الأخبار
أخبار إقليمية
واشنطن تعلن زيارة مساعد البشير لأراضيها خلال أيام
واشنطن تعلن زيارة مساعد البشير لأراضيها خلال أيام
واشنطن تعلن زيارة مساعد البشير لأراضيها خلال أيام


02-07-2015 11:59 PM
على ذمة موقع الشروق

قالت المتحدثة باسم الخارجية الأميركية ماري هارف، يوم السبت، إن مساعد الرئيس السوداني إبراهيم غندور، سيزور الولايات المتحدة خلال الأيام القليلة المقبلة، ويجري مباحثات وحواراً صريحاً مع كبار المسؤولين في الإدارة الأميركية تتصل بالعلاقات بين البلدين.


وأشارت هارف في مؤتمر صحفي بالخارجية الأميركية إلى أن برنامج غندور سيشمل لقاءات مع عدد من كبار المسؤولين بالإدارة الأميركية.


وأضافت أن زيارة غندور تأتي لإستكمال المباحثات التي ابتدرها وزير الخارجية على كرتي في سياق مناقشة عدد من القضايا ذات الاهتمام المشترك بين واشنطن والخرطوم.


وقالت المسؤولة الأميركية، إن اللقاءات ستشهد حواراً صريحاً لمناقشة تلك القضايا.


إلى ذلك، قدمت الخارجية السودانية تنويراً مفصلاً بأميركا حول تطورات الأوضاع بالسودان لاسيما الجهود المبذولة لإنجاح مبادرة الحوار الوطني وإكمال عملية السلام في دارفور ومفاوضات المنطقتين، والاستحقاق الدستوري والانتخابي القادم.


وقال المتحدث باسم الخارجية يوسف الكردفاني، إن كرتي التقى ضمن برنامج زيارته بعدد من أعضاء الكونجرس الفاعلين والمهتمين بالشأن السوداني. وتناول النقاش السبل الكفيلة بتطوير وتعزيز العلاقات الثنائية بين البلدين في المجالات المختلفة والجهود الرامية لرفع العقوبات الأميركية الجائرة على السودان وإعفاء ديونه.


شبكة الشروق


تعليقات 15 | إهداء 0 | زيارات 5541

التعليقات
#1204222 [كونيه]
5.00/5 (1 صوت)

02-08-2015 11:03 PM
هذه لعبه السياسة ،أمريكيا في حوجه للسودان والسودان في حوجه لأمريكا وذلك بعد خروج السودان الجنوبي من اللعبة بسبب النزاعات القبليه ،الاداره الأمريكيه وجدت انها تنفخ في بالونه فارغه مع الجنوبيين وليس لديها بديل سوى التقرب لحكومه الخرطوم لمصلحه الحكومتين ،الحكومه الأمريكيه تعلم ماهي اهميه السودان الاستراتيجيه بعد انهيار النفط ،السودان غني بموارده الزراعيه والمعدنيه ولكنه يحتاج لإدارة فعاله لإدارة التنميه والحركة الاقتصاديه في البلاد ،لذلك أمريكيا عرفت الان ان عدائها مع الحكومه السودانيه أضراره اكثر من منافعه والآن الكره في ملعب الحكومه لاستغلالها الاستغلال ألجيد ،ولا ننسى ان الخليج الان ليس لديه بديل سوى الاستثمار في الزراعة لتقليل الدعم خصوصا مع انهيار النفط ،والسودان مؤهل لجلب تلك الاستثمارات والى آلامام ياوطني ،اللهم أبعد عن هذا البلد الخونه والمأجورين الذين ليس لديهم أدنى مسؤؤليه اتجاه وطنهم وهمهم انفسهم اللهم امين .

[كونيه]

#1204197 [الحقيقة مرة]
4.50/5 (2 صوت)

02-08-2015 09:36 PM
الكيزان زمان كانو بقولو يا امريكا لمي جدادك هسا بقولو يا امريكا هاكي ديوكنا

[الحقيقة مرة]

#1204121 [التلب]
5.00/5 (2 صوت)

02-08-2015 05:01 PM
والله ياجماعة الاميريكان كيزان اكتر من كيزانا، يهمهم بس تجديد قاعدة بيانتهم بتاعة المتطرفين البيتدربو في السودان، اي حاجة تانيه بالنسبه ليهم شأن داخلي، يعني ببساطة موتو موتكم مع كيزانكم

[التلب]

#1204112 [شارع الموردة]
0.00/5 (0 صوت)

02-08-2015 04:45 PM
اقتباس
واشنطن تعلن زيارة مساعد البشير لأراضيها خلال أيام

يا حليلك يا التمساح يقدل الورل (كله من الجنائية)

[شارع الموردة]

#1204005 [يوسف]
2.00/5 (2 صوت)

02-08-2015 01:53 PM
امريكا قالت لاتفاوض مع الأرهاب أفتكر ده كلام واضح.

[يوسف]

#1203966 [الناهة]
1.50/5 (2 صوت)

02-08-2015 01:05 PM
لا تقلقوا ابدا
فان امريكا ستظل صديقا وفيا للشعب السوداني وتلم بكل ما يعانيه الشعب السوداني تماما
امريكا دولة مؤسسات لا يمكن اختراقها بمجرد زيارة وتنميق للكلمات على النحو المعهود
هنالك خرطة طريق وضعتها للحوار الوطني الشعب السوداني يريد تطبيقها حرفيا لانها الافضل وان يتم الحوار خارج السودان بمنتجع هايدلبرج بالمانيا تلبية لدعوة الاتحاد الاوربي
اما الانتخابات فان القول بانها استحقاق دستوري فلا يخفى على امريكا ان السودان منذ انفصال الجنوب قد انتهت صلاحية الدستور وابقى عليه المؤتمر عنوة واقتدارا ثم قام بخرقه وتعديله وتبديله وفوق هذا وذاك لم يلتزم به كدستور رغم ابقائه وفرضه
ولا يغيب عن امريكا الجانب الانساني والذي بذل هذا النظام الاقتصاد السودانية لروسيا والصين ابتغاء استخدام حق النقض الفيتو حتى لا يمارس مجلس الامن واجباته تجاه جرائم الحرب والابادة الجماعية والاغتصاب وهذا بالطبع لا تحتاج امريكا لتذكيرها به
لذلك اتوقع ان يعود كرتي من افطار الرئيس اوباما كما يعود غندور من رحلته وفي جعبتهم خرطة طريق امريكية متخمة بالتفاصيل ودائما الرحلات الى امريكا تعد من نهايات النظم الاستبدادية والديكتاتورية
لا تقلقوا فان علاقة امريكا بالشعب السودانية متينة وازليه لا يستطيع النظام اختراقها مهما فعل ومهما انبطح فلا تقلقوا انها دولة الحرية والديمقراطية ونحمد الله ان وصل النظام الحاكم اخيرا وهبط تحت ايادي الصديقة امريكا بعد ان كان يقاوم ذلك ويتحاشاه وماليس نه بد ليس منه بد فاستبشروا خيرا

[الناهة]

#1203945 [Mohamed f]
0.00/5 (0 صوت)

02-08-2015 12:36 PM
والله حقيقة الأختشو ماتو، ناس ينبذو في أمريكا من جو، اسي لما السعودية ودول الخليج، وباقى العالم كلو قالو ليهم ماعندنا معاكم موضوع إلا أمريكا ترضى عنكم، ياكيزان انتو الله ماراضي عنكم، أمريكا حاتنقذكم!!!!!! مافي حل غير آرحححححححل

[Mohamed f]

#1203818 [دفع الله البدوي]
0.00/5 (0 صوت)

02-08-2015 10:57 AM
الحصار الامريكي علي السودان كاد ان يوقف الحياة فالمصانع اغلقت والزراعة دمرت والبنوك عجزت عن لعب دورها الرئيس وبالتالي تاثرت حياة المواطنين بصورة مباشرة مما ادي الي زيادة معدلات الفقر والجهل والمرض ماقامت به امريكا من حصار اقتصادي جريمة اخلاقية من الدرجة الاولي لان الحصار انعكس علي المواطن البسيط وليس علي الكيزان الذين لايهمهم المواطن في شي طالما هم قابضون علي قيادة الحكم والمال العام .نتمني علي امريكا رفع الحصار ودعم الشعب السوداني بمشاريع تنموية ضخمة في مجالات التعليم والصحة والزراعة كنوع من جبر الضرر الخطير والكارثي والذي امتد لنحو 20 عام

[دفع الله البدوي]

#1203733 [المر]
5.00/5 (1 صوت)

02-08-2015 09:21 AM
نحن شعب السودان البسيط الذي احترق من جراء الحصار المضروب على المدخلات الزراعية وقطع غيار القطارات والادوية والمعدات الطبية والحرب الاقتصادية ونقص حتى في الدواء فالتعلم امريكا والكونغرس ان الحصار المضروب على شعب السودان هلك الشعب السوداني كله وضيق عليه حياته ولم تتاثر الحكومة منه ولا من المنتمين لها نريد من الحكومة الامريكية رفع الحذر الاقتصادي وكفانا عذاب واهلنا ضاقت بهم الارض وشبابنا احترقوا وتشرد كثير من الناس واصبحوا خارج وطنهم بسبب الظروف الاقتصادية المتردية يوما عن يوما بسبب الحصار من اجل الانسانية السمحة ارفعوا عن الحصار الاقتصادي المضروب من اجل الفقراء والمشردين .

[المر]

ردود على المر
[القريش] 02-08-2015 10:08 AM
يالمر اخوى قول لحكومتك توقف الحروب العبثيه المستمره من 25 سنه بعد داك الامور تلقائيا حتظبط


#1203701 [jihadyusuf]
5.00/5 (1 صوت)

02-08-2015 08:52 AM
قل موتوا بغيضكم

[jihadyusuf]

ردود على jihadyusuf
United States [ابو محمد] 02-08-2015 10:49 AM
يا جهاد يوسف
من الذي سيموت بغيظه السارق ام المسروق !!!!


#1203686 [على حمد ابراهيم]
3.00/5 (2 صوت)

02-08-2015 08:37 AM
زنقة الكلب فى الطاحونة فى طريقها الى نظام العصبة المكنكشة

[على حمد ابراهيم]

#1203670 [سراجا الدين الفكى]
3.00/5 (3 صوت)

02-08-2015 08:19 AM
شنو السفه دة, قال غندور باميركا ويقابل مسؤلين ويناقش معهم قضايا السودان.
ده اهبا, فعلا اهبل وساذج ومتخلف, الامريكان لما ادوك تاشرة الدخول, ليس بغرض سياسى, وانما يريدون ان يستمعوا لكلامك الفى الاساس هم يعلمون انة كلام فارغ, ويطبقوا معك (سياسة اشترى ولا تبيع) ياغندور ياجاهل, ديل دايرين يسمعوا سفهك فقط, وهم اصلا عارفين وماضين فى سياستهم ضد السودان, وهم غير معترفين برئيسك المجرم والمطلوب للجنائية, عايزم يضعوا ليك قيمة ويعتبروك, انتو حكومه مكونة من مجموعة من المتخلفين , انت قايل امريكا دى ام ضريوه, وحشوف نتائج زيارتك ياجاهل. وفى سؤال مهم جدا: لية رئيسك ما مشى امريكا؟؟؟؟ وتنوب عنة انت؟؟؟؟ طبعا الاجابة معروفة ومعلومة لكل قاص ودانى. ماتبطلوا الهبل والانبطاح البتسو فيهم يابليد ياارعن, امريكا قال... امريكا قال...

[سراجا الدين الفكى]

#1203664 [عودة ديجانقو]
3.50/5 (2 صوت)

02-08-2015 08:14 AM
والجهود الرامية لرفع العقوبات الأميركية الجائرة على السودان وإعفاء ديونه.
*****************************************

لكن هواك أكبر وما كان ليه تمن
والحسره ما بتنفع وما بجدى العتاب

[عودة ديجانقو]

ردود على عودة ديجانقو
[كفر وتر] 02-08-2015 08:54 AM
احسن تخليهو لليالي
يمكن يحس ضميرو


#1203649 [زول]
3.00/5 (2 صوت)

02-08-2015 07:49 AM
خلاص جبتو زيت السمسم والبشير حيفنقس لاوباما، ما قلتة نوباوي، المشكلة غندورة جاي وشايل كيس الزيت وبيحنس في البشير يرقد هههههه اولاد وسخة صحي

[زول]

#1203611 [سوداني انا]
4.75/5 (3 صوت)

02-08-2015 06:50 AM
لمن يقرأ ما بين السطور ......الحكومة التي ابطحت امريكا ارضا وكما قلت مسبقا جاتكم 25 سنة ثانية وكل رئيس خزب معارض احسن ليه يجهز كفنه لان الانقاذ باقية ومن غير تكسير ثلج

[سوداني انا]

ردود على سوداني انا
[الضكر] 02-08-2015 06:23 PM
ياكلاب يانجوس القدافي وحسني مبارك كانو اعتى واكبر منكم سقطوا ونحن مجهزين العيدان من عود الطلح لي عود الحراز لي عيدان السنط

بس خليكم متدكرين معاي كلامكم دا عشان كل عود عنده محل بنزل فيه

[معتز] 02-08-2015 02:00 PM
يا سوداني انت خليهم يفنجطوا في النت ويهضربوا بالكيبورد سودان يتحول في يد حوثيين ماف جيش حر في السودان ماف ثورة لساتك ماف جيش مهدي ماف عصابات عرقية واثنية تحكم ماف شيوعين منقرضين يرجعوا يحكموا ماف



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة