الأخبار
أخبار إقليمية
إشراقة : منشور لحسم ساعة الفطور بالخدمة المدنية
إشراقة : منشور لحسم ساعة الفطور بالخدمة المدنية



02-02-2015 11:31 PM

أم درمان: شادية سيد أحمد

أعلنت وزير العمل؛ إشراقة سيد محمود عن إصدار منشور لحسم ساعة الفطور بالخدمة المدنية، بجانب منشور آخر لضبط الاجتماعيات أثناء العمل ضمن مشروع التفتيش الإداري، وكشفت عن انطلاق عدد "18" فريقاً إلى الولايات مكون من وزارة العمل والجهات ذات الصلة؛ تحت إشراف نائب رئيس الجمهورية لحصر الفصل الأول، وأشادت إشراقة بالتعديلات الدستورية فيما يلي الخدمة المدنية.

وقالت إشراقة للصحفيين بالبرلمان أمس الأحد إن فريق العمل الذي سينطلق الى الولايات مدعوم بالدستور والقانون مما يسهل على الوزارة حصر العاملين في الدولة والولايات خاصة فيما يتصل بالفصل الأول.

وقالت إن خطة وزارتها للعام 2015م تعمل على مواصلة العمل في مشروعات التدريب المهني وإكمال عدد من المشروعات على رأسها الدمازين وكادوقلي والبشير الزراعي ومركز الصداقة السوداني الصيني بتكلفة وقدرها "13" مليون دولار سيفتتح في أبريل المقبل.

وعن قانون العمل أكدت أنه لا يوجد تخوف من عدم إجازته خلال الدورة الحالية للبرلمان، مبينة أن هناك مجهودات بذلت في تعديله، وشددت على ضرورة إجازته خلال العام 2015م.

التغيير


تعليقات 9 | إهداء 0 | زيارات 3370

التعليقات
#1201149 [عصمتووف]
0.00/5 (0 صوت)

02-03-2015 08:01 PM
م عندك شغلة من الافضل ارسال السائق للسوق المركزي ليشتري لك رجلة وخضره تحشي وتورقي بدل من هذا الكلام الفارغ كل منسوبي الخدمة المدنية ف الوزارات والمصالح متمكنين اي بدلا عن المحالين للصالح العام وانت تضربي ف وتر حساس ملئ كروشهم وفروجهم احذري غضبهم والا يطاح بك كما اطيح بعدالله مسار تريدين من الناس يفطروا مبكرا والثلاجات تعج ب المياة والثلج وعما قريب تضاف اليهاالاحذيةاعتقد ب ان الوزيره طابور خامس ي البشير ونافع تريد تحريض موظفي الدويلة ضدكم

[عصمتووف]

#1201148 [جمال علي]
0.00/5 (0 صوت)

02-03-2015 07:58 PM
لا بوجد ما يسمي ساعة الفطور في قانون الخدمة المدننية, بل هي عادة سودانية متأصلة منذ أيام المدرسة الأولية,إذ كان يمنح التلاميذ و أساتذتهم فسحة للفطور ثم يدق الجرس و تبدأ الحصص كل يوم.
و لا يوجد في الدول الأخري ما يسمي ساعة الفطور. ربما تعودنا علي هذا السلوك و الفطور المنأخر لأننا لم نتعود الأكل في الصباح. من تجارب الإغتراب أننا تعودنا الإفطار في الصباح و الغداء في المغرب, أي غداء و عشاء مع بعض, أي وجبتين في اليوم. و هذا يفيدنا في المحافظة علي الوزن, ذلك انأحد مشكلات الإغتراب هي السمنة بسبب كثرة الأكل.
المسألة في حاجة إلي مراجعة لسلوكنا و كيفية تنظيم الوقت سواء علي المستوي العام أو الخاص.

[جمال علي]

#1200892 [بتاع ورنيش]
5.00/5 (1 صوت)

02-03-2015 12:26 PM
كل الخدمة المدنية بالسودان تقريبا متسيبة عن العمل ، تأخير عن المواعيد، الفطور ساعة كاملة ، زوغان ، اليوم خميس شتات يا فردة نتفكفك بدري بدري الناس ديل غداهم بطلع بدري . الجايب خبرك منو ؟؟؟؟؟ أوريهم وشي ساعة ساعتين وأتخارج . أنا بكرة ما بجي ماشة أقلع ضرسي . دايرة أطهر ولدي . داير أبني الكتفة بتاعت الباب ، عدم الاهتمام بالمراجعين ، نخيس الموبايلات او الرد علي المكالمات دون اعتبار لطول الصفوف ، الايصالات خلصت دي مشكلة حاج ماجد سوار الأرانيك ما جات الورق كمل تعالوا بكرة ياجماعة أعمل ليكم شنو؟ دي ما مشكلتي مشكلة وزير المالية . تجي تجدد الجواز ، الدفاتر ماجات ، والله الشبكة طاشة تجي تدفع مستحقات الحكومة تلقي واحدة شغالة وبقية الكاونترات خالية. ياولدي الدكتور وينو ؟ الليلة ما بيجي ولا شنو ؟ مابيجي . ليه ؟ والله قال ماشي المرور. لكن انا عندي مقابلة معاه وجايبة بتي دى من العيلفون وأنا جاية من ود ابو صالح وانا جاية من الجيلي وانا جاية من الجديد الثورة . والله ما قضيتنا يا حاجة يا ها دي الحالة الشايفاها دي والشكية لي الله ، لكن يا ولدي الناس ديل مافي مدير بيسألهم ولا يحاسبهم ولا يديهم قلبهم ؟؟؟ !! يا حاجة خربانة من كبارا، الكلام ده قوليه لي الست أشراقة محمود. شيل فاتحة الصباح ، ضياع الزمن في شراب الشاي والقهوة والهلال والمريخ والجرائد وقراءة القرءان اثناء ساعات العمل الرسمية وتعطيل مصالح الناس ، لبس وسخان ، أحذية مقطعة، مكاتب مهلهلة ، أجهزة عفا عليها الزمن ، بيوت من زمن التركية السابقة عاملنها عيادات كلها كرور وكراكيب وكراسي مقطعة وكدايس وبعوض أضافة للروائح الكريهة المنبعثة من مراحيضها القديمة ، الله لا وراك الأزيار . بالنسبة للممرضين كدي أدخل مستشفي الخرطوم أو أمدرمان وأسأل ليك أي ممرض أو ممرضة عن أي استفسار أو مكان أي عنبر أو قسم، مافي واحدبيعبرك ولا يدلك وأنما يشيح بوجهه عنك أو ينهرك دون أعتبار لي عامل السن تفتش لي سائق الاسعاف وتحنسه وتدفع ليه . تدفع قروشك لمقابلة البروفيسور فلان الفلاني بعيادته وتنتظر ساعة لمقابلته لتفاجأ بدكتور اخر أو دكتورة مصنقرة مكانه !!!!! وين البروفيسور فلان الفلاني ؟؟؟؟؟ والله مشي العمرة . دون اخطار او اعتذار . طيب ما تكلمونا من برة !!!! تنظر اليك في بلاهة . مواعيدالعمل في دول الخليج الدخول والخروج بواسطة بصمة الاصبع ، تتأخر دقيقة واحدة فقط يخصم منك يوم كامل من المرتب كمبيوتريا نهاية الشهر . تتكرر مسألة الغياب والتسيب تلقي نفسك في الشارع .

[بتاع ورنيش]

#1200856 [العمدة]
0.00/5 (0 صوت)

02-03-2015 11:52 AM
هو فى فطور يا اشراقة ؟؟؟ وياريت كمان تلغى ساعة الغداء ،،، كنت أتوقع من الوزيرة اصدار قرار بتوفير وجبة فطور للعاملين بمؤسسات الخدمة العامة مجانا أسوءة بالمنظمات والمكاتب التابعة التى يعمل بها منسوبى المؤتمر الوطنى ..

[العمدة]

#1200827 [المغبون]
0.00/5 (0 صوت)

02-03-2015 11:19 AM
الشغلة خربانه من كباره شوفى اعضاء البرلمان تلقيهم نصفهم نائم اثناء الجلسه يعنى بالعربى رواتبم ما محللنها وهى رواتب ومخصصات عاليه شديد رغم كده ما محللنها ، دايره الموظفين الصغار ينظبوا فى عملهم كيف يكون ذلك والقدوة فاسدة خربانه من كباره يا اشراقة اغلب الموظفين بقو شغالين بالرشاوى يعنى بالعربى لو الواحد ما دفع شغلتو ما بتنقضى عديل كده تكون جاهزه فى الدرج ولكن لو ما دفعت ما يطلعوها ليك مهندسين المساحة فى الاراضى الواحد لو ما جبتلو السيارة ودفعتليهو ما مشى معاك يقعد يماطل فيك لمن ريقك ينشف وهذا الحال فى كل المصالح وصراحة ده الجايب البلاء فى البلد بلد إمورة ما تمشى إلا بالرشوة كيف تنزل عليها رحمة الله كيف يرحمها الرحمن وهى الفساد صار فيها مقنن زمان كانت الرشوة بالدس والموطف يلتفت يمنة ويسرى خوفا من ان يراه احد اما الان صارت بالعلن بل ويطلبها منك بعين قوية ولا يلتفت يمين ولا شمال ده حال ياجماعة ضاعت حقوق كثير من الناس بسبب هذه الرشاوى لذلك قال فيها رسولنا الكريم صلى الله عليه وسلم (عن أبي هريرة -رضي الله تعالى عنه- قال: « لعن رسول الله - صلى الله عليه وسلم - الراشي والمرتشي في الحكم »1 رواه الخمسة، وحسنه الترمذي، وصححه ابن حبان، وله شاهد من حديث عبد الله بن عمرو عند الأربعة إلا النسائي

[المغبون]

#1200772 [aldufar]
0.00/5 (0 صوت)

02-03-2015 10:10 AM
اعلمي يا اشراعة : ان الخدمة المدينة صفر في بلدنا دا تعالي شوفي الخدمة هنا ، تعالي مكاتب الحكومة بالحصاحيصا ورفاعة وشوفي كيف يعمل موظفيها اقسم الله تقفعد ثلاث ساعات ولا حد يأتي للمكتب
والواحد كان دايرة تدي عينه لازم تدخل يدك في جيبك لكي ترشيه ، يا حليل الخدمة المدينة السودانية عهد الانجليز ووإدت في عهدكم تماما الله ارحمها .

الناس بالمكابت الحكومة من الساعة 12 بتكون مافي امشي زوري المكاتب الحكومية بنفسك قومي بزيارات مفاجاة لكل مكاتب الحكومة في كل الولايات وستعرفي منو الشغال فيها .

انتي قاعدة في الخرطوم والبلد قعدت في الواطة الخدمة المدينة صفر والدليل الدمار الحاصل الآن.

[aldufar]

#1200771 [المر]
0.00/5 (0 صوت)

02-03-2015 10:09 AM
اعلمي يا اشراعة : ان الخدمة المدينة صفر في بلدنا دا تعالي شوفي الخدمة هنا ، تعالي مكاتب الحكومة بالحصاحيصا ورفاعة وشوفي كيف يعمل موظفيها اقسم الله تقفعد ثلاث ساعات ولا حد يأتي للمكتب
والواحد كان دايرة تدي عينه لازم تدخل يدك في جيبك لكي ترشيه ، يا حليل الخدمة المدينة السودانية عهد الانجليز ووإدت في عهدكم تماما الله ارحمها .

الناس بالمكابت الحكومة من الساعة 12 بتكون مافي امشي زوري المكاتب الحكومية بنفسك قومي بزيارات مفاجاة لكل مكاتب الحكومة في كل الولايات وستعرفي منو الشغال فيها .

انتي قاعدة في الخرطوم والبلد قعدت في الواطة الخدمة المدينة صفر والدليل الدمار الحاصل الآن.

[المر]

#1200691 [امتي يا امة الامجاد]
0.00/5 (0 صوت)

02-03-2015 09:09 AM
يا سلام يا جماعة بتنا اشراقة اكتشفت العلة وحسمت الموضوع ومن بكرة حا تشوفوا الخدمة المدنية بقت عال العال وهمة وامانة وكمان مافي رشوة او تسكع او غياب أو زززززززز

قومي لفي دلاهة و رخسة وووووووو

[امتي يا امة الامجاد]

#1200584 [ABUBAKER]
0.00/5 (0 صوت)

02-03-2015 06:37 AM
كدا اولا ثبتوا الخدمة المدنية اولا يا اشراقة

[ABUBAKER]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة