الأخبار
أخبار إقليمية
نعم معي دولارات؟
نعم معي دولارات؟
نعم معي دولارات؟


01-30-2015 10:30 AM
محجوب عروة

على هذ السؤال الروتيني الساذج في مطار الخرطوم: (معك دولارات؟) وأنا أتاهب أمس لدخول صالة المغادرة الأخيرة نحو الطائرة القطرية التي ستقلني الى مطار الدوحة ومنها إلى مدينة دبي أجبت على سؤال الرجل النظامي بسؤال مماثل وبسخرية قائلاً له طبعاً معي دولارات وهل أنا مسافر لمقابلة مصروفاتي بالتسول؟ وكما يقول الإنجليز silly answer for silly question وأردفت قائلاً له: هل ما زال بنك السودان يمارس هذه السياسة المتخلفة؟ ثم قلت لأحد الذين كانوا معي في صالة المغادرة لقد انطبق على بنك السودان وسلطات الجمارك عبارة: أقرع وطغيان!! نعم لقت ظلت السياسة النقدية منذ سبعينات القرن الماضي تتقلب وتتغير كلما وجد العباقرة صانعو السياسة النقدية أنه لا شغل لهم ولا حل للمشكلة الاقتصادية إلا سياسة الرقابة على النقد الأجنبي وعكننة المواطنين خاصة المغتربين والمسافرين والمستثمرين بهذا السؤال الغبي الممعن في الغباء والسذاجة..

ولعل الناس يتذكرون تلك الواقعة الحقيقية المضحكة التي تقول إن أحد رجال الجمارك في مطار الخرطوم وهو ينفذ توجيهات بنك السودان وسلطات الجمارك قد وجه سؤالاً لأحد الخليجيين الذي جاء في زيارة للبلاد أو لعله يبحث عن فرص للاستثمار فسأله ضابط الجمارك: هل معك عملة صعبة فأجابه الخليجي إيش عملة صعبة فرد عليه رجل الجمارك: مثلاً دولار أمريكى، ريال سعودي، جنيه إسترليني، درهم إماراتي، دينار كويتي، فرد عليه المستثمر الخليجي متعجباً: وهل هذه صعبةإنها سهلة ومعي الكثير منها!!

فيا أيها الصانعين للسياسة النقدية في بلادنا يجب أن تفهموا أن حركة العملات في العالم صارت من أسهل الأشياء في التعامل خاصة بعد ثورة الاتصالات والمعلوماتية واستخدام المال الإلكتروني والتجارة الإلكترونية وانتشار البنوك والحكومات السايبروالذكية فلا تضيعوا وقتكم وجهدكم ووقت الناس في مثل هذه القضايا الجانبية التي تضر ولا تنفع واعلموا أن سياسة الخوف وما تطلقون عليه رقابة النقد قد أصبحت في خبر كان وعفا عليها الزمن.. أنا على يقين – وقد قلت ذلكوكتبت كثيراً في الصحف وفي أول مؤتمر اقتصادي قبل ربع قرن وعندما أعدمت الحكومة بعض الذين كانوا يحوزون على عملات حرة واعترضت على ذلك مثل إعدام الشهيد مجدي

قلت ذلك خطأ وأن سياسة الخوف والرقابة على النقد وهذا الإعدام سيكون لعنة على الجنيه السوداني وقد حدث حيث وصل الدولار الى تسعة ألف جنيه الآن وناديت بسياسة تحرير سعر العملة لتكون مثل الهواءفذلك أكفل ليثق الناس خاصة المغتربين ورجال الأعمال في السياسات الاقتصادية لبلادنا فيدفعوا عملاتهم للبنوك السودانية بدلاً من تركها خارج السودان تستفيد منها البنوك والدول الأجنبية كما هو حاصل ولكن (العباقرة الاقتصاديين الذين أوكل اليهم أمر إدارة اقتصادنا) رفضوا ذلك الاقتراح وقالوا لو فعلنا ذلك لأصبح الدولار عشرين جنيهاً!!

هل يعلمصانعوا السياسة النقدية أن ما يملكه السودانيون خارج السودان حسب تقديرات مؤسسات مالية دولية مؤكدة ما يقارب خمسين مليار دولار؟ تصوروا لو دخلت هذه المبالغ في بنوكنا السودانية ماذا سيحدث لاقتصادنا؟؟ ولكن ماذا نفعل مع عباقرة الاقتصاد السوداني الذين ابتلينا بهم؟

الجريدة


تعليقات 18 | إهداء 1 | زيارات 15507

التعليقات
#1199655 [مجروس ق ش م]
5.00/5 (1 صوت)

02-01-2015 08:08 PM
الآن هنالك تجارة رابحه يديرها الكيزان من اروبا الي أستراليا وأمريكا وكندا والخليج بعد غربة طويله قررت العودة إلي السودان في إجازة قصيرة وكنت شايل هم المصاريف ساءلت عدد من السودانين اذا كانت هنالك صرافات إليه وممكن استخدم visa card في السودان قالوا لي ليه انت ماشي كوالالمبور في مكاتب في لندن تسلمهم بالجنيه اﻻنجليزي يسلموك في السودان بالجنية السوداني وبسعر السوق ويجوك كمان في البيت وبعد الإجازة تسلم المكتب في السودان بقيه القروش السودانية ده لو بقي فيها باقي ويتم إيداع المبلغ في حسابك في لندن وحقيقة كانت عمليه مريحة وساهله بلا عندك دولارات بالا خرا

[مجروس ق ش م]

#1199331 [أسد]
0.00/5 (0 صوت)

02-01-2015 09:40 AM
علة التقدم في البلاد الاجراءات التي تسنها المؤسسات , بدل تنظيم العمل صارات المعوق رقم واحد, اما بنك السودان فصار عبء على البنوك التجارية ، وقد ادخلت سياساته المتخلفة البلاد في نفق مظلم وعدم ثقة مع العالم الخارجي’ وعلى كل حال فقد فلت الزمام من الراكب . لا أرى أي عالجات للحاصل في البلاد.

[أسد]

#1199068 [Khalid ail]
4.50/5 (2 صوت)

01-31-2015 07:14 PM
إعدام مجدى مجوب محمد احمد كان إعدام لمجتمع الخرطوم الذى سودن الخدمة المدنيه بكل انضباط ، مجتمع لا يعرف الرشوة ولا الحقد ، كانت الأسر منفتحه على حضارات كل المجتمعات من خلال دور السينما والموسيقى والمسرح والأندية الرياضيه وأندية الجاليات الذين كانوا دينامو الاقتصاد السودانى زراعيا وصناعيا ، الا ان ابت نفوسكم القذره ان تحتفل التنوع الكان سائد وسرقتم وطن بنى بعقول منفتحه ، خربتوه بقوة السلاح لتفرضوا وبغباء المثقفين الجدد بعد السودنه .

[Khalid ail]

#1199056 [سلطان]
0.00/5 (0 صوت)

01-31-2015 06:26 PM
إنت يا محجوب عروة إن بقيت أخو الفاتح عروة شكيناك للعزيز الجبار لأنك إنت وأخوك برضكم حرامية.

[سلطان]

#1198984 [محمد]
0.00/5 (0 صوت)

01-31-2015 03:26 PM
سؤال؟

ما هو المبلغ بالدولار المسموح به للمغادرة خارج البلاد؟

[محمد]

#1198943 [الجعلي]
0.00/5 (0 صوت)

01-31-2015 01:19 PM
بغض النظر عن ماكتب محجوب عروه الجمارك وسياستها هي السبب الرئيس لتخلف الشعب السوداني
تخيل زول يجيب غساله عشان يغسل ملابسه يقولوا له الا تدفع عليها جمارك ياخونا غساله والله غساله عشان ننظف ملابسنا جمارك قريب سعرها الشركة التي صنعتها

[الجعلي]

#1198881 [ابوجمال]
5.00/5 (1 صوت)

01-31-2015 11:16 AM
يعني انت رفضت مقتل مجدي وبقية تجار العملة في تلك الفترة؟


بالله عليك عندما قتلك او اعدم مجدي هل تناولت عشائك تلك الليلة ؟ هل مارست حياتك كالعادة؟


يا اخي الكيزان ديل مش ماعندهم ملة ! ديل ماعندهم رجولة زاتو!


مفروض الواحد يمشي يكت علي قبر الطيب صالح من اين اتيت انت يا استاذ؟

كيف اصبحت انسان سوداني في زمن اصبحنا مسخ كلنا؟

[ابوجمال]

#1198790 [jafar]
5.00/5 (1 صوت)

01-31-2015 08:38 AM
والله يا محجوب عروة أخو الفاتح دولار .. لو كنت أكتفيت فقط بالصورة أعلاها وكتبت أسفلها كلمة دولاراتنا لكان أصدق كاراكاتير بدلا عن مقالك النكتة

[jafar]

#1198681 [بابكر ود الشيخ]
4.72/5 (6 صوت)

01-30-2015 11:07 PM
يا أ. محجوب ، تأكد أن 49 مليار من أموال السودانيين بالخارج تخص الكيزان وحرامية الإنقاذ ، ولأنها مسروقة فمن غبائهم يعتقدون أنهم يخفونها في بنوك بالخارج .

[بابكر ود الشيخ]

#1198663 [Rebel]
4.20/5 (10 صوت)

01-30-2015 10:16 PM
* محجوب عروه هو شقيق الفاتح عروه, بتاع الفلاشا سابقا, و مدير عام شركة "زين" حاليا!
* محجوب عروه ده, "كوز" قديييم, قديم جدا لمن لا يعرفونه...لم يكن يملك "التكتحه" قبل 89, لكنه اسس صحيفه يوميه و اعمال اخرى بعد ذلك..لكن بعد ما جلدوهو "اخوانه" الكيزان و بهدلوه و صادروا صحيفته, "لبد" لبده واحده, لحدى ما "عرف حاجه"!, فتاب و إستغفر, فأعادوه "للركب"!, يعنى زى محمد الحسن الأمين(بتاع برلمان النصب), و المعروف ب"ام الحسن"!..نقول تانى مالو ناطى كده!! إكون "شم" ريحة حاجه, لا سمح الله!!
* أيها الكوز "القديم!", لماذا كل هذه العبقريه و الابداع!!!هل لأنك لا تعلم ان "إخوانك و تنظيمكم الشيطانى" يملكون اكثر من 170 مليار دولار مودعه فى البنوك الخارجيه, فى دبى و الصين و الأمارات و قطر و مليزيا و تركيا, و غيرها!!!, تمثل اربعة اضعاف مدخرات المغتربين السودانيين التى ذكرتها!!
* انا على يقين انكم لن تعيدوا اموال الشعب السودانى الفقير بالتى هى احسن, لكنى "أسالكم" بالله ان تتركوا المغتربين "الأشقياء التعساء" فى حالهم, بعد ان تركوا لكم البلد بما فيها!!!؟

[Rebel]

#1198548 [سوداني بس افتخر علي شنو :(]
4.75/5 (4 صوت)

01-30-2015 03:38 PM
يا استاذ عروة المشكلة ماف في الغباء , الغباء عادي واشتهرنا بيهو من زمن ليس ببعيد المشكلة في طريقة كلام ناس العساكر الي في المطار معاك اول ما تصل والله من جوه تسأل نفسك وتندم انت ليه رجعت ودي اول مقابلة في ارض الوطن الي بقي يطمم البطن , انا ماعرف ليه ما بيوظفو ناس مهذبة وبتقدر تعرف كيف تتعامل , دي صعبة دي ؟؟؟؟؟؟ تلقي الواحد بينظر ليك نظره حقد ويفتح الشنطة ويقلب كانو في عداوة بينك وبينه !!!!! ياخي انتو من زمن فتح الشنط , خلو الريس يوفر ليكم جهازين او تلاته للكشف بدل البزخ في المناسبات الرسمية والحوارات السياسية الفاشلة خارج البلاد
سؤال للمسئولين الغير مسئولين عن المطار انتو والله فاشلين لانكم ما عارفين بيحصل من وراكم شنو, يا ريت تزحو وتتدو الشغل لناس اكفاء عايزين يشتغلو بالجد ؟؟

[سوداني بس افتخر علي شنو :(]

ردود على سوداني بس افتخر علي شنو :(
[ود البلد] 01-31-2015 03:12 PM
والله جبتها من جووووه وأصبت كبد الحقيقة فالمعاملة في مطار الخرطوم تطمم بطن الليمون وتخليك تراجع حساباتك ألف مرة عشان ترجع بلدك تزور الأهل

European Union [ابو الانقار الكسلاوى] 01-31-2015 07:04 AM
احكى هذه القصة التى حدثت لى : حضرت قادما من الامارات على الخطوط الامارتية . و على ارض المطار كانت الطائرة الوحيدة هى طائرة الامم المتحدة و طبعا تم اعلان هبوط الطائرة بسلام و عند دخولى صالة الجوازات و قدمت للعسكرى الذكى جوازى ، سألنى مباشرة ( جاى من وين ؟ ) نظرت خلفى و لم اشاهد غير طائرتنا الوحيدة و لو صبر و قرأ ما فى وثيقة الجوازات لعرفنى قادما من اين !!!كان ردى له و بسخرية ( انا قادم من همشكوريب مع تحياتى لسليمان على بيتاى


#1198534 [شايت عكس]
4.90/5 (7 صوت)

01-30-2015 03:08 PM
وين القروش السودانيين برا بقو زي البنغال بشتغلوا باي سعر خربو لينا السوق

[شايت عكس]

ردود على شايت عكس
[دارفور بلدنا] 01-30-2015 11:46 PM
احسن ليك الاثنين الف يا بعيد الدار من الغربة وعذابها .

European Union [بعيد الدار] 01-30-2015 08:35 PM
طب اذا كان افضل وظيفه في السودان راتبها اثنين الف طن لمن القى فرصة عمل بره ب خمسه الف اعمل شنو ساعتها


#1198494 [محمد سيد]
4.41/5 (6 صوت)

01-30-2015 12:31 PM
الأستاذ محجوب عروة يكتب بشفافية عالية ويدافع عن مصلحة البلاد وهو مشكور على ذلك لكننا نخالفه الرائ بشأن اخذ العملات الحرة خارج البلاد دون ضوابط . والمعلوم ان العديد من الدول لا تسمح بأخذ أكثر من خمسة او عشرة الف دولار عند المغادرة وبالعكس تسمح بإدخال اى مبالغ مالية من العملات الحرة للقادمين للبلاد. اذا تركت السلطات المختصة المغادرين بإخذ اى مبلغ يريدونه من العمالات الحرة خارج البلاد فسوف لن تجد دولار واحد بالبلاد صبيحة الغد. حيث تقوم الشركات والمستثمرين وتجار العملة بل ناس الحكومة نفسها وعوائلهم بإخراج العملات الحرة وترك البلد فقرانه. اصلوا العملات الحرة ليست بيد الفقراء بالسودان وانما بيد الأغنياء وهم في الأصل ناس الحكومة فهل تريد يا أستاذ ان تساعد هؤلاء الذين دمروا الاقتصاد بأن يأخذوا ما تبقى من مال الشعب ويخرجوه على عينك ياتاجر عبر المطارات والموانئ؟
اما بخصوص أموال المغتربين في الخارج نتفق معك بانه اذا اتخذت الحكومة الإجراءات الصحيحة وازاحت القيود وتركت الحرية للمغتربين بإدخال أموالهم فانهم دون شك سيعملون على تنمية الاقتصاد الوطني. ولو تركت الحكومة المغتربين بإدخال أموالهم حتى في شكل أصول ( عربات, آليات, حفارات مياه, مواد بناء وغيرها )لساعد ذلك في نهضة الاقتصاد لكن الحكومة لم تيسر موضوع ادخال وسائط الإنتاج للمغتربين حيث فرضت عليهم جمارك عالية لا توجد في اى مكان في الدنيا وحواجز غير جمركية مثل شروط الموديل للعربات والآليات مما اقعد المغتربين من جلب أي شيئي من الخارج وآثروا الاحتفاظ بأموالهم او استثمارها في دول المهجر وهذا كما ترى محنه حقيقية اقعدت الاقتصاد السوداني من الانطلاق.

[محمد سيد]

ردود على محمد سيد
United States [abumajid] 01-31-2015 07:34 PM
صدق او لاتصدق عام 88 وفى صالة المغادرة سالت ذات السؤال واخرجت ما معى وليتها عملة صعبة عملة من نوع ابوكلب (سودانية) وقالوا لى لايسمح باخذ هذا المبلغ قلت لهم انا واصل من الاقاليم وما معاى احد خارج الصالة اعطيه العملة بت الكلب دى قال هنا فى المطار يوجد بنك امشى اودعها مشيت اودعتها واعطونى ايصال بالمبلغ رجعت السودان بعد كم سنة كدا لم اجد البنك فى المطار وسالت دلونى على فرعه الرئيسي فى قلب الخرطوم وللاسف وحتى اليوم ماوجدت فرع البنك ولا الفلوس والايصال معاى حتى اللحظة .

United States [ابوخالد] 01-31-2015 05:40 PM
باختصار يا اخوانا ده جدل ما منه فايده .... آخر العلاج الكي... لاحياة لمن تنادي عشان كدة اختصروا الكلام في العمل علي ازاحة الكابوس

[بابكر ود الشيخ] 01-30-2015 11:14 PM
يا أ. محمد سيد ،، المغتربين ما عندهم قروش لأن 90% من الموجودين بالسودان عايشين على المقتربين والمهاجرين ، ولكن القروش البيتكلم عنها أ. محجوب تخص الكيزان وتم سرقتها من أموال الشعب السوداني ( البترول والذهب )

[fatmon] 01-30-2015 06:37 PM
رأيك شنو في العشرة مليون دولار بتاعت ود الجاااااااااز في دبي الضوابط كانت في إجازه مرضية اليوم داك

[ZAHGAN] 01-30-2015 05:04 PM
I disagree with you , I think the economy will florish in the movements of foriegn currencies in and out and the freedom to do so without fear . this will also eliminate the smuggling and all the illegal ways to take monies in and out the observations of the centeral bank.

European Union [ود الركابي] 01-30-2015 02:03 PM
والله يااستاذ محمد سيد لو لا فساد الكيزان ده . كان المغتربين عملوا بلدهم جنة لكن هم سيطروا علي كل النشاط الاقتصادي في البلد ومافي حد بقدر ينافسهم واصبحوا يملكوا البلد بما فيها . اها المغترب يعمل شنو في الحالة دي غير يحتفظ بشقاء عمره في الخارج .. ودمت .


#1198481 [ابو خنساء]
3.75/5 (4 صوت)

01-30-2015 11:25 AM
انت في العملة الاجنبية ديل كانوا بيشككوا في حركة المال بين اقاليم السودان في الفترة التي عقبت تبديل العملة .. وحصلت معاي اكثر من مرة .. مساءلات عن المصدر وجاي من وين وماشي وين ..

[ابو خنساء]

#1198475 [ود الركابي]
4.00/5 (1 صوت)

01-30-2015 11:11 AM
ده مخنا السوداني . متشبثين بأهلنا العرب ومخنا ماعربي .. هل شفت ليك ياكاتب المقال اي مشاكل معيشة ولا مشاكل عملة في اي دولة عربية وحتي افريقية . قطعأ لا . مع انه بلدنا من اغني دول العالم . لكن تقول لي منو . لعنة الله عليكم ياكيزان السجم والرماد . نهبتوا البلد وافقرتم الشعب . ماشين بسياسة جوع كلبك يتبعك . الله ينتقم منكم في الدنيا قبل الاخره ..

[ود الركابي]

#1198467 [بنغالي جوازو رايح]
2.69/5 (6 صوت)

01-30-2015 11:00 AM
الانظمه الاسلاميه تتميز بالفشل في كل ما يخص ادارة شئون الدوله، علي عكس نجاحهم المنقطع النظير فيما يخص المحافظه علي الحكم و العض عليه بنواجز الرئيس او الحبيس او الكديس، فان لهم عضة لا فكاك منها حتي و ان هنق حمار الوادي!!!

[بنغالي جوازو رايح]

ردود على بنغالي جوازو رايح
[tom] 01-31-2015 01:01 PM
هلا والله كفو يا بنغالي ... ما قصرت ... شوف يا صديق ... انا اشتريت ثمان من الحراج والله حلو انا اشوف سوداني دائما يشتري ... والله زين اعطى مال انت بس جيب 300 بس ... البنغالي يستهبل السوداني ... بنغالي جواوا ما يروح ... بنغالي باع جواز
انت شفت عروة كبير ولا عروة صغير ... كلو في واحد فلوس

European Union [حقيقي] 01-30-2015 04:32 PM
ياراجل الاسلامويين وليس الاسلاميه


#1198461 [الشمالية]
5.00/5 (2 صوت)

01-30-2015 10:53 AM
خليهم يجو الخليج ويشوفو كيف التحويلات تتم

[الشمالية]

#1198457 [حاج علي]
4.00/5 (3 صوت)

01-30-2015 10:42 AM
لن تتقدم البلد اذا لم تكن حرة
تلغي الجمارك
تلغي الضرائب
انظر الي دول الخليج ذات الاقتصاد الحر اين وصلت

[حاج علي]

ردود على حاج علي
[tom] 01-31-2015 01:11 PM
اخي يعطيك العافية اكبر بلدان العالم لديها نظام ضرائب وجمارك ... حتي دول الخليج لديها نظام جمركي قوي وصارم ...هناك دعم .... اما التقدم الذي ننشده ... يتلخص في الانتاج نحن لدينا ثروه حيوانية واراضي قابلة للزراعة كفيلة بتغير وجه الحياه في بلادنا .. ان فلح المسئولين ,,, ولا اظن

[tom] 01-31-2015 01:04 PM
حياك الله الجمارك والضرائب نظام معمول به في اكبر بلدان العالم وهي متقدمة ...بلدان زي الخليج ما فيها ضرائب لكن فيها جمارك .. نعم هناك دعم ... تقدم البلدان يا اخي في الانتاج



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة