الأخبار
أخبار إقليمية
الفنان الشاب شريف الفحيل : هذه (...) تفاصيل الصورة المثيرة للجدل مع إنصاف مدني!
الفنان الشاب شريف الفحيل : هذه (...) تفاصيل الصورة المثيرة للجدل مع إنصاف مدني!
الفنان الشاب شريف الفحيل : هذه (...) تفاصيل الصورة المثيرة للجدل مع إنصاف مدني!


02-02-2015 11:41 PM
حوار: محاسن أحمد عبد الله
فنان شاب وطموح كون لنفسه قاعدة جماهيرية نسبية، صاحب إطلالة مختلفة صاحبها الكثير من التساؤلات، يشكل حضورا دائما في الحفلات والمهرجانات، هو الفنان شريف الفحيل من مواليد مدينة الأبيض في العام 1990 درس بها الأساس والثانوي ومن ثم التحق بجامعة السودان للعلوم والتكنلوجيا (هندسة نفط)، وتخرج من برنامج نجوم الغد بالميدالية الذهبية كما شارك في البرنامج الشهير (أغاني وأغاني)، التقيناه وجلسنا معه في حوار تناولنا من خلاله عددا من المواضيع الهامة منها فيما يتعلق بمظهره وبعض التصرفات التي يقوم بها ويتم عرضها عبر مواقع التواصل المختلفة والتي أصبحت مثيرة للجدل بالإضافة إلى مشاريعه القادمة.
*بداية..أصبح اعتمادك على (اللوك) أكثر من اعتمادك على الغناء وصرت تبحث عن (الشو) من خلال الشكل..؟
أجاب سريعا: (المظهر حاجة مطلوبة ومهمة بالنسبة للفنان في الزمن دا، لأننا في عصر الصورة والصوت والفيس بوك والفضائيات المفتوحة و لابد أن تتميز في غناك وفي كل شيء وكل الفنانين في العالم العربي بيعملوا كده، و دا كلو في إطار الاحترام وعدم الخروج من العادات والتقاليد).
*إذا ماذا كنت تقصد بدفق الماء المثلج على جسدك..؟
لست الوحيد الذي قام بهذه الحركة فقبلي قام بها عدد من النجوم ويمكن الموضوع جديد على السودانيين، ومن ناحية طبية سكب المياه الباردة على الجسم يمنع مرض ضمور الأعصاب، وهو مرض معروف.
*لكن بعد أن قمت بعرض ذلك الفعل على الفيس بوك تم انتقادك باعتبار أنها (خلعة) جديدة؟
فعلا بعض الناس انتقدوني لكن ما عارف سبب النقد، وعلى فكرة الموضوع عندي عادي جدا.
*مقاطعة.. كيف يكون عادي وأنت تضايقت عندما كتب البعض وانتقدك؟
أبدا..الانتقاد لا يضايقني وصدري رحب و لما الناس تكتب عني معناها أنا موجود.
*موجود بالسلب والإيجاب؟
لا طبعاً.
*إذاً.. ماذا عن الصورة التي جمعتك مع الفنانة إنصاف مدني وأنت تقبِّلها على خدها؟
الموضوع تم تضخيمه زيادة عن اللزوم، الموضوع عادي جدا، طلعت المسرح سلمت عليها وبرضو عادي لكن زواية الصورة اللي أخدت اللقطة بصورة غلط جابت شكل الصورة مختلف عن الواقع، والشخص الوضع الصورة عايز (يتشمشر)، وإنصاف مدني تعتبر في مقام والدتي وتجمعها علاقة طيبة وقوية مع أسرتي، يعني تاني الناس إلا تسلم من بعيد بس.
*بتفتكر إنك محسود؟
الحسد موجود في أي مجال، لكن ما شغال بالموضوع كتير لأنو الزول لو شغل نفسو بيهو ما حيتقدم، عشان كدا أحسن أركز في شغلي.
*هناك منافسة مع شقيقك هل تعتقد أنه سيقوم بسحب البساط من تحت أرجلك؟
ضحك وقال: (طبعا شقيقي لديه الإمكانات التي تؤهله بأن يصبح فنانا لأنه متميز جدا وصوته جميل وبيعزف إن شاء الله حيكون عندو مستقبل كبير، ونحن في الآخر إخوان بنتبادل الملاحظات الدقيقة جدا وننصح بعضنا البعض وإذا كانت هناك منافسة حتكون من أجل التجويد).
*أنتم كجيل من الفنانين الشباب متهمون بأنكم تسعون للشهرة سريعا دون وجود أرضية فنية ثابتة؟
طبعا أي مسيرة فنية ما بتكون بين يوم و ليلة، لازم تكون مسيرة طويلة من العمل والاجتهاد والعطاء والزول يسعى بأقصى ما عندو من إمكانات عشان يضع بصمتو وأكيد الواحد بيلاقي متاريس ومصاعب لكن بالصبر بيحقق ما يريد، وأنا ضد السعي للشهرة السريعة بدون منتوج.
*بمن تأثرت من الفنانين..؟
تأثرت بكل الغناء السوداني الجميل والفنانين الذين شكلو وجداني منهم الفنان والأستاذ حمد الريح بحكم أن والدي يعزف معه وأنا تربيت على أغنياته، وسمعي معتق من زمن الإذاعة لعدد من العمالقة أمثال الراحل محمد وردي وزيدان إبراهيم ومحمد الأمين.
*هل تسمع نفسك؟
لا.. ما بسمع نفسي نهائي وما في فنان بيسمع نفسو.
*أنت خريج (هندسة نفط).. أين أنت الآن من المجال الذي درسته؟
والله للأسف في مشكلة حقيقية لمهندسي النفط في السودان وتحديدا بعد الانفصال بقت في مشكلة البترول وأمر التوظيف أصبح صعبا، حتى الآن دفعتي ما فيها زول اشتغل في مجالو.
*ألا تتفق معي بأنك انشغلت بـ(العدادات) ؟
(في فترة ماضية قلت إنني سأفرد مساحة كافية للغناء، وفعلا انشغلت بالفن وليس العدادات، وشهادتي موجودة).
*حدثنا عن خلافك الأخير بسبب ألبوم (حبك حقيقي)؟
ببساطة شديدة الموضوع فيهو ناس عايزة شهرة وما حأذكر أساميهم عشان ما تشتهر وأنا موقفي في السليم والقضية مستمرة ورسلوا لي عدد من الوساطات عشان أتنازل عن القضية لكنني رفضت وما حأتنازل خالص لأني على حق وعندي عقودات ومستندات رسمية بطرف المحامي، ولو كان هناك مشكلة بين شاعر وشاعر تاني حقو ما يدخلوا اسمي في (كلام ****).
*طيب.. ما هي حقيقة القبض عليك؟
لم يتم القبض على إطلاقاً، فقط توجد قضية وتم استدعائي في النيابة وأدليت بأقوالي وطلبوا مني التنازل عن القضية ورفضت وسأطالب بتعويض.
*جديدك القادم؟
سيكون هناك حفل جماهيري أعرض خلاله فيديو كليب عبارة عن أغنيتين في أغنية واحدة وبعدها سأغادر إلى الهند لإحياء حفل للجالية السودانية، ثم تصوير حلقة خاصة بعيد الأم لقناة النيل الأزرق، وأيضا حضرت سبعة أعمال للأطفال.

السوداني


تعليقات 17 | إهداء 0 | زيارات 23105

التعليقات
#1201034 [برعي]
2.00/5 (1 صوت)

02-03-2015 04:17 PM
كان بريدو شريف الفحيل ده الحس المكوه حارة ، واحد وهم وفاكيها في نفسو و بيني وبينكم المره، انصاف مدني ، دي شكلها ارجل منو .

[برعي]

#1200990 [Sarah]
0.00/5 (0 صوت)

02-03-2015 03:02 PM
شريف فلهمة

[Sarah]

#1200954 [daly]
0.00/5 (0 صوت)

02-03-2015 01:59 PM
شريف السخيل

[daly]

#1200869 [عامر]
5.00/5 (1 صوت)

02-03-2015 11:59 AM
ربنا يهديكم و يهديهو .. سيبو الناس في حالا

[عامر]

#1200860 [يعقوبيان]
5.00/5 (1 صوت)

02-03-2015 11:55 AM
هو منو شريف الفحيل دهى

رحم الله وردى وزيدان والزمن الجميل

[يعقوبيان]

#1200787 [ودهباك]
4.00/5 (3 صوت)

02-03-2015 10:24 AM
الزول دا فكيها في نفسو...مرة شاقي شعروومرة كاسرو
قايتو الواحد افسرابشنو ماعارف؟
هو زاتو ماشادي حيلو تقولي انصاف عضلات

[ودهباك]

#1200773 [داجن الداجن]
5.00/5 (1 صوت)

02-03-2015 10:10 AM
صوره شنو يا عالم انصاف مدنى ارجل منو

[داجن الداجن]

#1200770 [الوطن]
0.00/5 (0 صوت)

02-03-2015 10:08 AM
انتو لسه شفتو حاجة حاتشوفو اقبح من كدة وماغلطانين
لما قالو الغناء حرام

[الوطن]

#1200735 [ibrahim]
3.00/5 (3 صوت)

02-03-2015 09:35 AM
الانقاذ بتسقط طال الزمن ولا قصر لكن البيحلنا من افرازات الانقاذ من فناني الغناء الهابط والمهبوط والهشق بقشك غايتو حاجة تحير المابتحير

[ibrahim]

#1200687 [أم شلوخ]
5.00/5 (5 صوت)

02-03-2015 09:06 AM
ياخوانا كلامو صاح فى حتة زاوية الكاميرا و بعدين هو ود صغير ح يعمل بالقندران شنو الله يقدرو على البنات الصغيرات الحلوات

[أم شلوخ]

#1200675 [mohamedhamed]
5.00/5 (1 صوت)

02-03-2015 08:54 AM
والله بصراحة ما فيك شيء يذكر قايتو كانت غفلة

[mohamedhamed]

#1200658 [موسى]
0.00/5 (0 صوت)

02-03-2015 08:43 AM
مجرد ود موهوم ومغرور ومايع .اها وصلت وين مع ريماز؟

[موسى]

#1200636 [Heron]
4.63/5 (5 صوت)

02-03-2015 08:25 AM
عهد الانقاذ هو عهد الإنحطاط وعهد القبح. الان كل شي قبيح يطفو في السطح .. هو عهد نهاية الحياء. كاننا لم نكن يوما سودنيون نخجل من الغير لائق و(نشنف القبيح ونستهجنه).الان المجتمع السوداني يعيش حالة انسلاخ من عاداته القديمة.لذلك هذا المعتوه الفحيل يعتبر الامر عادياً لانه من ثمرة هذا القبح المستشري في مجتمعنا بفضل الكيزان السفلة قاتلهم الله.

[Heron]

#1200610 [عماد عثمان - جدة]
5.00/5 (1 صوت)

02-03-2015 07:56 AM
الزول العامل ذى الورل ده فاكر نفسه فنان و فنان كبير كمان عشان كدة بيتكلم و كأنه محمد وردى.
كل شيئ أصبح جائز فى السودان.

[عماد عثمان - جدة]

#1200591 [كبوش]
5.00/5 (1 صوت)

02-03-2015 06:59 AM
مين الفحيل ؟

[كبوش]

ردود على كبوش
[كبوش] 02-03-2015 11:34 AM
يا السر موسى ياخى ماشايف انك ظلمت الحمار ظلم الحسن والحسين

[السر موسى] 02-03-2015 09:51 AM
واحد حمار


#1200559 [البلولة العوض (مصلح اجتماعي)]
4.25/5 (4 صوت)

02-03-2015 05:05 AM
والله كان ما التكنلوجيا ...والمشروع الحضاري.. كنا نقول دا شروع في ال.... عديييل كدا مع كنشكتك وكبكتك وعناقك للولية دي !!!.. بعدين يا الفحيل دي زي أختي..وأمي ..وخالتي لا تنطلي على عمك البلولة المقدد الدنيا كلها بكل جنسياتها ومشاربها من قبل قوانين سبتمبر وما بعدها ..وعارف البير وغطاها... لكن الولية ذاتها إنما إيه...!! ويا حليل زمن الجاهلية!!

[البلولة العوض (مصلح اجتماعي)]

ردود على البلولة العوض (مصلح اجتماعي)
United States [wadgad] 02-03-2015 12:33 PM
هههههههههههههههه قوية يا عمك البلولة

[ود الجزيرة] 02-03-2015 10:28 AM
أعجبني تعليقك يا أخي البلولة حتى سال الدمع من عيني


#1200538 [sabra150]
4.00/5 (3 صوت)

02-03-2015 02:09 AM
خلاص يا كابلي يحسدوا ليك شنو ؟؟؟؟ عامل زي الغراب النبيه

[sabra150]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة