الأخبار
أخبار إقليمية
إشراقة تصدر منشور اَ لتنظيم وجبة الافطار اثناء ساعات العمل
إشراقة تصدر منشور اَ لتنظيم وجبة الافطار اثناء ساعات العمل
إشراقة تصدر منشور اَ لتنظيم وجبة الافطار اثناء ساعات العمل


02-11-2015 03:05 PM
الخرطوم (سونا) -اصدرت الاستاذة اشراقة سيد محمود وزيرة العمل والاصلاح الاداري ضوابط لتنظيم وجبة الافطار اثناء ساعات العمل بالخدمة المدنية والذي اشار الي قرار مجلس الوزراء رقم 27 لعام 2008م جاء فيه "لابد من مراعاة بعض الضوابط منها ، الاستفادة من خبرات وامكانيات المكونات النقابية في تجهيز اماكن تناول وجبة الافطار داخل اماكن العمل بصورة صحيحة وباسعار معقولة حتي يتم تفادي ظاهرة خروج العاملين و ضياع زمن الدولة في هذا الأمر، وان يكون مواعيد تناول وجبة الافطار مابين بداية الدوام وحتي الساعة الحادية عشر صباحا على الاتتعدى نصف الساعة وبطريقة لاتؤثر سلباَ على دولاب العمل ".
وجاء في المنشور أيضاَ انه يمنع منعا باتا تناول الفطور فرادى او جماعات داخل مكاتب ومكان العمل وان تراعي المؤسسة والوحدة عند الخروج لتناول الفطور بالايكون الخروج جماعيا وان تعد المؤسسة تقريراَ حول التزام العاملين بتنفيذ ضوابط الفطور ، وسوف تقوم فرق التفتيش الاداري بوزارة العمل والاصلاح الإداري بزيارات مفاجئة لتسجيل حالات المخالفين ، على ان تتم محاسبة كل عامل بالدولة يخالف منشور ضوابط الفطور وفق قانون محاسبة العاملين للعام 2007م .
وجاء في ختام المنشور ان وزارة العمل والاصلاح الاداري تتلقى شكاوى المواطنين حول اي مخالفات لمنشور ضوابط الفطور عبر نافذة مخصصة لذلك بالوزارة وعبر موقع الوزارة الالكتروني.


تعليقات 33 | إهداء 0 | زيارات 8323

التعليقات
#1207017 [محمد احمد]
0.00/5 (0 صوت)

02-12-2015 02:57 PM
وبعدين يا اشراقة التلفونات ، تلقى الموظف او الموظفة قدامها واحد عنده شغل وهو او هي يرغى في التلفون ، وطالب المعاملة ملطوع قدام السيد الأمير وداك ولا يهمه ،، برود قاتل وعدم مبالاة واستهتار

بعدين سؤال يا اشراقة وزارة الداخلية داخلة في شغلك ولا لا عشان البواليس ديل برضو عايزين منشورات كتيرة ولا بتخافى منهم

[محمد احمد]

#1207005 [adil a omer]
0.00/5 (0 صوت)

02-12-2015 02:41 PM
قلنا ليكم اطفال منغوليين ما صدقتونا

[adil a omer]

#1206958 [siddig]
0.00/5 (0 صوت)

02-12-2015 01:51 PM
خيلهم يفطروا hotdog يفطروا بي كلب الحر

[siddig]

#1206740 [عادل احمد]
0.00/5 (0 صوت)

02-12-2015 09:34 AM
يعني جات علي الفطور

[عادل احمد]

#1206621 [ود يوسف]
5.00/5 (1 صوت)

02-12-2015 08:02 AM
قرار لا بأس به بالرغم مما عليه من ملاحظات ، ولكن الأهم من ذلك كان يجب أن تعمل الوزيرة دورات تدريبية لكل الموظفين على طريقة التعامل مع الجمهور وتنظيم العمل بما يخدم مصلحة المواطن وأن يفهم الموظف أنه موجود لخدمة المواطنين وليس للتعالي عليهم ومعاكسة من يعلق أو يقترح شيئاً إيجابياً ... فإذا فهم الموظف دوره الحقيقي لما احتاجت الوزيرة لمثل هذه الضوابط والإجراءات ...
أعجب لهذا البلد ... فبعد 59 عاما من الاستقلال لم نستطع أن ننظم ساعات عملنا ، ؟؟؟ مرة بكور ومرة ساعة فطور ... إلخ
حسبنا الله ونعم الوكيل ....

[ود يوسف]

#1206613 [abubaker]
0.00/5 (0 صوت)

02-12-2015 07:56 AM
ما تشوفي المليار الذي اختلس من الوزارة بواسطة وكيل وزارتك

[abubaker]

#1206566 [مسطول]
1.00/5 (1 صوت)

02-12-2015 06:39 AM
بالله الناس فى السودان لسع بتفطر؟؟؟؟السودان فيهو فطور؟؟؟؟؟ على راى عادل امام... بتفطروا كل يوم؟؟ على النعمة اخر مرة فطرت و انا فى الاعدادية؟؟؟..

[مسطول]

#1206562 [Siddig Hussein]
3.00/5 (1 صوت)

02-12-2015 06:33 AM
طيب بس لازم توفرو كميه من الهيلوكبتر لناس مدينه جياد الصناعيه و مصانع صافات لترحيلهم ل امدرمان لتناول اسماك عوضيه - بالسياره العاديه الرحله بتاخد ساعه و نص ذهابا و ساعتين ايابا

[Siddig Hussein]

#1206547 [شريف ضرغام]
0.00/5 (0 صوت)

02-12-2015 03:28 AM
اعتقد إنّو الوزيرة افلست وينفرد خارج السرب نحن فى أسد الحاجة الى إصلاح نظام الخدمة المدنية وتشريعات العمل والنهوض بالخدمة المدنية والتى كان يتميز بها السودان عن باقى جميع الدول العربية والإفريقية نتمني ان نسمع نتايج إيجابية فى تحسن الخدمة المدنية والإصلاح الاداري بدل ما الوزيرة شاغلة نفسها بمؤتمر صحفي عشان تعلن عن الفطور وما ادراك ما الفطور
الله يغفر ويعطينا الصبر

[شريف ضرغام]

#1206485 [الحقيقة مرة]
4.50/5 (3 صوت)

02-11-2015 10:32 PM
هم موظفين الحكومة كان خلو فطور الساعتين ونص بعدو ببسي ساعة وشاي لحد ما امشو بيوتم تاني اعملو ليكم شنو انتو قايلنهم بجو من بيوتم عشان اشتغلو ليكم ؟ شعب غريب جدا ديل بجو عشان افطرو واستلمو الماهية اخر الشهر والقرار بتاع شرغرغ هانم دا غلط لانو حيعطل عمل الدولة

[الحقيقة مرة]

#1206431 [ملتوف يزيل الكيزان]
0.00/5 (0 صوت)

02-11-2015 09:03 PM
قرب زمن الانتخابات و جاء زمن حريم الوطني الفارغات. الناس ياسيدة و جمالا فريد تموت جوعا و اغتصابا و قصف طيران و امراض مزمنة ! القيامة قايمة و انتى قاعده تتحنني؟

[ملتوف يزيل الكيزان]

#1206387 [عصمتووف]
4.00/5 (1 صوت)

02-11-2015 07:34 PM
* مقدمة
سبقك فيها الطيب سيخة وفشل ي هاملة وانت ليس مامون حميده
كان علي العبيطة الوزيرة ان تقوم بغارات تفتيشية في البيوت لتشاهد التلاجات والخبز الجاف وزيارة الدكاكين امام الوزارت والمصالح وان تدخل مطاعم الوزارات وتشاهد كيف الموظف والعامل والدكتور يعاني من اكل بائس غير صحي وغذائي وتقاررنة بمطبخ منزلها العامر او بوفية مكتبها وهو لا يخلوا من جميع المكيافات والعصائر الطازة نزلي القزاز ي حرمة

**اقلبوا الهوبة بعد كده

غالبيت المتداخلين يعرضوا بره الشبكة فيهم واحد بقارن السودان ب ماليزيا سيبك منها اقرب دولة عربية يبدا الفطار صباحا مع تناول الشاي والخروج الي العمل ب السيارة الخاصة او الترحيل ما شاء الله عليهم كل شئ متوفر ف التلاجة من المعلبات الي الفول الي الطقس الي الفواكة والنظافة في الشوارع نفوسهم فاتحة اما نحن هنا تقوم الصباح الماء قاطع ف الشتاء حاليا ومتاكد جميع احياء العاصمة تعني من انعدام المياة تخرج مدافره ف المواصلات واحتمال تركب عدة مواصلات التلاجات غير الثلج والماء وملاح وشوية خضروات وبعض من الادوية ي جماعة نحن هنا ما عندنا حاجة هل تريد هذه الوزيرة الهبلة يفطر الناس قبل صلاة الصبح وهل تتوفر المواصلات بعد صلاة الصبح البلاد والعباد كلها تعاني وبعدين يفترض ان يطبق القرار علي المكاتب التي تتعامل مع الجمهور مباشرة ** البوفيهات سعر طلب الفول وصل الي ال10 جنيهات ولا يقبل متعهد ان ينزل السعر حتي لو تم اعفاؤه من الايجار والكهرباء والا ياتي ب اسوء الافوال والزيوت ولعلم الوزيرة الهبلة غالبيتهم عمال وموظفين والطلبة وجهتهم الدكاكين فتة فول ب 2جنية وموية وكيس عيش وزيت شطة وملح و جبنة ب 2 جنية هل هذه تسمي وجبة هل الموظف لدية مال يدفعة يومي ب 10 جنية ف الشهر ب كم وكم يبلغ راتبة

[عصمتووف]

#1206386 [Abu]
3.50/5 (3 صوت)

02-11-2015 07:34 PM
No end of this dung excrement we are getting from this mob!
Mankind is planning in invading Mars and we are still planning in how to set time for breakfast!

[Abu]

#1206384 [ابوذر]
0.00/5 (0 صوت)

02-11-2015 07:30 PM
ياخي لية مايفطر في البيت دوام يعني دائما موجود غلط انو تديهم زمن للفطور

[ابوذر]

ردود على ابوذر
[همد] 02-12-2015 08:15 PM
بايدك اخونا ابوذر يفطر من بيتو ويجي

ويمنعو الموبايلات اثناء العمل

ويقدم الخدمة بدون خيار وفقوس

ويخلص في عملو والله يجعل له البركه في راتبو وما يحتاج رشاوي ولغف ويكون عزيز مكرم.


والبلد تمشي لي قدام كان كل واحد عمل بي اخلاص لي نفسو البسالو منها ربنا .


#1206361 [ابو علي الجنقلاوي]
5.00/5 (2 صوت)

02-11-2015 06:35 PM
ياجماعة الوزيرة بتقصد فطور رمضان ، يعني الناس ماتفطر في شهر رمضان بالنهار العايز يفطر في رمضان يمشي يفطر في بيته ، او هي ممكن تقصد بالفطور ( الرشوه ) يعني الناس ما تاخذ رشوه اثناء فترة العمل عشان دا بضر بالنقابة الواحد العايز ياخذ فطور اقصد ( رشوه ) ياخذها في بيته عشان الناس ماتشوفه وبعدين يجي يشتغل في مكتبه وهو فاطر اقصد ( مرتشي ) ومليان رزم رزم ...

[ابو علي الجنقلاوي]

#1206357 [mustafa seory]
3.00/5 (1 صوت)

02-11-2015 06:27 PM
حلوة جدا حكاية عبر موقع الوزارة الاليكترونى !!!!!

[mustafa seory]

#1206356 [حاج علي]
0.00/5 (0 صوت)

02-11-2015 06:26 PM
ايوا كده يا اشراقة رجعتي لشغلك الطبيعي والعواسة
البيوت الجميلة التي تركها الانجليز جو ناس اشراقة خربوها باكل الفول بالزيت وجعلوها مقرات للامن وبيوت اشباح

[حاج علي]

#1206355 [الزعلان]
0.00/5 (0 صوت)

02-11-2015 06:24 PM
دولة صغيرة وفقيرة زى الاردن تعتبر الاولى فى تنظيم عمل الدولة بنخجل يعنى لو اخذنا منهم كيف فكرة والله قمة فى الرقى والانضباط طيب ليه العسكرية عندنا كل شئ عندهم منضبط يخيل الموظفين ماعندهم نفس يشتغلوا

[الزعلان]

#1206340 [ظلال النخيل]
0.00/5 (0 صوت)

02-11-2015 05:53 PM
قبل مدة قصيرة راجعت مكتب العمل في الخرطوم لاكمال اجراءات السفر وذلك لتوثيق عقد العمل ...

استلمت الموظفة اوراقي بعد سداد الرسوم ثم قالت اصبر شوية لغاية ما نفطر ..القيت نظرة على

المكتب فاذا باحدى الموظفات امامها صحن بلاستيك كبير ( صحن تشطيف الموالي ) وفي يدها سكين تقطع بها السلطات بصل اخضر وجرجير وطماطم وووو.....

ده حصل في مكاتب العمل واكيد بيحصل كل يوم ...فيا اشراقة اضبطي ناسك ثم عممي تعميمك على باقي

المصالح ...

واين النقابات التي تتحدثين عنها النقابات اصبحت للتجسس وليس لحل مشاكل العمال والموظفين دور

النقابات هو التجسس ورفع التقارير الامنية واخراج الناس في مسيرات المؤتمر الوطني مش كده ولا ايه ....

واخيرا يا ( اشروقتي ) شوفي حناكيشك في مكتب العمل الكائن بشارع المطار والله ما فيهم راجل

مكتمل إلا من رحم الله وشوفي سلوك الموظفات اخوات نسيبة الانقاذويات ..قال لي صاحبي انا جبتك هنا

عشان تعرف نوعية ناس المؤتمر الوطني الممشين البلد .. لا حول ولا قوة الا بالله .....شــــــئ محززززززززززززززن.

[ظلال النخيل]

#1206339 [TARIG AMMAN]
0.00/5 (0 صوت)

02-11-2015 05:52 PM
منشور يدعو للتسيب اكثر مما يدعو للانضباظ ..لان ما فى حاجة اسمها زمن وجبة الفطور يا ست اشراقة .على الموظف ان يشتغل ثمانية ساعات كاملة و ان يتخللها نصف ساعة بعد حمس ساعات عمل هاذا هو قانون العمل الدولى ... ممكن تقولى لى انتى بتشتغلى كام ساعة فى اليوم يا حشراقة ...خليكى من بقيت الموظفين ... كل الموظفين فى دول العالم بيفطروا قبل ما يداوموا الا فى السودان ...يداوموا عشان يمشوا يفطروا . قومى كده خيبة الله عليك .

[TARIG AMMAN]

#1206326 [سوداني وبس]
3.00/5 (2 صوت)

02-11-2015 05:25 PM
حاجة كويسة انو يكون في نظام في ماليزيا مافي حاجة اسمها وقت الفطور طبعاُ لانهم متعودين يجوا ماكلين الدوام اصلاُ مقسوم لفترتين الفترة الاولي بتبدأ من الساعة 8:30 الي الساعة 12:30 بعداك الموظف عندو فترة راحة بيمشي ياكل فيها ويرتاح الي بداية الفترة التانية والتي تبدأ الساعة 2:30 الي 5. خلال فترة العمل دي مافي لاونسة ولايحزنون شغل بس. نرجو انو يتحول نظام السودان زي ده بس المشكلة انو المسافات بتاعت الناس بعيدة ووسائل المواصلات زي الزفت.

[سوداني وبس]

#1206317 [محمد خليل]
5.00/5 (2 صوت)

02-11-2015 05:12 PM
لا أعتقد يوجد مواعيد فطور أو زمن مخصص للفطور الا فى السودان، و هذا يتخذه الموطفون سبب للزوغان من العمل و ترك المراجعين و تعطيل مصالح المواطنين، لماذا لا يلزم الموظفين اما أن يتناولوا الفطور فى منازلهم أو احضار افطارهم معهم و تناوله قبل بدأ الدوام، اما تخصيص ساعة أو أى وقت للفطور فهذا من شأنه أن يسبب التسيب و كب الزوغة من العمل.
كذلك على اشراقة أن تصدر قرار بمنع الموظفين من ترك أماكن عملهم و الذهاب لحضور دعوة افطار أو غداء بمناسبة زواج زميلهم أو زميلتهم أو سماية، أو لتعزية أحد زملائهم أثناء ساعات الدوام الرسمى ، يا جماعة هذا منتهى الفوضى و منتهى اللامبالاة و التسيب و لا يحدث الا فى السودان. و المشكلة أن المدير فى الدائرة الحكومية هو نفسه متسيب و كثيرا ما يتغيب عن الدوام و يندر أن تجده فى مكتبه فكيف يستطيع محاسبة موظفيه المتسيبين؟

[محمد خليل]

#1206304 [ابوبشير]
3.38/5 (4 صوت)

02-11-2015 04:57 PM
والله انا يوم عايز ادفع رسوم مساحه قاعد ساعتين فى النهاية قالو لى الزول ده مابجى بتلفاهو فى السوق فى المحل الفلانى وفعلا مشيت لقيت اورنيك15 عندو فى جيبه واستلمت الايصال من السوق تقول لى فطور وكلام فارغ

[ابوبشير]

#1206282 [كبس الموز التحت السرير]
2.00/5 (3 صوت)

02-11-2015 04:31 PM
يعنى ممكن كل موظف اجيب معاهو سندوتشات من البيت والمويه من الزير . تانى فى شنو خلو التسيب الكثير والبيروقرطيه بتاعتكم دى . الزمن اتغير ونمط الحياه اصبح سريع . بس تعرفو للفلسفه فى الفاضى العمل اصبح كلو على الكمبيوتر . نحنا مازلنا عشان نرجع لمعلومه ننزل الدواليب الموضوعه فى المخزن عشان نطلع لينا ورقه ! الحياه لاتطاق مع هولاءهسه الوزيره اتحادها لو اكون عندهم الاحلال والابدال للموظفين ودورات للرقى بمستوى الموظف . لسه الحكومه شغاله بنظام الدفاتر والاوراق الكثيره والملفات والله عيب عليكم شوفوا العالم من حو لنا .

[كبس الموز التحت السرير]

#1206267 [فلان أبن علان]
4.00/5 (3 صوت)

02-11-2015 04:07 PM
الوزيرة ما عندها شغل ... ولم تجد شغل تقدمه للعاملين بالدولة ... قالت أحسن حاجة: أشتغل في مسألة فطور العاملين بالدولة ... بمعني أن رؤسـاء مؤسسات الدولة ما عندها زمن فاضي أو لوائح داخلية أو تنظيمية تنظم بها مسألة الفطور ... ودقي يا مزيكة علي الخدمة المدنية...

[فلان أبن علان]

#1206264 [Al wadah]
3.00/5 (2 صوت)

02-11-2015 04:02 PM
الفطور هييييين . ناس المعاملات الى ما بتاخد دقائق وقولوا ليك تعال بكره . لانه الواحد ما دفع البتاعه ديك . عندك ليها حل . ولا الحياة مصالح ومسكين الفطور .

[Al wadah]

#1206261 [أبوعلي]
2.50/5 (3 صوت)

02-11-2015 03:57 PM
على ان تتم محاسبة كل عامل بالدولة يخالف منشور ضوابط الفطور

والمعينون بالتمكين والولاء ، أتطبّق عليهم هذه الضوابط !!
أضبطي اللصوص والمرتشين وبائعي الضمائر لتوظيف الحبايب أوّلا
لاخير فيك ولا في مجلس وزرائك ياخدّام الرقاص الخائن لوطنه

[أبوعلي]

#1206247 [المؤمل خير]
1.00/5 (2 صوت)

02-11-2015 03:37 PM
الله يعينك من تسيب موظفي الدولة ... التزام ليومين ثلاثة وحليمة ترجع لعادتها القديمة !!!

[المؤمل خير]

#1206244 [مسطول]
3.50/5 (3 صوت)

02-11-2015 03:32 PM
إشراقة تصدر منشور اَ لتنظيم وجبة الافطار اثناء ساعات العمل
--------------------------------------------------------------

واخيرا وبعد 26 عاما تم بدء تنفيذ المشروع الحضاري !!!!!!!!!!!!!!!!!!!

[مسطول]

ردود على مسطول
European Union [البصيرة ام حمد] 02-11-2015 05:58 PM
وبعدو تنظيم زيارة بيوت البكيات البيمشو ليها في الدروشاب والشقيلاب والسامراب وفي فداسي والكاملين. يا اشراقة عربات الحكومة بسافروا بيها للعزاء في اثناء ساعات العمل لحدي الدمازين، انتي ماجايبة خبر .


#1206238 [عبد الله عبد الله]
4.00/5 (3 صوت)

02-11-2015 03:27 PM
دا الربنا قدرك عليه ؟!!!

[عبد الله عبد الله]

#1206236 [العمدة]
2.88/5 (4 صوت)

02-11-2015 03:25 PM
قلنا لك يا اشراقة ... أصلا مافى فطور - وجبة الفول ب 8 جنيهات × 30 يوم = 240 جنية .. أذن كم تبقى من الراتب ؟؟؟ وبذلك أعنى عامة الموظفين وليس خواصهم .. وأنا محتار بانوا أعرف موظفين رواتبهم محدودة جدا ورغم ذلك بنوا أفخم البيوت - وأبناؤهم الان بالمدارس والجامعات الخاصة بتكاليف باهظة جدا - ووضعهم المعيشى عال العال - من أين لهم .. لا أدرى .. وبالقياس مع مقولة د نافع ( من أراد أن يستوزر فعلية بالمؤتمر الوظنى ) نقول من أراد أن يعيش فعلية بالمؤتمر الوطنى

[العمدة]

ردود على العمدة
[جركان فاضى] 02-11-2015 07:45 PM
عامة الموظفين بيمشوا لى ستات البليلة التحت الشدر...هو انت قايل ستات البليلة دائما قراب من مكان العمل


#1206233 [قاضي إشبيلية]
2.00/5 (2 صوت)

02-11-2015 03:22 PM
هههههههههههههه

دي وزيرة و إلا رئيسة داخلية طالبات ؟؟؟

و بعدين الموظفين ديل لو قاعدين في مكاتبم بيعملوا شنو يعني ؟؟ خلوهم يطلعوا يفطروا و يقضوا أمورم الشخصية بالمرة ..

كنتي تكلفي مدير شئون الموظفين يوزع مذكرة إدارية داخلية بدل ما مقومة نفسك كده...

لطفك اللهم...

[قاضي إشبيلية]

#1206231 [الداندورمي.]
4.25/5 (4 صوت)

02-11-2015 03:17 PM
ينوبك ثواب نظمي مواعيد الشاي
والسجائر ،،،والسفه كمان.

[الداندورمي.]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة