الأخبار
منوعات سودانية
ندى القلعة : أنا ما غنيت في إسرائيل عشان تهاجموني كده
ندى القلعة : أنا ما غنيت في إسرائيل عشان تهاجموني كده
 ندى القلعة : أنا ما غنيت في إسرائيل عشان تهاجموني كده


01-12-2015 10:34 PM
الخرطوم - أيمن كمون

أبدت الفنانة ندى القلعة غضبها الشديد من الانتقاد الذي وجه لها بسبب سفرها إلى دولة الجنوب لتقديم حفل غنائي وقالت: (تمت مهاجمتي وكأنني سافرت لأداء حفل في دولة إسرائيل رغم ارتباط الشعب الجنوبي بشعب السودان وجدانيا)، مشيرةً إلى أن الانفصال الذي حدث في السودان هو في الخريطة فقط.

وقالت ندى في تصريح صحفي نسب إليها: (إنها كفنانة لا تلتفت للشائعات كثيراً، لافتةً أن الشائعات هي دليل نجاح، وأنها تعودت خلال مسيرتها على أن تهاجمها الشائعات ويوجه إليها النقد).

واضافت ندى: (أصبحت الشائعات لا تهزني لثقتي التامة في نفسي وفي وعي الشعب السوداني الذي يستطيع أن يميز بين الحقيقة والشائعة

التغيير


تعليقات 18 | إهداء 0 | زيارات 15794

التعليقات
#1193571 [زوله]
5.00/5 (1 صوت)

01-22-2015 05:38 PM
بالمناسبه ندى دي زوله مابعرفها الإتعامل معاها بصوره مباشرة وانا بقول زولة مـــــــــــــــــــــادية وبقولها بالصوت العالي يالبتدافعوا عنها الفنان ماصوره بس لازم يكون عندو فهم واحساس وتعامل ماعلينا في النهاية الغنى حرام سواء غنت قي الجنوب او في اسرائيل لو بالجد بتحبوا ليها الخير ادعوا ليها بالهداية

[زوله]

#1192536 [عتمني]
2.50/5 (2 صوت)

01-21-2015 11:09 AM
ندى القلعه دى بنت قاهره مافى زول بقدر عليها ولسانها طويل وعندها body guard اذا الحكايه سخنت دحين اعملوا حسابكم.

[عتمني]

#1187553 [abo]
2.58/5 (7 صوت)

01-14-2015 12:44 AM
انتو كان رجال بصح بتفرطوا في ثلث مساحة البلد ببترولها وتجوا تتفاصحوا مع مرة مشت تغني في الجنوب ؟ ما تمشي تغني ان شاء تغني في جنوب افريقيا .امراة فاهمة وردت عليكمم بكلام في غاية المنطق .

[abo]

#1187525 [nagatabuzaid]
3.54/5 (6 صوت)

01-13-2015 10:54 PM
لا اعرف ندى القلعة ولا اى واحدة من الفنانات والفنانين الحاليين ولم اسمعها وصدقا لقول العزيزة( رانيا) كنت الخريف قبل الماضى فى السودان وذهبنا لمساعدة سكان الاحياء مثل سوبا الاراضى والفتح وكنا نتعامل مع المواطنين مباشرة وسكان الفتح النساء منهن قالوا لينا جاتنا الفنانة( ندى القلعة ) ووزعت علينا مساعدات وبكت معانا لما شافت حالنا وكانوا مبسوطين منها جدا لانها قدمت اشياء قيمة اذن هى انسانة وتشعر وتحس بمواطن بلدها وتستحق الاحترام المنتقدين لها ماذا قدموا للمواطن والوطن ؟ الله سبحانه وتعالى هو المسؤول ان يحاسبها ويحاسبنا وايه الغرابة فى ان تسافر لتغنى فى جوبا فى زواج ابن سلفاكير او اى مواطن عادى وللعلم سلفاكير شقيقته تزوجها شمالى ثرى وله ابن مسلم نحن دولة واحدة واخوة والانفصال بياخة سياسية
معليش يا ندى انت شخصية عامة فاحتملى واحيى فيك ردك واحيى فيك مساهمتك لاسعاد انسان وطنك بدون اضواء فوالله لولا حديث نساء الفتح لما عرفنا عنك شىء وحاشاك ان تغنى فى اسرائيل رغم انها حرية شخصية مع تحياتى

[nagatabuzaid]

#1187495 [الزلال بت الشمال]
4.16/5 (6 صوت)

01-13-2015 09:40 PM
الله يلعنك فى الدنيا والاخرة

[الزلال بت الشمال]

#1187415 [أبو سارة]
2.60/5 (7 صوت)

01-13-2015 06:00 PM
أها وسلفا كير (( مبسوط منك )) ؟؟؟ زي ( الشريف مبسوط مني ) !!!!!!

[أبو سارة]

#1187369 [تينا]
2.56/5 (9 صوت)

01-13-2015 04:25 PM
يعنى العرس الغنت فيهو دا حق ولد سلفاكير يا (((محجوب معنى))) اخوى وانا لما شفت الصورة قلت أكيد ندى ما بتغنى الا فى عرس فخم ذى دا وقلت يا ربى دا منو (((المريش))) دا اتاريهو عرس ولد الرئيس والرئيس بنفسه قدم ليها الدعوة ايامك يا ندى ... تحياتى اخى محجوب

[تينا]

ردود على تينا
United States [محجوب عبد المنعم حسن معني] 01-13-2015 10:32 PM
سلام اختنا الكريمة تينا
تحياتي
كيف الاخبار ،بالصدفة زوج اختي وراني مقطع للعرس، حاجة فخمة، ود الرئيس سلفاكير والصالة كمان رائعة وقالو دفعو ليها مبلغ محترم.
مع مودتي


#1187236 [حسون]
2.58/5 (8 صوت)

01-13-2015 01:25 PM
كمان ليها الحق ندويه تزعل منكم يا ناس الراكوبة شوفوا ليكم موضوع غيرها وخلوها تشوف رزقها انتو الحارقكم شنو بعدين الجنوبيين ديل وين كانوا جالسين مش معانا الجديد شنو يعني عشان مشت غنت ليهم لا يهمك يا ندويه غني من الجنوب لحدي ما تصلي بلاد الواق الواق ديل حاقدين عليك عشان شافوا اللكزيز وموبايل الذهب اعملي حسابك منهم ؟؟؟؟

[حسون]

ردود على حسون
Russian Federation [رانيا] 01-13-2015 03:02 PM
في ناس مفتكرين إنهم بعيدين شديد من الجنوب يا حسون ومصدقين إنهم إتحلوا بحكاية الإنفصال دي . هم ما كانوا جالسين معانا وبس هم كانوا أهلنا .


#1187229 [محجوب عبد المنعم حسن معني]
2.60/5 (8 صوت)

01-13-2015 01:16 PM
سلفاكير بنفسه قدم ليها الدعوة عشان تغني في عرس ولده

مع مودتي

[محجوب عبد المنعم حسن معني]

#1187228 [حسون]
2.56/5 (8 صوت)

01-13-2015 01:15 PM
يا جماعة والله انتو ناس حقدين علي ندي خلوها في حالها ده رزقها لو غنت في الجنوب ولا اسرائبل كله واحد في النهاية تأخذ العداد حقها وتروح والجنوبيين ما قصروا معها اعطوها كوم مراح البقر علي تصدق بيه علي ناس الخرطوم برضه دي فوق للبيعه كمان والسيد سلفا طبعا شبعان اكثر من الشريف الشغل دولار فقط مش عمله محليه خلوها تجدع ندويه دي ؟؟؟؟

[حسون]

#1187173 [ابوهاني]
2.58/5 (7 صوت)

01-13-2015 12:00 PM
ندوية الجميلة انتى عسل مصفي وشنو يعنى كان غنت في الجنوب ما تغني ياحاقدين

[ابوهاني]

#1187104 [الحدقنو]
2.58/5 (9 صوت)

01-13-2015 11:02 AM
بس ورينا المرة دي غنيتي لي منو : سلطان النوير وللا رث الشلك وادوكي كم بقرة ، وناس الزكاة شالوا منها كم تور ؟؟ طبعا الجنوب ما فيهو لكزس ، بقر ساكت . يعني الكلاكلة حا تشبع لبن ، وللا انت سبتي الكلاكلة ومشيتي الخراتيم؟؟

[الحدقنو]

#1187051 [جني]
4.60/5 (7 صوت)

01-13-2015 10:16 AM
يا ولية ؟؟ اصبحنا بي الله

[جني]

#1186991 [emy]
2.57/5 (8 صوت)

01-13-2015 09:29 AM
المره دي مشيتى للشريف كير ولا الشريف تعبان دينق ؟؟؟؟؟؟

[emy]

#1186955 [ام احمد]
2.58/5 (7 صوت)

01-13-2015 09:03 AM
الناس فى شنو والحسانيىة فى شنو ماتغنى فى اسرائيل ولا الجنوب يعنى شنوفى النهاية غناء نسأل الله الهداية

[ام احمد]

#1186916 [طارق الباز]
2.58/5 (11 صوت)

01-13-2015 08:39 AM
الرياضة والفن دبلوماسية لا تعرف العداء

[طارق الباز]

#1186903 [ممغوص]
2.57/5 (8 صوت)

01-13-2015 08:27 AM
ياربي بكون في شريف في الجنوب؟؟

[ممغوص]

#1186868 [الفنجري]
2.60/5 (7 صوت)

01-13-2015 07:54 AM
أول مرة ندى القلعة تثبت وطنيتها وتكبر في عين الجمهور.

[الفنجري]

ردود على الفنجري
United States [رانيا] 01-13-2015 02:56 PM
والله ما أول مرة أنا أشهد بأنها دخلت في الطين وأرجلها غرست في الأوحال ووصلت متضرري السيول وساعدتم لمن الرئيس الكيشا كان في الطيارة حايم .



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية






الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة