الأخبار
أخبار إقليمية
السفير الإسرائيلي بإريتريا يزور معرض المنتجات السودانية بأسمرا
السفير الإسرائيلي بإريتريا يزور معرض المنتجات السودانية بأسمرا
السفير الإسرائيلي بإريتريا يزور معرض المنتجات السودانية بأسمرا


01-10-2015 11:58 PM
فاجأ السفير الإسرائيلي بأريتريا، معرض المنتجات السودانية بأسمرا بزيارة مباغتة أربكت المشرفين على صالات العرض.
وقال مدير شركة (سودا أكسبو) المنظمة، صلاح عمر الشيخ، إن المعرض الذي وجد قبولاً لافتاً من الإريتريين والبعثات الدبلوماسية والجاليات المقيمة بأسمرا، فوجيء المشرفون عليه بزيارة غير مرتبة للسفير الاسرائيلي بأسمرا الذي جاء بصحبة نظيره الأمريكي للتعرف على المنتجات السودانية، وأضاف: (لم نعلم هوية السفير الإسرائيلي الذي تجول في المعرض السوداني إلا حين قدّمه لنا نظيره الأمريكي).
وكانت فعاليات معرض المنتجات السودانية الثاني بدأت بالعاصمة اﻻريترية أسمرا مطلع الأسبوع الجاري، من تنظيم شركة (سودا أكسبو)، بمشاركة عدد كبير من المصانع والشركات برعاية من وزارتي التجارة في البلدين وإشراف سفير السودان بأسمرا، ماجد يوسف في سياق احتفاﻻت السفارة بعيد الاستقلال ومشاركة الشعب اﻻريتري احتفاﻻته بالعام الجديد.
وأوضح صلاح الشيخ عمر، أن المعرض هدف لتسويق المنتجات السودانية، وشاركت فيه مجموعة معاوية البرير بعدد كبير من منتجات مصانعها بالاضافة لمصانع صافوﻻ للزيوت ومنتجات ستيم للمياه الغازية والعصائر، شركة جونسون للأسلاك والكوابل الكهربائية، الشراع للبلاستيك، دلتا لتعبئة المواد الغذائية وجلي للانشاءات، الخطوط الجوية السودانية، طيران نوفا والوكالة الوطنية لتأمين وتمويل الصادرات

السوداني


تعليقات 36 | إهداء 0 | زيارات 7489

التعليقات
#1186344 [ابراهيم علي]
5.00/5 (1 صوت)

01-12-2015 12:19 PM
معقول؟!!!! سفير بنو قينقاع يزور معرض بني الاوس والخزرج؟!!! واذلاه يالتغلب..

[ابراهيم علي]

#1185924 [زول ساى]
5.00/5 (3 صوت)

01-11-2015 10:49 PM
مرحبا بالسفير الاسرائيلى اخا كريما وابن عم كريم ومرحبا بالسفير الامريكى سفير الدوله الاولى التى فتحت ازرعها لكل الجنسيات فى العالم وقادت الكوكب نحوالتطور العلمى والتكنلوجى والقيمى مرحبا بالجميع فنحن اهل السودان نحب الجميع ولا نحمل اى مشروع عدائى ضد اى اخ فى الانسانيه نحن شعب محب يكره العنف ..هيا معا لأقتلاع مشروع الكراهيه واهله وكل الافكار التى تقف خلفه ولنعود لاحضان العالم ونعتذر لاخوتنا فى الانسانيه وانا اثق تماما بانهم لن يؤاخذونا بما فعل السفهاء منا ..ارجو ان لايكون القائمين على امر المعرض اتكبكبوا من الفرحه وقدموا ليكم واحد من مشروبات معاويه البرير لانو طعمها ذى المنتهية الصلاحيه ههههه لالا انا متأكد بكونوا رسلوا لعصير رانى من بره

[زول ساى]

#1185875 [الدرب الطويل]
4.50/5 (3 صوت)

01-11-2015 09:26 PM
والسفير جاء (فجأتن) كالخريف ولم نعلم هويته الا بعد ان قدمه نظيره الامريكي..
والطيارة جات بالليل والنور طافئ وما عرفنا الضربنا منو الا من اذاعة الجيش الصهيوني..
وين الدفاع بالنظر؟؟..

[الدرب الطويل]

#1185807 [عبدالله البطحاني]
5.00/5 (3 صوت)

01-11-2015 06:57 PM
مرحبا بسفير اسرئيل وعما قريب سيرفرف العلم الاسرائيلي في ارض النيليين وسنفتح كل ابواب التعاون مع اسرائيل وخاصة في مجال الزراعه فهم اهل العلم والتكنلوجيا المتقدمه

الف مرحب بسعادة السفير اتمني ان ينقل تحيات شعبنا المسالم لشعب اسرائيل ويؤكد لهم ان شعب السودان ليس له عداء مع اسرائيل وان ادعي حكام الانقاذ المتاسلمين ذلك,,

[عبدالله البطحاني]

ردود على عبدالله البطحاني
[كاره الكيزان] 01-12-2015 03:31 PM
يا رجل كيف نثبت أننا عرب وكاملي العروبة إذا لم نعادي اسرائيل


#1185713 [سلفادور]
5.00/5 (1 صوت)

01-11-2015 04:20 PM
اها راي الدين شنو وينو عبد الحي يوسف وينو النزير الكاروري وينوالطيب مصطفى وينو المتنطعون وهل صافح القائمين على اشراف المعرض السفير الاسرائيلي وان صافحوا هل عقوبتهم اهي بتر وجز اعناقهم نسمع راي المتنطعون

[سلفادور]

#1185699 [Montaser]
4.94/5 (5 صوت)

01-11-2015 03:54 PM
وين المشكلة ما شايف حاجة في زيارة السفير الاسرائيلي للمعرض , ليه نحن ما معترفين باسرائيل كدولة اذا كان الفلسطينيين نفسهم معترفين باسرائيل كدولة في حدود 67 , نحن حنبكي على فلسطين اكثر من الفلسطينيين

[Montaser]

#1185690 [adil a omer]
5.00/5 (1 صوت)

01-11-2015 03:32 PM
الله اكبر هى لله

شكلو حنفتح سفارة لاسرائيل قريبا فى الخرطوم

بركاتك يا حاج بابا شاليط شالوم عليك

[adil a omer]

#1185683 [ود الدكيم]
0.00/5 (0 صوت)

01-11-2015 03:22 PM
غايتو أنا في رأيي المتواضع ده اسمو استظراط واستهجان واستخفاف واستحقار لأنو القائمين على النظام هوان وجرابيع وما عندهم وزن دبلوماسي ولا سياسي وإكون السفير الأمريكي قال للإسرائيلي: "تعال ندخل للماعز ديل نلبشهم".
طيب أنا أسألكم سؤال لو كان الجناح ده بتاع كوريا الشمالية كان السفيران يستجرآن بالدخول ؟؟؟
عشان ما عندنا شخصية دولية بقينا ملطشة

[ود الدكيم]

#1185661 [الرمدان كر]
4.94/5 (6 صوت)

01-11-2015 02:46 PM
التحية للسفير الاسرائيلي لانه يمثل حكومة تحترم شعبها و مواطنيها


و الخزء و العار لسفير السودان لانه يمثل حكومة تزل و تهين شعبها

و تمزق وطنها و تنشر الفتن و الجهوية بين المواطنيين

[الرمدان كر]

#1185638 [رانيا]
5.00/5 (2 صوت)

01-11-2015 02:18 PM
علام الإستغراب ؟!! عادي يعني بالعكس المفروض يتوقعوا شئ ذي ده وللا يمكن هم كانوا عايزين يعّدوا له العدّة وما إستطاعوا من قوة ومن رباط الخيل عشان ياخدوا بتارم هه قام "فاجأم" بالحركة دي !! لا غلطان .. لازم كان يخبرم مسبقا ويقول لهم : يا قوم أنا رسول آتى إليكم من إسرائيل من يجرؤ على منازلتي من الرجال ؟؟؟؟ (المشهد ده وهو ماسك سيف ولابس عمة معووجة فيها مجوهرات وجبّة وبردة ورافع حاجب ومنزل حاجب ومديهم العين الحمرا) .. الرد برضه حيكون إنهم "إتفاجئوا" وما كان عندهم مسدس موية علشان يردوا وإكتفوا بالوعيد والتنديد والرد في الوقت المناسب

[رانيا]

#1185621 [Sam]
5.00/5 (1 صوت)

01-11-2015 01:52 PM
أحسن يجو بوضح النهار و على شهود الاعيان من الجيه بالليل و بصواريخهم و سعاده وزير دفاعنا يصرح فيقول طيراتاهم كانت طافيه نورا و سعاده الخضر والي الكرتون يقول الغفير في مصنع اليرموك كان بسوي في شاي والمنقد او انبوبه الغاز انفجرت وكلام اشبه بالخرافات

[Sam]

#1185581 [صلاح حامد]
4.88/5 (5 صوت)

01-11-2015 12:52 PM
وين المشكلة مرحب بالسفير الاسرائيلى فى الخرطوم بعد الانتخابات سياسة جديده

[صلاح حامد]

#1185576 [سراجا الدين الفكى]
5.00/5 (3 صوت)

01-11-2015 12:46 PM
الان ماعلاقة الخبر بالصورة الواضح بها الورم وعامل رجولة "المكلوجة" من عمل. والاسمو الخضر مؤطئ راسو كيف, ياراجل ماتقيف زى الرجال ولا عشان جنبك الدجال دة

[سراجا الدين الفكى]

#1185574 [سراجا الدين الفكى]
0.00/5 (0 صوت)

01-11-2015 12:43 PM
طبعا طبعا لانو الاسلاميين هم فى الاصل ماسونين, وهذا ليس بخبر غريب او خبر يعتز بة الا الاسلامين واشباههم

[سراجا الدين الفكى]

#1185553 [alsudany]
4.75/5 (3 صوت)

01-11-2015 12:04 PM
الفاضى يعمل قاضى
السفير الاسرائيلى موجود
فى مصر
فى الاردن
فى جنوب السودان
فى ارتريا
انتو كدى رسموا حدودنا مع مصر
جنوب السودان وارتريا والاردن اذا امكن
وختو فيها علامات او ساتر ترابى
عشان نحمى نفسنا من السفير الاسرائيلى
هههههههههههههههههههههه

[alsudany]

#1185536 [ابومحمد]
2.75/5 (3 صوت)

01-11-2015 11:41 AM
اعتقد ان الرد كان ينبغي ان يكون مالنا باسرائيل ولكن نتشرف بزيارتكم سعادة السفير الامريكي وعندها سيخرج السفير الاسرائيلي غير ماسوف عليه

[ابومحمد]

#1185522 [سندباد في بلد السجم والرماد]
4.97/5 (7 صوت)

01-11-2015 11:11 AM
طبعا السفير الاسرائيلي انبهر ونطط عيونو من الدهشة ،وقعد يبحلق في المنتجات السودانية ،وأشاد بالتطور التكنولوجي العظيم ،وطلب من المنتجين أنو يتعاونو مع بلاده بغرض تطوير المنتجات الاسرائيلية ،وفي الختام أشترى علبة مربة قرع وجردل زبادي كابو وعلب دكوة انتاج مصنع الباقير !

[سندباد في بلد السجم والرماد]

#1185444 [Awad]
4.00/5 (2 صوت)

01-11-2015 09:39 AM
يا أخوان أنتو ما ملاحظين سكوت أمريكا عن الذى يحدث فى دارفور وجنوب كردفان وجنوب النيل الأزرق وراضية تمام الرضا عن النظام الذى ينفذ كامل أجندتها وركوع النظام للعم سام ومحادثات خفية بين النظام والعم سام وتوقف الضربات الأسرائيلية على أراضينا وأكيد هناك لقاءات سرية بين النظام والكيان الأسرائيلى وطبعا دى كلها نصائح قطر الصديقة للنظام وقدوم السفير اليهودى لزيارة المعرض السودانى تمت بسرية تامة وليست مفاجئة وطالما هناك رضى أمريكى أسرائيلى فلن يقتلع النظام أبدا طالما أولى خطواته بدخول أسرائيل لمنابع النيل عن طريق دولة الجنوب بعد الأنفصال والأطماع الأسرائيلية ليس لها حدود وسوف يتم تمزيق السودان لدويلات فهناك فى القريب العاجل سوف تكون دولة لدارفور ودولة لجبال النوبة ودولة بجنوب النيل الأزرق ودولة مثلث حمدى التى بشرنا بقرب حدوثها صلاح قوش والتى ستكون عاصمتها مروى ولذلك فالضامن لقيام هذه الدول هو الثنائى الخطير(أمريكا وأسرائيل).غدا قد نسمع بقدوم نتنياهو سرا للخرطوم لمقابلة أصدقاءه ومباحثات سرية بينه وبين النظام العميل.

[Awad]

#1185443 [مالك الحزين]
4.75/5 (4 صوت)

01-11-2015 09:37 AM
وأيه يعنى أن يزور السفير الاسرئيلى معرض السودان ؟؟؟, أو حتى السودان نفسه ؟؟؟ يا عالم فوقوا , وإلتفتوا حولكم ,, وشوفوا الدنيا بمنظار أبيض ,, قبل يومين أعلنت الداخليه السعوديه , بالسماح لليهود بالعمل في المملكه ,, والآن المنتجات اليهوديه ماليه الاسواق العربيه,, وأنتم في هبالتكم القديمه ,, لم تعوا الدرس ,, كل الدول العربيه والاسلاميه مطبعه مع إسرائيل ,, والدوحه التى ينام السودان في أحضانها ,, أميرها كل فتره في إسرائيل ,, وكل القيادات الاسرائليه في الدوحه ,, القاهره بها سفاره ومطبعه مع إسرائيل ,, وكذلك كل دول الخليج ,, وتونس ,, والمغرب ,, وليبيا ,, وموريتانيا ,, وإيران ,, وحتى السلطه الفلسطينيه ,, وكل الفلسطينيين, ولم أسمع بدوله معاديه إسرائيل غير السودان ,, في شنو ماعارف ؟؟؟ حيجيك واحد ناطى ويقول ليك اليهود , أعداء الله ,, ولازم نقاتلهم ,, ... يلا قاتلهم وحدك ,, كل العالم لن يقاتلهم ,, والله العظيم , عندما أخذت جوازى للجوازات في السعوديه لنقل المعلومات ,, تفاجأ العسكرى بأن جوازى مكتوب عليه ( كل الدول ماعدا إسرائيل ) الراجل إندهش ومرر الجواز لكل أصحابه وهم ينظرون إليه بإندهاش ,, وسألنى ,, إنتوا مالكم مع إسرائيل ؟؟؟؟ يا ناس إصحوا فالعالم قد تغيير ,,, ,, خلوا مصلحة البلد فوق كل شىء , مثلما تفعل كل الدول وكفايه هوان على الهوان الذى نحن فيه !!!

[مالك الحزين]

#1185429 [خالد القاضى]
4.50/5 (4 صوت)

01-11-2015 09:26 AM
ماذا حدث بعد ان قدمه لكم نظيره الأمريكى ؟ هذا هو الخبر !!

[خالد القاضى]

ردود على خالد القاضى
[جركان فاضى] 01-11-2015 10:29 AM
ماذا حدث؟ ولاشئ...اصلا السفير الاسرائيلى لو ما تمت دعوته تحت تحت لما اتى المعرض


#1185424 [باكاش]
3.50/5 (3 صوت)

01-11-2015 09:21 AM
فكرة المعرض من اساسو خطة دبلاماسية سياسية من الكيزان لاصطياد السفير الامريكى والاسرائيلى لتاسيس حوار وعلاقة تحت الطربيزة لاتقاء شرهم فى هده المرحلة الحرجة لانو ما منطق يخلى السودان الملتهب فى الاربع اركانو عشان يعمل معرض فى دولة ثلثين سكانها هربو من بلدهم وترزح تحت الفقر المدقع..ما خلاص اريتريا اصبحت حديقة خلفية للسودان.
تقشو منو يا كيزان؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[باكاش]

#1185411 [أبوقرجة]
4.41/5 (6 صوت)

01-11-2015 09:09 AM
فيها شنو يعني ما يزور السفير الاسرائيلي المعرض السوداني ... الكلام دا في اريتريا ..... هو الطائرات الاسرائيلية تدخل السودان تضرب وتمشي ومافي زول بقول ليها حاجه ..... يعني خلاص جات على السفير ........ مع إحتمال يكون السفير جاء بالليل وقت صلاة العشاء وطافي الأنوار علشان كده ما شافوه...

[أبوقرجة]

#1185404 [كردفاني]
3.50/5 (3 صوت)

01-11-2015 09:05 AM
اهن وبعدين حصل شنو دقوو ولا خلو يطلع ساكت بعدما اشتري منهم ملوة ويكة وزيت سمسم وبسكويت بركة
هو معرض يعني مخصص لجميع

[كردفاني]

#1185397 [الحقيقة المرة .]
4.50/5 (3 صوت)

01-11-2015 08:59 AM
كل الدول لها علاقات سرية او علنية مع اسرائيل ربنا حلل الميتة اكل الحرام ، نحن نريد ان نعيش في بلدنا يا شعبي الفضل وهذا لهو خبر عادي وهم بنو اسرائيل هم بني سيدنا يعقوب عليه السلام فما الضير في ذلك ان يقوم السفير الاسرائيلي بزيارة معرض المنتجات السودانية على الحكومة السودانية ان تتعاون مع الجن من اجل مصلحة وحياة اهلنا لكن في حدودنا الاسلامية . والله اعلم،،،،،

[الحقيقة المرة .]

ردود على الحقيقة المرة .
European Union [احمد ابو القاسم] 01-11-2015 10:51 PM
ان تتعاون مع الجن من اجل مصلحة وحياة اهلنا لكن في حدودنا الاسلامية .
غايتو... عليك جنس نطاعه ولواطه تحير يالحقيقه المره والأمر منها انك ارهابي .

United States [الحقيقة مرة] 01-11-2015 08:17 PM
يا جركان دا ديك عدة مفصوم منتحل شخصية افتراضية انا اقتنعت لكن هو ما عايز اقتنع

[alsudany] 01-11-2015 12:08 PM
عليك الله الاخوان ديل ما اخير منهم اليهود
والله ديل اسوأ من مشى على الارض
كذبوا يأسم الله فسخطهم

[حامد] 01-11-2015 11:13 AM
ياخي هو الفلسطينيين عندهم علاقات مع اسرائيل ، وحياتم كلها معتمدة علي الخدمات البتقدمة ليهم الدولة اليهودية ، وناسنا دايرين يعملوا فيها اصحاب قضية اكتر من اصحاب القضية الاصليين!

[جركان فاضى] 01-11-2015 10:32 AM
يا الحقيقة المرة يا حبيبى...مالك اليوم غير عادتك...هل نسيت المسجد الاقصى وتهويد القدس


#1185388 [الأشــعــة الـحــمــراء]
5.00/5 (2 صوت)

01-11-2015 08:54 AM
فـرصـة .. يـا صـحيـفـة(السوداني - مؤتمر وطني ) .. لمـبـادرة إنـسـانـيـة يـمـكـن إسـتـغـلالـهـا مـن قـبـل ( حـاج مـاجـد سـوار) لأسـتـقطـاب مـدخـرات المـغـتـربـيـن الـسـودانـيـيـن فـي إسـرائـيـل .. لـدعـم خـزائـن المـؤتـمـر الـوطـني لمـجـابـهـة نـفـقـات و مـنـصـرفـات عـملـيـات الـتـزويــر .. و عـمـلـيـات الرشــاوي .. لـمـا يـدعـونـهـا بـلأنـتخـابـات ..!!

[الأشــعــة الـحــمــراء]

#1185387 [habbani]
4.00/5 (1 صوت)

01-11-2015 08:54 AM
المذكور من الشركات والمنتجات لا يرقى لمستوى الإغراء لجذب المشترين أو المنتجين ؟
الا توجد منتجات غذائية كتعليب الخضر والفاكهة أو محاصيل زراعية أو نموذج لللحوم المبردة واللحوم الحية ولا نموذج للجلود المصنعة أو الجلود الخام ولا توجد منتجات لشركة جياد أو الصمغ العربى ولا أسماك النيل أو اسماك البحر بمسمياتها المختلفة ولا نماذج الشعب المرجانية مع الأفلام التوضيحية للسياحة .
يا صلاح عمر الشيخ لو جبت نوبات شبشة والطلحة وصورت القباب كان أحسن للسياحة .

[habbani]

#1185386 [مدحت عروة]
4.75/5 (3 صوت)

01-11-2015 08:52 AM
طبعا الخطوط السودانية هى فخر الانقاذ التى صارت تربط السودانيين بكل قارات العالم وفاقت خطوط العالم اجمع حتى الاثيوبية وطيران الامارات والقطرية وهلم جرا!!!
كسرة: ما لازم الخطوط السودانية تكون احسن شركة فى العالم لان الانقاذ خلت السودان فاق العالم اجمع فى جميع المجالات طبعا بعد ما وقفت الحروب وعملت استقرار سياسى ودستورى وسلام وامن فى البلد!!!
كسرة تانية: اكتب هذا التعليق وانا طبعا عايش فى كوكب المريخ وبتلقى معلوماتى من تلفزيون السودان !!!يالا غنوا وارقصوا للاستقلال والتقدم والتطور ما اصلا الغناء والرقيص هم البيطوروا البلد ويخلونا نحب البلد وليس البناء السياسى والدستورى البيقوم على الحرية و الديمقراطية وفصل السلطات ودولة القانون والمؤسسات!!!

[مدحت عروة]

#1185368 [ALi Elarifi]
0.00/5 (0 صوت)

01-11-2015 08:38 AM
Where is sudan security?

[ALi Elarifi]

#1185365 [جركان فاضى]
5.00/5 (1 صوت)

01-11-2015 08:37 AM
خلاص بكرة الضربة بتجيكم...حيكتب لحكومته ان السودان يصنع مواد كيماوية يمكن استخدامها فى الغازات السامة

[جركان فاضى]

ردود على جركان فاضى
United States [الحقيقة مرة] 01-11-2015 06:50 PM
اكونو جو اشوفو الصناعة بالنظر دي كيف كمان


#1185350 [Salah AL Deen P]
0.00/5 (0 صوت)

01-11-2015 08:18 AM
اها وناس معرض المنتجات السودانية عملوا شنو !! عملو دبل كيك في الجو ولا عملوا شنو بالضبط؟؟

[Salah AL Deen P]

#1185318 [على كامل]
5.00/5 (1 صوت)

01-11-2015 07:16 AM
مالفرق بين ان نبيع منتجاتنا لاسرائيل او للصين أو للاكوادور . التجارة والبيع والشراء لاعلاقة لها بالدين . اسرائيل يمكن ان تبيع لينا الغاز الذى رفضت مصر مجرد مناقشة بيعه للسودان .

اتمنى ان يكون فى السودان نظام سياسى يفهم الحاصل فى العالم ويعمل لصالح البلد .

[على كامل]

ردود على على كامل
United States [باكش] 01-11-2015 10:01 AM
الفرق انو كيف نبيع الويكة والطلح ل خيبر خيبر يا يهود جيش محمد سوف يعود؟؟
ومنو يشترى ويكة من دولة محاصرة اقتصاديا وسياسيا ورئيسا مطالب للعدالة الدولية؟؟
واسرائيل كيف تبيع لينا غاز وهى تشحدوا من مصر ؟؟
دجاج الكترونى يها ..
تانى ما تجى راكوبة.


#1185315 [أبو مـنير]
0.00/5 (0 صوت)

01-11-2015 07:06 AM
عادى
إن شاء الله استقبلتوه كويس

بعدين ورونا هل مدير شركة (سودا أكسبو) المنظمة، صلاح عمر الشيخ
ولا صلاح الشيخ عمر

ولا الخبر على الطريقة السودانية؟؟؟؟

[أبو مـنير]

#1185307 [قدرو قدرو]
0.00/5 (0 صوت)

01-11-2015 06:53 AM
يا الصحابة الجدد يا ورثة جهاديى داعش الصيدة السمينة دى ما جاتكم فى محلكم والرقاص ووزير دفاعه قالوا سنحتفظ بحق الرد طيب السفير الاسرائيلى ده ما جاكم مع ودعمه الامريكى ما كان تقشوهم الاتنين وتمسحوا بيهم الواطة عشان اسرائيل تشد ليكم البليلة فى شدوقكم وتشيلكم جبل مرةبدون وقاية حقارتكم ورجالتكم بس فى مساكين دارفور وجنوب كردفان والنيل الازرق وعن طريق الطائرات انتو كان رجال صاح لاقوا ناس دارفور راجل مع راجل وانا جاهز لملاقاة نافع او امين حسن عمر والله لو فى واحد داعشى كان عندو خبر السفير الاسرائيلى ده كان يا كلاب انتو الان من الرقاص الى اصغر جرقاس فى حراسة تل ابيب.

[قدرو قدرو]

ردود على قدرو قدرو
European Union [ود القبائل] 01-11-2015 09:55 AM
انت يا قدرو خلى امين ونافع وهم ما مندسين منك اكان صاح دايرن كنت لقيتن لكن عليك الله شيلك بندقية وامش جبل مرة ما تلبد ورا الكى بورد وتقعد زى الكلبة الوالدة تنبح ابقى راجل وامرق لى برة . رجال اخر زمن ( عاين ده الخشيم دايما ينط متشالق امرق لى جبل مرة مالك ماك بالغ ).


#1185291 [هيكل]
4.75/5 (3 صوت)

01-11-2015 05:50 AM
مرحب بسعاده السفير في معرض السودان

[هيكل]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة