الأخبار
أخبار إقليمية
وقفة احتجاجية لأهالي بري واعتقال ستة أشخاص
وقفة احتجاجية لأهالي بري واعتقال ستة أشخاص
وقفة احتجاجية لأهالي بري واعتقال ستة أشخاص


01-20-2015 11:03 AM
الخرطوم: إيمان جكسا
نفذ العشرات من أهالي بري وقفة احتجاجية سلمية في الواحدة من ظهر أمس قبالة برج الاتصالات، مطالبين بوقف التغول على أراضيهم التي ورثوها أباً عن جد حسب حديثهم.
وقالت الوارثة عايدة عبد الطلب تفاجأنا بوجود مهندسي مساحة على أرضنا (جرف) مدعين أنها تخصهم وبمعيتهم قوات نظامية لحمايتهم، ونوهت عايدة إلى اعتقال ستة من الوراث إثر اعتراضهم للمساحين حسب المستندات الموجودة بحوزتهم والتي تثبت ملكيتهم للأرض، وكشفت عن تطويق المزرعة من قبل السلطات عقب اقتيادها لطرفي النزاع للتأكد من صحة أوراقهم، وطالبت الجهات ذات الصلة بوقف بيع أراضي أهل المنطقة.

وكالات


تعليقات 7 | إهداء 0 | زيارات 4698

التعليقات
#1192422 [احمد المرتضى مكميك]
0.00/5 (0 صوت)

01-21-2015 09:35 AM
هى التجارة باسم الدين.. وين تمشوا من الله يوم القيامة يا إنقاذ يا ظالمة.. ان الله يمهل ولايهمل.. حسبنا الله ونعم الوكيل

[احمد المرتضى مكميك]

#1192418 [nas elhalfayia]
0.00/5 (0 صوت)

01-21-2015 09:31 AM
و الله معارفين الناس ديل بحبوا الاراضي دي كده ليه - في كل السودان اغتصبوا اراضي الناس و ما في اي تعويض كالذي حصل بحلفاية الملوك نزعوا الاراضي الزراعيه الملك الحر قال لمسار كبري الحلفاية الما عارفين جدواه الاقتصادية شنو - غير جاب لناس الحلفايا البلاوي و الله العظيم بقت في سرقات ليليه و نهارية مسلحة- و الحاصل هذه الايام من تجني آخر علي مطري الحلفاي و اللعب في الخطة الاسكانية ما ببعيد عن مسامع الناس- و في الشجرة و في بري ياناس هوي اوعوااااااا ناس دايرين يعملوا ليهم هوية بالاراضي محنك يا السودان المسكين $$$$

[nas elhalfayia]

#1192207 [السنجك]
0.00/5 (0 صوت)

01-20-2015 11:44 PM
اليسع صاحبى داير تبقى من سكان برى وكمان فى صف السفارة الامريكية وامام سجن قواتنامو عارف الانقاذ ماشة داير ترجع لمهنتك المفضلة غسال عربات فى شارع النيل عشان تخت معدات الشغل وتاجر الحوش لزملاؤك الغسالين
اليسع ود القاسم اخوى انت عامل شنو للسودان وحتى للمؤتمر الزفتى بتاعكم ده عشان ادوك ارض فى برى الكان اهلك بجوها لضريح الشريف
بلا يخم كل الحرامية من هنا لو دعشانا
العشا التهر ليك فيهو كديسة

[السنجك]

#1192038 [كنت كوز معفن]
0.00/5 (0 صوت)

01-20-2015 04:36 PM
انا كنت هناك واليوم برضو عاملين وقفه..وقرابة الخمسمائه من قوات مكافحة الشغب تحاوطهم...قالو الاراضي ناس الحكومه ادوها لي العضو البارز في المؤتمر الوطني اليسع عثمان القاسم...وده من قرية في شرق الجزيره اسمها ود عشيب..

[كنت كوز معفن]

#1191997 [bluenile]
0.00/5 (0 صوت)

01-20-2015 03:28 PM
يا اخوانا والله العظيم الحكومه هذه نزعت اراضى الناس خاصه الزراعيه على الجروف انظر الى النيل الابيض من المقرن الى الجبل تمه نزعه وبيعه بالدولار واجبروا الاهالى على المغادره بالقوة بعدما ما حاربوهم بالردم والشرطه وبيع اراضيهم عنوة بالتزوير والله العظيم ناس الاعلام وحقوق الانسان والاحزاب وقوة الاجماع ما شايفين شقلهم جميعا همهم فقط من يجلس على الحكم نزع وتشريد واتجار بالبشر والان انظر الى ناس اللاماب برى ماذا يجرى لابده ان يتعاون الجميع فى محاربه مثل هولائى ولايوجد قانون فى الدنيا يجبر صاحب الملك الحر بالنزع وشوفوا اقول ليكم حاجه وصدقونى من قبل سمعت وزير الاستنزاف ومص ومصادرة اراضى الناس (الاستثمار)قال نحن جعلنا الاهالى اصحاب شراكه فى اى استثمار يقوم على اى منطقه كانت يعنى كل ابناء المنطقه سيجدون اكثر من 25%فائده تعود عليهم وبالفعل طبق هذا الامر اتدرون اين طبق لقد طبق فقط فى نهر الني مثل مصنع فابى وبعض المشاريع فى قلب الشماليه
.يا اهل القانون يا حماة الحق ما نشطاء حقوق الانسان يا امم يا متحده يا رؤساء الاحزاب الوطنيه واقصد بالوطنيه الحق ان يقدموا اغلا من عندهم من اجل نصرة المظلومين ورفع مثل هذا النزع اى جميع المنظمات الدوليه والمحليه كافة حتى ان نساعد اصحاب الحق




الله المستعان اللهم اليك المشتكى انصر عبادك المستضعفين فى السودان وفى كاة دول العالم

[bluenile]

#1191788 [سراجا الدين الفكى]
4.50/5 (3 صوت)

01-20-2015 12:08 PM
كل مايمكن ان يقال, انة لايضيع حق ووراءة مطالب, لكن واللهى الحكومة اذا لقت طريقة انتو ذاتكم تبيعكم وانتو ما جايبين خبر,
ياجماع والله انها لفرفرت المذبوح لهذا النظام المتأكل البائد. يعنى فى كل مكان وموقع ومحل تثير هذه الطغمة الضالة مشاكل, انا لم ارى فى حياتى حكومة مثيرة للغلاغل والمشاكل لشعبها زى حكومة الزفت دى, ودى كلها مؤشرات زوالها, الله لا مد فى ايامهم, والله يهدهم المفسدين الاشرار اللصوص اكلى قوت الشعب وشاربى دمائهم, لعبة وانفضت بهلاكهم.

[سراجا الدين الفكى]

#1191757 [الشايقى]
4.50/5 (4 صوت)

01-20-2015 11:39 AM
شى قتل فى دارفور وشى تهجير فى المناصير وكجبار والنيل الازرق وعطاله وخريجين ما لاقين ياكلو وبعد ده اهل السودان اى العرب المساكين يبهدلو فيهم ويقتلوا اولادهم فى الحروب وناس حميدتى وبعيرتى يودوهم وش المدفع للمساكين ويزوغوا يرجعوا ويمجمجوا فى وسائل الاعلام وتزغرد ليهم اشراقه فوقوا من نومكم يا ناس حجر الطير وحجر العير.

[الشايقى]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة