الأخبار
أخبار إقليمية
نافع علي نافع : "كان ما نشروا اسمي في الحسابات البنكية الله يسخطهم" - صورة وفيديو للذكرى
نافع علي نافع :
قصر إبنة نافع علي نافع


بعد تسريب وثائق الحسابات البنكية في سويسرا
02-12-2015 07:02 AM

الخرطوم - آدم محمد أحمد

تحدى نافع علي نافع، عضو المكتب القيادي بالمؤتمر الوطني، مسربي وثائق الحسابات البنكية في سويسرا، بإيراد اسمه ضمن الذين يملكون مبالغ إن كان موجوداً، وأضاف: "كان اسمي ورد وما نشرتوه الله يسختكم". في السياق نفى نافع وجود حوار سري مع المؤتمر الشعبي، واعتبر ما يجري من حوار في اﻹطار العام ضمن اﻵلية في الحوار الوطني المطروح، وزاد: "كان في حوار سري دايرني أحدثك بيه؟"، وأشار نافع إلى أن الوطني يتقرب من كل الأحزاب وليس حزباً بعينه، ولا شأن له بما يدور من خلافات بين "الإصلاح الآن والشعبي" وأضاف: "مالنا ومالهم نحن ما أوصياء عليهم"، وقال نافع إن التفلتات التي يشهدها الوطني لا تحتاج إلى "بندول"، ونوه إلى أن حزبه لديه آليات ولجان شكلها نائب رئيس الحزب تجري اتصالاتها بكل الناس.

اليوم التالي


.


تعليقات 23 | إهداء 0 | زيارات 15547

التعليقات
#1207195 [OMER ABDULLAHI]
5.00/5 (1 صوت)

02-12-2015 08:24 PM
سلام.
عادة حسابات اللصوص لا تكون بالأسماء الحقيقية...

[OMER ABDULLAHI]

#1207055 [Rebel]
5.00/5 (1 صوت)

02-12-2015 04:01 PM
* اللص نافع على نافع "يتبجح!", و هو "لا يدرى" اننا "ندرى"!!:
* و للعلم, فإن "معظم" اموال الشعب السودانى التى نهبها "اللصوص" حولت للامارات العربيه المتحده و مليزيا و تركيا..
* و المعروف ان هذه الدول مليئه ب"سماسرةالمال الإقليميين", و سماسرة "المؤسسات الماليه الدوليه" الذين هم دائما على استعداد لتحويل "اموال الغسيل" و "اموال المخدرات" و " اموال تجارة السلاح" و اموال "الحكام الفاسدين فى العالم الثالث" و اموال "تجار الحروب" (Blood Money), الى بنوك سويسرا و بنوك HBSC الإنجليزيه المنتشره فى 73 دوله حول العالم, و غيرها من البنوك العالميه, و فتح حسابات "فعليه" لهؤلاء اللصوص, و لكن "بواقع مختلف" و إجراءات "مختلفه" عن المألوف!
* إذ ان "الخيارات" المتاحه لهؤلاء "اللصوص" من قبل هؤلاء السماسره الدوليين, تتمثل فى فتح حسابات بنكيه لهم, و لكن ليس بإسم "المؤتمر الوطنى" مثلا, و لا باسماء افراد عصابة "الإنقاذ" الحقيقيين, و إنما تحت "ارقام سريه", او باسماء "افراد آخرين" او "منظمات خيريه!", يختارهم ذات "اللصوص" و يقدمون اسماءهم لهؤلاء السماسره لإستكمال إجراءات "فتح الحسابات",
* حتى الآن, التحقيقات كشفت عن حسابات ملياريه لاسماء معروفه مثل: محمد الخامس ملك المغرب, و عبالله الثانى ملك الأردن و الأمير سلمان بن عبدالعزيز من السعوديه...و التحقيق مستمر و سيكشف الكثير المستخب, يا نافع!!

[Rebel]

#1206992 [adil a omer]
4.50/5 (2 صوت)

02-12-2015 02:24 PM
كضابين جنس كضب انا قروشى كلها فلل فى السودان والباقى كاش فى ماليزيا

[adil a omer]

#1206989 [البطحاني البعفص ناشد]
0.00/5 (0 صوت)

02-12-2015 02:20 PM
ياناس نافع زول بهايم سااااي يكون فتح حسابات في بنك الثروة الحيوانية

قالواالحساب الفردي بتفتع بي غنمايتين و عتود


و الشركات بي زيبة ضان .


قال شنو ! (( "كان اسمي ورد وما نشرتوه الله يسختكم" ))


لا رنا كفيل بكل العباد يا عربجي اكتر من كده يسخت كيف

أمشي عاين في المراية يا أبو العفين عشان تتأكد

[البطحاني البعفص ناشد]

#1206968 [الرندوق]
0.00/5 (0 صوت)

02-12-2015 02:03 PM
الافاعي هي التي وضعت بيضها في سويسرا وانت يا نافع مصدقنك ولكن نعلم لكن اماكن اخري وانت من مصلحتك معرفة اساميهم لانكم لوبيات وكل يريد فضح عدوه

[الرندوق]

#1206856 [quickly]
0.00/5 (0 صوت)

02-12-2015 11:45 AM
ممكن تكون حسابات مموهة وعلى العموم حرامية الانقاذ احبث من ان يضعوا اموالهم في بنوك سويسرا وهي دولة ديمقراطية تتبع الشفافية في امورها دي عارفنا كويس
وعارفين كمان القروش البتنهبوها من البلد
بتودوها وين ياابو العفين ما تحاول تتشطر علينا

[quickly]

#1206832 [الفكي]
0.00/5 (0 صوت)

02-12-2015 11:13 AM
ارجى الرجيك يا وساخة الضان

[الفكي]

#1206804 [توتو بن حميده آل حميده]
5.00/5 (4 صوت)

02-12-2015 10:36 AM
سوار الدهب هذا معروف انه كوز - بس هو اصلا ميت اكلينيكيا منذ ثمانينات القرن المنصرم. الرجل عمره لا يقل عن المئة عام.. يعني الفكلتز بتاعته جزء منها معطل مثل الاحساس وغيره وجزء منها يعمل بأدنى مستوياته مثل السمع والتفكير وغيره - وجزء منها يعمل بمقدار ما يوديهو الحمام ويعيده للسرير مثل الارجل هذا هو سوار الدهب - جثه محنطه - في انتظار الدفن - كيف وهو بهذه الحاله يكلف بمهمه - بس هذا حال الكيزان ما عندهم قشه مره - بس ان كان لسوار الدهب هذا اسره عاقله عليهم حبسه بالمنزل وهو في هذه السن المتأخره جدا من العمر وتلقينه بعض الايات والاحاديث الخاصه بلحظات خروج الروح عسى ان تخفف عنه العذاب....

[توتو بن حميده آل حميده]

#1206776 [ود الجزيرة]
4.75/5 (6 صوت)

02-12-2015 10:14 AM
صدق الفارس ود عالم عندما قال لنافع (جدك يعلم أنك أسوأ من وطئت قدماه الأرض ) مافي زول واحد لقيته بحب نافع أو قال نافع دا نافع ( والده كان يسميه ضار ) كان يكون إسم على مسمى ( أخوان الشيطان ديل) قال ليك إبليس يسب ويلعن في اليوم الدخلو السودان ( الجماعة قعدوا أبليس وجماعته عطاله) مالقين شغل أخوان الشيطان قايمين بشغلهم تمام وزاحموا إبليس ( عليكم الله البحصل في جبال النوبةده في بشر بيعملوا غير الجماعة ديل) الآن تبين لي جليا أن داعش وكل ما يسمى بإسلامي هو من تحت رأس ما يسمى بالأخوان المسلمين ) أي شيء فاسد في الدنيا عملوه إنشاء الله ربنا يقتلهم ويعجل برحيلهم عاجل غير آجل يارب

[ود الجزيرة]

#1206774 [البريد السريع]
4.99/5 (12 صوت)

02-12-2015 10:12 AM
هو انت ياالعربى شن خبرتك بسويسرا بكونو ناس الخطيب وغندور ماكلموك بيها .انت القروش النهبتها سويتها بهائم قدر عرفتك يامقطع.

[البريد السريع]

#1206773 [شارع الموردة]
4.88/5 (6 صوت)

02-12-2015 10:09 AM
المثل بقول ( الفى بطنه حرقص براهو برقص)

[شارع الموردة]

#1206753 [نيض التعب]
4.86/5 (8 صوت)

02-12-2015 09:47 AM
بعيداً عن صُلب الخبر ، لكن يصب في بحره .. اليوم عبدالرحمن سوار الذهب (بائع إنتفاضة 6 أبريل 85 للجبهة الإسلامية) أقسم بالله أنه متى ما عرف أن أموال إنتخابات المؤتمر البطتي تمت من خزينة الدولة فإنه سيتقدّم بإستقالته من رئاسة اللجنة الخاصة بحملة ترشيح البشير الحقير .. وبدوري أقول لسوار الذهب: ما تحلف بالله كذباً ، فأنت عارف والرقّاص السفاح عارف ، والشعب عارف ، وكل الدنيا عارفة إن تمويل إنتخابات حزب السفاح طالعة من أموال الوطن المنكوب ، والكيزان عارفنك زول إنتهازي وإنتفاعي أكتر من الما نافع نافع علي ضار ، الكذب أصبح الماركة المسجلة لديكم .. نافع (مغتصب الرجال) يتحدث عن الأخلاق .ز وأنت (مغتصب ثورة الشعب) تتكلم عن النزاهة والشرف .. هانت يا حرامية .. والحساب ولد يا كهنوت.

[نيض التعب]

#1206752 [سائحوووووون]
4.75/5 (6 صوت)

02-12-2015 09:47 AM
يا نافع داير خرط بيوتك وبيوت اولادك ناس نسيبة واخواتك ناس برى مربع 6 والبقية الباقية ننزلها ليك بمساحاتها و صورها ومبانيها...نحنا جاهزين و خلينا نبدى بسرايتك بتاعة برى مربع 5 ومن اين لك هذا يا بتاع كلية الزراعة؟؟؟؟ وكله مرصود وقطعان الشرق و مزرعة سوبا و تجارك الشغالين باموالك بتاعة السحت بتاعين الجزيرة والشمالية ونهر النيل والدمازين و بتوع العملة....كله موجود و مرصود

[سائحوووووون]

#1206721 [أبو أحمد]
4.75/5 (3 صوت)

02-12-2015 09:17 AM
أكيدإسم نافع ما حيكون في القائمة لأن أمواله كلها حايمة بكرعيهاأغناماوأبقارا في سهول البطانة والجزيرة تحرسهاالقوات النظامية بالكلاشات واللاندكروزرات ونافع بدوي قح لا يتعامل حتى مع البنوك المحلية وأسألوا أهله أولاد العمدة ناس تميد النافعاب الباعوا أراضي الحيازة في حطاب.

[أبو أحمد]

#1206708 [المشروع]
5.00/5 (2 صوت)

02-12-2015 09:05 AM
نحن عارفين ما فيكم واحد بخت قروشوا في سويسرا امال ماليزيا وتركيا قاعدة تسوي شنو؟ والبيوت والخزن المصفحة في تم بنيانها ليه؟

[المشروع]

#1206675 [سراجا الدين الفكى]
4.00/5 (2 صوت)

02-12-2015 08:41 AM
يانافع ياوهم كدى خلينا من مؤتمر زفت والكلام الفارغ البتسوى فية حياتك كلها, نعلت الله عليك وعلى المؤتملر الزفت والشعبى وكل الاوساخ والكناسة هذه.
يانافع "والعمرك ماتنفع" وماتاخدنا فى دوكة, مسألة القروش فى البنوك السويسرية ووثائقكم كلكم المسربة من البنوك السويسرية, قصتها شنو, ماتتزاوق علما بانك من طبعك جبان ودائما حايدا من الحق, يازمرة الحرامية والقرصنة البرية, الان هنالك سؤال يفرض نفسة تماما, ماهو سر هذه الحسابات البنكية بسويسرا؟؟؟؟؟؟ والكل يعلم بامر حسابات المؤتمر الزفت المحولة لبنوك سويسرا وماليزيا و غيرها.
بعدين انت ماتخاف الله؟؟؟ نعم انت ماتخاف الله, نعلم ذلك, لان من يخاف الله لايفعل ويعمل عمائلكم هذه, وبالمكشوف. انت يامانافع تتكلم عن سخت الله؟؟؟؟ وانتم كلكم يازمرة الفسدة والفسقة والحرامية تتكلمون على سخت الله, اولا: انتم اؤمنوا بالله ثم من بعد تكلموا عن سخت الله, وانت وكل جماعتك الله ساختكم تماما, واعلم قول الله اعز من قال "ومن كان فى ضلالة فيمد لة الرحمن مدا", وبعدها ياخذكم اخذ عزيز مقتدر ونعم بالله.

[سراجا الدين الفكى]

ردود على سراجا الدين الفكى
European Union [سراجا الدين الفكى] 02-12-2015 12:04 PM
شكرا جزيلا ياابوقرجة, والله يديك الصحة والعافية يارفيق النضال, اعزك اللة وعزنا بك ياحبيب.

[أبوقرجة] 02-12-2015 10:57 AM
الله يديك العافيه ويطول عمرك ياخي .. كلامك جميل جميل.. وانا كنت عايز أقول كده ... بس أنت سبقتني ... سلام


#1206671 [A. Rahman]
5.00/5 (2 صوت)

02-12-2015 08:39 AM
يا نافع بطل الطلع و الخوف، مافي اسماء ستنشر، القضية بتاعة HSBC متعلقة يتهرب من الضرائب و ربما بالتعامل مع دول مقاطعة. يعني ما عندها علاقة بي منو و عنده كم، فهمت يا استاذ الجامعة؟ بعدين انت حرامي ترك عايزة ليها دليل؟ بيت ابنتك و المزرعة براهم كفاية عندما تحين ساعة الحساب.

[A. Rahman]

#1206660 [امتي يا امة الامجاد]
4.97/5 (7 صوت)

02-12-2015 08:32 AM
أسمك يجيبوه ليه شنو
انت عايز شهادة انك مهم
وانك مقصود من الصليبية العالمية والصهيونية
فوم لف ما بتلقاها
اللي زيك يا نافع لا يتعدي فهمه الاستثماري
بناء قصور وشراء غنم وبقر علشان كده قروشك كلها في السودان
وده بالظبط العايزنوا نحن علشان بعدين بعد ما يدخل العود
بحكم محكمة واحد بنشيل كل المليارات الموجودة
يا زبالة

[امتي يا امة الامجاد]

#1206654 [شمسي]
4.94/5 (6 صوت)

02-12-2015 08:29 AM
الحرامي في رأسو ريشة

[شمسي]

ردود على شمسي
United States [الليل] 02-12-2015 09:25 AM
ابلغ رد


#1206629 [shah]
4.88/5 (4 صوت)

02-12-2015 08:10 AM
بإبتلاءنا بى الزيك ديل الله يسختنا أكتر من كده كيف يعنى؟ ... تاكل مال الحرام وعينك أقوى من الخرصانة المسلحة.

[shah]

#1206628 [زول]
5.00/5 (2 صوت)

02-12-2015 08:08 AM
الله يسخطك انت على العليك

[زول]

#1206616 [وحيد]
4.96/5 (7 صوت)

02-12-2015 07:59 AM
لو افادتنا نافع من اين اتى بعشرات الالف القطعان التي تمرح في البطانة و تحرسها مليشيات مسلحة بعربات لاندكروزر ... و هم مع اخيه و زبانية جهاز الامن من قتلوا مواطنا بريئا تحت التعذيب بدعوى ايوائه لصوص ... لو اخبرنا من اين له ذلك و هل ورثه من ابيه ام تحصل عليه من وظيفته كمساعد تدريس في الجامعة ..

[وحيد]

#1206599 [عقلي طار]
4.94/5 (5 صوت)

02-12-2015 07:43 AM
يقال والله اعلم قروش الكيزان راكضة في بنوك ماليزيا. ثم بطل السودان الباشمهندس محمد حسن عالم بوشي
قال ليك في عينك عن عمارات شاهقة في برى وعن قبول خاص لاولادك في الجامعات ليه ما رديت عليه

[عقلي طار]

ردود على عقلي طار
[ابوماجد] 02-12-2015 04:55 PM
ماتمشو بعيد ابراج دبي دى فيها عدد مقدر للجماعة زى عوض الجاز يمتلك ثمانية ابراج مثال واحد فقط؟



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |الصوتيات |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة