة" الله ينتقم منكم ومن سبدراتكم ده اليوم قبل بكرة!!

[أسمر جميل فتان]

ردود على أسمر جميل فتان
Russian Federation [عبد الرحمن أحمد] 01-11-2015 02:05 PM
أسمر جميل فعلاً .. قلت الكلام الفي بطني.


#1185517 [hassan]
0.00/5 (0 صوت)

01-11-2015 11:00 AM
مرق من السجن والوليمة منتظراهو
دى زى الغنماية القالت حقى خليتو هو انت عندك حق يغنماية
وحقى اشيلو قدام تكذب الكذبه وتصدقها \

حرامية كلكم لصوص

[hassan]

#1185493 [ربوع السودان]
0.00/5 (0 صوت)

01-11-2015 10:32 AM
حسبي الله ونعم الوكيل شوف العمارات دي قال بنوها برواتبهم وقال ما سرقوا ولا نهبوا مال الاوقاف بالريال ( مال الله ) نشوف فيكم يوم في الدنيا ويوم القيامة شي تاني

[ربوع السودان]

#1185440 [المهاجر]
0.00/5 (0 صوت)

01-11-2015 09:35 AM
أشهد انك كوز ضلالي طالما انك أثنيت على سبدرات!!!

[المهاجر]

#1185431 [حرية]
5.00/5 (1 صوت)

01-11-2015 09:27 AM
أرادوا أن يرجعوا حليمة لقديمها وهذه فبركة أخري وتبادل لعب الأدوار ونحن ليس أغبياء كما تظنون أيها الكيزان الضآلون.

[حرية]

#1185403 [emy]
5.00/5 (1 صوت)

01-11-2015 09:04 AM
3 سنوات سجن مقابل 30 مليار جنية رأيكم شنو ؟؟؟ انا عاوز سنة بمليار واحد عشان يصلح الحال المائل .. الله لا يوفقكم يا بنى كوز ؟؟

[emy]

#1185395 [تينا]
5.00/5 (1 صوت)

01-11-2015 08:59 AM
شنو الموضة الطالعين فيهاالجماعة ديل اليومين دى الواحد (((يتنغنغ))) تمااااام ولما يتزر فى (((الهبرو))) يقوم طوالى يقلبا عنصرية ويقول ليك عشان انا من المنطقة الفلانية عملوا معاى كدا! طيب من الأول لما عينوك فى الوظيفة دى وعمرك كله جالس فيها ومتنغنغ ما كنت من نفس المنطقة البتجى تبخسها بعد ما يجردوك من ايى شيىء ليه ما قلت كلامك دا فى وقتها ؟ كلو كلام لينال الواحد استعطاف الناس وفى النهاية كلكم طينة واحدة سواء من الغرب ولا من الشرق ولا من الشمال ! شوفوا ليكم شماعة ثانية غير دى لأنها ما بتنطلى علينا !

[تينا]

#1185351 [حافظ عمر]
0.00/5 (0 صوت)

01-11-2015 08:20 AM
هنالك خطأ فى فهم مضمون حكم دائرة المراجعة المحكمة العليا وهو ان المحكمة لم تقرر البراءة من اخذ المال او التصرف فيه بصورة منافية للاسس المحاسبية او الادارية السليمة بل ذكرت ما يستدل منه ان ذلك حدث ولكن اعتبرته خطأ ادارى يتم محاسبته ادارياً ويتم استرداد المال عن طريق القضاء المدنى

[حافظ عمر]

#1185220 [زول دفعة]
5.00/5 (1 صوت)

01-10-2015 09:56 PM
هوووي ي لصوص خالد ده محاسب بالقنصلية بجده كان وانضم للخواض في بعثة الحج المهم والسؤال هو كيف يسكن في منطقة غالية كهذه وكيف اصبح مديرا

[زول دفعة]

ردود على زول دفعة
European Union [عمار] 01-11-2015 03:12 PM
لانو عاس مع العواسين وبقي من الجماعة المبشرين بالنار

[Sadig] 01-11-2015 09:18 AM
الاخوان المسلمون الحرامية ....بيستخدموا الاغتراب لغسيل اموال السرقة .....د . ازهري التجاني الان موجود في الامارات عامل فيها استاذ جامعي (كذا) ... بكرة بجي يقول ليكم القروش دي حصلت عليها من الاغتراب ..ذي ما قال ربيع ع العاطي .. عشرة سنة في المدينة وعنده عشرة قطع اراضي ... يعني كل سنة بي قطعة ارض .. حتى الفاتحة في شارع الستين اشتراها في سنة واحدة...

اها يا ازهري التجاني ... شنو الخلاك تصرح الان ... تنفست الصعداء يعني بعد ما اخوك خالد سليمان طلع براءة ... سبدرات معروف بحلول المساومة ..هو ما عايز منك اتعاب .. بقسم عديل وبشيل منك جزء بوديهوا وزارة الاوقاف وانت تشيل القسمة ليك سبدرات.

قصة انك مستهدف لانك من كردفان ... ذر للرماد في العيون ... انت ما من زمان من كردفان ...من زمن صندوق دعم الطلاب ...


#1185198 [ابوعديلة المندهش]
0.00/5 (0 صوت)

01-10-2015 08:39 PM
هل تريدون أن تقنعوا الشعب السودانى بأن لصوص الأوقاف ابرياء . يا أخوانا إنتوا متين حتبطلوا الهبل بتاعكم ده فالكل يعرف بما فيهم ازهرى التيجانى ذات نفسه بأنهم حرامية ولصوص ومنعدمى الضمير والأخلاق . برآءة قال,ياخى أحا .

[ابوعديلة المندهش]

#1185157 [ود الشمال]
3.00/5 (2 صوت)

01-10-2015 06:04 PM
(( يا رافع البله )) ،،، ثلاثة سنوات سجن وبعد ذلك براءة ، وثّم من سجن ظلماً ثلاثة سنوات يسامح ويصفح عن من ظلمه وتسبب في سجنه ، (( ايه الكرم ده كلوا )) يا اخوان دة مش ممكن تقارب بين المؤتمر الوطني والمؤتمر الشعبي (( يا حلاوة )) ويمكن جمع شتات الابناء والإباء في المؤتمرين الوطني والشعبي ، والانتخابات علي الابواب ((يا ستار يا الله )) .

[ود الشمال]

#1185117 [Mohamed Ali]
5.00/5 (2 صوت)

01-10-2015 04:38 PM
لا يوجد كوز شريف على الإطلاق.. إلا إذا كان ذلك حسب ما تعارفوا على بينهم من مسميات
وأنواع من التصنيف.
هذا المتشنج عرفناه منذ المتوسطة كوزا خطيرا ومتطرفا إلى أقصى الحدود

[Mohamed Ali]

#1185086 [سوداني مفتح]
5.00/5 (1 صوت)

01-10-2015 03:34 PM
حرامي وعينو قويه ليكم يوم. طيب القروش الدفعتوها سمسره للموظفين السعوديين لاوقاف مكه خبره شنو افتونا ياقضاء السودان

[سوداني مفتح]

#1185069 [أبو محمد الجابري]
5.00/5 (3 صوت)

01-10-2015 02:57 PM
كلكم حرامية أولاد ستين ...ب وزيركم ومديركم وقاضيكم ... قال محكمة عليا قال ... هو انتو فضلتوا فيها محكمة عليا وللا سفلى يا أسافل الخلق؟ معقول بيدكم تجيبوا ليكم قاضي يحكم عليكم؟ القضاة النزيهين ما خليتوا فيهم زول يا أراذل البشر..

[أبو محمد الجابري]

#1185058 [adil a omer]
5.00/5 (1 صوت)

01-10-2015 02:41 PM
ويا ربى فى الاحتفائيه دى حيعملوا اقاشى !!!!

براءه يا اخوانا الراجل برئ والقصور الوراهو دى كانت امو عامله ليها صاج طعميه فى القماير ده كلو من قروش الطعميه والدقن دى ربيتها من حر مالى عشان ادقسكم بيها يا عالم يا متخلفه

اصحوا يا عالم يا هووووووووووووووووووووووووووووووووووووووووووووووووووووووووو

والله تيوس الضلال ديل حيروا ابليس عديييييييييييييييييييييييييييييل كده

[adil a omer]

#1185034 [الطيب عثمان]
5.00/5 (2 صوت)

01-10-2015 02:07 PM
انا بوريكم عن الحرامى ازهرى قطعة ارض فاضية من ضمن القطع البتنفسوا فيها اهلنا ناس السودان الطيبين كان لعب كوره ولا لعب اطفال او لصلاة العيد الآن بنى عليها ازهرى فيلا ومركز طبى كبير وعندنا بنت من بناتنا شغاله معه الان فى المركز حينما تمت تبرئته قسم الحلاوة ومنح كل موظفى المركز الطبى راتب شهر المركز الان موجود فى الحاج يوسف دار السلام وانا بتحدى ازهرى زاتو ميدان متنفس لحى دار السلام باى حق يسطوا عليه كما سطا كل ذوى نفوذ من الضلاليين على ميادين المدن الثلاثه، ازهرى قال اتهامات غير مسنوده .

[الطيب عثمان]

ردود على الطيب عثمان
[سيبويه العجمي] 01-10-2015 08:06 PM
مالك با الطيب يا ود عثمان عايز تجيب الهوا لي بتكم الشغالة مع الراجل
هسى يمشي يزرزر الموظفات وين قريبة الطيب عثمان؟


#1185031 [ابوياسر]
5.00/5 (1 صوت)

01-10-2015 02:04 PM
حراميييييييييييييييه وعينكم قوييييييييييييييييه. يا ابن الايه يعني كونوا القضاء المسيس برائكم معناها انتوا بريئين؟ الشعب السوداني كلو مقتنع انكم حراميه بس البقنع الديك منو؟ منكم لله ياكيزان

[ابوياسر]

ردود على ابوياسر
European Union [د. هشام] 01-11-2015 08:56 AM
برأهم سبدرات!!!! عجبي!!!!!!!!!!


#1185029 [بكري الحاج]
5.00/5 (2 صوت)

01-10-2015 01:56 PM
مبرووك عليك توبتك امام البشر ودي هينه ولكن ماذا عن توبتك امام رب العالمين دي ما فيها لعب وواسطات

[بكري الحاج]

#1184997 [هلمجرا]
5.00/5 (1 صوت)

01-10-2015 12:58 PM
يا أزهرى التجانى أين أموال صندوق دعم الطلاب التى نهبت عندما كنت أنت أمين عام الصندوق.سمعت من أحد أخوانك فى التنظيم بأنك بنيت عمارة من أموال الصندوق, فإذا صح هذا القول سارع بإرجاع هذه الأموال عسى الله أن يتوب عليك.

[هلمجرا]

#1184950 [قاسم الامين عبود]
5.00/5 (1 صوت)

01-10-2015 11:46 AM
خلفية الصور دى اذا كانت بيت احد المفرج عنهم فهو بلا شك حرامي وستين حرامي مع العلم ما عندى مسبق عداوة مع زول فيهم ولا موجود داخل البلد بس مافي زول في السودان بيقدر يبني بيت بالمستوى دا الا يكون حرامي بس

[قاسم الامين عبود]

#1184949 [كرزاي]
0.00/5 (0 صوت)

01-10-2015 11:45 AM
سبدرات ديه أكبر علي بابا

[كرزاي]

#1184946 [مواطن]
5.00/5 (1 صوت)

01-10-2015 11:39 AM
ازهري التجاني كان رئيس صندوق شئون الطلاب في تسعينات القرن الماضي٠ يجب وضعه في القائمة السوداء ٠

[مواطن]

#1184926 [رانيا]
5.00/5 (1 صوت)

01-10-2015 10:58 AM
والعيال ماسكين خراطيش ليه وللا البلطجة بقت عيني عينك !

[رانيا]

ردود على رانيا
United States [رانيا] 01-11-2015 01:27 PM
آها ... لو كده معليش . أنا شفت شباب في البوكس
بخراطيش وما ظهر شئ تاني .
شكرا أخي الكريم للتصحيح .

European Union [West Yorkshire] 01-10-2015 11:55 AM
ده نحاس يابتي بدوقوه جميع اهل السودان في الافراح والاتراح ومقابله العدو .ومشهورين بيهو اهلنا الجموعيه والله أعلم.


#1184913 [Tash Ma Tash]
3.00/5 (4 صوت)

01-10-2015 10:49 AM
شوف اللمة .. اللمة ..
النسوان تزغرررررررد..
الرجال تقول الله أأأأأأكبر..

أتي بالغنائم .. أتي بالغنائم .. !!!

......عجب ....

[Tash Ma Tash]

#1184912 [االطاهر احمد]
5.00/5 (1 صوت)

01-10-2015 10:49 AM
سلام
أشرف شرفاء الكيزان ان لم يكن قاتلا ولصا فهو شيطان أخرس حتى وان كان غازي عتباني نفسه أو حسن مكي أو غيرهما.
قال الشرفاء قال

[االطاهر احمد]

#1184892 [Abumazin]
5.00/5 (1 صوت)

01-10-2015 10:27 AM
بالله شوف العمارات الباننها من اموال السحت- وسبدرات قال

[Abumazin]

#1184887 [dougokoper]
5.00/5 (1 صوت)

01-10-2015 10:17 AM
ليت شعري ماذا أقول أنه على بابا من ضمن الحرامية... اللهم أرحم الشعب السودان وجنبه شرور الكيزان الحرامية.. اللهم آمين.

[dougokoper]

#1184884 [خالد]
5.00/5 (1 صوت)

01-10-2015 10:09 AM
وسبق لازهري التجاني ان قام بتأليف بعد الكتب التي كانت تعتمد عليها الحركة في استقطاب الشباب من خلال متاجرتها بالدين

على ذكر موضوع الكتاب - الكتاب كان يطبع على نفقة الدولة بمطابع جامعة الخرطوم بصورة راتبة دورية -ازهري التجاني حرامي كذاب منافق لا عدل لا قضاء يمكن تبرئته

لا زال يطبع ويكب بالنفايات .

[خالد]

#1184876 [جركان فاضى]
5.00/5 (3 صوت)

01-10-2015 09:43 AM
السرقة تمت فعلا بس القسمة ماتمت بالعديل بين الحرامية...ادخلوا خالد سليمان السجن للضغط وفكوا ازهرى التيجانى للتفاوض ورد حقوق الاخرين...وبعد الضغط الشديد والخوف من انكسار خالد سليمان فى السجن ..اضطر ازهرى التيجانى لقسمة المسروق بالعدل واعطى الجماعة حقهم فانتهت القضية...القضية مكايدة بين الحرامية...اتفق اللصان فظهر المسروق للنظام...واخفى على الشعب المسكين

[جركان فاضى]

#1184858 [اشرف عابدين]
3.00/5 (2 صوت)

01-10-2015 09:18 AM
يا ازهرى التجانى انت اخطر من الشيطان نفسو انت اكلت مال الله (اوقاف لله ) مش مال عام ولا مال يتيم مال الله عديل كده ربنا ينتقم منك ومن خالد سليمان وكل الذين لعبوا بالاوقاف فى جدة والمدينة المنورة ربنا ينتقم منك وتشوف فى الدنيا ان شاء الله

[اشرف عابدين]

#1184836 [صالة المغادرة]
5.00/5 (2 صوت)

01-10-2015 09:00 AM
والله يا كلاب كلكم حرامية من البشير للغفير اما عن قضاء السودان فهو امره عجب فقد اصبح اداة فى ايدى عصابة الرقاص واصبحت الاحكام تصدر من القصر او الغرف المغلقة ليلا وتاتى فى شكل اوامر لرئيس القضاء الذى لايستطيع ان يرفض طلبا للرقاص باعتبار ان هنالك ضرورة ملحة تستوجب هذا الحكم وان دولة المشروع الحضارى مستهدفة وهذا مجرد تلفيق من المعارضة واذنابها . يا الجبهة الثورية عايزين خجة صاح الجماعة ديل قبل ان يعلن الاغم ان الرقاص فاز بنسبة تتجاوز ال98% وختاما الله يغطس حجرك يا خليفة ابليس فى الارض الترابى الحقير كل اللاوى دى انت السبب فيها

[صالة المغادرة]

#1184791 [د. هشام]
4.25/5 (3 صوت)

01-10-2015 07:45 AM
مافيش دخان بدون نار!! قال عبد الباسط سبدرات قال!!!!!!

[د. هشام]

#1184787 [osama dai elnaiem]
0.00/5 (0 صوت)

01-10-2015 07:40 AM
الهرة تأكل بنيها -- هي الحركة الاسلامية منذ نشأتها للعلن في السودان من خلال مؤتمر المائدة المستديرة لحل مشكلة الجنوب الذي تباكت علي وضعه في عهد عبود وعندما استولت علي السلطة فصلت الجنوب عن السودان وتباكت علي الديمقراطية وساهمت بشدة في طرد نواب الحزب الشيوعي من البرلمان بعد حادثة طالب معهد المعلمين الشهيرة وشقت الجيوب ولطمت الخدود علي حال السودان الذي كاد الدولار فيه يصل الي عشرين جنيه ولانقاذ السودان من ذلك المصير استولت علي الحكم في 1989 وها هو الجنيه السوداني يصبح ( قرش براني) والان يتحدث غندور عن برلمان قوس قزح وهو وجماعته دمروا هذا القوس قزح يوم كان السودان وطن للجنوبي واليهودي والغرباوي كما هو لادروب وهمت ومحمد احمد والدين لله وكانت اماكن الخمور معروفة ومرخص لها والان تشاهد السكاري وتغيب عنك اماكن بيع الخمور السرية التي تفننت ذات العصبة في اخفائها لرفع سعرها وهي عزيزة صعبة المنال -- الحركة الاسلامية وارد مصري وجد في ارض السودان حقل تجارب فعاث الترابي فسادا ولحقه علي عثمان وعمر البشير والان يطالبون ببرلمان قوس قزح بعد ان كان السودان قوس قزح بمليون ميل مربع تفرح عندما تشاهد الدينكاوي بطوله الفارع يعمل في عمارات الخرطوم والمرأة تناول الطوب في مباني نيالا او ( تنشل ) الماء من البئر في بادية الكبابيش-- نعم كان وطنا هو قوس قزح والان السودان قذي عين بين الامم بفضل الحركة الاسلاميه واسلامها السياسي الذي يتلون بمقام الحال.

[osama dai elnaiem]

ردود على osama dai elnaiem
European Union [ربوع السودان] 01-10-2015 12:43 PM
نعم زي ما قلت الهرة تأكل بنيها ولكن جون قرنق قال لما شالوا شيخهم الترابي ابناء الكديسة اكلوا امهم يعني الترابي بعد المفاصلة


#1184786 [A. Rahman]
4.50/5 (3 صوت)

01-10-2015 07:39 AM
بعد كل الإدانة دي تأتي التبرئة من "دائرة المراجعة؟ اللي هي شنو بالضبط؟ و كمان فيها سبدرات؟ مش نحن سفنا العقود الخرافية بالسوداني و بالريال؟ يا مثبت العقول.

[A. Rahman]

#1184780 [الجعلي الفالصو]
3.50/5 (3 صوت)

01-10-2015 07:26 AM
مشكلة الإنقاذيين أنهم صغار في كل تصرفاتهم ، لصوص تمت تبرئتهم هل يحتاج الأمر إلى كل هذه الهيصة والغناء والرقص والخطب العصماء وتحويل الموقف إلى مناطحة سياسية تستغل فيها الجهوية من مثل ( لو أنا ما من كرفان لما وجهت إلى الاتهامات) ، وهو استدرار رخيص للجهوية التي لا يعرف غيرها هؤلاء اللصوص عندما ( ينزنقون) أنت يا عزيزي لص من كردفان كما أن هناك لصا من دارفور ولص من النيل الأزرق ولص من ولاية النيل وآخر من الشرق وثالث من جنوب كردفان اجتمع هؤلاء اللصوص ومنذ أن كانوا طلابا وشكلوا كيانا أسموه الأخوان المسلمين ثم تطور عبر التشظي حتى صار جبهة قومية ثم مؤتمرين أحدهما شعبي والثاني وطني ، وهكذا ،..... اللصوص الذين خرجوا من السجن ويحتفلون الآن ويحاولون استعراض بطولات وهمية زائفة سيظلون في نظر الشعب السوداني لصوصا حتى ولو برأتهم كل محاكم الدنيا وسيظل (عود) الشعب ينتظر مؤخراتهم النتنة ، والهبة تلوح بشائرها في الأفق وعندها سيعلم الذين ظلموا أي منقلب سينقلبون

[الجعلي الفالصو]

#1184778 [سوداني كردفاني]
5.00/5 (3 صوت)

01-10-2015 07:20 AM
‎والله كلكم منافقين زول حكموه ومكث في السجن 3 سنوات وتاني تبرئوه هذة فبركة ساكرت ‎

[سوداني كردفاني]

#1184769 [المشروع]
5.00/5 (1 صوت)

01-10-2015 06:54 AM
كأني شايف صورة (حسبو نسوان في برلمان الختان) في الصورة دي ولا أنا غلطان؟؟

[المشروع]

ردود على المشروع
[المشروع] 01-11-2015 08:43 AM
والله يا نوري انا محتار حسبو ده فرحان كدي ليه لامن عايز يطير من الفرح..

European Union [نورى] 01-10-2015 10:01 AM
يا أخى أنا برضو كنت مركز النظر فى الصورة علشان أتأكد أن حسبو نسوان ضمن الهيصة دى - خصوصا صورته و هو يهز رافعا يديه أمام لمة النسوان - بالجد الراجل ده سعران و بتاع نسواان .


#1184764 [جيمي]
5.00/5 (2 صوت)

01-10-2015 06:45 AM
حسبي الله ونعم الوكيل الله يعينك معقول 3 سنين مسجون من غير ذنب لا اله الا الله محمد رسول الله ربي يعينك والله حزنت ليك كثير قول اللهم أجرني في مصيبتي وأخلف لي خيرآ منها .

[جيمي]

ردود على جيمي
[ابوالعيينين] 01-11-2015 06:58 PM
ياجيمي انا حزنت لحزنك شفت الواحد بقي قلب رهيف كيف
الا اله الا انت سبحانك اني كنت من الظالمين

European Union [عمار] 01-11-2015 03:13 PM
ههههه يا جيمي هدي من روعك ما تحزن هههههه دي عواسة ساااي , ما بتعرف العواسة انتا

United States [المشروع] 01-11-2015 08:45 AM
ياجماعةجيمي بتهكم على الحكم اصلاً؟ معقول انسان يتم الحكم عليه ويكمل الحكم كل مراحله ثم يسجن ثلاثة سنوات ثم يطلق سراحه بالبراءة؟دي حكم شنو؟

[ANTI KOAZ] 01-10-2015 12:39 PM
ياجيمي فقط لك أن تربط توقيت الافراج عنه با لبراءة وقوله (ما كان سيتم توجيه الاتهام الى وزير الارشاد في قضية فساد الاوقاف لو كان من غير ابناء كردفان) بما يسمي انتخابات قادمه في شهر ابريل. وصاحب العقل يميز.

European Union [Awad] 01-10-2015 10:27 AM
ياجيمى لا تنخدع فهؤلاء لو وجدوا ناقة سيدنا صالح لما توانوا أن يأكلوها.محكمة مين يا عم فالمحكمة النزيهة تحكم وبعد فترة يأتى الأفراج من القصر وأليس القابع فى القصر هناك عدل له الدستور ليسجن من يسجن ويطلق سراح من يطلق على شرط قسمة المعلوم.

European Union [مسكين انا] 01-10-2015 10:24 AM
يا جيمي والله انت المظلوم وبالجد حزنت ليك معقولة تصدق اي كلام يتقال من افواه اللصوص واولاد الحرام الدمروا البلد والعباد



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة