الأخبار
أخبار إقليمية
غندور يحذر المعارضة من تحريض المواطنين ضد إنتخابات حزب البشير
غندور يحذر المعارضة من تحريض المواطنين ضد إنتخابات حزب البشير
غندور يحذر المعارضة من تحريض المواطنين ضد إنتخابات حزب البشير


نحن لسنا أول دولة تقاطع معارضتها الانتخابات ولا يهمنا عدم اعتراف الآخرين بها،
01-15-2015 10:29 AM
الخرطوم: سعاد الخضر
حذر نائب رئيس المؤتمر الوطني بروفسير إبراهيم غندور المعارضة من تنظيم حملات لمنع المواطنين وتحريضهم على عدم الذهاب إلى صناديق الاقتراع وأقر في الوقت ذاته بأن التحدي الأكبر الذي سيواجه الومؤتمر الوطني هو إقناع المواطنين والأحزاب بالذهاب إلى صناديق الاقتراع، وقال غندور في تصريحات صحفية أمس بالأمانة الاتحادية للشباب عقب لقاء تنويري مغلق إنه من حق المعارضة مقاطعة الانتخابات ولكن ليس من حقها منع المواطنين من الذهاب إلى صناديق الاقتراع لافتاً الى أن القانون يجرم ذلك وسخر من إعلان المعارضة عزمها تنظيم حملات للتعبئة الشعبية ضد الانتخابات، ووصفها بأنها كالطالب الذي يريد مقاطعة الدراسة ولكنه يغلق قاعات الدراسة واستبعد غندور عدم اعتراف المجتمع الدولي بالانتخابات وأضاف: نحن لسنا أول دولة تقاطع معارضتها الانتخابات ولا يهمنا عدم اعتراف الآخرين بها، لافتاً الى أن حزبه يعول على اعتراف الشعب ومشاركته فيها باعتبار أنه هو الذي يعطي الشرعية ولا تعطيها الدول الأجنبية، وأكد ثقتهم في اعتراف المجتمع الدولي بالانتخابات المزمع قيامها في أبريل وزاد أن المجتمع الدولي والإقليمي لن يستمع لتحريض المحرضين، وأكد استمرار الحوار الوطني واتهم أحزاباً لم يسمِّها بالسعي لتخريب الحوار بإشاعة أنه توقف معلناً عن لقاء مرتقب بين رئيس الجمهورية وآلية الحوار خلال الأيام المقبلة تمهيداً لانعقاد الجمعية العمومية وانطلاق أعماله.
من جهته أكد أمين أمانة الشباب الاتحادية بالوطني بلة يوسف مقدرة الشباب على المساهمة في إنجاح الانتخابات وتحقيق نسبة تصويت عالية.

الجريدة


تعليقات 26 | إهداء 0 | زيارات 3066

التعليقات
#1188946 [هلمجرا]
5.00/5 (1 صوت)

01-15-2015 11:10 PM
مقاطعة الشعب السودانى للإنتخابات أو الإقبال عليه لا يغير النتيجة النهائية فهي معلومة سلفاً.أصلو التزوير سيتم شاء الشعب أم لم يشاء. كفاية صراخ و هرجلة يا غردون بيه(برف خجو).

[هلمجرا]

#1188908 [البرقاوىا]
5.00/5 (1 صوت)

01-15-2015 09:42 PM
اولا مهدوا للانتخابات بشلاتين وحلايب حتى لو بالجخ ثم فكروا فى محاربة الاحزاب التى ستدعو لمقاطعة الانتخابات بتوفير الغاز يا ابو شطور شايلة نصف قوت الشعب السودانى
الغندور فى بطنوا فى عشرات انابيب الغاز النعدوم هذه الايام ويعتبر فترة الانتخابات سانحة للغرف اصلوا سعران وما بفوت اى فرصة عمل سبعة عمارات منذ ان تم تعيينه بالقصر الجمهورى واتحاد العمال
فى طبيب اسنان بقدر يدفع ايجار شقة لشهر واحد؟

[البرقاوىا]

#1188885 [عصمتووف]
0.00/5 (0 صوت)

01-15-2015 08:38 PM
ولا يهمنا عدم اعتراف الآخرين بها**** من اين تستمدون الشرعية

اعتراف الشعب ومشاركته فيها باعتبار أنه هو الذي يعطي الشرعية
******** لم ولن نمضي علي ورقة بيضاء ماذا قدمتم لنا
ولا تعطيها الدول الأجنبية،
اقفلوا وزارة الخارجية والسفارات الخارجية والداخلية


وأكد ثقتهم في اعتراف المجتمع الدولي بالانتخابات المزمع قيامها في أبريل وزاد أن المجتمع الدولي والإقليمي لن يستمع لتحريض المحرضين،
*****ولا تعطيها الدول الأجنبية******،وأكد ثقتهم في اعتراف المجتمع الدولي بالانتخابات
/////// علي بالطلاق هنا انا مافاهم حاجة

[عصمتووف]

#1188857 [محمد مدني]
5.00/5 (1 صوت)

01-15-2015 07:23 PM
الشعب في هذه المره هو الذي بحرض قادة الاحزاب علي المقاطعه
وليس العكس فليصوت محمد عثمان المرغني لغندور

[محمد مدني]

#1188837 [بنت الناظر]
5.00/5 (1 صوت)

01-15-2015 06:21 PM
والله الشعب السودانى لو بعد البهدلة والبشتنة الحاصلة ليه بسبب عصابتكم المجرمة وبعد ده كله عايز زول يلكزه و يحرشه عشان يقاطع الإنتخابات يبقى عليه العوض ومنه العوض...

بعدين المجتمع الدولى ده غايتو نحن حسب الشايفنو البينكم وبينه أحسن منه سوق الحدادين ..اللهم إلا كانت الماسونية بتغازل فيكم من تحت التربيزة !! وكده تبقى مصيبتنا يعزوا فيها ...
اللهم شتت شمل اللصوص سارقى قوت الشعب السودانى وزلزل أركانهم وهدم بنياهم وأطمس معالمهم قبل أبريل يارب العالمين ..

[بنت الناظر]

ردود على بنت الناظر
[قدرو قدرو] 01-15-2015 08:02 PM
عفيت منك يا بت الناظر ويا حليل زمن ناظر المدرسة وناظر المحطة وناظر القبيلة ضباح السمينة وفشاش الغبينة على الطلاق يا بت الناظر هسه نظار القبايل ارزقية وسماسرة انتخابات خج لعصابة الرقاص ولعنة الله على الترابى خليفة ابليس فى الارض .


#1188830 [صالة المغادرة]
5.00/5 (1 صوت)

01-15-2015 06:04 PM
انت يا ابوجضوم زى لقيمات الصدقة ما قلت عضوية حزب الرقاص قرابة ال10 مليون نسمةطيب ناسك ديل ما يجو يصوتوا ليك يا عفن يارمة وما تنسى صلوا صلاة الحاجة عشان الملائكة تجى تصوت ليكم تفووووووووووو عليكم من البشير للغفير .

[صالة المغادرة]

#1188773 [وحيد]
5.00/5 (3 صوت)

01-15-2015 04:24 PM
سيقوم المؤتمر غير الوطني بحشد فلول عضويته و الزام الموظفين و القوات النظامية المغلوبين على امرهم و مليشيات النظام ثم يوزعهم على مراكز الانتخابات ليوحي بوجود اعداد من الناخبين ... ظاهريا .. امام ما داخل صناديق الاقتراع فده شغل الجماعة ... خج و تبديل
... صوروا وجوه المتجمعين اما المراكز و قارنوا الوجوه ستجدوها تتكرر في عدة مراكز ...
ثم اذا كان الغندوري المربرب و حزبه لا يابهون للمعارضة و لا لمن يقاطع الانتخابات و لا يهمهم ان يعترف بها العالم ام لا ... عاملين انتخابات لييييه؟

[وحيد]

#1188704 [لحظة لو سمحت]
4.50/5 (4 صوت)

01-15-2015 02:49 PM
من حقكم دعوة المواطنين للانتخابات و من حقنا ان ندعوهم لمقاطعتها

[لحظة لو سمحت]

#1188668 [زول]
5.00/5 (2 صوت)

01-15-2015 01:50 PM
هسه الزول دا مقتنع انو دي انتخابات ؟

[زول]

#1188667 [noon]
4.75/5 (3 صوت)

01-15-2015 01:46 PM
هو الشعب ريالتو سايلة للدرجة دى لما تحرضوا قوى المعارضة قوم لف يلفك قطر .... الناس واعية وبقت اوعى بعد الحصل

[noon]

#1188665 [شهنور]
5.00/5 (2 صوت)

01-15-2015 01:44 PM
يا حمار الشعب السودانى اوعى منك ما البيحرضوه وكت انت ما خايف عامل جوطه مالك ؟

[شهنور]

#1188664 [مسكين انا]
5.00/5 (2 صوت)

01-15-2015 01:43 PM
كدي ورينا وفهمنا حاجة انت بهمك امر الاعتراف الدولي ولا ما بهمك ؟

( نحن لسنا أول دولة تقاطع معارضتها الانتخابات ولا يهمنا عدم اعتراف الآخرين بها،))

وتاني هنا :


(وأكد ثقتهم في اعتراف المجتمع الدولي بالانتخابات المزمع قيامها في أبريل وزاد أن المجتمع الدولي والإقليمي لن يستمع لتحريض المحرضين، ))


انت الدكتوراة بتاعتك في الخرمجة والجعجعة والغلاط !!

[مسكين انا]

#1188661 [ابومحمد]
5.00/5 (1 صوت)

01-15-2015 01:40 PM
العالم كله يعرف ان الشعب السوداني مقاطع للانتخابات لانه شرد وجوع وعذب هذا كتاب مفتوح لايختلف في معلوماته اثنان ووسائلكم معروفة للتزوير الانتخابات من سراء للذمم وتهديدات ولكن الثورة قادمة فانتظروها

[ابومحمد]

#1188628 [نيض التعب]
5.00/5 (2 صوت)

01-15-2015 12:55 PM
(حذر نائب رئيس المؤتمر الوطني بروفسير إبراهيم غندور المعارضة من تنظيم حملات لمنع المواطنين وتحريضهم على عدم الذهاب إلى صناديق الاقتراع "وأقر في الوقت ذاته بأن التحدي الأكبر الذي سيواجه الومؤتمر الوطني هو إقناع المواطنين والأحزاب بالذهاب إلى صناديق الاقتراع"،)
بالله ده (بروف)؟ .. الأدرج الناعم يحذِّر الأحزاب من تحريض المكواطنين على عدم المشاتركة في إنتخابات الخج / وفي نفس السطُر يعترف بأن أكبر تحدي يواجه حزبه الفاسد يتثّل في كيفية (إقناع) المواطنين و"الأحزاب" على المشاركة فيها؟! .. يا غندرة يا (ملك الكوتشينة) كان أحسن ليك تلازم تربيزة (الكونكان) في نادي بري بدلاً الدخول في (صالات لاس فيجاس) السودانية والتي أنت لا تستطيع المغامرة فيها ، ده ميدان أكبر منك ومن قدراتك الفكرية المتواضعة ولو كنت كذلك لفهمت الشعب كما فهمه (زين الهاربين بن علي) الرئيس التونسي المخلوع .. الشعب أوعى وأكبر من الأحزاب زلزلاه لما كانت هناك أحزاب أصلاً .. الشعب المعلم عرفكم طوال 26 سنة وتوصل لقناعة تامة مفادها أنكم مجموعة من اللصوص وعُصبة حرامية سطوتم على شرعيته بليل وسرقتم حريته وديمقراطيته ، لذا وفي غير ما تنسيق وتنظيم وترتيب قرر مقاطعة إنتخاباتكم الفاسدة والمخجوجة سلفاً وقبل أنتبدأ .. يا أدرج بلا تحذير بلا تكفير معاك.

[نيض التعب]

#1188624 [العمدة]
5.00/5 (2 صوت)

01-15-2015 12:50 PM
ما تخافوا .. التصويت 100% عليكم بالاتى
1/ قوموا بتفويج الموظفين من مكان عملهم الى موقع دوائرهم الجغرافية والشغلة تحتاج فقط 2 أو 3 من النقابين الشطار ودى يوم حوبتهم .
2/ قوموا بتفويج الطلبة من مدارسهم الى موقع صناديق الاقتراع وكل الشغلة ما بتكلف غير مدير أو معلم بالمدرسة من المؤتمر الوطنى شاطر وديل موجودين .
3/ بقية المواطنين يحتاجوا فى يكون فى كل حى أو قرية فقط عدد 3 أو 4 أشخاص منتفعين يحركوهم ويخوفوهم .. والسلام على طة

[العمدة]

#1188606 [سودانى حتى النخاع]
5.00/5 (1 صوت)

01-15-2015 12:35 PM
يازول هوى بلا بروف بلا لمة انتو مش عضويتكم عشرة الاف كما تتنطحون فليذهبوا هم اى عضويتكم ويصوتوا لكم وبذلك تاخذون الشرعية من قاعدتكم العريضة ونحن ما عندنا معاكم شغلة مقاطعين وتاكدوا المعارضة كن نظمت حملات مقاطعة ولا ما نظمت زول جايكم مافى و الله كيزانكم ذاتهم كثير منهم ما ح يجوا يصوتوا لهذه الهمزلة . بلاء يخمكم يا كيزان السجم كرهتونا الدنيا ولكن لن تكرهونا السودان لانه وطن الشرفاء .

[سودانى حتى النخاع]

#1188602 [سراجا الدين الفكى]
5.00/5 (1 صوت)

01-15-2015 12:33 PM
(غندور يحذر المعارضة من تحريض المواطنين ضد إنتخابات حزب البشير)
اول حاجة ياغندور انت منو لتحزر المعارضة؟ انت لو عندك سلطة على المعارضة ضدكم, ماتبيدها, او قول ليها بالامر ما تعارضونا وخلونا نعوس عواستنا.
انتو ياناس المؤتمر الوطنى ما فى واحد فيكم راشد وعاقل؟ مافيكم واحد سوى؟ يااخى نحمد الله الذى لا يحمد على مكروة سواة, والذى ولى امرنا الى رعاع السودانين, ولكن اعتقد هذا امتحان لنا كسودانين من الحق عز وجلا. ونحنا صابرين, وقد وعد الله الصابرين بالبشرى مما لا شك فى ذلك.
بتصريحك هذا ياغندور, شعرنا بقليل من الاطمئنان, لانو وضح ان الحكومة الفاشلة دى تعيش حالة مخاض متعسر الى ان يةلد المولود الشرعى.
وابدا ما هنت ياسوداننا يوما علينا, بالذى اصبح شمسا فى يدينا, ووضوح الشمس هنا من هذا التصريح الذى يعكس مدى بداية اقتلاع جزور النظام "البائد" كما سنقول بعد ايام قليلة.
اوين الليلة وين حتروحو انت كلكم, مافى اى طلريقة جاى ولا جاى. ومعلوم لنا ولكم مصيركم شنو.

[سراجا الدين الفكى]

#1188589 [عين الحقيقة]
3.00/5 (2 صوت)

01-15-2015 12:22 PM
قااااااااااااااااااااطعوا الانتخابات يامواطنين.....

[عين الحقيقة]

#1188579 [radona]
4.00/5 (3 صوت)

01-15-2015 12:11 PM
لكن ما يحدث هو العكس تماما يابروف غندور
لان الشعب هو من يقاطع الانتخابات ويحس بالقرف والغثيان مما يجري
هل استشرتم الشعب فيما يعنيه وفي ابجديات حقوقه وهو الدستور
ومن فوضكم لاعتماد دستور 2005م منتهي الصلاحية بانفصال الجنوب
ومن فوضكم بعدئذ على تعديله وترقيعه على علاته

الم يخرج الشعب في سبتمبر 2013م معلنا عدم شرعية الحكومة وقمتم بقتل ابنائه بدم بارد جدا
الان الوقت ليس للمزايدات والترهيب وفرض الاراده بالقوة

[radona]

#1188551 [Abdo]
3.00/5 (2 صوت)

01-15-2015 11:36 AM
الولوله شنو ؟

[Abdo]

#1188547 [السودان الوطن الواحد .]
3.00/5 (2 صوت)

01-15-2015 11:33 AM
ولكن ليس من حقها منع المواطنين من الذهاب إلى صناديق الاقتراع لافتاً الى أن القانون يجرم ذلك


المواطنيين لا يحتاجوا من يمنعهم من الذهاب الى صناديق الإقتراع اليأس والإحباط باين على كل وجوه المواطنيين ايا رحمك الله غندور ان تشوف ليك شماعة اخرى هداك الله ورعاك

[السودان الوطن الواحد .]

#1188519 [Brins]
3.00/5 (2 صوت)

01-15-2015 11:12 AM
قاطعوا الأنتخابات لكل مواطن عنده ذمة لأنها غير شرعيه ..

[Brins]

#1188513 [A. Rahman]
4.00/5 (3 صوت)

01-15-2015 11:08 AM
انت يا اب جضوما سيراميك مش قلت انه عضوي تكم عشرة مليون؟ و هو بعد العدد دا فاضل زول عشان يقاطع؟ و اللا الفار لعب في عبك بعد اقتراب ساعة الحقيقة؟ بعدين المعارضة ستدعو جماهيرها هي لمقاطعة الانتخابات، يبق انت مال اهلك؟

[A. Rahman]

#1188508 [aldufar]
3.00/5 (2 صوت)

01-15-2015 11:05 AM
والله يا غندور مافي مواطن واحد ح اشتغل بالنتخابات البشيرة دي ، والناس وعت وعارفة ومعروف كان الناس مشت ولا ما مشت الشير فايز وبنسبة 90% شيء مفرغ عنه .


والناس ما محتاجة تحضريض والله في بيتكم واهلك في ناس مش ح يصوتوا للبشير ،


هو الشير دا عمل شيء للسودان عشان اجي ثاني نصبوه ملكا على السودان وريحونا .

[aldufar]

#1188492 [القريش]
3.00/5 (2 صوت)

01-15-2015 10:45 AM
والله كويس ياغندور!ومعاك بله يوسف!انتو مالكم ومال المجتمع الدولى بس الشعب لا يعطيكم شرعيه اصلا انتم ليس مستحقوها يابغل انت!

[القريش]

#1188491 [البدرنجي]
5.00/5 (1 صوت)

01-15-2015 10:45 AM
ياغندور من هسع اعرف ان معظم الشغب مقاطع انتخاباتكم يا اخى انتو مضيعين وقتكم وقروش الشعب الغلبان ليه واللة مافى شخص قابلته قال معاكم ولا عاوزكم يا غندور بطل النفاق والدهنسه وارجع لقاعات المحاضرات افضل ليك وللاولاد والبنات لكن بعد الفتره بتاعت النفاق المارسته مع هذه العصابه مخك بيكون فضى خاف اللة في نفسك وعيالك والعمر مشى ودى نصيحه لوجه اللة

[البدرنجي]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية

الاكثر تفاعلاً/ق/ش

الاكثر مشاهدةً/ق/ش

الاكثر تفاعلاً/ش

الاكثر مشاهدةً/ش







الرئيسة |المقالات |الأخبار |الفيديو |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة