الأخبار
أخبار إقليمية
حزب البشير يتعهد بتسليم السلطة حال فوز مرشح للرئاسة من خارج الحزب
حزب البشير يتعهد بتسليم السلطة حال فوز مرشح للرئاسة من خارج الحزب
حزب البشير يتعهد بتسليم السلطة حال فوز مرشح للرئاسة من خارج الحزب


نكتة اليوم يرويها الطفل المعجزة
02-10-2015 11:17 AM
الخرطوم: سعاد
شدد المؤتمر الوطني على قيام الانتخابات في موعدها المحدد في أبريل المقبل، وأعلن التزامه بتسليم السلطة للفائز برئاسة الجمهورية حتى وإن كان من خارج الحزب.
وقال رئيس القطاع السياسي بالمؤتمر الوطني د. مصطفى عثمان إسماعيل في مؤتمر صحفي أمس إن الانتخابات قائمة في موعدها، وحذر المعارضة من منع المواطنين من الذهاب إلى صناديق الاقتراع، وأكد عدم احتجاجهم على مقاطعة المعارضة للانتخابات وتوجيه عضويتها بذلك، بجانب السماح لها بإقامة الندوات لتوضيح رؤيتها.
image
وأضاف: (لكن لن نسمح بممارسة أي نوع من الإرهاب والقهر على المواطنين لمنعهم من المشاركة في الانتخابات).
وتعهد رئيس القطاع السياسي بتسليم السلطة حال فوز مرشح رئاسة الجمهورية من الأحزاب الأخرى وقال: (إذا الشعب السوداني اختار شعيباً أو البارودي أو أي مرشح آخر كلامو على العين والرأس وسنسلمه الراية)، وتابع: (إذا فوض البشير سنشكره وسنتحمل المسؤولية).


الجريدة


تعليقات 28 | إهداء 0 | زيارات 6068

التعليقات
#1206320 [الزبير صالح الزبير]
0.00/5 (0 صوت)

02-11-2015 05:16 PM
اكيد ضرب لية شوية من حاويات بورسودان قبل ان يدلي بالتصريح دة

[الزبير صالح الزبير]

#1205946 [احمد احمد]
1.50/5 (2 صوت)

02-11-2015 09:54 AM
الراجل دا بقول كلام زي الورد....ههههههههههههههههههههههههههههههههههههههههههههه

[احمد احمد]

#1205814 [ابو الحسن]
0.00/5 (0 صوت)

02-11-2015 07:43 AM
يا اخوان خلونا واقعيين الناس ديل ماحيسلمو السلطة طالما هم خايفين من المحاسبة .يجب التعهد من الشعب السوداني بالتنازل عن كل الاموال المنهوبة وضمان حياتهم داخل وخرج السودان حتى نخلص ونلحق ماتبقى من السودان

[ابو الحسن]

#1205723 [الحقيقة مرة]
5.00/5 (1 صوت)

02-10-2015 11:10 PM
وأعلن التزامه بتسليم السلطة
____

وبعدين اجي اقول لينا انا كنت قاصد سلطة دكوة

[الحقيقة مرة]

#1205720 [makkawi]
5.00/5 (1 صوت)

02-10-2015 11:04 PM
البشير نازل ضد البشير والفائزة وداد.

[makkawi]

#1205713 [f]
0.00/5 (0 صوت)

02-10-2015 10:51 PM
حتى وإن كان من خارج الحزب.
بالجد طفل ومسخرة صاح مافي كلام

[f]

#1205658 [المر]
0.00/5 (0 صوت)

02-10-2015 08:15 PM
لا ادري ليه معظم الحكم والوزراء وبعض المعارضين متفقين انه البشير هو افضل شخص لقيادة البلد في الفترةالحالية لشيء يرونه هم ولا يراه السواد الاعظم من الشعب السوداني الفضل ويرى ان البشير دمر البلد كما اراه وتراه انت اخي القاريء .

وهناك اناس يرون بمنظار لا يراه جميع اهل السودان ولابد من ان يحكم البشير للخمس سنوات القادمة سواء كان سيئا او غيره ، ويقولون افضل شخص لحكم البلد الآن البشير ، لكن من يحكم السودان غدا لو اصبح غدا البشير ميتا في سريره هل يعني ذلك البلد ستصبح تحت الرماد والاقتتال سيبدا بمجرد غيابه عن الحياة الفانية يجب ان تكون قيادات السودان الاخرى واعية وليعلموا ان دوام الحال من المحال ويجب ان لا نضع بحياة البشير السودان لن يستمر بالعكس حواء ولدت رجال اغطوا عين الشمس ولكن مبعدين وباعدين عن الحكم بالقوة والعنصرية البغيضة التي نعيشها الآن وشغالين بنظام يا يحكم البشير ولا اضيع السودان ، لكن هذا خطا خطا السودان مثلما قلنا فيه رجال ممكن اصلحوا حال البلد بين عشية وضحاها بعلاقاتهم مع معظم دول العالم والبشير عامل فيها بطل زمانه ونسى ان دمر السودان وكل شيء والحمد لله ، وممكن السودان ان يمضي بسلام قوي اليوم أو غدا بدون البشير لو مات الآن والموت ليس في يد انسان كما تعلمون .

[المر]

#1205615 [ملتوف يزيل الكيزان]
0.00/5 (0 صوت)

02-10-2015 06:41 PM
اذا كان الناطق هو الطفل المعجزة فكيف يستقيم الكلام. اهلنا زمان قالوا ارجى سفيه لا ترجى باطل!!!!!!

[ملتوف يزيل الكيزان]

#1205609 [الفكي]
5.00/5 (1 صوت)

02-10-2015 06:32 PM
زي ما قال اخوي المعلق جنوبي .. يعني انت يا طفل المعجزة عندك احتمال انو ما تسلم السلطة في حالة فوز مرشح غير الحصان حقكم ده؟؟

[الفكي]

#1205603 [فقد المنطق]
5.00/5 (1 صوت)

02-10-2015 06:27 PM
هاهاهاهاهههههههههههههههههههههههاهه

[فقد المنطق]

#1205578 [طمام بطن]
5.00/5 (1 صوت)

02-10-2015 05:31 PM
ههههههههههههههههههه
ههههههههههههههههه
ههههههههههههههههه
هههههههههههههههه
ياخي معقولة ..دي قوية شديد

[طمام بطن]

#1205575 [Awad]
5.00/5 (1 صوت)

02-10-2015 05:23 PM
يادكتور الغفلة هل أنت فاكر ده شعب 89م الذى أنخدع بتلك الكذبة لا يا أبو الكذب فالشعب من يوم كذبتكم الأولى وتوالت بعده ملايين الكذبات أصبح ما بصدق منكم كلمة والشعب كرهكم وما حيصوت فى أنتخابات الغش والخداع والتى أمتلأت صناديقها بالأحياء والأموات والنتيجة جاهزة ومنتظرين أنتم وقت أذاعتها فبالله كلامك ده أطفال الروضة بصدقوه ولو أطلعت على راكوبتنا الرحبة فسوف تشاهد أبلغ تعبير لمثل كلامك هذا وربنا ينتقم منكم جميعا يادكتور الغفلة.

[Awad]

#1205521 [احمد خيري]
4.50/5 (4 صوت)

02-10-2015 03:34 PM
ارحلو يا مقاطيع يا مواسير يا وهم
كلنا مقاطعييييييييييييييييين بلا انتخابات بلا بطيخ
ارحلووو يا مجرمين

[احمد خيري]

#1205514 [بنت الناظر]
4.00/5 (3 صوت)

02-10-2015 03:21 PM
وحذر المعارضة من منع المواطنين من الذهاب إلى صناديق الاقتراع،

الكلام االجاى ده كلمات جادت بهن قريحة مواطنة كبيرة فى السن وأمية إلتقيتها فى السودان فى آخر زيارة لى ...

كانت قد ذهبت لمكتب أحد المسئولين وبعد إنتظار طويل فى الشمس الحارقة عادت منه بخفى حنين .. قالت
لما جيتوا قلتوا ناكل مما نزرع
من وين من العيش الإتقلع ولا من مشروع الجزيرة الإتشلع..؟؟

كان غرضى ماقضيتوهوا لى...والشمس شوتنى شى...
دعيتكم
يابركة رجال الصى تجيكم جرية مع الضحى ..

حسى زى دى محتاجةلى واحد يمنعها تصوت ؟؟؟

يامصطفى عثمان خلى الجقلبة غلبكم التسوهوا ...خليك فى إستثمارك ..قالوا فى المثل صاحب بالين كضاب وإنتوا من يومكم كضابين ...وإستعدوا لى جرية الضحى ...

[بنت الناظر]

#1205513 [السودان ابو شخة]
1.00/5 (2 صوت)

02-10-2015 03:16 PM
على قبيلتى البديرية والجعلية ان يفتخرا بان سيادة وفخامة المشير المهيب الركن امير المؤمنين رئيس دولة السودان جاء من بين ظهرانيهم وان جميع اهالى القبيلتين وجميع قبائل السودان يؤيدونه لولاية اخرى عليهم ولن تجد قلة قليلة او فصيل ضل طريقه ان يقف فى وجه عموم الشعب الغفيرة المؤيدة لسيادته وعلى المعترض ان يتوجه لاقرب حائط ويخبط راسه فيه الى ان يتهشم مائة قطعة .ولابد لجموع الشعب القذرة ان تعرف انه فى حالة عدم رضا الرئيس للترشح لفترة اخرى فستقع البلاد فى اتون حرب اهلية قبائلية بغيضة سوف تاتى على ماتبقى من هذا البلد القذر الذى اسمه يدل على العنصرية البغيضة تبا له والعزة والمنعة لرئيس البلاد المفدى والخزى والعار والذلة لمن يعارضه

[السودان ابو شخة]

ردود على السودان ابو شخة
[جركان فاضى] 02-10-2015 04:37 PM
ههههها يا السودان ابو شخة...ظاهر عليك اليوم شارب محاية انقاذ...معليش بكرة المحاية تفك وترجع سالما لقواعدك مناضلا جسورا


#1205499 [dougokoper]
3.00/5 (2 صوت)

02-10-2015 02:55 PM
أبلغ تعليق على خطرفات مصطفى عثمان صورة الشباب المصاحبة للقنبلةالتي أطلقها.

[dougokoper]

#1205483 [رحمة الله]
4.00/5 (3 صوت)

02-10-2015 02:41 PM
انتو ناس الانقاذ ديل كلهم بركبو الفيل بالجد احترنا معاكم

[رحمة الله]

#1205479 [Alshagi]
2.25/5 (3 صوت)

02-10-2015 02:37 PM
انهم يخططون لمخارجه آمنه .. من قال الطريق الي حكم البلاد وتجنب الحساب والعقاب تحددونه انتم .. شعب السودان الذي دفع الثمن غاليا من افقار ومرض وجوع ... قتل وسحل وتعذيب من نظام تقوده عصابة عاثت في البلاد فسادا وتعرف ان النهايه المحتومه قادمه.

[Alshagi]

#1205477 [مدحت عروة]
3.00/5 (3 صوت)

02-10-2015 02:31 PM
يا زول انت بى صحك ولا بتهظر؟؟؟
مما الله خلقك شفت ليك زول استلم السلطة بانقلاب مسلح وعمل وضع دستورى براه وانتخابات فاز زول غيره؟؟؟؟
يا جماعة ده كلام شنو ده ؟؟؟؟
انت قايل كل السودانيين ضان ساكت ولا شنو؟؟؟؟
كسرة: بس حصلت مرة واحدة فى تاريخ الانقلابات فى السودان اترشح قائد الانقلاب جعفر محمد نميرى لكن فاز فى الانتخابات واحد تانى اسمه جعفر النميرى!!! والساقية لسه مدوره !!!!!!

[مدحت عروة]

#1205419 [زول وطني غيور]
3.50/5 (3 صوت)

02-10-2015 01:02 PM
بالفعل هذه نكتة لكنها نكتة بايخة جدا بل وسخيفة .. أقترح على إدارة الراكوبة أن يخصصوا عمود صغير يوميا لمثل هذه النكات السخيفة حتى يعرف الناس إلى إي مدى يستخف هؤلاء بعقولنا ..

[زول وطني غيور]

#1205412 [جنوبي]
4.85/5 (6 صوت)

02-10-2015 12:58 PM
هو يعني كان في احتمال انكم ما تسلموا السلطة لو حصلت انتخابات حقيقية وما فزتوا !!!!؟

[جنوبي]

ردود على جنوبي
[الجعلي ود المتمة] 02-10-2015 01:20 PM
هههههههههههه والله يا جنوبي ضحكتني رغم الالم البعتصر قلوبنا


#1205403 [التلب]
4.50/5 (3 صوت)

02-10-2015 12:47 PM
اوﻻ - يا من ابتﻻنا الله بكم - المعارضه دى حتمنع الناس كيف ؟؟ يعنى حتشيل سوط وتقيف فى الشوارع وقدام الصناديق وتدق الناس وتمنع الناس من التصويت ؟؟ ولﻻ الطريقه كيف ؟؟ واذا كان ( سيادتكم ) (سمح ) للمعارضه انها تقاطع و ( وسمح ) ليها تخاطب جماهيرها بالمقاطعه !! تبقى المشكله وين هنا !! ولﻻ انت خايف انها تمنع ( جماهيركم ) ياخى ياخى كفايه كذب وكفايه نفاق وكفايه عدم احترام عقول الناس !! والله الواحد يستغرب فيكم من رئيسكم لى اتفه واحد فيكم لسع ﻻزهجتوا وﻻ خجلتوا من اعتقاد انكم ممكن تخدعوا الناس وانو الناس مصدقه كﻻمكم ده !! ياخى اختشوا ... اختشوا الله ﻻبارك فيكم .

[التلب]

#1205384 [ابو سامي]
4.25/5 (3 صوت)

02-10-2015 12:26 PM
اقتباس :( وأضاف: (لكن لن نسمح بممارسة أي نوع من الإرهاب والقهر على المواطنين لمنعهم من المشاركة في الانتخابات).
.
.
.
.
.

؟
؟من يمارس الارهاب والقهر والتزييف والتزوير؟؟؟؟؟؟؟

[ابو سامي]

#1205366 [ذكري شهداء سبتمبر]
4.00/5 (2 صوت)

02-10-2015 12:10 PM
الولد الوسخ المنافق الحرامي دا
شغال تصريحات؟


ياخ الله ينتقم منك ومن العينك لغاية سيدك الترابي!!
كذب زي الخرا...تف عليك

[ذكري شهداء سبتمبر]

#1205353 [جركان فاضى]
5.00/5 (2 صوت)

02-10-2015 11:58 AM
شوف مستوى الاستخفاف الذى بلغ بالشعب السودانى...وماخفى من استخفافات اعظم...والعيب كله من حواء السودانية التى توقفت عن انجاب ابطال منذ زمن بعيد

[جركان فاضى]

ردود على جركان فاضى
[سعيد لورد] 02-10-2015 05:04 PM
العيب أيضاً من آدم السودان الذي فشل في زرع رحم حواء السودان ببذورمحسنة.
كسرة :أخبار قضية البذور المحسنة شنو ؟


#1205345 [الحاج علي]
4.25/5 (3 صوت)

02-10-2015 11:49 AM
يا اخوانا والله الواحد خلاص روحو طلعت من الغسيان
يعني الشعب السوداني حيختار شعيب او بارودي طيب ما تذكر فاطمة بت الفكي
غايتو جنس غايتو

[الحاج علي]

#1205343 [nasir radi]
4.25/5 (3 صوت)

02-10-2015 11:47 AM
لاحول ولاقوة الا بالله

[nasir radi]

#1205341 [ثعلوب المكار]
4.25/5 (3 صوت)

02-10-2015 11:45 AM
انتو الجماعة ديل مصدقين قصة الانتخابات دي انها جد جد ولا الفهم شنو ؟؟
مصدقين فعلا انو في احزاب منافساهم ... والله صحي
جايبين احزاب الفكة التابعة ليهم ومنزلنها منافسة ليهم وملقننها ادوارها التي ستؤديها وقال انتخابات قال

[ثعلوب المكار]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة