الأخبار
أخبار إقليمية
ضبط 26 قنطار حشيش بمنطقة الردوم جنوب دارفور
ضبط 26 قنطار حشيش بمنطقة الردوم جنوب دارفور
ضبط 26 قنطار حشيش بمنطقة الردوم جنوب دارفور


02-15-2015 10:58 AM
نيالا: الفاضل إبراهيم
ضبطت شرطة مكافحة المخدرات بولاية جنوب دارفور شخصين بحوزتهما كميات كبيرة من المخدرات (البنقو) بمنطقة الردوم الحدودية وقال مدير شرطة الولاية اللواء أحمد عثمان محمد خير في تصريحات صحفية أمس بنيالا إنه وبعد ورود معلومات بوجود كميات كبيرة مخزنة بالمنطقة تحركت قوة من شرطة مكافحة المخدرات بالولاية إلى الردوم وتمكنت من إلقاء القبض على اثنين من المتهمين بحوزتهم عدد (13) ألف رأس من الحشيش (البنقو) ما يعادل (26) قنطار إلى جانب كميات كبيرة تحت التصنيع وعدد (2) موتر وواحد بندقية كلاشنكوف وكميات من الذخائر ولفت محمد خير إلى أن شرطة المكافحة قامت قبل أيام بحملة مماثلة صاحبتها محاضرات توعوية للمواطنين بغرض تبصيرهم بمضار وآثار المخدرات على المجتمع لجهة أن المواطنين هناك يتعاملون مع زراعة البنقو وكأنها زراعة عادية لبساطتهم وجهلهم بالآثار الكبيرة التي تخلفها وسط المجتمع مشيراً إلى أن المنطقة مشهورة بزراعة هذا النوع من المخدرات وتحتاج لعمل توعوي كبير وسط المواطنين مؤكداً استمرار حملات المكافحة حتى القضاء على الآفة التي دمرت الكثير من المجتمعات لا سيما الشباب، فيما شدد معتمد بلدية نيالا السني محمد أحمد إمام على عدم التساهل مع تجار ومروجي المخدرات والضرب عليهم بيد من حديد حفاظاً على سلامة المجتمع وعقول الشباب مقراً بأن المخدرات تعتبر واحدة من مشكلات الولاية ولابد من القضاء عليها ومحاربتها بكافة السبل.

الجريدة


تعليقات 13 | إهداء 0 | زيارات 3637

التعليقات
#1209684 [adil a omer]
0.00/5 (0 صوت)

02-16-2015 03:11 PM
والله ما تجاره استعمال شخصى خلاص ما تنجهونا وتدونا عين

[adil a omer]

#1209184 [كمال عبيد..]
1.00/5 (1 صوت)

02-16-2015 07:00 AM
طبعا حكومة السجم شاطرة في منع اي حاجة بتريح الشعب التعبان دا...شنو القبض وابادة وكلام فارغ...دا انتاج وطني يجب حمايتة بمنع استيراد البنقو...ويجب تغير القانون بحيث لايتم القبض علي من توجد عندة كواميت وطنية...الناس بتضرب في الشدائد مما الله خلق الدنيا ماشفنا زول ادمن ...وكواميت الردوم معروف الزول كان ما شرب معاها عصير او ليمون باااااااارد واكل باصته بيفط سطر ومن جانب اقتصادي فهي لاترعق ميزانية الاسرة يعني الزول ممكن يعملهخا بي كرت واحد يصطبح بيه وواحد يعصر بيه....مازي المستور...وشئ حبوب وشئ حقن...كمان ماافيه ريحة زي الشربة .
اقترح ان يكون في (بكتج) مع بشه في الانتخابات...اول ناس بصوتو ليه علماء السلطان كمان يجيبو ليه فتوه...والا يجي واحد كضااااب يقول لاقي الصحابي الجليل ابوهريرة في المنام قال ليه قول لبكور خلي الهبايب دي بتلحقك امات طه....صاحبك بشه اخذ نفس واحد بقي مكشر طوالي وامر بمداهمة الردوم...اها كايا كيف...

[كمال عبيد..]

#1209095 [burram]
1.00/5 (1 صوت)

02-16-2015 01:19 AM
معروف ومشهور بنقو الردوم بجودتة و نكهته المميزة عن بنقو المناطق الأخرى و عليه أن يتقدم بكرى بطلب للبرلمان بالعفو عن بنقو الردوم لأنو مزروع فى مناطق شدة و حروب وعدم إستقرار لأهالى المنطقه و عايزين نسمع رأى برلمان المشاطات فى بنقو الردوم خاصة فى علاجه لحالات الهلوسة و الشعوذة ورؤية أفلام أثنأ المنام ودخولها فى برامج النقاش المستفيض و البيع بأسعار تتفاوت حسب الراس و بعدها بكرى يرفع التوصية لهيئة علمأ السودان عشان يهيؤ الجو للرأى العام و إجرأ القرعة فى قارعة الطريق الما بودى ليك

[burram]

#1209038 [ابو صلاح]
1.00/5 (1 صوت)

02-15-2015 10:18 PM
دا اصلاً محصول نقدي زيو وزي الفول والسمسم وغيرهم .... شنو تم القاء القبض والكلام الفارق دا كده كرهتونا البنقو زاتو .

[ابو صلاح]

#1209030 [زيكو]
1.00/5 (1 صوت)

02-15-2015 09:54 PM
معلم بكور اصلي يااوسطا اشحنا قنا واسوقا انا

[زيكو]

#1208993 [ود الردوم]
1.00/5 (1 صوت)

02-15-2015 07:40 PM
ياحكومة وﻻية جنوب دارفور اهتمو بهذه المنطقة وانسانها الردوم تحتضن كم هائل من الموارد الطبعيه اذا تم استغﻻلها بصور افضل يمكن يخطي حوجت نصف السودان من تلك الموارد حيث ينتج الردوم من منطقة (دفاق) قصب السكر من افضل انواع بالاضافه الي الفواكه والخضروات فضﻻ عن وجود المحمييه الثانيه في السودان بعد الدندر

[ود الردوم]

#1208961 [السودانى]
0.00/5 (0 صوت)

02-15-2015 06:22 PM
بنقو تشوف وحاويات مليانة مخدرات فى المينا ما تشوف .

[السودانى]

#1208923 [جركان فاضى]
0.00/5 (0 صوت)

02-15-2015 05:04 PM
انتو بكرى دا trade mark للبنقو؟

[جركان فاضى]

#1208921 [مسطول ما لاقى قندول]
1.00/5 (1 صوت)

02-15-2015 05:03 PM
كدى من مهاتراتكم دى ...... هسى الثروة الذهنية دى بتخلصوا منها وين .... اهم شى رئيس اللجنة منو ..... أفهمونا بقى؟؟؟؟

[مسطول ما لاقى قندول]

#1208846 [تقابة]
2.00/5 (1 صوت)

02-15-2015 02:43 PM
يجازي محنكم يا ناس الراكوبة ههههه

[تقابة]

#1208832 [المستعرب الخلوي]
0.00/5 (0 صوت)

02-15-2015 02:28 PM
ههههههههههههههههه بكري دا شكلو الان مسطول والصورة دي الا كان جندتوا ليهو ولدو وصورو ليكم يا ناس الراكوبة

[المستعرب الخلوي]

#1208710 [المتجهجه بسبب الانفصال]
5.00/5 (1 صوت)

02-15-2015 12:05 PM
أقترح على الاخوة في ادارة الراكوبة عدم وضع صورة بكري حسن صالح في الاخبار الواردة عن حوادث البنقو ،، دعونا نكون أفضل منهم ،،،

[المتجهجه بسبب الانفصال]

ردود على المتجهجه بسبب الانفصال
United States [الدنقلاوي] 02-15-2015 08:54 PM
أقترح على الاخوة في ادارة الراكوبة (مواصلة) وضع صورة بكري حسن صالح في الاخبار الواردة عن حوادث البنقو ،، (توعيةً بأضرار المخدرات وتأثيرها الضار على المظهر العام للمتعاطي ومقدراته العقلية) .... دعونا نكون أفضل منهم ،،،

[عبد الجبار موسى الفكى] 02-15-2015 01:48 PM
ليه . بتغتغت ليه . ﻻزم كل الناس تعرف ما نوع الناس الحاكمننا . احسن منهم شنو ؟ الغتغتة دى هى الضيعتنا . رؤساء ووزراء ومجلس سيادة والرفع العلم وغيرو وغيرو كلو ما نافع حرامية ولصوص وبتاعين بنقو وسكر ومثيلين واغبياء وحمير و ما عندهم ذرة من الوطنية . ﻻزم يتكشفوا وﻻزم ينفضحوا . قال احسن منهم قال

European Union [المتغرب الأبدي] 02-15-2015 01:20 PM
أوافقك ..



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة