الأخبار
أخبار إقليمية
جهاز المغتربين وشركة ( اقبال ) يوقعان عقد دراسة جدوى بنك
جهاز المغتربين وشركة ( اقبال ) يوقعان عقد دراسة جدوى بنك
جهاز المغتربين وشركة ( اقبال ) يوقعان عقد دراسة جدوى بنك


02-05-2015 04:37 PM
وقع جهاز تنظيم شئون السودانيين بالخارج ، وشركة اقبال الاستشارية ، عقد دراسة جدوى انشاء بنك المغتربين .
وأوضح السفير حاج ماجد محمد السوار ، الامين العام لجهاز المغتربين ان البنك ظل واحداً من مطالبات وتوصيات المغتربين خلال مؤتمراتهم السابقة منذ العام 1986 م وحتى المؤتمر السادس الذى انعقد فى اغسطس من العام الماضى ، مضيفاً انه بتوقيع العقد يكون الجهاز قد خطى اولى الخطوات نحو تنفيذ هذه التوصية ، وانه سيتم تكوين مجلس ادارة تسييرى لمتابعة مراحل تنفيذ الدراسة ، مؤكداً ان اهمية البنك تكمن فى انه سيكون واحداً من اهم مرتكزات ادماج الاقتصاد المهاجر فى الاقتصاد القومى بما يلبى طموحات السودانيين بالخارج، و يواكب موجهات الهجرة الحديثة .
هذا وتتضمن الدراسة اربعة فصول بحيث يضم الفصل الاول ، شرحاً لواقع الاقتصاد السودانى ، والتطورات الاقتصادية الحديثة ، وقوانين وتشريعات البنك المركزى فى تنظيم العمل المصرفى ، بالاضافة الى عرض عام للوضع الراهن فى هذه المجالات ، فيما يستعرض الفصل الثانى الوضع الراهن للنظام المصرفى وما استجد عليه من صعوبات ومشاكل جراء السياسات النقدية الانكماشية ، ومن مضايقات خارجية خاصة بالتحاويل وفتح الاعتمادات وغيرها من المعاملات المتأثرة بالحصار الامريكى ، الى جانب استعراض النظام المصرفى فى السودانى ودو رالبنك المركزى فى تنظيم العمل المصرفى بالسودان
الى ذلك يتعرض الفصل الثالث من الدراسة للاجابة المباشرة على رغبة المغتربين فى الحصول بنك خاص بهم يخدمهم فى بلدان المهجر وفى السودان ، وما يترتب على هذه الرغبة من دواعى لانشاء البنك واهدافه وكيفية مساهمة المغتربين ، بينما يتطرق الفصل الرابع من الدراسة الى دراسة الخيارات الثلاثة المتمثلة فى انشاء بنك جديد ، او تحويل بنك النيلين للتنمية الصناعية بالسودان لبنك المغتربين ، او تحويل فرع بنك النيلين بابوظبى للمغتربين .
هذا وقد وقع عن جانب جهاز المغتربين السفير حاج ماجد محمد السوار الامين العام للجهاز ، ووقع عن جانب شركة اقبال الدكتور عبد الرحيم محمود حمدى رئيس مجلس ادارة الشركة .

اعلام جهاز المغتربين


تعليقات 28 | إهداء 0 | زيارات 3171

التعليقات
#1203230 [شارقمه مكرنه]
1.00/5 (2 صوت)

02-07-2015 11:10 AM
يا ماجد السجم هي البنوك في السودان شوية ؟؟ المغترب عايز إعفاءات . ولعلمك مغترب الخليج ما عاد يكتنز الفلوس كما كان قبل وصول عمر الحقير للسلطة.لأنو بيرسل لأهلو كل ما لديه وربما يتسلف أحيانا لسد نقص بعض الحالات الطارئة.
لك التحيه بحذا على وجهك المنافق وعلى وجه عبد الرحيم حمدي أيضا حذاء ، ونسمع في القريب ببلائكماالعضال.

[شارقمه مكرنه]

#1202971 [سيجان حبه كبيرة]
1.00/5 (2 صوت)

02-06-2015 05:15 PM
( أوضح السفير أن البنك ظل واحدا من مطالبات وتوجيهات المغتربين ) - هل يعقل أو يصدق أن هناك مغترب واحد يصرح بمثل هذا القول، المغترب يريد إعفاء سيارة له يا معيز. لهذه الصورة فائدة عظيمة حتى يعلم المغتربين من هم الذين وقعوا ، إنه المتخلف والمطرود ، صاحب الحذاء بالقصيم والثاني هو مصاص الدماء ورجل الخراب الإقتصادي عليهم اللعنة جميعا وكذلك معاهم عمر البشير.

[سيجان حبه كبيرة]

ردود على سيجان حبه كبيرة
European Union [جنى ورده] 02-07-2015 11:07 AM
احترم نفسك . ماظنك سودانى حر وابن ناس


#1202833 [عوض الحسن]
2.00/5 (4 صوت)

02-06-2015 11:58 AM
زمان قبل 30 سنة أسسنا في البنك الاسلامي السوداني بمبلغ 25000 دولار وذلك قبل قيام الانقاذ.. ولما جاءت الانقاذ ومعها هذا القبيح (حمدي) كان أول ما فعله هو إلغاء التأسيس .. وتحويل دولارتنا إلي جنيه سوداني .. فضاعت فلوسنا وضعنا معها ..لا تصدقوا هذا الذيب .. فانه لن يترك طبعه في أكل الغنم الضالة (المغتربين) وهو خصيمنا يوم القيامة؟؟؟؟؟؟

[عوض الحسن]

#1202797 [barracuda]
2.00/5 (3 صوت)

02-06-2015 09:59 AM
من توصيات 1986 ، يعني لو توصيات 2015 نصت على سيارة للمغترب بدون جمارك ، انشاء الله التوصية تتنفذ 2045 يعنى نسوقها 2046 في الاخرة. شلة لصوص وحرامية.

[barracuda]

#1202736 [abumajid]
5.00/5 (1 صوت)

02-06-2015 07:17 AM
والله ذكرتونى وين فلوسنا الدفعناها لبنك الثروة الحيوانية قبل 15 سنة حتى الخطابات الوهمية الكانت بتصل للمساهمين سنويا وقفت.

[abumajid]

#1202694 [شاهد علي افعال اللئام]
5.00/5 (1 صوت)

02-06-2015 03:52 AM
ظهر الرجل الماسوني وعصابة الخمسه المسئوله من تدمير السودان هل تعلمون ان هذا الماسوني لديه شهادة بحث بالبحر الاحمر يعني اي استثمار لازم تدفع ليه ملايين الدولارات هو وعلي عثمان وزمرته الا ساء مايفعلون ولدي الشواهد والدلائل .ومن يرغب في المزيد عليه التواصل مع.

[شاهد علي افعال اللئام]

#1202663 [احمد ابو القاسم]
5.00/5 (2 صوت)

02-06-2015 01:01 AM
زى ماقتا ليكم امبارح ستظل محاولات الارهابي الدباب مستمره لشفط مافي جيوب وحسابات المغتربين
حتى آخر سنتيم .... آخر محاولات الارهابيين كانت محفظة عشانكم التي دشنوها في احتفال مهيب لزوم
الوهمه وقالوا فيها كلام ماقاله قيس في ليلي وكيف انها ضمان لمستقبل المغترب من غدر الزمان ونسوا
غدرهم واستهبالهم.

وفي سياق نفس الحمله امبارح واحد اسمه مصعب المشرف كتب مقال بعنوان (الفوركس نصب واحتيال ) وكان
واضح من مقاله انو جداده من جداد ناس الامن بغرض تشكيك المغتربين المستثمرين في تجارة العملات الحره
من عدم جدوى الاستثمار فيها والتمهيد للخبر بتاع الليله البتكلم عن فتح بنك للمغتربين باعتبار ان
هذا كان بطلب من المغتربين واللي انا واثق انهم كلهم من كيزان السعوديه والامارات يعني مافيهم واحد
فاهم ماذا يعنى فتح بنك للمغتربين في ظل نظام فاشل علي بعد خطوات من الانهيار .

ومن خيبات الارهابي الدباب الفاشل حاج ماجد سوار هذه الصوره المسخره وهو يوقع اتفاق عمل دراسة الجدوى
الاقتصاديه لقيام البنك مع الارناؤطى عبد الرحيم حمدى صاحب شركة اقبال والحمار الدباب الارهابي ماجد سوار
فاكر انو الارناؤطي عبد الرحيم حمدى مصدرا وسببا لثقة المغتربين !!! ليتك يادباب يارهابي تعلم رأى المغتربين في الارناؤطي وفيك انت شخصيا وفي رئيسك الارهابي الكبير المطلوب القبض عليه دوليا عمر البشير
اب ركبا صينيه وفي الارناؤطي وفي كل العصابه وستعلمون اى منقلب تنقلبون وأى عود علي مقاساتكم ستأخذون.

الأن الناس ياايها الارهابي الفاشل حاج ماجد سوار مشغوله بتدابير قلعكم نهائيا من ارض السودان الطاهره.
الناس الان ياارهابي يافاشل في ارحل ارحل ارحل ارحل وماممكن تلقي زول يستثمر مع زول راحل وسيقدم لمحاكمه
ثوريه ومصيره حبل المشنقه في ابو جنزير.

ياحاج ماجد سوار يافاشل لو اعترفت بمسؤليتك عن الانفس الذكيه التي قتلتها من بني جلدتك يوم كنت دباب سفاح واعتذرت لأسر ضحاياك ولشعبك وأعلنت توبتك علنا لكان أجدى وأنفع لك من اصرارك علي تضليل هذا الشعب
وتضليل المغتربين لشفط عرق جبينهم وتعبهم وشقاهم .

أسأل الله ان يحفظكم يابني وبنات وطنى الكرام في غربتكم وأن يردكم الي احضان وطنكم بعد زوال هذا الكابوس
الجاسم علي صدر الوطن لأكثر من ربع قرن ودنت سويعاته الان وأسأل الله ان يعصمكم من غواية الارهابي الدباب
حاج ماجد سوار والارناؤطي الفاشل الذى طرده الشيخ صالح كامل من رئاسة بنك البركه واتحداه ان ينكر ذلك
ولمزيد من المعلومات عن تاريح الارناؤطي الاسود فاذهبو الي محركات البحث لتجدوا عجبا .

[احمد ابو القاسم]

#1202655 [f]
5.00/5 (3 صوت)

02-06-2015 12:30 AM
وإنتو يا حاج قويشه بتعملوا في شنو مكاتب وهلم جرا وتمشوا لشركة تعمل ليكم دراسة الجدوى وبعدين زي ما بقولوا الجواب يكفيك عنوانه ما هو الهدف من قيام بنك ومصاريف وموظفين في حين البلد مليانه بنوك ما عارفه تعمل حاجه وممكن تقوم بنفس العمل بنفس الكفاءة هذا إذا كان هناك قانون واضح واسعار واضحه وسوق أبيض ناصع وحكومة ما حراميه يا حاج قويشه وإلا دراسة الجدوى حلال على إقبال القروش ودراسة الجدوى بلها وأشرب مويتها
مافي مغترب في العالم كله يثق في حكومة الكيزان
حتى الكيزان ما بحولوا عن طريق بنوكم يعني بدعموكم بالخشم ويحولوا لأهلهم بالسوق الأسود يعني مافي طريقة لبنككم ده إلا إذا ده واحد من الحاجات الكتيرة البتغشوا بيها الرقاص وهو يصدق ويقول خلاص حاج قويشه ده شغال نخليه كمان شويه

[f]

#1202601 [السهم]
5.00/5 (2 صوت)

02-05-2015 09:44 PM
اقبال دي مني ؟ ما كان تكون شركة اقبال الاسلامية او تهتدون او تشرفون الاسلامية او تتمكنون.

على العموم دا ما الموضوع ولكن المهم في الخبر وفي الدراسة هو الفصل الثالث المتعلق (دواعى إنشاء البنك واهدافه وكيفية مساهمة المغتربين فيه) فإن أي دراسة لا تجيب على هذين السؤالين بشفافية وعدالة وما لم يعلن هذا الفصل من الدراسة الى المغتربين ويطبع هذا الفصل في خلف إستمارة الإكتتاب للبنك فلن نشارك في هذا البنك اطلاقاً ؟ وماذا يعنى ان يوجد بنك بأسم المغتربين؟ يعنى هو عاجبنا الاسم؟ ولا المشكلة مشكلة أسماء فقط؟
وسبق ان قلنا ان المغترب:
يأكل من خارج السودان وبالتالي لا يكلف الدولة سكر او خبز مدعوم
يتعالج من خارج السودان وبالتالي لا يكلف الدولة دواء مدعوم.
ويدرس ابناءه من الابتدائي الى الجامعة بالخارج وبالتالي لا يكلف الدولة
ويسكن بالخارج وبالتالي لا يكلف الدولة لا بنزين مدعوم ولا كهرباء مدعومة

وبالتالي أي دراسة لمشاركة المغترب في البنك يجب ان تكون هي الضريبة التي يدفعها للدولة تحول الضريبة الى شهادة اكتتاب في البنك وعلى إدارة البنك ان تحاسب ادارة ومصلحة الضرائب بطريقتها.. دا كمان لو اصلا وافقنا نشارك فيه من الأساس

[السهم]

#1202594 [خليوت بعانخى]
5.00/5 (3 صوت)

02-05-2015 09:28 PM
احد الاخوة من المغتربين قبل سنوات طويلة دفع مبلغ 28000 دولار لشراء ارض زراعية فى مشروع سندس وذلك بعد ان شاهد شريط الفيديو الذى كان حمله مصطفى عثمان وزير الخارجية كانت مياه المشروع متدفقة واشجار الباذنجان والطماطم بثمارها المتدلية وحضر الى البلد وشاهد موقع الارض التى خصصت له وهى جرداء وكانها فى صحراء العتمور جاء بسماسرة الاراضى وسالهم كم تسوى الارض قالوا اذا وجدت شخصا راغبا يمكن يدفع ليك الفين دولار من باب لباب طارد الوزير حامل الشريط وساله عن شريط المياه المتدفقة الذى عرض فى طرابلس الغرب قال له انه كان حاملا فقط للشريط ولا يتحمل مسئولية ماجاء فيه 00 هكذا سيكون بنك المغتربين واقترح ان يسمى كلفتو المغتربين 00 الفرصة واتتكم ايها المغتربون خليهم يسووا البنك ولكن اجعلوه بنكا خاليا على عروشه مهما كانت الاغراءات التى سيقولون انهم يقدمونها

[خليوت بعانخى]

#1202587 [واحد تاني]
4.00/5 (3 صوت)

02-05-2015 09:06 PM
الكيزان قالوا يلّفوا على المغتربين عشان يلغفوا دولاراتهم بعد ما غلبتم الحيلة
يا حرامية ما في ليكم

لماذا يذهب المغترب لبنك كيزاني ربوي مضروب يعمل لمصلحة التنظيم ؟؟
ما اكثر البنوك النزيهه والمأمونة و النظيفة حول العالم في دول المهجر وغيرها
تجارب المغتربين مع الكيزان معروفه وكلها مآسي و غباين ونهب .. رجعّوا ما سرقتموه بعدين اطرحوا علينا افكار سرقة جديدة اخرى
مشكلة الكيزان لازالت انهم بيعتبروا نفسهم انهم اذكياء ..

[واحد تاني]

#1202580 [الولايات المتحدة السودانية]
5.00/5 (1 صوت)

02-05-2015 08:52 PM
بس ناقصكم الصافي جعفر ..

[الولايات المتحدة السودانية]

ردود على الولايات المتحدة السودانية
European Union [sasa] 02-06-2015 08:12 AM
اى والله صدقت لكى تتم الناقصة


#1202558 [الطاهر أحمد]
4.94/5 (5 صوت)

02-05-2015 08:24 PM
سلام للجميع

أولاً: كم تكلف دراسة الجدوى التي يقوم بها حمدي ومن الذي يدفعها غير المغتربين
ثانياً: يا حاج سوار أنا مستعد أقوم ليك بالدراسة دي مقابل 10 ريال بس والا أقوللك مجاناً وعلى الهواءوهي:
لا توجد جدوى نهائياً من اقامة بنك للمغتربين لأنه لايوجد من يدخل رأسه في فم الذئب ويطالب بعد ذلك بجائزة، أو رجاء ربح، وذلك مثل الغول والعنقاء والخل الوفي ورابعهم تصديق الكيزان.
ثالثاً: الله يعوضنا في تكاليف دراسة الجدوى التي من المؤكد سوف نقوم بدفعها نحن من حر مالنا، وذلك رزق حرام ساقه حمدي لنفسه من عرق جبين المغتربين الكادحين في المنفي. ولا حول ولا قوة الا بالله.

[الطاهر أحمد]

#1202545 [البلـــــــــد الهـــــــــامل]
0.00/5 (0 صوت)

02-05-2015 08:08 PM
بلد (الهرجلة) السياسية.. بلد القوانين فيها عند الطلب وحسب الحاجة!

[البلـــــــــد الهـــــــــامل]

#1202543 [أبو منيب]
5.00/5 (1 صوت)

02-05-2015 08:03 PM
زمان ما كان موجود بنك فيصل فرع المغتربين جنب الخطوط السويسرية ونشب حريق في قسم النكد (أقصد النقد) الأجنبي (وطلع التقرير ماس كعربائي) وبعد عشرين نرجع نفس المربع ونفس الفكرة وننتظر الحريق؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟.

[أبو منيب]

#1202535 [المغترب المجهجه]
5.00/5 (1 صوت)

02-05-2015 07:39 PM
يا عبد الرحيم حمدى خلاص كملت القروش الفى البلد وقبلت على المغتربين ,يا حليلك ويا حليل زمن المغتربين .الغربة زمان كانت رفاهية لمن السودان كان بيخيره والناس السمحين الكانوا ما بياكلوا حق الغلابة وكانوا بدللوا المغتربين بالحوافز والاعفاءات الجمركية والمغتربين ما قصروا ابداوما كان فى مغترب بغيب عن السودان اكثر من سنة واحدة. اما الان المغتربين خلوا الحضور للسودان فى الاجازة للمضايقات والضرائب المامعروف اوجه صرفها.والغربة ما عادت رفاهية بل صارت الغربة سترة حال زى ماقل الكابلى الله يديه العافية ,والمغتربين ليهم 25 سنة بعافروا عشان يسمحوا ليهم يدخلو سيارة معقولة عشان اولادهم البقروا فى الجامعات الدخلوها بتكاليف باهظة ودون ان يدخلوا الكليات الت يرغبونها بسبب نظام الكوتات امجحف ولم يشفع لهم الدولارات التى ظل اباءهم يدفعونهامن حصاد معاناتهم فى الغربة ولا الدرجات العالية التى تحصلوا عليها فى بلدان الشهادة العربية التى تنعم بمستوى عالى للغاية بفضل ماتوليه تلك الدول للتعليم.جايى هسع يا عبد الرحيم حمدى داير تفتح ليك بنك بقروش المغتربين ,يفتح الله المغتربون كان فضل شيئ بعد تكاليف المعيشة الغالية وتعليم الاولاد خاصة التعليم الجامعى والالتزامات الاسرية والمجتمعية والضرائب والزكاة والخدمات واذا ما تبق شيئ ,فانهم يفعلون به مثل ما قال الشاعر:اسد به ما قد أخلو وضيعوا - ثغورحقوق ما اطاقوا لها سدا وانت حاج ماجد عليك اول شيئ ان تعيد الثقة للمغترب وعبونها انيسمح للمغترب بادخال سيارة معقولة الموديل معفية من الجمارك لاى مغترب سدد جميع التزاماته الضريبيةلمدة اقلها خمس سنوات قطعة ارض ضمن خطة اسكانية للمغتربين تسدد بالعملة الحرةثالثاقطعة ارض زراعية للمغترب فى ولايته بسعر استثمارى مثا الاجانب على ان يسثمرها خلال فترة محدة بعد ذلك يمكن للمغترب ان ينظر لبنوك المغتربين وشركات التامين والتامين الصحى وخلافه



[المغترب المجهجه]

#1202515 [mustafa seory]
5.00/5 (1 صوت)

02-05-2015 06:54 PM
والله الحكاية ناقصة الصافى جعفر .......

[mustafa seory]

#1202514 [المشلهت]
5.00/5 (1 صوت)

02-05-2015 06:53 PM
يعني عايز المغتربين يفتحوا حسابات عند حمدي ويوردو قروشهم بالعملة الصعبة وتجي السودان تطلعه كسور وبواقي ............... سجم خشمهم كان صدقوكم

[المشلهت]

#1202511 [ابواحمد]
5.00/5 (1 صوت)

02-05-2015 06:42 PM
بعد تجربه مشروع سندس لاأظن أن مغترب معاهو عقلو يعطي ناس الحكومه جنيه كل مااتذكر المريض اللي شفتو في أحد مستشفيات العاصمه المصاب باكتئاب شديد بعد أن ذهب مال غربته في مشروع سندس أسأل الله أن لابيارك في حياه من اكلو شقي غربته
اخير تتقون ياناس جهاز المغتربين بالضرائب والزكاة البعيو ها ليكم المغتربين وتستثمروا فيها هههه

[ابواحمد]

#1202504 [مجنون]
5.00/5 (1 صوت)

02-05-2015 06:12 PM
ههههههههههههه قطعتو مصارينى قال بنك مغتربين قال

[مجنون]

#1202496 [محمد البدري]
5.00/5 (1 صوت)

02-05-2015 05:52 PM
عبدالرحيم حمدي عديييييييييييييييييييل كدا ماصعبتها ياحاج ماجد سوار

[محمد البدري]

#1202493 [محمد حسن احمد]
5.00/5 (1 صوت)

02-05-2015 05:45 PM
على المقتولين ان يتعظوا من أساليب نصب واحتيال فَقِيه فقه السترة وان يتعظوا من تجربة بنك نيمة الذي نخب كل مدخرات وحصاد عمر الكثير من المغتربين

[محمد حسن احمد]

#1202492 [كوز فاشل]
5.00/5 (1 صوت)

02-05-2015 05:37 PM
حرامية كدابيييين

[كوز فاشل]

#1202489 [همت]
4.88/5 (4 صوت)

02-05-2015 05:33 PM
ليتهم يبنون بنكاً للأخلاق القويمة فما أحوج نظام البشير وزمرته للأخلاق القويمة

[همت]

#1202486 [قاسم الامين عبود]
5.00/5 (1 صوت)

02-05-2015 05:29 PM
دا عبيط ولا بستعبط منو القال عاوز بنك انا حقي في جيبي انتو بتقلعوا فيه شئ ضرائب وشئ مساهمة وشئ زكاة ودمغة شهيد دمغة جريح وكلام فاض ما ليه اول ولا آخر هسع اجي افتح ليكم خشوومكم واخت ليكم فيها الباقي الفضل حلوا عن سماءنا بنك شنو البتتكلموا عنه تلقوها عند واحد غافل عبدالرحيم حمدى الدخلها في السودان كوزير مالية لحدى هسع ما قادر يتخارج منها اين المصداقية مشروع سندس الزراعي الساهمنا فيه مع جعفر الصافي اين اكله الاسواق الحرة اين هي يلا بلا لمة قال بنك قال

[قاسم الامين عبود]

#1202481 [ربش]
5.00/5 (1 صوت)

02-05-2015 05:20 PM
حفنة صعاليك و أرزقيه و أرامل و قتله و عنصريين مهد لهم نظام الإنقاذ اللعين الفاسد فعاثوا في الأرض فساداً ونهباً و تقتيلا .... نحن نقول ( أرحل ) و إنتو تقولو بنك ياوهم !!!!!!!!

[ربش]

#1202478 [Khalid Abdalla Ragab]
5.00/5 (1 صوت)

02-05-2015 05:13 PM
Please Brothers and Sisters before you accept this new channel of theft or confescating your money as happened before with what is known as Sundoss Farms: ( 20 fedans with a Villa and Swimming Pool and All the Services!) and they did it only for ElSafi Jaffar and the rest of the Gang! Where is the huge amounts of money they paid for that ? No one can tell! Now a bank and under Sheikh Suarr! Just look at the faces of all these people who are signing now in the picture, if you are convinced that they are true Muslims and not a Gang of Theives accept it and give them your money and don't cry again!

[Khalid Abdalla Ragab]

#1202456 [براك تنهد]
4.75/5 (5 صوت)

02-05-2015 04:49 PM
فيها عبدالرحيم حمدي ماعايزين عدييييييييييييييييل نحن المغتربين من غير الجبهجية...

[براك تنهد]

ردود على براك تنهد
[كارلوس] 02-05-2015 08:12 PM
بعاعيت ولبوه .. قال بنك قال

[البلـــــــــد الهـــــــــامل] 02-05-2015 08:11 PM
بلد (الهرجلة) السياسية.. بلد القوانين فيها عند الطلب وحسب الحاجة!



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة