الأخبار
أخبار إقليمية
المحكمة تُبرئ الشركة المستورِدة لحاويات المخدرات الشهيرة
المحكمة تُبرئ الشركة المستورِدة لحاويات المخدرات الشهيرة
المحكمة تُبرئ الشركة المستورِدة لحاويات المخدرات الشهيرة


02-06-2015 10:34 AM
الراكوبة - بورتسودان شطبت محكمة جنايات بورسودان بولاية البحر الاحمر التهمة عن صاحب الشركة المستوردة لحاويات المخدرات، وصاحب السجل التجاري الذي تم بموجبه استيراد الحاويات، وذلك لعدم استيفاء الادلة ولعدم وجود بينة ضدهم من قبل الاتهام.

ووجهت المحكمة في جلستها امس تهمة الاشتراك في الاتجار بالمخدرات للمتهمين الاول والثاني والثالث (المخلص - التاجر الذي حوّل للمبلغ - المستلم ) في وقت حددت فيه جلسات (19، 20،21) من الشهر الجاري لسماع اقوال الشهود.

وكان رئيس فريق التحري في قضية حاويات المخدرات، العقيد شرطة خالد محيي الدين قناوي، قد كشف في تلاوته لإفادات المتهمين في يومية التحري، أن المتهم الرئيس سوري الجنسية، يُدعى أبو صطيف مصطفى، تمكن من إيجار رخصة تجارية من شركة أولاد سليم للحلول المتكاملة، وهي شركة حديثة التكوين، تم ذلك بواسطة متابع تخليص يعمل برخصة أحد مخلصي مدينة بورتسودان.

وكشف المتهمون في أقوالهم أن المتهم السوري أدخل من قبل ثلاث شحنات من الذرة الشامية من نفس دولة المنشأ بواسطة أسماء أعمال سودانيين. وقال رئيس فريق التحري خالد محيي الدين قناوي، إنه من خلال يومية التحري تبيَّن تورط خمسة متهمين أجانب في البلاغ، وهم سوريان وثلاثة لبنانيِّين، وتم فصل الاتهام لأن هناك إجراءات تمت لفتح بلاغات في مواجهة اللبنانيِّين بدولتهم، وتم طلب إفادة قضائية بشأنهم من القضاء اللبناني، أما السوريون وللظروف الأمنية التي تمر بها سوريا، فقد تمت مخاطبة المدعي العام لجمهورية السودان لإحضارهم بواسطة الإنتربول.

وقال قناوي، إن التحريات وكل قرائن الاحوال تشير إلى أن هناك ثلاث شحنات سابقة من المخدرات دخلت البلاد ضمن بضاعة ذرة شامية استوردها نفس المتهم السوري ابو سطيف مصطفي عبر ميناء بورتسودان. وأقر قناوي بوجود أخطاء واستعجال صاحب عملية اعلان القبض على الحاويات قبل الوصول إلى المتهم الاجنبي الرئيس (ابو سطيف)، وقال إن اللجنة المُشكلة للكشف عن الحاويات فعلاً استعجلت في الاعلان ولم تضع خطة حسب رأيه.


تعليقات 18 | إهداء 0 | زيارات 9875

التعليقات
#1203607 [المقهورة]
5.00/5 (1 صوت)

02-08-2015 06:42 AM
عزف على القانون للشاعر أحمد مطر

يشتمني ويدّعي أن سكوتي معلن عن ضعفه ،
يلطمني ويدعي أن فمي قام بلطم كفه ،
يطعنني ويدعي أن دمي لوث حد سيفه ،
فأُخرِجُ القانون من متحفه ،
وأمسحُ الغبار عن جـبـيـنـه، أطلبُ بعض عطفه،
لكنه يهرب نحو قاتلي وينحني في صفه،
يقول حبري ودمي : " لا تندهش، من يملك القانون في أوطاننا ، هو الذي يملك حق عزفه"

[المقهورة]

#1203311 [توتي]
0.00/5 (0 صوت)

02-07-2015 01:45 PM
ده كلو خلو، أهاالمباحث ومكافحة المخدرات والإستخبارات العسكريه وجهاز الأمن والمخابرات رأيم شنو في المخدرات البتتباع جهاراً نهارا في كولمبيا شرق السلاح الطبي علي شاطي النيل جنوب كبري أمدرمان بواسطة أفراد من الجيش ومرافيدو؟؟؟ ورأيم شنو في بهري هسن ساله (آي ياكااااااا)

[توتي]

#1203201 [dougokoper]
0.00/5 (0 صوت)

02-07-2015 10:24 AM
نتمنى من مولانا سيف الدين حمدنا الله أن يفتينا في هذه القضية فليس من المعقول أن تمر هذه المصيبة بهذه البساطة ويشطب البلاغ... أين القضاء السوداني من هذه القضية نتمنى من مولانا يكتب حول هذه القضية.

[dougokoper]

#1203057 [المهاجر الاول]
5.00/5 (3 صوت)

02-06-2015 09:57 PM
البضاعة حقت الكيزان وقت عرفوها فشلت عملوا ليها رواية
ابوصطيف دا سمعناه في باب الحارة...............

[المهاجر الاول]

#1203019 [باكاش]
0.00/5 (0 صوت)

02-06-2015 07:29 PM
كيزان يها ..اولاد هرمة والله
شوف اختراع الاسم..ابوصطيف السورى.
ياجماعة دا زاتو اسم وهمى.

[باكاش]

ردود على باكاش
European Union [ashafokhalp] 02-07-2015 01:13 PM
تصحيح
ابوصطيف اسم مشهور في سورياللناس الاسمها مصطفي حسب علمي والقراء العاشو في سوريا ممكن يصححوني


#1203008 [ملتوف يزيل الكيزان]
5.00/5 (1 صوت)

02-06-2015 07:11 PM
كل المجومين بتاعين المخدرات مؤتمر وطني.

كل منسوبي الانقاذ اهداف مشروعة، طالما ظل الانقاذ مستمرا في قتل الناس افرادا و جماعات.

[ملتوف يزيل الكيزان]

#1203000 [khalid mustafa]
5.00/5 (1 صوت)

02-06-2015 06:54 PM
بلادنا اصبحت مرتعا للمجرمين من بلاد الشام سوريا ولبنان ومصر وتركيا عاثوا وما زالوا يعيثون فسادا في بلادنا وينشرون سمومهم من مخدرات وحبوب هلوسه وكل انواع الرزيله وسط شباب بلادنا وهذا ما يسميه مصطفي اسماعيل وزمرة الانقاذ الفاسده استثمار!!!!!

هولاء الاعراب لا يتورعون في فعل اي شئ في سبيل المال سرقه قتل بيع اعراض اخواتهم امهاتهم زوجاتهم كله يهون في سبيل حفنة من الدولارات ووجدوا ضالتهم في سفلة الانقاذ الذين فتحوا لهم ابواب هذه البلاد دون رقيب اوحسيب,,,

زلكن نقول لهولاء المجرمين قسما بالله سنطاردكم اينما حللتم وسنقتص منكم في كل منكر وجرم اقترفتموه في حق بلادنا وشعبنا وانتقامنا سيحل عليكم وعلي عوائلكم باذنه تعالي,,,

[khalid mustafa]

ردود على khalid mustafa
European Union [sasa] 02-07-2015 10:30 AM
نعم اخى خالد


ولكن نقول لهولاء المجرمين قسما بالله سنطاردكم اينما حللتم وسنقتص منكم في كل منكر وجرم اقترفتموه في حق بلادنا وشعبنا وانتقامنا سيحل عليكم وعلي عوائلكم باذنه تعالي,,,


#1202973 [Awad]
5.00/5 (2 صوت)

02-06-2015 05:18 PM
الموضوع لاسطيف ولا يحزنون الموضوع هو ثلاث شحنات مخدرات تدخل وتوزع فى البلد ويتم الأدمان للشباب داخل الجامعات والمدن والقرى والمستلم للشحنات شخصية دستورية وبأوامر عليا من غير تفتيش حتى تكتمل غيبوبة وطن كامل وهذا لعمرى عمل اليهود.كيف ثلاث شحنات تدخل الميناء ولا تفتش وتأتى عن طريق المتهم سطيف أو أى أسم مخترع من رأس العصابة الحاكمة.لولا مراقبة ومتابعة الجهات الدولية لهذه الشحنة لما تطرقت الحكومة لهذا الموضوع وتدخل كما دخلت غيرها والهدف هو الربح وتغييب العقول لتدوم السلطة للعصابة.الآن سوف تشطب القضية كذر رماد على العيون وغدا سوف تدخل سفن أخرى بواسطة هؤلاء الحاكمين.لعنة الله عليهم فأفعالهم أفعال العصابات الدولية والمافيا الشهيرة التى راجت فى أيطاليا.والله لن يتوقفوا عن أعمالهم هذه ألا بثورة تقطع أوصالهم وتصادر ما يمتلكونه فى الداخل والموجود فى الخارج كفيلة به القوانين الدولية.

[Awad]

#1202961 [دافعوا عن انفسكم]
5.00/5 (3 صوت)

02-06-2015 04:44 PM
قاتل عوضية طلع براءة
قاتل الشهيدة سارة طلع براءة
قاتل الشهيد صلاح سنهوري لم توجه له التهمة ولم يقبض عليه حتى الان
وكذلك نتايج لجأن التحقيق في احداث شهدأء برسودان وكجبار لم تخرج حتى الان
لصوص مكتب الوالي بما فيهم غسان الحرامي لم توجه لهم اي تهم حتي الان
واخيرا الشركة التي استوردت المخدرات لم يجدوا طلعت براءة
(هل نحن في دولة... وهل هناك شي يسمى القضاء في السودأن(

[دافعوا عن انفسكم]

ردود على دافعوا عن انفسكم
European Union [ashafokhalp] 02-07-2015 01:15 PM
صدق فيهم قول الشاعر مظفر النواب:

ان حظيره خنزير اطهر من اطهركم


#1202916 [A. Rahman]
5.00/5 (2 صوت)

02-06-2015 02:59 PM
يا جماعة خمس حاويات يعني عشرات الملايين من العملات المحترمة عايزين ناس المؤتمر الوطني يفرطوا فيها؟ انتو ما عارفين الاخوان مما يشوفوا القروش او يشوفوا زول جر السوسنة يذوبوا مرة واحدة؟ انت حتقول لي؟

[A. Rahman]

#1202908 [adil a omer]
4.75/5 (3 صوت)

02-06-2015 02:47 PM
شفتو يا اخوانا ظلمتوا بكورى ساكت ما حقتو كلها هو عندو فيها سجاره واحده

[adil a omer]

#1202907 [ودكركوج]
5.00/5 (1 صوت)

02-06-2015 02:47 PM
وبكور علاقتو شنو بالموضوع؟ الراجل مجرد مستهلك زيو وزي الكثير من الشباب العواطلي المالي البلد.

[ودكركوج]

#1202906 [الناهة]
5.00/5 (1 صوت)

02-06-2015 02:46 PM
الامر خطير
ويجب تمليك الراي العام الحقائق عبر الاعلام الرسمي للدولة كما يفعل اعلام الدول الاخرى في مثل هذه الجرائم وذلك من باب الاحتياط الامني وليسهم المجتمع في كشف ماخفي من تفاصيل تفيد العدالة بما ان الامر جريمة جنائية وليست جريمة فساد عادية يمكن منع النشر فيها بسبب نفوذ او سلطة او مال

[الناهة]

#1202887 [جنوبي]
4.75/5 (6 صوت)

02-06-2015 02:13 PM
"شطبت محكمة جنايات بورسودان بولاية البحر الاحمر التهمة عن صاحب الشركة المستوردة لحاويات المخدرات، وصاحب السجل التجاري الذي تم بموجبه استيراد الحاويات، وذلك لعدم استيفاء الادلة ولعدم وجود بينة ضدهم من قبل الاتهام."

!!!!!
شركة مستوردة وسجل تجاري تم بموجبه استيراد حاويات المخدرات وبعد ده كووووووولو عدم استيفاء الادلة !!!؟ طيب لو زول شال ليهو امانة لي زول في المطار وسلطات المطار اكتشفت انو الامانة دي فيها ممنوعات بتحمّل المسكين الشال الامانه بي نية سليمة المسئولية ليه ؟ !!
لو كده انا يكون عندي سجل استيراد وتصدير امشي اشوف لي زول بتاع مخدرات وأأجر ليهو السجل يجيب بيهو مخدرات , دخلت البلد اقسم معاه , اكتشفوها اقول انا ما عارف حاجه الزول ده انا اجرت ليهو السجل شان يجيب بيهو قنقر ! هههه مهزلة والله !!
العقيد قناوي ده اخو قناوي بتاع البرلمان النجر آية قرانية جديدة داك ؟!

[جنوبي]

ردود على جنوبي
[غربة وفراق اهل] 02-06-2015 08:52 PM
بالضبط كدا ياجنوبي


#1202876 [أبوعلي]
3.00/5 (2 صوت)

02-06-2015 01:43 PM
وين أخونافع لاحس الكوع وهو المنتفع الأوّل من الشحنات؟

[أبوعلي]

#1202869 [dota]
0.00/5 (0 صوت)

02-06-2015 01:32 PM
صطيف صطيف ياحكومه
عملتوها ظاهره
اخراج داعش ماطبقتو فى الطيار
صطيف وينو اكلو الدودو
ههههههههههههههه
كلفتكم كم سيجاره القصه دي
وفى ياتو قصر تم الانتاج
ونستغرب عن تاخر الفلم السوري
البطل صطيف طلع ماصطيف حقنا
اخراج رائع بس بالصوره كان احلا
كم كمره فل اتشدي والاردن ترسل طياراته
صطيف يامؤلم انت
الشباب السوداني يشكر صطيف
الشابات السودانيات
الامهات والاباء
يحيون صطيف
عندما تكون البلد مركزه علي الامن السياسي
وكل اسلحته مصوبه علي شفاه الشعب
واقلام الاحرار
يصبح مباح المخدر والعهر
البلد لو مابقيت جوكي يامان بياكلوك الجوكيه
يسلقوك ويطبخوك وفرنم نارو فوق
هسي ده كلو خلاص ببح
المخدرات
السفينه
بورتسودان
صطيف حبيب البي كلو بقي وهم
مافي خيت ولابتاريه
كدي هاولو ياكومه
تلاته شحن كاكاوين
زره
الجزيره بتسوي فشنو
زره من لبنان هههههههههه
زيت الزره ده نضيف ولا ههههه فىيه صطيف

هوي ياشعب الزره بتغذيك زرة ابوصطيف
وبترفع معنوياتك
وبتخلي المزاج رايق
ياحليلك يالقاعد راجي ابوصطيف
نرجع للبنقو تاني هههههههههه

[dota]

#1202827 [صالح عام]
5.00/5 (1 صوت)

02-06-2015 11:43 AM
بعد المحاكمه سيطلق سراحهم بقرار جمهورى بعد فوز الرئيس الدائم

[صالح عام]

#1202817 [ابومرام]
5.00/5 (9 صوت)

02-06-2015 11:18 AM
ههههههههههههههههههههههههههههههههههههههههههه نحنا الواحد فينا يجي شايل ليه شاشة سعرها مايزيد عن ثلاثة مليون الميناء كله يقيف وافتح وفك الصندوق هههههههههههههههههههههههههه وعمك سطيف دخل ثلاثة شحنات بالله عليكم الا تستحقون كلكم المحاكمة هههههههههههههههههههههههههههههههههههههههههههههههههههههههههه

[ابومرام]

ردود على ابومرام
European Union [ابودعد] 02-08-2015 10:15 AM
صدقت يابومرام.. والله لو شفت كيف يعاملوا المغتربين وينزلوا العفش كله وهاك يا بحث عن مجهول وكونتينرات تسد عين الشمس ما شافوها وبعدين في البلد دي؟؟؟؟

زالغريبة لما شافوها نجروا ليها قصة ما أنزل الله بها من سلطان وبالمناسبة هم ما شافوها كلموهم بيها ناس لبنان والسعودية



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة