الأخبار
أخبار إقليمية
إلغاء المساهمة الوطنية علي المغتربين من فئات العمال و الموظفين
إلغاء المساهمة الوطنية علي المغتربين من فئات العمال و الموظفين
إلغاء المساهمة الوطنية علي المغتربين من فئات العمال و الموظفين


مع الابقاء عليها بفئات المهنيين الستة
01-22-2015 02:51 PM
الخرطوم (سونا) اصدر السفير حاج ماجد السوار الامين العام لجهاز تنظيم شئون السودانيين بالخارج قراراً بايقاف تحصيل المساهمة الوطنية(ضرائب المغتربين) المفروضة علي فئات الموظفين والعمال مع الابقاء عليها بفئات المهنيين الستة الي حين اشعار اخر .
الجدير بالذكر ان القرار ياتي تنفيذا لقرار النائب الاول لرئيس الجمهورية في المؤتمر العام السادس للمغتربين والذي انعقد بالخرطوم مؤخراً.


تعليقات 35 | إهداء 0 | زيارات 11075

التعليقات
#1194551 [Adam]
0.00/5 (0 صوت)

01-24-2015 02:05 PM
أنا عاوز الغي جنسيتي السودانية ذاتها

[Adam]

#1194478 [AHMED SALAH]
0.00/5 (0 صوت)

01-24-2015 11:26 AM
((... مع الابقاء عليها بفئات المهنيين الستة الي حين اشعار اخر)) , يااخوانا افتونا المهنيين السته ديل منو!!؟
انا شغال محاسب ومغترب ومارجعت زياده من ثلاثة سنوات ومفاهم حاجه فى إى حاجه..!!!!

[AHMED SALAH]

#1194336 [زعلان جدا]
0.00/5 (0 صوت)

01-24-2015 07:30 AM
قال ضرائب غيرو اسمها الي خدمات وتدفع 230ريال

[زعلان جدا]

#1194285 [زيزوووو]
0.00/5 (0 صوت)

01-24-2015 01:10 AM
يعني بعد كده نرجع السودان ما دام مافي ضرائب

[زيزوووو]

#1194132 [ساب البلد ولاحقنوا]
5.00/5 (4 صوت)

01-23-2015 06:13 PM
والله المصريين رجال ... مافيش لعب ... تكاتفوا ووكلوا محامي ... فتم إلغاء حاجة إسمها ضريبة إغتراب إلا من تحفظ له وظيفته لحين عودته من الإغتراب وهذا يدفع رسوم رمزية.. وفد تم إرجاع كل المبالغ التي دفعوها المغتربين ... لماذا لانفعل مثلهم ... !!!!
نحن لا نستطيع لأنهم شقوا صفوفنا وأدخلوا فينا اللصوص والمنتفعين.

[ساب البلد ولاحقنوا]

#1194096 [adil a omer]
0.00/5 (0 صوت)

01-23-2015 05:10 PM
إلغاء المساهمة الوطنية علي المغتربين من فئات العمال و الموظفين

والله لو لغيتوا الاغتراب زاتو مافى ولا تعريفه

[adil a omer]

#1193941 [خليوت بعانخى]
5.00/5 (1 صوت)

01-23-2015 11:08 AM
يا مغتربين يا اشاوس انتم اكثر الفئات السودانية التى تستغل وتستنزف وتنتهك حقوقها انكم تسمحون لهم بذلك وتساهمون فى انتهاك الوطن بكله باعطائهم القوة المالية لماذا لا تفكرون فى مقاطعة سلطة النهب لا تدفعوا لهم قرشا واحدا قاطعوا كل المعاملات مع دولة الظلم انتم من بقى لهم ليعيشوا هنا البلد تم نهبه تماما ولم يبقى شىء ينهبونه اذا فعلتم ذلك ويحسب لكم نضالا سوف يذوبون كلوح الثلج فى صيف السودان نعم تلك مقاومة سلبية ولكن هى التى تبقت لنا نجوع نحن ليفروا

[خليوت بعانخى]

ردود على خليوت بعانخى
European Union [نداء الوطن] 01-23-2015 05:56 PM
كلام جميل ومنسق يا بعانخي وأزيدك فيه بيتين .
ويجب ايضا على الإخوة المغتربين الامتناع عن شراء
الاراضي والمنازل لان المستفيد الاول والأخير هم
الكيزان تجار الدين .


#1193922 [sami]
5.00/5 (1 صوت)

01-23-2015 10:39 AM
ااولا كما ذكر الاخ اطلب من سوار وهذا مطلب كل سودانى غيور اطلب منه وقد اوكلوا اليه ادارة شئون المغتربين ان يحقق فى موضوع البنات السودانيات الللائى فضحن السودان والسودانيين فى دول المهجر والا تخرج امرأة سودانية بدون محرم من ذوى قرابتها عبر وثائق يتم التحقق منها وتشديد خروج المرأة السودانيه لاى مكان لأن هذه مسؤليت وسوف يسألك الله سبحانه عنها يوم لاظل الا ظله فهذه والله الفوضى بعينها ان تخرج السودانيه لتبيع شرفها او الرحلات الفضائحيه لبعض الطقاقات السودانيات الى نيجيريا ونشر صورهن الفاضحة عبر وسائط التواصل الاجتماعى وتأتى الطقاقه الى السودان بعد ان لطخت سمعته فى الوحل الاسن مع النيجيرين ويستقبلونها استقبال الابطال الفاتحين وتحترم ولا احد يسألها اين كانت وماذا فعلت مما اغرى بعض ضعيفات وضعاف النفوس بالذهاب الى نيجيريا من هنا اطلب من الاخ سوار ان يقوم بمهمته خير قيام لا ان يكون همهم اخذ اموال امغترب المسكين دون الاهتمام بالسمعه والشرف التى رسخ لها اسلاف المغتربين وتأتى حثالات المجتمع الان وتعمل على تلطيخا بالفساد واوساخ بنى الدنيا

[sami]

ردود على sami
[حامد ابوعبدالمجيد] 01-23-2015 04:24 PM
تطلب من منو
البنات قالو ليك منو ده سوار ده بري بري
الكيزان هم اس البلاء وسبب كل المشاكل اطلب من الله يخارجوم


#1193784 [bluenile]
4.50/5 (4 صوت)

01-23-2015 02:35 AM
الموضوع اكبر من ذالك
1لماذا تهاجر البنت من غير محرم وهذا يطلب فى التعاقد وبعدين لو عاوزه تاخذ محرم على حسابها الخاص اليست هذا استخفاف وضياع بناتنا وهم فى عز الشباب والخصوبه ثم بعد سفرهن ياتين فى حاله يرثى لها الواحده تفتش للعريس بصعوبه اليست من الممكن ان يكون اهم شروط اغتراب البنت ان يكون مشروطا بواسطه محرم واهمها زوج ثم بعد ذالك محارم الدرجه الاول اخ اب او ابن او عم
2مكاتب الاستقدام التى ملات البلاد من الذى اعطاها كل هذا النفوذ بان تاخذ كم الاطباء واساتذه الجامعات اكثر من 15مليون سعر عقد العمل رغم انها عقودات اتت من جهات حكوميه خاجيه لا اعتقد انها تبيع عقودات العمل فهذه الاشياء من صميم عمل جهاز المغتربيين
3لماذ لا تعتمد ادارة التخصصات الطبيه السودانيه سنوات الخبره الخارجيه ومعادلتها معادله عادله لانو من يعمل فى الخليج يتمتع بخبره ومهاره عاليه وتفوق مميز مع جوده الخدمات الطبيه والاجهزه الطبيه وتوفرها بالكامل مع جوده المعايير الدوليه من يرفع هذا الظلم من الاطباء والطبيبات؟؟؟
4المفروض جهاز المغتربين يحسن شروط اغتراب السودانيين برفع مرتباتهم مع توفير السكن والاعاشه والتعليم للمغتربين بدول المهجر لانو المغترب السودانى مميز ومطلوب ومناقشه شرط استقدامه كما كان فى عهد الراحل نميرى بالتفصيل فمثلا
1الراعى لابده ان يكون راتبه 1500والسائق الخاص 2500والمحاسبه 5000والطبيب 7000 والصيدلى 6000 والمهندس 9الف واذا شد جهاز المغتربين حيله سوف ياتى بينتائج جيده
اضف الى ذالك لماذا عقودات الاطباء شبه مبهمه لانو الطبيب لا يتقاضى راتبه الى بعد مضى 30شهور وهو فى طوال هذه المده لابده ان يكون عامل حسابه من جيبه الخاص بينما هنالك الكثير من المتعاقدين فى وظائف اخرى يمنحون سلفيات تخصم من الراتب اليست مثل هذا ان يكون هو الاساس بدلا ان تغترب اسر باكملها وغيرهم خاصه الاطباء ويعيشون ال 3 شهور على الكفاف والعون من الاصدقاء
لماذا يتم فتح مكتب اختبارات البرموترك الذى يمتحنه الطبيب بعد قدومه لدوله الاغتراب
وهذا نظام امريكى لاختبارات الاطباء لنيلهم رخصه مزاوله المهنه الصحيه بجميع دول الخليج
لماذا لا يسمح للمغترب بسياره مره فى حياته مثل بقيه الدول الاخرى بدلا من منح التصديقات لاعضاء الحكومه مع شركائهم من الباطن اليست هذا اجرام مع سبق الاصرار والترصد
الموضوع اكبر من اعفاء ضريبه وغيره الموضوع كرامه شعب باكمله وانتم من مرمضه شعب من اميز شعوب العالم نذاهه وقيم واخلاقا وشجاعه وامانه وكل الدول تشهد بذالك الا انتم يا حكومه السجم والرماد لعنه الله عليكم جميعا الى يوم تقوم الساعه

[bluenile]

ردود على bluenile
[د. احمد حسن] 01-24-2015 01:16 PM
كلامك صحيح
اؤيدكلامك واوافقك الراي اخي بلونايل
الى الامام

European Union [Sadig] 01-23-2015 07:07 PM
اوف بوينت


#1193706 [ملتوف يزيل الكيزان]
5.00/5 (3 صوت)

01-22-2015 10:58 PM
الرجاء من سوار وهو الانقاذي الفذ ان يقول لنا منوالسلطك علينا ، الله يسلط عليك وليداتك !

[ملتوف يزيل الكيزان]

#1193694 [أهل العوض]
5.00/5 (5 صوت)

01-22-2015 10:35 PM
كذب الكيزان ولو صدقوا ..واضح الحكاية من أولها لآخرها رشوة انتخابية ،،وستتبعها الكثير من الرشاوي الكاذبة حتى حلول موعد عرض مسرحية الانتخابات ،وسنسمع كثيرا خلال الأيام المقبلة وطبعا إلى حين الانتخابات أخبار الافتتاحات ،،من عينة المسؤول الفلاني افتتح المشروع العلاني وكله لزوم انتخابات الخج.

[أهل العوض]

#1193680 [ودالباشا]
5.00/5 (1 صوت)

01-22-2015 09:57 PM
انتوا اصلا عندكم كلمة عشان يكون عندكم قرار ثم هذا ليس الغاء هذا ايقاف لترجع مره اخرى بزيادة معتبره لتناسب اعداد المهاجرين والتاشيرات المهولة بعد الانتخابات وتكونوا ضربتوا عصفورين بحجر واحد

[ودالباشا]

#1193669 [AburishA]
4.00/5 (2 صوت)

01-22-2015 09:20 PM
لعب عيال...اولا كلمة "موظف" في جميع جوازات العالم "غير موجودة" ما دام الانسان يعمل لدى الغير فهو "موظف لديه" بل كلمة المهنة هي التي "تحدد" نوعية "الوظيفة/العمل"!! اعتقد ان الصحيح ان يكتب في جواز السفر " المهنة وليس الوظيفة" لكون الوظيفة التي يعمل بها الانسان في السودان قد لاتكون نفس الوظيفة التي يعمل بها في المهجر... مثلا اذا كان "وزيرا..نائب برلماني..مديرا.. معتمد..والي..الخ) لكون اغلبها في ظل هذا النظام هي وظائف ""تشريفية حزبية فقط"" وليس لدى جلهم المؤهل الذي يجعله يتبوأ ذلك المنصب.. وأعرف بعضا ممن واجهتهم هذه المآزق!!!

نمرة اتنين.. بقول للرائع ود دفع الله...بعض قدامى المهاجرين من المعلقين وأنا منهم.قد دفعنا مساهمة الفضائية السودانية..وساحات الفدا...والدفاع الشعبي..زي تمانية حاجات كده.. ويمين بالله دفعنا كمان حق "البوسنة والهرسك" ده غيرالتحويل "الالزامي".. الريال بحولوه لينا بتلاتين قرش وفي السوق بخمسين قرش "نص جنيه"!!! ليه ما ذكرت تلك "الملحقيات" هيع هيع هاااااع.. خلوها "مستورة"!!!

** الجماعة ديل لو دايرين ينصفونا "ودا حلم بليس في الجنة" خليهم يرجعوا لينا نصف ما دفعناه ان شاء الله حتى لو من مال "التحلل" انحنا قبلانين..ولا كلامي ده ما عديل!!

[AburishA]

#1193644 [maht]
5.00/5 (2 صوت)

01-22-2015 08:07 PM
برضوا المغتربين ما حيصوتوا ليكم يا سفلة

[maht]

#1193643 [مجاهد]
5.00/5 (1 صوت)

01-22-2015 08:00 PM
ياجماعة الخير منذ 2005 الضريبة او المساهمة كما يقولون كانت موقوفة بامر الرئيس ولم تلغي نهائيا اما في العام 2013 في نهايته اعيدت مرة اخري وكل من هو سافر الي السودان يلاحظ ذلك مع زيادة في رسوم الخدمات 0000 اما موضوع المهنيين مقصود بهم (الاطباء 000 المهندسيين 000 المحاسبين القانونيين 00المستشاريين القانونيين 00 الخبراء الزراعيين 000اساتذة الجامعات )

[مجاهد]

#1193630 [ود الطاهر]
5.00/5 (1 صوت)

01-22-2015 07:38 PM
الستة ما تكون ستة الشاي

[ود الطاهر]

#1193625 [ظلال النخيل]
4.50/5 (4 صوت)

01-22-2015 07:30 PM
ده كله عشان انتخابات الخج برضوووووووووووووووو مقاطعيييييييييييييييين يا حاج ماجن خوار ... فقدوا الامل في الداخل عايزين يصوروا المغتربين المساكين وهم يتوجهون نحو الصناديق بالكاميرات ثلاثية الابعاد عشان يقولوا المشاركة كانت بنسبة 95% ونسبة نجاح البشير 85% والمؤتمر الوطني فاز ب 90% من مقاعد برلمان حسبو

[ظلال النخيل]

#1193622 [saif]
0.00/5 (0 صوت)

01-22-2015 07:25 PM
احنا بنتكلم فى اية ؟ فى البديهيات ؟؟

[saif]

#1193620 [فكرى]
4.25/5 (3 صوت)

01-22-2015 07:22 PM
لحين إشعار أخر دى أسألوا منها الأصم ؟!!
الأيام دى بالذات أى حاجه متوقعة حتى لو كان قرار رئاسى بمجانية التعليم لحين إشعار آخر !!
لكن الصيف الحاسم للشعب السودانى كلو ببدأ بعد الإنتخابات مباشرتا ويستمر لخمسة أعوام قادمة ..

[فكرى]

#1193595 [الحقيقة مرة]
4.97/5 (13 صوت)

01-22-2015 06:34 PM
فئات المهنيين الستة
____

معروفين: الحصان والحمار والبغل والجمل والتيس والتور

[الحقيقة مرة]

ردود على الحقيقة مرة
European Union [خرباش] 01-24-2015 10:43 AM
والكديس


#1193584 [مجنون]
5.00/5 (4 صوت)

01-22-2015 06:09 PM
كلام فارغ لن يدا لنا بال الا بحل جهاز المغتربين وناخد الخروج من المطار زى بقية الخلق

[مجنون]

#1193576 [مغترب]
0.00/5 (0 صوت)

01-22-2015 05:40 PM
وماهي فئات المهنيين الستة رضي الله عنهم؟؟
وكمان تعبانيين راسمين كركتير لخبر ماسورة.

[مغترب]

#1193574 [الحقيقة المرة]
3.50/5 (4 صوت)

01-22-2015 05:40 PM
تلحين

[الحقيقة المرة]

#1193553 [المكشكش]
0.00/5 (0 صوت)

01-22-2015 05:10 PM
الله يجازيك يا عمر دفع الله ، ماكنت تخلي ليه ( سريويل ) يستر سؤاته ... وأهدي هذا الكاريكاتير الرائع للأستاذ ود أبو ،، عله يعرف كيف يكون الكاريكاتير .

[المكشكش]

#1193549 [قاسم الامين عبود]
5.00/5 (1 صوت)

01-22-2015 05:07 PM
يعني رجعتوها تاني لانو اصلا كانت موقوفة لا مهنيين ولا عمال ولا موظفين بس الطريقة ابليسية خالص يعني كانها لم تلغي ووكانها قائمة بس ح تدفعوا بطريقة المهنيين مهنيين يعني البتعلموا فيهو دا ابليس ما عملوا رجعتوا للبقرة الحلوب تاني يا سلام يا سوار

[قاسم الامين عبود]

#1193535 [جركان فاضى]
4.50/5 (3 صوت)

01-22-2015 04:38 PM
صدقتوا يا مغتربين...يعفوا ليكم حاجة عشان يدوروا ليكم فى حاجة تانية اكبر منها

[جركان فاضى]

#1193521 []دقش القش]
5.00/5 (1 صوت)

01-22-2015 04:16 PM
الله يسامحك ياعمر دفع الله . الله جسدت حال المغترب السوداني تماما .

[]دقش القش]

#1193517 [قاسم الجنيد]
5.00/5 (1 صوت)

01-22-2015 04:07 PM
من زمان ملغية الجديد شنو ،، نحن 25 سنة بندفع عادي و اتلغت شنو ثاني ؟؟؟

[قاسم الجنيد]

#1193511 [أبو محمد]
0.00/5 (0 صوت)

01-22-2015 03:43 PM
والله أبدعت بس نسيت تخلى المغترب بدون شعر ( أصلع ) !!!!!

[أبو محمد]

#1193510 [شي عجيب]
5.00/5 (2 صوت)

01-22-2015 03:42 PM
المساهمة الوطنية 50 ريال قبل 4 أشهر وتمت زيادتها إلى 70 ريال ،، الإلغاء ما كان ليهو أي داعي ..

يعني كأنهم يقولون هذا دعم للمغتربين ..

لغيتم أم لم تلغو فلن ننتخبكم

ياولاد الكلب جتكو نيلة ..

[شي عجيب]

#1193509 [محروق]
3.00/5 (2 صوت)

01-22-2015 03:42 PM
العارف الستة مهن يذكر لينا

[محروق]

ردود على محروق
[محمد عمر] 01-23-2015 10:11 PM
أطباء، مهندسين ، أساتذة جامعات ، محاسبين ، مستشارين ، خبراء زراعيين


#1193508 [quickly]
5.00/5 (4 صوت)

01-22-2015 03:42 PM
ههه دا عشان الناس تصوت للبشير ولاشنو ؟
العبوا غيرها يافارات

[quickly]

#1193493 [آن الأوان]
4.50/5 (4 صوت)

01-22-2015 03:13 PM
عفوا لماذا لم تعلق الصحيفة على الخبر وتشرح لنا فئات المهنيين الستة ،،، ثم أليس أصلاً المساهمة موقوفة منذ فترة طويلة على الموظفين والعمال ،،،

[آن الأوان]

#1193485 [ابو محمد]
4.50/5 (4 صوت)

01-22-2015 03:07 PM
كان من المفترض توضيح المهنيين المعنيين بعدم اسقاط الضريبة عنهم - نعلمكم نحن التحرير الصحفى

[ابو محمد]

#1193477 [حامد عوض]
4.75/5 (5 صوت)

01-22-2015 02:55 PM
بالله

[حامد عوض]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة