الأخبار
أخبار إقليمية
سفارة السودان بالرياض تحصيل أموال و اذلال للناس
سفارة السودان بالرياض تحصيل أموال و اذلال للناس
سفارة السودان بالرياض تحصيل أموال و اذلال للناس


01-22-2015 11:04 AM


بقلم/ أحمد يوسف حمد النيل - الرياض

في يوم الاثنين الموافق 19/يناير/2015 خرجت من مدينة الخرج التي تبعد حوالي 80 كيلو جنوب مدينة الرياض بصحبة زميل لي , و كنا نحمل بحوزتنا خمسة جوازات سفر عائلية لتجديدها و استخراج الرقم الوطني.

و عندما وصلنا من بعد زحام تلك المدينة الواسعة وجدنا ما لم يخطر ببال أحد , تجمع من الرجال و النساء و الاطفال و السيارات ما لم أره من قبل , و لكن بعد مقابلة الاستقبال قال لنا "ماكينة الرقم الوطني متعطلة أما بالنسبة للجواز الأخضر القديم فيمكن تجديده بدون رقم وطني لأن آخر التفاصيل من الناس , و عندما دخلنا نحو حوش السفارة رأينا منظرا غير حضاري وجدنا تكدس الناس من نساء و أطفال قد شدوا الرحال من المنطقة الشرقية و الوسطى و غيرها لاستغلال اجازة المدارس لكي يقضوا حوائجهم في السفارة استعدادا للسفر مبكرا وتفاديا لانتهاء صلاحية الجواز خاصة القديم. فالنساء يتحلين بالصبر الطويل فرأينا عبوس الوجوه والملل واضح في محيا الجميع وتسمع اللعنات والشتائم.

فقفلنا راجعين الى الخرج بعد ما اخذنا رقم التلفون من الاستقبال, و في يوم الثلاثاء عصرا اتصلت على السفارة فرد أحدهم قائلنا بان ماكينة الرقم الوطني تشتغل الان, و طلب منا أن نأتي باكرا لكي نقف في الصف و نسجل اسمنا قبل الثامنة صباحا أو بالتحديد الساعة السابعة , و جئنا الى الرياض يوم الاربعاء صباحا و كان بصحبتنا امرأة و أطفال للبصمة, و بعد عراك مع زحمة الرياض وصلنا الساعة التاسعة صباحا , كان الناس قد سكنوا بفناء السفارة و ما حولها و الشرطة تطوق المكان لتوجه الناس و السيارات و بعد عناء وجدنا موقف للسيارة. و لكن ليست هذه المشكلة فالمشكلة و الطامة ان الاستقبال اخبرنا بانه ليس هنالك رقم وطني اليوم و انه ليس هو المعني بذلك الامر بل العقيد هو المسؤول فأخذنا نسأل الناس و وجدت زميل و معه عائلته يسكن مدينة الرياض فحكى لنا انه لليوم الثاني تواليا يأتي للسفارة و لا جديد يذكر و دارت بعض الملاسنات و الملاكمات في صالة السفارة و الشبابيك. و لكننا أخذنا نبحث عن من نعرفه في السفارة لكي يشرح لنا الوضع فالذي نعرفه قد أغلق هاتفة هروبا من المشاكل. ولكننا لم نيأس فحاولنا مرات و مرات, فالتقطت بعض الصور بهاتفي للتوثيق و كل الناس تلتقط الصور لهذا الموقف المذري. لقد رأيت السفارات الأخرى كأن لم يكن بها أحد, فالسفارة المصرية التي تفوقنا عدد في العاملين في المملكة بها صف واحد لا يتعدي العشرة افراد أو أكثر و السفارة الباكستانية أقل من ذلك و حتى سفارة بنغلاديش و الفلبين و غيرها تجدها صامته هادئة, فلماذا كل هذا العبث (والدروشة). ولكنني تخيل هذا الموقف كأننا في عزاء في السودان أو عرس.

هذه الحكومة و سفاراتها و خاصة في المملكة لا تستحق شرف خدمة السودانيين , فعبث السفارة السودانية في الرياض ضيع أيقونة السودان في الخدمة المدنية التي فقدت في هذا العهد البغيض, ضاع حب الوطن , ضاعت الجدية و العمل و استشعار المسؤولية , ضاعت ثقافتنا و صورتنا الجميلة, ضاعت المدنية و انقلب الحال الى حياة ريفية ساذجة وبسيطة. وكل ذلك يرجع لضياع التعليم والثقافة والحماس الوطني وفنون العبقرية السودانية في المجالات شتى. فقد افرغت هذه السفارة السودانيين من معناهم وعكست صور سيئة, ولكنها لم تترك الجباية فهذه الصفة الأصيلة.

وبينما كنا نحكي مع زميل لنا قص لنا موقف مذل عندما دخل سعودي ورأى الناس في وضح غير مريح شتم الناس و المسؤولين وقال بأنه سوف يبلغ الملك عبد الله بهذا الوضع فاستدعوا له الامن واخرجوا من السفارة. و بعد معاناة الناس الطويلة تمخض الجبل فولد فأرا, فقد خرج لنا موظف من السفارة وبيده اعلان مكتوب بخط اليد يريد ان يضعه في الاستقبال كتب عليه ... (نظرا للشروع اليوم في تركيب الاجهزة الجديدة فنرجو من الذين بحوزتهم استمارات الرقم الوطني تسليمها غدا , اذ لا امكانية اليوم لإنجاز اجراءات جديدة للرقم الوطني...نعتذر للمراجعين الكرام عن ما يسببه ذلك من ازعاج... وشكرا ...الادارة.
هذا ما قدروا عليه بعد عناء, و العقيد لا يستلم الطلبات الا عند الساعة الثامنة و بعدها بساعة واحدة وبعدها يرجعوا لكذبتهم بان الماكينة تعطلت ويروجوا لأنها سوف تعمل بعد يومين ثم تأتي عند صباح اليوم التالي فتجدها شغالة, وكثر الهمس بأن هنالك ارانيك خفية لأنك ترى الناس تحملها ولا تعرف اين مكانها, وكثر الهمس بأنهم يقبضون مقابل لذلك, وكثرت الواسطات و التلفونات فكل واحد في السفارة يتكلم بتلفونه يريد حل للمشكلة.

ملحوظة:
رسوم استخراج الجواز الالكتروني ارتفعت من 300 ريال ال 400 ريال ما يعادل بالسوداني 920.000جنيه في حين انه في السودان ب400جنيه فقط. وقس على ذلك انواع السطو و الجبايات و النهب و السرقات


تعليقات 56 | إهداء 1 | زيارات 10453

التعليقات
#1394880 [مجاهد]
0.00/5 (0 صوت)

01-03-2016 09:07 AM
دة حال سفارات ربنا أكون فى العون

[مجاهد]

#1193814 [halffaa]
5.00/5 (1 صوت)

01-23-2015 05:12 AM
طول ما نحن راضين من خمس وعشرون عام بهذه المهزلة نستاهل كل هذا العذاب اكيد بكرة جاي الكلب ياريت كلنا نروح هناك في السفارة ونقابلو هناك ونكسر السفارة فوق راسو المجرم لعنت الله عليه

[halffaa]

#1193716 [ود الفاضل]
5.00/5 (2 صوت)

01-22-2015 11:30 PM
باختصار شديد افضل موقع لسفارة السودان هو ( حراج بن قاسم بالرياض ) فالحي الدبلوماسي لايشبهها ولا تشبهه . وبلاش فضائح ونتمنى من خارجية المؤتمر الوطني ان ترسل دبلوماسي من حجر الطير او من الهبرو ملو للاشراف على نقل السفارة الى الحراج لانه المكان المناسب لامثالها .. وذلك كاجراء مؤقت حتى تعود البلاد الى وضعها الطبيعي الكان قبل ثورة الجياع ( ساري الليل)

[ود الفاضل]

#1193710 [ملتوف يزيل الكيزان]
0.00/5 (0 صوت)

01-22-2015 11:07 PM
النظام يعتبر ، بدون لالاعلان عن ذلك ، يعتبر ان الشعب السوداني هو مجموعة من الحيوانات . علية فانتصرف طبقا لهذا المفهوم و نقوم كلنا رجال و نسوان و اطفال و نتجه نحو القصر الجمهوري و نطلب اعلافنا و سقايتنا. وبعد داك كان كل شئ مشى حسب القانون نرشح البشير كاول رئيس لسعب من الحيوانات. و مبروك مقدما : سير سير يالبشير نحن حمير!
لرفع الضغط عن ثوار الاقاليم ، يجب تفعيل العمل المسلح داخل العاصمة. العاصمة غابة مباني خرصانية و طوب !وهي بحق غابة لعدم وجود قانون بها.
من قتل نفسا بغير حق كمن قتلالناس جميعا. واي مقتول في السودان دمه في رقبة لبشير جزار الشعوب.
الاعلان بن كل منسوبي الانقاذ اهداف مشروعة.
الحل الوحيد المتاح ، هو قيام حرب عصابات المدن ، لزرع الخوف فيهم حتى يخاف الكوز من ظله ويرحل اسرتوا خارج السودان ، اذا داير ليهم السلامة.
الاداة خلايا المقاومة المسلحة السرية ، نتحرك كالاشباح وسطهم ، نراهم ولا يبصرونا ونضرب في الليان.
سلامة اعضاء الخلايا الاهم في النضال لضمان الاستمرار وتقييم عالي لاعضاء الخلايا. المهم التنسيق مع عناصر الحركات المسلحة و كل من يعمل لازالة العصابة المجرمة. ونتوقع من الذين خارج السودان عمل خلايا سرية لدعم ابطال الداخل.

[ملتوف يزيل الكيزان]

#1193685 [مرشح مستقل]
0.00/5 (0 صوت)

01-22-2015 10:18 PM
والله نحن مع الطيور المافي في ايده جواز سفر .

[مرشح مستقل]

#1193679 [أبو الرجال]
5.00/5 (1 صوت)

01-22-2015 09:56 PM
ســـؤالــي أين الوطن لكي يكون لـــه رقم وطني ؟
وهل من الضروري يا أخي الرقم الوطني أبحث عن وطن يحترمك ويقدرك وبعدين إمتلك رقم وطني
والله من الأحسن أنـــو أي واحد سوداني يحاول يمتلك رقم وطين لجنوب السودان أفضل من سودان السجم ... وما يجرى في السفارة السودانية شىء غريب لا يوجد في سفاره في العالم .. شىء مخجل للغاية .. حي دبلوماسي والسفارة زبالة ... خدمات في مستوى متدني جدا جدا ...
والله الواحد يخجل عندما يدخل في حي السفارات ويشوف السفارات الثانية والهدوء والنظام بس عندما تصل عند حدود السفارة السجم تجد انك داخل على حي مثل البطحاء سوق شعبي ..
وســؤالي إلى متى سنستمر بهذه الحالة الغير حضاري .. وكان من المفروض مثل تكل الخدمات أن تكون خارج الحي الدبلوماسي .. وهذا تشويه للحي الدبلوماسي وخلل للأنظمة الأمن في هذا الحي الراقي .. ويا للأسف .. على هذه السفارة التي أعتبرها من أشين السفارات في الكون والله ماشفت ذيها ابدا والله المستعان !!!!!!!!!!!!!!!!!!!!!!!!!!!!!!

[أبو الرجال]

#1193678 [ميمد]
0.00/5 (0 صوت)

01-22-2015 09:55 PM
وضع مزرى وحاصل وبصراحة نحن شعب لا نستحق ان نكون بمثل هذه المواقع الخدمية . ليتهم اتوا بشركات اجنبية ومن عمالة غير سودانية لما وجدتم هذا الحال . قبل هذا الزحام سافرت للرياض ومسكنى على بعد200 كيلو دخلنا السفارة وقدمنا مستندات طلب الرقم الوطنى لابنى وجلسنا منتظرين حوالى 4ساعات وبعد الاربعة ساعات خرج من تقدم معى ذهبت للموظف واسمه حافظ اكرر اسمه حافظ وقلت له دفعتى انتهت اوراقها ليه اوراقى متاخرة وكان رد فعله ان يتعمد تاخيرى الى المغرب . وكنت ارى وانا فى المكتب الجهاز يعمل وهو يخرج للمراجعين ويقول لهم الجهاز متوقف. لم نجد ولا مسئول نرجع اليه . جاء موظف الكاونتر وكنا نفتكره هو المسئول الذى نرجع اليه ولكنه دخل وخلص اوراق معارفه وخرج
وفى هذه الايام نسبة لسفر جزء من الاسرة ارسلتهم لاستخراج جواز سفر لهم والله الجواز تم استلامه بعد اكثر من شهرين .
وقبل ايام ذهب اخى لاستخراج جواز سفر لابنه فى قنصلية جدة المسافة بينه وبين القنصلية حوالى 400 كيلو وبكل برود قال له الموظف الصندوق قفل. ياابن الحلال الله يرحم والديك انا جاى من 400 كيلو لا ما بقدر الصندوق قفل ذهب للمسئول وقال حكيت له ما صار . المسئول وافق بعد الحاح ووجهه لمقابلة المسئول المباشر للموظف ولكن الموظف رفض واصر على موقفه ورفض تعليمات مسئوله المباشر وقال له المسئول دى تعليمات المسئول بعدها انجز لى الموظف المعاملة وبدأ يتحدث معى وكأنه لم يفعل شي
وبعدها مباشرة ذهب الى سفارة السودان بالرياض لعمل دخول لزوجته وكان من المفترض عمل خروج وعودة اولا ثم التوجه الي السفارة . ولم يحصل وطلب منهم عمل دخول للسودان رفض الموظف . وافادهم بانه يحمل جواز به دخول لدولة باكستان دون عمل الخروج والعودة . قال له الموظف نحن نظامنا كدا.. قلت لهم فى امكانى اعمل الخروج والعودة لزوجتى فى اى وقت اشاء بنظام ابشر . وافق المسئول . موظفى سفارات السودان فيهم ما ينعتون بهم ابناء الخليج (عجازين).
نتمنى ان تتجه حكومة السودان باسناد خدمات السفارات والمواقع الاخرى الخدمية الى شركات ووضع اهداف ومحاسبتها ان لم تنجز . كفانا تعقيدات . كل الدول الان تتجه الى اسناد اعمالها الى شركات وحتى البنوك اسندت معاملاتها الى شركات ونجحت ....

[ميمد]

#1193657 [مجاهد]
0.00/5 (0 صوت)

01-22-2015 08:32 PM
530 ريال والزوجة 430 والطالب 215 والطفل 95 وكلو بالريال 0000الريالات دي بتمشي وين ومنذ اكتوبر 2013 ممنوع التحويل للبنوك السودانية 00000اريد اجابة 000علما بانه قبل اسبوع كان موجود مراجعيين من ديوان المراجع العام

[مجاهد]

#1193614 [زماااااااااان]
5.00/5 (3 صوت)

01-22-2015 07:09 PM
انا زرت السفارة يوم اﻻحد2015/ 1/ 18 ووصلت إليها حوالي الساعة التاسعة والنصف لغرض الرقم الوطني وإصدار جواز الكتروني ومن الفرفة الخارجية عند الباب ذكر لي الموظف بأنه يتم توزيع فقط 200 استمارة في اليوم وخلصت من بدري واذا كنت أرغب في الحصول عليها ﻻبد من الحضور باكراً بالفعل في يوم امس اﻻربعاء 21/1/ 2015 شددت الرحال باكراً وكان الجو بارداً ووصلت قبل السابعة صباحاً وتفاجات بأن هنالك صف ممتد من بوابة السفارة وواصل إلى قرب مدخل السفارة الكويتية المجاورة وطبعاً توكلت ووقفت معهم في الصف وكان وقتها باب السفارة الخارجي مغلق والناس بالشارع من رجال ونساء وأطفال. وحوالي الثامنة اﻻ ربع وصل موظفوا اﻻستقبال الخارجي و كانت الصدمة اﻻولى بأنه ﻻتوجد لديهم استمارات رقم وطني ﻻنه الضابط المسؤل سيوزعها بنفسه داخل الصالة وبالفعل هجم الجمع على الصالة وجزء وقف في صف وجزء تجمع في كوم أمام الكاونتر وعموماً منظر ﻻ يرضاه بني آدم.
وما بين ترغب وانتظار وصل ضابط وبدأ في التصديقات لمن لديه طلب جواز او تجديد وذكر لنا بأن الرقم الوطني سيتم توزيع استماراته بعد قليل وكان للشاهدة رجﻻ هادئاً ويقوم بعمله بكل اريحية..
حوالي التاسعة حضر موظفاً وﻻ أعرف ان كان ضابطا أو غيره ومسك المايك وبوجه عبوس قمطريرا صدم الناس صدمة كبيرة وقال بأنه لن يتم توزيع استمارات رقم وطني اليوم ولن*نقبل اأي معامﻻت جديدة لوجود عطل ورمى المايك وذهب. وهرج الجمع ورج ولكن ﻻحياة لمن تنادي. وبعد ها بنصف ساعة جاء آخر ولم يكن افضل من سابقه وردد نفس الكﻻم وذهب وترك الناس ما بين مذهول وموجوم وهائج.
والمصيبة في ان حوش السفارة كان مليئاً بالنساء واﻻطفال. وافضل تشبيه ذكره احد المراجعين بأن هذه سفارة ام مركز ﻻجيئن. .....مع اﻻعتذار لكل اهلنا ﻻنه بالفعل هذا الشعب الصابر يستاهل كل خير .....ولكن واااااااسفاه على بلدي.

[زماااااااااان]

#1193603 [ود الشبارقة]
5.00/5 (1 صوت)

01-22-2015 06:47 PM
كل التعليقات تفلح في ذم ما يحدث أنا أوافقه الراي ان هناك قصوووووور كبير لكن يا جماعة الخيرررر هذه عقليةالسوداني في السفارة وخارج السفارة عقلية تتميز بالتاني في كل شئ وبكرررره صارت جزء من اولويات حياتنا لماذا تنتقدون المغتربين وانتم انفسكم تمارسوا هذا الامر حتى في بيوتكم المريض بالملاريا لا يذهب المركز الا بعد حراراته تصل 42 والغاز ما بنشوف له حل إلا بعد ينقطع اثناء الطبخ والكهرباء ما نعبيها إلا اذا قطعت في اثناء النوم هذا هو السودان وشعبه فلماذا تلوموا السفارة كلكم ذاك الرجل ..واتحداكم شوفوا اي مرفق من اصغر وحدة إدارية الى محلية الخرطوم إن لم تجدوا هذه الصفات الموروثة الكئيبة ، اذهبوا المدارس وشوفوا الحاصل اذهبوا المستشفيات وشوفوا الحاصل الاخصائي لا يتاخر عن عيادته ربع ساعة ولكن يغيب مدير المستشفى اسابيع بشهادة الوزير ، هؤلاء انت ايها السوادنة فلا تلوموا احد ولكن ابدوا التغيير من الآن اين منظمات المجتمع المدني اين المصلحون اين الحادبون اين واين لن ينصلح الحال إلا اذا انصلحت النفوس وتغيرت العادات فا تلوموا احد فكل السودانيين اسنان مشط اللهم ارحم السودان

[ود الشبارقة]

ردود على ود الشبارقة
[EzzSudan] 01-23-2015 10:01 AM
Goooooom Liff

European Union [عمار] 01-22-2015 10:43 PM
ههههههههههه صدقت والله


#1193601 [حاتم الشايقي]
0.00/5 (0 صوت)

01-22-2015 06:39 PM
الاخ الكريم لا شك لقد وضعت النقاط في الحروف الصحيحة ..
بعد اطلائي للمقالك .. وهذاهو ديدن نظامنا الباس الجبروت
في كل اصقاع الكون . هؤلاء الاندال الممثلين سفارتنا هم فئة
ضالة مجندة للجمع الاموال من المغترب .. اعتقد ليس لديهم اي
صفة للحماية المغتربين الذين الكثير منهم تعرضو للظلم و الذل
منرتجاه المواطنين الذين يعمل في بلادهم ...

[حاتم الشايقي]

#1193560 [المهاجر ابدا]
4.50/5 (2 صوت)

01-22-2015 05:21 PM
سافرت منذ شهرين السودان ودلفت الى قرية ساكنه فوجدت بعض النساء فسالت فقالو انهم يستخرجون الرقم الوطنى شابين من الحكومه يحملون لابتوبات ويدرجون بيانات المتقدمين ويسلمونهم الرقم الوطنى فى بيت احد الاعيان .....فلماذا لا يحصل نفس الشىء موظفين من شئون المغتربين يعملون من خلال الاحياء فى الرياض وبقية المدن السعوديه بدلا من الزحان فى السفارة التى اصبحت مزريه مقرفه والمستفيد موظفى السفاره وصاحب البوفيه الذى اكيد للسفير فيه حصة الاسد .....دخلت بعض السفارات فوالله لن تجد الا موظفه تجلس على الكاونتر سفارات كانها مسكونه من صمتها ...من هنا ايها الاخوه اين الحل لماذا لا يكون هنالك مكان اخر غير السفارة لعمل الرقم الوطنى والجوازات الى متى الفوضى يا كرتى الى متى القرف الى متى البهدله للننساء وكبار السن الى متى ايها الزنديق التابع وكم قال احد الاخوة ان الله سلطكم علينا ولكن ان غدا لناظره قريب دولة الظلم ساعه ودولة العدل الى يوم البعث فلا بارك الله فيكم ولا بارك فى جباياتمك من عرق الغلابه

[المهاجر ابدا]

ردود على المهاجر ابدا
European Union [سودانية] 01-23-2015 08:02 AM
ياخوي ديل عايزنهم اتخارجو من البلد عشان كده بسهلو ليهم الدرب واول مايصلو بهناك بيلبدو ليهم في السفارات للذلة والجزر
السفارات عبارة عن كمين للمغتربين


#1193554 [الطاعة]
2.00/5 (2 صوت)

01-22-2015 05:10 PM
وعن ابن عباس رضي الله عنهما قال: قال رسول الله صلى الله عليه و سلم « من رأى من أميره شيئا يكرهه فليصبر عليه ، فإنه من فارق الجماعة شبرا فمات إلا مات ميتة جاهلية » البخاري ومسلم .
9- وعن فضالة بن عبيد رضي الله عنه قال: قال رسول الله صلى الله عليه و سلم : « ثلاثة لا تسأل عنهم ، منهم : رجل فارق الجماعة وعصى إمامه ومات عاصيا » صحيح الجامع .
10- وعن وائل بن حجر رضي الله عنه قال: « قلنا يا رسول الله : أرأيت إنْ كان علينا أمراء يمنعونا حقنا ويسألونا حقهم؟ فقال: " اسمعوا وأطيعوا ، فإنما عليهم ما حُمِّلوا وعليكم ما حُمِّلتُم » مسلم .
11- خمس من فعل واحدة منهن كان ضامنا على الله من عاد مريضا أو خرج غازيا أو دخل على إمامه يريد تعزيره وتوقيره أو قعد في بيته فسلم الناس منه وسلم من الناس . ‌ رواه أحمد عن معاذ

[الطاعة]

ردود على الطاعة
[EzzSudan] 01-23-2015 09:58 AM
!!!!!!!!!!!What's wrong is wrong!!!!!!!!!!!!That's not true

European Union [بت الرجال] 01-23-2015 07:57 AM
وييين قصة البغلة بتاعة العراق وسيدنا عمر فكيتوها خلاص
اتوءمنون ببعض وتكفرون ببعض
والاحاديث دي كلها باطلة موضوعة تتنقاض مع النصوص القرءانية وضعوها ناس عايزة تدجن الناس زيكم كده
وعمر القال اذا رايتموني احيد عن الحق قوموني ولو بحد السيف عمر سيد الاسم ما العرة الرقاص
والسيف محمدكم محمدكم دوعلو فقركم وسناكيتكم دي كويس

European Union [ali] 01-22-2015 10:55 PM
ما هى شروط الامامه ؟هل كل من اغتصب السلطه بالسلاح وجثم على صدور الناس يعتبر امام ما حكم الكيزان ومن لف لفهم ممن شق عصا الطاعه وخرج على الحاكم هل يكون اليوم ملعون باكر معه شيك على بياض من الرسول صلى الله عليه وسلم ليفعل ما يشاء بالامه ما معنى دفع الله الناس بعضهم ببعض الذى لولاه لفسدت الحياه لماذا خرج سبدنا معاوية بن ابى سفيان على سيدنا على بن ابى طالب وقال العلماء ان له اجر ان اخطا الاجتهاد واجران ان اصاب لماذا خرجت السيدة عائشة رضى الله عنها على سيدنا على بن ابى طالب وما تقول لى تلك فتنه لانو كان اكبر خطا فى تاريخ المسلمين انو الخلافات فى وقتها ما اتناقشت وتم تخطئة المخطئ كان ما بفينا فى سنه وشيعه خصوصا ان الخلاف كان سياسي قبلى بامتياز ثم اخيرا ياخى ما ذنب غير المسلمين هشان يتهرو بالسم الهارى دا الله يهريك ياخى فكونا من دين السعوديه المحرف من زمن الامويين دا بس عشان الامه كلها تتكى اصنينا زى النعاج للمل76ك

European Union [احمد ابو القاسم] 01-22-2015 08:38 PM
يالطاعه والله انك ارهابي كاذب تؤلف الروايات والقصص وتنسبها لسيد الخلق نبينا وحبيبنا صلي الله عليه وسلم
ثم تقول البخارى ومسلم وكأنهم مقدسين رغم انو الناس بعدما فتشوا ونقبوا ودرسوا في كتب التراث اكتشفوا
ان الخارى ومسلم وابن تيميه وكثيرين غيرهم مما تقدسون كاذبون متنطعون .

الا لعنة الله وملائكته ورسله والناس اجمعين علي اخوان الشواطين اولاد الابالسه وعلي السلفيين المنحرفين
والشواذ ومغتصي الاولاد والبنات الصغار في الخلاوى اتفووووووووووووووووووووعلي لحاكم المحننه النجسه.


#1193547 [جركان فاضى]
5.00/5 (1 صوت)

01-22-2015 05:04 PM
بعد الاطلاع على تعليقات الاخوة المعلقين الكرام...احس كأن تكاليف العمرة اقل من تكاليف زيارة السفارة السودانية لاتمام ابسط اجراء

[جركان فاضى]

#1193540 [تينا]
5.00/5 (4 صوت)

01-22-2015 04:57 PM
يا جماعة قلنا ليكم دى ما اسمها سفارة اسمها (((زفااااااااارة))) رجاء اعتماد هذا الاسم من الآن !

[تينا]

#1193505 [quickly]
4.00/5 (3 صوت)

01-22-2015 03:36 PM
انا اتنشلتا في وسط هذة الزحمة في السفارة مبلغ 10الف ريال في عام 2007 كانت بحوزتى في شنطة ولامعين
زحمة وتضيق على الناس وشكلهم مبصوتين من الشغلة دي عشان عاملة ليهم اهمية وظاهرة الزحام هذة كانت تتكرر كل عام قبل اجازات المدارس والاعياد والآن اصبحت بصفه مستمرة مع اجراءات اصدار الرقم الوطني والجواز الجديد سفارة عاملة زي سوق ام دفسوا منظر قبيح ومخجل وسط حي السفارات ارقى مناطق الرياض وتخيًل اطفال صغار ورضع ومرضى وكبار السن يطلب منهم الحضور والانتظار لساعات طوال لعمل البصة للرقم الوطني وسط هذا البرد وتعب السفر ,,, اي غباء واي جهل هذا ؟؟!! وبعد دا ماعاجبوا يصراليك في وشك ويتنفر ولا حتى اسلوب تعامل مافي
تفسيري الوحيد انو موظفي السفارة ديل عبارة جهلة فاقد تربوي زبالة اتو بهم من الشارع وسلطوهم على رقاب الناس ولأن الحال من بعضوا طبعاّ كلهم من منسوبي عصابة المؤتمر الوثني الحاكم في السودان
لكن والله ليكم يوم,, ولن تدم لكم و لو دامت لغيركم لاما وصلت اليكم
تذكروا هذا

[quickly]

ردود على quickly
European Union [جنرال زمان] 01-22-2015 07:06 PM
مفروض تمسكوهم وتدوهم جلدة تمام بي سفيرهم عشات يستعدلوا


#1193500 [غاندي محمود]
4.00/5 (3 صوت)

01-22-2015 03:26 PM
زمااااان سنة 2001 مشيت السفارة لتعديل المهنة لقيت في باب السفارة غرفة فيها موظف طابع ورق و مصورو ( إيصالات ) و عشان تدخل سفارة بلدك لازم تقطع إيصال ب 5 ريال زي التقول داخل سينما

[غاندي محمود]

ردود على غاندي محمود
[جركان فاضى] 01-22-2015 04:46 PM
بس انشاء الله يكون عجبك الفيلم


#1193467 [أحمد يوسف حمد النيل]
0.00/5 (0 صوت)

01-22-2015 02:26 PM
عذرا للخطأ:
تصحيح :

ملحوظة: رسوم الجواز الالكتروني ارتفعت الى 530ريال للعاملين ما يعادل بالجنيه السوداني 1,219,000 جنيه و لغير العاملين كالنساء و ربات البيوت 400 ريال

[أحمد يوسف حمد النيل]

#1193465 [المستعرب الخلوي]
5.00/5 (4 صوت)

01-22-2015 02:24 PM
قاطعوا انتخابات الخج قاطعوا انتخابات الخج قاطعوا انتخابات الخج قاطعوا انتخابات الخج قاطعوا انتخابات الخج قاطعوا انتخابات الخج قاطعوا انتخابات الخج قاطعوا انتخابات الخج قاطعوا انتخابات الخج قاطعوا انتخابات الخج قاطعوا انتخابات الخج قاطعوا انتخابات الخج قاطعوا انتخابات الخج قاطعوا انتخابات الخج قاطعوا انتخابات الخج قاطعوا انتخابات الخج قاطعوا انتخابات الخج قاطعوا انتخابات الخج قاطعوا انتخابات الخج قاطعوا انتخابات الخج قاطعوا انتخابات الخج قاطعوا انتخابات الخج قاطعوا انتخابات الخج قاطعوا انتخابات الخج قاطعوا انتخابات الخج قاطعوا انتخابات الخج قاطعوا انتخابات الخج قاطعوا انتخابات الخج قاطعوا انتخابات الخج قاطعوا انتخابات الخج قاطعوا انتخابات الخج قاطعوا انتخابات الخج ر قاطعوا انتخابات الخج قاطعوا انتخابات الخج قاطعوا انتخابات الخج قاطعوا انتخابات الخجقاطعوا انتخابات الخج قاطعوا انتخابات الخج قاطعوا انتخابات الخج قاطعوا انتخابات الخج قاطعوا انتخابات الخج قاطعوا انتخابات الخج قاطعوا انتخابات الخج قاطعوا انتخابات الخج قاطعوا انتخابات الخج قاطعوا انتخابات الخج قاطعوا انتخابات الخج قاطعوا انتخابات الخج قاطعوا انتخابات الخج قاطعوا انتخابات الخج قاطعوا انتخابات الخج قاطعوا انتخابات الخج قاطعوا انتخابات الخج قاطعوا انتخابات الخج قاطعوا انتخابات الخج قاطعوا انتخابات الخج المخجوجة ,,, اخشى يا كاتب المقال ان تكون انت غدا اول القادمين للتصويت للمشير العوير

[المستعرب الخلوي]

#1193458 [منصور]
4.00/5 (3 صوت)

01-22-2015 02:19 PM
والله العظيم انتو في نعمه تعالو جدة وشوفو الحاصل شنو (ان الله ﻻ يغير ما بقوم حتى يغيرو ما بانفسهم) الشعب السوداني ﻻ يصلح له الا هؤﻻء الفجرة ﻻنو الشعب اصلا معفن عشان كدا ربنا جابليكم الناس اللي يشبهوكم ما ينفع لكم الا هؤﻻء الحرامية لانو كلكم انتم ايضا حرامية صدق المثل اللي قال (هذا البغل من ذاك الحرامي) ما عندكم حل الا تكبرو جعباتكم وترقصو مع سيدكم الراقص لانكم جبناء

[منصور]

ردود على منصور
European Union [المكشكش] 01-22-2015 05:35 PM
مش للدرجة دي يا منصور ولكنه شعب ساذج ، مسكين ومستكين ، وأي نصاب يمكن يضحك عليه بالله أكبر والشريعة والدلوكة والخطب الجوفاء ، ولذلك سيحكمنا هذا النظام الى يوم القيامة ..


#1193440 [halffaa]
3.50/5 (2 صوت)

01-22-2015 02:00 PM
اذا كان رب البيت بالدف ضاربا فشيمة موظفي السفارات السودانية بالخارج الرقص
وزير الخارجية اذا كان يبحث كل سنه عن زوجه جديدة يعينها سفيرة فوق العادة
ودونكم البشير واخوانه مش فاضيييين بردوا يفتشوا البنات الصبايا رغم انهم ارزل العمر
يا شباب رحم الله السودان
ما خلاص انتهي كل شئ
رحم الله السودان

[halffaa]

ردود على halffaa
[جركان فاضى] 01-22-2015 04:49 PM
ويقام العزاء فى سفارة الرياض وقنصلية جدة


#1193432 [ahmed]
4.38/5 (4 صوت)

01-22-2015 01:50 PM
طيب السؤال .. ليه السفارة ما تتنقل بين المدن زي ما كان زمان .. يعني البعثة تمشي جدة تتم أسبوع والدمام والطائف والمدينة .. كل منطقة فيها سودانيين كثيرين .. وليه يجبروا كل السودانيين يجو الرياض ويتكدسوا .. سمعت واحد من أخوانا في جدة جاء الرياض واستخرج الرقم الوطني .. قال لي الأخوان في السفارة رافضين رافضين يجو جدة لاستخراج الرقم الوطني للجالية عشان مواقف شخصية مع القنصلية في جدة .. بسبب إنه مرة مشوا جدة والقنصلية في جدة ما استقبلتهم كويس .. يعني ما كرموهم ومن ديك حلفوا (جعلية) تاني ما يختوا كراعهم في جدة .. ودا السبب خلا ناس جدة يتكبدوا المشاق ماشين وجايين هم وأولادهم عشان يطلعوا الرقم الوطني .. شوف بالله عليك .. وزير الخارجية شكله ما جيب خبر للعيال البلعبوا ديل

[ahmed]

ردود على ahmed
European Union [البرد القارس] 01-22-2015 03:21 PM
الا رحم الله وزير الخارجية
هو السبب فى البلوى دى
قنصل ضعيق
سفير يضحك براه
وشاعر سارح


#1193419 [ابودعد]
1.00/5 (1 صوت)

01-22-2015 01:38 PM
رسال إلى مسئول جهاز المغتربين

هذه الأيام هي الأيام التي نريد فيها من سعادتكم إثبات وجود بالجودية السودانية
أنقذنا وأنقذ سمعة السودان من هذا الوضع المزري والذي سيتفاقم يوماً بعد يوم.قف
إننا ندفع قيمة الجواز أربعة أضعاف ثمنه فلا أقل من إحضار تيم عامل كاف من السودان ليقوم بهذا المهمة ووقت الناس هنا بفلوس قف
الوضع ما عاد يحتمل السكوت عليه وإستئذان الموظف السوداني كل يوم لمراجعة القنصلية أو السفارة من أجل إجراء أكثر من عادي فيه الكثير من العنت والمشقةقف

نحن لا نريد منكم عمل شيء أكثر من الطبيعي والذي من المفروض أن يتم قف ونحن نقوم بالدفع أضعافاً مضاعفة فكل الذي نريده إحترام آدميتنا ووقتنا واحترام أنفسكم حتى نحترمكم قف نحن مقبلون على فترة الإجازات السنوية ... نطالبكم بكل إحترام أن تقوموا بعملكم وإذا كان هناك ضغط على موظفيكم فأرجو أن تأتوا بكوادر مؤقتة من السودان حتى لا تتكرر مأساة أيام تصحيح الوضع .. وجود القنصلية السودانية وسط حي مأهول بجدة وجلوس المغتربين وعوائلهم على قارعة الطريق جعلهم مثار تندر من العمارات المطلة على القنصلية ... أرجو نصب سرادق في حوش القنصلية حتى لا تجلس العوائل على قارعة الطريق وتحت الشمس مع تزويد الصيوان ببرادات مياه...

إن تحقيق هذه المطالب البسيطة هي أقل ما يمكن أن تقدموه لهؤلاء المغتربين التعساء وفي نفس الوقت تنقذون به سمعة السودان والسودانيين.. إذا لم تحترمنا سفارتنا فكيف ترجو من الآخرين إحترامنا
والله من وراء القصد

[ابودعد]

#1193418 [هيثم صالح]
1.00/5 (1 صوت)

01-22-2015 01:37 PM
وصلت مبنى القنصلية السودانية في جده والصدمه الكبيره انو لقيت في بوفيه اول ماتدخل السفاره على يدك الشمال لقيت عامل البوفيه بيغسل في( حله) داخل السفاره وعلى عينك ياتاجر
في وجود جنسيات تانية تخيلو سمعة السودان عند الناس دي حتكون كيف وهم بيشاهدو المنظر دى
خلاف للكراسي وللحديد المكسور القدام الكاونترات وللصاله العباره عن هنقر في حوووش وطبعا
دخلت فوق لضابط الجوازات والله افتكرت انو العماره المنسوب اليها كلمة سفاره مهجوره الحيطان
والسلالام وسخانه اضافه الى العشوائية في تسليم الجوازات , حسبنا الله فيكم يا كيزان

[هيثم صالح]

#1193413 [ِALCOLONEL]
5.00/5 (1 صوت)

01-22-2015 01:30 PM
كل الطاقم الفيها زبالة استثناء عبدالعظيم ومحمد الامين ومجاهد

أما مقدم آدم دا حدث ولا حرج شايف نفسه على الفاضي محسسني إنه انشتاين وقدم نظريات علمية أفاد بيها المجتمع وهو مهمته زيه وزي طالب في الابتدائية بيتمرن على التوقيع في حصة الفراغ
بجيه طلب تجديد جواز بوقع عليه ويتخارج

معاناتي كانت لما مشيت اطلع رقم وطني لمولودي عشان اطلع ليه الجواز
انا اسبوع كامل متمرط في موضوع **** زي دا

كل يوم اشد الرحال من شرق الرياض خائض الزحمة (زحمة الرياض اللي ماترحم) لموقع السفارة ولما أصل هناك يقول لي لالا خلاص الضابط مابستقبل طلبات بعد كدا وأنت ياوجه الشؤم شغلتك شنو عشان ماتستلم طلبات
يقول بكرا
أكون مغلوب على أمري واجي بكرا وبرضو جيت بكرا قال لي لالا الضابط ماحيستلم منك اليوم لأنه عنده وجع نوايط وهكذا من الأعذار الواهية الّتي لاتمت للواقع بصلة

وأنا مغلوب على أمري وأصبحت العن الكيزان والعن طاقم السفارة وأقول الله لاتوفقهم وتأخذ بهم أخذ عزيز مقتدر

جيت اليوم التالت بعد معاناة الوقوف في الصفوف وقفت في الصف وقدمن للرقم الوطني

مدخل البينات قال لي انتظر لحدي ماتسمع اسمك وبعد 3 ساعات سمعت اسمي ودخلت بمولودي الّي عمره لم يتجاوز شهرين في غرفة أقل مايقال عنها معفنة ومكدّسة بالناس تكاد ينعدم فيها الأكسجين

وأنا واقف في زحمة الغرفة جات مرة أعتقد انها دكتورة وبقت تجوط ليه كدا وحرام عليكم مولود زي دا تخلوه يشم نفس الناس الموضوع انها جاطت جوطة شديدة

وأنا مغلوب على أمري حاولت أصوره وأدخله الغرفة التانية لأنه كان ببكي بكاء شديد من الضيق والسخانة وعدم الأكسجين ولما دخلت أمه معاه في واحد من شلة بقر الكاوبوي قال لو سمحتو دا مامكان إنتظار اطلعو برا قلت ليه ياخي الطفل عاوز يشم شوية اكسجين قال لو سمحتو برا

وأنا مغلوب على أمري طلعت برا وأمه جلست بيه في صالة الإنتظار

وأكيد أنا صورة من مليون صورة كانو بزورو السفارة الخرا (آسف على اللفظ) لكن هذا الوصف المناسب لذلك المكان الموبوء والمليء بالأمراض

وبعد ما خلصنا من الموضوع دا قالو لينا تعالم بعد يومين لإستلام الرقم الوطني

اتصلت على جدته وقلت ليها حظ الولد مش حلو لأنه طلع سوداني ياريت لو كان غاني أو موزمبيقي برضو أحسن من جنسيته اللي حياخدها دي لانه حيكون تعيس طول عمرو

للأسف للأسف للأسف إحنا حالنا يرثى لها

[ِALCOLONEL]

ردود على ِALCOLONEL
[جركان فاضى] 01-22-2015 04:55 PM
وما تنسى ان طفلك مطلوب 2000 دولار ديون خارجية


#1193412 [ود السودان]
3.00/5 (2 صوت)

01-22-2015 01:27 PM
كلام الكاتب صحيح 100% وأنا كنت في السفارة يوم أمس الأربعاء 21 يناير فوجدت العجب العجاب أطفال ونساء معهم الطعام والماء وكأنهم في رحلة بريه يجبسون على أرضية السفارة وزحام دون أي زحام وأتحدى السفير أن يقول أنه كان في موظفين في الكاونترات منذ الصلاة وحتى الساعة الثانية بعد الظهر لا يوجد أي موظف وهذا الحال وأنا عاصرت هذه السفارة منذ عام 1977م أيام السفراء عبداللطيف دهب والسفير عيسى مصطفى سلامة والفاتح بشارة وغيرهم إلا أن السفارة الآن تحت الحضيض فعلاً .

[ود السودان]

#1193409 [ودالفنكوك]
4.00/5 (3 صوت)

01-22-2015 01:24 PM
انها عصابة المؤتمر الوطني والسفارة في الرياض جزء من كل ... الحال من بعضه .

[ودالفنكوك]

#1193406 [خليوت بعانخى]
1.00/5 (2 صوت)

01-22-2015 01:22 PM
السودانيون المغتربون يمثلون الكارثة الحقيقية التى حلت بالسودان رغم ان حالتهم المادية افضل من الذين بقوا فى السودان لاسباب قسرية او لقناعات خاصة الا انهم لم يستطيعوا ان ينظموا انفسهم ضد ابتزاز حكومة المؤتمر الوطنى التى كان يمكن ان يركعوها وتقبل بمطالبهم لانهم يمثلون المصدر الاهم لايرادات الدولة من العملة الصعبة التى هى فى امس الحاجة اليها لكى تعيش هى وتسرق وتنهب اذن المغتربين من اسباب استمرار العصابة الحاكمة الاغتراب ايضا طريق للمخارجة بدل النضال لاسقاط النظام لم يفكر المغتربون فى انهم سيعودون حتما الى وطن تكسرت اوصالة بفعل عصابة متسلطة اذا امتنعوا عن المجىء الى السودان وعدم دفع الاتاوات التى تجبيها دولة الظلم يقدرون على على هزيمة السلطة الطاغية انتم ايها المغتربيون اهم اسباب بقائها شدوا حيلكم واعلنوا العصيان على الابتزاز

[خليوت بعانخى]

#1193403 [كرم]
0.00/5 (0 صوت)

01-22-2015 01:18 PM
تصحيح ! رسوم الجواز الألكتروني 530 ريال وليس 400 ريال ياإستاذ

[كرم]

#1193398 [عبده]
2.50/5 (2 صوت)

01-22-2015 01:14 PM
حسبنا الله ونعم الوكيل فيهم ..والله العظيم زملاءنا المصريين في الجامعة التي أعمل بها في الشرقية بستلم منهم الجوازات مندوب السفارة في المنطقة بيأخذها الرياض لتجديدها وإعادتها دون ريال واحد..ورقم جواله موجود على موقع سفارتهم كغيره من المناديب من المناطق الأخرى..ولا صف ولا تجمهر ولا شكل غير حضاري..ناس محترمه شعبها..وبالرغم من الأعداد الكبيرة للمصريين في المملكة ..ربنا يعين شعبنا الصابر.

[عبده]

#1193394 [المُحـــرات]
3.00/5 (1 صوت)

01-22-2015 01:09 PM
تستاهلو اكثر من كدا لأننا جميعاً نساهم في هذا الهرج والمرج إبتدائاً من سوء تنظيم انفسنا في الصف من اجل إنهاء إجرائتنة ثم ثانياً السماح للموظفين في التأخير في الحضور وقضاء بعض الوقت في الفطور والمكالمات والكثير من السلبيات التي تحدث سواء كانت داخل الوطن او خارجه رقم ان صالة السفارة لاتستيعب اهل قبيرة ناهيكم عن بعض المناطق لأن فترة التعديل لجواز القديم سنة فمن الطبيعي ان تتكدس السفارة بالناس وهنا كان من الأولة تجهيز اكثر من خمسة اجهزة واكثر من 20 موظف لخدمة الناس التي من اجلها فتحت ابواب السفارة إلي (زفارات) السودان من اجل جني المال فقط.

[المُحـــرات]

#1193391 [احمد ابو القاسم]
1.00/5 (1 صوت)

01-22-2015 01:05 PM
ماذا سيحدث لو تجمع كل الناس وذهبوا في مسيره الي مكتب الامم المتحده بالرياض لتقديم شكوى ضد نظام السفاح
الذى يمتهن آدمية مواطنيه ويقوم بأذلالهم بهذه الطريقه المهينه في السفاره وهو ما يخالف العهد الدولي
لحقوق الانسان ؟؟؟؟؟؟؟ ماذا سيحدث وروني ؟

[احمد ابو القاسم]

ردود على احمد ابو القاسم
[جركان فاضى] 01-22-2015 05:02 PM
يا اخى اليومين ديل البرلمان شغال دراسة قانون الرفق بالحيوان...خلى يجيزوا هذا القانون وبعدين تعال اتكلم عن الرفق بالمغتربين...اصبر والصبر طيب


#1193386 [جرى]
5.00/5 (2 صوت)

01-22-2015 01:01 PM
جهز الواسطة واذهب للسفارة تنجز فى لحظة... من غبيرا نحيكم

[جرى]

#1193385 [ابو الريش]
1.00/5 (1 صوت)

01-22-2015 12:59 PM
السفارة السودانية بالرياض حالة محزنة للغاية اقترح استجلاب عمالة من الهند او بنجلاديش لادارة السفارة لخدمة المغترب السوداني

[ابو الريش]

ردود على ابو الريش
[EzzSudan] 01-23-2015 10:13 AM
NO jocks, they're better than us!!!!!!!!!!!!!!!!!


#1193369 [احمد يوسف]
5.00/5 (1 صوت)

01-22-2015 12:45 PM
ديل سفله وحراحية وتربية كيزان

[احمد يوسف]

#1193364 [عادل]
5.00/5 (2 صوت)

01-22-2015 12:41 PM
انا داير سعادة السفير والعميد شرطة الموجود فى السفاره فى الرياض يروح الى دائره خدميه تقدم للمواطن
السعودى او الاجنبى الاحوال المدنيه او الجوزات يجلس وينظر ويتخيل ويتعلم لعله يقدر يخدم الناس المعذبين
الجالسين باطفالهم فى الحوش لامويه لااكل والدنيا برد اتقوا الله فى النساء والاطفال

[عادل]

#1193351 [Nasehj]
5.00/5 (1 صوت)

01-22-2015 12:31 PM
إذا كان من بيده السلطان دبر لسرقته ليلا ومن يقوم بأمر البلاد والعباد جاهلا من أدنى فئات المجتمع فلا بد أن تكون النتيجة كذلك أو أسوأ من ذلك وبكرة يقال لك أن الجالية السودانية بالرياض هي أكثر الجاليات تصويتا للخبث الرءيس فإن لم يكن الأمر تزويرا وهذا ما أراه لأن من سرق السلطان يسهل عليه تزويره وإلا فإن كان مسردي السودان إلى السعودية هم فعلا أكثر المشردين تمسكا بهذا السلطان فقد جنت على نفسه ( الجالية) براقش

[Nasehj]

#1193335 [سودانى حتى النخاع]
5.00/5 (2 صوت)

01-22-2015 12:12 PM
الله يكون فى عونا من هؤلاء الحرامية واولاد الهرمة

[سودانى حتى النخاع]

#1193334 [Abu Ahmed]
5.00/5 (2 صوت)

01-22-2015 12:12 PM
لو أن السفارة تراعي ظروف العوائل وتديهم أولويه يكون أحسن خاصة الأسر حالوا يستفيدوا من العطلة
بعدين يضاف عدد العاملين ويكثف العمل ليشمل العطلات الأسبوعية والفترات المسائية ويعمل جدولة للمراجعين بدل تكدس الناس بالطريقة الغير حضارية هذه
المؤسف المسئولين شايفين الحاصل ومافي أي خطوة أيجابية

[Abu Ahmed]

#1193333 [الفاتح الأسد]
4.91/5 (6 صوت)

01-22-2015 12:12 PM
لقد بح صوت الجميع نتيجة لحديثهم عن هذه الأوضاع المزرية والتي تتكرر دائما في حوش السفارة السودانية بالرياض وفي حوش أمها الرؤوم وأقصد به حوش المغتربين صانع الجبايات الأكبر. الأدهى والأمر أن نفس السيناريو يتكرر كل مرة وخصوصا في أيام المواسم والزحام وليس هناك من يعي الدرس ويستفيد من التجارب كي لا تتكرر المأساة والذل والاهانة .الزحام هو نفس الزحام ونفس الصفوف ونفس الاساءات وعدم تقدير المواطن السوداني . الخدمات هي دائما بنفس الرداءة ، من حمامات وبوفيه ( سندوتش فول سادة بأربعة ريالات ) وبعد الصلاة تنعدم مياه الشرب وينعدم الأكل في البوفيه وكأننا في صحراء العتمور .يا عالم أتقوا الله في مواطنيكم وربنا يسألكم يوم القيامة.

[الفاتح الأسد]

#1193332 [أبوقرجة]
5.00/5 (4 صوت)

01-22-2015 12:11 PM
الناس ديل أزلوا كل الشعب السوداني وبالذات المغتربين ...... الحاجات دي بعملوها قصد عديل كده أنا لاحظتها في وجوههم ... لما يكون في زحمه والناس متضايقه وما قادره تقول حاجه ,, ولا تتكلم عن النظام تلقاهم هم مبسوطين والفرحه في أعينهم ... هذا ما لاحظته في سفارة عصابة الجبهة الإسلامية في الرياض... والله العظيم لما يكون عايز أجدد جوازي بفكر ألف مره وبكون في حالة من الزهج والقرف إلى أن أطلع من ما تسمى سفاره .....

المسألة ياخي كلها إزلال في إزلال....

[أبوقرجة]

ردود على أبوقرجة
European Union [medo] 01-22-2015 10:45 PM
يا دوب عرفتوا الحاجة دي... والله لو لقو طريقة يعملوا اكتر من كده كان عملوها.. اهم حاجة يركبوا الشعب ده و يعملوا كل امراضم الدنيئه. سرقة فساد بنات صغار بيوت بره و جوه السودان وما خفئ كان اعظم

European Union [سودانية] 01-22-2015 05:24 PM
كلامك صاح انا ذاتي لاحظت الحكاية دي
ومالقيت ليها تفسير غير انو الكيزان مالاقين ايدهم في المغتربين عشان يدجنوهم زي ماعملو مع القاعدين جوه
وفي سبب تاني حارقهم انو المغتربين مابحولو قروشهم بالبنك وبيلجاوا للسوق الموازي وبيستثمرو قروشهم بره بره لانو لايلدغ مؤمن من جحر مرتين
وفي سبب تالت المغتربين منجضنهم نجاض في المواقع الاسفرية
وفي سبب رابع ماعايزين يشوفو زول ماكل شارب ساكن قادر يعلمو اولادو وهو ماكوز
وفي سبب خامس وهو الحسادة حاسديننا عشان قروشنا حلال وقروشهم حرام الحرام برضو بحنضل العيشة ويمسخها

European Union [المتجهجة بسبب الانفصال] 01-22-2015 01:38 PM
اهدءءءءءءءءءءءءءءا
اهداءءءءءءءءءءءءءءا
اهدءءءءءءءءءءءءءءءءءءءءءءءءا
اهداءءءءءءءءءءءءء
اهداءءءءءءءءءءءءءءءءءءء
الى
كرتيييييييييييييييييي

European Union [المتجهجة بسبب الانفصال] 01-22-2015 01:08 PM
قالوا القنصل ضعيف
ما قادر يحسم تاس الجوازات
السفير طوالى مسافر


#1193330 [السودان الوطن الواحد .]
5.00/5 (2 صوت)

01-22-2015 12:10 PM
شكل على الإطلاق غير حضارى، تردى منقطع النظير وتراجع مخيف وكل هذا سببه الوحيد الحصول على اكبر قدر من الجبابات لم نسمع بهذا او نرى مثله فى سفارات الدول الأخرى علماً بأن مصر عدد سكانها ضعف السودان ولا يوجد بها هذا التكدس لأن كل موظف فى السفارة مستعد لإنجاز مهمته تجاه المواطنين ولكن نحن لدينا استغلال بشع لظروف الناس والسبب اللوبيات والشلليات فى الخدمة المدنيةوانعدام الرقابة وتجاهل القوانين واللوائح والناس شغالة شوربا

[السودان الوطن الواحد .]

#1193326 [مبارك]
5.00/5 (2 صوت)

01-22-2015 12:05 PM
ان ما تمارسه السفارات السودانية بالخارج من جبايات وضرائب عمل غير قانوني وسيدخل حكومة السودان في حرج كبير مع الدولة المضيفة او الموفد اليها ، فهذه الجبايات والضرائب لا علاقة لها بالاعمال القنصلية والمحددة نصا بموجب اتفاقية فينا للعلاقات القنصلية لسنة 1963 ومن ضمنها تقديم العون والمساعدة لرعايا الدولة الموفدة (السودان في هذه الحالة ) افرادا كانوا او هيئات وايضا من ضمنها حماية مصالح الدولة الموفدة ورعاياها- افراد كانوا او هيئات في الدولة الموفد اليها وفي حدود ما يقضي به القانون الدولي . ومن حقها تحصيل الرسوم على الخدمات القنصلية وليس جباية الضرائب وغيرها . فهنالك فرق كبير بين الرسم والضريبة . فتحصيل الضرائب يجب ان يكون في السودان وليس في الخارج والا تكون السفارة او القنصلية قد تجاوزت الصلاحيات المسموح لها بها في الدولة الموفد اليها .

[مبارك]

#1193323 [AbuYasir]
4.00/5 (4 صوت)

01-22-2015 12:03 PM
رسوم الجواز الآن 530 ريالا انا من المنطقة الشرقية وقد ذهبت الي السفارة مرتان الي الآن لإستخراج الرقم الوطني ومن ثم التقديم للجواز ومطلوب مني العودة بعد شهر لإستلام الجواز في كل مرة تكلفة الذهاب والاقامة والعودة واجازة ايام بدون مرتب من العمل تجعل التكلفة النهائية لإستخراج الجواز لاتقل عن ثلاثة آلاف)(3000) من الريالات تخيلوا معي مبلغ بهذا الحجم لإستخراج جواز اما اذا جئنا للحديث عن الزحام والفوضي و المنظر الغير حضاري للسفارة فحدث ولا حرج وللامانة اقول بالنسبة لارانيك الرقم الوطني والجواز لم اجد اي صعوبة فقد وجدتها بالاستقبال.

[AbuYasir]

#1193322 [قاسم الامين عبود]
5.00/5 (2 صوت)

01-22-2015 12:00 PM
السفارة في السعودية لاتشبه الا نقاط العبور بين المدن رسوم تحصيل العبور فقط حتي مياه الشراب غير متوفرة واكثر من مرة مياه للوضؤ غير متوفرة كان الله في عونك بلد

[قاسم الامين عبود]

#1193310 [الحقيقة المرة .]
5.00/5 (3 صوت)

01-22-2015 11:49 AM
السودان بلد خزله بنيه للاسف الشديد ومن حكمه من الساسة ، بلد كان من المفترض ان يكون من الدول المتقدمة لكن خزله بنيه .

وبلد صار الجشع فيه اكثر من الملح حتى من مسئوليه ووزرائه ومديريه واطبائه ومعلميه .


وتجاره وعامليه نحن جميعا تسببنا في تدمير وطننا بادينا للاسف الشديد لاننا لم نخلص لله ثم الوطن .
وبعدنا عن الدين والاخلاص لله .

ودبور وزن على خراب عشه .

لمتى سيستمر الحال يا شعبي الفضل ويا معارضي الوطن ويا حكومته ويا جيشه الفضل اليس منكم رجل رشيد ؟


سفارة الرياض هي عبارة عن مقصف جبايات ليس إلا والعاملين فيها تجار امسك لي واقطع ليك .

[الحقيقة المرة .]

#1193307 [aldufar]
5.00/5 (4 صوت)

01-22-2015 11:41 AM
لا نتوقع من سفارة الكيزان اكثر مما رأيناه واديك من بيت القصيد في مسئول من السفارة مستأجر لاسرته بالرياض فلة بمبلغ 64 الف ريال سنويا (من دم المغتربين ) .
شوفوا العجب دا يا شعبي الفضل ما عارف بكم ساكن السفير دا كان مسئول اقتصادي فقط.


الكيزان شكيناهم على الله وحسبنا الله فيهم جميعا .

[aldufar]

#1193305 [vanguard]
4.75/5 (10 صوت)

01-22-2015 11:40 AM
رسوم الجواز الاكتروني 530 ريال وليس 400.
انا دفعتها واكملت اجراءات الرقم الطني والجواز
بعد 10 ايام انتظار بالرياض وساستلم الجواز بعد شهر
علما بان لدي رقم وطني وجواز اكتروني وهذه الايام العشرة
فقط للتجديد؟
ملحوظة :
عندما نظرت الى حال سفارة جمهورية السودان وقارنتها بحال جاراتها من سفارات
الدوال الاخري تذكرت فجأة الاغنية (تصور كيف يكون الحال لو ما كنت سوداني)

[vanguard]

#1193299 [عبدالخالق أحمد]
5.00/5 (5 صوت)

01-22-2015 11:38 AM
أمس كنت بالسفارة ،،،،، فعلا منظر مزري ومبكي لأبعد مدي ،،،،، وقلا حظت الإعلان الذي بالأعلي ،،، والغريب أنه ليس به تاريخ ،،، فهو صالح في كل يـوم ،،،،، من المفترض أن يحدد به تاريخ ،، ولـكــن !!!!!!!!!!!!!!!!!!!

من المفترض بدلا أن يتخمخم الناس جماعات وأفراد وأسر إلي مقر السفارة ،، أن تفتح السفارة مقر مؤقت بالأحياء التي يتواجد فيها السودايين ،،، غبيرة مثلاً ،،،، ويحضرو أتيام تعمل من الصباح إلي منتصف الليل ،، فالفترة المتبقية إلي منتصف نوفمبر ليست كافية لإستخراج الجوازات الإلكترونية

[عبدالخالق أحمد]

#1193295 [المغبون]
5.00/5 (3 صوت)

01-22-2015 11:34 AM
قال صلى الله عليه وسلم (((اللَّهُمَّ مَنْ وَلِيَ من أمْر أُمَّتي شَيْئا، فَشَقَّ عليهم، فَاشْقُقْ عليه، ومَنْ وَلِيَ منْ أَمْرِ أُمَّتي شَيْئا فَرَفَقَ بِهِم، فَارفُق بهِ))

الناس البعذبوا فى مة محمد صلى الله عليه وسلم بروحوا وين من دعوة الرسول صلى الله عليه وسلم عليهم والمصيبة انهم قبل كم يوم محتفلين بمولده صلى الله عليه وسلم وعاملين من احباب الرسول اين اتباعكم له وتطبيقكم لسنته المحصلة صفر بس فالحين انحنا بنحب الرسول ولكن تطبيق لسنته غير موجود حب باللسان فقط سوف لن يجديكم حب اللسان يوم القيامة ابدا وسوف يتبرأ منكم صلى الله عليه وسلموانتم تعذبون فى امته وتدعون حبه .

[المغبون]

#1193290 [ود اب زهانة]
5.00/5 (2 صوت)

01-22-2015 11:31 AM
يادوبك عرفت الحكايه دي ؟؟ ياخ دي عباره عن كرين وسماسره ويوجد سماسره معروفين بالاسم بقاسموا الموظفين بتاعين السفاره وتلاعب الجوازات بشواهده والقنصل والسفير نائم في العسل فالحين في مراجعة دوائر السعوديه والتصوير مع الامير فلان والشيخ علان السفير يوم واحد ماشفته بعيني دي نزل الصاله عشان يشوف الحاصل شنو رغما عن انو الكاميره بتقل ليهو كل الحاصل في مكتب سعادته الخارجية السودانية مطالبة بمراجعة كوادر السفارة الذين عمروا لما قام ليهم شجر في السفارة دي وبحاجة لتوسعة الصالة مامكن بلد فيها حوالي 2مليون مغترب تسعهم صاله عرضها في طولها لايتجاوز 45م مربع وتسجيل السندات يدوي بطريقة بدائية تفتح باب السرقة والنهب الصالة لاتسع اكثر من 40 شخصا معقوله دي

[ود اب زهانة]

ردود على ود اب زهانة
[12548] 01-22-2015 06:23 PM
يوجد قنصل في السفارة بالرياض /اسمه / عمار احمد بابكر----كان امنجي على الطلاب منذ الجامعة ..

[أبوقرجة] 01-22-2015 12:50 PM
ما شفت تجديد الجواز في المكان الفيه كان مطعم ... خصصوا جزء من المطعم عملوا مكان لتجديد الجواز ... والباقي للمطعم ..... يداخلوا الناس الجايه تاكل والناس الجايه تجدد


#1193288 [ود الحبر]
5.00/5 (4 صوت)

01-22-2015 11:31 AM
أعوذ بالله .

[ود الحبر]

#1193283 [أبو محمد]
5.00/5 (5 صوت)

01-22-2015 11:28 AM
أرجو من الأخ كاتب المقال إرسال هذه الرسالة لرئاسة الجمهورية عن طريق الصحف الأخرى ، ليتها تحس بهموم المواطن ، هذه السفارة طامة كبرى ، السيد السفير منغمس فى أعمال خاصة (business ) وهو مكنكش فى الرياض لمصلحته الشخصية ، أما القنصل فهو ضعيف ولا يستطيع تغيير شئ .
هناك إقتراح : وهو تغيير جميع طاقم السفارة بإستبدالها من الجنسية الهندية أو الفلبينية وشوف الشغل يشمى كيف !!!!
نحن أمة السودان أمة غريبة وعجيبة وعجيبة وغريبة !!!!

[أبو محمد]

ردود على أبو محمد
European Union [المغبون] 01-22-2015 07:02 PM
طاقم شنو البغيروهو ناس حكومتنا لا بغيروا زول ولا بشيلو زول طول ما هو عبد مطيع لهم عامة الشعب الحكومة ما عندها بيهم شغله والبشير يقول اعطوا صوتكم لمن يخاف الله فيكم اين مخافة الله من العذاب البتعذبو فيهو الامة دى من هم فى داخلها ومن لحقهم العذاب من هم فى خارجها لك يوم يالبشير ولذبانيتك تندموا فيه على كل ما تفعلوه بهذا الشعب الغلبان لانها ماها دائمة ولو دامت لغيركم ما وصلت اليكم .


#1193276 [ود الطاهر]
0.00/5 (0 صوت)

01-22-2015 11:21 AM
نتمنى أن نكون طيور لكي نسافر بدون جواز سفر ونحل في أي مكان في العالم. وشكراً لتوضيحك بالحاصل.

[ود الطاهر]

#1193270 [ال]
5.00/5 (2 صوت)

01-22-2015 11:16 AM
تعال شوف القنصلية فى جدة
انت ما شفته حاجة

[ال]

#1193268 [جاد الرب]
4.50/5 (2 صوت)

01-22-2015 11:15 AM
وانت تعباااااااااااااااااااااااان كدي مالك ما هذا الحال منذ قدوم الانقاذ الي السلطة يبدوا ان الاخ اعطاه الله العافية وموفور الصحة جديد في الغربة ههههههههههههههه
سل الله العافية ولن تري من الانقاذ ما يسرك ههههههههههههههه

[جاد الرب]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة