الأخبار
أخبار إقليمية
المجمع الفقهى : مشاركة الفتيات السودانيات فى مسابقات الجمال انحراف عن الدين والمقاصد الشرعية
المجمع الفقهى : مشاركة الفتيات السودانيات فى مسابقات الجمال انحراف عن الدين والمقاصد الشرعية
المجمع الفقهى : مشاركة الفتيات السودانيات فى مسابقات الجمال انحراف عن الدين والمقاصد الشرعية


02-11-2015 09:18 PM
الخرطوم (سونا) - اكد مجمع الفقه الاسلامى ان مشاركة الفتيات السودانيات المسلمات فى المسابقات الاقليمية والعالمية للجمال تعتبر انحراف عن الدين والمقاصد الشرعية بل هى ممنوعة شرعا . مشيرا لفوز الكولومبية من اصول سودانية من منطقة حمبكول فى منطقة المحس بالولاية الشمالية التى تم تتويجها ملكة جمال كولمبيا بامريكا اللاتينية .
واعتبر د. عبدالله الزبير الامين العام للمجمع المنافسة فى هذه المسابقات تردي خطير للمقاصد والغايات الفقهية بل تخلي عن قيم المسلمين . واكد الزبير ان الحياة الشرعية تقوم على الانفصال الكامل بين النساء والرجال مشيراً الى ان الدين مجد المرأة وكفل لها كآفة حقوقها وامرها بالتخفي والتستر احتراما لدينها وهى محترمة في حيائها ودينها .
واضاف الزبير ان مايحدث الان فى الغرب من عرض لمفاتن المرأة كالسلع لايجوزه أى دين ولا يليق بالمرأة المسلمة داعيا المرأة المسلمة الى احترام دينها والعادات الحميدة لاهلها ومجتمعها .


تعليقات 39 | إهداء 0 | زيارات 9326

التعليقات
#1208228 [nefrtiti]
0.00/5 (0 صوت)

02-14-2015 06:07 PM
السلام عليكم ورحمة
الصراحه شكرا جزيﻻ لى صاحب المقال بس البت الفلصوره دى قديمه من 2007 والحمدالله اﻻنته متزكرا بس بتاعت كولومبيا واحده تانيه وياريت قبل ما تفتو وتتكلمو فارغه اسالو البنات ديل المسابقه كانت كيف وخلونا في حالنا سيبنا البلد تانى في شنو فعﻻ الناس دى عايزه بس تعمل موضوع وتوهو الشعب وشكرا لى اى شخص كتب عنها بالكويس أو الكعب

[nefrtiti]

#1207209 [هشومة .....]
0.00/5 (0 صوت)

02-12-2015 08:56 PM
بسم الله الرحمن الرحيم ...
أجمل حاجة إنها قادة النخرة ومركبة فيها فص .

[هشومة .....]

#1207188 [nagatabuzaid]
0.00/5 (0 صوت)

02-12-2015 08:10 PM
ان كانت سودانية او كما ذكر احد المعلقين انها ماسودانية واعتقد انها سودانية والموضوع تم وخلاص ومجمع الفقه مافى زول سالوا ولا دعوة له بها شخسيا ارى ان المسابقات التى تتطلب اخذ مقاييس معينة جسدية وبواسطة رجال لا تصح شرعا ولكن لا سلطة لمجمع الفقه على دولة بعيدة عننا وحتى البنت ان كانت سودانية مجرد مشاركتها توضح انها اندمجت فى البيئة حيث ولدت او نشات يا مجمع الفقه بناتنا بتسللن بمعرفة ومساعدة عاملين فى وزارة الداخلية لممارسة الرذيلة فى دبى ويا مجمع الفقه وزارة الوزيرة الزغرادة تسهم فى تصدير بناتنا لشركات الرذيلة فى الول العربية ويا مجمع الفقه هل انتم على علم ودراية عن مصير من ارسلتوهن للعمل خادمات منازل ؟؟ وهذه لاول مرة فى تاريخ السودان بوجودكم ومباركتكم ويا مجمع الفقه نحن كسودانيات نشانا على ان صوت المراة عورة فما رايكم حفظكم الله فى زغاريد حريم الكيزان فى السفارة السودانية فى الرياض احتفاء برئيسهن وبحضور بعولتهن واجانب اخرين ام ان لديكم فتوة تبيح الزغاريد امام الرئيس ولا عورة امام الرئيس ؟؟ وما رايكم فى زغاريد وزيرة وزارة تصدير البنيات لممارسة الرذيلة لحميدتى ام ان الزغاريد لحميدتى على مسمع الرجال مباحة ؟؟ وما رايكم فى سفر سيدتكم الاولى بطائرة خاصة بدون محرم لتهريب اموالنا ؟؟ انظروا سيدتكم ارتكبت كم موبقة ؟؟ يا علماء لا دعوة لكم بالبنية ملكة الجمال هذا شان يخصها وليست فى بلدكم المنكوب بكم والله سبحانه وتعالى هو المسؤول ان يحاسبها ان كانت مسلمة وان يهديها وهى افضل منكم جميعا لم تسرق لم تكذب لم تبهت لم تكجم اغاثة ما مشغولة بالناس مالكم ومالها اتركوا الخلق لخالقها

يكونوا هسع كلهم ينظروا ويتاملوا الصورة وكل منهم يمنى النفس ان تكون حرمه والعندهم رباع يكونوا بفتشوا فى سبب ينزلوا واحدة لافساح الخانة ويسمممممممممممممكم

[nagatabuzaid]

ردود على nagatabuzaid
United States [ود السرور] 02-13-2015 06:53 PM
يا نجاة البنية عجبتك ولا شنو؟ ا


#1207105 [WATANI ADEEL]
5.00/5 (1 صوت)

02-12-2015 05:46 PM
الجفلن خلوهن اقرعو الواقفات

[WATANI ADEEL]

ردود على WATANI ADEEL
European Union [السهم] 02-13-2015 06:54 PM
ليه نخلي الجفلن؟


#1207001 [adil a omer]
5.00/5 (1 صوت)

02-12-2015 02:33 PM
طيب ناس حسين خوجلى ممكن يشاركوا ؟؟

[adil a omer]

#1206980 [محمود سعد]
3.00/5 (2 صوت)

02-12-2015 02:16 PM
مع احترامي للاخوه الشيوعيين والملاحده الزول دا كلامو صاح بس انتو دايرين الفساد الذي دا عشان كدا بتنطو

[محمود سعد]

ردود على محمود سعد
European Union [السهم] 02-13-2015 12:55 PM
شكرا للأخت نجاة ردت عليك (خليك محمود وسعد) يأ اخي ما دخل الشيوعيين في ردنا عليهم وبعدين كلمة (ملاحدة) دي كثيرة جدا جداً لو كنت فعلا محمود وسعد؟؟

ونحن يا اخ والله ما شيوعيين لكن لو الشيوعيين سيئين لهذه الدرجة اقرع ناسك اولاً فهم يتعاملون مع الصين ويموتون حباً فيها ومع روسيا وبعد دا تقول الشيوعيين كعبين ؟

والله انا بعرف اخ شيوعي في الحزب الشيوعي رسميا وبتعامل معه لكن والله يا محمود هو من اروع ما رأيت من انسان وراقي جداً خلقا وخلقاً وتقديرا وسمتا وكلاماً بل يزن عشرين الف من الثعالب وأبناء آوى.

وازيدك من الشعر بيت نحن عارفين كلام الراجل صاح وهذه الفتوى يعرفها الصغير قبل الكبير ولو سألت امي الحاجة فاطمة بت الحسين وقلتها يا حاجة رأيك شنو في الموضوع دا؟ لأجابت لأن الحلال بين والحرام بين إلا أن ردود غالبية المعلقين كان بسبب استهجانهم على الذين يتركون الفساد ويتركون ما يجري تحت اعينهم من الم وظلم ويمشى يفتى في حاجة حصلت في امريكا اللاتينية ؟

والان يا اخ محمود ود سعد اطلب منك شاكراً ومقدراً أن توصل هذه الرسالة الى اللجنة والى مجمع الفقه الإسلامي ولا هيئة العلماء.

أبلغ اللجنة أن يصدروا لنا رأياً واضحاً لا لبس فيه عن قيام الحكومة بقتل 200 متظاهر في شمبات وغيرها في هبة سبتمبر 2013م ولم تقم الحكومة حتى الآن بطلب العفو من اولياء الدم كما لم تقم الحكومة بالقصاص من القاتلين ولم تقم الحكومة بدفع الديات.

مع العلم ان الدستور الذي كتبوه بأيديهم يجيز التظاهر للتعبير عن حاجات تمس معيشة الناس وحياتهم او التظاهر لإيصال صوتهم الى الرأي العام والحكومة.

انا حملتك هذه المسؤولية وارجو ان تبقى قدرها وتبلغها الى مجمع الفقه او مجلس العلماء فإن للقتلى اهل واصحاب واباء وامهات محروقات الحشى حتى الان يبكينهن بدمع العين والم القلب وحرقة الفؤاد؟؟

[nagatabuzaid] 02-12-2015 07:02 PM
جنكم الشبوعيين كان ما دخلتوهم متل الملح فى الطعام والبقدونس وسط الخضار ما بتستريحوا وتعليقاتكم بالنسبة لكم بتكون شتراء ومسييييييخة . اقسم بالله انا ماشيوعية لكنى بحترمهم لانهم محترمين اكثر منكم وبخافوا الله اكثر منكم الشيوعية بالنسبة لهم نهج وليست عقيدة وبعرفوا ربهم اكثر منكم وما حرامية وما كضابين وما شوارعية وكل واحد منهم معروف ود منو ؟ وما زناة وما فيهم زير نساء وما شغالين بكم زى ما انتم شغالين بهم انتم كيزان متاسلمين وكرور ساكت هسع متصابى ومراهقى مجلسكم كان لقوا طريقة كانو اتزاحموا على خطبتها ودفقوا ليها قروشنا وذهبنا
كدى امشوا اقروا واطلعوا زى الشيوعية ومافى ملاحدة غيركم ان كنت عارف معنى الكلمة وغصت فى معناها العميق ستجدها منطبقة عليكم الخالق الناطق


#1206972 [هديـــل]
5.00/5 (1 صوت)

02-12-2015 02:07 PM
التردي الخطير للمقاصد والغايات الفقهية و التخلي عن قيم المسلمين هو استمرارية وجودكم يا تجار الديــن و الويل لكم

[هديـــل]

#1206964 [ود بري]
5.00/5 (3 صوت)

02-12-2015 01:56 PM
نفسنا نسمع حاجة كويسة عن السودان .. في أي مجال

[ود بري]

#1206960 [راقص براهو]
5.00/5 (2 صوت)

02-12-2015 01:52 PM
هل يجوز للبشير ان يرقص مع جوغة نساء كما هو حاصل لما لا تفتوا في ذلك حلال عليه وحرام على غيره

[راقص براهو]

#1206933 [احمد ابو القاسم]
4.00/5 (3 صوت)

02-12-2015 01:17 PM
لن تدرك الاله حتى تدرك الجمال , ولن تدرك الجمال حتى تدرك الكون , ولن تدرك الكون حتى تدرك الانسان , ولن تدرك الانسان حتى تدرك ذاتك , حتى تتحكم في مشاعرك , حتى تكافح مساوئ شخصيتك , حتى ترفع من سقف أهدافك , حتى تبتسم لهذه الحياة , حتى تحب الحياة , هنا تدرك الجمال .

حب الجمال مرتبة لا يتم الوصول اليها بسهولة , مرتبة تفيد الانتقال الى كائن أسمى الى الكائن المتسامي , وبين السامي والمتسامي حرفان أحرقا الحلاج وقطعاه الى أجزاء فهو القائل سبحانك ما أعظم شأني ! .

يارئيس وأعضاء مجمع الفقه الأسلامي يابهايم يابرابره ياهمج البت جميله رغم انوفكم ونحنا فخورين بيها
وهي تجلس علي عرش الجمال يحيط جيدها اسم السودان والا ماشايفين الله يعميكم عن الجمال والجميلات عشان
ماتزاحمونا فيهن .

يكفيكم ايها المنحرفين اخلاقيا والشواذ جنسيا مااغتصبتم من حرائر دارفور ومن بنات صغار في الخلاوى
أنتم شبه الجقه بدرية حواجب ترزية الدساتير وشبه ساميه محمد احمد الشهيرهبساميه شلوفه وكذاك انتم
شبه عفاف تاور الشهيره بآدم المكوجي هذا هو الجمال الذى تعرفونه مالكم ومال الكولومبيه .

[احمد ابو القاسم]

#1206908 [تاج السر الامين]
5.00/5 (8 صوت)

02-12-2015 12:44 PM
وممارسة الزنا من البلدوزر ل4 فتيات في شقة مفروشة في نهار رمضان يا ربي حلال ولا حرام شرعا .....لم نسمع صوتك في هذه الحادثة التي هزت اركان السودان يا دكتور عبد الله الزبير الامين ويا مجمع الفقه اللااسلامس ......تفوووووو عليكم يا اهل الافك.....

[تاج السر الامين]

ردود على تاج السر الامين
European Union [ود بلادي] 02-12-2015 02:43 PM
يادكتور والمغتصب الجاهو العفو من رئيس الجمهورية , مشاركة البت وفي كولومبيا حاجة شخصية ولاتهمنا كتير ممكن تورينا وين المشروع الحضاري السوداني والشريعة يادكتور


#1206882 [Heron]
5.00/5 (6 صوت)

02-12-2015 12:28 PM
يا مجمع الفقه الاسلامى أفتوتنا في الفساد الحاصل في البلد ورونا كيف تتم محاكمة آكلي المال العام والمتاجرين باسم الدين.اليست هذه قضايا تهم الناس وتخدم مجتمعنا. دعونا من سفاسف الامور.ديكم وديك...

[Heron]

#1206879 [سودانى]
5.00/5 (3 صوت)

02-12-2015 12:23 PM
قال وأمر المرأة بألتخفى والتستر, يكون كويس لو ريحتونا من سموية بألتخفى والتستر بتاعتكم دى, قوموا لفو يا جهلة!

[سودانى]

#1206841 [freedomfighter]
5.00/5 (3 صوت)

02-12-2015 11:27 AM
لا والله اكل اموال الناس بالباطل دا ياهو الدين!

[freedomfighter]

#1206837 [سامي]
3.50/5 (2 صوت)

02-12-2015 11:21 AM
الجمال موجود فى كل مكان لكن الجمال الاصلي في السودان

عشقوا الجمال الزائف المجلوبا وعشقت جمالك الموهوبا

[سامي]

#1206833 [ود عدلان]
5.00/5 (4 صوت)

02-12-2015 11:13 AM
سيبكم من الكلام الفاضي و الله البنت آخر حلاوة

هيئة عملاء السلطان مطلوب منها ابداء رأيها في الامور الكبيرة مجرد رأي فقط في الحروب التي يشعلها النظام في اطراف الوطن و الفساد المستشري من قمة هرم السلطة الي اسفلها و الاقنصاد المنهار و الصرف البذخي علي زبانيىة النظام و المهرجانات الدعائية الرخيصة تبديدا لموارد الشعب المحدودة والاغتصب ال>ي يمارسه الدستوريون وجنود النظام علي القاصرات و الظلم الماحق من نزع اراضي الموطنين و فرض الجبايات و الاتاوات التي تتقزم دونها ممارسات التركية السابقة

هيئة عملاء السلطان يتحسسون سيوفهم كلما رأووا موضعا للجمال, ذلك لأن صانع القبح لم ولن يعطي أو يروق له جمالا وفاقد الشيء لا يعطيه

[ود عدلان]

#1206820 [طبيز جاااكم]
5.00/5 (3 صوت)

02-12-2015 10:55 AM
ياعلماء الحيض والنفاس الله يخسف بيكم الارض يامعفنين يامصقرطين شغلتكم كلها نسوان يامعقدين وكمان لاحقين البت فى كلوبيا يارمم ياخى عينكم فى القصور والعمارات والفساد مستشرى زى النار فى القصب ياجبناء الاسبوع الفات قاضى كوز **** يحكم على امراه بى الجلد وعدد غير محدد كمان؟؟؟ وبواسطة عسكرى ولا ليس امراة وين انتو من الفتوى دى؟؟؟ بس فالحين فى الختان وملكه جمال والامور التافه الزيكم؟؟؟

[طبيز جاااكم]

#1206737 [منصور]
0.00/5 (0 صوت)

02-12-2015 09:33 AM
ياخي الجمال دا وجعتو راسنا

[منصور]

#1206725 [سراجا الدين الفكى]
3.50/5 (2 صوت)

02-12-2015 09:23 AM
الجمع الفقهى معرف فى كل الدول العربية والاسلامية انة جسم فى غاية من الاهمية لاتصلح البلد الا بوجودة, ولة مسؤليات جسام.
لكن مجمع الفقهى السودانى دة , انا بشبهه بنادى ونادى ليلى كمان, ليس لة اعتبار ولا مهام, وليس له اى وجود فى المجتمع السودانى, كل مايفعلة "اجتمع وثبت هلال شهر رمضان" بعد ما يتلقى خبر ثبوت الشهر كل السودانين من الاذاعات والفضائيات العربية والاسلامية, عندما يثبت المجمع الليلى هذا شهر رمضان الكريم للسودانين, يكون الشهر قد ثبت للسودانين قبل النادى. والسبب لانة كلة من زمرة النظام الفاسد, وكل اعضاء هذا المجمع اى كلام من رئيسهم صاحب مصانع الزيوت بام روابة, ووزير الاوقاف السابق لهذا النظام الفاسد.
قال. المجمع شنو؟؟؟ (مشاركة الفتيات السودانيات فى مسابقات الجمال انحراف عن الدين والمقاصد الشرعية), اول شئ دليلكم شنو؟؟؟؟؟؟؟؟؟؟؟؟؟؟ ثانى شئ دى شغلة من ليس لة شغلة.
ياعجائز ماتقوموا تشوفوا ليكم شغلة تنفعكم. خلاص ماعندكم شغل, وافتيتم فى الشابة السودانية ان لا تشترك فى مسابقة ملكة الجمال, دى شغلتكم دى شغلتكم دى شغلتكم, يامخلفات النظام الفاسد, يافاسدين يافسقة, وانا على يقين بكرة نسمع انكم "ضربتو" "خمشة" من القروش والموضة السائرة هذه الايام والتى اصبحت سمة قرينة بهذا النظام الفاشل بكل اركان الفشل الزريع. قوموا شوفوا ليكم شغلة تنفعكم, وانى لكم من الناصحين.

[سراجا الدين الفكى]

#1206723 [المشروع]
4.99/5 (9 صوت)

02-12-2015 09:20 AM
شكرا مجمع الفقه قبلنا فتواكم ومشكورين عليها ولكن بس اريد ان تفتونا مأجورين؟
1- هل يجوز لجهاز الامن تعذيب المواطنين المقبوضين في قضايا سياسية ؟
2- هل زار مجمع الفقه اماكن احتجاز المعتقلين في جهاز الامن ؟
3- ما رأي مجمع الفقه في الانتخابات المعروف نتيجتها
4- ما رأي المجمع في قضية مكتب الوالي ؟

[المشروع]

ردود على المشروع
United States [القول الحسن] 02-12-2015 06:30 PM
وما رايه في
اكل اموال الزكاه
الفساد والسرقة والاختلاس الواضح
الحصانه للمسؤولين
الكذب على الشعب
الفصل التعسفي
الخ الخ


مافي زول شغال بيكم اكلو رواتبكم الحرام واسكتو

[Delux] 02-12-2015 10:57 AM
اضافة الي ذلك ما هو رأي مجمع الفقه في اغتصاب 200 امراءة في قرية تابت في شمال دارفور


#1206706 [جنو منو]
5.00/5 (2 صوت)

02-12-2015 09:04 AM
كدى ورونا شيخ دفع الله ختان افتى قال شنو ..

[جنو منو]

#1206605 [abubaker]
5.00/5 (3 صوت)

02-12-2015 07:48 AM
نسألك بالله العلي العظيم اذا كنت كاذبا على هذا السؤال ان تموت على سؤ الخاتمة هل شريعة الانقاذ شريعة اسلامية وكم نسبة أسلمتها% من شرع الله ؟

[abubaker]

#1206590 [ابراهيم الناظر]
5.00/5 (2 صوت)

02-12-2015 07:34 AM
الجماعة ديل ربنا يسترها معاهم، الواحد يديك احساس انو طلع حسي من كهوف العصر الحجري.
الحاصل حاليا في العالم هو عولمة يقودها راس المال، الشركات البترعى المسابقات ماعندها مشكلة مباشرة مع الاسلام، هي عندها منافع شتى من تنميط الناس بي نمط استهلاكي اشان امورم تمشي.
واشان تحافظ على ناسك وماتبقى من اخلاقهم "ان وجدت"، انت داير عقل متفتح يقبل الحوار، وعندوا القدرة على الاقناع، للاسف جماعتنا الطيبين هم ذاتم مامقتنعين بي القضية وعارفين انو البيتقال كلام جرايد وتحليل مرتبات ساي، والا بتنا الله يهديها ملكة جمال كولومبيا هل حتسمع وتنصاع لتحريمات مجلس علماء السلطان في العاصمة الخرطوم.
على نسق بركة ساكن ديل فقهاء الخراب

[ابراهيم الناظر]

#1206587 [ود يوسف]
5.00/5 (5 صوت)

02-12-2015 07:29 AM
أولا دي خلت ليكم البلد ومشت كولومبيا ، وبرضو لاحقنها ...
ثانيا (( واكد الزبير ان الحياة الشرعية تقوم على الانفصال الكامل بين النساء والرجال )) جبت الكلام دا من وين ، في زمن الرسول ( صلى الله عليه وسلم ) النساء كن يبعن ويشترين من الأسواق ويذهبن مع المقاتلين في المعارك ، شوهتم علينا ديننا قاتلكم الله ...
حسبنا الله ونعم الوكيل ...

[ود يوسف]

ردود على ود يوسف
[nagatabuzaid] 02-12-2015 07:25 PM
يكونوا هسع يا ود يوسف يتطاقشوا يفتشوا فى درب سفارة كلمبيا بوين ؟ للتاشيرة والسفر لطلب يدها للزواج وكل واحد داسى من التانى واولاد البشير عمر وعبد الله باقى لى هسع عبد الله وصل وطردوه شر طردة ويلاقوه فى السكة راجع


#1206559 [سوداني ود بلد]
5.00/5 (6 صوت)

02-12-2015 05:36 AM
ياناس مجمع الفقه دعكم من سفاسف الأمورهذ ونريد ان نسمع ونقرأ فتاويكم في الفساد المستشري بين قادة الدولة وفي القانون الذي يشجعون به الفساد ويحمون به المفسدين ويسمونه "التحلل" ؟

[سوداني ود بلد]

#1206545 [hasan kosty]
5.00/5 (2 صوت)

02-12-2015 03:17 AM
انا نريد ان نري الموْتمر الوطني والحركة الاسلامية زراع الموْتمر الوطني قدوة لنا في تطبيق المنهج الاسلامي حتي يقتدي بهم الاخرين,ثم بعد ذلك ندعوا الاخرين الشاذين عن دافعال ديننا الحنيف ان ندعوهم الي تصحيح مسارهم,,لكن لا يمكن ان اري اخرين غير ملتزمين بالمنهج يدعونني لان الدينم ليس صلاة وصيام فقط كما نراه عند كثيرين..(اتاْمرون الناس بالبر وتنسون انفسكم)نريد من الاخ الزبير ان يوجه نصحه للجميع بدون فرز لكل من ابتعد عن المنهج الاسلامي

[hasan kosty]

#1206543 [ZAHGAN]
5.00/5 (3 صوت)

02-12-2015 03:02 AM
If it is forbiden to look at beautiful woman ? is it ok to look at ugly ones ? what are we suppose to use our eyes for

[ZAHGAN]

#1206534 [ملك جمال]
5.00/5 (14 صوت)

02-12-2015 01:54 AM
إمام مسجد في خطبة الجمعة أخذ يحذر المصلين من رقص الشباب في الأعراس وحذرهم من ترك أبناءهم يمارسون رقص "الكاروشة" فسأله أحد المصلين قائلا وما هو الكاروشة يا شيخنا فعض الأمام ورقة الخطبة بأسنانه وأخذ يرقص على المنبر قائلا هكذا يا عباد الله.

طيب الجماعة ديل من وين عرفوا إنو في كولومبية من أصل سودانى فازت بجائزة ملكة جمال؟؟ أظن الشيوخ ديل بفتشو في النت أكثر مننا.

[ملك جمال]

#1206533 [أنصاري]
5.00/5 (1 صوت)

02-12-2015 01:54 AM
ورأي الأشياخ عالمات القصر المهداة من (الحزب الشيوعي الصيني)؟! .. شنو في كلام فرعون السودان.. التحت دة


قال : نحن فرطنا في سماحة أهل دارفور وسماحة الأعراف.
07-23-2013 06:41 AM
الخرطوم - إعترف الرئيس عمر البشير بان حكمه شهد ظلماً خيم على البلاد ، تسبب في في الجفاف وتأخر نزول الأمطار، وبدى الرئيس نادماً للمرة الأولى وهو يتحدث عن الدماء التى اريقت في دارفور وقال: نحن فرطنا في سماحة أهل دارفور وسماحة الأعراف، ودماء بعضنا البعض؟.

وتجمع مساء الاحد عشرات المسئولين النافذين في الحكومة على مائدة رمضانية دعا لها رئيس السلطة الإقليمية لدارفور التجاني سيسي بمنزله الفخيم في ضاحية كافوري ، تقدمهم الرئيس عمر البشير، وشارك في الافطار عدد كبير من اعيان اقليم دارفور.

وقال البشير- الذى ابتدر كلمته بمداعبة للسيسي بأنه أستاذه ودرسه- أننا جميعاً نسعى للعتق من النار في هذا الشهر، ونسأل الله أن يستجيب دعاءنا.

غير انه سرعان ما استدرك قائلاً: كيف يستجيب الله لدعائنا ونحن نسفك دماء المسلمين ودماء بعضنا البعض،ونحن اعلم بأن زوال الكعبة اهون عند الله من قتل النفس.

وزاد بأنه بحث ووجد أن كل شيء له عقوبة في الدنيا، ماعدا قتل النفس المؤمنة فإن عقوبته في الآخرة.

ثم عرج البشير ليقول أن هناك ظلماً مخيماً على البلاد تسبب في الجفاف وتأخر نزول الأمطار، وتساءل كيف نسأل الرحمة وأيدينا ملطخة بالدماء؟ .

واتهم الرئيس ما اسماها باليد الثالثة بالتورط في الاقتتال القبلي في دارفور، وطالب الحاضرين من أبناء دارفور بالتواثق ورفع أيديهم وأداء القسم.

ودعاهم للترديد خلفه "كتاب الله جاكم أقسموا وقولوا نحن مع السلام وضد الحرب"، وأضاف: (ما عايزين زول من برا ينصحنا بنحل مشاكلنا برانا).

ودعا البشير أهل دارفور بأن يصدقوا النوايا، وقال: (هل نحن صادقين عندما نسلم على بعضنا البعض أم أننا ننافق بعضنا)؟.

ووعد البشير بأن يقدم مؤتمر التعايش السلمي المزمع عقده في دارفور خلال الفترة المقبلة حلولاً ، مشددا على انه (سيكون مؤتمرا حقيقيا ونحن نقسم بأن نعمل كتيم واحد).

وقال البشير إن الدماء التي اريقت في دارفور أسبابها لا تستحق ذبح الخروف ناهيك عن قتل النفس، داعيا أبناء دارفور للتواثق بصدق والعمل من أجل السلام والاستقرار".

وأضاف نحن فرطنا في سماحة أهل دارفور وسماحة الأعراف، وأعتبر السودان بوتقة أفريقيا بالتسماح، وقال إن الصراعات القبلية فيها عنصر ثالث مخرب يثير النعرات" داعياً إلى مراجعة الذات في شهر رمضان.

من ناحيته ركز رئيس السلطة الإقليمية لدارفور التجاني سيسي في كلمته على ضرورة إيقاف إزهاق الأرواح في القتال القبلي في دارفور.

وقدم السيسي سردا تاريخيا لبداية الاقتتال معيبا على بعض أبناء دارفور استخدام القبيلة في تحقيق مصالح ذاتية وشخصية.

وقال على الجميع بمن فيهم أنا أن يبتعدوا عن ذلك، وزاد إن كثيراً من الدماء تسيل من أجل تحقيق مكاسب شخصية كالاستوزار والتوظيف، محذراً من خطورة استخدام القبيلة في الصراعات السياسية.

واعرب السيسي عن تفاؤله بأن أبناء دارفور قادرون على رتق النسيج الاجتماعي، داعيا إلى التوحد ونبذ القبلية، التي اعتبرها مهددا لكل السودان وليس دارفور فقط.

و أقر السيسي بأن دارفور تمر بأزمة وتواجه تحديات أهمها الصراعات القبلية، وقال إنها تصاعدت وخلفت المئات من القتلى وأعتبرها مدعاة للوقوف .

ووصف الصراعات القبلية باللعينة وقال إن الصراع بدأ في كتم ومليط وامتد إلى منطقة جبل عامر، مشدداً على ضرورة حسمها واحتوائها.

وأكد عزم السلطة على عقد مؤتمر قبلي بإجراء المشاورات، وأعتبر الصراعات القبلية الممتدة أخرت مسيرة المؤتمر.

وقال ما إن يخمد صراع إلا ونشب صراع آخر، وأكد أن الصراعات القبلية تختلف عن الصراعات المسلحة.

ورهن نائب رئيس الجمهورية د. الحاج آدم، الحرب برغبة أو رفض الإدارة الأهلية في إيقافها، وأضاف يمكن للسلطات المحلية والإدارة الأهلية إيقاف الحرب القبلية.

وقال إن ملف دارفور أصبح في يد الرئيس شخصياً، منادياً الرئيس بدعم السلطة المحلية والولائية.

ودعا من اسماهم بالعاجزين عن القيام بدورهم الاستقالة، وتعهد بوضع يده في يد رئيس السلطة الإقليمية لإنهاء الصراعات القبلية.

مؤكداً جاهزية الأجهزة التشريعية والتنفيذية لبسط الأمن في دارفور، وطالب السلطات الولائية بالقيام بدورها، وقال ينبغي لكل مستوى من السلطة أن يقوم بمسئوليته.


سودانتريبون



----------------

كــــــــــــــــــــــــسرة:ـ "هالك"

*https://www.youtube.com/watch?v=VsmdmuDEj04

[أنصاري]

#1206531 [loody]
5.00/5 (4 صوت)

02-12-2015 01:52 AM
يا................... دى الفالحين ليها كل فتاويكم فى الفارغة و لو كنتو رجال ان قلتو كلمة الحق فى سلطان جائر لكن انتم وبل اسف اشباه رجال. طز فيكم وفى فتاويكم.

[loody]

#1206519 [الدنقلاوي]
5.00/5 (3 صوت)

02-12-2015 12:20 AM
مشيرا لفوز الكولومبية من اصول سودانية من منطقة حمبكول فى منطقة المحس بالولاية الشمالية التى تم تتويجها ملكة جمال كولمبيا بامريكا اللاتينية .

أبدا ما صاح .. رغم جهلي بهذه المسابقات لكن الفضول دفعني للبحث عما ذكر ووجدت التالي:
مس كولمبيا ةهي في نفس الوقت مس يونيفرس (ملكة جمال العالم) لـ 2015 هي بولينا فيقا ووالدها هو التينور (مغني أوبرالي) الأسطوري غاستون فيقا وأمها كولمبية خالصة ولا لها علاقة بامبكول ولا حمبكول.
وزي ما قالوا الأخوة ده ما المهم الفسوق السياسي لظلال اللع على الأرض والذي تعمى عنه مثل هذه الهيئات السلطانية

[الدنقلاوي]

#1206514 [صلاح إبراهيم]
4.75/5 (5 صوت)

02-12-2015 12:09 AM
جميلة ولونها سمح شديد

[صلاح إبراهيم]

#1206511 [عدو الكيزان وتنابلة السلطان]
5.00/5 (2 صوت)

02-12-2015 12:01 AM
مجمع الفقه قال..يامن بعتم الدين بالدنياوإشتريتم بآيات الله ثمناقليلا..يافقهاء القصور..إنتو ماسامعين وماشايفين الحكومة ومتنفذين السلطة بيظلموا ويسرقوا في أموال الفقراء والمساكين وشغالين ليل ونهار حرق وإغتصاب وتشريد للأبرياء والمساكين من المسلمين في كل أنحاء السودان..بس بقت على موضوع مسابقات الجمال..إنتو فاكرين نفسكم بتخدعوا ألله .. ربنا عارف إنتو بتعملوا في شنو, والشعب السوداني برضوا عارف إنتو بتعملوا في شنو..أصبروا كل أول ليه آخر,,

[عدو الكيزان وتنابلة السلطان]

#1206504 [المقهورة]
5.00/5 (4 صوت)

02-11-2015 11:25 PM
إن الله جميل يحب الجمال. نحن لا نثق فيكم يا جقور الانقاذ

[المقهورة]

#1206497 [الحقيقة مرة]
5.00/5 (3 صوت)

02-11-2015 11:00 PM
ان الله جميل يحب الجمال واذا كانت رؤية ملكات الجمال ذنب معناها رؤية بشة حسنة

[الحقيقة مرة]

ردود على الحقيقة مرة
United States [freedomfighter] 02-12-2015 01:04 PM
عمك سجارتك خطيييييييرة!

United States [لبني] 02-12-2015 03:53 AM
في الواتس المواطن صورة لواحدة بين سودانيتين ما بتشبه دي!!!


#1206483 [الداندورمي.]
5.00/5 (1 صوت)

02-11-2015 10:30 PM
يامجمع الفقه إفهق رقابكم السمينه ،،،دي
خليتوا إغتصاب السلطه والفساد والسرقه والنفاق
والكذب والتملق والقتل والتعذيب ،،،ده ما ،،،إنحراف للدين مشيتوا لحدي كلومبيا
والبت دي،،، الوداها ،،،كلومبيا شنو؟
والله ترفع طوبه تجد تحتها سوداني وده،،، كله بسببكم إنتم .

[الداندورمي.]

#1206480 [المتألم حتى العضم]
5.00/5 (2 صوت)

02-11-2015 10:21 PM
وانتو ماسكين فيهن جلد الليل والنهار وجاى تعملى فيها بتاع دين؟؟

[المتألم حتى العضم]

#1206475 [عصمتووف]
5.00/5 (4 صوت)

02-11-2015 10:04 PM
لو انت لا تريد ان تشاهد غيرك يريد لو انت تراها اباحة واثارة وقلة ادب هو مفهومكم هذه الحسناء المحسية لو كانت هنا ما تردد احد شيوخ الزنا لطلب يدها او يتلصلص ب النظر لمدافع مفاتنها الامامية وخطراتها الخلفية
ي معفنين دي علينا م اشتريتم الكتاكيت وتركتم الجداد

[عصمتووف]

#1206461 [مجنون]
5.00/5 (4 صوت)

02-11-2015 09:43 PM
بدل التفاهات دي اعملو على قوامة امير المؤمنين من جنس البسوي فيهو من بناء القصور الفاخرة وشراء العربات الرئاسية الفخمة والشعب جيعان وانتخابات من مال الشعب من ضرائب ةزكاة وجمارك والله ان لم تناصحوه لاخير فيكم قال ملكة جمال قال

[مجنون]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية



الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة