الأخبار
أخبار إقليمية
طلب من بكري حسن صالح سداد 45 مليار جنيه بطريقة حادة.. البشير يطيح بالمدير العام للهيئة السودانية للإذاعة والتلفزيون
طلب من بكري حسن صالح سداد 45 مليار جنيه بطريقة حادة.. البشير يطيح بالمدير العام للهيئة السودانية للإذاعة والتلفزيون
طلب من بكري حسن صالح سداد 45 مليار جنيه بطريقة حادة..  البشير يطيح بالمدير العام للهيئة السودانية للإذاعة والتلفزيون


02-03-2015 03:33 PM
الراكوبة بعد مرور أقل من خمسة أشهر على تعيينه مديراً عاماً للهيئة العامة للإذاعة والتلفزيون وبالتحديد في 18 / 9 / 2014م - أصدر البشير اليوم قراراَ بإعفاء السيد السموأل خلف الله القريش من منصب مدير عام الهيئة السودانية للإذاعة والتلفزيون.

وأفادت أنباء بأن نائب البشير بكري حسن صالح عقد أمس إجتماعاً خاص ببث مباريات الدوري الممتاز مع عددمن المسئولين ، وطالب السموأل بسداد ديون الهيئة العامة للإذاعة والتلفزيون البالغة 45 مليار جنيه إضافة الى سداد مستحقات العاملين وإحتد النقاش بينه وبين بكري حسن صالح أدى في النهاية الى حسم الأمر بإطاحة السموأل بعيداً عن الهيئة العامة للإذاعة والتلفزيون.


تعليقات 48 | إهداء 0 | زيارات 30730

التعليقات
#1201829 [الاحمدى]
0.00/5 (0 صوت)

02-04-2015 08:50 PM
ارحل ارحل ارحل .

[الاحمدى]

#1201729 [ملتوف يزيل الكيزان]
0.00/5 (0 صوت)

02-04-2015 05:56 PM
لعب عيال و مسخرة تجري على الشعب السوداني الجريح . الوطن ينزف دما في كل اطرافه و الانقاذ و عيال الانقاذ يلهون و يضحكون على مصيبة الشعب.
ان اوان الجد . كل منسوبي الانقاذ اهداف مشروعة طالما استمر الانقاذ في قتل الناس افرادا و جماعات.
الوسيلة: حرب عصابات المدن التي تشعلها خلايا المقاومة السرية بالاحياء لتحريم الشارع و الاماكن العامة وحتى بيوتهم على كل الاكلاب . هذا البلد لن يسعنع مع الانقاذيين ، يا نحن يا هم.لعب عيال و مسخرة تجري على الشعب السوداني الجريح . الوطن ينزف دما في كل اطرافه و الانقاذ و عيال الانقاذ يلهون و يضحكون على مصيبة الشعب.

[ملتوف يزيل الكيزان]

#1201697 [محمد احمد صباح الخير]
0.00/5 (0 صوت)

02-04-2015 04:55 PM
كمان ترفع صوتك على ؟ مرفود
ربما قالها هكذا بكورى لو ما بلسان المقال فبلسان الحال
فالسمؤل الرجل الصوفى المتدين النظيف المثقف المفتح( شرط )
تناقش فى امور مهمة تخص حقوق من ولاه الله عليهم وبالضرورة عند الجدية فى النقاش ترتفع الاصوات وفى الحق دائما الواحد يرى الحق اكبر من الرجال ولكن من يقنع اصحاب المشروع الحضارى ؟

[محمد احمد صباح الخير]

#1201587 [ABOABBAS]
5.00/5 (1 صوت)

02-04-2015 01:40 PM
لي ملاحظتين
الاولي :ان كان السمؤال علي حق فليقف الجميع معه وخاصة العاملين ولينفذوا اضرابا عن العمل
الثانية : هل هذا سببا للاطاحه بمسؤل لم يتم 6شهور
نعم مشاهدة الدوري احيانا مسليه لكن حجم الاموال التي تنفق عليها هل له عائد مجد بالله شوف المردود منها

[ABOABBAS]

#1201584 [أيام لها أيقاع]
5.00/5 (2 صوت)

02-04-2015 01:30 PM
و سوف تنتهي فيما بينهم و سوف يقتلعون من أرض السودان اقتلاعاً

[أيام لها أيقاع]

#1201579 [Ahmed Almustafa]
5.00/5 (1 صوت)

02-04-2015 01:20 PM
هي لله هي لله لا للسلطلة ولا للجاه..... يا جماعة خلونا نناقش قضاياناالمطلبية الكبري هي فضلت لينابس قصص شالو منو وجابومنو ؟ فليروحوا في ستين داهية ولتبقي قضايا الوطن هي ديدنناالاسمي

[Ahmed Almustafa]

#1201561 [ABU ALI ALI]
5.00/5 (1 صوت)

02-04-2015 12:44 PM
يا السمؤال المفروض تتعلم من غيرك خاصة مع بكري ليس الكف التي اخذها المرضي بتاع كنانة ببعيد كف وانهاء خدمة .

[ABU ALI ALI]

#1201473 [لواي سلسلن]
4.00/5 (3 صوت)

02-04-2015 10:24 AM
القصةواضحة وهو أن الحكومة تريد للشعب السوداني الفضل أن يظل مشغولاً بمشاهدة 1-2 من مباريات ما يسمى بالدوري الممتاز يوميا وبذلك تتفادى الانتفاضة الجماهيرية ...
ولو رجعنا لوراء قليلا نرى ان النائب السابق على عثمان طه كان قد قد فعل نفس الشئ ووجه بنقل هذه المبارات مجانيا
يلة للأستادات واحملوا صورة بشةوهاك يا دعاية انتخابية مجانية

[لواي سلسلن]

ردود على لواي سلسلن
European Union [عطوى32] 02-04-2015 05:26 PM
.. والله كلامك مية المية ...اصلا الكيزان ديل مستحيل يشيل مسؤول او زير قرص فى واجبة او اختلس او الناس كارهنو الا اذا تضارب ليهم فى امر من امورهم الابليسية .. وبالطبع الايامات دى هم محتاجيين لاى حاجة تشغل الناس وما عايزينهم يكونو مركزيين ابدا ... وبعجد ايام حيفتحو القنوات الاباحية .. وتانى ليالى امدرمان حتدور من تانى وجديد وتوقعو ليكم موضوع انصرافى ذى بتاع المثليين بتاعين دبى ديلك
بس نتمنى انو الشاب يستغلو ويهتفو على الهواء ونشووفم حيعملو شنوو


#1201438 [العمدة]
5.00/5 (2 صوت)

02-04-2015 09:49 AM
أخونا السموأل ما قدر الكلام دى ،، وأنا بقول من الجماعة الساعدهم الحظ فى غياب الناس ويكون لة وضع ولا يستطيع أن يحتد مع نائب الرئيس ،، وصدقونى ما كان يوم بحلم ينافس فى وظيفة عادية ( وكما قال د نافع (من أراد أن يستوزر فعلية بالمؤتمر الوطنى )

[العمدة]

#1201432 [أحمد شرفي]
5.00/5 (1 صوت)

02-04-2015 09:46 AM
سؤال بسيط

ما هي علاقه نائب رئيس جمهوريه ببث مباريات كره قدم , خلاص دي مشاكل البلد اتحلت .
هذه العقليه و عدم الموضوعيه بل (و عدم الشغله)المغتسه حجرنا

[أحمد شرفي]

ردود على أحمد شرفي
[لواي سلسلن] 02-04-2015 10:22 AM
العلاقة واضحة يا حبيب وهو أن الحكومة تريد للشعب السوداني الفضل أن يظل مشغولاً بمشاهدة 1-2 من مباريات ما يسمى بالدوري الممتاز يوميا وبذلك تتفادى الانتفاضة الجماهيرية ...
ولو رجعت لوراء قليلا ترى ان النائب السابق على عثمان طه كان قد قد فعل نفس الشئ ووجه بنقل هذه المبارات مجانيا
يلة للأستادات واحملوا صورة بشةوهاك يا دعاية انتخابية مجانية


#1201407 [المتألم فى غربته]
3.25/5 (3 صوت)

02-04-2015 09:27 AM
والله يا جماعة دورى شنو شاهدوه انتم والله نحن فى غنى عنه كفاية مرض وقرف

[المتألم فى غربته]

#1201374 [حرية]
4.00/5 (3 صوت)

02-04-2015 09:09 AM
هؤلاء يريدون كل زول يقول ليهم حاضر ونعم يا سياتك علي العين والرأس وشكرا علي النصيحة والتوجية
ودائما هم يعتبرون كلامهم صاح وباقي الشعب كلو غلط في غلط وهكذا ,أما من يخالفهم ولو كان أحد أصابع يده سوف يقطعة , أليس هؤلاء أشد من الأباليس؟

[حرية]

#1201371 [شبتاكا]
3.50/5 (3 صوت)

02-04-2015 09:07 AM
دكتاتورية المحفل الماسونى الاخوانيه تلتهم فلذات كبدها...وده امر طبيعى لنظام فاشستى مستبد وفاسد و بدا يلفظ انفاسه وظاهرة تاكل النظام من الداخل بدات منذ تاريخ ولادته ولكن تعالت وتيرتها الان وكثيرون من سقطو وتناثرت جثثهم على جوانب الطريق المفضى الى التهلكة لكن اللافت للنظر ان دائرة اتخاذ القرار الضيقة لم تعد تتحمل حتى نسمات الهواء العليل..والاطاحة بهذا الكوز الاخوانى الاصيل يوكد حقيقة داوية بان شلة على عثمان ونافع والجاز فقدو البوصلة وتاه عليهم الطريق وبداو يعضون فى رقاب بعضهم البعض
شعبنا الطيب الدكتاتورية الاخوانيه تحتضر ....نظمو صفوف الخروج العفوى لاقتلاع جزور العفن الاخوانى

[شبتاكا]

#1201355 [مبارك]
5.00/5 (1 صوت)

02-04-2015 08:57 AM
بغض النظر عن رأي الناس في السمؤال ، فالرجل طالب بسداد ديون الهيئة العامة للاذاعة والتلفزيون وبدفع مستحقات العاملين ، يعني يعمل شنو ؟ مضغوط من العاملين عايزين حقوقهم ، حكومة السجم والرماد ما دايرة تدفعها ليهم . والله لو كنت مكان السمؤال اضبح كرامة عشان ابعد من الهم ، الحكومة ما عايزة تدفع والعاملين عايزين حقوقهم والسمؤال في وش المدفع . حكومة السجم والرماد دي ضيعت اي شئ جميل في السودان ، اين التلفزيون والاذاعة ؟ اين مشروع الجزيرة ؟ اين خط هيثرو ؟ اين القوات المسلحة ؟ اين قوات الشرطة ؟ اين دارفور ؟ اين النيل الازرق ؟ اين جنوب كردفان ؟ اين جنوب السودان ؟ اين حلايب ؟ اين الفشقة ؟ ....الخ

[مبارك]

ردود على مبارك
[قـلبـي يـنزف] 02-04-2015 10:32 AM
الأهـــم من ده كـووووووووووله...أيـن أخـــلاق الشــعب الســوداني وقيــمه وترابطــه، وأيـن الغيــور على الوطــــن؟؟؟

European Union [أريج الوطن] 02-04-2015 10:27 AM
بل أين السودان نفسه ؟

[الفجري داك] 02-04-2015 09:35 AM
يامبارك ...أين سروال عمر البشير .!!!!!!لابساهو....ههههههههه
الزول ده ماشي ميطي ..


#1201350 [مواطن غلبان]
5.00/5 (1 صوت)

02-04-2015 08:52 AM
ناس الاذاعة والتلفزيون قاعدين تعملوا شنو امشو بيوتكم خلاص صفرجت زى ما قال الوالى والد غسان

[مواطن غلبان]

#1201327 [الحقاني]
0.00/5 (0 صوت)

02-04-2015 08:33 AM
قدمت قبل اسبوع مقترح (أرتي جان) مقتضبا لمكتب السمؤل واتصلوا بي لمزيد من الشرح والآن علي ان ابحث عن جهه أخرى مع يقيني ان جل الكيزان سارقي افكار ولكن عسى ان اجد منهم من يتبناه ويحفظ لي حقي الادبي وجزء من المادي

[الحقاني]

#1201314 [مبارك]
0.00/5 (0 صوت)

02-04-2015 08:20 AM
السلام عليكم ورحمة الله اوصي ونفسي واياكم والانقياد وراء القيل والقال بدون دليل لكي لا نكون تحت طائلة الظن ان بعض الظن اثم فاجسامنا لا تقوي علي النار فلنتق الله في انفستا واخوتنا اللزين معنا في الاسلام وليس كلامي هذا انحياذا لفئة او لشخص ما بل انما للتذكير ان الذكري تنفع المؤمنين والله من وراء القصد ولي ولكم التوفيق في الدنيا والاخرة

[مبارك]

ردود على مبارك
European Union [مبارك] 02-04-2015 02:39 PM
ليس لي تعليق علي ردك واحترم رايك انما اسديت نصيحة

European Union [مبارك] 02-04-2015 09:17 AM
اعتقد انها كلمة حق اريد بها باطل


#1201288 [الجن الكلكي]
5.00/5 (1 صوت)

02-04-2015 07:41 AM
السمؤل الشيعي الكبير والكوز الحرامي الاكبر ساعة تغلط تغلط مع بكري سطلة يااخ الزول دا عنده هلكوبتر يوميا بتجيب له العرقي البكري من دنقلا وبلفها ب 4 ورقات تجي تتراجل معه كمكان يرفدك دي بسيطه كا يلحقك ابراهيم شمس الدين وبعدين هم عارفنك حرامي وبتاع نسوان وبتموت في الجعبات الكبار يا بتاع احسنيات ههههههههههههههههههههههههههههههههههه

[الجن الكلكي]

#1201272 [quickly]
5.00/5 (1 صوت)

02-04-2015 07:11 AM
ياولاد الهرمة 45مليار!!,, مشت وويين؟ في اجهزة لابتاكل ولابتشرب وماوراها غير بث اكاذيب الحكومة والاغاني والمياعة ورقيص البشير؟!! قبل ماتطالب بسدادها وضحً بالاول مشت وين واتصرفت في شنو؟؟

[quickly]

#1201235 [بدر نورالدائم]
5.00/5 (1 صوت)

02-04-2015 03:04 AM
ااخوتى الاعزاءبكل صدق وامانه نجد ان السمؤال كان له دور فعال فى المنصب الذى كان فيه ونشهد للرجل بنشاطه نحوالمسرح وقيام البرامج الترفيه وتكريم بعض المثقفين والفنانين والشعراء وكان رجل نشط ولكن اتسال لماذا اعفى هل فعلا كان فى خلاف مع الرئاسه ام شى اخر؟

[بدر نورالدائم]

ردود على بدر نورالدائم
European Union [أزمة وطن] 02-04-2015 08:31 AM
ومين قال انهم عاوزين الزول الشغيل هم عاوزين البسمع الكلام من غير ما يفتح فمه


#1201232 [Almisahir fi izallail]
4.00/5 (1 صوت)

02-04-2015 01:56 AM
يا ود على انت اظنك ماك "ناقش" يا فرده!! يعنى دا فهيمك لمّن بتسأل سؤال زى دا.. واحد فى الاتنين الحيجى اما يرجع محمد بن حاتم بن سليمان ويعود الى قواعدو سالم اذا ما كان حصل وودوهو سفارة الصين.. اصلو قال يا هى يا عندو كلاما آخر.. وامّة ياسين ود ابراهيم (سيد برنامج "السغلآ اللى فى السودان) يطلع فى الكفر ويترقى محل "بن عاديا" وامّة يحل محل بن سليمان اذا تمت اعادته الة مملكته السابقه.. ,, بكره بأذنالله سبحانه وتعالى تحيا ونشوف !! انت بس خليك "تفتيحه"!!! وخلى اضانك قريبه من"المكنه"!!! بس ما تكون خاتى بالك!!

[Almisahir fi izallail]

#1201212 [سيد الكارو]
4.97/5 (6 صوت)

02-03-2015 11:35 PM
القصه دي حكاها لي واحد عزيز علي :

ابن عم علي عثمان محمد طه اسمه ( .....) ذهب الي السمؤل خلف الله حينما كان السمؤل وزير الثقافه .. وبعد السلام والمطايبه والنفاق دخل شخص لمكتب الوزير فقال له الوزير السمؤل :
ماعرفت الزول ده
رد الشخص : لا
فقال السمؤل : ده اخو الشيخ ( يقصد شيخ علي عثمان كما يسمونه )
فسلم ذلك الشخص علي ابن عم علي عثمان الذي جاء لمكتب الوزير يقتات باسم شيخهم علي عثمان فماكان من الوزير الا ان اخذ كيس مليان قروش واعطاهو لقريب علي عثمان وهو يقول : معليش حاجه بسيطه !

قال لي الشخص الذي حكي القصه ان قريب علي عثمان كان يسُب ويشتم الوزير في سره لانو اعطاه حاجه بسيطه !
وحينما خرجو من مكتب الوزير فتح الكيس ووجد رزمتين من أبو خمسين البقره الصفراء القديمه تعادل عشره ملايين جنيه زمن الركشات بي سبعه مليون ! يعني مايعادل خمسين مليون حاليا ،، كل ذلك من مكتب الوزير فقط فلم يخاطب السمؤل الحسابات مثلا او قام بتصديق علي ورقه او طلب او استخرج شيك ! يعني قروش طالعه من درج المكتب ! فكم يكون في درج الوزير ؟ ونحنا قروشنا او حقنا مايدوهو لينا
وتقول لي شنو تقول لي منو ! الا لعنة الله علي الابالسه اخوان الشياطين ! اللهم افتتهم في بعضهم واشغلهم بانفسهم فلايؤمنون حتي يروا العذاب المهين

[سيد الكارو]

#1201196 [مغبون]
3.00/5 (1 صوت)

02-03-2015 10:23 PM
اظن وان بعض الظن اثمhk محمد حاتم وجد فرصه مع الرئيس كناطق باسمه وللرجل خلافات مع السمؤال وذكر كل ما يعلمه او لا يعلمه عن السمؤال وارسل البشير بكري للتحرش به وضاع صاحبنا ظلما كما ضاع الكثيرين من قبله بالوشايات

[مغبون]

#1201130 [همت]
4.75/5 (7 صوت)

02-03-2015 07:28 PM
السموأل زعيم عائلة المافيا الإعلامية الصغيرة في مافيا المؤتمر الوطني وبكري نائب رئيس عائلات مافيا الكيزان كلها - البشير- سواء كانت هذه العائلات المافيوسية وزارات أو هيئات حج وعمرة أو دواوين الزكاة والجباية الأخرى، فهل يتوقع السموأل من البشير، رئيس عائلات مافيا الكيزان، أن يقف معه ضد بكوري، نائب رئيس عائلات مافيا الكيزان كلها؟ غلطان السمؤال في نظر الكيزان لكنه محق في نظرنا، وإن كان السمؤال رجلاً فعلاً فليبتعد عن الكيزان تماماً ولينشر أسرارهم!!

[همت]

#1201128 [ابوذر]
3.00/5 (2 صوت)

02-03-2015 07:26 PM
فعلا الراحل ده اظهر الهما ما عايزين يظهروا للشعب السوداني وهي انهم شيعة صدقوني هم كذلك والموضوع ساشرحه في وقت لاحق عن تجربة وهذا السمؤل اظهر هذا الشي لذلك تم التضحية به

[ابوذر]

#1201106 [fatmon]
5.00/5 (3 صوت)

02-03-2015 06:26 PM
الحكاية دي ذكرتني قصة الواحد عايز يتزوج والبت ما مسلمة قال شرط الزواج إنك تتدخلي في الأسلام ووافقت وبدأت تقرأ عن الأسلام
فلما عرفت الأسلام رفضت الولد لأنه ما مسلم زي ما هي عرفت بعد الله فتح عليها وعرفت الأسلام الحقيقي
فأخوهم السمؤل عشان الثقافة وما أدراك ما الثقافة وظائفة بالصدفة وقعت فحاول يتثقف قام قرأ لما قرأ قام عرف جزء ضئيل من الحاصل الشعب الغلبان
وبمناسبة المعرفة البسيطة عندنا سيدة بسيطة في السودان قالوا ليها تشتغلي مع ناس الإنتخابات وممكن تمشي تقابلي أم الرئيس كان عندك أي شيء بتنفذه ليك قالت ليهم انا ما عندي شيء عندي جمعيه عايزه أعملها إسمها زاد الميعاد وهي عبارة تجميع الكراسي المتحركة التي يستغني عنها أصحابها للتبرع بها للمحتاجين وتحضير أكفان المهم السيدة الخيرة الجماعة دربوها عشان تدخل البيوت تعلم الناس الآتي إنهم يأشروا على الشجرة وبس نقطة
طبعا ما كملت لأنها قالت ليهم ما مقتنعه إنه دي الطريقة الصحيحة للترشيح ولما عايزه تعمل طريقتها ولا كملت ولا شالت قروشها لكن عملوا الجمعية في الصحافة مربع 16

[fatmon]

#1201088 [كرار]
5.00/5 (4 صوت)

02-03-2015 05:37 PM
أنا قرأت للسمؤل تصريح قبل ايام بيقول فيه بعد الان الحريات فى الاذاعة والتلفزيون ستكون متاحه ولا سقف لها اعتقد هذا هو السبب

[كرار]

#1201086 [حسن عبدالله]
5.00/5 (5 صوت)

02-03-2015 05:31 PM
عقد بالامس الاثنين النائب الاول اجتماعات بخصوص الدورى الممتاز ووجه بتزليل العقبات فورا تجاه نقل الدورى الممتاز وضم الاجتماع رئس اتحاد الكره معتصم جعفر ووكيل وزارة المالية ووزير الاعلام بالاضافة الى السمؤال خلف الله مدير عام هيئة الاذاعة والتلفزيون سابقا طبعا التوجيهات من النائب للمالية بصرف احتياجات الاندية ومايتعلق بالرياضة ووجه التلفزيون بتقديم عرض للبث وهى حسب اعتقادى نقطة الخلاف وسبب اعفاء الرجل حيث لا يعلم النائب ان التلفزيون يعمل الان بالخرد من الاجهزةscrap ولو ان لمسؤلى الدولة اى متابعة للجهاز القومى المسمى بتلفزيون السودان لما اجتهدوا اى اجتهاد لمعرفة الحقيقة كيف للتلفزيون ان يقدم عرض للبث وهو لا يستطيع نقل ابسط البرامج وما افتتاح القصر الرئاسى الجديد ببعيد كان قمة الفشل والفضائح بسبب عدم صلاحية الاجهزة المستخدمة للنقل وكل من يشاهد التلفاز يلاحظ تكسير الصورة فى البرامج المسجلة وهى اسبابها معروفة للجهات المختصة فقد وصل التلفزيون الى اخر مرحلة فى الدمار فى فترة محمد حاتم ولم يبقى سوى حطام تلفزيون وكل العاملين بالتلفزيون يؤكدون ان التلفزيون الان يحتاج الى تلفزيون على العموم ان كان السبب هو وجهة نظر السمؤال فى عدم قدرة التلفزيون على النقل فهى حقيقة لاتخفى على احد ولو كان التلفزيون قادر على النقل لما استعانة اسبورت فايف بشركة اجنبية لتلفزة مبارايات السودان فى البطولة الافريقية والسماح لتلفزيون نفسه للنقل الارضى اللهم ولى من يصلح

[حسن عبدالله]

ردود على حسن عبدالله
United States [جركان فاضى] 02-03-2015 08:18 PM
عزيزى الاخ حسن عبد الله...سمعت لى خبر شين شديد...قالوا هناك محاولات لنقل الدورى السودانى عن طريق bein sport ...يا اخى عندنا استادات قبيحة شديد وفضيحة...حتى النجيلة مافيها...والكورة عندنا لايوجد فيها نوع من التكتيك والابداع كلها لفخ فى لفخ...اتمنى ان لاتنكشف حالنا للعالم فى الbein sport


#1201084 [عبدالحميد عبد الله]
5.00/5 (3 صوت)

02-03-2015 05:28 PM
مسكوهو خاتي راسوا مع غازي وجماعتوا .وماسخن ليهم الدعايه للانتخابات ف التلفزيون والاذاعه شديد

[عبدالحميد عبد الله]

#1201072 [جركان فاضى]
3.00/5 (5 صوت)

02-03-2015 05:08 PM
السمؤل شبع واخوانه شبعوا...ما فارقة معاه شالوه من منصب او ختوه فى منصب...الخير وافر

[جركان فاضى]

#1201071 [ود احمد]
3.00/5 (2 صوت)

02-03-2015 05:08 PM
قبل كم يوم موظفي التلفزيون محتجين على حقوقهم المالية وعملوا كم وقفة احتجاجية يمكن الكوز صحوة ضميرك ًوطالب ايضا فب قالو قوم فك

[ود احمد]

#1201070 [nagatabuzaid]
3.50/5 (5 صوت)

02-03-2015 05:08 PM
انتهز هذه المساحة للرد على احد المعلقين اسمه الرشيد رد على تعليق لى مقحما اسم السمؤل خلف الله بدون داعى وارجو ان تتكرم ادارة الراكوبة بعدم حجبه

جاء خبر فى الراكوبة ان هناك صحيفة ستصدر اسمها( سمراء ) رئيسة تحريرها روضة الحاج وذكرت فيها الذين سيكتبون فيها من شخصيات لها وزنها من خارج السودان فعلقت مرحبة بها لاننا نفتقر لمثل هذه المجلات فى السودان ولان القائمة عليها روضة الحاج ووصفتها بصفات حباها بها الله الرشيد وصف الامر لا ادرى يقصد تعليقى ومدحى لروضة الحاج الكوزة ام يقصد المجلة بانها هجمة ناعمة مغلفة بالسلفان على المراة السودانية لا اذكر المفردات جيدا ثم اقحم اسم السمؤال خلف الله واروقة وانه كان يعتقد انى انا المسيكينة اوعى من الشرك السمؤلى خلف الله واروقة حقيقة قلبت التعليق شمال ويمين وبجاى وبهناك وقرات تعليقى مرة واتنين رغم انى كاتباه بنفسى ما وجدت مناسبة لاقحام سمؤال ولا علاقة لى بشبكته ولا اروقة الانا ذاتى ما عارفاها وفتشت وقتلت الحروف تفتيشا عسى ان اجد مايدل على ( طرشتى وعدم الوعى )الوصفنى به ما وجدته وتفتق ذهنى ووعيت ان السبب انى ذكرت ميزات روضة الحاج الكوزة وان تعليقه جاء بعد تعليق عزيزة اعزها كان تعليقها مقتضبا فيه عتاب لذكرى لصفات حقيقية فى روضة الحاج الكوزة . يا الرشيد انا لا احب الكيزان بسبب تصرفاتهم وما اذاقونا له ولا اريد ان اكرر نفسى واذكر ما يرد فى تعليقاتى يومياوهذا لا يعنى ان انكر على احد توجهه غير توجهى ما حباه الله به من خصائص معينة ولا ينكر اى منا متابعته لها فى المسابقة الشعرية مشاركتها اسعدتنا جميعا لم نفكر فى انها كوزة او اى مسمى او انتماء كلنا كان يعد نفسه ليسهر مع المشاركة السودانية الانيقة التى شرفتنا ولا ننكر انها اضفت على المسابقة رونقا وطعما مميزا انيق الكلمة والمحيا كذاب من ينكر هذا ومن لم يشارك فى التصويت لها فهو (المطرطش والذى لا يعى ) واقولها علنا كنت اتباها بها كسودانية مع الجاليات العربية التى تعامل معها ولروضة الحاج برنامج اذاعى اسمه منازل القمر تستضيف فيه شخصيات لها وزنها دون التركيز على كوز ولا غيره وكنت اتابعه وممن استضافتهم الاستاذة امال سراج لا ادرى هل البرنامج مستمر ام لا ؟؟؟ اراك يا الرشيد اقحمت اسم السمؤال خلف الله واروقة وكلام لا اول ولا اخر ولا مناسبة له هل تصدق انا لا اعرف من اروقة سوى معناها اللغوى هى شنو بالنسبة لك والله لا اعرفها السمؤال الذى اقحمته لولا هذا الخبر لما عرفته هو منو؟؟؟ وروضة الحاج ان رضيت ام ابيت هى وجه سودانى مشرق ان كانت كوزة او غير كوزة ولا معرفة شخصية لى بها . والرشيد ليس وحده بل الكثيرين يريدونك ان تكون قيد تفكيرهم او توجههم وان ذكرت حقيقة عن شخص لا ينتمى او مخالف لهذا التوجه هاك يا هجوم اكره المؤتمر والمؤتمرجية الاشرار واشعر بالحزن لكل من اعرف به صفات جميلة وكانت خياراته المؤتمر السجمى فسجم نفسه ولكن والله لا اغرق ذمتى واجرد بعض المنتمين بما حباهم به الله يا الرشيد اظنك تعرف نبات البردى الذى خدم اعظم الحضارات التى دونت على اوراقه وحفظت فيه اين ينبت نبات البردى ؟؟؟؟

عزيزتى الغالية جدا الغاضبة التى تعجبنى غضبتك الحرة ولكنك غضبتى منى لانى وصفت روضة الحاج بصفات هى فيها حقا وهى كوزة واعتز بغضبتك لانه من يغضب منك فهو يعزك واعتز باعزازك لكن صدقينى ما وصفت به روضة الحاج هو كلمات قليلة لما تختزنه من روائع حباها بها الله وهى بكل اسف كوزة لكنها انيقة مظهر واسلوب وفكر وكلمات ورقى ومتحضرة مما تفتقر له الكوزات هكذا اراد الله عزيزتى الغاضبة ان كان هناك ثوبا جميلا رائعا ولكن به بطشة او بقعة هل ننكر ان هذا الثوب رائع وان هناك اجمل الزهور والورود تنمو وسط الاحراش والشوك ولكنها تظهر لنا ورودا رائعة بين هذا الشوك والاحرش واحيان فى مرورى ذهابا وايابا حيث انا وفى موسم معين اشاهد زهرة جميلة عالية الساق من وسط مستنقعات المياه التى تصرف من حقول الارز واشاهد زهور رائعة من نبات الصبار المر المذاق وسط شوكه اكيد لا ننكر انها زهور رائعة ولكنها فى المكان الخطاء
لك تحياتى

[nagatabuzaid]

ردود على nagatabuzaid
United States [nagatabuzaid] 02-05-2015 02:00 PM
تشكر يا محمد احمد اكرمك الله على مرورك الطيب

United States [محمد أحمد] 02-05-2015 02:28 AM
نفتقد للاحترافيه نحن السودانيين و نأخذ الأشياء دايماً بطريقه شخصيه, اختلاف الآراء لا يعطي الحق للشتيمه. روضة الحاج إذا كانت كوزه أو لم تكن فهي في النهاية شاعره رائعة تستحق الشكر والتصفيق. لك الشكر يا أستاذه نجاة علي صدق كلماتك.

United States [nagatabuzaid] 02-04-2015 11:14 PM
الكريم فنجان السم لك التحية وهذا فعلا ما قصدته من الامثلة التى ذكرتها
الكريم الرشيد تشكر على ردك المهذب وانها اختلاف وجهات نظر ولكن هل ترى ان هناك علاقة بين اغلاق المراكز الثقافية وروضة الحاج ؟ ان فسرت العلاقةاكون شاكرة
الكريم صلاح الدين لك الشكر على ( مع جزيل الشكر لاختنا الكريمة () اكرمك الله

ابو عين واحدة ضحكتنى بحزن عليك اراك لا تفرق بين نبات الارز بضم الهمزة ( الرز ) وبين شجرة الارز بفتح الهمزة والراء وتسكين الزاى التى تتخذها دولة لبنان شعارا فالاول الرز يحتاج الى غمره بالمياه لينمو وينجح كمحصول غذائى كما تحتاج عقول البعض لفهامة . انت الطبظ ليك عينك منو تانى ما تورجغ والعب بعيد علشان ما يتبظوا لك عينك التانية وتكون مراقب بلا عينان

اما اصحاب الغمز واللمز باشارات وتعابير وكلمات وعلامات استفهام لا اعرف ولا اريد ان اعرف ما تقصدونه واسال الله ان يكرم ولياتكم ولا يسلط عليهن امثالكم ممن يتناولون اعراض الغافلات ولا يمتثلون لما نهى الله عنه ولا يرتجفون خوفا من وعيده ( ويل لكل همزة لمزة )
سا ترقب صدور مجلة روضة الحاج لا ستغنى بها عن الصحف اللبنانية وحقول الرز وزهور الصبار

[Salah AL Deen P] 02-04-2015 09:08 AM
يا murtada
I know you are talking about ......!?J
Is it true??j

مع جزيل الشكر اختنا الكريمة [Nagatabuzaid

[مراقب بعين واحدة] 02-04-2015 08:38 AM
يا بت الحلال روقي المنقة .. عشان كلمتين قبل اسبوعين كاتبة لينا تعليق اطول من المقال .. حقول الارز شنو وزهور صبار شنو ... الواحدة تقرأ ليها كلمتين في مجلات لبنانية تجي تتمظهر بيهم قالت زهور الصبار في حقول الأرز قالت

European Union [دافعوا عن انفسكم] 02-04-2015 04:15 AM
اياكم وخضراء الدمن
روضة خضراء دمن نبتت في كوشة الكيزأن
وهي لم تتب وتعتذر للشعب حتى الان

[murtada] 02-04-2015 03:30 AM
i do not know if you are .....or you are???????????im sorry......... but she is....and she is....you know what im talking about?????????????mmm

European Union [الرشيد] 02-03-2015 09:17 PM
اعرف ما هو البردى لا لكونه قد دونت عليه اعظم الحضارات وانما ايضا لانه لا يزال يستخدم فى ثقافات سودانية كثقافو ة الشلك === ونبات البردى يسمى ايضا الطرور و العمبج === لقد كتبت عن ذلك من قبل === لا يهم الان والملبس و المظهر الانيق للشاعرة الساحرة بل ربما المهم الان و هنا انها حزء من منظومة ا يدولوجية حاكمة متحكمة تحاول الادعاء بان لها فى عالم الابداع شان و مقدرات ويالبؤس التجربة حين يستخدم من اجل ذلك المظهر و المخفر اي العسس === هل سالت نفسك يا استاذة نجاة لم تغلق المراكز الثقافية و لمصلحة من ؟؟؟و دمت ===

European Union [فنجال السم] 02-03-2015 08:32 PM
لك التحيه استاذه نجات بتعبير اخر انها زنبقه فواحه نبتت في وحل


#1201063 [كافاب الشعور بالأسكلة]
5.00/5 (1 صوت)

02-03-2015 05:03 PM
صبرا يا قراء ، لو كان السمؤال كوز أصلي ، معناها دي تكون ترقية في العمل وسرعان ما يستلم الوظيفة الجديدة . أما لو أخطأ في حق شيطانهم الكبير الترابي الفاسد ، فيكون جنا على نفسه وحيعيش سوداني أغبش يفطر دكوة ويتعشى دكوة. مع إني أشعر بالرجل كان نشيط وله بعض الأعمال الجليلة في حق الفنانين تكريمهم والاهتمام بهم.
أو يمكن هذه هي القنبلة التي سبق وهددوا بها مبنى التلفزيون.

[كافاب الشعور بالأسكلة]

#1201060 [wadgad]
4.25/5 (3 صوت)

02-03-2015 05:02 PM
والله الراجل بدا شغل سمح في القناة لكن ما كمل سلطتو ههه

[wadgad]

#1201059 [احمد ابو القاسم]
5.00/5 (1 صوت)

02-03-2015 04:59 PM
لا تحزن يالسموأل هناك ركشه حمرا بانتظارك والرزق على الله .
أكيد عينيك زاغن في اصلاب نسوانم وقنصك واحد بصاص منهم ..... خوفي تكون وداد تبقي سنتك سودا
وماهايكتفوا بطردك من الاذاعه ... الركشه ذاتا الله يعلم تلقاها والا ماتلقاها ... اكيد اتا عارف
عملتا شنو .!!!!!

[احمد ابو القاسم]

ردود على احمد ابو القاسم
[nasereddin] 02-04-2015 08:21 AM
الرجل ثري منذ أن كان طالبا وسكرتير ثقافي لاتحاد الطلاب بمصر...من أموال الطلاب..( لابس بدلة عز الصيف)..ووزير سابق يأخذ معاش ومخصصات أخري تعادل3 أضعاف وكيل الوزارة...كل الخوازيق زي بعض ، الفرق في طرق اللعب....


#1201058 [Awad]
3.00/5 (2 صوت)

02-03-2015 04:58 PM
مسئولين من الخير بشه ده لسه مامل يكون خالدين فيها أبدا وزوجتيه ما قالوا ليه الدنيا دواره وبكره تلقط الورق والحجار من الواطه وتنضم براك وتكون جارى وأنت ميطى والشفع وراك ورقادك فى الخيران والمجارى ومستشفى التجانى الماحى يرفض أستقبالك.الراجل ده يظهر عليه مصدق خزعبلات بله الغائب ولقى يرفد ويعين ومطمن باكر يكون قاعد فيها.الأيام دول يابشه فأنتظر الراجيك.

[Awad]

ردود على Awad
United States [nagatabuzaid] 02-03-2015 06:26 PM
سلام عليك ي AWad ده الانا دايراه ليهم ما يموتوا لكن يتبهدلوا فى الدنيا ويكونوا عبرة وما يلقوا اليلمهم


#1201055 [ود على]
5.00/5 (1 صوت)

02-03-2015 04:42 PM
حيجيبو منو يعنى ؟؟

[ود على]

#1201052 [ود الشرق]
5.00/5 (1 صوت)

02-03-2015 04:37 PM
السمول تبع جناج أم جكو ههههههههههههه

[ود الشرق]

#1201048 [القال الروب]
4.00/5 (5 صوت)

02-03-2015 04:36 PM
يا خسارة الراجل يادوبك شطب العمارة الثانية في برى تقوموا تشيلو قبل مايبدا في الثالثة ليه كدا ؟

[القال الروب]

#1201041 [الداندورمي.]
5.00/5 (2 صوت)

02-03-2015 04:28 PM
صراع أفيال من الكيزان.

[الداندورمي.]

#1201040 [كردفاني]
2.00/5 (3 صوت)

02-03-2015 04:23 PM
ربما حس بأن هذا الرجل سوف يغيير في سياسة الإعلام السوداني ومحاربة الغناء والرقيص وطبعاً عمنا بشا اي شيء ولا ايقاف الضرب والهجيج بلد فوضة ايه الرئيس الم تري مدراء الاتحاد العام لكرة القدم الم تري مدراء هيئة المواني والمطارات الم تري مسئولي النقل العام الم تري مصير البلاد المجهول

[كردفاني]

#1201035 [القريش]
4.25/5 (3 صوت)

02-03-2015 04:18 PM
بكون مجهزين ليهو حته تانيه مع انو التلفزيون دا لى 19 سنه ماشفت شاشتو , شوفو الكلام دا يااخوانا!

[القريش]

#1201030 [المسلمي]
2.63/5 (4 صوت)

02-03-2015 04:11 PM
السمؤل خلف الله الله يهديه بدا امام مسجد وبعدين بقي ينطط هذه شيمة اهل النفاق

[المسلمي]

ردود على المسلمي
[wadnas] 02-04-2015 02:18 PM
صدقت والله صليت معه في بري بداية التسعينات في الخطبة الجمعة فلم اذق النوم وقتها من العظات والعبر وجمال التعبير


#1201028 [برعي]
3.82/5 (5 صوت)

02-03-2015 04:09 PM
بعد ده الا وديهو مدير جهاز المغتربين ! لكن الهاج سوار وديهوووو ويييين ؟

[برعي]

#1201024 [ديك العدة]
4.25/5 (3 صوت)

02-03-2015 04:01 PM
كان داير يركب مكنة الملك سلمان بن عبدالعزيز
الا يغير الشاسي حقو كلو حتي المكنة تقعد



....
هو يشيل ويخت
والشعب يقول ارحل

[ديك العدة]

#1201020 [دلوكة دقت]
4.88/5 (6 صوت)

02-03-2015 03:59 PM
ليه كدة . مع إنو الراجل في الصورة مشغل علامة الكيزان .

[دلوكة دقت]

#1201019 [دافعوا عن انفسكم]
3.63/5 (5 صوت)

02-03-2015 03:57 PM
الخوف يرجع محمد حاتم
السمؤال طلع من جناح منو؟؟؟؟؟

[دافعوا عن انفسكم]

ردود على دافعوا عن انفسكم
European Union [abu ali] 02-03-2015 05:12 PM
جناح أم جكو

[القريش] 02-03-2015 04:19 PM
بكون تيع الحسينيات الايرانيه التى تم اغلاقها قبل كم شهر!


#1201018 [لأزهري]
5.00/5 (3 صوت)

02-03-2015 03:56 PM
بالله؟ وليه يا ترى؟ هل قصر في شيء؟ ما هي مليانة دغمسة وغنا ورقيص! كان عاوز يسوي شنو أكتر من ده؟

[لأزهري]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة