الأخبار
أخبار إقليمية
تشريعي الخرطوم: الوضع الصحي يسير من سيء إلى أسوأ
تشريعي الخرطوم: الوضع الصحي يسير من سيء إلى أسوأ
تشريعي الخرطوم: الوضع الصحي يسير من سيء إلى أسوأ


02-10-2015 11:57 PM
الخرطوم: مزدلفة دكام

دق نواب بتشريعي الخرطوم ناقوس الخطر، وأبدوا تخوفهم من التلوث الذي وصفوه بالكبير في صحة البيئة بالولاية، وقالوا إن الوضع الصحي يسير من سيء إلى أسوأ، لافتين إلى تلوث مياه الشرب بالصرف الصحي وفضلات المصانع، وذكروا في تداولهم لتقرير وزارة الصحة بالخرطوم بالمجلس أمس، أن الألبان تباع في الأسواق بطريقة عشوائية، وأضافوا تباع من أشخاص غير مختصين. وكشف النائب عوض حامد عن وفاة 26 شخصاً من مواطني كوبر باختناقات وأزمات، وقال إن السبب تلوث الهواء الناتج عن المصانع بالمنطقة، لافتاً إلى تلوث في الأغذية، وقال هنالك أغذية تتداول في الأسواق منتهية الصلاحية.

وشن النائب بتشريعي الخرطوم، مختار الضو، هجوماً عنيفاً على وزارة الصحة بالخرطوم، لافتاً إلى أوضاع مأساوية يعيشها المرضى بمستشفى أم درمان، التي وصف بيئتها بالمتردية، وقال "عندما دخلتها بكيت وسالت دموعي لحال المرضى الذين يفترشون الأرض وحالهم يُرثى لها، ومرافقوهم يمسكون الدريبات"، وأكد خلو المستشفى من الأسِرَّة لاستقبال المرضى، وأوضح أن الأسِرّة الموجودة متهتكة ومتسخة بالدماء، وأضاف في تداول النواب لتقرير وزارة الصحة الخرطوم بتشريعي الخرطوم أمس، أن المستشفى لا يستطيع أي مريض أن يرقد فيها بسبب الأوساخ، وأضاف عندما سألت مدير المستشفى عن التردي أجابني بقوله: "أنت شايف بعينك وما عندي كلام بقولو".

فيما وجه نواب بالمجلس انتقادات لاذعة لوزارة الصحة، مشيرين إلى نقص حاد في الكوادر الطبية بالولاية، وأكدوا أن المراكز الصحية أصبحت "مرتعاً للكلاب"، وقالوا إن المستشفيات كلها دكاترة امتياز يتعاملون مع المرضى بالتعليمات، ودعوا إلى إعادة النظر في الإدارات الداخلية للمستشفيات، وقالوا إن المستشفيات الخاصة أصبحت "فنادق" لا غير، والشخص الذي يتعالج فيها مضطر وليس مقتدراً، مشيرين إلى ارتفاع في الإصابة بمرض الملاريا. وأقر وزير الصحة بالولاية مأمون حميدة بارتفاع معدلات الإصابة بمرض الملاريا، مشيراً إلى عجزهم عن تخفيض كثافة البعوض بالولاية، لافتاً إلى سعيهم للحد منها.

التغيير


تعليقات 7 | إهداء 0 | زيارات 1882

التعليقات
#1206126 [مبارك]
0.00/5 (0 صوت)

02-11-2015 01:16 PM
بمناسبة الوضع الصحي المتردي والذين يسير من سيء الى اسوأ اهديكم القصيدة المعبرة التالية :

يا عاصمتنا يا طيش المدائن (الشاعر محمد النوراني)
بلدا فيها لا بتتهنا نوم لا راحة
فوقا بتجري زي سبقي الخيول في الساحة
غير ضيق الشوارع ونجدتا النباحة
طول العام سخانة وبشتنة وكتاحة
السلع المسرطنة فيها دخلن توش
وجمب الكوشة بتشوف الاكل مفروش
فوق الفوقا تصرف لما رأسك يدوش
وحتا ان درتا تشرب موية ساي بقروش
بلدا واقعوا غير البعرضوا الاعلام
راجع خلف ويدفر في الفشل قدام
شرب من دمنا ولا خلا دوف ولا عضام
انحنا تعبنا يا والي الولاية حرام
اول حاجة بصك ليه دور في الزحمة
بقفل السكة والعربات معاهو ملتحمة
المسكو الرسوم لا بعرفو دين لا رحمة
والاديتن السوق زادو سعر اللحمة
بلدا كل يوم بنمطوا بكتروا قومه
بحر الشغل باليومية بضعف عومه
خمسة صباحا الواحد يقوم من نومه
ما بين بيته لمحل شغله يكمل يومه
غايتو احترنا فيك يا عاصمة السودان
حالة فيك خلت كل زول محنان
موية صرفك السوق بيها جت غرقان
ومشوار شروني يخلي النصيح مرضان
شكلك اصلو ما يقولو عليه حضاري
تخطيطك غلط كله وعذابك جاري
اخير الزول يكمل يومه فيك كداري
من زنقة شوارعك ونقة الكمساري
فيك السيل رمى بيوتنا وحكومتك غافلة
وفيك حقوقنا كل ما تشوفنا تقفز جافلة
فيك شارع يدخل والمخارج قافلة
فيك متين نفر يندفسه في فد حافلة
انردم الفساد فوقا ودفنها
نفوسنا اتقفلت منها وابنها
قربو شوفو يا حكام زمنها
بشاتن العاصمة البتقولو عنها
عن الفيها رقباء المال عماية
المشونا فوق النار حفاية
لينا مع الرسوم مليون حكاية
ونقول يالله من ناس الجباية
الغنيان بحكر السوق مضرة
والعدمان ناو يتهنا مرة
الغلطان عفا القانون وفرة
والعيان يكوسو علاجه بره
فاتح بابا للخاشيها زاير
وصبح الموت يحلق فينا داير
قدر ما نسوي مصنع للزخاير
يجو الحاقدين يخلو شراره طاير
يا عاصمتنا يا طيش المدائن
غلبنا معاك ومليانين غبائن
قدر ما تزيدي وجعك فينا بائن
خشومنا نسدها ونقعد نعاين
فيك نقول وما بفيدن شروحنا
ضقنا وضغنا وانفتقت جروحنا
فيك شقينا وانهدمت صروحنا
يا الخرطوم خلاص سليتي روحنا

[مبارك]

#1205903 [داوودي]
5.00/5 (3 صوت)

02-11-2015 09:18 AM
قال : الوضع الصحي يسير من سيء إلى أسوأ ، هو شنو الفي السودان ماشي لقدام ، زي ما قال المسطول من ما جات حكومة البشير زي العربية الداقين ليها خلف أصلو ما مشت لقدام .

[داوودي]

#1205900 [الفجري داك]
5.00/5 (2 صوت)

02-11-2015 09:16 AM
حميدة: كلما هاجر فوج من الأطباء استبدلناه بآخر :

[الفجري داك]

#1205802 [كوز فاشل]
4.75/5 (4 صوت)

02-11-2015 07:21 AM
برضو يا النائب البرلماني الرسول الكريم اشرف الخلق قال ليك سلم علي حميدة

[كوز فاشل]

#1205789 [الجعلي الفالصو]
5.00/5 (2 صوت)

02-11-2015 07:06 AM
ههههههه ووين النايم الذي نقل تحيات الرسول ص إلى الوزير حميدة ، عجبي

[الجعلي الفالصو]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة