الأخبار
أخبار إقليمية
انتخابات أوانطة..!!
انتخابات أوانطة..!!


01-30-2015 03:47 AM
عبد الباقى الظافر

المهندس الحاج عطا المنان، كان قبل أيام يسطر خطابا لوالي الخرطوم، ورئيس المؤتمر الوطني، يشكرهم على ثقتهم الغالية في تسميته مرشحا للحزب الحاكم عن دائرة الكلاكلة.. ذات القرار الحكيم اتخذه علي كرتي وزير الخارجية مطالبا حزبه بإتاحة الفرصة لآخرين في دائرة المتمة بنهر النيل.. الحزب استجاب لرغبة كرتي وسمى تاج الدين المهدي مرشحا بديلا.. الحاج عطا المنان والوزير كرتي من فئة رجال الاعمال الذين لا يهدرون وقتا في عمليات خاسرة.. هل يتوقع عاقل أن يستقيل الأستاذ علي كرتي، من منصب وزير الخارجية، ليتيح الفرصة لزميله في الحزب والوزارة الدكتور عبيدالله محمد عبيدالله.

للمهزلة وجه آخر يا سادة.. تسعة من مواطني الجزيرة فوجئوا بإعلانهم مرشحين في دوائر ولاية الجزيرة.. المواطنون التسعة تمت تسميتهم مرشحين للحزب الاتحادي الديمقراطي الأصل.. هؤلاء المرشحون لم يذهبوا لمفوضية الانتخابات ولم يمنحوا حزبا توكيلا ليرشحهم في الانتخابات ..رغم ذلك كان من المحتمل أن يصبحوا أعضاء في البرلمان القادم.. ربما السؤال كم من المواطنين الذين سيدخلون البرلمان القادم من باب الإكراه .

من ناحية أخرى فاز عدد من النواب بالإجماع السكوتي.. هؤلاء النواب لم يجدوا شخصا آخر لديه استعداد لمنافستهم ففازوا بالتزكية.. هؤلاء النواب المحظوظون عددهم ستة حتى الآن وينتمون للحزب الحاكم.. الإحجام عن المنافسة هنا تعبير احتجاجي صامت.. بل أكبر معركة يخوضها الحزب الحاكم هي إقناع عدد من أعضائه ألا يزاحموا في الدوائر التي أخلاها حزبهم للأحزاب الصديقة والشقيقة.

حتى على مستوى رئاسة الجمهورية، تبدو حمى الانتخابات باردة جداً.. لو لا تمديد الجدول الزمني للتقديم لما تمكن سوى ثلاثة مرشحين من منافسة المشير البشير.. بعض المرشحين مثل الأستاذ محمد الحسن الصوفي، الذي يملك بقالة في الولايات المتحدة يريد فقط أن يضيف لسيرته الذاتية أنه كان مرشحا لرئاسة جمهورية السودان.. حتى الدكتور محمد عوض البارودي الذي قبل الأستاذ أسامة عبدالله استقالته من منصب مدير منظمة سودان (فاونديشن) يبدو كأنه دفع به إلى الملعب ليضيف وزنا أكاديميا للمنافسة.

بصراحة.. العالم كان ينظر إلى هذه اللوحة السريالية ولهذا مد لنا لسانه ساخرا.. لن تجد انتخاباتنا من يتكبد مشاق السفر من العالم الأول ليستمتع بالفرجة ومراقبة حالنا البائس.. أما التمويل الدولي فسيكون من باب إشانة سمعة الممولين أن دفعوا دولارا واحدا في منافسة محسومة النتائج حتى قبل إطلاق صفارة البداية.

التيار


تعليقات 28 | إهداء 0 | زيارات 7206

التعليقات
#1198694 [albrado]
0.00/5 (0 صوت)

01-31-2015 12:24 AM
اذا اطفال دارفور وجبال النوبة وجنوب النيل الازرق بيموتوا بالجوع

وهان عليكم انتوا واطفالكم تاكلوا اللحوم بالكميات دي انشاء الله

بالسرطانات والامراض بادن المولي جل شانه

[albrado]

#1198682 [لمحروم]
0.00/5 (0 صوت)

01-30-2015 11:20 PM
يا ناس الراكوبة ما قلنا ليكم بطلوا استفزازنا بمثل هذه الصواني المدنكلة ، فقد نشرتم من قبل صينية الشيخ الترابي السوبر والتي ظهر إنه يعزف عليهالوحده عزفا منفردا اللهم لا حسدواليوم تنشرون علينا صينية الوالي الخضر التي تحتوي علي ما لذ وطاب . بصراحة مثل هذه الصواني تستفزنا نحن المهمشين والمحرومين وتشعرنا إنه لا نصيب لنا في بلدنا السودان وأن خيراته تذهب لفئة قليلة يستمتعون بخيراته حتب مرحلة الشبع المفرط( أنظروا لهذه الصينية بربكم بها 2 كيلو لحمة محمرة وصحن دمعة من الحجم الكبير وسلطة ورز وما خفي أعظم في الصينبة الأخري) وكل ذلك والجالسين عليها شخصين فقط ، لهذا عدل ؟. بعدين أنا عندي سؤال كيف سمح هؤلاء الأشخاص لمصورين من تصوير صواني أكلهم ؟هل هم كانوا محرومين وإنفرجت معاهم وحبوا يصرحوا بذلك ( واما بنعمة ربك فحدث)؟ أم حبوا يستفزونا ويرسلوا لنا رسالة (أن موتوا بغيظم وجوعكم فنحن شبعانين حتي التخمة)

[لمحروم]

#1198670 [بجاوي]
5.00/5 (1 صوت)

01-30-2015 10:31 PM
اتنين من الزبالة الجابها الترابي وختاها في راس الشعب السوداني المسكين

[بجاوي]

#1198618 [كاتم السر]
5.00/5 (1 صوت)

01-30-2015 07:56 PM
والله لم اري في حياتي شخص يمارس العهر الصحفي كما يمارساه الظافر والمدعو الهندي شنو كدة الدين

[كاتم السر]

#1198602 [أبو ياسر]
5.00/5 (1 صوت)

01-30-2015 07:04 PM
يا أخوانا لاحظوا أنو في صينية تانية على يمين الخال الرئاسي؟؟؟؟؟؟؟؟

[أبو ياسر]

#1198596 [الثورة اتية]
0.00/5 (0 صوت)

01-30-2015 06:57 PM
هكذا الله يفضح اصحاب النفوس الطماعه ما عامل قيمة للقاعد معاه في الصينية فالملاحظ ان الصينية ليست في المنتصف ونفسو يقول ليهو ما تقوم كده ياخي

[الثورة اتية]

#1198569 [عبدالحميد عبد الله]
5.00/5 (1 صوت)

01-30-2015 05:46 PM
دايما انا بقول الكاركاتير والصور بتعبر وبتوصلك للمقصد اكثر من المقالات الطويله والدليل تعليقاتكم علي الصوره اكثر

[عبدالحميد عبد الله]

#1198536 [الرمدان كر]
5.00/5 (2 صوت)

01-30-2015 03:14 PM
و الله بطل المصور

عمكم الطيب مصطفي يضحك علينا و الحمدلله عرفتاه بقي من زمان معرصة للكيزان


قولوا يا رب ياكلوا العقب الطيارة

[الرمدان كر]

#1198533 [سيف الله عمر فرح]
5.00/5 (3 صوت)

01-30-2015 02:59 PM
الأساتذة / عبدالباقى ، الهندى ، خوجلى ، و .......... ! ، ممثلين بارعين ، يجيدون تقمص أدوار المعارضة ، كما أجادوا أدوار التطبيل وتكسير التلج ، وحمل المباخر ! .

يا أستاذ عبدالباقى ، ببساطة ، ما بنى على باطل فهو باطل ! . نظام قواعده الكذب والغش والتدليس ، لم تسطع الانتخابات المخجوجة فى ايبريل 2010 م أن يجمله ويكسب شرعية نظام ديمقراطى ! ، ولا ولن ستستطيع الانتخابات القادمة أن تجمله بمشاركة عطا المنان وكرتى أو أى ابليس من أبالسة الانقاذ ، حتى ولو صار غواصآ فى ثياب المستقلين أو عضوآ فى حزب مستنسخ فى معامل الانقاذ .
يا عزيزى لا فرق بين عطا المنان وكرتى ، أو نافع وقوش ، أو عبدالباقى والهندى ، جميعكم من أبالسة الانقاذ . لا يلدغ المؤمن من جحر مرات ، والحمد لله نحسب أنفسنا من المؤمنين بالله وكتبه ورسله وقضائه وقدره .

اللهم نجنا من القوم الظالمين الفاسدين ،،،،،

أعوذ بالله ،،،

[سيف الله عمر فرح]

#1198527 [الناهة]
5.00/5 (1 صوت)

01-30-2015 02:48 PM
الصورة اعلى المقال مستفزة جدا لمشاعر الملايين من الجياع من ابناء الشعب السوداني
لذلك يرجى الحرص على عدم استفزاز مشاعر الناس على هذا النحو البغيض
على الاقل من الرحمة عدم مشاهدتهم مثل هذه الموائد

[الناهة]

#1198524 [سلطان]
5.00/5 (2 صوت)

01-30-2015 02:38 PM
يا جماعة خلو نظرتكم دائماً فاحصة الصينية الجنبهم دي عبارة عن دعم لأنو الحمارين ديل ما بشبعوا إلا ب 4 أرادب فتريتة.
بعدين الجماعة ديل عاوزين يكتلوكم بالمغصة والجوع انتو مش ملاحظين انهم دائماً بتصوروا مع الصواني التي فيها ما لذ وطاب وانتو ما لاقين بصلة وانا لو كنت حرامي زيهم وعندي ذرة من الفهم ما بعملها.

[سلطان]

#1198509 [Abdelazim mekki]
5.00/5 (1 صوت)

01-30-2015 01:31 PM
ليس قدا في المضمون
ولكن عزيزي الفاضل عبد الباقى الظافر "اونطة" كلمة مصرية دارجة ولا اعتقد ان هناك كاتب مصري يبداء مقاله بكلمة سودانية دارجة

[Abdelazim mekki]

ردود على Abdelazim mekki
United States [Abdelazim Mekki] 01-31-2015 09:14 PM
محمد عثمان
اسمك دا المصريين بنطقوهوا ليك كيف ؟
قلت لي اتنين شنو؟ طيب علي الاقل في اتنين شايفن البشير اصلح رئيس للسودان. ما تنسي تديهو صتك.

United States [Abdelazim Mekki] 01-31-2015 09:09 PM
مانديلا
ياخي انت واحد ظريف و كوميدي بارع. قلت لي حبوب. ما تمشي تساهم مع اسيادك المصريين ف التريقة عل بلد واهلك
https://www.youtube.com/watch?v=C0oG0iU2OwE

[مانديﻻ] 01-31-2015 06:16 AM
اخونا عبد الهظيم كيف . انا بعرف اجزخانة فى مبدان ااشهداء "انا اسف ﻻستخدام كلمة اجزخانة ﻻنها تركية " ناس الاجزخانة ديل عندهم دواء سريع ﻻزالة العباطة . اﻻجزخانة اسمها ﻻ تتاخر . لو مشيت ليهم بكرة ح تلقانى ختيت ليك وصية عشان يجاملوك شوية بخصوص سعر دواء العباطة . اﻻجزخانة اسمها ﻻ تتاخر وانا برضو بقول ليك ﻻ تتاخر

[محمد عثمان] 01-31-2015 05:27 AM
والله يا عبد العظيم انت عبيط لمن ريالتك سايلة . اتنين قالو ليك انت عبيط صدقهم طوالى

United States [Abdelazim mekki] 01-31-2015 12:36 AM
عبي(ط)د ما مفارقة انواسمك فارق بحرف واحد من شخصك عرفوك و لحقوا سموك بالاسم البناسبك. انت عبيط وين واهم حاجة وين دي. انا قلت ليس قدحا في القال تسالني ده كلوا الطلعت بيهوا من المقال يا عبي(ط)د ؟

[عبد القوى] 01-31-2015 12:13 AM
واضافة لما خطه عبيد ، واذا تجاوزنا اخطاؤك اﻻمﻻئية وبما انك سودانى هل استخدامك للغة العربية سينقص من شخصيتك او انسانيتك او ان ذلك يمثل اى اهانة لك او لسودانيتك ؟ اما انك فعﻻ لعبيط وأهبل .
وبما اننى ﻻ ادرى من اى جحيم اتت كلمة اوانطة احيطك علما ايها اﻻمعة لن يضيرك شيئا ان استخدمت اى لغة او صور او اى اشكال من اى نوع او من اى مكان او لغة اى بشر لشرح او دعم اى فكرة تريد توصيلها لشخص /اشخاص .
ومن اﻻن وصاعدا اياك ان تذهب لمصر ان احتجت عﻻجا او نزهة او دراسة او تجارة او حتى هربا من جحيم النظام الغبى الذى يسيطر على بلدك السودان . اتعرف لماذا ؟ لانه لحظة وصولك حدود مصر ستجد المصريين الذين تكرههم امامك مباشرة . ﻻن سكان مصر هم فى الحقيقة مصريين وليسوا يابانيين او روس او هنود يا جاهل

[عبيد العبد] 01-30-2015 03:57 PM
يا عبد العظيم عليك الله كدى ورينا استخدام الظافر لكلمة اوانطة دى حرقتك قدر شنو و وين ؟ واهم حاجة وين . هسة دا كل القدرت تطلع بيهو من المقال ؟ عشان كدا بسال نفسى طوالى شنو الخلى الكيزان قعدوا 25 سنة . اتاريهو السبب نوعك الجاهل دا . قال شنو فى كاتب مصرى شنو ؟ ياخى المصران اليخنقك . هههوووااووعاك عيك مصرى قال . يا ود انت عبيظ ؟


#1198504 [نجوى]
0.00/5 (0 صوت)

01-30-2015 01:16 PM
ممكن يا شباب واحد يقدر قيمة الوجبة البسيطة دي

دجاجة
2 كيلو لحم ضان
أرز
خبز
سلطة

[نجوى]

#1198499 [Heron]
5.00/5 (1 صوت)

01-30-2015 12:57 PM
نفرين في صينية واحدةاما انتو صحيح كيزان بني لهط

[Heron]

#1198492 [فلان أبن علان]
5.00/5 (5 صوت)

01-30-2015 12:23 PM
أنا متأكد 100% أنا زواجاتهم لا تعرف تطبخ مثل هذا الطبيخ الذي ياكلوا فيه ... (والسم) اليهـريهم جميعاً بدون فرز من بني كوز...

[فلان أبن علان]

#1198454 [A. Rahman]
5.00/5 (1 صوت)

01-30-2015 10:29 AM
و مين سيقنع امين نخنوخة بان لا يأتي بعد الانتخابات ليشنف آذاننا بان هذه الحكومة منتخبة ديمقراطيا من قبل الشعب اللي ميت في تلابيبها؟

[A. Rahman]

#1198453 [ممغوص من الإنقاذ]
5.00/5 (5 صوت)

01-30-2015 10:28 AM
تاكلو السم الهاري اليفقع بطونكم

[ممغوص من الإنقاذ]

#1198452 [A. Rahman]
5.00/5 (2 صوت)

01-30-2015 10:25 AM
و مين سيقنع امين نخنوخة من ان يأتي بعد الانتخابات ليشنف آذاننا بان هذه حكومة منتخبة ديمقراطيا من الشعب؟

[A. Rahman]

#1198440 [حاج علي]
5.00/5 (2 صوت)

01-30-2015 09:55 AM
الصينية ما فيها كسرة
وين وزير العواسعة الكوز حصل ديل ما طبقو القرار

[حاج علي]

#1198427 [مزهول]
0.00/5 (0 صوت)

01-30-2015 09:29 AM
ياخوي كدي اجدعنا بي لحمه محمره من القدام الوالي وخال الرئيس عشان بعدها ندخل في بيات شتوي الي انتخابات السيد الحاكم الوالي سيد البلد وسيد اي سوداني مجنس ولا مولود . ذي ماقال لاعب المريخ النادي فيه بوفيه مفتوح عشان كده الكيزان دنيتهم في الارض اكل ونسوان وبس والماعاجبه يلحس كوعه.

[مزهول]

#1198405 [الحقاني]
5.00/5 (1 صوت)

01-30-2015 07:50 AM
الثعلب المكار الترابي قال مافي يأجوج وماجوج
هسع عليكم الله ياجوج وماجوج الحقيقين شرهين وبأكلوا قدر تلاميذه النجباء
شفنا مائدة الثعلب والجداد المشوي امام وفي فم المتعافي وهذه صينيه الخضر والخال دا الطعام
وشوفوا القصور وبنات الحور وعملات قطبي ووجع قلبي
اللهم عليك بعصابات النهب المسلح والنهب المصلح وان تولي علينا من يصلح

[الحقاني]

#1198401 [نيض التعب]
5.00/5 (2 صوت)

01-30-2015 07:26 AM
أكلوا تورنا .. وبرضو دايرين صوتنا!!.

[نيض التعب]

#1198398 [كارلوس]
3.00/5 (1 صوت)

01-30-2015 07:18 AM
انت نسوانكم بعرفوا شغل زى يالصوص ياحراميه
ياجيعانين .. الفطور ده من قندهار .. قندرانى اطلع
فيكم بعد تفطروا ياوسخ .. دمرتو البلد وجوعت الشعب الطيب

[كارلوس]

#1198395 [بدر نورالدائم]
5.00/5 (1 صوت)

01-30-2015 07:04 AM
الاستاذ عبد الباقى الظافر المابتعرفه بتجهله انت راجل صحفى معروف انت مابتعرف االاستاذ الصوفى المدعو محمد الحسن محمد الحسن رراجل معروف على نطاق الولايات المتحده عامه والكنغو الامريكى بصفه خاصه ومين قال لك يملك بقاله اخى اعطى ناس مكانته وهذا معروف من الالفيه عندما زار البشير امريكا والرئيس عمر يعرفه تماما اعرف سيرته الزاتيه ثم اكتب ليس محتاج ان يضيف شهره لشخصيته ذاكر كويس

[بدر نورالدائم]

#1198388 [دارفور بلدنا]
5.00/5 (2 صوت)

01-30-2015 06:33 AM
صينية الغداء بتاع الخضر والطيب عادية والله والناس يقولوا بسفوا طيب ليه ما ظاهر فى الصينية .

[دارفور بلدنا]

ردود على دارفور بلدنا
United States [متابع من الغرب] 01-30-2015 10:40 AM
متابعنكم يا أمنجية ويا جداد الكتروني، دائماً في المواضيع التي لديها علاقة بالسلطة التي أغتصبتموها والمال الحرام الذي أصبح جزء من أجسادكم وحياتكم ومظهركم. بتعلقوا بأسم دارفور بلدنا ودارفوري وتل أبيب....الخ. والتعليق دائماً بكون غبي وواضح أنه مصنوع. زول من دارفور أو من الغرب عرف أنو يكتب تعليق هنا معناه أنو واعي جداً وعارف البلد ماشة كيف. والآن كل السودانيين عارفيين الغش والفساد وتغبيش الحقائق والوعي البتعملو فيهو.

معليش عارفيين دارفور والغرب بقي ليكم عظم حوت، عشان كده بتشوهو في سمعة الناس بمناسبة وبدون مناسبة، لكن مافي حل غير تحقيق العدالة لكل السودانيين!

[هردبيسة] 01-30-2015 09:41 AM
يا اخوى دى ما صينية الخضر انظر للصورة كويس فى صوانى ثانية على الطاولة مما يوحى بانها مناسبة اجتماعية عرس او عزاء وشيخ الطيب منتشى لريحة الاكل واللحم المحمر والخضر الا يجيبوا ليه وصلة واغلب الظن انه الطيب كان محتاج للخضر فى حاجة ولمن لقاه حمد الله وابتسم وقعد جنبه

European Union [ashafokhalp] 01-30-2015 08:35 AM
الصينيه العاديه دي للصوره فقط يا درويش - بعد الصوره اتاخدت بكونو جابو الصينيه الفيها لا عين رات ولا ازن سمعت

انت امش اكل جدا نافق والله لحم حمير


#1198375 [صبر ايوب بالمركوب]
5.00/5 (2 صوت)

01-30-2015 05:36 AM
اترى الان ايها الظافر كم تأخرنا وكم اتبهدلنا ؟ وكيف دمر علوجكم مستقبلنا ومستقبل الذين سياتون من بعدنا من الاجيال . والله لن نترككم وان عدتم مرة الى بطون امهاتكم . لن نترككم احياءا او اموات . سنفضح مخازيكم وجرائمكم ولصوصيتكم حتى ولو بعد مائة عام . وتاكد ان السودان بعدكم لن يعود كما كان ابدا . تمسكو بالسلطة قدر ما تستطيعون . انهبوا قدر ما تستطيعون اغتصبوا قدر ما تستطيعون . اسيلوا الدماءقدر ما تستطيعون . افسدوا ما شاء لكم الفساد . فقط تاكدوا ان ذلك لن يمر دون حساب او عقاب او تستمر الحرب الى ان يرث الله الأرض ومن عليها فى هذا السودان .

[صبر ايوب بالمركوب]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |الصوتيات |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة