الأخبار
أخبار إقليمية
قوى الإجماع المعارضة ترفض انضمام غازي صلاح الدين إليها
قوى الإجماع المعارضة ترفض انضمام غازي صلاح الدين إليها
قوى الإجماع المعارضة ترفض انضمام غازي صلاح الدين إليها


02-09-2015 11:16 AM
الخرطوم: فايت
رفضت قيادات بقوى الإجماع الوطني المعارضة انضمام حركة الإصلاح الآن الى صفوفها، مشددة بأن الدكتور غازي صلاح ورفاقه كانوا لوقتٍ قريب جزءاً من النظام السلطوي، وأن العتباني لم يقدم اعتذاراً حتى الآن للشعب السوداني عن مشاركته في الأخطاء الفادحة التي ارتكبها حزبه السابق.

الجريدة


تعليقات 27 | إهداء 0 | زيارات 5433

التعليقات
#1205849 [ابراهيم مصطفى عثمان]
0.00/5 (0 صوت)

02-11-2015 08:31 AM
في الحقيقة لابد من وضع بعض الاعتبارات المهمة :اولها لماذا تفشل الاتبفاضات في السودان ولا تصل لاهدافها الشعبية انتفاضة اكتوبر1964 مثلا بدات بالطلاب والشريحة المستنيرة التي افلحت في رفع الغطاء فخرج الشعب كله وفي كل انحاء البلاد وجءت جبهة الهيئات ووضعت الخطوط الاولي لتحويلها الي ثورة شعبية لكن القوي القديمة التي كانت نائمة طيلة ست اعوام سارعت الخطي للحاق وافرغت تلك الخطوات من مضامينها في وقت وجيز ولا ننسي ان الترابي (الذ ادعي مشاركته في الهاب الانتفاضة كذبا) هو اول من شكل _جبهة هيئات مناوئة) للاصلية وكان سببا في تكوينه لجبهة الميثاق الاسلامي (في 25 نوفمبر 1964 وبعد شهر واحد من الانتفاضة ) وتحالف مع الامة والشعب الديموقراطي والاتحادي لاسقاط حكومة الانتفاضة الاولي بحجة سيطرة الجزب الشيوعي علي مجلس الوزراء علما كان ممثلا بوزير واحد وفي وزارة هامشية(احمد سليمان - الثروة الحيوانية ) وبمجرد تكوين حكومة سر الختم الخليفة ضاعت كل خطوات تحويل الانتفاضة الي ثورة شعبية هباء منثورة .استفادت نفس المجموعات من تجربة (جبهة الهيئات التي ان تنجح ) في انتفاضة ابريل 1985 واجهضت الانتفاضة قبل ان تولد بمساعدة التدخلات الاجنبية وما حدث في انتفاضة سبتمبر 2013 هو صورة طبق الاصل في نسخة معدلة ففي يوم الخميس 24 سبتمبر اتضح ان رفع الغطاء من البئر قطع شوطا بعيدا فتدخل الترابي والصادق ومنعا منسوبيهما من المشاركة بالجمعة في الانتفاضة . . امثال غازي صلاح الدين يريدون اصلاحا داخليا ومحدودا منعا لانتفاضة (تودر مواقعهم الحالية في داهية من قولة تيت ) اذن هي خطوة متقدة للابقاء علي الاشياء كما هي ولا فرق بينها وبين انقلاب سوار الذهب صباح 6 ابريل 1985 .ومن هنا فان غازي ومجموعته لا مكان لهم في برامج المعارضة الواضحة ولن يقبلوا بتحويل الدولة الدينية الحالية الي دولة مدنية .

[ابراهيم مصطفى عثمان]

#1205497 [تينا]
0.00/5 (0 صوت)

02-10-2015 02:54 PM
أخى الفاضل (((المغبون))) عااااجزة عن شكرك لكلماتك الطيبات التى تنم عن كريم اصلك وحسن خلقك ... لكن أخى الكريم أنتم والبقية صحيح تتعرضون لمثل ذلك ولكنها بسيطة أما انا صدقنى ان قلت لك مافى أحد فى الراكوبة تعرض لما تعرضت له من شتائم واساءات وتجريح واحيان كثيرة بوقاحة شديدة وبذاءة ودائما يعنى مستقصدة عديييل! والغريبة بدون سبب اجنيه غير اننى اعبر عن رأييى فقط والغريبة هم يكتبون كل شيىء حتى الاساءات وويسعون لاحتكار رأييى ! ... لدرجة فى اسماء حفظتها ما عندها شغلة غير تدخل الراكوبة وتسيىء لى واقول حسبنا الله ونعم الوكيل ... لك خالص تقديرى واحترامى ... تحياتى

[تينا]

#1205166 [dougokoper]
0.00/5 (0 صوت)

02-10-2015 08:53 AM
أحسن.

[dougokoper]

#1205017 [ابو الخير]
5.00/5 (1 صوت)

02-10-2015 03:07 AM
مثلما عمل الترابي على افشال انتفاضة رمضان التي كانت ستودي بالنظام
اوع يقبل هذا القرد الارهابي
السفاح غازي صلاح الدين

[ابو الخير]

#1205007 [تينا]
0.00/5 (0 صوت)

02-10-2015 01:42 AM
من أنت يا (((القرفان))) عشان تخيرنى بين انى معارضة للنظام ولا مؤيدة ؟! انا كارهة النظام دا ذى ما كرهت معارضتكم لأنكم ما عندكم ثوابت !وبس فالحين للشتائم! لزومو شنو توصفنى بالتسطيح وسؤالى كان عن ليه يرفضوا غازى مش عشان غازى بالاسم عشان مستغربة فى تقلباتكم وعدم ثباتكم لأنو العصابة المرق منها غازى المجرم مرقوا منها كثيرين مجرمين ذيو وسميتوهم شرفاء ومناضلين ! ليه اتجاوزت دى ؟! ومشيت طوالى لاساءتى ؟!

[تينا]

ردود على تينا
United States [المغبون] 02-10-2015 11:19 AM
الاخت تينا طولى بالك ولاتهتمى لانو المعلقين فيهم وفيهم عشان كده ما تحرقى دمك وزى ما بقولو العارف عزوا مستريح و ما فى معلق فى الراكوبة لم يتعرض لما تعرضتى له ولو بنهتم كنا وقفنا حتى التعليق فعشان كده بقولك ( take it easy )


#1204973 [الفهد المروض]
0.00/5 (0 صوت)

02-09-2015 11:15 PM
التجمع لن يقع فى هطاء اعتماد حزب الترابى بداخله وغازى خرج عندما دخل الترابى والحكاية غواصات والشعب ساند التجمع او التحالف الذى لو بقى بالشيوعى ومؤتمر السودانى ومن خلفه البعث والجمهورى افضل مليون مرة من غازى ورزق حماة النظام حتى امس القريب

[الفهد المروض]

#1204963 [سكران لط]
0.00/5 (0 صوت)

02-09-2015 11:03 PM
يا جماعة الانضمام لغاية اسقاط النظام الانضمام لا يعني عفا الله المحاسبة ح تحصل بس كمان القطط السمان المدارقين لسع بالبشير العارف مخابيهم واسرارم وجرائمم هم ديل لذا مافي مايمنع طلب اعتذارهم والتعهد بكشف المستور كلو للشعب ومحاسبة من تجب محاسبته منهم حتى بعد الاعتذار دا رايي

[سكران لط]

#1204904 [المشروع]
0.00/5 (0 صوت)

02-09-2015 08:33 PM
يا جماعة وقت الله هداهوا وخرج من القوم الظالمين خروج الشعرة من العجين يا جماعة ما ترجعوه تاني وتعينوا الشيطان عليهوا.. الراجل حتى الآن هو الوحيد الذي يقاتل في النظام بقلمه وندواته في شمبات وقاعد يعارض بشدة عسى ولعل الله يكفر عنه ما بدر منه... انا ما داير اقول خالد بن الوليد اسلم بعد احد وعكرمة بن ابي جهل بعد فتح مكة لكن باب التوبة للتائبين والخارجين والفارين بجلودهم من النظام في الوقت الحالي مرحباً بهم كثيرين الذين اتغشوا وساعة المحاسبة لم تأتي بعد.

دحين خلونا اول حاجة وقف الظلم ونرفع عن كاهل الناس الألم والعنت ونوقف آلة الفساد وننقذ الأجيال القادمة من أسوا جماعة هم كيزان المؤتمر الوطني بعدين نحاسب مناوي وعقار وفتح العليم بتاع سائحون وعبد الوهاب الأفندي او الطيب زين العابدين...

الان هذه المرحلة مرحلة لم شمل المعارضة مش يا معارضة لما يجي انسان هارب من النظام تاني ترجعوهو للنظام.

البشير قبل بالترابي تاني بعد ما زفت بالبشير الارض وقال فيهو كلام يستوجب التعذير والجلد ولكن لأنه رجع للظالمين والكذابين الحكومة قبلت به

دحين ان جاكم زول مارق من النظام ما تقولوا دا كان يعنى الأنسان ما يتوب ... يعني انتوا باب التوبة عندكم مقفول ولاشنو؟؟؟

[المشروع]

#1204897 [همت]
0.00/5 (0 صوت)

02-09-2015 08:22 PM
منطق المعارضة عقيم حتى النخاع ... أعتقد أن الأفضل لها انضمام غازي صلاح الدين حتى يكون لهم عوناً على فرعون وملأه أقصد البشير وكيزانه ويخلوا حكاية يعتذر وما يعتذر دي لي بعدين. (هل ستعتذر لنا المعارضة عن أن رؤساءها أخذوا أموالاً من الحزب الحاكم مثلاً؟) المعارضة تعتقد أنها محقة في رفضها انضمام غازي صلاح الدين لأنه كان حتى وقت قريب مع الحزب الحاكم ... طيب الشعب يظن وليس سهلاً محو هذا الظن من عقول الناس، أن المعارضة نفسها مع الحزب الحاكم والشعب يرفض المعارضة كلها، أي أن على كل من المعارضة وغازي صلاح الدين مأخذ، فالأفضل لهم انضمام غازي حتى يحاولا معاً إقناع الشعب بأن المعارضة قد، ونقول قد، تستطيع تخليص الناس من فرعون وملأه - أقصد البشير وكيزانه!!!

[همت]

#1204895 [موسى الأمين]
0.00/5 (0 صوت)

02-09-2015 08:19 PM
والله أنا شخصياً لى رأى فى د. غازى على الرغم من كراهيتى للكيزان ، كل الشعب السودانى فى البداية إنخدع بنطام الإنقاذ ، وهو فعلاً كان ركن أصيل ، لكن التوبة النصحوحة تجب ما قبلها ، ونثبت له موقف عندما كان فى نيفاشا ورفض حق تقرير المصير وهذه هى النقطة المفصلية وإشتداد خلافه مع هؤلاء الخونة ، وعندها تم بنغيره بعلى عثمان ، وحصل ما حصل ، هذا الموقف يشفع للرجل فى إعتقادى

[موسى الأمين]

#1204862 [باكاش]
5.00/5 (1 صوت)

02-09-2015 06:57 PM
هدا اخطر اخوا مسلم فى عقد التنظيم كلوا..
ولدالك تم ابعادوا وتحجيموام من المؤتمر الوطنى..
بالاضافة الى كونه اشد عنصريةمن الاخرين انظر قوله..
الاثيوبيين المسيحيين اقرب لينا من الجنوبيين المسلميين.
بالاضافة الى كونه مشترك فى كل الجرائم التىارتكبت فى حق الشعب..
خلوهوا يرجع ل وكر الحيات بتاعتوا.

[باكاش]

#1204827 [تينا]
5.00/5 (1 صوت)

02-09-2015 05:33 PM
وليه يرفضوا غازى ؟! ما كثيرين الكانوا ذيو وطلعوا وعملوا نفسهم مناضلين وتوجوهم أبطال عدييييل! والله ما بعرف غازى الا من خلال الاخبار ... لكن بحب اقول كلمة الحق وبحب الصدق والثبات على المبادىء ... يا جماعة شخصى انسانة من عامة الشعب السودانى المغلوب على أمره وما منتمية لأيى حزب وعندى رأى فى كل احزابنا و كل معارضتنا الموجودة سواء سلمية ولا مسلحة! وأكيييد عندى راى كبيير فى الكيزان! وشايفه السياسة الفى بلدنا دى عبارة عن كلام فارغ وبس! لكنى بحب وطنى جدا ومن حقى اعبر عن وجهة نظرى فى كل سياساتهم الما بتعجبنى ... شايفة ما يسمون أنفسهم بمعارضين ما عندهم ثوابت وما صادقين مع أنفسهم وبخلطوا الأمور وبشخصنوا المواضيع وفى سبيل الكيد للحكومة ممكن يكيدوا لوطنهم ودى مصيبة كبيييرة! والحاجات دى خلتنى متحيرة فيهم هل هم معارضين للحكومة أم معارضين للوطن نفسه! يا ناس المعارضة كديى اول حاجة أصدقوا مع أنفسكم واثبتوا ليكم على ثوابت ووحدوا كلمتكم وبعد كدا تعالوا (((جعجعوا))) لينا لنقتنع بكم لأنو مثل حكايتكم حقت دى (((كراع))) وديييك (((رجل))) ما بتقنع ليها شافع ناهيكم عننا نحن أصحاب حزب البنبر!

[تينا]

ردود على تينا
European Union [خالد حسن] 02-10-2015 09:57 PM
الاخت تينا
التوبه تقتضي الاعتراف بالذنب والمحاسبه عليه إن كان هذا الذنب اصاب ضرر بالغ بشخص او جماعة او شعب او وطن واضعف الايمان الاعتذار لمن أُخطأ في حقه
واعتقد انك تتفقين معي أن انقلاب الانقاذ ومن خطط له وشارك فيه واشترك في حكمها 24 عاما يقتضي المحاسبه واقلها الاعتراف بالذنب
فهل فعل غازي هذا حتي نفتح له احضننا ونضمه لنا؟
لم يضيع السودان سوي هذا التساهل والتسامح مع من اخطأ في حقه
فلو كنا حاسبنا عبود لما تطاول نميري ولو حاسبنا نميري لماتجرأ البشير ولو تركنا ناس غازي والبشير والترابي فهل تضمني انت أن لايتجرأوا علينا او غيرهم مرة أخري؟

[القرفان] 02-09-2015 09:05 PM
في الاول انت معارضة للنظام ولا مؤيدة عشان ما في حاجة وسط وعشان نقدر نفهم
وبعدين ليه يرفضوا غازي ..؟
دا سؤال على انك مسطحة وما بتعرفي هذا الافاك المنافق والمشارك في كل جرائم العصابة ..
عمدك حل من اتنين عشان تعرفي الاجابة على ليه يرفضو غازي ..
اما تراجعي تعليثات الشرفاء هنا في الاسفل ..
او تمشي تبحثي بطريقتك عن تاريخ المجرم غازي ..


#1204812 [كسار الثلج]
2.00/5 (1 صوت)

02-09-2015 05:04 PM
بختك يا المنبت الذي لا أرضا قطع ولا ظهرا أبقى . مرحى لك بهذه الفوضى فبرطع يا الفالح.

[كسار الثلج]

#1204791 [جركان فاضى]
5.00/5 (2 صوت)

02-09-2015 04:28 PM
طيب قولوا قبلتوا انضمام غازى للمعارضة ماذا يحصل؟...بكرة كل الامنجية ينضموا لحركة الاصلاح الان ويصبحوا فى صف المعارضة ليس بغرض محاربة النظام ولكن بغرض غسل ماضيهم البغيض ببلاش( غسيل مجرمين على وزن غسيل اموال)...نعم لاتسمحوا لحركة الاصلاح الان الانضمام لقوى المعارضة...لانريد ان نكون اداة لغسيل المجرمين...القصاص للمجرمين وليس موالاتهم

[جركان فاضى]

#1204760 [بنغالي جوازو رايح]
4.50/5 (4 صوت)

02-09-2015 03:49 PM
و الشعب السوداني زاتو في حل عن اي اعتذار يقدمه هذا التركي الما معروف جايي من وين، يعني هو السودان فضي من السودانيين عشان تجي اشكال زي دي تطلع في راسنا؟؟؟؟
بلد سايبه ما عندها وجيع بس

[بنغالي جوازو رايح]

ردود على بنغالي جوازو رايح
[سوداني سناري] 02-10-2015 12:44 AM
هذا البنغالي الضائع الجواز بتعليقاته العنصرية يقدم خدمات للإنقاذ أكثر من جهاز الأمن نفسه.

[كاتم السر] 02-09-2015 07:18 PM
يا بنغالي فتش جوازك عشان ترجغ بنغلاديش اما بالنسبة لغازي صلاح الدين فهو سوداني لكنه مجرم شارك في نظام دمر السودان لذلك يجب ان يحاكم زيو زي اخوانه المجرمين الذين هم في السلطة والذين خرجوا من السلطة


#1204742 [العاازة]
4.82/5 (5 صوت)

02-09-2015 03:28 PM
بكرة ح يعمل زي الترابي ويرجع للحبايب //// ونطلع نحن هبل

[العاازة]

#1204715 [علي سليمان البرجو]
5.00/5 (1 صوت)

02-09-2015 02:55 PM
هل يخيف وجود العتباني قوى الاجماع، مرحباً حيث نوى التوبة والاياب ومصداقية كراهية أئمة النفاق الديني والكسب التمكيني تقديرية نسبية وغير ملزمة

[علي سليمان البرجو]

#1204700 [adil a omer]
2.00/5 (1 صوت)

02-09-2015 02:39 PM
يا اخوانا حرام عليكم الراجل تياسى سودانى يعنى يمشى ينضم لعبد الله غل ولا اردوغان !!!

اسطنبول نفر

[adil a omer]

#1204675 [ود حنيقيط طمبراوي]
4.25/5 (4 صوت)

02-09-2015 02:00 PM
دا شغل الغواصات عشان بعد يومين يفرتقو القصة كلها من الداخل
اصلو ما تقبلوهم حتى لو قدمواعتذار مشفوع باليمين للشعب السودانى لانو اعتذارهم دا عامل زى الصلاة يوم القيامة بعد ما سفكو دم الغلابة.

[ود حنيقيط طمبراوي]

#1204617 [جبرة]
4.00/5 (4 صوت)

02-09-2015 12:49 PM
نعم لا تقبلوا باصحابين المسرحيات الهزيلة هؤلاء يلعبون بعقول الشعب والشعب السوداني لن يغفر لهم

[جبرة]

#1204613 [مهدي إسماعيل مهدي]
0.00/5 (0 صوت)

02-09-2015 12:43 PM
لست من أنصار التحالفات غير المبدأية (الإنتهازية قصيرة الأجل) ولعل في موقف موسى هلال المتأرجح خير مثال على عدم جدواها، ومع ذلك لا للعداء مع كُل من تاب وآب (فلسنا شُرطة للتفتيش في ضمائر الآخرين) ، ولكن على كُل جهة أن تعارض بطريقتها طالما أن منطلقاتها وأهدافها ووسائلها مُختلفة.

مهدي إسماعيل

[مهدي إسماعيل مهدي]

ردود على مهدي إسماعيل مهدي
[ودكركوج] 02-09-2015 02:33 PM
كلام سليم. اهو عقار ومناوي كانوا جزء من النظام.


#1204607 [الجعلي ود المتمة]
4.25/5 (3 صوت)

02-09-2015 12:36 PM
نعم هذه مسرحيات طويلة وبايخة كلهم حرامية مفسدين ضيعوا البلد ولا زالوا يضحكون على شعبه المستكين الساذج..

[الجعلي ود المتمة]

#1204604 [الغاضبة]
4.25/5 (3 صوت)

02-09-2015 12:31 PM
موقف سليم قوى الاجماع وحتى لو اعتذر

[الغاضبة]

#1204603 [فلان أبن علان]
4.88/5 (6 صوت)

02-09-2015 12:27 PM
هذا كلام صـاح وجميل ... كوز كوز ... ما عندهم أي أخلاق سياسية.... بكرة تاني يرجع لأهله ووأصحابة الكيزان ... شغالين غواصات ليس إلا .... أكبر مثال لهم كثر (صلاح دولار مثال لذلك)....

[فلان أبن علان]

#1204596 [الشريف]
0.00/5 (0 صوت)

02-09-2015 12:18 PM
يا ناس السياسه ماهو بكده
كل

مايساعد على اسقاط النظام يجب القبول به وحتى كمان الترحيب بيه مع عمل الاحطيات اللازمه
والمعارك الجانبيه والبحث عن الاعتزارات والبطولات والخوف على تقسيم الغنايم من قبل الدخول للمعركه وحتى التحضير لها ده ما اظنو سياسه ولا كياسه

[الشريف]

#1204565 [القريش]
4.97/5 (6 صوت)

02-09-2015 11:43 AM
كلام صاح ماتقبلوهم كلها تمثيليات حتى شجارهم مع الشعبى كلو تمثيليات بس نفس كذبه القصر والسجن والحبيس والرئيس هؤلاء كذبه وفجره فى سبيل السياسه مستعدون لفعل اى شئ اعوذ بالله!

[القريش]

#1204557 [ali murtey]
4.00/5 (12 صوت)

02-09-2015 11:38 AM
انتم فى حوجة ماسة لقناة فضائية للمعارضة من اولى اهتماماتها توعية الشعب والعمل على تلاحمة للعصيان المدنى والانتفاضة العارمة ويمكن ان تقوم مقام النقابات والاتحادات الشرعية التى تم حلها فى ظل هذا النظام الوثنى كما من اهم اولوياتها حث الجماهير على المحافظة على مكتسباتها من المتسلقين واصحاب ركيب سرجين لكى لا يحدث ما خدث لثورتى اكتوبر وابريل حيث ضاعت مكتسبات الشعب بين ليلة وضخاها ووقف الشعب فى قارعة الطريق حزينا مكلوما لذا نقول ونكرر قناة فضائية للمعارضة يا محسنين ولا يفوتى الاشادة بدور موقع الراكوبة وحريات وازاعة دبنقا والكتاب الاحرار فى بلادى الاعلام اقوى من 1000 دبابة ودانة هل من مجيب؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[ali murtey]

ردود على ali murtey
United States [الحقيقة مرة] 02-09-2015 06:33 PM
يا الله فضائية للشعب الفضل

[هاني احمد] 02-09-2015 12:06 PM
مين حيسمع كلامك
اتمني من قوي المعارضة التحرك لدي الدول الشقيقة
وقناة ماعايزة كثير يا ناس المعارضة فقط شقة كبيرة للاستديوهات ممكن تكون في القاهرة + رسوم القمر
تتتتتتتتتتححححححححححررررررررررككككككككككوووووووووواااااااااا



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة