الأخبار
أخبار إقليمية
بسبب"زجاجات عرقي"...صدام بين قوة من جهاز أمن البشير ودورية شرطة بود نوباوي
بسبب"زجاجات عرقي"...صدام بين قوة من جهاز أمن البشير ودورية شرطة بود نوباوي
بسبب


01-14-2015 11:59 PM
الراكوبة – أم درمان هاجمت قوة من جهاز امن البشير، دورية تتبع لشرطة ودنوباوي، تقوم علي حراسة أسواق أمدرمان الكبري،

وقالت مصادر بالمنطقة لـ (الراكوبة) إن منسوبي جهاز امن البشير قاموا بضرب أفراد الدورية التابعة للشرطة، وحطموا عربة الدورية بالكامل.

ولفتت المصادر الى أن الاحداث وقعت اليوم عقب إلقاء القبض على بعض منسوبي جهاز امن البشير، بواسطة شرطة الأسواق، بعد ان وجدت بحوزتهم زجاجات "عرقي". وبناء على ذلك اقتادتهم الي قسم ودنوباوي.

ورجّحت المصادر أن تكون المجموعة التابعة لجهاز أمن البشير جاءت بدافع الانتقام لزملائهم الذين تم ضبتهم وهم يحملون زجاجات "العرقي".

واشارت المصادر الى ان اعتداء افراد جهاز امن البشير على قوة الشرطة، اوجد حالة من الهلع بين المواطنين، الامر الذي جعل ادارة الشرطة تدفع بأربعة عربات شرطة الي أسواق أم درمان، في اعقاب الاعتداء.


تعليقات 51 | إهداء 0 | زيارات 24419

التعليقات
#1189153 [بتاع البتاع]
0.00/5 (0 صوت)

01-16-2015 08:16 PM
هسي الفرق بينا وبين الصومال شنو ؟؟
قال البلد بتنفرط لو المؤتمر (الواطي) سقط !!!!!

[بتاع البتاع]

#1189045 [المغبون من الاسلاميين]
5.00/5 (1 صوت)

01-16-2015 03:34 PM
واجد زبون جا بيت بيت العرقي طلب كباية علي الماشي ست العرقي قالت لة وقفتا بيغ العرقي لاني حجيت ورد لها الزبون طيب انا لو حجيت وانا جداد حا اخلي الحداده .

[المغبون من الاسلاميين]

ردود على المغبون من الاسلاميين
[محمد احمد] 01-16-2015 08:17 PM
واحد جا لست العرقى قالت ليهو انت حق امبارح مادفعتوا تانى مابدينك وحقى ح اخلصوا منك يوم الموقف العظيم قال ليها انتى كان مره ربنا يقدرك تقولى كلامك ده يوم الموقف العظيم ههههه


#1189022 [زيكو]
0.00/5 (0 صوت)

01-16-2015 03:09 PM
جهاز الامن تم منحه صلاحيات فوق القانون يعني ممكن القتل يكون علي مستوي تصفية حسابات شخصية وينسب لحماية امن البلاد وقبل اعطائه صلاحيات اصلا كان يتجاوز القانون فمابالك الان!!!!!!!! شعب غريب الاطوار وجعجاع في الفارغة انا الشافوه خلو ... وانا الكيك ... وانا التمساح وانا ال........... وفي الحارة والمظاهرات الطلابية يلوذ ذوي العمائم بالفرار .....

[زيكو]

#1188950 [nagatabuzaid]
5.00/5 (1 صوت)

01-15-2015 11:31 PM
يا جميع المعلقين فى الموضوع ده الله يديكم العافية لمشغوليات كثيرة اليوم دخلت الراكوبة الان على اساس مرور على عناوين الاخبار للتعب والنعاس بس لقيت الموضوع (السكران لط ده ) مع استئذان سيد الاسم
ومررت على تعليقاتكم الطريفة والنكات فتحتوا لى عيونى وصنقرت لكم التحية جميعا

بالنسبة للعرقى و الامنجية افتكر انه شىء ضرورى وهام لهم هل ما يقومون به من تعذيب واغتيالات وحرق بالنار وذبح ورمى فى النهر ومشاركة اخوان نافع فى تعذيب انسان مسكين حتى الموت تعذيبا وبشاعة ما يقومون به تفتكروا انسان بنى ادم سوى يقدر يقوم بما يقومون به ؟؟ لازم يكونوا سكارى وحيارى ومساطيل لا يوجد انسان سوى يغتصب بنى ادم الا يكون تحت مؤثر عقلى
خلاص يا ناس الشرطة هم يسكروا وانتو اكفشوهم وشعللوها
شايفة المعلق Kudu وصف طريقة متطورة لعمل السجمى وبذلك لا تستغربوا اذا خصصت مساحات فى مكاتب الامن لمصانع العرقى يعنى تحويل مبانى الامن الى (اندايات ) الله يرحمك استاذ الطيب محمد الطيب لقد تطورت الاندايات فاصبحت اجهزة امنية محمية ومن يكشفها ياخد علقة سكرانة لط

[nagatabuzaid]

ردود على nagatabuzaid
United States [nagatabuzaid] 01-16-2015 10:03 PM
سكرة ينى قالوا كانت بتخليه يمشى ويغنى لكن سكرة الامنجية بتخليهم يمشوا ويعذبوا يمشوا ويسحلوا ويغتالوا ويغتصبوا عكس ينى المن اسمه انه خواجة نصرانى متصالح مع نفسه والاخرين فكان يمشى ويغنى ابتهاجا

United States [محمد احمد] 01-16-2015 08:47 PM
والله ده ظلم يشبوا فينا شامبيون وهم يشربوا العرقى المصادرنوا من حاجه مستوره بعد يغرموها ويشيلوا القروش بتاعتها لكن بينى وبينكم انا متفائل يمكن لما يسكروا ينحازوا للشعب فى شارع المطار ويرشهم بالبيره السااااااقطه

[محمد احمد] 01-16-2015 08:18 PM
أناشاء الله ياااااااااااااااربى ليهم بى سكرة ينى


#1188937 [عمدة]
2.00/5 (1 صوت)

01-15-2015 10:42 PM
الماسورة ممتدة في الشعب السوداني كلو بالدستور المعدل !!!

[عمدة]

#1188798 [العبيدى]
5.00/5 (4 صوت)

01-15-2015 04:53 PM
خلى الفخار يكسر بعضه ... كان "الجندرمة" ولا "السافاك" الكفر ملة واحدة

[العبيدى]

#1188793 [بنغالي جوازو رايح]
3.00/5 (2 صوت)

01-15-2015 04:47 PM
خلاص عدلو ليهم الدستور، او في الواقع عطلوهو ليهم، بعد ده حيجو يحشوكم في بيوتكم، اتحرك يا شعب يا نايم.
عصيان عصيان عصياااااااااااان
اقعدوا في بيوتكم وكت ما قادرين تقلبوها

[بنغالي جوازو رايح]

#1188789 [الحقيقة مرة]
5.00/5 (6 صوت)

01-15-2015 04:42 PM
البواليس غلطانين المفروض اعرفو انو غلمان عطا لازم اطشمو عشان استرجلو على الشعب وعشان اجيهم نوم بالليل من وسخ الروح ووجع الضمير ولذا قيل سهر الجداد ولا نومو

[الحقيقة مرة]

#1188779 [مسطول وسكران كمان]
5.00/5 (1 صوت)

01-15-2015 04:35 PM
وتقولي شنو وتقولي منو هيق هيق

وبرضو زعلانين وتقولوا لي السودان ما يحتل مرتبة متقدمة في شرب الخمر .. هيق هيق

[مسطول وسكران كمان]

#1188745 [واقف لمبه]
5.00/5 (1 صوت)

01-15-2015 03:41 PM
بيكبو الخلطة الحيصنعو منها العرقي بي وين

[واقف لمبه]

#1188715 [سوداني غيور]
3.00/5 (2 صوت)

01-15-2015 03:02 PM
واحد جرق ( يعني شريب) سمع أنو ست عرقيهم بقت تضيف حجارة بطارية أو حاجه من هذا القبيل لمشروبهم المفضل لزوم تجويده ، قال ليها ياحاجة فلانة بقيتي تغشي في العرقي كمان .فما كان من حاجة فلانة اياها الا أن استشاطت غضبا ونفت تهمة الغش عن نفسها قائلة : سجم أمي ، كمان أربي عيالي بالحرام؟ حاشا وكلا!!!!شوفوا الزمن دا كان جميل كيف .يعني الناس ما كانت بتغش في أحلك ظروف الحياة ، أما الان فقد أصبح الغش بدون أي حياء من ناس هي لله هي لله.والله عمري ما شربت كاس بيرة حتى ، لكن هذا الموقف أثر في كثيرا ، وهي قصة حقيقية.

[سوداني غيور]

#1188697 [خالد الحضرمي]
5.00/5 (3 صوت)

01-15-2015 02:43 PM
اللهم بعزتك وجلالك وقدرتك يا جبار إجعل بأسهم بينهم شديد ..اللهم دمرهم فيما بينهم واجعل كيدهم في نحرهم ..

[خالد الحضرمي]

#1188690 [Freemantalker]
5.00/5 (1 صوت)

01-15-2015 02:32 PM
هذا ما يسمى بمشروب الطاقة

[Freemantalker]

#1188687 [مبارك]
5.00/5 (3 صوت)

01-15-2015 02:30 PM
ما رأي ناس الشرطة في اللي حدث ؟ وهل تم فتح بلاغات في ناس الامن الذين ضبطوا بالعرقي ؟ وهل تم فتح بلاغات في ناس الامن المعتدين على رجال الشرطة ؟ وهل نحن في وطن واحد ونخدم قضية واحدة ؟ بمعنى هل عمر البشير مسئول عن الشرطة وفي نفس الوقت مسئول عن جهاز الامن بصفته رئيس جمهورية ام نحن في دولة عصابات ؟ وما هي الاجراءات التي اتخذت بواسطة قيادة جهاز الامن ضد افراده المتفلتين ؟
في الواقع انما يحدث يشير الى خلل امني كبير ينذر بعواقب وخيمة ، فبالامس تم الاعتداء على ضابط برتبة قيادية في القوات المسلحة واليوم تم الاعتداء على قوة شرطة تقوم باداء واجباتها القانونية ولاحياة لمن تنادي ، فهل ما زالت القوات المسلحة بيخير ام تغيرت كما تغير كل شئ في السودان فعلى سبيل المثال لم يعد مشروع الجزيرة الذي نعرفه فاصبحت الحواشات تسقى بالطلمبات ان وجدت الماء بعد ان كانت تسقى بالري الانسيابي ، ولم يعد جبل مرة ذلك الجبل الذي تغنى به الراحل المقيم خليل اسماعيل لو شفت مرة جبل مرة يعاودك حنين طول السنين تتمنى تاني تزوره مرة ، تغير كل شئ حتى القضائية اصبحت جهة استثمارية بعيدة كل البعد عن تحقيق العدالة فاصبح قاضي المحكمة العليا كاتب العرضحالات احسن منه ، حتى الاخلاق تغيرت فاصبحت عروض الازياء التي يؤمها المخنثين من الجنسين يشرفها حرم رئيس الجمهورية وداد بابكر ، سبحان الله .

[مبارك]

ردود على مبارك
United States [moaazz] 01-17-2015 12:17 AM
يا آخوي مبارك , بلاغ شنو ضد ناس الامن في عرقي.. ناس الآمن ديل بيقتلوا الزول بالرصاص ويمنعوا الدكاتره في المستشفيات يصدروا اورنيك وشهادة وفاة بالقتل

United States [nagatabuzaid] 01-15-2015 10:43 PM
طبعا دولة عصابات وعصابات سكرانة كمان


#1188674 [هدى عثمان]
4.94/5 (5 صوت)

01-15-2015 01:56 PM
هههههههههههه ابداع

غايتو البختار الصور في الراكوبة ده زول مبدع
مجنون جن
خايفه اقول مسطول تفهموني غلط

[هدى عثمان]

#1188671 [قراية ساي]
0.00/5 (0 صوت)

01-15-2015 01:54 PM
قامت الصحفية والمنسق الإعلامي لنادي الهلال فاطمة الصادق (المعروفة بفاطمة شاش) بتحديث صورة غلافها علي موقع التواصل الإجتماعي فيسبوك, وهي تقف امام المرآة. وقد إسطاعت فاطمة الصادق أن تلفت إنتباه الكثيرين من أصدقائها علي موقع التواصل الإجتماعي. وحظيت هذه الصورة علي إعجاب الكثيرين, وقد وصل عدد المعجبين بهذه الصورة الي اكثر من 564 صديق ومتابع لأخبار المنسق الإعلامي لنادي الهلال. كذلك نالت هذه الصورة نسبة عالية من المعلقين عليها والذين وصفوها بالرائعة, وكذلك تجاوب الكثيرين منهم علي ذوقها العالي في إرتداء الوان الثوب السوداني. وكانت فاطمة شاش قد لاقت كثير من الاستهجان ابان تصريحاتها المثيرة للجدل بخصوص ان فى كل بيت سوداني مدمن مخدرات او صعلوك. وتجد الشاشية الكثير من الحماية من اقطاب مهمة فى المؤتمر الوطني حيث انها تقوم بإهانة الشعب السوداني فى الكثير من المناسبات دون اى مساءلة تجاهها.
ههههههههههههههههههههههههههههههههههههههههههههههههههههههههههههههههههه

[قراية ساي]

ردود على قراية ساي
European Union [الثورة اتية] 01-16-2015 11:39 PM
واضح من كثرة المعلقين علي الموضوع انو فاطمة شاش علي حق ( كيفما تكونو يولي عليكم ) صحيح حا نستورد حكام من وين

European Union [nagatabuzaid] 01-15-2015 10:46 PM
يعنى تقصد مخدرات مخلوطة بالعرقى ؟؟؟؟؟؟؟؟؟؟؟


#1188663 [أب احمد]
0.00/5 (0 صوت)

01-15-2015 01:42 PM
بالحقيقة وللفائدة المفاعل والذي أمامكم واحد من منتوجات المشروع الحضاري ويمول تشغيله بواسطة برامج التمويل الأخطر ( الاصغر )..الفي الصورة أمامكم يستلم بعد صرف التمويل وهو بلح وخمير في حدود 5000 ألف جنيه..!! وهنالك عدد من مقاسات المفاعلات ال في صورة مقاس Mega cc 5 ..و أكبرهم 50 GeGa cc هذا للإفادة ..

[أب احمد]

#1188653 [ابودعد]
1.00/5 (1 صوت)

01-15-2015 01:29 PM
يا رجال الشرطة اتحدوا وتاركم ما تخلوهوه ما دام بقت رجالة وروهم العين الحمراء وأهم حاجة كان شفتو مظاهره طنشوا وكدا تكونو اخدتو تاركم

[ابودعد]

ردود على ابودعد
[nagatabuzaid] 01-15-2015 10:49 PM
انت قايل البضربوا عيالنا ديل كلهم شرطة ؟؟؟؟؟؟؟؟ ديل رباطة عرقى وابوطيرة


#1188652 [mohaned]
0.00/5 (0 صوت)

01-15-2015 01:28 PM
اشان الانتماء يسلب جلاد الجلاد جلاديه من شرطة ومواطنين من هلع وترويع لهم فاين العدل حراس بيوت الاشباح

[mohaned]

#1188643 [الكجور الأسود]
0.00/5 (0 صوت)

01-15-2015 01:19 PM
ولفتت المصادر الى أن الاحداث وقعت اليوم عقب إلقاء القبض على بعض منسوبي جهاز امن البشير، بواسطة شرطة الأسواق، بعد ان وجدت بحوزتهم زجاجات "عرقي". وبناء على ذلك اقتادتهم الي قسم ودنوباوي.
ــــــــــــــــــــــــــــ
آه من التخلف الذي نعيشه في بلادنا،لأنه لو كان السودان دولة حضارية كالتي يطالب بها قطاع الشمال،لما حدثت مثل هذه المصادمة بين جهازين مهمين من أجهزة الدولة،فماذا يعني وجدت الشرطة بحوزتهم زجاجات عرقي؟فهل مجرد حمل زجاجة عرقي يعتبر وقوعاً في جريمة شرب الخمر؟الإجابة هي : كلا طبعاً إذا كنا متحضرين أو مواكبين للعصر،وحتى لو شربوها فينبغي أن لايعتبروا مجرمين حتى يرتكبوا جريمة "تحت تأثيرها"،فلماذا إذن العجلة واستباق الحدث قبل وقوعه؟إن نفس هذا القانون الذي يضيق الحريات هو الذي أشعل نار الفتنة قبل هذا في حي الديم وأدى إلى مقتل أنثى بريئة إسمها/عوضية عجبنا،
لكن البيقنع"بدرية سليمان"منو؟

[الكجور الأسود]

#1188575 [الوافرضراعو]
5.00/5 (5 صوت)

01-15-2015 12:04 PM
Made in Sudan صناعة وطنية والآن عرفنا كيف يصنع بدون تكاليف وشراء من الخارج توفيراً للعملة الصعبة

[الوافرضراعو]

#1188543 [مالك الحزين]
5.00/5 (1 صوت)

01-15-2015 11:29 AM
معظم التعليقات إنصرافيه ,, وبعيده عن الموضوع ,, وياها حالكم ,,, عينكم في الفيل ,, وتطعنوا في ضلو (ظله )

[مالك الحزين]

ردود على مالك الحزين
[كدي دقيقة بالله] 01-15-2015 02:14 PM
طيب يا خي إنت طالما شايف الفيل طعنو طلع ميتين أمو وخلي الإنصرافيين في فارغتهم


#1188510 [Brins]
0.00/5 (0 صوت)

01-15-2015 11:06 AM
يعني البشير عمل لنفسه قوات خاصه طيب والشرطه تعمل شنو ودورها شنو ؟

[Brins]

#1188479 [من الاقاليم]
4.25/5 (3 صوت)

01-15-2015 10:30 AM
كلاب تجار الدين مع بعضها فى قزازه عرقى
بكره حتولع بيناتهم فى سيجاره.

[من الاقاليم]

ردود على من الاقاليم
[nagatabuzaid] 01-15-2015 10:52 PM
ما تنسى شكلة الجنجويد مع ناس الفتح بسبب كباية عرقى


#1188472 [عبود]
5.00/5 (1 صوت)

01-15-2015 10:23 AM
ههههههه ..توطين صناعة الشراب بالداخل ..الواحد يا دوب عرف ليه المتحف القومي مليان بالبرام و الفخاريات الظاهر التقطير صناعة مؤصلةفي البلد..

[عبود]

#1188467 [زهرنجي]
3.00/5 (3 صوت)

01-15-2015 10:18 AM
سؤال برئ: هي الماسورة دي ممتدة في الجرة الثانية؟ لا تفهموني غلط أريد أن أعمل عطور.

[زهرنجي]

ردود على زهرنجي
European Union [عمدة] 01-15-2015 10:47 PM
معقولة ماعارف الماسورة ممتدة وين؟ وطمان بعد تعديل الدستور برضو ماعرفت؟ صحي إنت ذاتك بريئ!!!.

[kommba] 01-15-2015 02:20 PM
عآآآآآآآدي يا فرده ممكن تعمل قطاره لأنو الناس كلوو زهجان وكل وااحد دآير ليهو عرقي كآآآآآرب عشان ينسي هموم الحياه ....


#1188453 [خرمان]
1.00/5 (1 صوت)

01-15-2015 09:57 AM
القزازات طارن وين ؟

[خرمان]

ردود على خرمان
European Union [ابوجمال] 01-15-2015 11:51 AM
ده السؤال هههههههههها5429


#1188436 [حرية]
5.00/5 (3 صوت)

01-15-2015 09:45 AM
بعد تعديل الدستور لصالح جهاز الأمن دي أول خطوة بدأت بتأديب الشرطة وحتكون في خطوة ثانية وثالثة
الي ما نهاية وبعدهم يأتي دور الجيش في التأديب حتي تندم الشرطة والجيش علي مساندتها وحمايتها وتمكينها لعصابة المؤتمر الواطي(علمتة الرماية فلما أشتد ساعدة رماني) لماذا لم تسأل الشرطة نفسهاولماذا لا يسأل الجيش نفسة أن تعديل الدستور فقط كان لصالح جهاز أمن عمر البشير؟ألم يكن هناك شئ ما وراء ذلك الا تفهمون أنهم يريدون طمث دوركم واضعافكم ثم بعد ذلك يسهل استحقاركم واذلالكم, اللعبة واضحة يا ناس الشرطة والجيش .

[حرية]

#1188431 [ود الحبر]
5.00/5 (1 صوت)

01-15-2015 09:38 AM
أعوذ بالله.

[ود الحبر]

#1188411 [فنجاط]
5.00/5 (6 صوت)

01-15-2015 09:13 AM
واحد بشرب من ست العرقى بالدين وحسابه لما كتر وقنعت إنه يدفع أبت تديهو تانى وقالت لي وقروشي العندك خليتها لى الله يأخدن منك يوم القيامه...!!!
قال ليها : كدي كان بتقدرى افتحى الموضوع ده يوم القيامه عشان يطلعوا زيتك..!!!

[فنجاط]

ردود على فنجاط
European Union [quickly] 01-15-2015 05:08 PM
ههههه سكران دخل على صيدلية فقال للصيدلي : اديني سندوتش طعمية لوسمحتا
فقال الصيدلي بعصبية دي صيدلية مش مطعم

فدخل سكران تاني ، وسأل القصة شنو؟ فقال ليهو الصيدلي القصة

السكران التاني : سيبك منه ياخي ادينى سندوش شورمة


#1188403 [الكوز الفى الزير التحت الراكوبه]
5.00/5 (2 صوت)

01-15-2015 09:09 AM
ههههههه بالله هو العرقى بقطروا فى مفاعل نووى أشبه الدبابه / طيب العالم الكيميائى الصنع المفاعل ده ما مفروض أسجل براءه اختراع أحتمال يفوز بجائزه نوبل فى الكيمياء طالما الناس الصاحين فاشلين خلونا نشوف عبقريه السكارى والمساطيل .

[الكوز الفى الزير التحت الراكوبه]

ردود على الكوز الفى الزير التحت الراكوبه
[ود الدكيم] 01-15-2015 02:32 PM
ده اسمو جهاز كيبس للتقطير Kipp's apparatus for distillation الذي اكتشفه الصيدلاني الهولندي بيترس جاكوبس كيب Dutch pharmacist Petrus Jacobus Kipp عام 1844 ولكن سبقه السودانيون في ذلك لأن محرقة الجيش التركي الغازي التي أعدها المك نمر كانت حوالي سنة 1820 .

[Kudu] 01-15-2015 09:50 AM
بعد مراجعة الصورة تبين لي بأن نظام التقطير يحتاج الي تعديل وهو استخدام أنبوب ذو قطر صغير ويكون من معدن الألمونيوم (لأن الألمونيوم ناقل جيد للحرارة وبالتالي يفقد معظم الحرارة لصالح الماء في اناء التبريد وتبعا لذلك يتكثف بخار العرق وينزل في شكل قطرات ويستخدم الألمونيوم لتجنب الصدأ ويلف في شكل حلزون داخل اناء التبريد كما يمكن تكبير اناء التبريد لمزيد من الفعالية. ثم يتني أنبوب الالمونيوم في شكل كوع ليصب في داخل الزجاجة لتقليل الفاقد بالتبخر.. يجب ملاحظة ان تضبط درجة الحرارة علي 76 درجة مئوية والا تبخر الماء وكحول الميثانول الذي يسبب تسمما واختلطا بالعرقي.

European Union [Abu Hawa] 01-15-2015 09:41 AM
هاهاهاهاهاهاهاهاهاهاااااااي والله اجمل تعليق لاشنة صباح
شكرا يا الكوز الجوة الزير


#1188401 [ود ام در]
5.00/5 (2 صوت)

01-15-2015 09:08 AM
أول مرة أشوف تكنولوجيا صناعة العرقي مع اني من سكان العباسية ، تاري السودان متقدم كده ونحن ما عارفين؟؟

[ود ام در]

ردود على ود ام در
[عادل] 01-15-2015 09:41 AM
طبعا يا ودام در اهم حاجة في صناعة العرقي هي (البوصة) والبوصة دي هي البيتكثف فيها العرقي كبخار ثم تنقله عبر الماء البارد ليتم تسييله ويتدفق عرقي لاسع شفاف جميل المنظر يتخاتفه الشاربين


#1188392 [سراجا الدين الفكى]
5.00/5 (2 صوت)

01-15-2015 09:01 AM
الرأى هو عندما تختلط الامور هكذا ويكون الصراع بين السلطات الامنية بالدولة, يستمد الاتى:-
1. افراز نظام : مقصود ان يدب الخلاف بين السلطات الامنية, اليوم بين الامن والشرطة, وبسبب مشين
وبالامس بين الجيش والشرطة بمدينة شندى, قبل بضع ايام, هذه امور متزامنة ليست كلها وليدة
صدفة. اكرر هذا امر مقصود, ومدبرا له براس ليل.
2. كل السلطات الامنية هذه, بالتاكيد فاقدة الانصياع لقادتها وغير مكترثة لها, وهذا من اخطر الامور
بالنسبة للانضباط العسكرى.
3. غير عابئين بمن هم فى قمة المسؤل بالدولة, وبهذا تبداء دوران الدائرة على السلطان.
4. خلق النظام ادارة عسكرية خاصة, لتفريق ادارات عسكرية اخرى من مسؤلياتها, امر يأجج الفتنة بين
الادارات العسكرية المختلفة.
بعبارة اخرى واحدة, ان البلد صارت بلا حسيب ورقيب. وبالتالى مؤشر قوى جدا لزوال النظام برمتة, وهذا ما يسعى الية الكل. والله الموفق.

[سراجا الدين الفكى]

#1188389 [Awad]
5.00/5 (1 صوت)

01-15-2015 08:58 AM
هكذا أصبح السودان فى قبضة أمن قوات محمد عطا وتعديل الدستور الذى أعطاءهم فعل كل شىء من غير رقيب وحسيب فقد يأتى يوما أن يقولوا للزول محمد أحمد أخرج من بيتك غير مأسوفا عليك ولن تشفع لك محكمة لأن قانون البشير الذى عدله سوف يترك هذه القوات المتفلتة أن تعوث فى البلاد فسادا أكثر من فسادها الذى كانت عليه فأبشر يامحمد أحمد طالما قنعت بالظلم والأضطهاد والعذاب فوالله أن لم تخرج لأقتلاعهم لأخرجوا روحك وأنت تنظر متحسر على عدم مقاومتك لهذه الحكومة.

[Awad]

#1188384 [فرحان]
5.00/5 (3 صوت)

01-15-2015 08:54 AM
اللهم اضرب الظالمين بالظالمين واخرجنا منهم سالمين يارب انك مجيب الدعاء .

[فرحان]

#1188376 [ابو محمد]
5.00/5 (1 صوت)

01-15-2015 08:49 AM
لانو الموضوع كلو اتفه من سبق حمير الحسانية

[ابو محمد]

ردود على ابو محمد
United States [ابو عراقى] 01-15-2015 04:08 PM
موضوع العرقى ده فصل البلد نصفين ما بين حرام فجتنبوه صدق الحق و ماء من نيل و تمر من نخيل
تجى تخرب المعادله البوصه عشان كده الناس تنتصر لدينها و الله اكبر


#1188365 [ابو محمد]
0.00/5 (0 صوت)

01-15-2015 08:41 AM
اول مرة اشوف شكل القطارة بتاعت العرقى - وانا سامع يقطرو يقطرو - الناس فى شنو والحسانية فى شنو .. شر البلية ما يضحك .

[ابو محمد]

#1188358 [البدرنجي]
5.00/5 (1 صوت)

01-15-2015 08:35 AM
شرطه بتنضرب عاوزه تحرس شنو يا ناس اسواق امدرمان شوفوا ليكم درب تانى لحراسه محلاتكم؟؟؟؟؟؟؟؟؟؟؟

[البدرنجي]

#1188354 [Heron]
0.00/5 (0 صوت)

01-15-2015 08:33 AM
البلد بلا حكومة

[Heron]

ردود على Heron
[nagatabuzaid] 01-15-2015 10:59 PM
ابدا البلد فيها حكومة لكنها حكومة سكرانة


#1188342 [مقهور]
0.00/5 (0 صوت)

01-15-2015 08:22 AM
خخخخخخخخخخخخخخخخخخخخخخخ
دولة المشروع الحضاري الاسلامي ...طظ فيكم

[مقهور]

#1188334 [محمد الطيب]
5.00/5 (2 صوت)

01-15-2015 08:10 AM
لكن الصورة الفوق دي ما مبااااالغة عديييييل كدا!!!!

[محمد الطيب]

#1188328 [خالد حسن]
4.50/5 (5 صوت)

01-15-2015 08:02 AM
عشان ياشرطة تعرفوا انكم كلاب حراسه درجه تالته ولسع حاتشوفوا الويل بعد ماعملوا كلاب الامن قوات نظاميه جاييكم تهميش شديد واهانات اكثر
تاني اضربو ولا اعتقلوا متظاهرين من اجل حكم ديكتاتوري
هسع الديمقراطيه ما كانت حافظه ليكم كرامتكم وحقوقكم اكثر من حكم العسكري البشير؟
لكن البفهم العساكر انه مصلحتهم في الديمقراطيه منو؟

[خالد حسن]

ردود على خالد حسن
[الكوز الفى الزير التحت الراكوبه] 01-15-2015 12:08 PM
لو عايز العساكر افهموا ان مصلحتهم فى الديمقراطيه عليك بايقاف المفاعل الموجود فى الصوره .

United States [Nada] 01-15-2015 09:29 AM
كلام عميق ،البفهم العساكر انو مصلحتهم في الدمقراطية منو،


#1188326 [قاسم]
5.00/5 (3 صوت)

01-15-2015 07:59 AM
ناس الشرطة غلابة .. لكن عندما يكون الدور على المواطن الغلبان عندها يصدق المثل : أسد علي و في الحروب نعامة ...
الصورة لجهاز تقطير عجيب ... فنانين يا ناس الراكوبة ...

[قاسم]

#1188311 [صقرالنوبة]
0.00/5 (0 صوت)

01-15-2015 07:20 AM
الأربعاء 14 يناير 2015 واحداث زات صلة فى الساعة 6:45 مساء خرج ملازم اول من السلاح الطبى . وهو المسئول فى فرع التوجيه المعنوى المصاحب تلك الملشيات بالتعبئة بعد حضوره مع بعض جرحى ملشيات البشير الذى تم احضارهم الى السلاح الطبى بامدرمان بالعمليات الاخيرة فى جنوب كردفان بعد أن حضر اليه صديقه واخبره بان شريكه فى كافتريا اخر ساعة بسوق ليبيا قد نقل ملكيته لنفسه وزهب صوب المكان والقى فيه قرنيت ..... سبحان الله تجار + وضباط حامى الوطن ....

[صقرالنوبة]

#1188306 [قدرو قدرو]
5.00/5 (2 صوت)

01-15-2015 07:11 AM
من غرائب وعجائب الانقاذ بل عصابة الرقاص انها تاتى ببعض الهلافيت وتضعهم فى قيادة الاجهزة الامنية والعسكرية امثال هاشم عثمان فريق اول الغفلة واللنبى مخترع نظرية الدفاع بالنظر والصوارمى الجزمة وكل هذه الزبالة عبارة عن اجسام غريبة على الشرطة والجيش ولهذا تجد المصادمات والاشتباكات وهذا لايحدث الا فى حكومة الرقاص والعياذ بالله .

[قدرو قدرو]

#1188305 [hassan]
4.69/5 (5 صوت)

01-15-2015 07:09 AM
زمان قلنا الوات النظامية باشكالها المختلفة

من حثالة المختمع وهم كل يوم يؤكدون ذلك

وقلنا لو في اي واحد منهم ود حلال جد يخلي الشغلة دي

ودة عشان ما نظلم الناس القدام

[hassan]

#1188301 [نيض التعب]
5.00/5 (19 صوت)

01-15-2015 06:47 AM
مسطول سألوهو قالوا ليهو الحكومة دي البقلِبها شنو؟ .. قال ليهم: هي أصلاً مقلوبة لكن البطلعنا نحنا من تختها شنو!!.

[نيض التعب]

ردود على نيض التعب
[nagatabuzaid] 01-15-2015 11:06 PM
جد يا نبض التعب ضحكتنى شوية خفضت من نبض تعبنا

United States [شمام] 01-15-2015 11:55 AM
هو ناس الراكوبة جابوا الجهاز المعتق دا من وين ؟؟؟ لكن يا نبض التعب نكتتك قطعت مصارينى بالضحك |.... صدقنى قويــــــــــــــــة ههههههههههههههههه

United States [رانيا] 01-15-2015 08:51 AM
هههههههههههه بالله ما تحرمنا من نكاتك الظريفة .

[ثائر] 01-15-2015 07:55 AM
ههههههههههه هههههههههه
هههههههههه
ضحكتنا والله .....اضحك الله أيامك....أقصد أفرحك


#1188293 [khalifa]
4.50/5 (4 صوت)

01-15-2015 05:56 AM
(ان الذين تولوا منكم يوم التقي الجمعان انما استذلهم الشيطان ببعض ما كسبوا)

(الرشوة)

[khalifa]

ردود على khalifa
European Union [Abu Hawa] 01-15-2015 09:48 AM
والله يا خليفة عالم اذكى من مجمع جهلاء السلطان


#1188291 [سيزر]
4.88/5 (6 صوت)

01-15-2015 04:39 AM
بالله دي حالة ؟؟؟؟؟؟؟؟؟؟؟

[سيزر]

#1188282 [ٍSam-7]
4.00/5 (3 صوت)

01-15-2015 03:13 AM
و الله ناس البوليس ديل مساكين ... يلقوها من ناس الجيش ولا من ناس الامن

[ٍSam-7]

ردود على ٍSam-7
United States [رانيا] 01-15-2015 08:52 AM
ما مساكين ديل ملطشة .

European Union [الكردفاني العدييييييييييييييييييييييييييييييييييييييل] 01-15-2015 07:51 AM
بين المطرقة والسندان ...... يستهالوا ... كل حال ... لان خدمة الظلمة ... دين لابد من وفئه من جنس العمل ...........

الجيش والشرطة والامن ...... عاقلهم ...... جاهل .....


#1188276 [سكران لط]
4.19/5 (5 صوت)

01-15-2015 02:50 AM
كدا نشوف موقف الشرطة ورئيسهم والا فلاحتهم بس في قرار الدستورية عارفهم عيجبنو ويسوها عفا الله عما سلف

[سكران لط]

ردود على سكران لط
[ودالباشا] 01-15-2015 11:19 PM
اوعك تخليتها تفك الا لما تشوف الشغلانة ولعت والشوارع اعتظت بالجمهور

European Union [بدر السماء] 01-15-2015 03:14 PM
يا عزيزي . الشرطة كيف يكون عندها موقف ومديرها ما شرطي . ووزيرا ما شرطي ؟



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة