الأخبار
أخبار إقليمية
وزير التجارة : الأسواق أصبحت بلا (ظابط ولا رابط)
وزير التجارة : الأسواق أصبحت بلا (ظابط ولا رابط)
وزير التجارة : الأسواق أصبحت بلا (ظابط ولا رابط)


01-26-2015 10:31 PM
الخرطوم: أبو القاسم إبراهيم

أكد وزير التجارة الخارجية؛ عثمان عمر الشريف، أن الأسواق أصبحت بلا (ظابط ولا رابط)، ورأى أن سياسة السوق الحر ظلت معيبة وخالية من الاحترام للمواطن، وطالب بإعادة هيبة وزارة التجارة وإعادة المفتش التجاري.

وتعهد الشريف خلال مشاركته أمس الأحد في ندوة اقتصادية بمعرض الخرطوم بالسعي لوضع السياسات وتنظيم المنافسة ومنع الاحتكار، ووضع ديباجات على الأسعار لحماية المستهلك، موضحاً أن البلاد تحتاج الى تنظيم الاستيراد، مشيراً الى أن الوردات الاستهلاكية تسبب خسائر للدولة واعتبرها بذاراً للأموال.

وأضاف الشريف أن الحرية تهدف الى التنظيم في السوق، وليس الفوضى، وأن معظم الدول الرأسمالية المتقدمة تضع ديباجة على الأسعار، ووعد بسن القوانين للحماية المستهلك والمنتج وتطويره من خلال إضافة قيمة مضافة لزيادة الصادرات.

التغيير


تعليقات 16 | إهداء 0 | زيارات 1155

التعليقات
#1196910 [العبيدى]
0.00/5 (0 صوت)

01-27-2015 05:48 PM
"أكد وزير التجارة الخارجية؛ عثمان عمر الشريف، أن الأسواق أصبحت بلا (ظابط ولا رابط)، ورأى أن سياسة السوق الحر ظلت معيبة وخالية من الاحترام للمواطن، وطالب بإعادة هيبة وزارة التجارة وإعادة المفتش التجاري."

وانت عملوك وزير لشنو يا سجم الرماد !!! ما دام عرفت انك ما عندك أى صلاحيات فلتذهب إلى مزبلة التاريخ ، وباعتقادى ذلك اشرف لك من "تمومة الجرتق" ... بلاء يخمكم وزراء آخر الزمان

[العبيدى]

#1196885 [إدريس دكوه]
0.00/5 (0 صوت)

01-27-2015 05:09 PM
شكلا كده ما جايه معاك التجارة الخارجية ، تصلح تبيع فول مصلح بعد المغرب في الساحة الخضراء

[إدريس دكوه]

#1196714 [karlos]
5.00/5 (1 صوت)

01-27-2015 12:56 PM
اكتشفت الذرة يا عبد المعين

[karlos]

#1196685 [الناهة]
5.00/5 (1 صوت)

01-27-2015 12:26 PM
شوفوا الزول الزلنطحي ده
انت من تم محاصصة حزبك وعملوك وزير تجارة الاسواق ما فيها زابط ولا رابط
يعني داير تعمل لينا فيها الولد فهم اخيرا انه الاسواق ما فيها زابط ولا رابط
كدي خلينا من الفهلوة ولعبة ال3 ورقات دي وشوف مولانا حيرجعك للوزارة ولا خلاص
بعد ده كله داير يتكلم عن زابط ورابط

[الناهة]

#1196668 [نكد الدولة سخطان]
5.00/5 (1 صوت)

01-27-2015 12:12 PM
ايخ حكاية العمم الملونة والمزركشة دى كمان؟
شايفين الألوان والزركشة والتطريز؟

[نكد الدولة سخطان]

#1196649 [Floors]
0.00/5 (0 صوت)

01-27-2015 12:01 PM
إرحل يا ديناصور ماشاء الله نظام الشاويش كلهم ديناصورات بطانة ومعارضة أين الشباب الكسوووووووووووووووووووووووووووووووووووووووووووووول ملعون أبوك يابلد حاكمها شاويش ومنظريها دراويييييييييييييييييييييييييييييييش

[Floors]

#1196524 [سراجا الدين الفكى]
0.00/5 (0 صوت)

01-27-2015 10:17 AM
ياوزير: شنو الفى السودان "لية زابط ورابط" ما كل الامور فى السودان تسير بقوة الدفعة القديمة ما من شئ بالسودان لية من يقف وراءة. وانت تتكلم فى عدم الزبط والربط فى السوق فقط, خذ اى شئ, اى شئ, فى سودان ليس علية حسيب او رقيب, وهذا عمل الحكومة الفاشلة وافرازاتها فى المجتمع السودانى.

[سراجا الدين الفكى]

#1196501 [شهنور]
0.00/5 (0 صوت)

01-27-2015 09:56 AM
كذاب لان التجار كيزان والثبتو عليهم الفساد حايمين بره ومتمتعين بفلوس اليتاما والمساكين وكلامك لتلميع شخصك .

[شهنور]

#1196486 [عبادي]
5.00/5 (2 صوت)

01-27-2015 09:46 AM
الله يرحمك يا ابو حريرة

[عبادي]

#1196458 [ود المهديي]
0.00/5 (0 صوت)

01-27-2015 09:34 AM
متى يأتي دورك يا وزير التجارة خلاس بخلي ابوي اجي اظبت السوق ليك خليك قاعد في كرسيك دا


راجل منحط وجاهل يا وزير التجارة انت ما سمعت بوزير التجارة السابق المرحوم ابوحريرة امشي اقرا وراجع ماذا عمل للتجار اثناء حكمه رحمه الله كوزير تجارة للسودان انت راجل دلوكة ساي

ولا لك مصلحة في الحاصل للمواطن من قبل التجار واحتمال تكون تاجر كبير وتحمي نفسك وسط الهمجية الحاصلة في كل البلد خلي عند رسالة كوزير قوي وإلا تخارج من هذه الوزارة وخلي راجل من امثال ابوحريرة امسك هذه الوزارة


اعلم يا وزير التجارة انت لا دور لك ولا بتهش ولا بترش اقعد واكل من مخصصات الحكومة مال الشعب الفقر المسكين دا من جبايات المساكين انتم جميعا ترزقون الآن من ستات الشاي والمزارعين لا رسالة لكم في حياة المواطن عليكم اللعنة جميعا وزراء فاشلين .

[ود المهديي]

#1196453 [فيصل ابراهيم احمد]
0.00/5 (0 صوت)

01-27-2015 09:31 AM
الراجل ممكن اجى منو خير.

[فيصل ابراهيم احمد]

#1196446 [الحقيقة المرة .]
0.00/5 (0 صوت)

01-27-2015 09:25 AM
رحم الله ابوحريرة نحن ما كان لوزارة التجارة افضل وزير مر على السودان لكن اختاره ربه ليكون جواره والناس المخلصين برحلوا بدري امثال ابوحريرة الرجل الشجاع الذي لا يخاف إلا من ربه مثل وزيرنا دا شكله ميت من صورته هذه ولا حول ولا قوة له ازلف ازلف من الوزارة وخلي واحد قوي امسك الشغلة دي انت ما قدرها لكن جايبنك طابور خامس مثل رخ الشطرنج تحرك باليد ما دام السوق ما قادر تعمل فيه شيء ولا تضبط التجار القعاعد ليها في هذه الوزارة ازلف يا اخي لكن العيب في حكومة البشيرة الجابت امثالك فقط لكي تعيش على اموال المساكين .

وطبعا انت راجل فاشل كوزير واظنك انت زير فقط وامثالك كثر في هذه الحكومة .

عليكم اللعنة جميعا وزراء ورئيس فاشل بدون شك ؟

[الحقيقة المرة .]

#1196391 [محمد الامام على]
1.00/5 (1 صوت)

01-27-2015 08:49 AM
بالله ياجماعة الخير ده كلام وزير - طالب الوزير - وزير يطالب منو ؟ انت ياوزير الهنا شغال شنو شكلك كده سمسار

[محمد الامام على]

#1196324 [أبو مهند]
1.00/5 (1 صوت)

01-27-2015 07:33 AM
طيب انت وكت وزارة التجارة ما عندها هيبة قاعد تعمل شنو؟
يا اخي احترم نفسك وقدم استقالتك عشان تسجل موقف يُحسب ليك.

[أبو مهند]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة