الأخبار
أخبار إقليمية
العثور على مركبة مدفونة في باطن الأرض بريفي مدني
العثور على مركبة مدفونة في باطن الأرض بريفي مدني
العثور على مركبة مدفونة في باطن الأرض بريفي مدني


شاهد الصور
01-26-2015 05:14 PM
تمكن فريق مباحث يتبع لقسم الشرقي بالخرطوم من وضع يديه على أغرب سرقة سيارة في السودان، وذلك عندما عثر على المركبة الصالون (اكسنت) موديل 2011، وهي مدفونة في باطن الأرض لأكثر من أربعة أعوام، وابلغت مصادر شرطية أن السيارة تخص طبيبة تتبع للقوات المسلحة، فقدت سيارتها بالقرب من مركز القلب. ودون بلاغ السرقة ضد مجهول، وبتوفر معلومات عن وجود مركبة مدفونة داخل مزرعة في قرية أم سنط (ريفي مدني) بولاية الجزيرة، تحرك فريق مباحث بقيادة الملازم فيصل الأصم، وبالتنسيق مع مباحث شرطة الجزيرة، تم العثور على موقع السيارة المدفونة،و اتضح أن المتهم الأول غادر السودان إلى احدى المهجر العربية، وقد قام بدفن السيارة داخل حفرة بعمق ثلاثة أمتار، وقام بتغطيتها وقام بسقفها بصبّة خرصانية، ومن ثم بتغطيها بالتراب. ثم تمويه مساحتها بالزراعة.

وكان فريق المباحث قد بذل جهداً كبيراً حتى تمكن من اخراج السيارة بعد 15 ساعة حسب صحيفة الانتباهة.


image

image

الصور من الفيسبوك


تعليقات 33 | إهداء 0 | زيارات 22452

التعليقات
#1198140 [عمركوير]
0.00/5 (0 صوت)

01-29-2015 04:39 PM
وجب قطع يديه اذا تم القبض عليه ليرتدع غيره من لصوص البلد الكبااااااار

[عمركوير]

#1196928 [جركان فاضى]
0.00/5 (0 صوت)

01-27-2015 06:18 PM
تلقى الحرامى فى غربتو يحسب فيها كل يوم...اقوم اربش العربية وحتجيب لى 90 مليون...اها وانا قاعد فى الغربة عملت لى كم درهم او ريال...اها دراهمى دى بحولها بتجيب لى 80 مليون...خلاص اخطب بت فلان واصرف 100 مليون فى العرس ...القروش دى بتعمل عرس مدنكل فى قرى الجزيرة خاصة وان حالتهم المادية تعبانة بعد خراب المشروع...اجيب تلاتة فنانيين من الخرطوم اضافة لصعاليك الحلة من الفنانيين....احلالالالالام زلوط...بعد دا حساباتك فرقت...واخشى ان تكون قد خطبت بت الحسب والنسب

[جركان فاضى]

#1196823 [ممغوص]
4.50/5 (2 صوت)

01-27-2015 03:19 PM
بكرة يجيك بلة الغايب يقول ليك دي بركات البشير تزرع لستك يطلع ليك جياد

[ممغوص]

#1196812 [بيكانتو]
3.00/5 (2 صوت)

01-27-2015 03:08 PM
يكون اغترب عشان يجمع قروش الترخيص

[بيكانتو]

ردود على بيكانتو
European Union [عطوى32] 01-27-2015 06:08 PM
هههههههه والله اصدق تعبير يااخ انت غتييييييت


#1196603 [عتمني]
1.50/5 (2 صوت)

01-27-2015 11:26 AM
استغفر الله العظيم...مسكين والله (سرق..حفر..صب الخرسانه..دفن..سافر) طيلة هذه المده الم تتلقى بصائر ورحمه وبراهين تنهيك وتبكيك من ربك العظيم ؟ الحق نفسك يا غافل.

[عتمني]

#1196527 [Abdalbagi Salih]
5.00/5 (2 صوت)

01-27-2015 10:19 AM
this car not 2011 model ,this design is
accent Jiad may 2006

[Abdalbagi Salih]

#1196480 [العيسابي]
3.50/5 (2 صوت)

01-27-2015 09:42 AM
الحرامي المغترب دا شكله ما محتاج قروش سرق العربية دي حسادة منو ساكت أو عندو مشكلة مع الطبيبة صاحبة العربية إمكن إتقدم ليها وناولتو شاكوش فحقد عليها وقرر ينتقم منها الله ينتقم منو ومن كل الحرامية الكيزان ما عدا الحرامية بتاعين زمان كانوا حرامية محترمين يجوك بالليل من غير ما يزعجك يسرق تلفزيون أبيض وأسود راديو شوية هدوم عشان يبيعها ويطلع مصاريفو أما حرامية الكيزان بسرقوا المليارات من أموال الشعب السوداني ويسرقوا عافتو وصحتو وتعليمو ... وحسبي الله ونعم الوكيل

[العيسابي]

#1196441 [المستغرب]
1.00/5 (1 صوت)

01-27-2015 09:21 AM
خبر جايط جوطة شديدة - المزرعة حقت منو ؟؟؟؟ معقول حرامي يدفن سيارة في مزرعة ساكت في الخلا عشان يجيها راجع بعد سنين؟

[المستغرب]

#1196434 [ودالجزيره]
4.50/5 (4 صوت)

01-27-2015 09:15 AM
ماشاء الله ياناس الجزيره...ارض الجزيره بقت بترول وذهب وكمان عربات...اللهم زد وبارك..؟؟احفروا كمان شويه امكن تلقوا مصنع تايوتا...؟؟

[ودالجزيره]

ردود على ودالجزيره
[جركان فاضى] 01-27-2015 05:26 PM
وبدل ما تنقب عن الذهب فى الشمالية تعال الجزيرة ونقب على السيارات


#1196377 [المُحـــرات]
3.50/5 (2 صوت)

01-27-2015 08:37 AM
كتر خير المزارع الوجد العربية المزارع بحرث الارض وفجاء إنكسرة ألة التركتر بعد إصطدامها بشيء صلب واحتار لهذا الامر وقام يبحث ووجد تلك الكتلة الخرصانية وصاحبنة احتار خرصانة في نص الحواشة وقام يحفر وكانت المفاجاء بأن وجد الكنز المفقود ولولا ذلك لظلة العربية في حفرتها لسنوات طوال .
إلي ناس الشرطة والمباحث وين يعني عربية تسرق من الخرطوم وتدفن في مدني زول يشوفه مافي

[المُحـــرات]

#1196373 [كافو]
1.50/5 (2 صوت)

01-27-2015 08:35 AM
سرقة مؤسسة وبفن وإبداع من السارق والمفروض يكونوا عرفوا السارق وين موقعوا ويُطالب بالإنتربول

[كافو]

#1196357 [ساهر]
1.00/5 (1 صوت)

01-27-2015 08:22 AM
رجل يملك مزرعة، ويملك أموال لبناء صبة خرسانية ضخمة، ويسرق؟ سبحان الله. He should be named and shamed.

[ساهر]

#1196277 [ودالنوبة]
3.50/5 (2 صوت)

01-27-2015 06:47 AM
وحرامية خط هيثرو قبضوهم ولا الملف داسنوا عند النائب العام ؟ الله يرحمك ياسودان ويلعن الضيعوك .

[ودالنوبة]

#1196239 [علي]
3.50/5 (7 صوت)

01-27-2015 02:09 AM
دا حرامي خريج مدرسة الكيزان . سرقة بفن !!ههههههه

[علي]

#1196225 [Khalid Abdalla Ragab]
2.50/5 (3 صوت)

01-27-2015 12:59 AM
ElSudan kolo has been stolen for more than 25 years! Why you have not found any trace for it till now? Although the theives are still rulling and everybody know their crime but none of our law enforcement people can say who! For how long? Soon in sha Allah we will chase all the theives in Malysia, Dubai, or any where in the world and then Their denial will be rejected by the people courts and this time No Maalaish and all the tyrants and theives will be prosecuted and hanged for their killings and thefts.

[Khalid Abdalla Ragab]

#1196189 [فكري]
5.00/5 (9 صوت)

01-26-2015 11:03 PM
الغريب في الخبر صياغته والتي توحي بأن المباحث الجنائية قد تمكنت من العثور علي العربة المسروقة بعد أربعة ساعات من سرقتها وليس أربعة سنوات "

[فكري]

#1196151 [ملتوف يزيل الكيزان]
4.50/5 (4 صوت)

01-26-2015 09:09 PM
طيب المباحث دي ماتقبض حرامية الانقاذ؟
كل هذا لتفهموا ، الحكومة تريد ان تجردكم من عقولكم و تلحقكم بفصائل البهائم.
الى كل الكتاب المحترمين بدون فرز. الحكومة الان اصبحت تعمل عملا منتظما في اشياء فارغة لا تهم البلد في كثير او قليل ، وعلى رأسها حكاية الانتخابات. و كذلك اخذت تعمل في ممارسات ليست ضرورية و لا نفع لها فيها ، مثل حكاية المتقلين السياسيين الكبار بدون سبب و ملاحقة الصادق بهمه و نشاط و كذلك تسريب اخبار الاختلاسات و النهب و كل شين و قبيح. هذا كلة لتؤكد للكل ان ليس لهم حظ من فهم الامور و انهم رجالا و نساءا جبناء خوافين و ان اصغر وليد امن يمكن ان يسبب الخوف و الهلع في نفوس الرجال. وان الحكم بالرجالة وليس السياسة او الدين او اي شئ اخر.
هل فهمتم هذا ؟ ام تعتبرونه كلام فارغ و بعدها تمارسوا كتابة المقالات لتريحوا ضمائرهكم وتنوموا مرتاحين بخداع انفسكم بانكم قمتم بواجبكم؟

[ملتوف يزيل الكيزان]

ردود على ملتوف يزيل الكيزان
European Union [صالح عام] 01-27-2015 08:00 AM
ملحوظه / ناس الانقاذ كلهم حراميه بتاع الانتخابات مختار الاصم حرامى والقبض العربيه فيصل الاصم من نفس العائله اكيد حرامى


#1196131 [ashafokhalp]
5.00/5 (14 صوت)

01-26-2015 08:37 PM
الاكسنت خليها - قبور شهدا 28 رمضان وييييييييييين؟

[ashafokhalp]

#1196121 [[email protected]]
5.00/5 (4 صوت)

01-26-2015 08:14 PM
العربية دي اكسنت 2001 وليس 2011 دققوا في الصورة

[[email protected]]

ردود على [email protected]
European Union [وطني غيور] 01-27-2015 10:46 AM
كلامك صح
هذا الموديل القديم قبل 2005
حتى المباحث لا تعرف موديلات السيارات

[جنو منو] 01-27-2015 08:50 AM
عارف يا طارق حقو يشغلوك فى المباحث . فعلا موديل 2001


#1196120 [ابوالكل]
5.00/5 (6 صوت)

01-26-2015 08:13 PM
بلد ام فكو الله يكون فى عونها . جهاز العلاج الاشعاعى بمستشفى الذرة متعطل منذ اكثر من اسبوع . فى بلد يعانى الكثير من سكانه من مرض السرطان . قيمة الجهاز حوالى 50الف دولار . الانتخابات والمؤتمرات والاحتفالات الفارغة تاكل الملايين . ودقى يا مزيكا ....

[ابوالكل]

#1196107 [القريمان]
1.00/5 (1 صوت)

01-26-2015 07:40 PM
مركز القلب فى مدنى يا محتار

[القريمان]

#1196097 [ربوع السودان]
1.00/5 (1 صوت)

01-26-2015 07:14 PM
هذا كلب مفتكرا عضم

[ربوع السودان]

#1196092 [بت البلد]
3.50/5 (2 صوت)

01-26-2015 07:05 PM
قمة الانجاز والاعجاز في عهد الانقاذ

[بت البلد]

#1196083 [كاسـترو عبدالحـمـيـد]
1.00/5 (1 صوت)

01-26-2015 06:55 PM
مال الحلال ما بيضيع . الحمدلله ومبروك يا دكتورة .

[كاسـترو عبدالحـمـيـد]

ردود على كاسـترو عبدالحـمـيـد
United States [جركان فاضى] 01-27-2015 06:12 PM
والدكتورة دى دعواتها بتصل السماء باذن الله...دعوة واحدة بحتت عربيتها من بطن الواطة


#1196081 [القرفان]
4.82/5 (5 صوت)

01-26-2015 06:46 PM
عدم موضوع فايت الحد ...
ممكن الخبر كان يكون مثير ومدهش لو كان العنوان العثور على سيارة هاربة من صاحبتها بعد اربعة اعوام ... لكن العثور على سيارة مسروقة بعد اربعة سنوات بالصدفة المحضة وجاين ناسبين الانجاز لشرطة الكيزان .؟
والله لو لا الصدفة كانت السيارة مدفونة ليوم الدين ..
وبعدين اللص المغترب لو كان عنده حق الاسمنت العرش بيه السيارة وحق الفيزا السافر بيها ليه سرق ؟؟
ولو بكون مخطط يرجع بعد خمسة سنوات ويطلع الكنز ويكتب عليها من ورا حصاد الغربة ..
غايتو بس الحمد لله العربية طلعت لونها ابيض لو كانت سوداء ناس الانتباهة المرض كانوا بشعوا بيها وزادوها موية لانه الخبر اصلا مسيخ ........

[القرفان]

#1196073 [مغبون]
0.00/5 (0 صوت)

01-26-2015 06:29 PM
المال الحلال لا يضيع حتي ولو تأخر العثور عليه وتهنئتي للطبيبه بعثور سيارتها ..... يجب علي تيم المباحث القبض علي المتعاون الذي ادلي بالمعلومه لانه ربما يكون شريك اساسي في السرقه والمساعده بالدفن وبلاغه ربما يكون كيدي بعد ان فشل ابتزازه للمتهم الاساسي خصوصا ان المتهم مغترب ,,,,,, !!!! وسوف يحاكم المتهم بعد احضاره بواسطة الانتربول !!!!! وفي كلا الاحوال مدان سواء سرق او استلم مالا مسروقالان النيه سئيه ووصلت الي مرحلة اخفاء الجريمه

[مغبون]

#1196064 [متسكع]
5.00/5 (2 صوت)

01-26-2015 05:57 PM
فقري جدا
اذا رئيسكم واخوانه حرامية
حيكون في الشعب امثالكم يمحنوا ابليس

[متسكع]

ردود على متسكع
[nagatabuzaid] 01-26-2015 09:20 PM
ابلبيس محنتوا ما حصلت من خلقوا الدنيا لغاية ما جاء عهد الانقاذ اريتا محنة الخلا والشجر


#1196062 [عمركوبر]
5.00/5 (12 صوت)

01-26-2015 05:54 PM
سبحان الله ...ربما دعت صاحبة هذه السيارة الله بخشوع فاستجاب لها واخرجها من تحت الارض سبحانك اللهم ماقدرناك حق قدرك...

[عمركوبر]

ردود على عمركوبر
[osman dhahab] 01-26-2015 06:29 PM
المال الحلال محروس


#1196049 [محتار]
5.00/5 (12 صوت)

01-26-2015 05:28 PM
سرقها من الخرطوم بالقرب من مركز القلب طيب كيف وصل بيها مدني ؟؟ لو ما البلد فاكة وقاعدة امفكو
والا يمكن يكون عدى بيها التفاتيش ودخل بيها مدني طافي الانوار وقت صلاة العشاء !!!!!!!!

[محتار]

ردود على محتار
European Union [shaikhon] 01-27-2015 12:38 AM
دى بسيطة انساها لانها كانت قى 2011 لكن ال 15 ساعة القضوها يطلعو فى العربية دى وفى 2015 يقولو عليها شنو ؟

[المندهش] 01-26-2015 08:34 PM
لا ياخي الحرامي دفعه .. وإنت عارف أغلب حرامية البلد من (النظاميين) بتاعين النظام..



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة