الأخبار
أخبار إقليمية
وزير الدفاع بالنظر : نطارد المتمردين بالمناطق الجبلية
وزير الدفاع بالنظر : نطارد المتمردين بالمناطق الجبلية
وزير الدفاع بالنظر : نطارد المتمردين بالمناطق الجبلية


02-02-2015 11:49 PM
أم درمان: شادية سيد أحمد

قال وزير الدفاع الفريق الركن مهندس عبد الرحيم محمد حسين إنه ناقش خطة وزارته مع لجنة الأمن والدفاع بالبرلمان أمس الأحد، وأشار الى إجازتها من قبل اللجنة.

وأوضح أن وزارته عملت على تأمين بداية الموسم الزراعي، وأضاف الآن تعمل على تأمين الحصاد في ولاية النيل الأزرق وبسط الأمن في مناطق الصراع القبلي، وقال إن التقرير أوصى في إطار تطوير بنيات الدولة الدفاعية أن تكون هناك قروض خارجية لهذا الغرض مثلها مثل كافة المنشآت الإستراتيجية.

وقال حسين إنه أطلع اللجنة على آخر التطورات الأمنية بالبلاد، موضحاً أنه تم تحرير كثير من المناطق خاصة في جبل مرة وإعادة عدد من المناطق التي كان يتم فيها استخدام المواطنين كدروع بشرية وتم تحريرهم وإطلاق سراحهم، وأشار لمطاردة عدد من المتمردين في المناطق الجبلية.

وأبلغ حسين الصحفيين أمس الأحد بالبرلمان أن الاجتماع شدد على ضرورة تطوير التصنيع الحربي والإسراع بسن التشريع الخاص به، معلناً أن وزارة المالية قامت بتحسين أجور منسوبي القوات المسلحة بنسبة 30%، وقال إنها خطوة مقدرة نسبة للظروف التي تمر بها البلاد وسيتم تنفيذ ما تبقى خلال الفترات القادمة.

من جهته قال رئيس لجنة الأمن والدفاع؛ مالك عبد الله حسين إن الاجتماع تطرق للعلاقة مع دول الجوار وتجربة القوات المشتركة في هذه الدول، الى جانب التطرق الى المعوقات التي تقف أمام تنفيذ مشروعات القوات المسلحة.

التغيير


تعليقات 13 | إهداء 0 | زيارات 5197

التعليقات
#1200988 [للتلب]
0.00/5 (0 صوت)

02-03-2015 03:01 PM
عليك الله يا عبدالرحيم لوﻻ انك انت والبشير وبعض الذين ﻻضمير لهم من قواتنا المسلحه - طبعا اعنى جيشنا الباسل ماقبل 89 - وبمساعدة تنظيم اخوان الشياطين قد تمردتم على نظام ديقراطى هل كنت تتصور فى يوم من اﻻيام تكون وزير ؟؟ وكمان وزير دفاع ؟؟ وتتكلم فى رجال شرفاء وتصفهم بالمتمردين ؟؟

[للتلب]

#1200959 [مدحت عروة]
0.00/5 (0 صوت)

02-03-2015 02:14 PM
اكثر من 25 سنة ولسع بتطاردوا فى المتمردين ؟؟؟؟
ماذا يعنى هذا يا حضرة وزير الدفاع؟؟؟؟
مش بيعنى انكم فاشلين سياسيا ؟؟؟؟؟
ومفروض تتنازلوا من السلطة لسلطة قومية علها تحل مشكلة الحرب والسلام والاستقرار السياسى فى البلاد وبالحوار الوطنى والتوافق والتراضى؟؟؟؟؟؟
ما تقول لى انكم خايفين من تشظى وتمزق البلاد التقول هى تنعم بالوحدة والاستقرار والامن والسلام؟؟
ولا بقية اهل السودان الما حركة اسلاموية او ضد الانقاذ خونة وعملاء وبيكرهوا السودان والاسلام؟؟؟؟؟
ولا الخوف من ضياع السلطة والثروة وليس ضياع السودان الضاع منه الجنوب وحلايب واشتعلت فيه دارفور وجنوب كردفان والنيل الازرق والجنود الاجانب يقدلوا فى اراضيه ده غير الحبش العملوا الفشقة حقت ابوهم وكمان يطلقوا النار على والى القضارف السابق كرم الله عباس عندما زارها فى وقت سابق ؟؟؟؟؟؟؟
حيرتونا واحترنا معاكم انتو بالضبط كده عايزين شنو؟؟؟؟؟؟؟؟؟؟؟؟؟

[مدحت عروة]

#1200893 [أبوقرجة]
5.00/5 (1 صوت)

02-03-2015 12:29 PM
ههههههههههههههههههه ههههههههههههههههههههههه هااااااااااااااااااااي البطارد في التاني منو يا الوزير ..... ناسك كل يوم جاريين والصور كل يوم تنشر عنهم .. واسلحتتكم البتخلوها لناس الجبهةالثوريه

[أبوقرجة]

#1200887 [ابو الليل]
5.00/5 (1 صوت)

02-03-2015 12:20 PM
وزير دفاع النظام يكذب الواقع ، لقد تم تمدير قوات مليشيا الدعم السريع في انقارتو في جبال النوبة ، وولوا الادبار الى تلودي ، ووصلت قوات الجيش الشعبي الى تلودي النوبة وهي قريبة جدا من تلودي المدينة ، وحدثت اشتباكات بين مرتزقة الدعم السريع مع جيش المؤتمر الوطني داخل تلودي ، بعدها غادر مرتزقة الدعم السريع بـ 150 سيارة الى دارفور ، جبال النوبة ستظل عصبة على عصابة المؤتمر الوطني والفني في القوات المسلحة عبدو نظر ، وطبعا جداد الكيزان حايمين يتحدثوا بعنصريتهم النتنة ، ولكن الفجر لاح .. ستنتصر جماهير شعبنا في المعارك القادمة ، وستلحق الهزيمة المؤكدة على عصابة الكيزان والى الابد ... الوزير يكون قاصد جبل اولياء ..

[ابو الليل]

#1200788 [shaw]
5.00/5 (2 صوت)

02-03-2015 10:27 AM
ابو ريالة دا بصفر ولا شنو
غايتو اشن من هذا الحلوف واسحاق فضل الله في الدنيا مافي

[shaw]

#1200728 [الحلومر]
5.00/5 (1 صوت)

02-03-2015 09:32 AM
ردود علي [Salah]
مطاردة في الجبال ياخي دا اطول فليم نشف ريق الشعب السوداني وح يجيب أجل الحكومة فليم مستمر 26 سنة لا مات البطل الخائن ولا انقرض العدو الوهمي الذي اتخذ منه البطل الخائن فزاعة لتخويف شعبة

[الحلومر]

#1200684 [عبدالرحمن حسين]
5.00/5 (1 صوت)

02-03-2015 09:03 AM
تمرد اكتر منكم انتوا وين عليك الله .

[عبدالرحمن حسين]

#1200667 [زول سااااااى]
5.00/5 (1 صوت)

02-03-2015 08:48 AM
ههههههههههههههههههههههههههها والله ما عارف اقول عليك شنو يا هبنقة يا متخلف يا ابو ريالة . قال حسنا رواتب الجيش . اديتوها للجنجويد

[زول سااااااى]

#1200641 [ابو المر]
0.00/5 (0 صوت)

02-03-2015 08:27 AM
والله يا اخوانا اسمعوها منى جيش عبدالرحيم بخش كاودا بخش كان طال الزمن او قصر مادام ناس عرمان وعقار ساكنين الفنادق وبياكلوا فى الطيبات والمسكرات على ايدى الفتيات الحسنوات وعسكور الحركة ساكنين الخنادق وبياكلوا فى النبق واللالوب وبليلة عيش الريف. جيش زى دا بنتصر ياجماعة ؟؟؟؟؟؟؟؟؟؟؟؟؟؟؟؟؟

[ابو المر]

ردود على ابو المر
European Union [ود جحا] 02-03-2015 11:10 AM
فعلا عريان وحقار وفنطاس كلهم بتاعين سكر وقلة ادب وبرسلوا الشفع عشان يموتوا هناك

European Union [mubarak kabila] 02-03-2015 10:21 AM
انت يازول شايت وين يجش وين كاودا انت ماعندك موضوع القابضين على الزناد ليس ياسر عرمان ولا عقار هم مقتاتلين اشاوس لو انت بتفتكر انو فى جيش تبقى واهم مافى جيش ديل عبارة عن مليشيات وانت عارف (الجنجويد )ثلاثة سنوات والناس فى انتظار البشير ليصلى فى كاودا اما اذن الله له بعد قال:(الصيف الحاسم والزحف المقدس ) هههه سترى ماذا سيفعل هولا الاشاوس بهذا النظام وهذا الارعن المعتوة ابو ريالة حتماً النصر قادم ثورة ثورة حتى الصر


#1200620 [الفلفل الحار]
5.00/5 (1 صوت)

02-03-2015 08:13 AM
شتتوهم لحد ما يلحقوا اهاليهم فى تشاد والا نيجيريا

[الفلفل الحار]

#1200618 [سيدالكارو]
5.00/5 (1 صوت)

02-03-2015 08:10 AM
لجنة الامن والدفاع وقوات مستركه وجنجويد ده كلو لو في زول عاقل ما كنا احتجنا ليهو ! فترنا من الكتابه عاوزين افعال

[سيدالكارو]

#1200575 [الكرباج]
3.00/5 (2 صوت)

02-03-2015 06:05 AM
ربنا يشتت شملهم,لانهم لا يتقنون الا النهب والسلب وترويع الموتطنين

[الكرباج]

ردود على الكرباج
[ود مليك] 02-03-2015 11:34 AM
ممكن تورينا المقصود شنو بالموتطنين يا ساقط المؤتمر الواطي .


#1200521 [salah]
4.50/5 (3 صوت)

02-03-2015 01:06 AM
قال شنو ،،يطارد منو ،،، وين فى المناطق الوعرة وكمان جبلية و الله إتطورنا الدفاع بالنظر بقى راجل تضاريسى مع شوية فلفسه برلمان الهنا أجاز ليهو ملايين الجنهات لزوم المطارده فى الجبال .....وزير دفاع .....الشعب السودانى كله مقتنع بأن هذا المسمى بوزير راعى غنم ماينفع،،،،،هذا زمانك يا مهازل فامرحى،،،،،ده فليم كابوى شيق ......مطارده فى الجبال؟؟؟؟؟؟؟

[salah]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة