الأخبار
أخبار إقليمية
صلاح كرار: أنا من أخرجت «النفط» وقيادات بالوطني تآمرت ضدي
صلاح كرار: أنا من أخرجت «النفط» وقيادات بالوطني تآمرت ضدي
 صلاح كرار: أنا من أخرجت «النفط» وقيادات بالوطني تآمرت ضدي


01-13-2015 11:56 PM
الخرطوم: عمار محجوب :

اتهم العميد «م» صلاح الدين كرار العائد إلى المؤتمر الوطني قيادات بالحزب لم يسمها بالتآمر عليه وإبعاده عن العمل التنفيذي بالبلاد بسبب مواقفه القوية على حد تعبيره، وقال إن اختياري سفيراً للخرطوم بمملكة البحرين قصد منه إبعادي عن السودان نهائياً، وأضاف كرار أنه عاد للوطني لكي يستمر في برنامج الإصلاح ومعالجة ظاهرة «الكنكشة» في المناصب التي أصابت الحزب،

مؤكداً تمسكه بمواقفه السابقة، وأردف أن عودتي لقطع الطريق أمام قيادات في الوطني ليست حريصة على الإنقاذ قال إنها تسعى لملء الفراغ الذي خلفه خروجه من الحزب، ودافع كرار عن المذكرة التي قدمها ضمن قيادات بالوطني آنذاك لرئيس الجمهورية والتي تم بموجبها تجميد عضويته بالحزب وقال إن المذكرة رسمت خارطة الطريق للإصلاح بالحزب، مشيراً إلى أنها كانت سبباً في تكوين لجنة لهذا الغرض وقال إنه من أخرج النفط. وقدم كرار أ ثناء حديثه في برنامج «بصراحة» بفضائية الخرطوم أمس الأول إقرار ذمة على الهواء وقال إنه يمتلك منزلين بالخرطوم وبورتسودان وقطعة أرض، وشدد على ضرورة تفعيل قانون من أين لك هذا لمكافحة ظاهرة الفساد، وتحدى كرار أن تثبت أي جهة وجود فساد في الوزارات التي تقلد فيها منصب الوزير وقال أي زول يملك وثائق أو مستندات تثبت ذلك فليقدمها على الفور ولن أقاضيه.

اخر لحظة


تعليقات 29 | إهداء 0 | زيارات 4958

التعليقات
#1188290 [fatmon]
0.00/5 (0 صوت)

01-15-2015 04:37 AM
بالمره ما ترشح نفسك رئيس أصلها بقت لكل من هب ودب زيكم يا جهله
إنتوا فالكرين السودان عدمان الراجل وإنتوا النسخ الوحيدة الصالحة
ما عارفين الناس زاهده في نظام خلى البلد خرابه خرابه وخزن فاضيه وديون ربويه

[fatmon]

#1188289 [fatmon]
0.00/5 (0 صوت)

01-15-2015 04:32 AM
يعني ماجاي تكنكش زيهم عندك كنكشه من نوع خاص

إنت عليك الله بعد جريمتك التي تقشعر لها الأبدان عشان الكنكشه ومآلات الكنكشه كان صميت خشمك وقعدت بعيد ما أحسن
والله ولا واحد من الشعب السوداني النظيف عفيف اليد واللسان ما حيسامحك على الإجرام والظلم والموت في سبيل اللا شيء يا نكره
وبعدين بالله إنت طلعت البترول من بيت أبوك يعني ولا أختراع ولا حكاية المن الشغالين فيه ده ما تبطلوه يا جهله ويا ريتو لو في حقيقه ولا بامكانيات خاصة بيكم دي كانت وظيفه الشعب بيدفع راتبها وكمات فشلت فيها

[fatmon]

#1188233 [الأزهري]
0.00/5 (0 صوت)

01-14-2015 10:56 PM
يعني عشان كنت رئيس اللجنة الاقتصادية بتاعة مجلس قيادة الانقلاب وتم استخراج البترول وقتها تطلع انت الأستخرجته؟ يا خي لجنتك دي لم تنجز غير اغتيال مجدي محجوب وجرجس طمعاً في حفنة دولارات وقصدتوهم لأنكم أنتم الذين كانوا تجار عملة قبلهم ومتأكدين عندهم شوية منها حتى أنكم لما ما قبضوهم يتجاروا بيها وإنما في حوزتهم فقط برضكم طبقتوا عليهم عقوبة الاعدام التي ينص قانونكم الذي فصَّلتوه خصيصا على تجار العملة غيركم لتصفيتهم ليخلو لكم الجو. أما البترول والذي بدأه النميري مع شفرون والذي جمده حفاظاً على ثروة البلد من ابتزاز الشركة الامريكية ولما جيتوا انتو نفذتو شروط الشركة وشروطها الجزائية والتى قام بتنفيذها وسدادها الملياردير الكوز عبد الله جارالنبي والذي تآمرتم عليه مع الجاز لأنه غرابي وغدرتم به وأبعدتوه من استثماراته في البترول الذي استخرجه بماله واستوليتم على المصافي واحتكرتم استثماراتها حتى اضطررتموه إلى إعادة تصدير مصافيه بعد أن وصلت في بورتسودان - فإذا كان هذا شأنكم مع إخوانكم في العصابة التي استولت على السلطة فقد كان لكم ِأن أقبح فيما بينكم لاحقاً فيما بينكم طيله هذه السنين العجاف والتي حرمتم فيها الشعب صاحب الحق حتى من أن يشم رائحة بتروله الذي استمتع به بعضكم وحولوا عائداته إلى استثمارات وعقارات في ماليزيا ودول الخليج والغرب وأنت بالذات قد شربت من ذات الكاس الذي والسم الذي قتلت به مجدي وجرجس بل وطردت من حزبهم الحاكم - فكيف ترضى لنفسك أن تعود إليهم إذا كنت من استخرج البترول واستنفع به غيرك؟ وبعد هذا كله سوف تحاسب على جريرة تقويض الدستور الشرعي الديمقراطي ولا يشفع لك أنك استخرجت البترول رغم أنك تستفد منه شيئاً وتنعم به غيرك فكلكم لصوص وحرامية ليل.

[الأزهري]

#1188101 [Salah Elhassan]
5.00/5 (1 صوت)

01-14-2015 05:29 PM
نرجو من صلاح دولار ان يرجع لينا الدولار مثل ما كان فى العام 1989 او يعدم مثل ما اعدم مجدى وجرجس و ايضااعدم الاقتصاد السودانى و الشعب السودانى ...!!!!

[Salah Elhassan]

#1188099 [كدي دقيقة بالله]
5.00/5 (1 صوت)

01-14-2015 05:27 PM
"صلاح كرار: أنا من أخرجت «النفط» وقيادات بالوطني تآمرت ضدي"

يا جماعة الغنماية دي جنت ولا شنو؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[كدي دقيقة بالله]

#1188068 [أبوديدى]
5.00/5 (1 صوت)

01-14-2015 04:38 PM
صلاح دولار لعنة الله عليك..
أحد أسباب بداية الخراب..
وليه هسه العوده ؟!
يكون أغراك
أرتفاع سعر أبوك الدولار
وعدم نزولو ؟!!
جيت تتم باقى الخراب..

[أبوديدى]

#1187942 [شار الرماز]
4.88/5 (4 صوت)

01-14-2015 01:30 PM
انت لم تكن سفير للسودان بالبحرين انت كنت تاجر لنفسك عارض الصمغ والفول والسمسم في مكتب السفاره واصبحت سوق للمحاصيل والمنازل المسجله باسم زوجتك انعام الشاذلي والمجوهرات والذهب الذى تمتلكه والسيارات لماذا لم تبري عليها الذمه الم تكن من املاك كل صغيره وكبيره مرصوده يا سيادة العميد اى مواطن سودانى مقيم معنا هنا بالبحرين كان يعرف تجارتك وصفقة الكركدى الشهيره والشاحنات الالمانيه مان وادخالك لها وعملها فى نفل البترول بين ولايات السودان المختلفه وصفقة سوداتيل الحفريات والكيبلات الحمدالله انك رجعت لموقع المحاسبه حتى تكون قريب

[شار الرماز]

#1187935 [م.إ.س شرقاوي]
5.00/5 (1 صوت)

01-14-2015 01:27 PM
انت رجل كذاب يا تاجر الدولارات وسمسار السكر والحديد الخردة ,, ما خرب الاقتصاد الا انت وامثالك وما دمر الزراعة الا اشباهك وانت والآن تحاول العودة لتكملة مسيرة المتاجرة بالعملة والسكر والحديد الخردة!؟؟
كفى الله السودان واهله شرك

[م.إ.س شرقاوي]

#1187928 [أبوقرجة]
5.00/5 (1 صوت)

01-14-2015 01:17 PM
اللهم أرحم مجدي ..

[أبوقرجة]

#1187820 [ربوع السودان]
5.00/5 (1 صوت)

01-14-2015 11:05 AM
وين تروح ياقاتل الروح

[ربوع السودان]

#1187797 [Abdo]
5.00/5 (1 صوت)

01-14-2015 10:43 AM
ده ظهر من وين تاني ،، أصابه الفلس و الا شنو ؟ بعدين العندو وثائق فساد ضدك لن تقاضيه و الا هو البقاضيك ؟؟؟ شي عجيب و الله ،،

[Abdo]

#1187777 [زول مقهور]
4.50/5 (2 صوت)

01-14-2015 10:23 AM
اتلهى على عينك !!!!!!!!!!ده انتم حثاله

[زول مقهور]

#1187734 [smb]
4.00/5 (2 صوت)

01-14-2015 09:28 AM
صلاح دولار لضبط الدولار سوف تلحق بك اللعنة بسبب اعدام مجدي و جرجس

[smb]

#1187731 [عبدو]
5.00/5 (3 صوت)

01-14-2015 09:26 AM
والبيوت المسجلة باسم المدام والاولاد كم

[عبدو]

#1187724 [ود السودان]
4.50/5 (2 صوت)

01-14-2015 09:15 AM
البترول إستخرج من قبل شركة شيفرون وذلك في عهد الراحل النميري في السبعينات وهذا موثق وحتى بئر الوحدة وأغلب آبار البترول والتي سرقها ناس الإنقاذ ولكن تخطيط الإنقاذ الغبي ركز على نفط الجنوب ظناً منهم أن هذا يرضي الجنوبيين على الوحدة والتوحد حسب ما ذكره سيلفا كير في أمبده أن الوحدة هي رغبتهم أمام البشير وخدع الكيزان .

[ود السودان]

ردود على ود السودان
European Union [Ema] 01-14-2015 09:01 PM
كلام صاح ميه الميه البترول طلع فى عهد مايو وكان وزير الطاقة و وش الخير مامون عوض ابو زيد عليه الرحمة


#1187711 [البدرنجي]
5.00/5 (1 صوت)

01-14-2015 09:08 AM
اولا يا صلاح دولار النفط طلعوهو الامريكان زمن نميرى لاانت ولا واحد في الانقاذ يقول طلع البترول الذى نهب ولم يشاهده او يستمتع به المواطن السودانى بعدين اخبار رخصه التخليص بتاعتك شنو اوعك تكون خلصت الحاويات بتاعت الحبوب لكن الرخصة دى حتلقى في اول يوم لكنسكم يا بتاع الدولار

[البدرنجي]

#1187709 [مغبون]
5.00/5 (1 صوت)

01-14-2015 09:06 AM
سمسار الدولار صلاح دولار اقصد صلاح كرار قروش جرجس وديتا وين يا حرامى ياارزقى الله انتقم منك

[مغبون]

#1187705 [babo]
5.00/5 (1 صوت)

01-14-2015 09:01 AM
ابراء الذمة ليس في البيوت بل في القلوب وهل أنت مستعد للخضوع لتنويم مغناطيسي حتى يسمع العالم ما نهبت وما لديك وان ابراء الذمة يصلح في الدول الديمقراطية المتقدمة وليس في دول يتم فيها تسجيل البيوت والمصانع بأسماء آخرين وللأسف لا تحقق الجهات المعنية مع الذين تسجل بأسمائهم هذه العقارات ومن أين أتوا بمالها .. وهل أرجعت يا كرار مافي ذمتك من دولارات لمجدي محجوب بل غدرت به عندما طالبك بانهاء هذا العمل التجاري ... أنت مجرم بدون ضمير ومصيرك الاغتيال

[babo]

#1187704 [جركان فاضى]
5.00/5 (1 صوت)

01-14-2015 09:01 AM
يعنى رجوعك للمؤتمر الوطنى يعنى استغفارك ورجوعك للحق؟

[جركان فاضى]

#1187689 [جار سوطو]
5.00/5 (1 صوت)

01-14-2015 08:53 AM
يملك فقط منزلين بالخرطوم وبورت سودان +قطعة أرض ( واقعة وين ما قلت لينا ) وكان حسب معلوماتنا يسكن في بيت ايجار بالحلة الجديدة قبل الانقاذ . السؤال : م ن أ ي ن ل ك ك ل ه ذ ا ؟ ؟ ؟معليش عرفت الاجابة الان : انت ما الطلعت البترول ، ولو خلوك شوية في البلد كنت طلعت روح أبوه ذات نفسها.

[جار سوطو]

#1187687 [وشوشة]
5.00/5 (1 صوت)

01-14-2015 08:51 AM
قول عمارتين

[وشوشة]

#1187684 [مبارك]
0.00/5 (0 صوت)

01-14-2015 08:49 AM
بسم اللة والصلاة والسلام علي رسول الله نسال اللة ان يمن علينا بالامن والسلام وان نترك القيلا والقال وكثرة السؤال وان نضع ايدينا ايد علي ايد وكلنا ابناء وطن واحد ودين واحد لماذا لا يكون هدفنا رفعة الوطن ومقدراته وان نجلس ونتفاوض وبيت الشوري ما بيخرب وان نكون سدا منيعا امام اصحاب النفوس الضعيفة من اجل المواطن والوطن ولي ولكم التوفيق من الله

[مبارك]

ردود على مبارك
United States [Khalid Ali] 01-15-2015 02:11 AM
نحن وهذا المافون الذى اعدم ابننا مش من دين واحد هذا دينه الدولار ويعبد المال ، بيننا تار لابد ان يعدم احد ابناءه أمامه ثم يعدم وبعدها تعال يأخ مبارك نصلح الوطن من العفن والخرام الذى جلبه هذا العمبلوق .


#1187671 [عصمتووف]
5.00/5 (1 صوت)

01-14-2015 08:42 AM
لو كنت ضابط بحري هل كان ب استطاعتك منزل واحد بضواحي الخرطوم او بورسودان واستخراجك للنفط ف مناطق ملتهبة هو عين الغباء هو قرار غير استراتيجي وفلفسي اين هو البترول الان مراكز القوة موجوده وبكثر لن تستطع فعل شئ والايام بيننا

[عصمتووف]

#1187638 [سراجا الدين الفكى]
0.00/5 (0 صوت)

01-14-2015 08:01 AM
ولاهى ياكرار مش اكان اخرجت النفط, وانت انت اذا سنحت ليك الفرصة تخرج روحهم , وروحهم خارجة يتأمروا عليك, يااخى الناس ديل ما تختاهم, اختفيت زمن وتعود ليهم تانى, "الله يكذب الشينة ياود كرار" ديل امة ليس لها عهد ولاميثاق ولا شرف ولازمه ولاضمير ولا انسانية ولا شفقة ولا غيرة للوطن والمواطن, ديل امة اديهم الضرب بجميع انواعة ومشاربة, يعرفوا للضرب زى بتعرف انت للدولار بالضبط, ياخى فكونا نحن فاضين.

[سراجا الدين الفكى]

#1187634 [نيض التعب]
5.00/5 (1 صوت)

01-14-2015 07:46 AM
صلاح دولار عاد مُترقياً لصلاح بترول .. بس النفط الذي إستخرجته كاوش عليه (الجاز) ببنزينه و(جازه) وغازه .. طلعتّ (فارة) ما أكتر من كده.

[نيض التعب]

#1187633 [قدرو قدرو]
3.50/5 (2 صوت)

01-14-2015 07:44 AM
انا اخرجت النفط تخرج روحك زى ما خرجت ارواح مجدى وجرجس واركانجلوا والنفط النهبتوه ده الحمد لله مشى الجنوب

[قدرو قدرو]

ردود على قدرو قدرو
United States [المشروع] 01-14-2015 10:44 AM
ههههههههههه الله يجازي محنك يا قدر قدر خلى الرجال يتكلم
الراجل ما مصدق رجع للأنقاذ المرة الجاية يقول ان طلعت انا طلعت البت ديك الوقعت في البير من البير وبعده يقول انا الذي اسست الانقاذ وبعدها يقول ان طلعت بترول السعوديةوالبحرين .. الراجل عايش في فترة عدم وزن وعدم اتزان
بس الله يستر ما يقوم يبيع ناس الاصلاح الان الى المؤتمرالوطني عشان كدا على حزب الاصلاح الان يعملوا حسابهم ويغيروا شفراتهم السرية وخططهم ود كرار جاي متحمس المرة دي علي وعلى اعدائي


#1187587 [ٍSam-7]
4.38/5 (4 صوت)

01-14-2015 04:16 AM
و ماذا عن الأرواح التي قتلتها بسبب الدولارات

[ٍSam-7]

#1187584 [Khalid Ali]
4.69/5 (6 صوت)

01-14-2015 04:08 AM
وين دولارات د.جرجس المصادره اتحداك لو تجيب بلاغ من اى قسم شرطه انهم سلموها لبنك السودان انت سمسار ساكن الحله الجديده فى بيت ايجار لمن انقلبت على الديموقراطيه ويشهدوا عليك الجيران سمسار عمله دى بيشهدوا عليك ألفادنيه وكان لقبك ضابط الحركه بتاع العمله .

[Khalid Ali]

#1187580 [سكران لط]
4.50/5 (4 صوت)

01-14-2015 03:28 AM
النفط ياتو مش الشالو اهلو والا واحد تاني والله اسوا ما فعلتوه اخراج النفط لانو الشعب ما شاف منو حاجة غير جر علينا البلاوي دخول الصين براه مشكلة لانو النفط كشفو الامركان وهم ما بخلو حقهم

[سكران لط]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة