الأخبار
أخبار إقليمية
سوار يطالب بتنفيذ مدن للمغتربين في الولايات
سوار يطالب بتنفيذ مدن للمغتربين في الولايات
سوار يطالب بتنفيذ مدن للمغتربين في الولايات


01-24-2015 11:17 PM
الأبيض- سعد محمد علي

طالب حاج ماجد سوار، الأمين العام لجهاز شؤون العاملين بالخارج، حكومات الولايات بإنشاء مدن للمغتربين بدلا عن توزيع قطع أراض لهم، وتعهّد بدعم كل ولاية تنشئ مدينة للمغتربين بحديقة أو ملعب كرة قدم.

وحث حاج ماجد الولايات لاتباع نهج ولاية شمال كردفان، وتعهد بإنشاء حديقتين بكل من الحي القطري الذي خصص للمغتربين من أبناء الولاية بدولة قطر والحي السعودي، المخصص لمغتربي شمال كردفان أيضا، وعدها تجارب مشرقة. وأكد السفير سوار أن الجهاز سيساهم عبر شراكة فاعلة وراسخة مع حكومة الولاية لإنجاح ملتقى أبناء شمال كردفان بالمهجر.

وفي السياق، أكد أحمد هارون، والي شمال كردفان، أن خريف العام الحالي سيشهد قيام أول مؤتمر للمغتربين من أبناء الولاية بدول المهجر، وأعرب لدى تدشينه منح تأشيرة الخروج من فرع الجهاز بالأبيض، بحضور حاج ماجد سوار، أمس (الجمعة)، عن سعادته بجهود أبناء الولاية بالمهجر لدعم نفير النهضة. وتعهّد بإنشاء أحياء أخرى للمغتربين من الولاية بسلطنة عمان والإمارات، ووافق على تحديد مقر مميز لفرع الجهاز بالأبيض

اليوم التالي


تعليقات 15 | إهداء 0 | زيارات 2185

التعليقات
#1195589 [العمرابي]
0.00/5 (0 صوت)

01-26-2015 08:18 AM
والأسوأ انو نحن في السودان مصنفين اجانب ومقيمين عند التقديم لأبنائنا في الجامعات ودا مثبت في لائحة دفع الرسوم في كاونتر الإستقبال في كل الجامعات الخاصة

[العمرابي]

#1195430 [بدر نورالدائم]
0.00/5 (0 صوت)

01-26-2015 01:19 AM
ياوزير المغتربين كما يحلو لك نحنوا ماعوزين مدن فى الاقاليم عاوزين كما اوعدتون فى العاصمه وبعدين ىاوزير انت فشلت فى الوزاره وفشلت فى الدبلوماسيه والان فشلت فى اما نتك للمغتربين نحن ابسط مقومات الحياء ماقدرت عليه ليه الواحد مايكون عند عربيه وليه ندفع ضرائب اكثر من قيمتها وليه ما نحمل شلاجه من غير جمارك وليه وليه ولكن الاهم من مدنك التعليم بالله عليك ماتستحى من كلمه الكوت بالله عليك ياخذ5% مشى حرام عليك ىاوزيرنا وبعدين شوف التعليم متاح فى معظم الدول مجانا ياخى انت ماقدرت تقنع وكيل الوزاره انت دورك شنو وماذا عملت للمغتربين وبعدين زرت المدينه المنور ليه مااجتمعت بالسودانين وتشوف مشاكلهم اين الضمير ىاوزيرنا التعليم اولا :

[بدر نورالدائم]

#1195034 [ahmed]
0.00/5 (0 صوت)

01-25-2015 11:27 AM
يا حاج ماجد سوار اذا فعلا عاوز تخدم المغتربين حقق لنا النقاط التي وضعها مواطن سوداني .
ونكون شاكرين لك ولجهاز المغتريبن .

[ahmed]

#1194998 [بلدى ياحبوب]
0.00/5 (0 صوت)

01-25-2015 10:51 AM
التعصب والجهوية ليست للقبيلة فقط فلديها صور اخرى فالتعصب للولاية او المدينة هو نوع من هذا إذا اردتم للسودان ان يكون موحدا فلا بد من خلق تعايش وإندماج بحيث لا يعرف الشخص من اى ولاية فقط سودانى ومثل هذه المشاريع اذا فتحت لكل السودانين ممكن ان تساعد فى ذلك فمثلا الحى القطرى فى الابيض تخيل انه يسكنه كل قبايل السودان من ادروب لسيد احمد لادم لطلحة لابكر ثم تحصل مصاهرات مستقبلا ذى مافى الجزيرة الان يعيش فيها كل ابنا السودان لذلك هم اقل الناس عنصرية وجهوية وتمسكا بالقبلية فلا تاتو بمشاريع تساعد فى توسع الهوة نحن ما ناقصين .

[بلدى ياحبوب]

#1194947 [مواطن سوداني]
4.00/5 (3 صوت)

01-25-2015 09:45 AM
أذا يا حاج ماجد سوار عايز تدخدم المغتربين بشروط وهي :

1 - أدخال سياره لكل مغترب بدون رسوم جمركيه مع مراعاة الموديل

2 - ادخال عفش وتاثيث منزل كامل بكل مايلزم من اجهزه كهربائيه وخلافه

3- أدخال معدات صناعيه او زراعيه او تعليميه بدون جمارك لجميع فئات المغتربيين


هذه الاشياء المهمه التي تهم المغتربيين اذا تقدر تعرضها علي مجلس الوزراء الموقر

[مواطن سوداني]

ردود على مواطن سوداني
United States [moe] 01-25-2015 11:48 PM
عليك الله دي متطلبات! يأخ لو إنتو إغتربتوا السنين دي كلها وما قادرين توفروا هذة المتطلبات لأنفسكم, فائدة إغترابكم شنو؟.مفروض هذة الأشياء تطالب بيها الدولة المغترب بها, لأنك أفنيت عمرك خدمتاً لهم, فهم اللجازوك بذلك, مش حكومة السودان ,وجمارك مجانيه لتأسيس بيت بكل المستلزمات دي مهناها إنك جاي راجع نهائي, يعني إنك طلع من حكاية المغترب. يعني إنتو بس عايزين الحكومة تدي فيكم في المجان. إنتة الظاهر عليك من الناس البتهمهم نفسهم فقط. دائماً حكاية التسهيلات بين كل طرفين تكون مكسب لكل الطرفين مش مكسب من طرف واحد. وهو الوزير عامل المشروعات دي عشان خاطر عيون المغتربين؟. عاملة عشان عايز عملة صعبة تدخل البلد. أفهموا يامغتربين
طبعاً حتقولوا علي كوز..

[المغبون] 01-25-2015 04:42 PM
تخيل انحنا فى الاغتراب اكثر من 30 عاما تخيل ثلاثون عاما دفعنا فيها للوطن كل ماهو مطلوب من ضرائب وجبايات ورسوم وخلافه واغلى من ذلك دفعنا صحتناوعمرنا وحتى هذه اللحظة لم يتكرموا ويتعطفوا بان يسمحوا لنا ولو بسيارة بدون رسوم جمركية ويقولولك انحنا عائزين نخدم المغترب اين هذه الخدمة كلو كلام كذب ونفاق ونسأل الله ان يعوضنا خير فيما فقدناه من صحة ومال ولكن حكوماتنا ما فيها خير لاعندها رحمة لمواطنيها سواء كانوا بالداخل او بالخارج فقط تطلب ما هو لها وتحرص عليه اما حق المواطن


#1194918 [جركان فاضى]
1.00/5 (1 صوت)

01-25-2015 09:17 AM
طيب عملت مدن للمغتربين...مين يسكن فيها؟...المغترب اما مصطحبا لاسرته او غير مصطحب...فالمصطحب لايحتاج لبيت حاليا...والغير مصطحب تارك اسرته فى السودان وهى عبارة عن زوجة واطفال وصبيان وصبايا ...يعنى حى المغتربين حيكون خالى من الرجال ويكون هدفا مغريا للحرامية....قروش تجرى جرى ومافى رجال تحرسها

[جركان فاضى]

#1194917 [A. Rahman]
3.00/5 (2 صوت)

01-25-2015 09:15 AM
يعني المغتربين ديل تطير عيشتهم يمشوا السودان يعيشوا مغتربين أيضاً في احياء خاصة بهم، و يجب الا يفرح مناصرو الفكرة منهم لان الأعلاف الرسمي عن مثل هذه المشاريع يبدأ دائماً بعبارة : "على المغترب (ان يدفع مبلغ كذا) .....".و باقي الجملة معروف، اما باقي القصة فهو الجري وراء السراب. انا حتى الان استغرب لماذا يريد المغتربون ان يتم تميزهم على حساب أهلهم في الاراضي و في غيرها؟ يجب ان يطالبوا بمعامل تهم كمواطنين عاديين ينالون حظهم في السكن كمواطنين، و في التعليم كمواطنين، و في الصحة كمواطنين الخ ....

[A. Rahman]

#1194906 [ابودعد]
1.00/5 (1 صوت)

01-25-2015 09:01 AM
يا سوار قبل المدن جيب لينا جوازات وجيب لينا طاقم للسفارات وأرحمنا من سفارات وقنصليات لا توجد بها جوازات (أمال فيها شنو؟؟؟)
أرحمنا من الصفوف في السفارات وافتراش الطرقات
أرحمنا من كلمة الجوازات لسه ما جات... آخر الشهر ويأتي آخر الشهر ونفاجأ بأن الجوازات خلصت (ما عارف دي جوازات ولا لحمةّّّ)
ارحمنا من بيع الإستمارات ... هل سمعت بسفارة تباع فيها الإستمارة من أجل ملء البيانات فيها وإذا جئت بعد الثامنة لا تجد إستمارة
ارحمن من كلمة الإستمارات خلصت تعال بكرة (كيف أستأذن من عملي كل يوم فقط لتجديد أو إستخراج جواز أو رقم وطني أو أو أو
قبل المدن حل المعضلة أعلاه ثم لماذا ينشغل مسئولو هذا الجهاز دائماً بأشياء بعيدة عن إهتمامنا...

[ابودعد]

#1194901 [عنكبة متولي]
0.00/5 (0 صوت)

01-25-2015 08:53 AM
نطالب بزيارة اخرى للخليج ، في ناس لسه ما شبعت منك ، ضروري حضورك يا غالي.

[عنكبة متولي]

#1194896 [osama]
5.00/5 (1 صوت)

01-25-2015 08:48 AM
ايها المغتربين احزروا هذا الكلب انه شيطان وخنزير نجس احزروه ولا تقعوا في نوع من الفخ امشوا زورا اهلمم وبس والله اديكم نصيحة بيعوا ممتلكاتم هناك زاتو لانهم فسدوا الارض . اعمل بحزر شديد. هذا اهله جعانين في دارفور وعايش في كندشه من عرقهم الله يديك سرطان سريع ونوع درجه ٤

[osama]

#1194893 [Tash Ma Tash]
0.00/5 (0 صوت)

01-25-2015 08:46 AM
دائما تفتشوا لثغرات المأكله !!!!!

[Tash Ma Tash]

#1194851 [سراجا الدين الفكى]
0.00/5 (0 صوت)

01-25-2015 07:15 AM
(سوار يطالب بتنفيذ مدن للمغتربين في الولايات)

الحقونا....... مشروع جديد ياابسوار, واللهى الانقاذين ديل برعوا فى الانتحال ويعرفو كيف ياكلو مال الغير بشتى السبل, لكن يا ابسوار اى مشروع يباع ويشترى بواسطة المغتربين, مافى اى مغترب تقدرو "تتدقسهو" تانى, شبعوا من ضربكم ليهم, وصار الضرب على الميت حرام, لانو ماخليتو ليهم اى شئ يضرب.
بعدين خلاص اقتنعت انو حكومتكم ضنبها رقة, وقلت احسن اسرع "اخمش" قبل صاحب الامانة ياخذ روح الحكومة, لعبة قديمة, انت بدل ماتفكر كيف تضرب, فكر فى المخارجة, وانى لك من الناصحين.

[سراجا الدين الفكى]

#1194848 [الحاج علي]
1.00/5 (1 صوت)

01-25-2015 07:04 AM
سندس جديد يا بلطجي شوف غيرها لعبة قديمة

[الحاج علي]

#1194808 [ود البدري]
2.00/5 (1 صوت)

01-25-2015 01:51 AM
حاج ماجد ،تاني جيتنا... مشروع آخر لنهب أموال الكادحين من المغتربين ، لقد ضرب أخماس علي أسداس ، وتفتقت عبقريتة ، لتسخين ملاح بايت ، علي أنها طبخة طازة ، محولات الكيزان بيع الاراضي للمغتربين بالدولار ، والحصول علي المال بأسرع فرصة ، لوضعة في جيوبهم ، وبعدها ....... علي المغترب الركض بين الصفا والمروة ،!!!! ويتضح بعدها بان التخطيط كان علي الورق فقط ، وليس هنالك أي دراسة أو تخطيط علي أرض الواقع ....... وليس هناك حتي أرض لتوزيعها ، الحذار ثم الحذار .... من الوقوع في هذا الشرك ، وبعدها سوف لا ينفع الندم .... وتضيع سنوات الغربة والكفاح في جيوب هؤلاء اللصوص المرقه الذين لايخافون اللة ، في حق الشعب الكادح ، الذي ترك لهم كل الوطن ، وخيراتة وسعي للرزق في بلاد اللة الواسعة ، للعيش الكريم ، ولكنهم أثقلوا ظهرة بالضرائب والجبايات .....، ولم يكفيهم كل هذا ، وهائذا يخرجون بين الفنية والاخري بمشاريع وهمية للسطو علي مدخراتة ........ اللهم هل بلغت ٍ..اللهم فأشهد .

[ود البدري]

#1194785 [bluenile]
0.00/5 (0 صوت)

01-25-2015 12:15 AM
هذه اساليب جهويه ولايه نهر النيل تبيع اراضى فقط لابناء الولايه وولايه كردفان تبيع اراضى فقط لابناء كردفان وولايه الجزيره ايضا تبيع لابناء الجزيره وابناء الشماليه كمان وابناء الشرق كمان
انه السودان الجديد عندما تولد الجهويه والمحسوبيه فكل والى وكل مسؤول يتربع على عرش الوزاره او المسؤليه يبدع وينخر بمهاره فى وحدة ووحدة نضال الشعب السودانى فاين ابناء النيل الازرق واين ابناء دارفور حتى ابناء وقرى الخرطوم الذين نزعتهم املاكهم من مثل هذه الاراضى والمشاريع الاستثماريه ما هذا يا جهاز المغتربين وما هذا يا مجلس الوزراء هل هذه هى الوحده والسلام اى سلام تتحدثون عنه واى تنميه تتحدثون عنها كنت اتمنى ان يكون جهاز المغتربين جادا وقويا يجمع كل طوائف المجتمع فى وحده وسلام وتنميه اجتماعيه تكافليه موحده تنصب كل فى شى اسمه وحده السودان وان يتعامل كل ابناء السودان ويتعاملوا سوا سويا فى السراء والضراء لماذ تؤخذ ضرائب وجبايات من الجميع فكيف يعامل من ولد فى الخرطوم وهو من ولايه كردفان هل يعامل على اساس انه كردفانى او من الجزيره او او او
اعتقد مثل هذه القفذات شى غير موفق فيجب عندما تتطرح اراضى فى جزء من السودان يكون مفتوح الى جميع ابناء السودان دون تمييز بين ولايه وولايه اخرى
لاننا نعرف جيدا ان هنالك بعض الولايات مازالت فيها القبليه او بمعنى اخرى ناظر القبيله او شيخ القبيله او عمدتها انهم مازالوا هم زعماء اصحاب سلطه اقليميه واسعه
فلذالك توزيع الاراض يا سعاده ماجد سوار لابد ان يكون مبنى على قيم واخلاق ومثل وتشمل جميع ابناء السودان وليست ان يميز الانسان بجنسه او لونه فى ولايته
والحديث كثير ومليان لكن هذا شى بسيط

[bluenile]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة