الأخبار
أخبار إقليمية
صحفية تواجه تهماً تصل عقوبتها الإعدام
صحفية تواجه تهماً تصل عقوبتها الإعدام
صحفية تواجه تهماً تصل عقوبتها الإعدام
صورة لرئيسة تحرير صحيفة الميدان مديحة عبد الله


01-16-2015 12:59 PM
الخرطوم: دونت السلطات الأمنية بلاغات جنائية في مواجهة رئيسة تحرير صحيفة (الميدان) الناطقة باسم الحزب الشيوعي مديحة عبدالله تصل عقوبتها الإعدام أو السجن المؤبد.
واستدعت نيابة الجرائم الموجهة ضد الدولة مديحة وحققت معها أمس الأول في قضية نشر، واتهمتها بخرق أربع مواد من القانون الجنائي السوداني هي:- (21- الاشتراك تنفيذاً لإتفاق جنائي،63- الدعوة لمعارضة السلطة العامة بالعنف أو القوة الجنائية،66- نشر الأخبار الكاذبة، 50- تقويض النظام الدستوري.
وتعرضت صحيفة (الميدان) للمصادرة أربعة مرات، خلال الاسبوعين الماضيين.

الجريدة


تعليقات 13 | إهداء 0 | زيارات 6288

التعليقات
#1190273 [مكوة]
0.00/5 (0 صوت)

01-18-2015 01:31 PM
يعنى هى نفس المواد التى من المفترض ان يحاكم بها منفذوا انقلاب 30 يونيو 1989 .

[مكوة]

#1190053 [أبوقرجة]
0.00/5 (0 صوت)

01-18-2015 10:03 AM
أنتو قايلين حاجات زي دي بتخوف الحزب الشيوعي .... أعملوها وأعدموا مديحه عبدالله .. الحزب دا قدم شهداء في 71 من أجل الشعب السوداني .. وعلى رأسهم الشهيد عبدالخالق محجوب والشفيع وجوزيف قرنق ... وهاشم العطاء وغيرهم من المناضلين والشهداء الشرفاء.......

أعملوها تاني وأعدموا مديحه وكل اللجنة المركزية الموجوده ... حيطلع تاني ويكون في حزب شيوعي .... وحتكون في لجنه مركزيه .. وحتكون في مديحه عبدالله تانيه ...... دا حزب جذوره في ضاربه في أرض السودان ... لا يقدر إنسان مهما كانت قوته نزعها ..

المجد والخلود لشهداء الحزب الشيوعي والسودان ...

[أبوقرجة]

#1190049 [عبدو]
0.00/5 (0 صوت)

01-18-2015 10:00 AM
والله مره بمائة راجل ..
من اقوى الاقلام الموجودة على الساحه ...

[عبدو]

#1189653 [م.إ.س شرقاوي]
5.00/5 (1 صوت)

01-17-2015 05:03 PM
الشيوعيون كفار وهم فوضويون وضد قيم الامة وثوابتها والغريبة ان معبدهم تهدم ودولتهم وقبلتهم انهارت وصارت في غياهب التاريخ يزعقون في بلد مثل السودان ،، شيوعيتهم فشلت حتى في بلادها انه الكفر والجحود

[م.إ.س شرقاوي]

ردود على م.إ.س شرقاوي
Russian Federation [أبوقرجة] 01-18-2015 09:59 AM
عليك الله دا كلام واحد عايش في الدنيا معنا .... ياخي كلامك دا إنتهى زمان ... الشيوعيين أشرف بشر ... أما قصة إعدام مديحه دي بنقول ليها الحزب الشيوعي تشرف بتقديم الشهداء ولا زال يقدم وسيقدم الشهداء واحداً تلو الآخر ...

European Union [ابو لستك] 01-18-2015 07:41 AM
انت يا متخلف مين اصحاب اللى ساندين جماعتك ومقوينهم على الناس مش هم الصين اكبر دولة شيوعية الان ؟ و روسيا وريثة الاتحاد السوفيتى راس الكفر كما تقول ؟؟؟ صدقنى نوعك دة محلو فقط مزباة التاريخ

[الضرس السام] 01-18-2015 06:21 AM
وبعدين هى ذاتها قربت تموت , كم سنة فى السجن وترحل, وبعدين الشيوعية انتهت فى بلدها

[منذر] 01-17-2015 11:07 PM
يا كوز يا عوقة أمشى قول كلامك ده لاسيادك الصينيين قبلتكم الشيوعية,نسيتها ولا شتو؟؟

Russian Federation [محمد أحمد] 01-17-2015 09:30 PM
شرقاوى انت جاى من العصر الجليدى شاحد ربى يعصرك كوز فىى بص الوالى


#1189380 [ashafokhalp]
0.00/5 (0 صوت)

01-17-2015 09:25 AM
ندا السودان
الحوار
جانا للسودان ندا يلا شمروا للايادي
وتضحيات عايزه الفدا
مافي زول رافض يحاور اي زول
للحوار توجد ركايز للحوار لازم اصول
ملاّ شعبنا من سياسات النظام
البنتْ تكتيكا فوق فرٍق تسد
ملاّ تاكتيك الرشاوي وملاّ تجزيه المشاكل
نحن دايرين حل سياسي
حل شامل
منبرا واحد وحيد للتفاوض بعد توفير المناخ
نحن ما ممكن نحاور في الاعالي
والحروب شغاله تقتل في الاهالي
والعدائيات تُؤجٍج في القضيه
والماسي الانسانيه
زايده دون ما زول يبالي
وقٍفوها الاعتقالات
اطلقوا سراح الجميع
اطلقوا سراح الوطن
كيف بتعتقل السياسي ودايرو ياتيك للتفاوض
وهو عارف انوا قانون الحكومه تاني جاهز للبعارض
وتاني ينكا للجروح
يا ندا السودان حبابك تنشد الحل اللي يستهدف ماسي
وتنوي تضميد الجروح
****
ندا السودان
الحكومه القوميه
جانا للسودان ندا يلا شمروا للايادي
وتضحيات عايزه الفدا
وبرضوا لازم من حكومه تكون محايده
شان تدير الفتره ما بين بين وبين
وبنتقل ببلدنا للافق العريض
من وضع بائس مريض
والتحول من براثن حكم جاير
والعمل وسط الجماهير يمشي يوماتي ومثابر
حتي اسقاط النظام نقْطعلّو دابر
الحكومه الانتقاليه النقولا
تبقي قوميه واصولا
شان تنفذ للبرامج تم فيها الاتفاق
موتمر دستوري يُعقد
يكتب الدستور ولازم
من مشاركه واسعه من كل الجماهير المهوله
هيئه للتنسيق تنظم لي عملنا المشترك
واللجان تعمل برامج فيها تفصيل التفاصيل
فيها اليات عملنا واللوايح تضبط العمل المكرّب
نبني اوسع جبهه ممكنه للبعارض
والشباب همّا الطليعه
والنسا دورن قيادي همّا مستقبل بلدنا وياما قادن معترك
لابنيئس لا بنفتر ودوله البطش البغيضه الي الدرك
ودولت الظالم تروح
يا ندا السودان حبابك تنشد الحل اللي يستهدف ماسي
وتنوي تضميد الجروح
****
ندا السودان
الانتخابات
جانا للسودان ندا يلا شمروا للايادي
وتضحيات عايزه الفدا
انتخابات النظام زيف وجيف
والغرض شرعيه زايفه شغل وسخان ما نضيف
بالفلوس تتخجا طبعا
والمشاركين فيها احزاب فكه ساكت
فيها احزاب الانابيب
اللي فوق كرعينا ماب تقدر تقيف
قاطعوها المهزله
ابزلو الجهد الجهيد
بالعمل وسط الجماهيرالحكومه ح تعزلوها
ارفضوا كل النتايج قاوموها
حاصروا التزييف يروح
يا ندا السودان حبابك تنشد الحل اللي يستهدف ماسي
وتنوي تضميد الجروح
****
المبادرة
ديسمبر 2014

[ashafokhalp]

#1189225 [الفهد المروض]
5.00/5 (1 صوت)

01-16-2015 10:51 PM
اطلقوا سراح الميدان فهى عصية على التركيع
ال نقد صناع المجد والنضال السودانى ليس هناك مقارنة بينهم واى كائن سودانى
حمخم الوطن وهك البقية البطن والعيال والنسوان

[الفهد المروض]

#1189203 [فوراوي]
5.00/5 (1 صوت)

01-16-2015 09:55 PM
الموضوع هو
تكميم الافواهـ حتي تمر مهزلة الانتخابات

[فوراوي]

#1189156 [محمد احمد]
0.00/5 (0 صوت)

01-16-2015 08:31 PM
بى دستوركم يا اسيادى وتعديلكم ابدااااااااع اشطر دكتور نسوان مايعملوا يا العملوهو

[محمد احمد]

ردود على محمد احمد
Russian Federation [م.إ.س شرقاوي] 01-18-2015 01:39 AM
{{ شرقاوى انت جاى من العصر الجليدى شاحد ربى يعصرك كوز فىى بص الوالى }}
الكفار الشيوعيون وانصارهم ومؤيدوهم ربهم المادة فهم لا يعترفون برب سوى المادة


#1189155 [محمد احمد]
5.00/5 (1 صوت)

01-16-2015 08:24 PM
يعنى عيزين يقنعونا ان الشيوعيين خونه؟؟؟ أجى يابنات أمى؟؟؟؟؟؟؟؟؟ الحقناوانجدنا ياأزرق طيبه

[محمد احمد]

#1189136 [Awad]
5.00/5 (2 صوت)

01-16-2015 06:52 PM
تم تعديل الدستور من أجل البطش بالشعب معارضة مسلحة ومدنية وكل من يقول (لا) بالفم العريض أو بالفم الضيق وخصوصا المواد التى تبيح للنظام العسكرى الأمنى(نظام شاوسيسكو وهتلر وموسلينى)بأعتقال وتصنيف كل معارض بالمواد التى تبيح أعدامه لكى تدخل الخوف فى قلوب الناس وتمنعهم من التحرك لأسقاط النظام الذى يفتقد لأى شرعية منذ 30/6/89م.لابد من مقاومة المواد المعدلة فى الدستور التى لم يستشار فيها الشعب والمعارضة على حد سواء.أن لم نخرج بمظاهرات تهز عرش الطغاة فسوف يطال الأعدام كل مواطن ولنترك الخنوع والخوف ولنشعل ثورة الشعب.

[Awad]

#1189119 [باكاش]
0.00/5 (0 صوت)

01-16-2015 05:49 PM
basheer start fighting for his life.

[باكاش]

#1189089 [omer]
4.00/5 (3 صوت)

01-16-2015 04:53 PM
ناس الحكومه ديل حيرونا اولا هم البدوا بالانقلاب 89 وتانيا بيقولوا دايرين انتخابات يعنى دايرين ناس المعارضه يقول فيهم شعر ويغنوا ليهم ولا دايرين معارضه اسلاميه تقود لفتنه وتعدد بالدين ولا دايرين معارضه شكلا وليس مضمونا افيدونا ياناس

[omer]

ردود على omer
[محمد احمد] 01-16-2015 08:10 PM
ياخى والله السيد الصادق أحتار معاهم عديييييييييل قال ليهم يا اخوانا بالهداوه انتفاضع ناعمه قالوا ابيييييييييينا تانى قال ليهم حوار داخلى شفاف قالوا ابييييييييينا تانى قال ليهم بدل الشعب يغيركم ياشباب غيروا روحكم براكم وقال للبشير انت قود التغيير قالوا ابيييييينا قال ليهم طيب انتظرونى امشى اقنع ناس الجبهه الثوريه بجدوى الحوار أول ماقعد وقال بسم الله قالوا ليهو لو جيت بندخلك السجن والله البيلعب مع الشفع يستحمل البهدله مع الأعتذار لسعة افق الأمام مقارنه بمعهد سكينه


#1188978 [ali murtey]
3.50/5 (2 صوت)

01-16-2015 01:47 PM
بدون قناة فضائية للمعارضة سوف يدور الجميع فى دائرة فارغة قناة فضائية يا محسنين اين مبادرتك يا دكتور ابو قناية فى بريطانيا نحن فى انتظار ما وصلتم الية؟؟؟؟؟؟؟؟؟؟

[ali murtey]

ردود على ali murtey
[محمد احمد] 01-16-2015 07:59 PM
عملوا الانقلاب ومنعوا الأنقلابيين وأبادوهم وحاكموا الناس بالجمله وقالوا مابنتحاكم حكايه تضحك الغنمايه

[150150] 01-16-2015 06:48 PM
وأنت يا أبو الخير ممكن تكون أمنجي برضو

European Union [ابو الخير] 01-16-2015 05:50 PM
القناة الفضائية من اسهل ما يكون لكن الجماعة كلهم تنقصهم الارادة بس
وبالمناسبة جريدة الحزب الشيوعي او غيرها تتم مراقبتها قبل النشر لذلك هذه العمليات كلها تمثيليات عشان يقولو في معارضة
والله مديحة ذاتها ممكن تكون كوزة
والله الموضوع دا غايتو حكايتو معقدة ماقادرين نفهمها
ربنا يجيب ليهم طامة كبرى تكنس الناس ديل عن آخرهم



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة