الأخبار
أخبار إقليمية
مجلس أمناء منظمة بنك الطعام السوداني ينتخب على عثمان محمد طه رئيسا له
مجلس أمناء منظمة بنك الطعام السوداني ينتخب على عثمان محمد طه رئيسا له


01-23-2015 11:59 PM
الخرطوم (سونا) -انتخب اليوم مجلس أمناء منظمة بنك الطعام السوداني الشيخ على عثمان محمد طه رئيس له والأستاذ هاشم على محمد خير رئيسا لمجلس إدارة المنظمة ، بجانب اجازة أعضاء المنظمة المكون من عدد 60 عضوا وذلك خلال المؤتمر الصحفي الذي عقدته المنظمة بفندق السلام روتانا بمشاركة عدد من القياديين ورجال وسيدات الأعمال وأجهزة الإعلام المختلفة .
وأكد الدكتور كمال حسن على وزير الدولة بوزارة الرعاية والضمان الاجتماعي لدى مخاطبته اجتماعات مجلس الأمناء دعم الوزارة لاى جهد خيري وعمل طوعي في كافة المجالات والسعي لتمكين المنظمات الوطنية لأداء رسالتها بالصورة المطلوبة دعما للمواطن وللتخفيف من حدة الفقر بالبلاد .
وقال إننا نريد أن نسودن تلك الأعمال الإنسانية ، معربا عن أمله لمنظمة بنك الطعام السوداني التقدم والانطلاق إلى الإمام في إعمال الخير، مطالبا المنظمة بضرورة وجود تنسيق مع المنظمات والمؤسسات التي تعمل في ذات المجال.
من جانبه أكد الشيخ على عثمان محمد طه رئيس مجلس أمناء المنظمة على أهمية أن تكون المنظمة خالصة في عملها لله سبحانه وتعالى وتحقيق غاية الإنسانية للإنسان والبحث عن الأمان والسلام وتوفير الاحتياجات النافعة بالنية والعزم، داعيا ان تكون المنظمة خالصة لله سبحانه وتعالى وقادره على سد الاحتياجات المطلوبة، ووصفها بأنها منظمة شفافة ومصوبة نحو أغراضها وليست بذات أهداف سياسية وأجندة خفية ، ومفتوحة لكل أهل الخير بالسودان على اختلاف القبائل والمعتقدات والأديان والأوضاع الاجتماعية وإنما يجمع بينهم السعي والحرص لخدمة المحتاجين وفقا لمقترحاتها وأهدافها.
وحيا الشيخ على عثمان كل المبادرات التي تمت من قبل المنظمة تجاه الناس مؤكدا العمل على تطور عمل المنظمة ليصبح أكثر مؤسسية وانتظاما واستدامة وان لا يقتصر على الخرطوم وإنما يشمل كل ولايات البلاد مطالبا المنظمة بضرورة عمل تشبيك مع المنظمات الأخرى .
الى ذلك أوضح الأستاذ/ صديق ادم هارون الأمين العام للمنظمة أن منظمة بنك الطعام السوداني طوعية انشأت منذ العام 2006م، وتأسست بنظام اساسى يعمل بقانون العمل الطوعي وفقا لضوابط وزارة الشؤون الإنسانية ومفوضية العمل الطوعي بالسودان مبينا انها منظمة طوعية سودانية للمساعدات الإنسانية غير حكومية مستقلة بذاتها وعملت في مجال العمل الانسانى لسد ثغرة الجوع وسط شرائح المجتمع المختلفة.
وقال صديق ادم هارون إن المنظمة تهدف إلى إحياء روح التكافل بين شرائح المجتمع ومحاربة الفقر والجوع والمساهمة في تحقيق التنمية الاقتصادية والاجتماعية وتحقيق الأمن الغذائي والريادة في العمل الطوعي وخلق شراكات زكية مع الجهات ذات الصلة .


تعليقات 27 | إهداء 0 | زيارات 3005

التعليقات
#1194736 [Hisho]
0.00/5 (0 صوت)

01-24-2015 10:02 PM
بنك الطعام .. ..بنك طعام بتاع شنو عايزين يهاجموا مصانع الدقيق والمكرونة والشعيرية والزيوت وبتاعين الافران ينشفو ريقهم.. ديل حرامية وكلو مرة عندهم فكرة جديدة فى السرقة .. والله ما ان ترى صورة هذا الغبى والا هناك بلوة جديدة .. الراجل طلع كيسو فاضى وما عارف اى حاجة قاعد ليهو 15 سنة وعامل فيها نائب رئيس واخر حاجة عمل خازوق نيفاشا ضيع الجنوب والشمال

[Hisho]

#1194668 [ياسر نورى]
0.00/5 (0 صوت)

01-24-2015 06:48 PM
قلابك تعبان يا على عثمان على عثمان تااااااانى اها ورينا

[ياسر نورى]

#1194623 [المشروع]
5.00/5 (1 صوت)

01-24-2015 05:09 PM
اعتراف على عثمان

اقتباس: (ووصفها بأنها منظمة شفافة ومصوبة نحو أغراضها وليست بذات أهداف سياسية وأجندة خفية ، ومفتوحة لكل أهل الخير بالسودان على اختلاف القبائل والمعتقدات والأديان والأوضاع الاجتماعية وإنما يجمع بينهم السعي والحرص لخدمة المحتاجين وفقا لمقترحاتها وأهدافها)

وهذا يعنى ان كل منظمات الكيزان الاخرى سياسية وذات اجندة خفية وحركية وسرية وتمارس التقية والعمل السردابي المظلم والمؤسف ان كل هذه المنظات تتمتع بإعفاء جمركي واعفاءات ضريبية وهي من المنظمات التي ينتقل اليها المعاشيين الكيزان واصحاب الحظوة والخطوة ليمارسوا اعمالهم السياسة بعد انتهاء اعمالهم في الدولة...

[المشروع]

#1194552 [مسطول]
0.00/5 (0 صوت)

01-24-2015 02:08 PM
انت بس تكون امين امناء بنك السم الهارد يا راجل يا مسموم كم اكرهك اكل من بنكك احسن منو الجوع

[مسطول]

#1194549 [مراد]
3.00/5 (1 صوت)

01-24-2015 01:50 PM
هذه منظمة لاخذ الطعام من الشعب السوداني ولكنك لن تسطيع يا طه فالرازق الله

[مراد]

#1194522 [عمر تمبول]
0.00/5 (0 صوت)

01-24-2015 12:54 PM
يا جماعة انتو فاهمين غلط .. الراجل عاوز يغرس يده في البنك علشان الناس الجوعهوهم ديل ما يلقوا مجال يسدوا الرمق، يعني علي قول عادل امام لأصحابة المحششين لما فتح الشباك وصرخوا فيه ليه حاتودينا في داهية!!!!1 قال ليهم لأ ...بس أنا " عاوز ألحق نفسين كان حايطيروا"

[عمر تمبول]

#1194433 [كرم]
5.00/5 (2 صوت)

01-24-2015 10:14 AM
ديل شنو ديل ؟؟ لا بموتو ولا بفوتو ! دهيه تاخدهم واحد واحد .

[كرم]

#1194416 [نورى]
5.00/5 (1 صوت)

01-24-2015 09:45 AM
أثنين من اقبح المخلوقات على وجه الارض - أسحق فضل الله و على عثمان .

[نورى]

ردود على نورى
United States [أرسطو] 01-24-2015 02:25 PM
يامسطول والصراصير العايشين فى المراحيض زنبها شنو تلم عليها أسحق فضل الله !!!!

European Union [مسطول] 01-24-2015 01:07 PM
مجلس امناء المراحيض ينتخب اسحق احمد فضل الله عشان ما تزعل يا نورى (قصرت معاك)


#1194404 [كاتم الاسرار]
5.00/5 (2 صوت)

01-24-2015 09:36 AM
منظمة بنك الطعام السوداني الشيخ على عثمان محمد طه؟؟؟؟؟؟؟؟؟؟؟؟؟؟؟؟؟؟؟؟؟؟
ما يلدغ المؤمن من الجحر مرتين..والله تاني نصدق كوز كان جانا متدرع بالمصاحف

[كاتم الاسرار]

#1194403 [صديق علي الريح]
5.00/5 (2 صوت)

01-24-2015 09:35 AM
سبحان الله علي عصمان مدمر كل مشروعات البلد قال يسعي لمحاربة الفقر ما انت الجلبت الفقر والحرب الاذلال والاهانة لهذا. الشعب يا عميل بني صهيون ولسه تتمادي في التدمير .ياربي الزول دة جند كل الحكومة لليهود،؟؟ البلد دي مافيها زول واعي في الحكومة يقيف في وجه هذا الماسوني؟ ام اصبح المال كله بيده والباقين يتبعونة لكم الله يا شعب السودان المحكوم باليهود

[صديق علي الريح]

#1194376 [سوداني]
5.00/5 (3 صوت)

01-24-2015 08:59 AM
انتو يا الكيزان مافي واحد فيكم يتكلم عن اخلاص العمل لله، بس اتكلموا عن اخلاص العمل للتمكين، يعني اللي شلحتوهم من وطائفهم باسم الصالح العام كان اخلاص لله؟ المشكلة انو بلغ بكم السوء للدرجة اللي بتحاولوا فيها غش رب العالمين؟

[سوداني]

#1194368 [اقلام رصاص]
5.00/5 (3 صوت)

01-24-2015 08:45 AM
عقابك قريب انشاء الله يا علي عثمان محمد طه بعد زوال حكم الكيزان
المنافق لنفسه مداهن وعلى الناس طاعن
عادة المنافقين تهزيع الاخلاق

[اقلام رصاص]

#1194366 [سلمان حسن]
5.00/5 (2 صوت)

01-24-2015 08:40 AM
أعوذ بالله العظيم من علي عثمان - بداية غير موفقة أن يكون هذا الاشعث الاغبر . الله لا يوفقكم يا بنك الطعام ، سم في خشومكم.

[سلمان حسن]

#1194363 [babo]
4.75/5 (3 صوت)

01-24-2015 08:36 AM
يجب ابعاد السياسيين الذين أفسدوا وأكلوا مال السحت وأن تكون هذه المبادرة من الغلابه الفقراء الذين يكتوون بنار العوز حتى يكون العمل مخلصا لله ويكون بعيدا عن السياسة والتملق ...

[babo]

#1194359 [A. Rahman]
5.00/5 (1 صوت)

01-24-2015 08:30 AM
اوع واحد يروح يتهابل و يدفع و لو مليم لهؤلاء اللصوص، و لا يمكن لمن أذاق الشعب الجوع و الفقر و المرض ان يأتي الان ليقنعنا بانه صار حربا على الجوع.

[A. Rahman]

#1194357 [صادميم]
5.00/5 (1 صوت)

01-24-2015 08:22 AM
هو مش قالوا علي عثمان ده أكل طعام حيوانات حديقة الحيوان عندما كان والده يعمل بها كيف يعينوا رئيساً لبنك طعام بني الانسان

[صادميم]

#1194346 [ابومروان]
0.00/5 (0 صوت)

01-24-2015 07:50 AM
داوني بالتي كانت هي الداء

[ابومروان]

#1194330 [الانصاري المر]
0.00/5 (0 صوت)

01-24-2015 07:10 AM
كلام الانتخابات يمحوه النهار.. لعنة الله علي تجار الدين

[الانصاري المر]

#1194320 [مرتضي]
5.00/5 (1 صوت)

01-24-2015 05:37 AM
شيخ علي .....علي ياعلي يواد ...ياعلي...هههههههههاههههههاي يك ي ... والله ديل بعد ده ديرين ليهم عاديل في شارع

[مرتضي]

#1194318 [الانصاري]
5.00/5 (4 صوت)

01-24-2015 04:46 AM
ديل المنافقين اكلوا مال الشعب والمساكين واليتامي والارامل والمرضي ،ولسه جارين وراء مال الفقراء ،واللعبة مكشوفة ياعلي الخبيث ، اسود وجهك القبيح من الكذب والخبث ايها الدني المنافق لعنة الله عليك ..

[الانصاري]

#1194312 [ابورامز]
5.00/5 (5 صوت)

01-24-2015 03:51 AM
بنك طعام بتاع شنو؟ هو شيخ على ما شبع لسع

[ابورامز]

#1194301 [halffaa]
5.00/5 (4 صوت)

01-24-2015 02:41 AM
ما لقو الا الزفت دا الله ينتقم منه ومن اختاره من كلاب لمؤتمر الموش وطني

[halffaa]

#1194300 [Almisahir fi izallail]
5.00/5 (2 صوت)

01-24-2015 02:41 AM
بنك الكعام السودانى.. "السودانى " دى صفة للبنك ولآذ للطعام؟
فى كلا الحاين سواء كان ابنك او الطعام هو السودانى .. هلآ تفضلتم يا ناس البنك او المنظمه او يا رجال و سيدات الاعمال هلآ تفضلتم كووولكم واديتو مدرسة "ابن الحارث" المتحدث والمذكور خبر مأساتها فى اعلى اخبار هذا المساء.. وهى مدرسه فى ولاية النيل ألأزرق طلابها من اهل السودان الماعندهم وجيع وما عندهم آباء او اولياء تمور معترف بهم من قبل سلطات الولايه (نائب الوالى) حسبما ورد فى الخبر.. ادّوا الاولاد ديل نظره يا كمال يا حسن يا على .. يجزيكم الله خيرا! وكما فلتو انكم تسعون الى احياء روح التكافل بين شرائح المجتمع .....والرياده فى العمل الطوعى وخلق شراكات زكيه مع الجهات ذات الصله..
كسرة : الشراكات الزكيه تعنى شنو بالظبط.. زكيه دى مشتقه من "الزكاة" ولآ من "الذكاء" ولآّ من الريحه الزكيه (الحلوه)!!
المهم المدرسه دى تبقى فى بالكم جزاكم الله خيرا.

[Almisahir fi izallail]

ردود على Almisahir fi izallail
European Union [julgam] 01-24-2015 09:17 AM
والله لقد تسنه الطعام او بالدارجى تزنخ بعد ما جا الأسود العنسى دا وبقى على رأس البنك ،،،،،أنا قايل الصورة دى لتوأم روح أحمد عباس من حيث الثآليل والنمش والهالات السوداء،الشئ مكنة لحام


#1194288 [الجلجال]
5.00/5 (4 صوت)

01-24-2015 01:20 AM
(الدكتور) كمال حسن على

(الشيخ) على عثمان محمد طه

كل ما قام على كذبة فهو كذبة،،

الجماعة ديل قبلوا على الإغاثات السنوية التى تصل السودان من دول الخليج للمتأثرين بالفيضانات ،، والله تانى الفقراء والمتّأثرين يشموها قدحة لأن هؤلاء سيختلوا بها خلو غير شرعى.

[الجلجال]

#1194287 [القال الروب]
5.00/5 (5 صوت)

01-24-2015 01:17 AM
الصورة دى على عثمان ولا اسحق احمد فضل الله اعوذ بالله

[القال الروب]

ردود على القال الروب
European Union [julgam] 01-24-2015 09:18 AM
ولا أحمد عباس ،ماكينة اللحام

[salih] 01-24-2015 09:17 AM
hehe...you made my daY


#1194284 [الأزهري]
5.00/5 (4 صوت)

01-24-2015 01:09 AM
انتو ماسكين الحكومة والسلطة ما أطعمتم الناس وقديتوهم في الجوعة الياها عايزين باسم الجوعة دي كمان تعملوا ليكم منظمات تخموا من وراها بدون جمارك ولا ضرائب؟ قال عمل طوعي خالص لله قال - لســـع بتغشوا في الناس باسم الله ودينه لعنته ولعنة عباده عليكم داخل وخارج السلطة إلى يوم الدين.

[الأزهري]

#1194283 [تمر الفكى]
5.00/5 (3 صوت)

01-24-2015 01:08 AM
هو الجوع السودانيين منو غير ناس على عثمان

[تمر الفكى]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الفيديو |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة