الأخبار
أخبار إقليمية
المريخ السوداني يسقط أمام عزام التنزاني
المريخ السوداني يسقط أمام عزام التنزاني
المريخ السوداني يسقط أمام عزام التنزاني


02-15-2015 08:45 PM
كووورة
تعرض المريخ السوداني، لخسارة غير متوقعة من مضيفه عزام التنزاني بنتيجة 0-2 في المباراة التي أقيمت عصر اليوم على ملعب عزام بالعاصمة التنزانية دار السلام في ذهاب الدور التمهيدي لأبطال إفريقيا، الأمر الذي ربما صعب من مهمة المريخ في لقاء الإياب يوم الثامن والعشرين من الشهر الحالي للعبور إلي الدور المقبل من البطولة .

تقدم أصحاب الأرض بهدف السبق في الدقيقة 10 من انطلاقة المباراة من خطأ دفاعي قاتل لمدافع المريخ علي جعفر الذي مكن الفريق التنزاني من الوصول لشباك جمال سالم حارس المرمي .

في الشوط الثاني دفع مدرب المريخ الفرنسي جارزيتو بالمهاجم المالي مامادو تراوري بديلاً لبلة جابر ولعب الغاني أوكرا بديلاً للمدافع على جعفر.

وسنحت فرصة ادراك التعادل للمريخ عن طريق لاعب الوسط رمضان عجب إلا ان مدافع عزام ابعد الكرة وهي في طريقها للشباك.

ومن خطأ آخر من المدافع أمير كمال كاد المهاجم تستيسي يعزز تقدم فريقه بهدف ثاني إلا ان الكرة مرت بجوار القائم ، وواصل المريخ فرض أسلوبه الضاغط على مرمي عزام إلا ان المهاجمين غابت عنهم النجاعة التهديفية خاصة من بكري عبدالقادر الذي أضاع لوحده اكثر من ثلاثة أهداف والبديل تراوري والكيني الأن وانجا .

وشهد النصف الأخير من الشوط الثاني هجمات متواصلة من لفريق السوداني سعياً لإدراك التعادل ولكنها لم تشكل خطورة حقيقية على عزام التنزاني الذي تراجع لحماية خط الظهر لإيقاف هجمات المريخ واعتمد على الكرات المرتدة التي شكلت خطورة على حارس المريخ جمال سالم .

ودفع الفرنسي جارزيتو بلاعب المحور الدولي علاء الدين يوسف بديلاً لقائد الفريق راجي عبد العاطي وذلك بعد مرور 76 دقيقة وفي الدقيقة 80 نجح عزام التنزاني في إضافة هدف ثان براسية قوية للبديل بوكو فشلت معها محاولات الحارس جمال سالم في غياب التغطية الدفاعية .

وضاعت فرصة تقليص الفارق للمريخ من تسديدة على الدين يوسف ابعدها الحارس لركنية وفي الدقيقة الأخيرة من الزمن الرسمي أضاع الكيني وانجا فرصة مضمونة بعد ان راوغ احد المدافعين إلا انه سدد الكرة خارج الشباك ، لتنتهي المباراة بفوز عزام على المريخ بهدفين نظيفين .

وسيحتاج الفريق السوداني لأكثر من هدفين في لقاء الإياب بالخرطوم يوم الثامن والعشرين من الشهر الحالي للعبور الفريق التنزاني .

وستعود بعثة المريخ إلى الخرطوم يوم غدٍ الاثنين عبر الخطوم الأثيوبية .

كووورة


تعليقات 27 | إهداء 0 | زيارات 8565

التعليقات
#1209798 [حلفانكيل]
0.00/5 (0 صوت)

02-16-2015 05:54 PM
المفروض الاتحاد الافريقى يعمل كاس للبتجاوز التمهيدى عشان المريخ يجاهد عشان يشيلو ههههههه

اللهم لا شماته

اخترع الاسم الجديد للمريخ :

KG1

[حلفانكيل]

#1209776 [Siddig Hussein]
0.00/5 (0 صوت)

02-16-2015 05:24 PM
والله مافي شي حا يريحنا من المريخ غير انو طيراتم تنزل في مقر الدواعش و ينزلو فيهم اعدامات بدءا من المدرب ولغايه المدعو على جعفر و ب كدا نتمكن نعمل فريق جديد مكون من روابط الناشئين وبلا تكلفه تذكر اما ديل ورب العزه ما يستاهلو يتنفسو زيينا الهواء العفن

[Siddig Hussein]

#1209759 [راسبوتين]
0.00/5 (0 صوت)

02-16-2015 04:50 PM
المال وحدة لن يصنع فريق، ولن تسهم المباريات الاعدادية الوهمية المدفوعة القيمة في اعداد حقيقي، كما ان استجلاب مدربي ولعيبة الهلال لن يجلب بطولات، ومن جديد سيضحك غدا جوغة الارزقية والمطبلين و المنتفعين علي صفحات الجرائد الصفراء علي جمهور المريخ الطيب بمعسكر اعدادي يتالق فيه اللاعبين علي صفحات اعمدة سماسرة الغفلة استعدادا لسيكافا جديدة..
والساقية مدورة والعداد بحسب

[راسبوتين]

#1209648 [ابوجلمبو]
0.00/5 (0 صوت)

02-16-2015 02:31 PM
كرم شديد يا المريخ قالوا ليكم الفريق اسمه ازام مش عزام
قاعدين تعزموا عليهوا بالاقوان

[ابوجلمبو]

#1209644 [جاكوما]
0.00/5 (0 صوت)

02-16-2015 02:23 PM
اصبروا يا مريخاب السنة الجاية وسجلوا ابوبكر كيبى من الهلال
وكمان المدرب البلجيكى معاهو زيادة ، لعلكم تتجاوزوا التمهيدى

[جاكوما]

#1209507 [اب جاكوما اللي بحب المريخ]
0.00/5 (0 صوت)

02-16-2015 12:01 PM
لاحول ولا قوة إلا بالله ياجماعة البركة فيكم

لاحول ما كنت عارف الخبر السمح إلا قبل شوية لا حول** اثنين زيي السم لاحول دا شنوووووو من اول يوم من اول تمرين من اول مباراة رسمية كشفت المستور

ليه كدا عزام التنزاني بالغتو وشذيتو ياناس التمهيدي يا اول ابتدائي ليه كدا انت كل سنة كدا ليه

الواحد الان يضحك ولا يبكي

لكن انا بضحك اصلوا الضحك بيخلي الزول سعيد وبما انا حزين على خسارة المريخ بضحك وبضحك ووووووراارارارارارارار كررورروروو وهههههههههههها هههههههههههي ضحكات منوعة

خلاص ياناس المريخ خليكم في تشاهد غدا
ولنا عودة

[اب جاكوما اللي بحب المريخ]

ردود على اب جاكوما اللي بحب المريخ
European Union [aminov] 02-17-2015 02:40 AM
خطأ نقع فيه كثيرا ان نقول لا حول دون اكمالها- لا حول ولا قوة الا بالله-.


#1209450 [ودنافع]
0.00/5 (0 صوت)

02-16-2015 11:03 AM
كل سنة من التمهيدئ .

[ودنافع]

#1209438 [ساري طه]
5.00/5 (1 صوت)

02-16-2015 10:51 AM
للمرة المليار ياجمال الوالي سيب البتعمل فيه ده وقروشك ده اصرفها علي ناشيئن واشبال سودانيون ينفعوا السودان وينفعوا المريخ أحسن من ناس وانغا وتانقاوترتور وغيرهم السودان وانت الخسرانين ماذا فعل جمال سالم للهدفين ومارائك في اكرم في مباراة الاهلي صاحب العقل يميز
مدرشة اشبال وناشئين للمريخ وتكون زخر للسودان الحل الوحيد

[ساري طه]

ردود على ساري طه
[ود النوبة] 02-16-2015 11:28 AM
دا اذا اصلا القروش حقتو هو


#1209437 [علي]
5.00/5 (2 صوت)

02-16-2015 10:51 AM
أحلف ليكم بـ شنو انو المريخ ح يتخطى عزام.
انتو هلالاب حاقدين ما تعرفو تحللو الكورة.
المريخ هُزم بسبب سوء الطالع لكن أدى مباراة كبيرة جداً.
لكن الهلال فاز بسبب ضعف الخصم.
هلالاب حاقدين

[علي]

ردود على علي
European Union [aminov] 02-17-2015 02:44 AM
سوء الطالع عبارة شركية وتعني انه في يوم لعبهم لمن يكن النجم الطالعىفي صالحهم والصحيح أن ترجع الأمر لمشئية الله~ قدر الله وما شاء كان.

[هلالابي صادق] 02-16-2015 07:15 PM
اثني على كلامك اخي علي وقد يتأهل المريخ ويخرج الهلال لان المريخ فعلا ادى مباراة كبيرة الا من الاخطاء الفردية اما هلالنا والله ما بطمن ابدا .

European Union [ساري طه] 02-16-2015 01:16 PM
الحقد في شنو يا موهوم دي الحقيقة المحترفين ديل مابيجبوا مريسة تام زين للمريخ والسودان احسن الصرف البذخي ده يصرفوا علي الاشبال والنأشئين ينفعوا السودان والمريخ عشرين سنة لقدام كفاية انصاف محترفين يا وهم قال حاقدين اذا اتخطيت ح تمشي وين الترجي قدامك ( ود ام بعلو) داك بتعرفوا


#1209426 [[email protected]]
0.00/5 (0 صوت)

02-16-2015 10:41 AM
على الصحفيين المطبلاتية ان يصمتوا وعلى جمال الوالي ان يستعين بقدامى اللاعبين وابعاد كل من لم يمارس كرة القدم في الدرجة الممتازة او الاولى وسماسرة اللاعبين والاهتمام بالبراعم والاشبال بدل من استجلاب وتجنيس محترفين لا فائدة منهم.
او ان يذهب غير مأسوفا عليه

[[email protected]]

#1209403 [12548]
0.00/5 (0 صوت)

02-16-2015 10:25 AM
وفي مباراة العودة لن يستطيع المريخ ان يفعل شيئا -- وان فعل فربما ( والله اعلم ) ان فاز فلن يفوز الا فوزا معنويا ( 1/0 او 1/2 ... خلااااااااص الكورة في السودان ماتت وشبعت موت --- نحنا بنتفرج على الدوري السعودي والاماراتي - حيث الابداع الكروي ------ حريقة في الكيزان

[12548]

#1209387 [القرص المفترس]
0.00/5 (0 صوت)

02-16-2015 10:13 AM
القال منو هزيمة غير متوقعة انا شخصياً متوقعها شنو يعني جايبين محترفين للبطولة المحلية فقط

[القرص المفترس]

#1209355 [abuahmed]
0.00/5 (0 صوت)

02-16-2015 09:51 AM
مافي مشكلةبطولة سيكافا قربت

[abuahmed]

#1209344 [ود بري]
0.00/5 (0 صوت)

02-16-2015 09:40 AM
وبدأ السقوط فرق محلية .. حدها مريخ الفاشر .. والجنينة .. وحديقة الحيوان

[ود بري]

#1209327 [جني]
5.00/5 (1 صوت)

02-16-2015 09:25 AM
تمهيداااااااااااااااااااااااب

[جني]

#1209299 [ابوايمن الحلاوى]
0.00/5 (0 صوت)

02-16-2015 09:07 AM
يا امة من يتلهون بكرة هلال ومريخ !! بصراحه وعقلانيه خلونا نتفرج على اى دورى سعودى وبعدها نجعل وجه الشبه والمقارنه من حيث ماهية كرة القدم !!! أولها البنيه الجسمانيه للاعب الكره:: العمر السنى ومن متى بدأ شغفه بمارسة الكره:: حياة الاستقرار لهذا اللاعب فى اعداده نفسيا:: يعنى مش اكون نشأ طفران وعمره ما امتلك دراجه ، ومن تهديفه قويه فى تمرين ما اصابت المرمى فى مقتل يعنى ضربة حظ بعدها اصبح حديث الحله ومن ثم تم الترويج مقابل مصلحه ماديه وبعدها لبس شعار النادى العاصمى واصبح حديث العاصمه !! وساعتها اكون صاحبنا امتلك البيت والسياره وجاب اهله واصبح ترطيبه وبعدها الكره العندو انتهت من يوم توقيعه!!!! الانديه الكبيره لا تباشر مراقبة اللاعبين لفتره قبل تسجيلهم !! لايوحد نادى او جهه ترعى الاشبال من صغرهم !! اننى لست بخبير فى عالم الكره ولكننى اعش على ذكريات الماضى التليد للعهد الذهبى ايام الاحتراف المبكر للاعب السودانى عباقرة زى قرن شطه فى مصر وعلى جاجارين والنقر فى المملكه والدحيش فى الكويت(كاظمه) والفاضل سانتو بالامارات (النصر) ووووو. ومن مقالى هذا اتعهد والتزم بتكوين فريق قومى لايقهر وقادر ان اصل به الى العالميه شريطة منحى امتياز الاختيار لاعداد الفريق ،، يعنى بعد 12 سنه لهم الحق بالسؤال اين الفريق؟؟"؟ ووعدا سوف يكون عندنا منتخب قومى لايتعدى متوسط اعمارهم 22 سنه وساعتها نراهم يجندلون اعتى الفرق وسوف يختفى المنتخب باحتراف كل لاعبيه فى انديه خارجيه وبعدها نكون كسرنا عقدة التقهقر الكروى ،، وفى انتظار مشورة سادة واباطرة وتماسيح الكره وفوق فوق منتخبنا فوق قولوا امييييييييين يا مصلييييييين...

[ابوايمن الحلاوى]

#1209286 [الدنيا والاخرة]
5.00/5 (1 صوت)

02-16-2015 08:59 AM
2/0

[الدنيا والاخرة]

#1209265 [الكونت]
5.00/5 (1 صوت)

02-16-2015 08:42 AM
منو القاليكم غير متوقعة فريقكم في البطولات الافريقية متوقعة 1000 في المية لانو مساعدات حكام مافي ، السنة دي اعملو ليكم 3 سيكافا كدا على الاقل تلموا في واحدة

[الكونت]

#1209253 [خاتي اللوم]
5.00/5 (1 صوت)

02-16-2015 08:29 AM
كيف يعني هزيمة غير متوقعة،هذا الاعلام المريخي المتخلف الجاهل هو اول أسباب الهزيمة حينما صور للاعبين ان عزام فريق مغمور ويسهل اجتيازه ،

بلا يخمكم ،كرهتونا المريخ

[خاتي اللوم]

#1209209 [راشد]
5.00/5 (1 صوت)

02-16-2015 07:37 AM
وهكذا تفشل عملية صنع الشربات في زمان الفسيخ

[راشد]

#1209196 [Abo alkalas]
5.00/5 (1 صوت)

02-16-2015 07:25 AM
هههههههههههههههه قال ما متوقعة قال

قايلين روحكم برشلونة ولا ريال مدريد ؟؟؟!!!

[Abo alkalas]

#1209130 [النورس]
5.00/5 (1 صوت)

02-16-2015 03:33 AM
بكري المدينة اكبر نكسة في تاريخ المريخ

[النورس]

#1209076 [ابوالبـــــــــــــنات]
4.50/5 (3 صوت)

02-16-2015 12:25 AM
المريخ ركب التونسيه؟ مافى جديد الطبع يغلب التطبع

[ابوالبـــــــــــــنات]

#1209058 [ماسورة]
4.50/5 (4 صوت)

02-15-2015 11:08 PM
مريخنا الهمام
اسد الكداد الزام
هزيت الفرق
من شالكا ل عزام

[ماسورة]

ردود على ماسورة
[ابوروف] 02-16-2015 08:59 AM
هيييييييييييييع كع


#1209054 [ابورامز]
1.00/5 (1 صوت)

02-15-2015 10:55 PM
غارزيتو اللة لا غز فيك البركة

[ابورامز]

ردود على ابورامز
United States [ود فليل] 02-16-2015 09:04 AM
هههههههههه عجبني تعليقك يا ابو رامز اي والله الله لا غز فيه بركه


#1209051 [مكافح]
4.50/5 (3 صوت)

02-15-2015 10:48 PM
هههههههههههههااااااااااااااااي
خالي عزام جهجه الحمام

[مكافح]

#1209039 [د. احمد حسن]
5.00/5 (3 صوت)

02-15-2015 10:28 PM
الله يخيبكم
كل الفرق السودانية محلية
صرف بذخي والناتج صفر كبير
فشل في فشل
الله يحرق دمكم

[د. احمد حسن]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة